https://www.youtube.com/embed/clecRGloHXY?si=gYzewAl9_yYJFj4Q" 

https://www.youtube.com/embed/PpgVFoGry1U?si=pPrm4EmEJ_wYoPq-"

Саяжай аумағында тұратын тұрғындар мемлекеттік қолдаусыз қала ма? Оралда бір топ азамат осы мәселеге алаңдаулы. Эвакуациялық орталық пен туыстарының үйін паналаған саяжай халқы 1 апта болды шарасыз отыр. Тұрғындардың мұң-мұқтажы алдағы сюжетте.

Баспанасыз қалам ба деп алаңдаған тұрғынның бірі Марат Айтқалиев. Ол отбасымен 4 сәуір күні «Тополек» саяжайынан Мичурин мектебіне эвакуацияланған. Екі бөлмелі баспанасын тасқын су шайып кеткендіктен, амалсыз уақытша орталықты паналауға мәжбүр. Спорт залдың аядай бөлмесінде 5 адам тұрып жатыр.Отанасы Мичурин ауылдық округінің әкімдігі уақытша баспана бергенін айтады. Алайда, бөлме іші сыз тартқандықтан, эвакуациялық пунтке қайта оралыпты. Оларды дәл қазіргі уақытта баспана мәселесі алаңдатуда. Өйткені жеке шаңырағы саяжай аумағында орналасқандықтан, бұл статус жаңа баспана беру немесе қайта салу жұмысына кедергі келтіруі мүмкін. 

МАРАТ АЙТҚАЛИЕВ, МИЧУРИН АУЫЛДЫҚ ОКРУГІНІҢ ТҰРҒЫНЫ

Гүлвира Сүндетқалиева да баспана мәселесімен бетпе-бет келіп отыр. Бес баласымен туысының үйінде бас сауғалаған көпбалалы ана әкімдікке өтініш қалдырыпты. Әлі бір реттік өтемақы алмаған.

ГҮЛВИРА СҮНДЕТҚАЛИЕВА, МИЧУРИН АУЫЛДЫҚ ОКРУГІНІҢ ТҰРҒЫНЫ

Әкімдіктің айтуынша, Марат Айтқалиев пен Гүлвира Сүндетқалиеваның мәселесін арнайы комиссия шешеді. Оған дейін облысқа жеткен гуманитарлық көмек есебінен бұл отбасыларды қолдауды жалғастырамыз»,- дейді Зейнолла Қалиев.   

ЗЕЙНОЛЛА ҚАЛИЕВ, МИЧУРИН АУЫЛДЫҚ ОКРУГІ ӘКІМІНІҢ ОРЫНБАСАРЫ

Марат Айтқалиев пен Гүлвира Сүндетқалиеваның өтініштері тасқыннан зардап шеккендер тізіміне алынған. «Арнайы комиссия ауыл-ауылды аралап жүр» деп нақтылады әкім орынбасары. Ол жұмыс тобының Мичуринге келер уақыты, тұрғындармен жүздесу күні белгісіз. Ал баспанасыз қалған отбасы су басқан тұрғын-жайын суретке түсіріп, бейнежазбаларын сақтап қойған.

https://www.youtube.com/embed/aHvImcFTR7Y?si=0o4vQpRKJ_yRe-FX"

Алматы облысындағы гидроқұрылымдардың 60-70% жарамсыз. Бұл туралы өңірге жасаған сапары аясында парламент сенатының депутаты Жанболат Жөргенбаев айтты.

Республика бойынша ең ірі су қоймаларының екеуі Алматы облысында орналасқан. «Күрті» және «Бартоғай» су қоймасы өткен ғасырдың 60-шы жылдарынан бері жұмыс істеп тұр. Олардың беріктігін зерттеу егіс алқаптарын суару жұмыстары аяқталған соң қолға алынбақ.Кейбір гидрологиялық нысандардың пайдалануға берілгеніне ғасырдан асып кеткен. Сондықтан, төтенше жағдайдың алдын алу маңызды.

ЖАНБОЛАТ ЖӨРГЕНБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ «Соңғы 30 жылдың ішінде кенжеленіп қалған бүкіл біздің гидроқұрылымдар, элегация жүйелерінің барлығының тозығы жетіп, 60-70% дейін жарамсыз болып қалған жағдайлары бар. Су көлемінің шығынға кетіп жатқан себебі сол. Бұл саланы қозғасақ, өте өзекті, қордаланып қалған мәселелер өте көп. Облыста жағдай орташа. Халыққа төніп тұрған қауіп жоқ. Көтерілген мәселелер талқыланып,кейін кеңейтілген отырыстар жасап, үкімет пен министрлікке өзі ұсынысымызды айтамыз. Көп жағдайда себебін білі керек. Салдардың алдын алу керек».

Күртінің сыймдылығы 120 млн текше метр. Дәл қазіргі уақытта 100 млн текше метрге жуық су бар. Бартоғай су қоймасы 320 млн текше метр суға арналған. Қазір оның 70 пайызы толған. 

МАҚСАТ АЯШЕВ ҚР СРИМ СУ ШАРУАШЫЛЫҒЫ КОМИТЕТІ ТӨРАҒАСЫНЫҢ ОРЫНБАСАРЫ: «Төменгі жерде орналасқан магистральды жүйелерді қалпына келтіру жұмыстарын жүргізуіміз керек. Өйткені, осы жерде жиналған сулардың барлығы жеткізілу барысында көбісі жоғалады. Жерге сіңіп. Сол жұмыстарды жоспарлап отырмыз».

Жанболат Жөргенбаев Бартоғай су қоймасын күрделі жөндеуден өтетінін жеткізді. Қазір жобаның сметалық құжаты әзірленіп жатыр.

https://www.youtube.com/embed/MMYSLzzz3QM?si=HmjrcCXYyZUfeXFn" 

Алматыда «Жас сарбаз» патриоттық ойындары ұйымдастырылды.Шараға қатысушы жастар әскери тактикаларды меңгеріп, түрлі сынақтардан өтті.

"Жас Сарбаз" патриоттық ойындарының негізгі мақсаты өскелең ұрпақтың бойында жоғары Отан сүгіштік пен адамгершілік қасиеттерді, азаматтық белсенділікті дамыту.Сонымен қатар телефонға телмірген жастардың көңілін салауатты өмір салтына аудару болып табылады. Алматы жолаушылар көлігі және технологиялар колледжінің базасында өтіп отырған шараға қатысушылар белсенді ойын өрнектерін көрсетті. Олар әскери-қолданбалы спорт түрлерін танымал етуге өздерінің үлестерін қосты.

СЕЙІТБЕК СҮЛЕЙМЕНОВ АЖКТК ДИРЕКТОРЫ

Әскери тактикалық ойындардың сынақтарынан сүрінбей өтуге тырысқан жастар, шама-шарқы жеткенше қырағылық танытып, ойын ережелерін бұзбауға күш салды.Жаудан қорғану, аса дәлдікте мергендік көрсету, жылдамдық пен ақылды дұрыс пайдалану секілді шарттарды орындай білді. Шара барысында жүзден жүйрік шыққандары арнайы марапаттарға ие болды. Тіпті кейбір жастар,өздерінің болашақтарын осы оқу орнымен байланыстырғылары келетіндіктерін айтып жатты.

https://www.youtube.com/embed/9_yxbgIA9vA?si=kQ14UpnCWwtz4jxh" 

https://www.youtube.com/embed/Vsj1GtErWEc?si=J1XqcOIW5bheferh" 

Адам – табиғаттың төл перзенті. Халқымыз көктем келісімен ауласын тазалап,су ағатын арықтарды ашып, көктемнің көркін кіргізген.Мемлекет басшысының тапсырмасы аясында еліміз бойынша Республикалық "Таза Қазақстан" экологиялық акциясы бастау алды.Аталмыш шараға Алматы облысына қарасты Ұйғыр ауданының халқы да ерекше ықыласпен ат салысты. Жергілікті тұрғындар мен қоғам белсенділері, ұйымдар мен кәсіпорындардың қызметкерлері аймаққа қарасты барлық ауылдардағы  белгіленген аулаларды тазалау, көгалдандыру, ағаштарды күтіп-баптау жұмыстарын жүргізуді қолға алды.

АҚЖОЛ ТАШКЕНОВ АЛМАТЫ ОБЛЫСЫ ҰЙҒЫР АУДАНДЫҚ ІШКІ САЯСАТ БӨЛІМІНІҢ БАСШЫСЫ

https://www.youtube.com/embed/5mKzwNmekxY?si=2SQDqV9ONRHkehX_" 

Су тасқынына байланысты өңірлердегі ахуал әлі де күрделі күйінде қалып отыр. Бүгін түнде Солтүстік Қазақстан облысындағы тағы бір ауыл тұрғындары эвакуацияланды. Есіл өзеніндегі су деңгейінің көтерілуіне байланысты Үлкен Малышка ауылындағы тұрғын үйлерді су басу қаупі туындады.Барлығы 8 мыңға жуық адам құтқарылды. Оның 2 мыңдайы балалар. Ал, бүгін Батыс Қазақстан облысының әкімі Орал қаласының тұрғындарына үндеу жасады. Толығырақ алдағы бейнематериалда. 

Оралға қауіп төнуі мүмкін. Облыс әкімі осылай деді. Қазір қалада эвакуциялық пунктер жасақталған. Олар тұрғындарды үздіксіз, тәулік бойы 24\7 қабылдайтын болады. 

ЕРХАН ТАТКЕН БҚО ӘКІМІНІҢ БАСПАСӨЗ ҚЫЗМЕТІНІҢ БАСШЫСЫ:  
«Мамандардың айтуынша Ресей Федерациясынан судың мол көлемі 2-3 күнде облысымызға жетеді. Қалыпты деңгей 8,5 метр болса, бүгін Жайық деңгейі 8 метрге жуықтаған. Қазір төтеншеліктер мен күштік құрылымдар тәулік бойы жұмыс істеп жатыр. Су тасқынына өңірімізден және республиканың өзге аймақтарынан 6389 адам және 1403 бірлік техника соның ішінде 645 бірлік арнайы техника жұмылдырылған. Еріктілер мен қарапайым азаматтар да қолдан келген көмектерін аямай жатыр». 

Өзге өңірлерде де ахуал мәз емес. Мәселен, Қостанай облысында 50-ден аса үй әлі де су астында. Уақытша орналастыру пункттерніде 200 – дей адам тұрып жатыр. Ал, бүгін түнде Солтүтік Қазақстан облысының бір ауылына қауіп төніп, түгелдей бүтін бір ауыл тұрғындары құтқарылды. Жалпы республика бойынша су тасқыны басталғаннан бері 111 мыңнан аса адам эвакуацияланған. 

ЕРАСЫЛ САЙПАШ ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ: «9, 5 млн текше метр еріген қар суы сорылып шығарылды. 2 млн 200 мың қапшық, 1,2 млн тонна инертті материал төселді. Бүгінгі таңда авариялық құтқару жұмыстарында 33 334 адам, 4066 бірлік техника, оның ішінде 835 су сору құралы, 275 жүзу құралы, 11 әуе-кемесі жұмыс істеп жатыр».

Ақмола, Ақтөбе, Қостанай, Атырау, Солтүстік Қазақстан облыстарына жан-жақ өңірден, алыс-жақын шет елден де гуманитарлық көмек барып жатыр. Зардап шеккен облыстарға жалпы саны 1400 тонна көмек жеткізілді. Аталған  аймақтарда құтқарушылар мен еріктілер де  жеткілікті. Бүгін тағы Атырау облысының Индер ауданына Тараздан 350 әскери қызметші барды. Ал, желіде мына құтқарушыларға тәтті ұсынып жүрген қыз жұртты сүйсінтті. 

Суға кеткен үйлерге қатысты 3 жедел топ құрылды. Олар зардап шеккен аймақтарға барып, жағдайды көзбен көріп, үй салатын орындарды анықтайтын болады. 

МЕРУЕРТ ИБРАЕВА ҚР ӨНЕРКӘСІП ЖӘНЕ ҚҰРЫЛЫС МИНИСТРЛІГІНІҢ РЕСМИ ӨКІЛІ: «Ақтөбе облысына сапары барысында Өнеркәсіп және құрылыс министрі Қанат Шарлапаев су тасқынынан зардап шеккендерге жаңа тұрғын үй салу үшін әкімдік бөлген жер учаскелерінің жай-күйін тексерді. Әкімдіктің ақпараты бойынша өңірде 436 дайын жер учаскесі бар, оның ішінде Ойыл ауданында - 321, Қобда ауданында - 77, Әйтеке би ауданында - 22, Темір ауданында 10 және Ақтөбе қаласында 6 жер учаскесі бар».

Айтпақшы, Қаржы министрлігі су тасқынынан зардап шеккендердің салықтық жүктемесі бірінші шілдеге дейін шегіріледі деді. Кешіктірілген уақытқа өсімпұл мен айыппұл жүрмейді. 

https://www.youtube.com/embed/rfUOKFi0oGU?si=5AjqTw6f3__EQmqm" 

Петропавлдың Заречный кенті, Былғары зауыт, Ойқала, Куйбышев аудандарын және Борки кентінің 1105 тұрғын үйін тасқын су басты. Қазіргі уақытта кезекшілік жұмыстар қарқынды жүруде.

Ойқала ауданы, Заречный кенті мен Хром зауытын тасқын су басқандықтан, көлік қатынасы тоқтады. Тұрғындардың барлығы қауіпсіз жерге жеткізіліп, жауаптылар жабыла жұмыс жасауда. 

МАРАТ ЖҰМАЛИЕВ СҚО ПЕТРОПАВЛ ҚАЛАЛЫҚ ПОЛИЦИЯ БАСҚАРМАСЫНЫҢ БАСТЫҒЫ: «Судың деңгейі ақырындап көтеріліп келеді. Қауіп әрине бар. Көпір бойындағы Потанин көшесіндегі судың ағысы қатты. Бүгін таңғы сағат 5 тен бастап суда қалған үй жануарларды құтқару жұмыстары жүргізілді. Қазіргі уақытта су астында қалған үйлерді айтатын болсам. Заречный кенті суға кетті, Хром зауыт 1384 тұрғын бар оның 1340 адамы эвакукацияланды».

Сондай ақ, Ойқала ықшам ауданын да су басты. Полиция қызметкерлері қарашаны қауіпсіз жерге жеткізіп үлгерген.

ЖАНГЕЛДІ АПЕНОВ СҚО ПЕТРОПАВЛ ҚАЛАЛЫҚ ПОЛИЦИЯ БАСҚАРМАСЫНЫҢ БӨЛІМ БАСТЫҒЫ:  «Кеше кештен бастап Подгора аумағын су басып кетті. Сондықтан үйлерінде қалып қойған адамды құтқарып жатырмыз. Өзіміз судың ішінде жүрсек те. Бүгін таңнан бастап Подгора аумағында адамдар үйлерінде қалмады деп айта аламын. Қазіргі уақытта чс-пен бірге қалып кеткен жануарларды шығарып жатырмыз. Тағы да бір факты бөтен адамдар жүрмес үшін блок посттар қойып Подгораның аумағына ешкімді кіргізбей жатырмыз. Яғни ұрлық, тонау болмас үшін».

Жолаушылар аудандағы көпір жабық болғандықтан, Новакаменка ауылы арқылы өтіп Бескөл ауылымен қалаға кіре алады.

https://www.youtube.com/embed/62jALmginoo?si=dVPU17LRZC5JrhHx" 

https://www.youtube.com/embed/RfN6p_cezaU?si=TIBDSxeHpHGO2xP0" 

«Таза Қазақстан». Республикалық акциясы басталды. Ертең Астанада  қалалық сенбілік. Жергілікті әкімдік сенбілікке шығатын адамдарды ынталандыру үшін 450 мың теңге жасырып қойды. Ақшаны қаланың үш орнына тығып қойған. Оны көше жинап жүргендердің бірі, тауып алуы керек.

https://www.youtube.com/embed/WoptJZ0rnBo?si=6ABVM_S7dOYIK8sT" 

12 сәуір ғарышкерлер күні. Атаулы күні жылда Темірбек Жүргенов атындағы қазақ ұлттық өнер академиясының ұжымы «Байқоңыр» атты сурет көрмесін 5 мәрте ұйымдастырды.

Өнердің қара шаңырағында өткен көрмеге 26 шығармашылық туынды қойылды. Өнертанушылар, қала тұрғындары мен шетелдік қонақтар тамашалаған «Байқоңыр» атты көрменің мақсаты ғарыш саласына өнер академиясының шәкірттері бейнелеу өнері арқылы өз үлестерін қосу. 

БАУЫРЖАН БАЙДІЛДӘ Т.ЖҮРГЕНОВ АТЫНДАҒЫ ҚАЗАҚ ҰЛТТЫҚ ӨНЕР АКАДЕМИЯСЫНЫҢ КЕСКІНДЕМЕ ЖӘНЕ ДИЗАЙН ФАКУЛЬТЕТІНІҢ ДЕКАНЫ

Осымен бесінші мәрте өтіп жатқан шара арқылы шәкірттеріміздің кәсібилігін шыңдай отырып бейнелеу өнерімізді әлемдік деңгейге көтеру дейді жоба авторы.

БОЛАТ ТҰРҒЫНБАЙ ЖОБА АВТОРЫ

https://www.youtube.com/embed/RDBUSK9YkNQ?si=_sGpcOS5KIrZnQ3r" 

Қызылордада кене шаққан 12 адам  дәрігерге жүгінді. Оларға тиісті медициналық көмек көрсетілді. Қазір мамандар кенеге қарсы залалсыздандыру жұмыстарын жүргізіп жатыр. Бұл шара 10 сәуір мен 23 сәуір аралығында өтеді. 

ГҮЛМИРА СЫЗДЫҚОВА, ҚЫЗЫЛОРДА ҚАЛАЛЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫНЫҢ БАСШЫСЫ 
«2023 жылы 11 аймақ қолайсыз болып есепке алынса, 2024 жылы 12 аймақ болып өзгерді. Жыл басынан бері 12 кене шағу дерегі тіркелді. Оларға тиісінше емдік шаралар көрсетілді және қарым-қатынаста болған жанұя мүшелеріде тексерістен өтті. Бұл залалсыздандыру жұмыстары жыл сайын жүргізіледі. Биыл 10-23 сәуір болып бекітілді».