https://www.youtube.com/embed/sWBm9l9VjiM?si=aDYwM3mgQgPviqN9" 

“Таза Қазақстан” республикалық акциясы аясында, қарт Каспийдың жағалауында жатқан 50 тоннаға жуық құрғақ қамыс енді тиімді жүзеге аспақ. Оның екі пайдасы бар. Бірі – өртті алдын алса, екінші жағынан қураған қамыс биогумус пен жабын жасауға қолданылады. Қалған тұрмыстық қалдықтар полигонға жіберіледі.

Тазалық акциясына 20 мыңға жуық адам мен 400 ден аса арнайы техника жұмылдырылды. Аздаған күннің ішінде 500 тонна қоқыс жиналған. Ал, ақтаулық еріктілер қаладан 36 көлік қураған қамыс шөбін сыртқа шығарған. 

ӘСЕЛ БАЛМАНОВА МАҢҒЫСТАУ ОБЛЫСТЫҚ ТАБИҒИ РЕСУРСТАР ЖӘНЕ ТАБИҒАТТЫ ПАЙДАЛАНУДЫ РЕТТЕУ БАСҚАРМАСЫНЫҢ БАСШЫСЫ:  «Бүгінгі таңда теңіз жағалауында демалып, жаңа жасыл желектердің өсіп бой алуына өзіндік септігін тигізеді. Сол себептен халық осы соңғы өткен сенбілікке 111 организация қатысты және қала тұрғындары өздері ерікті болып келді. Соның өзі қуантарлық жағдай расымен де». 

Салтанат Бралина - қызыл құрт арқылы тыңайтқыш өнімін шығарумен айналысады. Ол қураған қамысты калифорниялық құрттарға азық ретінде пайдалануда. Олар жердің құрамын биогумуспен байытып, құнарлы қара топыраққа айналдырады. Нәтижесінде арнайы тыңайтқыш жасалынады.

САЛТАНАТ БРАЛИНА  КӘСІПКЕР: «Қамыстың үлкен пайдасы бурттардың ішінде сосын бөлек ағаштарды немесе басқа өсімдіктерді өсірсеңіз, дренаж арқылы жұмыс жасайды. Пайдасы өте көп. Себебі ылғалдығын сақтайды. Жердің ылғалдығын сақтайды».

Қызыл құрттардың өндіріп шығарған тыңайтқыштары базардың сауда әрі сұраныс көзі болып тұр. Себебі, Маңғыстауда егіншілер тыңайтқышқа өте мұқтаж. 

https://www.youtube.com/embed/X1qgiHroLsY?si=NkMtqxFaRubll7hO" 

Бүгін Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысы орын алды. Естеріңізге сала кетейік, Президент еліміздің бірқатар өңірінде су тасқыны салдарынан қалыптасқан күрделі жағдайды ескере отырып, биылғы сессияны онлайн-форматта өткізу туралы шешім қабылдаған болатын.

Шара барасында Қасым-Жомарт Тоқаев елімізде орын алып отырған жәйсіз жағдайға тоқталды. Осынау ел басына күн туған уақытта ауыз-біршіліктің маңызды екендігін тілге тиек етті. Сонымен қатар бұрын жоспарланған халықаралық іс-шараларды қысқарту туралы нақты тапсырма бергенін сөз етті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Биыл Астана халықаралық форумын өткізбейтін болдық. Әрине, бұл – елімізге қажет, өте маңызды жиын. Дегенмен оны кейінге қалдыра тұруға болады. Ал кезек күттірмейтін кездесулер мен іс-шаралардың жөні бөлек. Бұл ел игілігі үшін керек.Ассамблея сессиясы жыл сайын Бірлік күні қарсаңында өтеді. Ал биылғы басқосу мемлекетіміз үшін күрделі кезеңге тұспа-тұс келді. Шын мәнінде, бұл сессияны дәл осы кезде өткізудің мәні зор. Бірлік пен ынтымақ – ешқашан ескірмейтін құндылықтар. Бұған осы күндерде көзіміз жетті деуге болады.Халқымыз өте ауыр сынаққа тап болды. Қазақстан аумағының жартысын тасқын су басып қалды. Еліміздің мызғымас бірлігі осы қиын күндерде айқын көрінді.Құтқарушылар, волонтерлер, мемлекеттік қызметшілер, сарбаздар, тәртіп сақшылары, қоғам белсенділері, бизнес өкілдері және жастар – бәрі бірге жүр. Ортақ істен ешкім шет қалған жоқ. Бүкіл аймақта қоғамның барлық өкілдері бір кісідей жұмылды. Отандастарымыз зардап шеккен жандарға жаппай қол ұшын созды. Бір-біріне шынайы жанашыр болды. Мен қарғын сумен күресуге зор үлес қосқан нағыз отаншыл азаматтарға шексіз ризамын».

Елімізде бұрын соңды болмаған су тасқыны орын алып отыр. Қарапайым халық ел болып жұмылып, сын сағатты бастан өткеруде.Құтқарушылар күндіз-түні жұмыс істеп жүр. Ұлттық ұлан, Ішкі істер министрлігі, Қарулы Күштер, Ұлттық қауіпсіздік комитеті, Мемлекеттік күзет қызметінің жеке құрамы да белсене атсалысып жатыр деді Президент.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Менің тапсырмаммен мемлекеттік материалдық резервті пайдалануға рұқсат берілді. Республикалық және облыстық жедел штабтар жұмыс істеп жатыр. Қоғам белсенділері және волонтерлер гуманитарлық көмек жинауды қолға алды. Халқымыздың ынтымағы мен жоғары азаматтық жауапкершілігі осы кезде айқын көрінді. Бірқатар аймақтар инфрақұрылымды және бүлінген үйлерді қалпына келтіруге кірісіп кетті. Бұл шаруаға ірі бизнес өкілдері қосылды. Қоғам белсенділері де зор үлес қосуда. Еліміздегі компаниялар, жеке кәсіпкерлер түрлі көмек қорларына қомақты қаржы аударды. Қаражат күн сайын түсіп жатыр, көмек қоры ұлғаяды деп сенемін. Кәсіпкерлерге зор алғыс айтамын. Болашақта да халқымыздың игілігі үшін бірге жұмыс істейміз деп сенемін».

Жұртқа жан-жақты көмек беру үшін дереу Ассамблеяның республикалық және аймақтық штабтары құрылды. «Жүректен жүрекке» деген ауқымды акция жүргізіліп жатыр. Апат аймақтарына 1500 тоннадан астам азық-түлік және ең қажетті тауарлар жолданды. Оның жалпы сомасы шамамен 770 миллион теңге болған. Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн бірқатар отандастарымыз марапатталды. 

https://www.youtube.com/embed/rBPUP0dTLQM?si=qyGnIsbblrZ2On9r" 

https://www.youtube.com/embed/fxF4LOxkY7U?si=Pgl4aJ0JjphUja5I" 

Бүгін жас педагогтердің қатысуымен «Өз жұлдызыңды жақ» атты аудандық байқау өтті. Онда ұстаздар мәртебесін және шығармашылық әлеуетін арттыру мақсатында бақ сынады. 

АРУЖАН ҚАНАТҚЫЗЫ АЛМАТЫ ҚАЛАСЫ ТҮРКСІБ АУДАНДЫҚ БІЛІМ БӨЛІМІНІҢ ӘДІСКЕРІ: «Байқауымызға 19 мектеп, оның ішінде 22 жас маман қатысып жатыр. Жалпы мақсаты – жас мамандардың әлеуметтік дәрежесін, педагогтердің беделін арттыру. Аауданымыздан жас талантты анықтау». 

Байқау 4 кезеңнен тұрды. Әр турдан өту кезінде білімді қатысушылар өздерінің дарынын, шығармашылық әлеуетін көрсетіп, инновациялық идеяларын ортаға тастап, тың ақпараттарымен бөлісті. 

САЛТАНАТ ҚАЙРАТҚЫЗЫ АЛМАТЫ ҚАЛАЛЫҚ №203 ЖББ МЕКТЕПТІҢ  МҰҒАЛІМІ: «Бұл жалпы қалалық байқау болғандықтан, қазір бізде аудандық тур өтіп жатыр. Осы аудандық турдан өткен жас маман қалалыққа өтіп, сонда біздің ауданның намысын қорғайтын болады».

https://www.youtube.com/embed/jA0b6QeA_jY?si=9qMc8UiT5RKTahQ4" 

Баланың жан-жақты дамуы,толыққанды азамат болып қалыптасуы ұстаздар мен ата-аналардың ортақ ымырасына байланысты. Оқу-ағарту министрлігінің тікелей тапсырмасы аясында кешенді бағдарламалар жүзеге асуда. Соның бірі ашық-есік күндері.

Алматы қаласындағы № 207 мектеп-лицейінің қабырғасында ұйымдастырылып отырған шараның негізгі мақсаты ата-ана, оқушы, мұғалім арасындағы қарым - қатынасты жақсарту. Бала тәрбиесіндегі ата-ана көзқарасын кеңейту.
Ашық есік күні аясында ата-аналар балаларының шығармашылығын көріп, өнерін тамашалап, білімін бақылап, толғандырған сұрақтарына жауап алып, мектеп тынысымен кеңінен танысуға мүмкіндік алады.

ӘЛИЯ ЕЛЕМАНОВА АЛМАТЫ ҚАЛАЛЫҚ №207 МЕКТЕП-ЛИЦЕЙІНІҢ ДИРЕКТОРЫ

Жастарды жанжақты дамыту,ортақ мүдденің бірі. Білім шаңырағының қабырғасында сапалы білім мен қатар,саналы тәрбие беру жүйесі қатар жүреді. Өздеріңіз көріп тұрған жастардан құралған ұжым, мектеп ішінен ашылған «Сен» театрының өнерпаздары. Ата-аналар мен ұстаздардың,оқушылардың назарына екінші туындыны ұсынып отыр. «Балқадиша» қойылымын қойды.

САНДУҒАШ МҰСАБАЕВА ҚАЗАҚ ТІЛІ МЕН ӘДЕБИЕТІ ПӘНІНІҢ МҰҒАЛІМІ

НӘЗИЯ ҒАЛЫМҚЫЗЫ АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ ӘДІСКЕРІ

Театрды мектеп өміріне енгізуге мақсат - оқушылардың шығармашылығын  дамыту, балалардың бойына рухани қазынаны сіңіру және ұлтжандылыққа тәрбиелеу. Баланың сөйлеу мәнерін жақсарту және көпшілік алдында өзің ұстауға дағдыландыру.
 
ГҮЛШАТ ЕРКЕБАЕВА ТАРАЗ ҚАЛАСЫНАН КЕЛГЕН АТА-АНА

https://www.youtube.com/embed/UrIKDgSBcoo?si=7giZwnq6N1D1-ID1" 

Қазақ тілін дәріптеп жүрген аруларымыздың бірі - Аяжан Қойшыбай. Петропавл қаласының 20 жасар тұрғыны жастардың көп көретін аниме туындыларды төл тілімізде дыбыстап, ана тіліміздің қолданыс аясын кеңейтуде. Толығырақ алдағы бейнематериалда.

Аяжанның бұл істі бастағанына биыл 4 жыл толады екен. Ол тек анимемен ғана шектелмей, шетелдік атақты фильм, мультфильмдерге дубляж жасап,Instagram мен TikTok желілеріне жариялап жүр. Қазір бастаған ісінен қолдау тауып, Dopamine Voice дубляж студиясының құрамында жұмысын жалғастыруда.

АЯЖАН ҚОЙШЫБАЙ ПЕТРОПАВЛ ҚАЛАСЫНЫҢ ТҰРҒЫНЫ "Алғашқы енді үлкен жұмысым ол – «Титандар шабуылы» атты аниме болатын. Мен онда Микаса Аккерманды дыбыстадым. Өте қиын болды. Дауысым келмейді ма деп ойладым. Негізі халық қазақ контентін қатты күтеді. Жақсы көреді. Дегенмен өкінішке қарай, бізде қазақша сапалы контент өте аз".

Анасының сөзінше Аяжан бала кезінде әжесінің қолында өскен. Сол уақыттарда түрік сериалдарын тамашалап, ондағы әртістердің даусын қайталаған екен. Сондай-ақ, ол бала күнінен-ақ шығармашылыққа әуес болған.

САМАЛ ҒАБДУЛЛИНА АЯЖАННЫҢ АНАСЫ "Аяжанның осы дыбыстау өнерін 6 жасында байқадық. Біздің телефонымызды алып видео түсіретін. Ауылда тұрған соң, маңайдағы жан-жануарды видеоға түсіріп салады. Есімде қалғаны есік алдында бірнеше бие құлыншағымен жүргенде: «Анашым мен бұл суды ішкім келеді. Жоқ қызым бұл суға барма, су лай!» – деп. Осылай ең алғашқы виделары басталған". 

Кейіпкеріміз Dopamine Voice дубляж тобының құрамында толық бес жобаны дыбыстап үлгерген. Қазіргі уақытта дизайнер мамандығы бойынша білім алуда. 

https://www.youtube.com/embed/4qWE5VW0rCY?si=h5Gio6KQ1bX6Zs5K"

Шаған өзенінде су деңгейі көтеріліп, Орал қаласындағы Ягодка саяжайына тықыр таянды. Қауіптің алдын алу мақсатында Қызылорда, Қарағанды, Ақтөбе, Алматы өңірінің төтенше жағдайлар департаменттерінің қызметкерлері және әскери бөлімдердің сарбаздары бірігіп,бөгеттерді нығайту жұмыстарын жанталаса жүргізіп жатыр. Аймақтағы 120 қызметкерлердің күштерімен инертті материалдармен толтырылған 2900 қап төселді. Атап айтарлығы құтқарушылардың көмегімен  Ақжайық ауданындағы ауылдарда 18 бас жылқы жағаға шығарылған. Төрт түліктің иесі  құтқарушыларға алғысын да білдірді.Қызылорда облысының құтқарушылары қызу жұмыс үстінде.

МЕЙРАМБЕК ДОСПЕНБЕТОВ ҚЫЗЫЛОРДА ОБЛЫСЫ ТЖД ЖЕДЕЛ ҚҰТҚАРУ ЖАСАҒЫ БАСШЫСЫНЫҢ ОРЫНБАСАРЫ

https://www.youtube.com/embed/45Ejv14f024?si=XzoRJQdabtN7GCS8"

Бәріміз қолданатын «WhatsApp»  әлеуметтік желісіне өзін банк немесе полиция қызметкерімін деп таныстырып, түрлі мәтінде хабарлама жіберетін әккілердің саны көбейіп барады. Осыған орай Қызылорда қалалық полиция басқармасында «CyberPol» жедел тергеу тобы құрылды. Мақсат - алаяқтардың арбауынан қарашаны сақтау. Ұйымдасқан жедел топ істі жылдам жасауға тырысуда. Қарасы көп қараша жүретін жерлерге ескерту парақтары ілінуде. Естеріңізге сала кетейік, құрықталған интернет алаяқтарын заң талабына сәйкес 190 баптың 4 тармағы бойынша 3 жылдан 7 жылға дейін бас бостандығынан айыру жазасы қабылданған болатын. 

МАҚСАТ БАЙМАҒАНБЕТОВ ҚПБ КРИМИНАЛДЫҚ ПОЛИЦИЯ БАСТЫҒЫНЫҢ ОРЫНБАСАРЫ 

https://www.youtube.com/embed/BTLWUSn6uzA?si=YJM7082c_TQ6ssDI" 

Алматыда ертеңгісін басталған жауын үзіліспен әлі жауып тұр. Синоптиктердің болжауынша, нөсер үш күн тоқтаусыз жауады.

Алматыда күн райы бұзылды. Жел соғып, күн күркіреп, найзағай ойнады. Көктөбе телемұнарасын найзағай соқты. Оны  қала тұрғындарының бірі видеоға түсіріп алған. Оңтүстік астанада жауын жиі жауатын болды. Нөсер жауын қала көшелері мен жаяу жүргіншілер өткелдерін басып қалды. Арықтарға су толып, сыртқа тасып жатыр. Алматы әкімдігінің мәліметінше, жауын-шашын кезінде мотопомпа, шанц құралдарымен жабдықталған 52 жедел мобильді бригада кезекшілікке шықты.

Сондай-ақ 2500 қап құм дайындалады.Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы шықты. Ал түнгі уақытта 236 бірлік арнайы техника және 215 жұмысшы жұмылдырылады. Құтқарушылар күн райының бұзылуына байланысты жүргізушілерге көліктерін ағаштың түбі мен жол жиектеріне қоймауға шақырды.

https://www.youtube.com/embed/STKMH-rxmV8?si=bXtpVhg751vbtkvF"

Алматыда белгісіз біреулер халық көп жиналатын жерде көзді ашытатын өткір иісті бұрышты баллонды шашып жіберген. Арбатта қыдырып жүрген адамдар тұншығып, жөтеліп кетті. Қалалық полиция департаментінің өкілдері қоғамдық орында бұрыш баллонды шашқан бұзақының кім екенін анықтап және оның міндетті түрде жауапқа тартылатынын жеткізді.

https://www.youtube.com/embed/WiTO__8T714?si=uiPiBtqlkaLGPYxz"

Ақтауда ер адамның аулада тұрған көлікке секіріп, тепкілеген видеосы әлеуметтік желіге тарап кетті. Куәгерлердің айтуынша, оқиға 32В ықшамауданындағы №8 үйдің маңында болған. Видеода ер адам ойын алаңында сусын ішіп, сосын жақын жерде тұрған көлікке секіріп, оны күшпен теуіп, кейін белгісіз затты лақтырғаны көрінеді. Бұдан кейін ол қашып кеткен.Жергілікті полиция өкілдері құқықбұзушылық 23 сәуірде сағат 07:00-де жасалғанын хабарлады. Ер адамның жеке басы анықталған.Тәртіп сақшылары аталмыш азаматтың үстінен  ҚР ӘҚБтК-нің 437-бабы 1-бөлігі ("Тыныштықты бұзу") бойынша хаттама толтырған.

https://www.youtube.com/embed/VUMhx1d1JN0?si=z43zAWUZLKZICoju" 

Шу шықса болды, мәжілісте шепте жүрген сол бір 5-6 депутат қана бас көтереміз. Осылай деген халық қалаулысы Ермұрат Бәпи бүгін тағы бас көтеріп, сын айтты. Мәжілісменге жаңа заңның атауы жақпай қалған. 

ЕРМҰРАТ БӘПИ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Экономикалық құқық бұзушылыққа декриминализация жасаса, халық оны қалай түсінеді? Осыны бір қоғам түсінетіндей қылуға болмай ма? Ей, қазақ, мынау былай дейтіндей. Өйткені ертең бізге, қол қойған президентке сөз тиеді. Осы жердегі бес-алты депутат қана “отбиваться” етеміз осы. Анау желінің бәрінде Абзалдан бастап бәрімізді белгілейді. Ертең осы заң үшін «Ескі Қазақстанды қорғап жатырсыңдар» деп бізге сөз келеді. Желіде түсіндіру керек. Анау «Хабар», «Қазақстан» арналарының онша тиімділігі болмайды. Халық көретін арналарға шығып, түсіндіру керек».

ЖЕҢІС ЕЛЕМЕСОВ ҚАРЖЫ МОНИТОРИНГІ АГЕНТТІГІ ТӨРАҒАСЫНЫҢ ОРЫНБАСАРЫ: «Дұрыс айтып отырсыз. Қоғамға жеткізу – біздің мақсат. Сол себепті бірнеше отырыс болды. Қоғамға түсіндіру, жеткізу бойынша біраз жұмыс жасаймыз деп ойлаймыз».

Айта кетейік, бүгін Мәжілісте кәсіпкерлікке қатысты жаңа заңның таныстырылымы өтті. Бұдан былай заң кәсіпкерлердің құқын қорғайды. Қосымша кепілдік беріледі. Қолданыстағы қазіргі құжатта талап қатал еді. Қит етсе болды, қаржы агенттігі сотқа дейінгі тергеудің біріңғай тізіміне енгізіп жіберетін. Содан тексеріс басталады. Ал, кәсіпкер болса, зор шығынға батады. Енді жаңа заңда олай болмайды. Құзіретті органға тексеріс бастау үшін салық органының актісі керек болады. Егер, бизнес иесі бұл нормамен келіспесе, онда сотқа шағым қалдыра алады.