https://www.youtube.com/embed/Jyz4vzRl-o0?si=c9q9CV1prZ0zRKmB" 

Экономика, экология, геология, халық тұрмысы, ел қауіпсіздігі, зиянды жұмыс пен кредит. Мемлекет басшысы Қасым-Жомарт Тоқаевтың Қазақстан халқына жолдаған кезекті жолдауында осы маңызды мәселенің барлығы қамтылды. Бұдан былай зиянды өндірістерде жұмыс істейтіндерге 55 жастан бастап арнайы әлеуметтік төлем төленеді. Келесі жылдан бастап ең төменгі жалақы 85 мың теңгеге көтеріледі. Халықты қарыздан арылтуға арналған «Қарызсыз қоғам» атты пилоттық жобаның игілігін енді бүкіл ел көреді. Баспана алуға арзан несие беретін «Отбасы» банкінің қызметі қайта қаралады. Озық мемлекеттер тәжірбиесі бойынша Қазақстанда жасанды интелект дамып, еліміз IT мемлекетке айналады. Жаңадан екі бірдей министрлік құрылады. Бұдан бөлек, әр салада даму болады. Жолдауда айтылған жағымды жаңалықтар жайлы алдағы бейнесюжетте.

Күз айының алғашқы күні білім күнімен қатар Қазақстан халқы дәл осы күні алдағы жылдарға бағыт-бағдар беретін, мемлекеттің келешек даму даңғыл жолын айқындайтын Ел Президентінің Жолдауын асыға күтеді. Жазғы демалыстан оралған қос палатының алғашқы отырысында Қасым-Жомарт Тоқаев әдетте, қазақстандықтарға жолдау жолдайды. Биыл да дәстүр өзгерген жоқ.

Әлемдегі күрделі ахуал Қазақстанға да өз салқынын тигізіпті. Сондықтан, Президент осындай жаһандық дүрбелең дәуірде халқымызды бірігуге шақырады. Сырттан келіп, өзге біреу елімізді көркейтіп жібермейтіні ол анық. Сондықтан, ел дамуына әр азаматтың өзінше ат салысуын сұрайды. Бағдардан адаспас үшін Президент Жолдауда әр салаға жеке тоқталып, әр жауапты органға жеке тапсырма жүктеді. Алдымен тіршілік нәрі су мәселесіне тоқталды. Барынша суды үнемдеуге кеңес берді. Әйтпесе, су таусылуы мүмкін. Себебі, ол шектеулі ресурс. Ендігіде су мәселесі экологиядан бөлінеді. Өз алдына су және ирригация министрлігі болып қайта құрылады. Биыл қақаған қыста кей өңірлерде елдің әбден құтын қашырған жылу электр стансасалырына қатысты мәселе де Президенттің басты назарында.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Инфрақұрылымның әбден тозуы халықтың тұрмыс сапасына тікелей әсер етеді. Алдағы 5 жылда кемінде 14 гигаваттық жаңа электр қуаты іске қосылады. Биыл Екібастұздағы бірінші ГРЭС-тің бірінші блогын қайта құру жұмыстары аяқталады. Бұрын ешқашан толық қуатын пайдаланып көрмеген станцияның 8 блогы түгел жұмыс істейтін болады. Қазір екінші ГРЭС-ті кеңейту жобасы жүзеге асырылып жатыр, үшінші ГРЭС-тің құрылысы басталады».

Қаржы нарығындағы қазіргі жағдай: Халықты әбден кредитке батырған банктер мен тұтынушылық несиенің көбейгені Президентті алаңдатып отыр. Сондықтан, Қасым-Жомарт Тоқаев «Қарызсыз қоғам» жобасының игілігін күллі ел көру керек деді. Ал, елдің байлығы мен табысы азаматтар арасында әділ бөлінетін тағы бір ескертті. Қайтарлыған активтердің барлығы дерлік ашық түрде нарыққа шығарылатын болады. Оның игілігін халық сезінуі тиіс деген Президент келесі жылдан бастап қазақстандықтардың табысын арттыру үшін ең төменгі жалақы өсетінін мәлімдеді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Біз бұған дейін уәде бергеніміздей, Үкімет ең төменгі жалақы мөлшерін біртіндеп өсіре береді. Азаматтардың табысын арттыру үшін 2024 жылдың 1 қаңтарынан бастап ең төменгі жалақы мөлшерін 85 мың теңгеге дейін көтеруді тапсырамын. Осылайша, біз еңбекақының ең төменгі мөлшерін үш жыл ішінде екі есе көбейттік»

Экономиканың қозғаушы күші шағын және орта бизнесті дамытуға, отандық өнімді қолдауға Үкімет бұрынғыдай жағдай жасай беретін болады. Бизнес пен биліктің арасында сындарлы диалог орнату үшін жұмыс жасалады. Құқық қорғау органдары тарапынан бизнесті қудалауды тоқтату керек. Саланы реттейміз деген желеумен жасалатын қысымды азайту қажет деген Мемлекет басшысы алдағы уақытта кәсіпкерлермен жеке кездесетінін айтты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Үкімет зиянды еңбек жағдайында ұзақ уақыт жұмыс істеп жүрген адамдарды әлеуметтік қолдау тетіктерін әзірледі. Бұл бұрыннан талқыланып жүрген мәселе болатын, енді шешімі табылды. Оның мынадай өлшемдері бар. Жұмысшылардың осы саланы дамытуға сіңірген еңбегі және денсаулығына зиян келгені ескеріле отырып, оларға зейнет жасына толғанға дейін, атап айтқанда, 55 жастан бастап арнаулы әлеуметтік төлем төленеді. Парламенттен Үкіметтің ұсыныстарын жедел қарауды сұраймын».

Жолдауда балаларға қатысты бірқатар жаңашылдықтар айтылды. Президент «Келешек» атты біріңғай ерікті жинақтау жүйесін енгізуді тапсырды. Бұл жүйедегі ақша мен ұлттық қордағы қаражат қосылғанда жас ұрпақтың сапалы білім алуына мүмкіндік туады. Әсіресе, Мемлекет басшысы балаларға қатысты буллингке алаңдаулы. Кәмелекетке толмағандарға жасалған кез келген зорлық-зомбылықтың түріне жазаны қатаңдатуды тапсырды және бірыңғай сенім телефонын ұйымдастырып, қысымға тап болғандарға көмек көрсетуге арналған бағдарлама әзірленетінін айтты.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Мен Мемлекет басшысы ретінде кәмелетке толмағандарға жасалған зорлық-зомбылықтың кез келген түріне қатысты жазаны күшейтуді талап етемін. Жол, ғимарат, киім-кешек, азық-түлік, яғни барлығы балалар үшін қауіпсіз болуы керек. Сондай-ақ өскелең ұрпақтың психикалық саулығы – өте маңызды мәселе».

Айтпақшы, елімізде көлік министрлігі қайта құрылады. Себебі, алдағы 5 жылда 4 мың шақырым сапалы авто жол салынуы керек. Одан бөлек, темір жол логистикасы да қарқынды дамуы тиіс. Себебі, ол да экономиканың басты тармағы. Айтпақшы, Атом электр стансасына қатысты дауға бүгін Президент өзі нүкте қойғандай. АЭС салу немесе салмау жайлы жалпыхалықтық референдум өтеді. Халық оны өзі шешеді деді. Бір жарым сағатқа созылған жолдау мазмұнды әрі маңызды болды. Барлық сала қамтылды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан – біздің жалғыз ғана Отанымыз. Оның іргесі берік, керегесі кең, төрт құбыласы түгел болуы – өз қолымызда. Бабалардан мирас болған ұлан-ғайыр жерді қорғау, оны өркендету – біздің перзенттік парызымыз. Мен еліміздің әрбір азаматын осы қасиетті парызға адал болуға шақырамын. Берекелі бірлігімізді сақтап, табанды еңбек етсек, Отанымызды көркейтіп, ұрпаққа дамыған мемлекет ретінде табыстасақ, бабалар аманатына адалдық деген – осы!»

https://www.youtube.com/watch?v=v_JUMOxS9QA

https://www.youtube.com/embed/oUHIPlEH_Ug?si=00W6C2murD0fOoWE" 

Қазір Барби қуыршағын жинау сәнге айналды.Мәселен,Ресейлік Татьяна Тузованың коллекциясында 12 мың Барби қуыршағы бар.Ол қуыршақ жинауды бала кезінен бастаған. 12 жасында оның тек екі қуыршағы ғана болған. Себебі, Татьяна ауқатты отбасынан шықпаған. 10 жыл бұрын Татьянаның жинағында 200 дана Барби қуыршағы болған. Содан кейін, олардың саны 1,5 мыңға жеткен. Кейін, Татьянаға сол жиналған қуыршақтар үшін бөлек бөлме қажет болған.

ТАТЬЯНА ТУЗОВА ҚУЫРШАҚ ЖИНАУШЫ:

«Менің ойымша, Барби – үлгі болатындай қуыршақ. Оған қарасаңыз, «сен кез-келген адам бола аласың» деп тұратындай. Мен оған қарап, мен де кез-келген адам сияқты бола алатынымды түсіндім».

Татьяна музыканттар отбасында дүниеге келген. Ол әкесінен жастайынан айырылған. Анасы мұғалім болғанымен, аз жалақы алатын болған.

ТАТЬЯНА ТУЗОВА ҚУЫРШАҚ ЖИНАУШЫ: «Мен өзіме «қалағанымның бәрі болады» деп уәде бердім. Сөйтіп, оқуға түсіп, өзімді дамыттым. Алдымен, анамның қалауы бойынша фортепиано мұғалімінің оқуын оқыдым. Содан кейін, өзімнің қалауыммен қоғамдық қызметке келдім».

Барбидің жанкүйері қуыршақтарды тек қораптарға жинайды. Бұл олардың коллекциялық құндылығын арттырады дейді. Қорапсыз қуыршақ 30% арзан болады.

ТАТЬЯНА ТУЗОВА ҚУЫРШАҚ ЖИНАУШЫ:
«Беттина Дорфманн деген қуыршақ жинайтын әйел бар. Оның 18 мың қуыршағы бар. Ол – әлемдік рекордшы. Мен оған қонаққа бардым. Ол Германияда тұрады. Тіпті, оның коллекциясы үшін одан 200 қуыршақ сатып алдым. Міне, олар қазір осында тұр».

Жақында Татьяна мен оның күйеуі Дубайдан баспана сатып алды. Қазір оның ол жерде де Барби қуыршақтарының 200-ге жуық топтамасы бар. Оларды адамдар ойыншықтар дүкенінен сатып алады немесе АҚШ-тан тапсырыс береді. Ресейлік әйел әлемінің қызғылт түске айналғанына қуанады.

https://www.youtube.com/embed/PymTn1nNYTA?si=6hLRziMJ2MoQjfTu" 

Жапондықтар қорғаныс шығындарын арттырмақ. 2024 жылы қаржы шығыны 52 миллиард долларға дейін жетпек. Бұл биылғыдан сәл артық.Қаражаттың 6 млрд доллордан астамын Қорғаныс министрлігі қару-жарақ пен оқ-дәрілерге, соның ішінде жаңа әуе-кеме зымырандарына жұмсауды жоспарлап отыр.

Жапония Премьер-Министрі Фумио Киси, соңғы бес жыл ішінде қорғаныс шығындарын 300 миллиард долларға ұлғайту жоспарын жүзеге асырып келе жатқанына екінші жыл болды. 2027 жылға қарай олар елдің жалпы ішкі өнімінің 2 пайызына жетуі керек. Бұл деңгейде Жапония қорғаныс шығындары бойынша АҚШ пен Қытайдан кейін үшінші орында болады.

Айта кетейік, өткен жылы Жапония үкіметі Екінші дүниежүзілік соғыстан кейін алғаш рет өзінің әскери қуатын айтарлықтай арттыру туралы шешім қабылдады. Шенеуніктердің айтуынша, Солтүстік Кореяның күтпеген мінез-құлқы, сондай-ақ Қытайдың күшейіп келе жатқан батылдығы кінәлі.

Биыл Жапонияның Қорғаныс министрлігі Бейжің мемлекеті наразылық білдіргеннен кейін, көп ұзамай қорғаныс шығындарын көбейтуді сұрады. Ол апатты жағдайда болған «Фукусима-1» атом электр станциясынан ағынды сулардың ағуын айыптап, жапондық теңіз өнімдерін әкелуге тыйым салды. Токио өз кезегінде бұл тыйымды алып тастауды талап еткен болатын.

https://www.youtube.com/embed/9HJ39bgTbdY?si=BdfCbd2uNLjr4E24" 

Петропавл қаласының тұрғыны Ғабит Темірбеков бұтақтар мен ағаш діңгегінен түрлі бұйым жасайды. Бүгінде шебердің 100-ге жуық қолөнер туындысы бар. Көркі көз тартатын бұйымдарды қазір қаланың көрнекті жерлерінен, музейлер мен орталық алаңнан кездестіруге болады.

Ғабит Темірбековтің бітірген мамандығы - биология пәнінің мұғалімі. Ал, қолөнер жұмыстарымен бала күнінен айналысады. Шебер ыдыс-аяқ, ат әбзелдері мен жиһаздың түр-түрін жасайды. Ағаштың түбірін кәдеге жаратып отырған оның бұл еңбегі көпке үлгі. Бұйым жасауға қажет шикізатты табу үшін шебер қала көшелерін, орман мен өзен жағалауларын жиі аралайды.

ҒАБИТ ТЕМІРБЕКОВ АҒАШ ШЕБЕРІ:

«Қолөнерге деген қызығушылық бойыма отбасымнан дарыды. Анам - суретші. Әкем - қолөнер шебері болған. Мен де олардан алыс кетпей, осы салаға жақын болып өстім. 7 сыныпта оқып жүргенде,  шеберлік сабақтарына қатысатынмын. Осылай ағаштан әртүрлі бұйым жасай бастадым. Айналаңызға зер салып қарасаңыз, әр ағаштың сыртқы бедерінің өзі өте ерекше. Мен сол өзгешелікті сақтап қалғым келді. Қазір түрлі дизайн мамандары бар. Дегенмен, олардың жасайтынын табиғат бізге былай да беріп отыр. Тек оны сәл өңдеп жіберсек болғаны».

Ғабит Темірбековте құрал-сайманның түр-түрі бар. Ағаш шебері жұмысқа көбінесе қайың, емен және қарағай ағаштарын пайдаланады. Алдымен ағашты кесіп-жонып, кейін сырлайды. Егер шабытына қанат бітсе, бір түнде бірнеше бұйымды жасап шығады.

ҒАБИТ ТЕМІРБЕКОВ АҒАШ ШЕБЕРІ:

«Мен жұмыс барысында көбінесе өзімнің ескі құрал-жабдықтарымды пайдаланамын. Автоматтандырылған ештеңе жоқ. Бәрін сағаттап отырып өзің ойып, кептіресің. Ебін тапсаң, бәріне қол жеткізуге болады. Кейде жасаған бұйымдарыма шетелдіктер де қызығушылық танытып жатады. Көп болмаса да, бірнеше тұтынушым бар. Мен бұл іспен, табыс көзі ретінде емес, қолөнерді жақсы көргендіктен айналысамын. Шығармашылығымды шыңдай бергім келеді».

Қазір Ғабит Темірбековтың қолынан шыққан бұйымдарды қаланың көрікті жерлерінен кездестіруге болады. Олар Петропавл қаласының музейлері мен білім ордаларына  да қойылған.

ҒАБИТ ТЕМІРБЕКОВ АҒАШ ШЕБЕРІ:

«Орманға барсаңыз осындай әртүрлі пішіндегі ағаштарды кездестіресіз. Бірі айналып, енді бірі домаланып өседі. Мен соларды жинаймын. Шеберханама келген соң, көлемі мен ерекшелігіне қарап кез-келген затты жасауым мүмкін. Мысалы, қазір қолымда құмыра тұр. Оны жасауға қолданған ағаш діңгегін көл маңынан тапқан болатынмын».

Асқан төзімділік пен ептілікті талап ететін өнерде 40-жылдан бері шыңдалып, қолтаңбасы қалыптасқан шебердің атқарғаны көп. Бірнеше көрме өткізіп, өңірдің қолөнер саласының дамуына да үлкен үлес қосып жүр.

https://www.youtube.com/embed/IINkjmhbBXs?si=C7T_wC4d0bekHrzX"

Енді сіз, несие алудан ерікті түрде бас тарту туралы өтінішті еGov мобильді қосымшасында және eGov.kz электронды үкімет порталында бере аласыз. Сонымен қатар, қосымшаны пайдалана отырып, несие мен шағын несие алуға өз атыңыздан ерікті түрде тыйым салуға мүмкіндік бар.Сервистке өтінішті азаматтың өзі ғана толтыра алады. Несиелер мен шағын несиелерді алуға тыйым салу 6 айға белгіленеді. Бұл мерзім аяқталғаннан кейін автоматты түрде тыйым алынып тасталады. Сондай-ақ, бұл шектеулерді кез-келген уақытта, ерікті бас тарту қызметін көрсетуді мерзімінен бұрын тоқтатуға өтініш беру арқылы алып тастауға болады.

АРАЙ УРАЗОВА«ҰЛТТЫҚ АҚПАРАТТЫҚ ТЕХНОЛОГИЯЛАР»АҚ БАСҚАРМА ТӨРАҒАСЫНЫҢ ОРЫНБАСАРЫ:

«Бүгін еGov мобильді қосымшасында және eGov.kz порталында несие мен қарыз алуға тиым салуға өтініш беру сервисі іске қосылды. Бұл арқылы біз еліміздің азаматтарын заңсыз несие алмақшы болған көптеген алаяқтардан қорғауға көмектесеміз».

Айта кеткен жөн, дәл осындай сервис Бірінші кредиттік бюроның (БКБ) сайтында ақылы түрде қолжетімді. «Электрондық үкімет» порталында өтініш берген кезде, БКБ қызметіне жарамды өтінімнің бар-жоғына тексеру жүргізіледі. Мысалы, егер бұрын ол жерде сұрау болмаған болса, онда тыйым салуды орнатуға өтініш беру керек. Сұраныс болса, оған тоқтату туралы өтініш беруге болады.
        

https://www.youtube.com/embed/G9rb3052jtI?si=HVD7IDNPVTC0uYt8" 

Туған жерге, оның мәдениеті мен салт-дәстүрлеріне айрықша іңкәрлікпен атсалысу – шынайы патриотизмнің маңызды көріністерінің бірі. Алматы облысына қарасты Балқаш ауданының 1984 жылғы түлектері бір жеңнен қол,бір жағадан бас шығарып, аймаққа кіреберіске,мұнаралы қақпа орнатты. Конституция мерекесінің құрметіне орай тұсауы кесілген қақпаның маңында жолаушылар демалатын аялдаманы,сонымен қатар қызыл жолбарысты көруге болады. Барыс символын аудан азаматтары бекер орнатпаған.Өйткені сонау жылдары, ауданды тұран жолбарыстары мекендеген дерек көздері бар.

БАҚЫТЖАН ХАМЗИН АЛМАТЫ ОБЛЫСЫ БАЛҚАШ АУДАНЫНЫҢ ТУМАСЫ

Малайсарының жотасынан орын тепкен қақпаның құрылысына ауданның азаматтары өздері жеке қаражат шығарып,құрылысын аяқтап отыр.Айтулы шараға аймақта туып-өскен ақсақалдар мен мемлекет және қоғам қайраткерлері де бой көрсетті.

ТЫНЫШБАЙ ДОСЫМБЕКОВ МЕМЛЕКЕТ ЖӘНЕ ҚОҒАМ ҚАЙРАТКЕРІ

МЫРЗАҒАЛИ ЖҰМАБЕКОВ  АУДАН АҚСАҚАЛЫ

https://www.youtube.com/embed/IKeD8c14uPY?si=8GgU3Ijp5f4dnQ1j" 

Қазақстанда шамамен 450 жеке медициналық ұйым жабылу алдында тұр. Себебі, денсаулық сақтау министрлігі «Әрбір алғашқы санитарлық көмек ұйымдарына тіркелген халықтың саны 10 000 адамнан кем болмау керек» деген шектеу енгізген. Ия, ірі аймақтық орталықтар мен облыстарда бұған қол жеткізуге болатын шығар, алайда, оның өзіне біраз уақыт керек. Ал, шағын қалалар мен елді мекендерде бұл тіпті мүмкін емес деген жеке меншік медициналық ұйымдар не істерлерін білмей дал. Егер жеке медициналық ұйымдар, министрлік қойған шекті 10 мың адамды тіркей алмаса жаппай банкротқа ұшырайды. Онда орташа есеппен 6-мың білікті дәрігер жұмыссыз қалады. Бұл туралы бүгін Сілтеме баспасөз орталығында өткен жиында жеке клиника басшылары айтты.

ЕРҚАБЫЛ ЖАҚСЫЛЫҚОВ МЕДИЦИНАЛЫҚ ОРТАЛЫҚТЫҢ ДИРЕКТОРЫ: «Бір ғана облысты мысалға келтірейін. Түркістан облысында 26 медициналық ұйым бар. Оның 10-ы делік жетті 10 мың халыққа, қалған 16 медициналық ұйым не істейді? Жабылады. Орташа есеппен алайық әр мекемеде 30 адамнан. Он медициналық ұйым жабылды. 300 адам жұмыссыз қалады. Ал енді ауқымдылығын есептей беріңіз. Басқа да облыстарды, басқа да аумақтарды. Облыстық маңызы бар қалалар бар. Әр облыстарды 10 мыңға жетпеген ұйымдар бар. Бір облыста 300-400 адам жұмыссыз қалады. Жете алмаса». 


 

https://www.youtube.com/embed/zvvoWZApzOI?si=UdxuUw49MnA19UR9" 

Биыл Маңғыстауда республикалық маңызға ие  жолдардың 165,2 шақырымына жөндеу жүргізіледі. Бұл туралы жол активтерінің сапасының ұлттық орталығының  директоры мәлімдеді. Аймақта жалпыға ортақ пайдаланылатын автомобиль жолдарының ұзындығы 3063 шақырымды құрайды. Ал, 1013 шақырымы  республикалық маңыздағы жол.

Маңғыстаудағы облыстық және аудандық маңызы бар 6 шақырым жол қайта жаңғыртылады. 76 шақырым жолда құрылыс жүргізілсе, тағы 96 шақырым жол орташа жөндеуден өтеді. Ұлттық сапа мамандары осылай деп мәлімдеді. Бұдан бөлек күрделі жөндеуді қажет ететін тас жол тағы бар.

ХАМЗАТ СҰЛТАНОВ «ЖОЛ АКТИВТЕРІНІҢ САПАСЫ ҰЛТТЫҚ ОРТАЛЫҒЫ» РМК ФИЛИАЛЫНЫҢ ДИРЕКТОРЫ:
«Соның ішінде жалып ұзындығы 64 шақырымды күрделі жөндеуден, ұзындығы 101 шақырым  болатын орташа жөндеуден және жалпы ұзындығы 847 шақырымнан асатын 4 автомобиль жолын күтіп ұстау жұмыстары атқарылады деп жоспарланған. Қазіргі таңда осы 6 нысанда жұмыс жүріп жатыр. Жасалған келісім шарт негізінде жөндеуден өтетін барлық нысан тексеру жұмыстарымен толық қамтылады».

Жыл басынан бері «Жол активтерінің ұлттық сапа орталығы» мемлекеттік кәсіпорын қызметкерлері облыстағы жолдардан 1334 сынама алған. 218 сынама нормативті құжаттар талаптарына сәйкес келмеген. Ал жылжымалы жол зертханасымен 797 шақырым жолға диагностикалау және аспаптық тексеру жүргізілген.

ГАУХАР ЧУХРУКИДЗЕ «ЖОЛ АКТИВТЕРІНІҢ САПАСЫ ҰЛТТЫҚ ОРТАЛЫҒЫ» РМК МО БОЙЫНША ФИЛИАЛЫНЫҢ ЗЕРТХАНА МЕҢГЕРУШІСІ:
«Диагностикалау дегеніміз - автомобиль жолдарының көліктік-пайдалану күйін қадағалау деген мағынаны білдіреді. Қазіргі таңда MetroCaunt автоматты құрылғысы арқылы көлік қозғалысы қарқындылығын анықтау жұмыстары жалғасып жатыр. Айта кету керек, ұлттық жол сапа орталығының мамандары жол құрылысы материалдарын қолданбас бұрын оның сапасына талдау жүргізеді. Мәселен, «CASPI BITUM» компаниясымен биыл келісімшарт жасақталды. Соған сәйкес, ай сайын  битум сынамасын сараптамадан өткізудеміз. Бүгінге дейін барлығы 6 сынама алынып, 5 сынақ нәтижесі берілді. Тағы 1 сынама сынақтан өткізілуде».

Айта кетейік, өңірде 1 маусымнан 31 тамыз аралығында күндізгі 10:00-ден, кешкі 22:00-ге дейінгі аралықта ауа температурасы 25 градустан жоғары кезде жүктемесі 8 тоннадан артық автокөліктер қозғалысына шектеу енгізілген. Алайда бұған қарамастан заңбұзушылық деректер азаймай тұр. Мәселен, осы жылдың алғашқы жарты жылдығында өңірдегі жолдарда көліктік бақылау инспекциясымен бірлескен бақылау шарасы жүріп, 300-ден аса жүк көлігі тоқтатылған.

https://www.youtube.com/embed/FTwmqoxOgAk?si=3sFxx7poD88C7srL"

Жаңа оқу жылындағы жатақхана жыры басталды. Елімізде 19 мың білімгер студенттер үйіне жайғаса алмай жүр. Бұл туралы «Қаржы орталығының» мамандары мәлім етті. 

Айдана Дәулетхан - Талдықорған жоғары медициналық колледжінің студенті. 9 - сыныпты аяқтай сала, оқу орынына қабылданған білімгер медбике болуды армандайды. Бүгінде жоғары медициналық колледж жатақханасына орналасқан. Айтуынша, мұндағы жағдайы көңіл көншітерлік.

АЙДАНА ДӘУЛЕТХАН  1 КУРС СТУДЕНТІ:
«Мені бірден орналастырды,өзінің керекті жерлеріне қол қойып жаңағы өтініш толтыру деген сияқты.Артынша бірден осы комнатаның кілтін берді. Барлығы жақсы, ұнайды, условияға сай. Өте керемет».

Иә, бұл жатақхана Айданаға бұйырғанмен талай студентке арман болып отыр. Алматы облысы, Жетіген ауылынан келген Медет Мұхамедханов 3 курс оқитын қызын жатақханаға орналастыра алмай әлекке түскен. Оқу ордасы бірінші кезекте, жаңа түскен студенттерді жатақханамен қамтуға тырысады. Ал жоғарғы курс студенттеріне баспана мәселесін шешу қиынға түседі дейді ол.

МЕДЕТ МҰХАМЕДХАНОВ  АТА-АНА:
«1-2 курсты орналастырып алайық, содан кейін береміз деді. Енді соны күтіп отырмыз, 25-інен бастап жүрміз. Негізі общяға жайлы, чем квартира. Квартира қымбат кәзір, оған жағдай келмейді, енді күтіп отырмыз».

Биыл Талдықорған жоғары медициналық колледжіне 600-ге жуық бала қабылданған. Оның жартысына дерлік жатын орын керек. 280 орындық жатақханаға 110 студент жайғасыпты. Десе де, мамандар орын тапшылығы бар екендігін жасырмады.

АЗАМАТ ҚАДЫРБЕКОВ  ТАЛДЫҚОРҒАН ЖОҒАРЫ МЕДИЦИНАЛЫҚ КОЛЛЕДЖІНІҢ ТӘРБИЕ ІСІ ЖӨНІНДЕГІ МЕҢГЕРУШІСІ:

«Қазіргі таңда біздің колледжде орын 280ғана болғандықтан, одан артық біз қабылдай алмаймыз. Оның шешімі қандай, біз Агротехникалық колледжбен келісіп, 100 орын сұрадық. Енді оған әрине, біз қалғандарын сыйдыруға тырысамыз».

Ал, жатақханадан орын бұйырмаған білімгерлер, пәтер жалдауға мәжбүр. Биыл жалдамалы пәтер бағасының да шарықтап кеткені белгілі. Жайлы үй жалдауға шамасы жетпеген кей студенттер туысқандарын жағалап кеткен. Жылжымайтын мүлік агенттігінің мамандары былтырғы жылмен салыстырғанда тұрғын үй бағасы 10-15 пайызға өскендігін айтады.

АЙДЫН ҚАПАРЖАНОВ  "АМАНАТ" ЖЫЛЖЫМАЙТЫН МҮЛІК АГЕНТТІГІНІҢ МАМАНЫ:
«Қазіргі кезде күніне 10-шақты адам звондайды, квартира сұрап. Дегенмен біз оларға квартира тауып бере алмай жатырмыз. Себебі қымбат. 1 комнатаның өзі 60 мыңнан басталады, 2 комната 100-120 и одан жоғары».

Жалпы, облыста 26 арнаулы орта оқу орыны бар.Оның 5-еуі жеке меншік. Барлығы 15 мыңға жуық білімгер білім алады. Сала мамандары жатақханамен мәселе жоқ дегенді айтып отыр.Мәселен, Биылғы оқу жылында қаладағы Қанабек Байсейітов атындағы саз колледжінде 100 орындық студенттер үйі қолданысқа берілмек.

https://www.youtube.com/embed/pt_IvibbwmI?si=iGkzDw8ZJAOPRIyQ" 

БҚО аумағында ішімдік ішіп алып, қылмыс жасау фактілері 2 есеге артып отыр. Шайтан судан ұрттап, бөтелкелесіне жұдырық жұмсағандар да көбейген.Полицейлер осындай екі фактінің ізін суытпай ашып, күдіктілерді алысқа ұзатпай қолға түсірді. 

БҚО полиция департаментінің хабарлауынша, жыл басынан 78 ауыр қылмыс тіркелген. Көп жағдайда азаматтардың қылмысқа баруына алкогольді ішімдіктің буы себеп болған. Олардың қатысымен биыл 8 айда 15 факті анықталса, былтыр 6 жағдай орын алған екен. Мәселен, 26 тамыз күні осындай бір оқиға адам өміріне қауіп төндірді. Патрульдік полиция батальонының қызметкерлері жолдасының мойын тұсын пышақпен жарақаттаған 1977 жылы туған тұрғынды қолға түсірді. Мән-жайды тексеру барысында екеуі ішімдік ішіп, соңы келіспеушілікке ұласқаны белгілі болған.

АСЫЛАЙ ҒҰБАШЕВА БҚО ПД БАСПАСӨЗ ҚЫЗМЕТКЕРІ:

БҚО криминалдық полиция қызметкерлері ұрлық-қарлұқтың алдын алу мақсатында адам аяғы көп шоғырланған сауда орындарында жадынама таратуды жалғастыруда. Іс-шара кезінде тәртіп сақшылары дүңгіршектерде оғаш қылығымен көзге түскен тұрғынды байқаған. Белгісіз азаматтан жауап алу барысында оның ер адамдарға арналған сөмкені, келесі сауда үйінен әйелдерге арналған екі халатты жымқырғаны әшкере болады. Оңай олжаға кенелмек болып, бейнежазбаға түсіп қалған 49 жастағы азамат бұрын бірнеше рет сотты болған. Аталған факті ҚР ҚК-нің ұрлық жасау және ұсақ-түйек жымқыру бойынша қос бірдей бабымен сотқа дейінгі тергеп-тексерудің бірыңғай тізіміне тіркелді.

https://www.youtube.com/watch?v=G8Eze1sfp1Q