https://www.youtube.com/embed/M0qvJUMdrUo?si=ph7PaMVTCyqrvYJ8" 

Ақмола облысында мүгедектігі бар адамдардың жеке табыс салығынан заңсыз ақша ұсталып келген. Мұны прокурорлар тексеріс барысында анықтады. Сондай-ақ, оларға қосымша еңбек демалысы берілмеген. Заң бойынша жұмыс уақыты да қысқартылмаған. Қазіргі таңда мұндай әрекетке барған 60 жұмыс беруші әкімшілік жауапкершілікке тартылды. Жалпы, биыл өңірде еңбек заңдылықтарын бұзудың 72 дерегі анықталды. Прокурорлардың мәліметінше, жүргізілген тексеріс барысында кәсіпорындар мен мекемелердің жұмысшылар құқығын қорғауға немқұрайлы қарайтыны белгілі болды. Нәтижесінде, осындай кемшілік жіберген 200-ден астам адам тәртіптік және әкімшілік жауапкершілікке тартылды.

МЕРУЕРТ БАЙБОЛОВА АҚМОЛА ОБЛЫСТЫҚ ПРОКУРАТУРАСЫНЫҢ БАСҚАРМА ПРОКУРОРЫ: «Мүгедектігі бар 103 адамға негізсіз ұсталған салықтарды және нотариаттық іс-әрекеттер жасағаны үшін мемлекеттік баждарды қайтару, мүмкіндігі шектеулі 56 адамға қамтамасыз етілді. Сондай-ақ, бұл салада жиі кездесетін мәселелер жұмыс берушілер мен қызметкерлер арасында еңбек шартын жасамауы болып табылады.

https://www.youtube.com/embed/PQVD3kO1OD0?si=z6VgH6ZmJ7zolKSB" 

Маңғыстауға қоқиқаздардың алғашқы легі ұшып келді. Алайда ауа райының күрт өзгеруіне байланысты көбі жылы аумаққа қарай қанат қағып кетті. Кейбірі суыққа шыдай алмай, әлсіреп қалуда. Сондай хәлдегі қоқиқаздардың бірін ақтаулық эко-амбассадор Азамат Сәрсенбаев өзінің пәтеріне әкеліп бағып отыр.
Бұл кадрлар Маңғыстаудағы Қаражанбас кен орны маңындағы тас жолда түсірілген. Асфальтті жөндеп жүрген мамандар ойламаған жерден жол үстінде бүрсең қағып жатқан қоқиқаздың балапанын көріпті. Оны бірден көлікке салып, табиғат жанашыры Азамат Сәрсенбаевқа жеткізген. Эко-амбассадор қоқиқазды бірден пәтеріне әкеліп, жылы жерге орналастырып, жемін берген.

АЗАМАТ СӘРСЕНБАЕВ - ЭКО – АМБАССАДОР: «Қоқиқазды жол қызметкерлері кеше әкеліп берді. Құстың әбден әлсіреп қалғаны көрініп тұрды. Күн суық, ұша алмай қалған. Бірден ас шаяндарынан жемін дайындап, алдына қойдым. Бір түн өткен соң жей бастады. Демек, ол әлденіп жатыр деуге болады».

Азаматтың айтуынша, бұл 6 айлық балапан екен. Оны қазір табиғатқа жіберу қауіпті, - дейді ол. Себебі ауа температурасы минусты көрсетіп тұр, үсіп қалуы мүмкін. Табиғат жанашыры сол үшін қоқиқазды арнайы жануарлар ұстайтын орынға тапсырып, көктемге қарай ұшырып жіберуді жоспарлап қойыпты.

АЗАМАТ СӘРСЕНБАЕВ - ЭКО – АМБАССАДОР: «Қоқиқазды ветеринар мамандарға апарудың қажеті жоқ деп ойлаймын. Әлсіреп қалғаны болмаса, жарақат алған жері жоқ. Бұл құстар Қорғалжын мемлекеттік табиғи қорығы аумағындағы Теңіз-Қорғалжын көлдерінен ұшып келеді. Маңғыстаудағы Қаракөлге қонып, әл жинап, одан әрі Иран, Түркменстан жаққа қарай жер аударады».

Қаракөл жағасына келіп қонатын қоқиқаздар шамамен 15-20 күндей мекендеп, күш жинайды. Содан кейін әрі қарай ұшады. Қазақстанға көктем және күз айларында оралады. Қызғылт қанатты қаз барлық құрлықта мекендейді екен. Әсіресе өзен сағаларында, суы тұзды, қышқыл көлдерге тұрақтайды. Жалпы табиғатта қоқиқаздың 8 түрі болса, соның екеуі Қазақстанда кездеседі екен.

https://www.youtube.com/embed/WgnxE1wpQ1o?si=VFIUFhvu5PgOkUbZ" 

Еліміздегі барлық білім беру ұйымдарында ата-аналарға педагогикалық қолдау көрсету орталықтары жұмыс жасауда. Негізгі мақсат, сапалы білім,саналы тәрбие беру.Сонымен қатар, отбасы мен мектеп арасындағы қарым-қатынасты нығайту.

Бұл Алматы қаласындағы № 49 жалпы білім беретін мектеп.Қазақтың ұлттық киімдерін киіп, қолдарына қасиетті домыраны алып,келген қонақтарды қарсы алған оқушылар,көпшілікке көтеріңкі көңіл-күй сыйлады. Білім ордасына келген ата-аналар да салтымызды дәріптеп, ұстаздар мен бірге рухани кештің мәнін аша білді.Бас қосудың басты тақырыбы «Қыз ғұмырдың құпиялары» деп аталды. Онда қыз баланың дүниеге келуінен бастап берілетін тәрбиенің қайнар көзі талқыланды.

ЖАННА ХИСАМИДДИНОВА АЛМАТЫ ҚАЛАЛЫҚ №49 ЖББМ ДИРЕКТОРЫ

Қыз өссе – елдің көркі, гүл өссе – жердің көркі деп дана халқымыз бекер айтпаған.Қазақ қашанда қыз баланың тәрбиесіне ерекше көзқараспен қараған. Қызды қырық үйден тыю,қыз балаға дауыс көтеріп сөйлемеу, қамқорлық пен өзіне жарасар нәзік қасиеттерді сіңіре білген.Өйткені ол келешек ана,ұрпақ тәрбиелеуші жан деп білген. Министрлік бастап,ұстаздар қоштап отырған «Бір тұтас тәрбие» бағдарламасының мәні де осында деуге болады.

ЖАНАР МҰҚАШЕВА АТА-АНА

Жиын барысында қызу тақырыптар талқыланып,ата-аналар мен ұстаздар арасында пікір алмасу орын алды. Онда жаһандану заманында қазақ қыздары қандай болғаны дұрыс? Қыздарға қатысты талаптың ең маңызды мәселелері? Отбасы бақытының қызға қатысты сырларын ашу тәсілдерін тілге тиек етті. Ата-аналар тарапынан осындай игі бастамаларды тұрақты түрде өткізіп тұруға ұсыныстар айтылып, рухани жаңғырудың қажетті екендігі айтылды.

https://www.youtube.com/embed/vb9q4nFY0vo?si=-TzzHe5imiJFfcGE" 

Танымал қытайлық дәрігер және қоғам белсенді Гао Яоцзе 95 жасқа қараған шағында АҚШ-тағы үйінде қайтыс болды. Ол 1990 жылдары Қытайдың ауылдық жерлерінде СПИД вирусының эпидемиясын анықтаған маман деген атаққа ие болған.

Кейбір мәліметтер бойынша ондаған мың адам жұқтырған вирустың өршуі туралы Гаоның ашық сөздері Пекинің аушуына тиді. Сол себепті Гао өмірінің соңғы жылдарын туған елінен жырақта өткізді.Гаоның жұмысы халықаралық ұйымдар мен ресми тұлғалар тарапынан жоғары бағаға ие болды. 2009 жылы ол Америка Құрама Штаттарына көшіп, ол жерде өз тәжірибесі туралы кітап жаза бастады. Ол сондай-ақ Қытай шенеуніктерін «проблемаларды жасырмай, шешуге» шақырды.Қытайда жұмыс істеген жылдары дәрігер қан сату жүйесіне қарсы шықты. Себебі, соның салдарынан мыңдаған адам ВИЧ инфекциясын жұқтырған. Негізінен қауіпті ауру оның туған провинциясы Хэнань анықталды. Бұл лас инелерді жиі пайдалануынан туындаған.Оның күні шалғай ауылдардағы науқастарды емдеп, тамақ, киім-кешек, дәрі-дәрмек апарумен, яғни жолда өтті.Ресми мәліметтерге қарағанда, сол кезеңде АИТВ жұқтырғандар саны ондаған мыңға жеткен. Алайда билік оны жасыруға тырысқандықтан ұлттық зерттеу жүргізілген жоқ.

2001 жылы билік оған БҰҰ сыйлығын алу үшін Америка Құрама Штаттарына баруға төлқұжат беруден бас тартты. 2007 жылы Хэнань провинциясының шенеуніктері оны АҚШ-қа басқа марапатты алуға кедергі жасау үшін виза алуына жол бермеді. Оны 20 күн бойы үй қамауында ұстады.Кейін бұл тыйым алынып, ол елден кетуге мүмкіндік алды. Гао Қытай тарихындағы аласапыран кезеңде өсіп, жапон шапқыншылығынан және Мао Цзэдун тұсында Коммунистік партияны билікке әкелген азаматтық соғыстан аман қалды.Мәдени революция кезінде ол маоисттік қызыл гвардияшылардан соққыға жығылды, өйткені оның отбасы бай деп саналды. Кейінгі жылдары ол Маоны жиі сынға алып жүрген еді.

https://www.youtube.com/embed/Xf7ziFSH_iM?si=3Wr9-hHpO2ooOVrP" 

Бүгін Алматыда «Кәмелетке толмаған қылмыс құрбандарының құқықтарын қорғаудың өзекті мәселелері» тақырыбында халықаралық ғылыми-тәжірибелік конференция ұйымдастырылды.Шараға тіс қаққан заңгерлер мен ұйым өкілдері және құқық қорғау органдарының мамандары қатысты. Қоғамды алаңдатып отырған жағдайда қандай мәселелер қозғалды,алдағы бейне материалға назар аударсақ.

Бұл бұрын соңды болмаған бас қосу, өзекті тақырыпты қозғамаса болмас,өйткені кәмілет жасына толмаған балаларға жасалып жатқан қастандық өршіп отырған уақыт деуге болады. Шараға жиналған тіс қаққан мамандар, әлемді алаңдатқан жағдаятты мұқият зерттеуді, оны алдын алуды әңгіме өзегіне айналдырды.

ТАЛҒАТ СӘРСЕНБАЕВ ЗАҢ ҒЫЛЫМДАРЫНЫҢ ДОКТОРЫ, ПРОФЕССОР:

«Бүгінгі таңда әлем бойынша нақты статистикалық деректер бойынша 2-мллиардтан астам бала әр-түрлі жағдайда зорлық-зомбылық көреді екен.Қазақстан да бұл жағдайда әлемдік қауымдастықтардың мүшесі ретінде кәмілет жасына толмаған балаларды қорғау мен олардың құқын қорғау бағытында қолдан келер шараларды жүзеге асырып келеді. Бала болашағымыз,келешегіміз.Сондықтан да олардың қауіпсіздігін қадағалау басты мәселе болуы тиіс.Бүгінгі басқосуда, білікті мамандар өздерінің ұсыныстарын ортаға салып,жобаларымен таныстырып жатыр».

Конференция балаларға қатысты тұрмыстық зорлық-зомбылық, зорлау, сексуалдық сипаттағы қорлық әрекеттері, буллинг, кибербуллинг және бала құқықтарын бұзудың басқа да нысандары сынды қоғам алаңдатушылығын тудыратын өткір мәселелер әңгіме өзегіне айналды.Шарада кәмелетке толмағандардың құқықтары мен бостандықтарын әлеуметтік, құқықтық, психологиялық, медициналық қорғау тетіктерін және олардың қауіпсіздігін қамтамасыз етуге бағытталған сарапшылардың пікірлерді, тиімді ұсыныстары мен оңтайлы тәжірибелерін жинақтау да назардан тыс қалмады.

МИРАС ДӘУЛЕНОВ НАРХОЗ УНИВЕРСИТЕТІНІҢ ПРЕЗИДЕНТІ: «Бүгінгі біздің конференциямыздың басты мақсаты,кәмелет жасына толмаған балалардың құқық жанжақты қорғауға арналып отыр. Нақтырақ айтатын болсақ, балалар мен жасөспірімдердің құқықтарын қорғау жүйесін нығайтуға, балалар мен жасөспірімдердің жарқын болашағын, отбасыда, қоғамда қауіпсіздіктерін қамтамасыз етуге бағдарланған тәжірибелік ұсыныстар мен стратегияларды әзірлеуге арналып отыр. Биыл біздің Нархоз Университетінің 60-жылдық мерейтойы,осыған орай жанжақтан білікті мамандардың басын қосып отырмыз».

Иә,расымен де кәмелет жасына толмаған балаларға зорлық-зомбылық күшейген заманда, жастардың құқын қорғау кезек күттірмейтін мәселе. Шараға жиналған түрлі саланың өкілдері де балалар қауіпсіздігін нығайтудың өзектілігін алға тартты. Нақты жоба әзірлеп, құқық қорғау органдарымен тізе қосып жұмыс жасауға шақырып жатты.

ОРЫНБАСАР ТІЛЕПБЕРГЕНОВ ЗАҢГЕР

Жиынға онлайн форматта қатысушылар да болды. Олар да жасөспірімдердің құқын қорғау мен оңалту саясатына байланысты өз ойларын ортаға салып жатты.

https://www.youtube.com/embed/t_6Ru1FVTQI?si=rRCwFRl9Q7hTNpbb" 

Хорватия жағалауында асыл пинның көп шоғырланған орны табылды. Бұл жұмсақденелілер паразиттердің кесірінен жойылу алдында тұр. Соңғы уақытқа дейін хорват ғалымдары Адриатиканың осы бұрышында аман қалған он шақтысын анықтаған.

САНДРО ДУЙМОВИЧ ҚОРШАҒАН ОРТАНЫ ҚОРҒАУ АГЕНТТІГІНІҢ ҚЫЗМЕТКЕРІ:
«Өткен жылы қыста Врсардағы осы жерден 20-ға жуық асыл пинна табылды. Бұл жағымды жаңалық болды. Адриатикада шамамен он тірі пинна барын естегін едік. Міне, бір жерде олардың 20-сы табылып отыр».

Осы уақытқа дейін ғалымдар аталған моллюсканың тек Жерорта теңізінің бір бөлігінде ғана мекендейтінің айтқан.

САНДРО ДУЙМОВИЧ ҚОРШАҒАН ОРТАНЫ ҚОРҒАУ АГЕНТТІГІНІҢ ҚЫЗМЕТКЕРІ:
«Жерорта теңізінің қалған бөлігінде олар жоқ немесе теңіздің шығысы мен оңтүстігі туралы бізде жеткілікті деректер аз. Греция мен Францияда жоқ.

Жерорта теңізінде пинна моллюскаларының 99% паразиттерден өледі.

НИКОЛИНА ПРИМАТ БИОЛОГ: «Біз оларды ең таза ортаны қамтамасыз ету үшін осында ұстаймыз. Аквариумда біз ультракүлгінмен тазартылған және сүзгіден өткен суды пайдаланамыз. Бұл гаплоспоридия паразиттері біздің жүйелерге ене алмайды дегенді білдіреді».

Бұл моллюскелердің қабықтарының ұзындығы 120 сантиметрге жетуі мүмкін. Олар теңіз суының сүзгілері ретінде әрекет етеді.

НИКОЛИНА ПРИМАТ БИОЛОГ: «Осында, Истрияда үш апта бұрын 81 ерекше моллюска табылды. Осы уақыт ішінде олардың бесеуі өлді. 76 -сы қалды. Бұл биыл Жерорта теңізінен табылған он пиннамен салыстырғанда көп».

Ғалымдар асыл пиннаның Жерорта теңізінің түбіне оралуы туралы айту әлі ерте екенін атап өтті. Дегенмен, Хорватия үкіметі одан әрі зерттеулерді қаржыландыруда

https://www.youtube.com/embed/lEddoKDmQn0?si=pKFOcRQ5XwDYA8PW"

Тәрбие тал бесіктен басталады.Балалардың жастайынан физикалық қабілетін жақсарту үшін, кешенді шаралармен қамтамасыз ету маңызды. Алматы қалалық білім басқармасының қолдауымен шаһарға қарасты барлық балабақшаларда бүлдүршіндерді өнерге, салаутты өмір салтына баулу жолдары жүзеге асырылып келеді. Мақсат ұлт саулығын жақсарту, сергектік қасиеттерге серпіліс жасау.

https://www.youtube.com/embed/0bArnv4tuyY?si=fCH32qNuHoEmfh4P" 

https://www.youtube.com/embed/D8zSsO85pec?si=TMCMRJsblFwk1MlO" 

Шұғыл әрекет ету керек! Жылу беруге қатысты үкімет басшысы Әлихан Смайылов барлық жауапты органдар мен жергілікті әкімдерге қатаң тапсырма берді. «Қысқа дайынбыз»,- деп жалған ақпарат берген әкімдердің жұмысын сынады.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Технологиялық ақауларға байланысты инциденттер болып жатыр. Бірақ, жылу беру толықтай тоқтап қалған жоқ. Бұзылған учаскелерді нормативтік мерзімде қалпына келтіру бойынша шұғыл шаралар қабылданды. Авариялар болған жағдайда барынша шұғыл әрекет етіп, тиісті шаралар қабылдау керек. Халыққа нақты жағдай туралы, жөндеу жұмыстары мен жоспарлы жұмыстар туралы дер кезінде, объективті әрі түсінікті ақпарат беру – маңызды мәселе. Әйтпесе, өтірік ақпарат пен фейк тарап кетеді».

Бүгін Үкімет отырысында Энергетика министрі қыс басталмай жатып, жылу желілерінде болған апаттың себебін түсіндіруге тырысты. Айтуынша, суық атмосфералық ауа энергия көздері мен жылу желілеріне техникалық тұрғыда әсер еткен. Сондықтан, Риддер, Екібастұз және ГРЭС-1 де ақаулар болыпты. Алайда, ол олқылық тез арада жойылды дейді. Айтпақшы, жиында министр үкімет резервінен бірқатар жылу электр орталығына қаржы бөлінгенін айтты.

АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ:

«Жылыту маусымына дайындау үшін үкімет резервінен Риддер және Екібастұз қалаларының ЖЭО, Ақтау қаласының энергия көздеріне, Көкшетау қаласының қазандығына күрделі жөндеу жүргізуге, реконструкциялауға және қажетті жабдықтарды сатып алуға 21,5 млрд теңге бөлінді».

https://www.youtube.com/embed/VnsFFnM6ZEI?si=g-jQ0blENo2ujkTr" 

Бүгін Мемлекет басшысы Қасым-Жомарт Тоқаев «Алтын сапа» және «Парыз» сыйлықтарының лауреаттарын марапаттау рәсіміне қатысты. Отандық өнімдердің өрге басуына қызмет жасап жатқан кәсіпкерлердің алдында сөйлеген сөзінде Президент, мұндай шаралар еліміздегі инвестициялық климатты жақсартуға ықпал етуді көздейтіндігін алға тартты.Сондай-ақ өзінің тапсырмасына сәйкес өңдеу секторына қаржы салатын инвесторлар келесі жылдан бастап үш жылға салықтан босатылатынын айтты. Сонымен қатар бұрын-соңды мұндай жүйелі шаралар болмағанын әрі оның шешуші сипаты бар екенін, әйтпесе, инвестиция үшін өте жоғары халықаралық бәсекелестік қалыптасып тұрған жағдайда Қазақстанның көздеген мақсатқа қол жеткізуі қиынға соғатынын жеткізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:

«Өздеріңізге мәлім, бұған дейін отандық бизнесті негізсіз тексерулер мен заңсыз қылмыстық қудалаудан қорғау жөнінде тапсырма берген болатынмын. Қабылданған шаралардың нәтижесінде кәсіпкерлік саласындағы тіркелген қылмыстар саны екі есе азайды (837-ден 402-ге дейін). Ақтау негізі бойынша тоқтатылған қылмыстық істер саны шамамен бес есе қысқарды (416-дан 92-ге дейін). Инвестициялық жобаларды прокуратура органдарының сервистік қадағалауына баса мән беріледі. Инвестициялық жобаларды «жасыл дәліз» қағидаты бойынша қолдау жүйесі енгізіледі. Бұл инвесторларға рұқсат беретін құжатты алу ісін оңайлатады және жеделдетеді. Сонымен қатар оларға жер учаскелерін беру және коммуникация жүргізу жұмыстарын жеңілдетеді».

Мемлекет басшысы Үкімет пен бизнес-қоғамдастық бірлесіп, кәсіпкерлікті дамытуға кедергі келтіретін артық талаптарды анықтау үшін ауқымды жұмыстар жүргізгенін мәлімдеді. Оның айтуынша, 10 мыңнан астам заң нормасы жаңа реттеуші саясаттың негізгі талаптарына сай келмейтіні анықталды. Бүгінде оның 90 пайызы күшін жойды. Қалғаны жыл соңына дейін ретке келтіріледі. Сын-қатерлерді басқарудың автоматтандырылған жүйесі бақылаушы органдардың бизнеске қысымын шектеудің маңызды құралына айналады. Ол 2024 жылдың 1 қаңтарынан бастап іске қосылады және адамның қатысуынсыз тексеруді белгілеуге мүмкіндік береді. Нәтижесінде, бизнеске жоспарлы инспекция жасау екі есе қысқарады. Ал айыппұлдар саны бірнеше есе азаяды.Сонымен қатар бизнес пен мемлекет арасындағы қатынастардың жүйелі түрде жаңғыруына қазір әзірленіп жатқан жаңа Салық кодексі ықпал етеді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:«Атап айтқанда, онда фискальды органдарды әкімшілендірудің сервистік моделіне көшіру мәселесі қамтылады. Бизнес субъектілерінің салықтық есебін 30 пайызға азайту жоспарланып отыр. Салықтық төлемдер саны кем дегенде 20 пайызға оңтайландырылады. Көлік құралдарына арналған салық бойынша есеп айырысу мен декларация, сондай-ақ жер мен мүлік салығына қатысты жүктеме бір миллион теңгеден аз болса, есеп айырысу алынып тасталады. Кәсіпкерлердің банктердегі шоттарын бұғаттау кезінде олардың салықтық қарызына тең көлемдегі қаржысына ғана шектеу қойылады. Бизнесті дамытудың қазіргі ынталандыру тетігін сақтай отырып, қосымша қолдау шаралары қабылданады. Түсінікті және болжамды салық саясаты экономикалық өсімге тың серпін береді деп сенемін».

Мемлекет басшысы жиын соңында «Алтын сапа» және «Парыз» байқауларына қатысқан кәсіпкерлерге ризашылығын білдіріп, лауреаттарға наградаларын тапсырды.

https://www.youtube.com/embed/95Gb-Jn2tRU?si=GEkgstEnKV3djHJO" 

Орал қаласының іргесіндегі екінші саяжай тұрғындары наразылыққа шықты. Олар ұзақ жылдар бойы жол азабын тартып келеді екен. Әсіресе, көктем мен қыс мезгілдерінде бұл аумақта қатынас қиындайтын көрінеді. Балаларының өміріне алаңдаған оралдықтар мемлекеттік мекемелердің де табалдырығын тоздырған. Бірақ еш нәтиже жоқ.

Жан айқайын жоғарға жеткізбек болған жұрттың шыдамы таусылған. Қас қарайғанына қарамастан жұмыстан үйлеріне оралған тұрғындар наразылық білдіріп, жол бойына жиылды. Бұл олардың күн сайын қалаға қатынайтын жолы. Көктем мен күз мезгіліндегі сыйқы осы. Қоғамдық көліктер, жедел жәрдем мен такси жүргізушілері сапасы сын көтермейтін жолмен жүруден бас тартады екен. Тұрғындар қол жинап, жауапты органдарға арызын жеткізген. «Бірақ естір құлақ табылмады» деп ашынады.

СВЕТЛАНА ТЯТИНА ҚАЛА ТҰРҒЫНЫ: "2-ші саяжай Коммунальник аялдамасының жолы өте нашар. Әсіресе балалар үшін қауіпті. Қазір қараңғы ерте түседі. Іші балаларға толы автобус оқыстан апатқа ұшыраса ше? Жаяулатып келетін балалар да бар. Қараңғы көшеде жазым болса қайтеміз? Маусымдық орын деп саяжайларды көзге ілмейді. Біз не үшін ай сайын қаражат төлеп отырмыз?"

ЛАРИСА СЛАДКОВА ҚАЛА ТҰРҒЫНЫ: "Әкімдікке өтінішімізді айттық. Мардымды жауап алмадық. Саяжай қаланың сыртында орналасқандықтан қолдау көрмеуіміз керек пе? Өз қаражатымызға жөндеуге кеңес берді. Тіпті Президентке жолдаған хатымызға да осындай мәтіндегі жауап қатты. Өзіңіз ойлаңызшы? Қарапайым халықта жол жөндейтіндей ауқымды қаражат бар ма? Саяжайда осал топтағы, көпбалалы отбасылар тұрады. Айлығы шайлығына жетпейді. Қашан үнімізді тыңдайды бұл билік?"

Азаматтар жол мәселесін бірінші жыл көтеріп отырған жоқ. Саяжай қауымдастығы төрағасы жолдың жырын жатқа біледі. «Жыл сайын өтінішіміз қажетті жерге жеткенімен, әрекет байқалмайды»-дейді төраға. Айтуынша, саяжайдың кіреберіс жолына ешбір мекеме жауапты емес көрінеді.

АНДРЕЙ ЗАОЗЁРОВ БҚО БАУ-БАҚША СЕРІКТЕСТІГІ ҚОҒАМДАСТЫҒЫНЫҢ ТӨРАҒАСЫ: "Сіз айтып отырған мәселе өзекті. Көп уақыттан бері саяжай тұрғындарымен бірге құзырлы органдардан жол учаскесінің кімге тиесілі екенін анықтаумен келеміз. Теңгерім ұстаушының кім екені белгісіз болғандықтан біз меншік иесіне кіреберіс жолдарды ретке келтіруді міндеттей алмаймыз. Ең алдымен жергілікті атқарушы орган бізге жол учаскесінің иесі туралы ақпарат беруі тиіс. Кейін бірлесе отырып, теңгерім ұстаушыға талап қоя аламыз".

Бұл мәселе бойынша Орал қаласы әкімдігі сұрақтарымызға жауап беруден бас тартты. Тұрғындардың айтуынша, №22 және №32 мектептерде саяжайда тұратын оқушыларды тасымалдайтын көлік бар. Бірақ кейде оқушыларды Коммунальник аялдамасынан түсіріп кетеді. Балалар үйлеріне 3-4 шақырым жаяулатып жеткен күндер болған. Оқушылардың қауіпсіздігіне алаңдаған мектеп әкімшілігі өз беттерімен әрекет жасап жатыр.

САЯ БОРАНШИЕВА №32 ЖОББМ ӘЛЕУМЕТТІК ПЕДАГОГІ: "№32 мектептен бастап Урожайный аялдамасына дейін тасымалдаймыз. Яғни, екі ауысымда оқитын 1, 2 саяжай мен оның бұрылысындағы аумақты қосқанда 135 баланы қамтып отырмыз. Биыл асфальтты жолға арналған жаңа автобус берілді. Жылдамдық режимі 40-тан аспайды. Ал мұндай жол тіптен кедергі келтіреді. Желтоқсанның бірінде балаларды үйлеріне жеткізе алмадық. Сол себептен мектеп әкімшілігі шұрық-тесік жолды бітеу мақсатында қолданыстан шыққан кірпіштерді төсеуге жәрдемдестік".

Мектеп әкімшілігі жеткізген бірнеше қап кірпіш жолдағы ойықтың барлығын бірдей бітеуге жетпейді. «Асарлатып жасалған жұмыс балалардың қауіпсіздігін сақтауға, діттеген жеріне аман жетуіне сеп болар»,- дейді әлеуметтік педагог. Алда кірпіш төсеу жұмыстары жалғасады. Саяжайлықтар жылдар бойы қордаланған коммуналық мәселелер шешімін таппаса да, балалардың қауіпсіздігі үшін жағдай жасалса екен деген өтініштерін билікке тағы бір мәрте жолдады.

https://www.youtube.com/embed/l60iHbNS1do?si=OJrAWNIPLX5pthDu" 

Қыс қаһарына мінді. Алда аяз тағы күшейеді. Бүгін және ертең 44 градусқа дейін күн суытуы мүмкін. «Қазгидромет» мамандары осылай деп болжайды. Жел күшейіп, таулы аймақтарда тұман болады деп күтілуде. Сондықтан, мамандар асығыс жұмысыңыз болмаса, алыс жолға шықпауға кеңес береді. Кешелі бері апта басталғалы астаналық оқушылар мектепке бармады. Аяз басылғанша қашықтан оқу жүйесі енгізілді. Ауа райының нашарлауына байланысты 12 облыстың республикалық жолдары жабылды. Астана маңына қатынайтын автобустар да тоқтады. «Жолға шықпаңыздар» деп ескерту жасалса да, халық оған құлақ асар емес. Өткен тәулікте жол бойында қалған 60-қа жуық адам құтқарылды. Оның 12-сі бала.

БАҚЫТЖАН ҚАНАТҰЛЫ «ҚАЗГИДРОМЕТ» РММ ИНЖЕНЕР-СИНОПТИГІ:

«Температураға келер болсақ 12-13 желтоқсан күндері түнгі температура орталықта, солтүстік-батыста 25-38 градус аяз, солтүстікте 30-38 градус аяз, шығыста 20-38 градус аяз болады, қиыр солтүстікте , солтүстік-батыста 40-44 градус аязға дейін барады. 14 желтоқсаннан бастап Арктика Антициклоны солтүстік-шығысқа қарай ығысып, Антициклон ортасы Шығыс Қазақстанның үстіне тура келеді. Соған байланысты еліміздің қалған бөліктеріне қатты суық емес ауалар еніп, температураның көтерілуі болады, түнгі сағаттарда батысымызда 5-16 градус аяз, солтүстік-батыста 15-35, солтүстікте 25-38 градусқа дейін аяздың беті қайтады».