https://www.youtube.com/embed/osIxsc9rD88?si=wBx2vGGQxpQe0ELb"

Алматыда электр бағанасына шыққан монтер тірідей жанып кетті. Оқыс оқиға кеше кешкі сағат алты шамасында «Атмосфера» тұрғын үй кешенінде болды. «Алатау жарық» компаниясының мәліметінше,ер адам тұрғын үй кешенінің электршісімен бірге, Талғар аудандық электр тарату торабы мекемесінің рұқсатынсыз жұмыс жүргізген. Қауіпсіздік ережелерін сақтамағандықтан, тоқ соғып, қаза тапты. Аталған оқиғаға қатысты Түрксіб аудандық полиция басқармасы тергеу жұмыстарын бастады.

САЛТАНАТ ӘЗІРБЕК АЛМАТЫ ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ: «Түрксіб аудандық полиция басқармасында ҚР Қылмыстық кодексінің 156-бабы 3-бөлігі бойынша сотқа дейінгі тергеу басталды.Тиісті сараптамалар тағайындалды. Жағдай анықталып жатыр».

https://www.youtube.com/embed/y5B3XtHqJDw?si=8fkZ8lNuTXKJA4pS" 

Маңғыстау облысында мүмкіндігі шектеулі спортшыларға арналған арнайы спорт кешені жоқ. Соның салдарынан салауатты өмір салтын ұстанған азаматтар әр жерде жаттығып жүр. Кейде спортпен шұғылданатын жабдықтардың жетіспеушілігінен апталап кезек күтуге мәжбүр. Бір айта кетерлігі, тәуелсіздік жылдары өңірде ондаған спорт ғимараты бой көтергенімен мүмкіндігі шектеулі жандарға мүмкіндік берілмеген. Тағдырдың емес, мамандардың салғырттығынан әбден шаршаған параспортшылардың мұңын тілшіміз жеткізіп көрсін.

Ғани Есентеміровтің ауыр атлетикаға келгеніне 5 жыл болған. 2-топтағы мүгедектігі бар азамат бүгінде пара пауэрлифтингтен халықаралық дәрежедегі спорт шебері. Бұл дәрежеге жету оңай болмады. Себебі тыңғылықты дайындық жүргізуге жаттығу залы жетпейді. Ұлтарақтай жерде зіл темірді көтеретін үш құрылғы бар. Оның біреуін спортшылар өздері қолдан жасап алған. Шұғылданғың келсе кезек күтесің,-дейді спорт шебері.

ҒАНИ ЕСЕНТЕМІРОВ ПАРА ПАУЭРЛИФТИНГТЕН ХАЛЫҚАРАЛЫҚ ДӘРЕЖЕДЕГІ СПОРТ ШЕБЕРІ:«Аслан Сүйіншалиев деген тренеріміз осы жерде жұмыс істейді. Сондықтан біз залдың бір шетіне өз заттарымызды қойып, осы спортпен айналысып жатырмыз. Ал өзімізде негізі 27-52 – ның артында ангар бар. Ол ангар санаулы бір спортты қамтиды. Волейбол, боча отырып ойнайтын».

Ал жеңіл атлетшілердің арасында әр түрлі топтағы мүмкіндігі шектеулі жандар бар. Жыл 12 айдың ыстығы мен суығында да жағдай жасалмаған жерде жаттығу жасауға мәжбүр. Соған қарамастан Республикалық, халықаралық додаларда облыс атын абыроймен қорғап жүр. Ал спортшылардың киім ауыстыру бөлмесінің сиқы мынау. Жағдайы айтпаса да түсінікті.

НҰРЛЫБЕК ҚОЖАБЕКОВ ЖАТТЫҚТЫРУШЫ: «Зал жоқ. Орысша айтқанда ешқандай «условия» жоқ. Қыста енді, пока салқын енді. Шынын айтқанда зал жоқ. Қайда барамыз? 27-ге барамыз. Бірақ ол жерде копье лақтыра алмайды. Ештеңе істей алмайды ол жерде».

Бүгінгі таңда өңірде мүмкіндігі шектеулі 27000-нан аса адам болса, оның 7 мыңға жуығының спортпен шұғылдануға рұқсаты бар. Олар Ақтау мен Жаңаөзен қаласындағы ангар типіндегі арнайы спорт залдарда жаттығады. Бірақ оның өзі барлық спорт пен спортшыны қамтамасыз етпейді. Сондықтан заманауи әрі, үлкен орталық қажет. 

ҚАНАТ ЖҰМАБАЕВ СПОРТ ЖӘНЕ ДЕНЕ ШЫНЫҚТЫРУ БАСҚАРМАСЫНЫҢ БАСШЫСЫ: «42 шағын ауданнан 22-дай жер Маңғыстау облыстық спорт басқармасына берілді. Соған болашақта спорт залдарын салатын боламыз. Жаңа айтқандай болашақта стадион жоспарын қарастырып жатырмыз. Сонымен қатар, мүмкіндігі шектеулі жандарға ұсыныстарымызды дайындап отырмыз. Бір бөлігінде мүмкіндігі шектеулі спортшыларымызға бір спорт залы болады».

Басқарма өкілі спорттық бәсекелерде жоғары нәтиже көрсеткен спортшыларға қаржылай қолдау тұрақты деп отыр. Сондай-ақ,  сайыс сапарының да шығынын өтейтіндерін алға тартты. Алдағы уақытта мемлекеттік қолдаудан бөлек, демеушілер тартуға сөз берді.

https://www.youtube.com/embed/U_gW4BCe0XI?si=lK3ArWMoXZvRKA-6" 

Мемлекет басшысы Қасым-Жомарт Тоқаев іс сапарымен Қырғызстан Республикасына келді.Қасым-Жомарт Тоқаевты «Ала-Арча» резиденциясында Қырғызстан Президенті Садыр Жапаров қарсы алды.

Қазақстан Президенті ТМД мемлекеттер басшылары кеңесінің отырысына қатысуға арнайы келді.Онда Мемлекет басшылары күн тәртібінде тұрған өзекті мәселелерді талқылады.

https://www.youtube.com/embed/B3XVmZHfh-A?si=PcIbBsm7yOWFzJDi" 

Еуропалық ядролық зерттеулер жөніндегі ұйым әкімшілігі жыл сайын  келетін ондаған мың туристер үшін ғылымды түсінікті және шабыттандыратындай етіп жасауды шешті.

Бұл жаңа құрылымды жобалауға атақты сәулетші Ренцо Пиано шақыртылған. Сәулетші Еуропалық ядролық зерттеулер ұйымының бас директоры Фабиола Джаноттидің ескі досы. Нәтижесінде ол ауада қалықтайтын екі дәліз жасады. Олар эксперименттер жүргізілетін жерасты туннельдеріне ұқсайды.

РЕНЦО ПИАНО  СӘУЛЕТШІ:«Ғалымдар атомдардың ұсақ бөлшектерін көргенде олар әлем мен үлкен жарылыс туралы ойлайды. Және бұл өте дұрыс көзқарас. Егер сіз осы жағынан пайымдасаңыз жер планетасы - бәріміз саяхаттап жүрген шағын ғарыш кемесі екенін түсінесіз».

Ғимаратқа кіру тегін болады. Орталық дүйсенбі мен сенбі аралығында жұмыс істейді.
ФАБИОЛА ДЖАНОТТИ  ЕУРОПАЛЫҚ ЯДРОЛЫҚ ЗЕРТТЕУЛЕР ЖӨНІНДЕГІ ҰЙЫМНЫҢ ДИРЕКТОРЫ:«Ғылым порталының көмегімен біз қоғамға ұсынатын білім беру мүмкіндіктерін кеңейткіміз келеді. Бүгінгі таңда ұйым жыл сайын өтінім қалдыратын 300 000 адамның 150 мыңын қабылдайды. Яғни, бұрын біз өтініштердің жартысын ғана қанағаттандыра алатын едік».

 Жаңа «Ғылыми портал» келушілердің санын жылына жарты миллион адамға дейін арттырмақ.  Женеваның айналасындағы 27 шақырымдық жер асты циклі әлемдегі ең үлкен ұйым. Ол 2012 жылы белгілі болды. «Ғылыми портал» орманды алқапта орналасқан және күн батареялары арқылы жұмыс істейді. Ішінде зертханалар, көрме залдары және конференц орталығы бар.

https://www.youtube.com/embed/DdUslJTYEUQ?si=8gr6BEWHSu8IwATu" 

Жерден 100 миллион шақырымдай қашықтықта орналасқан Бену атты астероид өзінің құпиясын ашуда.

NASA қыркүйекте астероидтың бастапқы үлгілерін зерттеудің алғашқы нәтижелерін Жерге жеткізді. Бұл біздің планетамызға қайтып келген ең үлкен материал көлемі.  NASA-ның "Осирис-Рекс" ғарыш кемесі оларды үш жыл бұрын жинаған. Содан кейін оларды өткен айда Жердің ұшып өтуі кезінде капсула түрінде жерге тастаған. Ғалымдар бұл жерден кем дегенде бір кесе материал шығады деп күтеді. Дегенмен, негізгі сынама алу камерасы әлі ашылмағандықтан, нақты саны белгісіз. Көміртектен басқа, астероид материалында сулы сазды минералдар түріндегі су бар.

МИШЕЛЬ ТОМПСОН  КОМАНДА МҮШЕСІ:«Онда гидратталған минералдар бар екенін білеміз. Бұл олардың микроқұрылымына судың кіретінін білдіреді. Бұл су күн жүйесі жаралған кезден бері бар. Ол Жерге жетіп, мұнда мұхиттардың пайда болуына ықпал етуі мүмкін еді. Үлгіде органикалық молекулалар бар екенін де білеміз».

"Осирис-Рекс" кемесі 2016 жылы ұшқан. Миссияның құны миллиард долларды құрады. Екі жылдан кейін ол Беннуға жетіп,2020 жылы арнайы сорғыш құрылғының көмегімен зерттеуге қажетті материал жинаған. Үш жылдан кейін капсула Жерге құлағанда, оның зақымданбағаны белгілі болды. Яғни, 4,5 миллиард жылдық үлгілер қоспалармен ластанбаған. Енді алдағы уақыттарда ғалымдар оларды зерттейтін болады. Бұл зерттеулер күн жүйесінің пайда болуы, сондай-ақ жердегі тіршілік туралы сұрақтарға жауап табуға көмектеседі.

https://www.youtube.com/embed/kdVCgYn2Hwg?si=xw0fTod8-ZZ0ha2B"

Ауылдық аймақтардың инфрақұрылымын шешу кезек күттірмейтін мәселе.Бүгін аталмыш тақырыпты талқылауға арналған мәслихат депутаттарының бас қосуы Алматы облысына қарасты Қарсай ауданында орын алды. Онда атқарылып жатқан істермен,алдағы міндеттер талқыланды.

Қарасай ауданы Алматының іргесінде орналасқандықтан мұнда көшіп-қонушылардың легі жыл сайын артып келеді.Халық көбейген сайын, қажетті инфрақұрылымдарға сұраныс жоғарылап отыр. Басты мақсат,жергілікті тұрғындарды жұмыспен қамту, қажетті медициналық мекемелерді шалғайдағы елдімекендерге салу, жол,су және жарықпен жабдықтау секілді түйіткілді мәселелер облыстық және аудандық мәслихат депутаттарының назарына ілігіп отыр. Жиын барысында аудандық әкімдік мамандары 9-айдың қорытындысына тоқталып, негізгі басымдықтарды баяндады.

РУСТАМ АТЧАБАРОВ АЛМАТЫ ОБЛЫСЫ ҚАРАСАЙ АУДАНЫ ӘКІМІНІҢ ОРЫНБАСАРЫ

Ауданда өзекті тақырыптың бірі,үш ауысымды мектеп мәселесі. Осыған орай, 5-жаңа мектеп, үш орта мектепке жапсаржай құрылысы жүргізілген. Президент тапсырмасы аясында еліміздің әр аймағында жайлы мектептер салу жобасы басталып кеткен болатын.Соның он мектебі Қарасай ауданында бой көтермек. Биыл 8-мектепке қаржы бөлінген, бұйырса тиісті мерзімде пайдалануға берілмек. Жастарды білім ошақтарымен қамту маңызды болғандықтан, облыстық мәслихаттың төрағасы бастап,аймақтағы құрылысы жүріп жатқан нысандарды аралап, көздерімен көріп қайтты. Бұл «Асыл-Арман» тұрғын үй кешеніндегі 2000 балаға арналып салынып жатқан мектеп. Мердігер «Адвенто» ЖШС жеке қаражатына жүзеге асыруда. Бұйырса 2024 жылдық қыркүйек айында қолданысқа беріледі.

ТАЛҒАТ БАЙЕДІЛОВ АЛМАТЫ ОБЛЫСТЫҚ МӘСЛИХАТЫНЫҢ ТӨРАҒАСЫ

Осыдан кейін мәслихат төрағасы бастаған азаматтар «Асыл-Арман» ықшам ауданындағы жылыту қазандығына ат басын бұрды. Тұрғындар үшін маңызды жоба,заман талабына сай қазандықтармен жабдықталған. Айтулы қазандық «Асыл-Арман» тұрғын үй кешеніндегі 20 мыңға жуық тұрғындарды жылумен және ыстық сумен тұрақты түрде қамтамасыз етеді. Сондай-ақ мәслихат депутаттары Қаскелең қаласындағы өнер мектебіне арнайы келді. 2021 жылы ДОССАФ ғимаратын жергілікті әкімдік өз баланысына алған. Аймақтағы жастарды өнерге баулу үшін, айтулы нысанды өнер мектебіне айналдырмақ. Қазіргі таңда облыстық мемлекеттік сатып алудың бірыңғай ұйымдастырушысына күрделі жөндеу жұмыстарының жобалық-сметалық құжаттамасын  әзірлеуге жоспары қарастырылып жатыр.

https://www.youtube.com/embed/JxGdEFrgPow?si=TyvqsXr3-WIt499z" 

Ақмола облысында интернет пен ұялы байланыстың игілігін дұрыс көрмей отырған елдімекендер бар. Көкшетаудың іргесінде орналасқан ауылдардың өзінде байланыс нашар. Ғаламтор желісінің жылдамдығы да мәз емес.

Садовое ауылы облыс орталығынан 10 шақырым қашықтықта ғана орналасқан. Қалаға жақын бола тұра ұялы байланыстың зардабын тартып  отыр. Соңғы кездері ауыл тұрғындарының ғаламторға қосылмақ түгіл, жақындарымен байланыс орнатуы мұңға айналған. 

АМАНТАЙ АХМЕТ САДОВОЕ АУЫЛЫНЫҢ ТҰРҒЫНЫ:«Бізде байланыс нашар. Сөйлесе алмаймыз, сөйлесіп жатсақ үзіліп қалады».

МҰХАМЕД ЖҰМАШ САДОВОЕ АУЫЛЫНЫҢ ТҰРҒЫНЫ:«Интернет вай-файмен жақсы ұстайды, былай нашар.Далада кейде ұстайды, кейде ұстамайды».

Қалаға жақын орналасқандықтан,бұл ауылға қоныс аударушылардың қатары да жыл озған сайын көбейе түсуде.Байланысты қамтамасыз етушілер абоненттерді түгел қамтып үлгере алмай отыр. Ал облыс бойынша елдімекендерді ұялы байланыспен қамту мәселесі жоспарлы түрде шешілмек.

БАУЫРЖАН РАҚЫПОВ АҚМОЛА ОБЛЫСТЫҚ ЦИФРЛАНДЫРУ ЖӘНЕ АРХИВТЕР БАСҚАРМАСЫНЫҢ БАСШЫСЫ:«2024-2027 жылдар аралығында еліміздегі 3-4 оператор 115-ке тарта елдімекенде өз интернет желілерін модернизациялау жұмыстарын бастайды. Ол да біздің басқармамен келісіліп, қазір ауылдарды анықтау үстіндеміз».

Бүгінде облыс тұрғындарының 80 проценттен астамы интернет желісімен қамтамасыз етілген. «Қолжетімді интернет» ұлттық жобасы аясында алдағы үш жылда 250-ге жуық елдімекенге сапалы ғаламтор желісі тартылмақ.

https://www.youtube.com/embed/jp-9UlQLDP0?si=W71JWOflq1dmZqgO"

https://www.youtube.com/embed/jbMkmK65qJU?si=hdX_7yuQOgUYCxSi"

Қызылордалық Қошқарбаевтар әулетінде үлкен қуаныш, дүбірлі той! 15 қыркүйек күні Облыстық перинаталдық орталығында үшем дүниеге келді. Келесі тақырыпқа назар аударсақ.

Алтынай Байназарованың табиғи жолмен көтерген екінші босануы.Үшемнің үшеуі де қыз бала. Ата-әжелері немерелеріне Әмина, Медина, Ясина деген есімдерін берді.

АЛТЫНАЙ БАЙНАЗАРОВА ҮШЕМДЕР АНАСЫ

Отағасы Сағындық Култаев пен Алтынай Байназарованың отбасында үшемнен бөлек Рахымжан есімді 4 жастағы ұлы бар. Сағындық қаржы саласында банк қызметкері болып жұмыс істейді.Нәрестелер 1-ай бойы перинаталдық орталықтың жансақтау патологиясының бөлімшесінде ем қабылдаған. Бүгін үйлеріне шықты.

САҒЫНДЫҚ КҮЛТАЕВ ҮШЕМДЕРДІҢ ӘКЕСІ

Ана мен бала орталығында босанушыларға заманауи жабдықтар мен қолайлы жағдай жасалған.

МАЯ МИРЗАНОВА ҚЫЗЫЛОРДА ОБЛЫСЫНЫҢ ДЕНСАУЛЫҚ САҚТАУ БАСҚАРМАСЫ БАСШЫСЫНЫҢ ОРЫНБАСАРЫ

Дүниеге үшем келіп, өрісі кеңейген отбасының қуанышы ұзағынан болып, балалар ұлтымыздың бетке ұстар тұлғаларына айналуына тілек білдіреміз.

https://www.youtube.com/embed/MVyLf6kUfsw?si=VPZID6QtnwL6FVAb" 

Пластикалық қалдықтар енді күрделі мәселеге емес баға жетпес ресурс көзіне айналуы мүмкін. Кениялық кәсіпкер Джеймс Муриту дәл осындай қорытындыға келді. Ол пластмассадан сұйық отын жасайтын шағын өңдеу зауытын салды.

Қалдықтар компаниялар мен жеке тұлғалардан сатып алынады. Пластмасса кірден тазартылып, ұсақталып, арнайы реакторға жіберіледі. Онда пиролиз процесі жүреді. Пластмасса 500 градустан аспайтын температурада қызып нәтижесінде ол сұйық және газ тәрізді компоненттерге ыдырайды. Осылайша, бір келі пластиктен 800 грамм синтетикалық отын алуға болады.Пиролизден кейін бензин немесе дизельді тазарту керек. Тек содан кейін ғана құюға болады.

ДЖЕЙМС МУРИТУ «PROGREEN INNOVATIONS LIMITED»  БАСШЫСЫ:
«Біз балама отынның екі түрін шығарамыз. Біріншісі - бензин. Оны жеңіл көліктерге  пайдалануға болады. Сонымен қатар шынжырлы араларға, шөп шабатын машиналарға және басқа да шағын жабдықтарға жарамды».

Зауыт синтетикалық дизель отынын да шығарады. Кәсіпкердің өзі оны жол талғамайтын көлігіне пайдаланады.Сарапшылардың айтуынша, пластиктің ыдырауы ондаған, тіпті жүздеген жылдарға созылуы мүмкін. БҰҰ деректері бойынша әлемде жыл сайын 400 миллион тонна пластик қалдықтары шығарылады. Соның тек 9 пайызы ғана қайта өңделеді екен. Бұл табиғатқа зиянын тигізіп, атмосфераны ластайды. Бірақ пиролизбен бәрі басқаша болмақ.

НИКСОН ОТЬЕНО ЭКОЛОГИЯЛЫҚ САРАПШЫ:«Уайымдауға негіз бар, пиролиз процесі зиянды газдар бөледі. Бірақ сіз пиролиз бен жану арасындағы айырмашылықты түсінуіңіз керек. Жану процесі ашық ауада, ал пиролиз жабық жүйеде жүреді. Бұл өз кезегінде улы газдардың көлемін азайтады».

Зауыт үш күнде 1000 литр отын шығаруға қауқарлы. Бірақ өнімдері әлі сатылымға шыққан жоқ. Компания бақылаушы органдардан лицензия алуы керек.

https://www.youtube.com/embed/s7aqVocMa_E?si=9E4oF46L0pw0elRj" 

Өткен сенбіде Хамас содырлары жаппай шабуыл жасаған Израильдің ең көп зардап шеккен аудардарының біріне Цахала әскери қызметкерлерімен бірге шетелдік журналистер де келді. Олар қаза тапқандардың денелерін іздеуді бақылап отыр. 
 
ИТАЙ ВЕРУВ - ГЕНЕРАЛ-МАЙОР «Біз  бөлмелерінде төсекте жатқан балалар мен ата-аналардың өлі денелерін көрдік.Соғыста бейбіт тұрғындарға оқ атушы ма еді? Бұл соғыс емес, бұл таза терроризм.Мен өмірімде мұндай нәрсені көрген емеспін».

Өлтірілген содырлардың денелері  мен өртенген көліктер қаңқалары кибуц аумағында шашылып жатыр. Бұған дейін мұнда саперлер жұмыс істеген, өйткені ХАМАС барлық жерде құрбан болғандардың сүйектерін миналаған.  Бұл кибуцта негізінен жастар өмір сүрген.

АЙЕР АВРИЭЛЬ – САРБАЗ «Бұл жерге қатты шабуыл жасалды. Бейбіт тұрғындар аяусыз  өлтірілді. Оларға гранатаметтан оқ жаудырған.  Ешкім тірі шықпас үшін содырлар бәрін өртеп жіберген».

Мұндай қатыгездікті  шекараға жақын басқа кибуциден де көруге болады. Мысалы, олардың біреуінен өлтірілген бейбіт тұрғындардың 100-ге жуық денесі табылды. Осындай қырғында мына жұп аман қалды. Олар кішкентай баласымен 20 сағаттан астам уақыт  жасырынып жатқан. Содан кейін әскерилер оларды құтқарып, түн ауғанда қауіпсіз жерге апарды. 
 
КЕРЕН ФЛЭШ – БЕЙБІТ ТҰРҒЫН «Біздің үйге топырлап біреулер келгенде, біз олардың содырлар екенін  білмедік. Біз тек адамдардың үйге кіргенін естідік. Олар есікті бұзып, біздің қауіпсіздік бөлмеміздің есігін қағып бастады. Сол сәтте біз құрыдық деп ойладық.  Біз онда жазықсыз ұйықтап жатқан баламызбен бірге отырдық және не істерімізді білмедік. Өзіміздің әскерилер келгенде қатты қуандық. Аман қалғанымызға әлі-де сене алар емеспін».
 
Хамас  пен Израиль арасындағы қақтығыстар әлі-де жалғасуда. Сейсенбіде тағы да Газа секторынан Израиль қалаларына қарай зымырандар ұшты. Израиль армиясы анклавтағы содырлардың базаларына зымырандық шабуылдар жасап, құрлықтағы операцияға дайындалып жатыр.  Сондай-ақ Израильдің солтүстік шекарасында Ливанның оңтүстігінен және Сириядан оқ атылды. Демалыс күндері ХАМАС шабуылынан қаза тапқандар саны 1000-нан асты. Құрбан болғандардың басым көпшілігі үйлерде, көшеде және ашық аспан астындағы музыкалық фестивальде атылған бейбіт тұрғындар болды.

https://www.youtube.com/embed/HFfe8VNal_0?si=GXRpCfS7unvpvYZJ" 

Алматының №2 Бостандық ауданының сотында меймандарды ұрып-соққан караоке-бардың қызметкерлеріне қатысты қылмыстық іс қаралды. Сотталушыларға бұзақылық жасады, бұзақылық пиғылда бір топ адамның денсаулығына қасақана ауыр және орташа зиян келтірді деген айып тағылды. Сот үкімімен жеті адам бас бостандығынан айырылды. Сотталушылардың ішінде танымал актер Асқар Жұмабекте бар. Оған 6 жыл 6 ай 15 күн мерзімге жаза тағайындалды.

Отандық «Ақжауын» телесериалында Жасын рөлін сомдаған Асқар Жұмабек істі болды. Сотта анықталғандай, былтыр 28 желтоқсанда қаладағы караоке-барлардың бірінде қонақтар мен мекеме қызметкерлері арасында жанжал шығып, оның соңы төбелеске ұласқан. Алматы қалалық сотының баспасөз қызметінің хабарлауынша, сотталушылардың кінәсі куәгерлер мен жәбірленушілердің айғақтары, сот сараптамасы қорытындысы, бейнебақылау камерасына түсіп қалған бейнежазбалар арқылы дәлелденген. Сот үкімімен жеті адам кінәлі деп танылды. Бәріне 6 және 6,5 жылға бас бостандығынан айыру жазасы тағайындалды»

Қазақстандық актер Асқар Жұмабекке 6 жыл 6 ай 15 күн мерзімге сотталды. Бұған дейін, актердің өзі кінәсіз екенін айтып, Президентке видеоүндеу жасап, көмек сұраған болатын.

Сот үкімі заңды күшіне енген жоқ.