https://www.youtube.com/embed/y8diiWaPaNY?si=RxRm5cWNbsthn4WO" 

Он алты ата-ана құқықтарынан айырылды. Бұл туралы Ішкі істер министрлігі хабарлайды. Кәмелетке толмағандарға қатысты құқық бұзушылық фактісінің куәсі болсаңыз үндемей қалмаңыз! Полиция қызметкерлері халықтан балаларға тиісті әр істі бей-жай қалдырмауларын сұрайды. Бүгінде елімізде мектеп оқушыларының құқықтық сауаттылығын арттырып, түрлі тәртіп бұзушылықтың алдын алу мақсатында рейдтік шара жүріп жатыр. Нәтижесінде, жасөспірімдерге қатысты 250-ге жуық құқық бұзушылық анықталған. Әсіресе, оқушылар арасында ішімдік ішетіндер көп. Бір аптаның ішінде мас күйде болудың 64, жол жүрісі қағидасын бұзудың 3,5 мың фактісі тіркелген. Түнгі уақытта көшеде жүретіндер де тиылар емес. Олардың ата-аналарына айыппұл салынып,  92 жасөспірім уақытша бейімдеу орталығына орналастырылды.

ҚАЙСАР СҰЛТАНБАЕВ ҚР ІІМ ӘПК ТӨРАҒАСЫ: «Егер сіз кәмелетке толмағандарға қатысты құқық бұзушылық фактілері туралы білсеңіз немесе сіз бала болсаңыз және өзіңізге қатысты зорлық-зомбылық орын алса – үндемей қалмаңыз! Сіз полицияға 102 немесе 111 нөмірлері бойынша хабарласуыңыз керек. Көрсетілген телефондар арқылы сіз тәулік бойы ақпараттық, консультациялық, психологиялық көмек пен қолдау ала аласыз. Біз отбасы мен балалардың қорғаушысы болуымыз керек. Есіңізде болсын, бөтен бала болмайды, егер сіз бүгін бейтаныс балаға көмектесіп, қорғасаңыз, ертең сіздің де балаңызға біреу көмектеседі».

https://www.youtube.com/embed/5ZPewQEP0ac?si=wy9YAyUw8lck6Svq"

Әрбір жұмысшының еңбегі қорғалу керек! Кеншілер кешке үйіне аман-есен оралатынын білуі керек. Қазіргідей «аман» келсе деп алаңдамай ертеңгі күнге сеніммен қарайтындай жағдай жасау шарт. Осылай деген мәжіліс депутаттары Үкіметтен еңбек қауіпсіздігіне қатысты бақылауды күшейтуді талап етті. Ірі кәсіпорындарды тексеруге салынған мараторийді алып тастау қажет деп санайды. Мәжіліс отырысынан толығарық алдағы бейнематериалда.

Бүгін депутаттар Қарағанды облысында қаза тапқан кеншілерді бір минуттық үнсіздікпен еске алды.

ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ: «28 қазанда Костенко атындағы шахтада апат салдарынан 46 адам көз жұмды. Бұл - тұтас халқымыз үшін үлкен қасірет. Мемлекет басшысының бастамасымен 29 қазан Жалпыұлттық аза тұту күні болды. Барлық депутаттың атынан қайтыс болған кеншілердің отбасылары мен жақындарының қайғысына ортақтасып, көңіл айтамын».

Күллі қазақ халқын дүр сілкіндірген бұл апат компания басшылығы өз қызметкерлерінің өміріне салғырттықпен қарағанының нәтижесінде болды. Осылай деген депутаттар мынадай дерекпен бөлісті. Кеншілер адал еңбек, маңдай термен ауыр қызметте жүріп мардымсыз жалақы алып отырса, бұл уақытта Арселлор Миталл жылына 200 млрд теңгеден астам табыс тауып оның басым бөлігін шет елге шығарып отырған. Мұндай бассыздықты тоқтату керек деген олар, ірі бизнесті тексеруге арналған мараторийді алып тастауды талап етті.

АРМАН ҚАЛЫҚОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Біз кәсіпорынның жеткілікті ақша таба алатынын көріп отырмыз. Көмір өнеркәсібінде 30 жылдық тәжірибесі бар қызметкер ретінде қарағандылықтарды сабырлыққа шақырғым келеді. Бізде осы жылдар ішінде тікелей инвестор бола алатын, әлеуметтік жауаптылығы бар кәсіпкерлер саны жеткілікті дәрежеде өсті. Осы трагедиядан кейін басқаша болуы мүмкін емес. Біз осы кәсіпорынды өз бетінше дамыту үшін өзіміздің кәсіби кадрларымыз жеткілікті деп санаймыз».

Айтпақшы бүгін депутаттар республикалық бджет туралы заңды бекітті. Алайда, олар мемлекет қазынасының ақшасының оңды-солды қажет емес дүниелерге шашылғанын ашық айтып сынады. Ашынғаннан емес, жанымыздың ашығанын айтамыз деген олар, елдегі бар проблеманы көтерді.

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ «Қазір бірде-бір мемлекеттік тұрғын үй бағдарламасы қалмады. Өзін әлеуметтік мемлекет деп таныған ел үшін – бұл нонсенс. Дәл бүгін үй кезегінде 650 мың адам тұр. Бұл дегеніміз шамамен 2 млн отбасының мүшелері пәтер жалдап жүр деген сөз. Оның ішінде, олардың үштен бірінің қаржы жинау мүмкіндігі мүлдем жоқ, яғни тапқан табысы тамағынан артылмайды. Жылына 9 мыңға жетер-жетпес қана әлеуметтік бағыттағы үй салынады. Ал бір жылда кезекке 50 мың адам тұрады. Бұл қандай саясат, бұл нендей менеджмент? Әріптестер, үй болмай, күй болмас».

Депутаттар табысы тамағынан артылмайтын, несиеге белшесінен батқан халықты құтқару үшін «қарызсыз қоғам» жобасын жалғастырып, заңсыз иемденген қаражаттарды тезірек қайтаруға және қолда бар ақшаны аса қырағылықпен тиімді пайдалануға күш салу керектігін айтты.

https://www.youtube.com/embed/De_zm5zuABk?si=0lNakUAdRXnTbaNt"

Еліміздің ертеңі балаларымызды көзіміздің қарашығындай сақтап,қолдау мен қорған таныту қоғамдық мәселе. Қорлық көмей тұлға болып қалыптасуы үшін қоршаған ортаның маңызы өте зор. Толығырақ келесі бейне материалға назар аударсақ.

Бүлдіршіндердің тыныш ұйқысы мен риясыз күлкісі әр отбасы үшін де,мемлекет үшін де басты құндылық. Ол үшін қоғамдық мекемелер тарапынан атқарылып жатқан шаруалар да аз емес. Мәселен 2015 жылы тұсауын кескен балабақшада бүгінгі таңда 180 бала тәрбиеленіп тұлға болып қалыптасып келе жатыр. Үміт артқан балаларымызды қорғау әрқайсысымыздың басты борышымыз дейді балабақша басшысы.

СӘУЛЕ ЕРЖАНОВА АЛЬТАИР БАЛАБАҚШАСЫНЫҢ МЕҢГЕРУШІСІ: «Осы мекемеде балаларымызды жинап білім,тәрбие беріп жатырмыз. Бүгін кезекті ертеңгілігіміз. Күзге арналған. Ата-аналар келіп қуанып жатыр. Ата-аналарымыздың қуанышына қарап,балаларымыздың қуанышына қарап, бізде қуанып жатырмыз. Егерде білім бұлағын осы жастан бастап берсек онда біздің жетістіктеріміз жақсы болады деп ойлаймын».

Балабақша бағдарламасына Логопед,психолог,тәрбиеші мамандары біріге отырып арнайы жұмыстар жүргізеді. 

СӘУЛЕ ЕРЖАНОВА АЛЬТАИР БАЛАБАҚШАСЫНЫҢ МЕҢГЕРУШІСІ: «Әр мереке мейрамдарымызды өткіземіз міндетті түрде. Өйткені балалардың миларына қалыптастыру керек. Отанға деген сүйіспеншіліктерін,бір-біріне деген достығын арттыру осы жастан басталады.  Жалпы баланың  біліміне қарай қандай жолға түскені дұрыс,мысалы шығрмашылық па,әлде баланың қабілетіне қарай бөлінеді. Соған қарай ата-анаға біз көмектесеміз».

Шара соңында балақайлар марапатталып,жүздерінде қуаныш реңі ойнап шаттанып қалды.Қоғамнан қорлық емес қошемет көрген бүлдіршіндердің жүректерінде мейірім,отанға деген сүйінпеншілік орнайтынын әр қоғам мүшесі ескеруі тиіс.

https://www.youtube.com/embed/3-LvTjl4NsE?si=mE3BCSnLgUzxWuoS" 

Ақтау қаласының 9-шы өндірістік аймағындағы нөмірі 38-ші жер учаскесінде заңсыз жүргізілген құрылыс нысаны бұзылды. Жауапты мамандар жиналып, арнайы техникалармен қиратылды. Тағы қанша нысан заңсыз салынған?Келесі тақырыпқа назар аударсақ.

Ақтау шаһарындағы 9-шы өндірістік аймақ, №38-жер учаскесіндегі заңсыз құрылыс сүріліп тасталды.  Бұған дейін облыстық мемлекеттік сәулет-құрылыс бақылау басқармасы бұл ғимаратқа жоспардан тыс тексеріс жүргізген. Нәтижесінде кәсіпкердің рұқсат құжаттарын рәсімдемегені,  эскизі келісілмегені, жұмыс жобасының сақталмағаны анықталған. Осыған сәйкес басқарма әкімшілік шара қабылдап, құрылысты тоқтату бойынша нұсқама берген. Алайда кәсіпкер, мұның ешбірін ескермепті.

ДӘУРЕН ӨТЕПҚАЛИ  МАҢҒЫСТАУ ОБЛЫСТЫҚ МЕМЛЕКЕТТІК СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БАСШЫСЫ: «Алайда кәсіпкер тарапынан бізбен берілген, қолданылған құқықтық актілерді елеген жоқ. Сол себепті біз өз бетімен салынған құрылысты мәжбүрлеп бұзу деп сот органдарына талап, арыз жолдадық. Соттың шешімі  заңды күшіне енді. Бірінші сатыдағы сот шешімімен, содан кейін аппеляциялық сотта да қаралды. Қазіргі таңда біздер атқару парағын жүргізіп жатырмыз».

Соттың шешімі заңды күшіне енді. Нысанды мәжбүрлеп бұзу туралы шешім де шығарылды. Осыған орай, жауапты органдар заңсыз құрылысты жермен жексен етуге кірісті.

БЕГАЛЫ ТҰРДЫБАЙ АҚТАУ АУМАҚТЫҚ СОТ АКТІЛЕРІН ОРЫНДАУ БӨЛІМІНІҢ МЕМЛЕКЕТТІК СОТ ОРЫНДАУШЫСЫ: «Біздің өндірісімізде МО экономикалық соттың шешімі бар. Яғни, 6 сәуір 2023 жылғы сот шешімі заңды күшіне енген. Заңды күшіне еніп, борышкерге хабарлама таныстырылған. Құрылыс обьектілері заңсыз деп танылған Сот шешімімен. Өзіне, ерікті түрде орындалу хабарлама жіберді.  Алайда, борышкер бүгінгі таңда өз еркімен орындаған жоқ. Сол себепті уәкілетті органдардың қатысуымен, сот шешімін орындау барысында құрылыс обьектісі мәжбүрлі бұзылуда».

Ақтау қаласында  заңсыз салынған тағы 28 құрылыс бар. Басқарма барлығына әкімшілік шара қабылдап,  нұсқама берген. Бүгінде 26 нысанға қатысты шешім шыққан. Оның 21 заңды күшіне енген.

https://www.youtube.com/embed/x3m49npt4vY?si=aXFnfshE0yIRTT0t" 

https://www.youtube.com/embed/tONJVAoF5VU?si=HHvTMZwoAKLM-Ia7" 

Қазақстан үкіметі «АрселорМиттал Теміртау» компаниясымен инвестициялық ынтымақтастықты тоқтатты. 40-тан аса жұмысшының өліміне әкелген бұл компанияның енді аты өзгеруі мүмкін. Себебі, қазіргі басшысы ауысса компанияның да атауын ауыстыру қажет екен. Бұл кен орнының ендігі аты жұмысшылармен ақылдаса отырып қойылады деді Өнеркәсіп және құрылыс министрі Қанат Шарлапаев үкімет отырысында. Бірақ, жұмысшылар да, жалақы да жұмыс тәртібі де өзгеріссіз қалмақ. Сонымен күллі елді қара жамылдырған бұл оқиғаға қатысты ендігі шешім қалай болады? Қаза тапқан кеншілер отбасына қандай көмек көрсетіледі? Толығарақ алдағы бейнематериалда.

Бір жылдың ішінде екі рет қазақ елі аза тұтты. Жазда Абай орманындағы алапат өртте қаншама шаңырақтың оты сөнді, енді міне жыл аяғында тағы қасірет. Апталдай азаматтардан айырылып, ту төмен түсті, аспан қара жамылды. Бейбіт күнде бірі әке, бірі ұл, бірі жарынан ажырады. Үкіметтің бүгінгі отырысы жұмысқа кетіп қайта оралмаған осы кеншілерді бір минут үнсіздікпен еске алудан басталды.

Қазір шахтадағы апаттан қаза тапқан 40 адамның жеке басы анықталған, қалған 6 кеншінің кім екенін тынып-білу мүмкін емес. Сондықтан, ДНҚ сараптамасы жүргізіледі. Алдағы 3-4 күнде барлық қаза болған жұмысшылардың толық тізімі жарияланады. Апаттан зардап шеккен 27 адам қазір ауруханада ем алып жатыр. Оның біреуінің жағдайы тым ауыр.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Өздеріңіз білетіндей, өрт болып, кеншілер қаза тапты. Қаншама адамның өмірін қиған апат қазақстандықтардың қабырғасын қайыстырды. Үкіметтің және өз атымнан қара жамылған отбасыларға қайғырып көңіл айтамыз».

Қазақстан үкіметі «АрселорМиттал Теміртау» компаниясымен инвестициялық ынтымақтастығы тоқтады. Орнына жаңа инвестор келеді. Алайда, ол шет елдік болмайды дейді жауапты министр. Аталмыш оқиға бойынша үкіметтік комиссия жұмыс істеп жатыр. Бүгін белгілі болғаны бұдан бөлек, тағы 7 шағын комиссия құрылыпты. Мақсат апаттың себебін анықтау.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «Қазіргі уақытта ашық жану ошақтары жоқ, газдық жағдай қалыпты. Шахтаның қызметін қалпына келтіру үшін тау-кен қазбаларын зерттеу және жекелеген учаскелерде су сору жұмыстары жүргізілуде. Аварияның себептерін тергеп-тексеру аясында Үкіметтік комиссия мүшелерімен бірге шахтаға түстім. Біз өте маңызды бұзылуларды анықтадық. Тау-кен қазбаларында шахта жабдықтары жылжып кеткен. 15-тен астам оқшаулағыш бөгеттер мен желдету құрылыстары қираған.Қазіргі уақытта тағы 7 шағын комиссия құрылып, жұмыс істеп жатыр».

Ал, үкімет басшысы Әлихан Смайылов болса, бұл – тікелей кәсіпорын басшысының кінәсі дейді.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Көптеген адам өліміне әкеп соққан апат өндірістегі қауіпсіздік талаптарының сақталмауымен тікелей байланысты. Бұл – бірінші кезекте, кәсіпорын басшылығының кінәсі. Олар компания жұмысынан өздерін шеттетіп тастаған. Мұндай әрекетсіздіктің салдары бірнеше жылдар бойы қайғылы жағдайларға әкеп соғуда. Компания өз міндеттемелерін орындаған жоқ».

Тәуелсіздік алғалы 30 жыл ішінде Қазақстан шахтасында 211 кенші қаза тауыпты. Елдегі ең алғашқы аза тұту күні де 2006 жылы Қарағанды облысындағы шахтада болған жантүршігерлік жарылыстан басталған. Ол кезде 41 кенші қайтыс болып, жеті жұмысшы жараланған еді. Күні кешегі Қазақстан тарихындағы 13-ші қаралы күн, кеншілердің қаза табуына байланысты жарияланды. Бұндай сұмдықтың тоқтар күні бар ма?

https://www.youtube.com/embed/l6vcgBhAbMo?si=rVZftEGctwhtGprs" 

Төлеу мерзімі өтіп кеткен кредитті жабу үшін халық одан да жоғары пайызбен несие алады. Міне, бұл дабыл қағарлық жағдай. Осылай деген Үкімет басшысы Әлихан Смайылов қарызға белшесінен батқан халықтың қаржылық сауаттылығын арттыруда жұмыс істемей отырған жауаптыларды сынады.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Шектеусіз кредит алып, қарызға белшесінен бата береді. Банк кредит беруден бас тартқан жағдайда, олар пайыздық үстемесі өте жоғары микроқаржы ұйымдарына жүгінеді. Осылайша, адамдар қаржылық сауатының төмендігінен жағдайын қиындата береді».

Үкімет басшысының дерегінше, 1-ші қыркүйектегі жағдай бойынша   банктердің тұтыну кредиттерінің портфелі – 9,2 трлн теңге. Бұл орайда, бір қарыз алушыға шаққандағы берешектің орташа мөлшері шамамен 1,5 млн теңгені, ал проблемалық тұтыну кредиттері бойынша – 1 млн теңге.

https://www.youtube.com/embed/N9was4jXglQ?si=VsuJXrr2PfE_FCwj" 

Мемлекет басшысы Қасым-Жомарт Тоқаев Туризм және спорт министрі Ермек Маржықпаевты қабылдады. Қасым-Жомарт Тоқаевқа министрліктің қазіргі қызметі мен алдағы кезеңге арналған жоспары туралы баяндалды.Сондай-ақ Президентке Қытайда өткен Азия және Паразия ойындарының қорытындысы бойынша жүргізілген сараптама нәтижелері жөнінде есеп берілді.

ЕРМЕК МАРЖЫҚПАЕВ ҚР ТУРИЗМ ЖӘНЕ СПОРТ МИНИСТРІ

https://www.youtube.com/embed/2u5k6_rIAsA?si=StpI-hO8J-WknBu1" 

Тарихқа топырақ шашсаң болашақ саған тас атады. Тұмшаланып жатқан тарихымыздың таспаға бейнеленген жаңа парағы ашылды.Ресей мемлекеттік кино, фотоқұжаттар мұрағатынан белгілі Алаш ардақтысы Сәкен Сейфуллиннің видеосы табылды.

Мемлекет қайраткері бейнеленген бұл кадрлар 1935 жылы Қазақ автономиясының құрылғанына 15 жыл толуына орай түсірілген. Сәкен Сейфуллинмен бірге, Ораз Жандосов, Әліби Жангелдиннің бейнежазбасы таспаланған құнды дүниені тапқан Ахмет Байтұрсынұлы атындағы Тіл білімі институтының ғылыми қызметкері Ермұхамет Маралбек. Ұлтымыздың бай мұрасын олжалап қайтқан ғалыммен сұхбаттасқан едік.

ЕРМҰХАМЕТ МАРАЛБЕК А.БАЙТҰРСЫНҰЛЫ АТЫНДАҒЫ ТІЛ БІЛІМІ ИНСТИТУТЫ ДИРЕКТОРЫНЫҢ ОРЫНБАСАРЫ: «Ахмет Байтұрсынұлының жазу реформасы және теориясы мен тәжірибесі деген тақырыпта гранттық зерттеу жобасын ұсынып жас ғалымдарға арналған. Осы жоба аясында былтырдан бері жұмыс жасап жатқанбыз. Осы қазанның 19-23 аралығында үш ғалым Мәскеу қаласына сапар шектік. 6-7 күн жұмыс істедік. Ол жердегі қазаққа қатысты барлық карточкаларды қарадық. Соның ішінде Алаш мұрасына қатысты табылуы мүмкін деген бейнежазбаларды қарадық. Сол бейнежазбаның ішінде Сәкен Сейфуллинді бар деп ойлаған жоқпыз кездейсоқ кездестіріп қалдық. Сол кезде қатты әсер етті. Сәкен десе Сәкендей тұлғасы қандай керемет».

Сонымен қатар ғылыми қызметкер Мәскеу мұрағатынан тағы қандай құнды деректерді кездестіргенін айтты. Ресей мемлекеттік Ленин атындағы кітапханада сирек қолжазбалар қорында Алаш қайраткерлерінің көптеген еңбегі сақталған. Ахмет Байтұрсынұлы туралы ғылыми айналымда жоқ, еш жерде кездестірмеген еңбектері табылды дейді ғылыми қызметкер.

ЕРМҰХАМЕТ МАРАЛБЕК А.БАЙТҰРСЫНҰЛЫ АТЫНДАҒЫ ТІЛ БІЛІМІ ИНСТИТУТЫ ДИРЕКТОРЫНЫҢ ОРЫНБАСАРЫ: «Сонымен бірге Қоянды жәрмеңкесі түсірілген бір видеоны тауып алдық».

Мәскеу қаласына ғылыми зерттеу жоба аясында аттанған ғалымның бірі Әрлен Сейітбатқал. Қазақ автономиясының құрылғанына 15 жыл толуына орай өткен шараға ұлт зиялыларының қатысуы заңдылық дейді жас ғалым.

ӘРЛЕН СЕЙІТБАТҚАЛ А.БАЙТҰРСЫНҰЛЫ АТЫНДАҒЫ ТІЛ БІЛІМІ ИНСТИТУТЫ ОНОМАСТИКА БӨЛІМІНІҢ КІШІ ҒЫЛЫМИ ҚЫЗМЕТКЕРІ

https://www.youtube.com/embed/lRghGJYsKwE?si=NwiW4tvBUlFzoQ2U" 

Батыс Қазақстан облысы Шыңғырлау ауданы Ақбұлақ ауылындағы білім ошағында ұстаздар арасында дау шықты. Негізгі себеп-мектеп директоры мен ұжым арасындағы келіспеушілік. Мұғалімдер директор қызметкерлерді үй шаруасына жұмсап, лауазымын асыра пайдаланып отыр деп шағымданды. Білім ордасындағы дау-дамайдан әбден мезі болған ата-аналар енді кімнен көмек сұрарын білмей дал.

Шағын ауылдағы дау-дамай, талас-тартыс күллі облыс жұртының құлағына жетті. Мұғалімдер жік-жікке бөлініп, жартысы директордың орнынан кетуін талап етсе, енді бір бөлігі басшыларын қолдап әлек. Қарсы тарап «Мектеп директоры негізсіз ақша жинайды, психологиялық қысым көрсетеді, мұғалімдерді алалайды, командалық арандатушылық тудырады»-деген шағымдарын айтты.

МЕЙРМАН МЕНДӘЛИЕВ АТА-АНА: «Ахуал нашар. Мектеп директоры мұғалімдерді алалайды. Жемқорлық мәселесі де бар. Біз жоғары жақтағыларға шағымдандық. Ешқандай шара қолданылған жоқ. Мектеп директоры негізі өз еркімен арыз жазып, қызметінен кеткен болатын. Алайда бір аптадан кейін орнына қайта қойды».

ЖАНАР ҚУАНДЫҚОВА МЕКТЕП КІТАПХАНАШЫСЫ: «Бес жыл болды осы кісімен жұмыс істеп жатқаныма.Осы уақыт ішінде мен психологиялық давканы көрдім. Әлі де көретін сияқтымын».

ӘДІЛЕТ ОРЫНОВ ДЕНЕ ШЫНЫҚТЫРУ ПӘНІНІҢ МҰҒАЛІМІ: «Біздің басшы ұжымға бірдей қарамайды. Өзінің жақсы көретін, өзіне жақын тартатын адамдары бар және ұнатпайтындары бар. Қысым көрсетеді, артыңа түседі».

Ал мектеп директоры айтылған шағымдардың бәрі маған жабылған жала дейді. «Керісінше қызметкерлерім менің атыма күйе жағып, жұмысымды жоққа шығарғысы келеді. Олардың көксегені менің орныма отыру. Егер ұжымда ауызбіршілік болмаса біздің мектеп аудандағы үздіктердің қатарына кірмес еді» -деп азар да безер болып өз шындығын алға тартты.

СӘУЛЕ ҚОЖАМҚҰЛОВА ТАСМОЛА ЖББМ ДИРЕКТОРЫ: «Мектепте ешқандай ала ауыздық бар деп ойламаймын. Командалық ала ауыздық құрған емеспін. Психологиялық давка жасалмайды. Мен басшы болғандықтан, әрқайсының жағдайын түсінуге тырысам. Ұжымға қолдау көрсетемін. Мұның қайдан шыққанын білмеймін».

ГҮЛНАР МҰХАМБЕТОВА  МҰҒАЛІМ: «Бұл мәселе кәсіподақ арқылы шешілетін еді. Мен оқушыларымнан ұялам».

Шағын ғана мектептегі шудан аудандық білім беру бөлімі де құлағдар. Жаға ұстатарлық жағдайға қатысты жауаптары мынадай болды.

ҚУАНЫШ ЕСЕНОВ ШЫҢҒЫРЛАУ АУДАНДЫҚ БІЛІМ БЕРУ БӨЛІМІНІҢ БАСШЫСЫ: «Директордың жақтастары мен ұжым болып бөлінген екі тарап арасындағы даудың өршігеніне айдан асқан. Білім бөлімі оларды бір бітімге келтіруге қауқарсыздық танытып отыр. Баласын мектепке білім алуға апарған ата-ана еріксіз бетін шымшып қайтады. Текетіреске шыдай алмаған директордың оқу ісі жөніндегі орынбасары өз еркімен жұмыстан шығып тынған».

https://www.youtube.com/embed/rrNO_bSbBoI?si=4dvcG8ru-54RDt0H" 

Тіл бойынша заңды бұзғандар енді қатаң жазалануы мүмкін. Қазақ тілін қорлап «қазақша сөйлемеймін» деп менсінбеушілік танытқандар үшін жаңа норма енгізу жоспарлануда. Бүгін Мәжілісте депутат Абзал Құспан қазіргі заңның баптары осал, дұрыс жұмыс істемейтінін алға тартты. Өз кезегінде Әділет вице-министрі болса, пысықтау жұмыстарны жүргізуге дайынбыз деді.

АБЗАЛ ҚҰСПАН ҚР ПАРЛАМЕНТІ МӘЖІЛІСІНІҢ ДЕПУТАТЫ: «Осы Әкімшілік кодекс қабылданғалы бері, шешілмей келе жатқан бір мәселе бар. Әкімшілік кодекстің материалдық бөлігінде 75-бап бар. Ол бапта тіл заңнамасын бұзғаны үшін жауапкершілік көзделген. Қазіргі қоғамда қазақ тілінің мәселесі күйіп тұр. 75-бап бойынша айыппұлдар барлығы көрсетілген. Ал 804-бап бойынша, яғни процестік бөлігі 75-бап бойынша әкімшілік хаттама толтыратын бірде-бір мекеме белгіленбеген. Тиісінше, тіл бойынша заңды бұзады, қазақ ұлтының ар-намысына қатысты сөздерді айтады. «Қазақ тілінде сөйлемеймін» деген сияқты тілге қатысты жағдайлар бойынша адамдарды жауапкершілікке тартайық десек, бірде-бір өкілетті орган жоқ».

АЛМА МҰҚАНОВА ҚР ӘДІЛЕТ ВИЦЕ-МИНИСТРІ: «Егер де 75-бап бойынша уәкілетті орган көрсетілмесе, біз оны жұмыс тобымен қарап, пысықтауға дайынбыз. Себебі соттың 804-бабы бойынша қызмет пен құрам бар болса, хаттамасыз ол нормаларды жүзеге асыру мүмкін емес. Кодекс аясында осындай жетіспеушілік болса, біз жұмыс істеуге дайынбыз. Уәкілетті органмен қосымша пысықтау жұмысын жүргіземіз».

https://www.youtube.com/embed/AT_UsGeGJ2A?si=76guXff4U5W7j9B6" 

Ақтаудағы 29-шағынаудандағы 3 үйдің тұрғындары қызмет көрсетуші пәтер үйлері кооперативінің жұмысты дұрыс ұйымдастыра алмай отырғанына наразы. Олар көппәтерлі үйдің сырты мен дәлізіне бірнеше жылдан бері жөндеу жүргізілмегенін айтады. Бұдан бөлек ай сайын төленіп тұрған ақшаның қайда жұмсалып жатқанын білгілері келеді.

Мына көпқабатты үйдің сиқы адам көргісіз. Төбесі шұрқ тесік. Жаңбыр жауса су сорғалайды. Ал ауладағы балалардың ойын алаңы талаптарға сай емес. Тұрғындар пәтер иелері кооперативі қызметіне қаржыны төлеп отырғанымен, қайда жұмсалып жатқанын білмейміз дейді. Айтуларынша, үй қолданысқа берілгелі жөндеу жұмыстары жүргізілмеген. 

ГҮЛБИБІ ОРЫНБАЕВА ТҰРҒЫН: «Мына ЖЭК жұмысына қанағаттанбаймыз. Бізде мына Жұматаева Несібелі осы ЖЭК председательі. Біз қанағаттанбаймыз оның жұмысына. Себебі мына подъездерімізде тазалық жоқ. Дала сыпырылмайды. Ремонтталмайды. Өзіміз сыпырамыз, сантехник шақырсақ оның да жұмысын көрмейміз».

НАЗИПА ҚАЗАҚ ТҰРҒЫН: «Площадкамыздың жатысы мынау, міне. Балдар ойнай алмайды. Құлап, сүрініп. Подъездерімізде ешқандай ремонт жоқ. Осы 10 жылдан бері ремонт жасалған жоқ. Үш жыл болды ЖЭКке барып, арыз жазып келе жатқанымызға. Анау жылы ЖЭК жабылады, мына жылы ЖЭК жабылады деді. ЖЭК жабылған жоқ. Енді өз ақшаңызбен өз подьездеріңізді ремонттап алыңыз дейді. Біз талап ететін шаруаларымыз есік алдындағы площадка, жол жөнделсін. Жылу келсін, подъездеріміз тазалансын!»

Жалпы жеке пәтер иелері кооперативінің міндетіне: үйге техникалық қызмет көрсету, шатырды, коммуникацияларды, кіреберістерді және үйдің айналасын жөндеу кіреді. Сондай-ақ, орын алған қолайсыздықтарды жою, тазалық жұмыстары,  қызмет көрсетушілермен шарттар жасасу және тұрғындардың осы қызметтерге ақы төлеуін есепке алу жатады. Ал "Аққу" пәтер иелері кооперативінің өкілі біздің де айтарымыз бар деді.

ДӘМЕЛІ САНАҚАЕВА «АҚҚУ» ПИК ӨКІЛІ:  «Үйде қаншама төлемей отырған должниктер бар. Енді қараңыз, бұның сантехнигі бар, подрядчиктері бар, сатып алатын қарайған материалдары бар. Трубалары шіріп жатыр. Подвалдан бастап жоғарыға дейін біздің ЖЭКке қарайды. Ал мына територия бізге қарамайды. Ол әкімнідіктің меншігінде».

Жалпы жылыту маусымында тұрғындарға ПИК ауыстырмағаны дұрыс. Өйткені бұл жұмыстар ұзақ уақытты талап етеді. Ал жаңа кооператив тұрғын үй қызметіне кіріскенше, қолайсыздықтар туындауы мүмкін деп отыр мамандар.