https://www.youtube.com/embed/hakJdLvngpY?si=8p6_HdaWuWrxf8Kd" 

Алматыдағы автобус апаты – мегополистерде шешілмей келе жатқан ірі проблемалардың бетін ашты. Бүгін Сенат депутаты қоғамдық көліктегі қауіпсіздік, аялдаманың жоқтығы, бар болса да әбден тозығы жеткендігін айтып, парламент мінберінде көтерді. Сенат отырысынан толығырақ алдағы материалда тілшіміз баяндайды.

Бұл Сенаттың биылғы 2023 жылдағы соңғы отырысы. Депутаттар белсенді. Мектептердің жетіспеушілігі мен ірі қалалардағы кептеліс, жеке меншік сапасыз білім орталықтарының көптігін сынап, қоғам үшін өзекті мәселелерді ортаға салды. Сенатор Бибігүл Жексенбай күні кеше орын алған Алматыдаға автобус апаты жайлы айтты. Енді мұндай қайғылы жайт қайталанбас үшін ірі қалаларда «ақылы бағдаршам» жүйесі енгізілу керек дейді. Сондай-ақ, транзиттік ағынды көлік ағынынан ажырату үшін жеке жол салыну керек деген де ұсыныс айтты.

БИБІГҮЛ ЖЕКСЕНБАЙ ҚР ПАРЛАМЕНТІ СЕНАТЫНЫҢ ДЕПУТАТЫ:

«Өткен аптада Алматы қаласында үш адам өмірін қиған жол-көлік оқиғасы еліміздің мегаполистеріндегі шешілмей келе жатқан бірқатар өткір мәселені көрсетті. Қоғамдық көліктерде қауіпсіздік мәселесі қарастырылмаған, аялдамалардың көбісі көлік жолына тым жақын орналасқан. Мамандардың есебіне қарағанда кез-келген елде кептелістен зардап шегетіндер – көлік жүргізушілері. Олар жылына жол кептелістеріне 360 сағат немесе 45 жұмыс күніне дейін құртады екен. Онымен қоса, кептелісте жиі, әрі ұзақ тұру жанармай шығыны ғана емес, бөлінетін улы газдан өкпе ауруларының туындауына әкеліп соғады. Қазақстандық автокөліктердің 82,1 пайызы бензинмен жүреді. Сондықтан мегаполистердегі қазіргі жол кептелістері қатардағы жергілікті мәселелер деңгейінен шығып кетті».

Ал, Сенат төрағасы Мәулен Әшімбаев болса, дайындықсыз келетін үкімет мүшелерін сынады.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ:

«Қайрат Бекежанұлы дайындалып келу керек. Сенатор салыққа ғана емес, дивидендтерге де қатысты сұрақ қойды. Сондықтан алдағы уақытта осындай кездесулерге дайындалып келіңіздер. Бұған дейін сұрақ қойған Алишер Сатвалдиевтің сауалына да жазбаша жауап беремін дедіңіз. Енді осы мәселенің де өз министрлігіңізге еш қатысы жоқ екенін айтып отырсыз. Сіз бүгінгі отырысқа Үкіметтен бас спикер ретінде шақырылдыңыз. Сондықтан әріптестеріңізбен мәселелерді алдын-ала талқылап, цифрларды талдап, тыңғылықты дайындалып келуіңіз керек еді».

29 желтоқсаннан бастап сенаторлар халықты алаңдатқан мәселелерді тыңдау үшін өңірлерге аттанады.

https://www.youtube.com/embed/FPJCxRgfw70?si=J8rVxYgsTu-NmsF8" 

Маңғыстауда «Қарақия-Қаракөл» қаумалынан 30-дан астам аққудың өлексесі табылды. Инспекторлар өлі құстарды көлдің аумағын тексеру барысында анықтаған. Қырылған құстардың 80 пайызы аққудың балапандары. Жергілікті ветеринарлық станция мен Алматы қаласынан келген арнайы мамандар өлекселерден сынамалар алған. Бірақ, зерттеу нәтижесі әлі шыққан жоқ. Алдын-ала болжам бойынша аққулар жуырда болған қатты аяз бен желге шыдамаған. Себебі, боранды күндері көлдің жағалауына мұз қатып, құстар қорексіз қалған болуы ықтимал. Қазір Қаракөлде 5-6 мыңға жуық аққу қыстап жатыр.

ҒАББАС ДОСАТОВ ОРМАН ШАРУАШЫЛЫҒЫ ЖӘНЕ ЖАНУАРЛАР ДҮНИЕСІ АУМАҚТЫҚ ИНСПЕКЦИЯСЫНЫҢ БАСШЫСЫ « Кеше анау мамандар құсты жарып, кесіп  қараған кезде аққу балапандары әлі май жинап үлгермеген. Осы кезде олар май жинап, қысқа дайындалып келу керек. Сондықтан инспекцияның болжамы бойынша, өте кешегі қатал табиғаттың несіне шыдамай, қоректерін таба алмай, соның ішінде әлсіздері өйстіп өлген болуы мүмкін » .

https://www.youtube.com/embed/fYLXaQIsnag?si=04TP6Qw_AsJwj4FD"

Көкшетаулық баскетбол жаттықтырушысы Виктория Волкова жылдың үздік балалар жаттықтырушысы атанды. 2023 жылды қорытындылаған туризм және спорт Министрлігінің шешіміне сай, жерлесіміз осы атаққа лайық деп танылып, Астанада өткен салтанатты рәсімде марапатталды. Жас та болса, бас болып жүрген тәлімгер туралы алдағы материалда.

Виктория Волкованың балалардың баскетболға деген қызығушылығын оятып, салауатты өмір салтын насихаттап жүргеніне 15 жыл. Осы уақытта оның қарамағындағы командалар бірнеше рет Қазақстан чемпионы атанған. Жиырмадан астам ойыншы ел құрамасының мүшесі болды. Жеті баскетболшы спорт шебері атанса, тағы жиырмадан астам бұрымды спорт шеберлігіне үміткер. Балалар мен жасөспірімдер спортының дамуына қосқан үлесі үшін туризм және спорт Министрлігі оны үздік деп таныды.

ВИКТОРИЯ ВОЛКОВА ЖЫЛДЫҢ ҮЗДІК БАЛАЛАР ЖАТТЫҚТЫРУШЫСЫ "Мұндай марапат алу өте керемет. Жерлестеріміз де, шет елдік жаттықтырушылар да құттықтап, жылы лебіздерін білдіріп жатыр. Бұл ұзақ жылғы қажырлы еңбектің және осы спорт түріне деген махаббаттың жемісі деп білемін. Оқушылардан оң нәтиже көрмесем жібермеймін. Әр топ екі сағат спортпен айналысады. Уақыттың қалай өтіп кеткенін де байқамаймын. Еңбегіміз еленіп жатқаны, әрине мені қуантады".

Баскетбол жоғары жылдамдықты спорт түріне жатады. Ойыншыға шыдамдылық, секіру, ептілік және реакция жылдамдығы қажет. Ойынның қыр-сырын алдына келген әр оқушыға кеңінен түсіндіретін Виктория әрқайсынан нағыз спортшыны шығаруды көздейді. Жаттықтырушысына еліктеп, биік белестерді бағындырғысы келетіндердің бірі – Анастасия.

АНАСТАСИЯ БРАТКО "Мен баскетболға үш жыл бойы барып жүрмін. Осы уақытта біздің команда бірнеше жарыстарға қатысып, жеңімпаз болып шыққан. Менің өзімде үздік ойыншы деген бірнеше грамота бар. Мен баскетбол ойнауды жақсы көремін және менің бойым оған сәйкес келеді".

Балаларын Виктория Волковаға берген ата-аналар да дән риза. Осындай тәлімгерден білім алып жүрген қыздарымыздың мықты спортшы болатындарына сенеміз,-дейді олар.

ӘЙГЕРІМ ТАСЕНОВА КӨКШЕТАУ ҚАЛАСЫНЫҢ ТҰРҒЫНЫ "Виктория Олеговна кәсіби маман, мықты жаттықтырушы. Балалардың спортқа деген қызығушылығын оята біледі. Ерте тұрып, таңғы сегізде залда болу кез келген баланың қолынан келмейді. Ал, қыздар спортты жақсы көреді. Бұл жаттықтырушының арқасы деп ойлаймын. Балаларымыз жиі жарыстарға қатысады. Менің қызым жақында өз қатарластарының арасында үздік ойыншы атанды".

Виктория Олеговнаның алға қойған жоспары айқын, мақсаты анық. Жаттықтырушы келер жылы оқушыларын көптеген республикалық олимпиадаларға қатыстырып, облыс чемпионатын өткізуді жоспарлап отыр.

https://www.youtube.com/embed/SwXFfo3jrsY?si=wZb8YfVm_s-aGwls" 

С. Мұқанов атындағы облыстық кітапханада саяси қуғын-сүргін құрбандары туралы фильмнің тұсаукесері өтті. «Халық жауының ұрпағы» деп аталатын туынды облыстың құрметті азаматы – Болат Сағындықовтың бастамасымен қолға алынды. 2 айға созылған түсірілім жұмыстарын «AMANAT» партиясы жүргізді.

Қазақ жеріндегі саяси куғын-сүргін 1928 жылы зиялы қауым өкілдерін тұтқындаудан басталған болатын. Қазақстанда ғана 103 мыңнан астам адам қуғын-сүргінге ұшырап, 25 мыңнан астамы ату жазасына кесілді. Қудалауға ұшырағандардың қатарында Болат Сағындықовтың әкесі де бар. Сол жылдары Болат Мағазұлы небәрі бір жаста болған. Кейін азамат еліміз тәуелсіздік алғаннан кейін репрессия кезінде қаза болғандарға арнап мемориал тұрғызды. Тек 2012 жылы КСРО ішкі істер халық комиссариаты түрмесі орналасқан жерде ескерткіш ашады. «Память» қоғамдық қорын құрды. Бұл іске ғұмырының 20 жылын арнаған.

БОЛАТ САҒЫНДЫҚОВ СҚО ҚҰРМЕТТІ АЗАМАТЫ: "Бұл фильмнің мәні бүгінгі ұрпаққа, келесі ұрпаққа үлкен ескерткіш. Біздің халқымыздың басынан өткен қасірет ешқашан ұмытылмауы тиіс. Соны мына фильмге жазып шығару үлкен жетістік деп есептеймін".

Фильмнің тұсаукесеріне саяси қуғын-сүргін құрбандарының ұрпақтары, профессор, өңірдің зиялы қауым өкілдері, «AMANAT» партиясы қатысып отыр. «Асыл мұра» орталығының жетекшісі Ахметжан Кәрімұлының айтуынша «Кешегі тарихымыз, ертеңгі болашақтың негізі. Әлі зерттелмеген, көпке мәлім емес жағдай жетерлік. Сондықтан іске қарқын беріп, барынша тез әрекет ету керек».

АХМЕТЖАН ҚУАНТАЕВ «АСЫЛ МҰРА» ОРТАЛЫҒЫНЫҢ ЖЕТЕКШІСІ: "Бастаған істі аяғына дейін жеткізу керек. көп нәрселер істелді. Бірақ айтылмаған нәрселер де аз емес, депутаттар да көтеріп жатыр. Соның бәрін ашық айтатын күнге жетеміз деп ойлаймын".

Фильмнің жарық көруіне елеулі үлес қосқандардың бірі журналист – Роза Шәкенова. Айтуынша «AMANAT» партиясының атқарушы хатшысына жолығып, қолдау тапқан. Туындыны түсіруге мәжіліс депутаты – Еркебұлан Мәмбетов қаржылай көмек көрсеткен. Сондай-ақ, қаламақысыз қол ұшын созғандар қатары баршылық. Түсірілім тобы Қарағандының Долинка кентіндегі музейінде, Алматы қаласының архивінде болған.

РОЗА ШӘКЕНОВА «AMANAT» ПАРТИЯСЫ СҚОФ КОНСУЛЬТАНТЫ: "Тас түскен жеріне ауыр дейді ғой. Негізгі салмақ маған түсті. Иә ол рас. Дегенмен біз жұмыс тобын құрдық. Оған тарихшыларды, ғалымдарды, университет оқытушыларын енгіздік. Және жергілікті атқарушы органдарының басшылары".

Түсірілім тобы саяси қуғын-сүргін құрбандарынан бөлек, қолдан жасалған ашаршылық, тұтас халықтың депортацияланғаны, сондай-ақ, бай феодалдардың мал-мүлкінің тәркіленгені жайлы ақпарат жинаған. Дегенмен бәрін 40 минуттық фильмге сыйғызу мүмкін болмады дейді. Болашақта қаржыландыру жағы қарастырылса, тағы бірнеше фильм жарық көрмек.

https://www.youtube.com/embed/7eKvu1BgKDo?si=Qs2maYiTERo3dhkb" 

Қазақта «Атаның салған жолы бар, Ананың тіккен тоны бар»-деген қанатты сөз бар. Бұл сөз Қордай ауданы Кенен ауылында бар ғұмырын ел игілігі үшін еңбек еткен қазақ әйелдері арасынан шыққан алғашқы киномеханик әйел Рәпия Халыққызы мен ауыл баласына әліппені үйретіп 40 жылдай мектепте сабақ берген Ордабай Сәдібековтерге арналған секілді. Ордабай ата мен Рәпия ана сонау Ұлы Отан соғысы жылдарынан кейін қос өзендей қосылған тағдырларында қилы қиын күндер көп болса да мойымай қарсы тұрып 7 баланы аялап өсірген бақытты отбасы деуге болады. Жамбыл облысы Қордай ауданында орын алған игі шара осы азаматтарға арналды.

Қазақтан шыққан тұңғыш киномеханик әйел, КСРО Киномоторграфиясың үздігі, «Құрмет белгісі» және «Октбярь революциясы» ордендерінің иегері, Қазақстанға еңбегі сіңген Мәдениет қызметкері. Жамбыл облысының құрметті киномеханигі, ел құрмет еткен ана Рәпия Халыққызының атында Қордай ауданы Кенен ауылында мұражай кабинет ашылды. Мұражайдың ішіне ардақты анамыздың көзі тірісінде қолына ұстаған заттары мен тарихи құнды жәдігерлер қойылған. Сонымен қатар мұражайдың бір бұрышына Рәпия анамыздың өмірлік жары Қазақ СССР Оқу-Ағарту ісінің үздігі, Ұлы Отан соғысының ардагері, Қордай аудынында алғаш болып құрметті азамттығын алған жанның бірі, 40 жыл ұстаздық етіп бала оқытқан ардақты жан Ордабай Сәдібеков туралы да мұржай көрермендердің назарына ашылып отыр.

БІРЖАН ӘЛІМБЕТОВ ҚОРДАЙ АУДАНДЫҚ АҚСАҚАЛДАР АЛҚАСЫНЫҢ ТӨРАҒАСЫ

Елі үшін еңбек еткен жандарға арналған игі шараға Қордай ауданы әкімінің орынбасары, аймақтың ақсақалдар алқасының төрағасы, ауыл халқы мен Алматыдан арнайы ат терлетіп келген қонақтар қатысты.Мерекелік шараның екінші бөлімі ауылдың талантты, өнерлі ұл-қыздарының дайындаған концерттік бағдарламасымен жалғасын тапты.Салтанатты шарада атақты режиссер Ораз Әбішев түсірген "Рәпия" атты деректі фильм көрсетілді.

ДАМИРА МАРАТҚЫЗЫ ЖАМБЫЛ ОБЛЫСЫ ҚОРДАЙ АУДАНЫ ӘКІМІНІҢ ОРЫНБАСАРЫ

Шара барысында Рәпия анаға арналып сахнада жыр шумақтары оқылып, ауыл таланттары өз өнерлерін көрсетті. Сондай-ақ ұрпақтары да әжелеріне деген сағыныштарын өлең шумақтарымен жеткізіп жатты.

https://www.youtube.com/embed/spkkFGcEOTg?si=Sycjaw3dFxw2AcSR" 

https://www.youtube.com/embed/VjpZ7eqNpPQ?si=bl4G4OiJ8PKeCvyo" 

2039 жылға қарай Ақтау теңіз айлағында жылына 20 футтық 200 мыңдай контейнер өңделеді. Бұған еліміздің батысында салынатын ірі хабтың көмегімен қол жеткізілмек. Осыған орай порттың жүк тиеу паркін жаңарту көзделіп отыр. Бұл контейнердің сыйымдылығын бірнеше есеге арттырып, жүктерді тиеу терминалдарын дамытуға мүмкіндік береді.

Транскаспий халықаралық көлік маршрутының бір бөлігі – Ақтау сауда порты. Айлақта жылына 20 футтық контейнердің 70 мыңы өңделеді. 2 жылдан кейін бұл көрсеткіш бірнеше есеге артуы тиіс. Себебі мұнда ірі хаб қолданысқа беріледі. Жобаның жүзеге асуына Қытай мен Араб Әмірлігі, Сингапур мен Германия сияқты елдер қызығушылық танытқан.

ҚАЙРАТ ҚАЛИОЛЛА - АҚТАУ ТЕҢІЗ САУДА ПОРТЫ КӨЛІК ЛОГИСТИКАСЫ БӨЛІМІНІҢ БАС МЕНЕДЖЕРІ: «Контейнерлік хабта қызмет көрсету мен жүкті өңдеуге бағытталған барлық қызмет түрлері көрсетіледі. Кешен аумағында қоймалар, рефрижератор контейнерлерге арналған тоңазытқыш камералар салу жоспарланған. Жөндеу жұмыстары да қарастырылады. Жүкті авто және теміржол көлігіне әзірлеп тиеу қызметін де ұсынамыз».

Маңғыстау облысында 2025 жылы ірі көлік-логистикалық кластер құру көзделген. Оның құрамына Құрық порты да енуі тиіс. Ол үшін теңіз табанын тереңдету жоспарланып отыр. Нәтижесінде Каспий теңізіндегі тереңдігі жағынан кемелер үшін ең оңтайлы айлаққа айналады.

СЕРІК АХМЕТОВ - ҚҰРЫҚ ПОРТЫНЫҢ БАС ДИРЕКТОРЫ «Жобада көрсетілген максималды тереңдікке дейін қазуды жоспарлап отырмыз. Бұл қазіргі деңгейден 1,5 метрге төмен түседі деген сөз. Қазір Балтық белгісі қолданылып отыр. Теңіз табаны мұхит деңгейінен 35 метрге төмен. Болашақта 36,5 метрге жетеді».

2024 жылы бұл кешенді жобаны зерттеу жұмыстары аяқталып, мемлекеттік сараптамадан өтуі тиіс. Содан кейін теңіз табанын тереңдету жұмыстары басталады. Күз айларына дейін толық аяқтау көзделген.

https://www.youtube.com/embed/ARmwHe5txUQ?si=N_EUbO2QLPrjexvV" t

2023 жылы ұялы байланыс операторларының тарифтік жоспарлары бойынша бағаның 7,7%-дан 57,3%-ға дейін айтарлықтай өсуі тіркелгені анықталды. Бәсекелестікті қорғау және дамыту агенттігі абоненттердің бағаны көтеру туралы өтініштерін қарау аясында ағымдағы жылы тарифтік жоспарлардың шарттары мен ұялы байланыс қызметтеріне бағаның өзгеру динамикасын талдадаған.Ресми мәліметтерге сәйкес, 2023 жылдың мамыр-шілде айлары аралығында ғана ұялы байланыс операторлары өздерінің ресми сайттарында ақпаратты жариялап, ай сайынғы абоненттік төлеммен 30-дан астам тарифтік жоспарда көрсетілетін қызметтердің құнын бірінен соң бірі көтерген.

Осыған байланысты, Кәсіпкерлік кодекстің 199-бабының 3-тармағын ескере отырып, бір күнтізбелік жылда бәсекелестікке қарсы келісілген іс-әрекеттердің белгілерін қайта анықталуына байланысты Агенттік Кәсіпкерлік кодекстің 170-бабы бойынша қазіргі уақытта бірқатар ұялы операторларына қатысты тергеп-тексеруді бастады.

https://www.youtube.com/embed/mbxojjQbbMk?si=cT2U3LWPa89razSM" 

Бүгін Алматы облысының Талғар ауданында балаларға арналған “Нұр” өнер-сауықтыру мектебі ашылды. Шараға қатысып қайтқан тілшіміз тарқатып берсін.

Талғар ауданының Белбұлақ ауылында бой көтерген мектепті тыныстыру салтанатына Respublica партиясының Алматы облыстық филиалы, Алматы облыстық білім, мәдениет, спорт және дене шынықтыру басқармаларының басшылары, облыстық Мәслихат төрағасы, Талғар ауданының әкімі, Белбұлақ ауылының әкімі,тұрғындар және бірнеше қоғам қайраткері қатысты. Салтанатты шарада лента қиылып, шашу шашылды,қазақы дәстүрге сай ақ бата берілді.

ТАҢАТ АЙДАРБЕКОВ АЛМАТЫ ОБЛЫСЫ ТАЛҒАР АУДАНЫНЫҢ ӘКІМІ

Мектеп Алматы облыстық Мәслихатының депутаты, өнер жанашыры Гүлжан Нұрбекқызының жеке қаржысына тұрғызылды. Қос қабатты ғимарат соңғы үлгідегі техникалармен, құрылғылармен, жиһаздармен жабдықталған. Өнер және сауықтыру орталығында ән-күй, би, шахмат, тоғызқұмалақ, шет тілдері үйірмелері жұмыс істейді.

ГҮЛЖАН ТУСИБИЯНОВА АЛМАТЫ ОБЛЫСТЫҚ МӘСЛИХАТЫНЫҢ ДЕПУТАТЫ, МЕКТЕП ЖЕТЕКШІСІ

Жаңа ашылған орталық ауыл тұрғындарының игілігі үшін қызмет атқармақ.

https://www.youtube.com/embed/aoxHRG3hQw0?si=Vp67toesE36LwSFf"

СҚО өңір басшысы жаңа жыл мерекесі қарсаңында Петропавлдағы отбасылық үлгідегі балалар ауылында болды. Кездесу барысында Ғауез Торсанұлы мұндағы балалардың әрқайсысына велосипед сыйға тартты. Келесі тақырыпқа назар аударсақ.

Отбасы үлгісіндегі балалар ауылында 7 жастан 18 жасқа дейінгі 40-қа жуық бала тұрады. Мұндағы тәрбиешілер оларға ана орнына ана,әке орнына әке болып отыр. Жақында жиһаздар жаңасына ауыстырылды. Бұл жерде балалардың сүйікті ісімен айналысуға барлық жағдай жасалған.

ОЛЕГ ЛЕОНТЬЕВ ОТБАСЫЛЫҚ ҮЛГІДЕГІ БАЛАЛАР АУЫЛЫНЫҢ ТӘРБИЕЛЕНУШІСІ: «Мен баскетболды жақсы көремін. Бұл спорт түрімен айналысып жүргеніме 2 жыл. Өткенде біз Алматыда өткен сайысқа қатысып жақсы нәтижелерге қол жеткіздік».

Өңір басшысы балаларды келе жатқан жаңа жыл мерекесімен құттықтап жылы лебізін білдірді.

ҒАУЕЗ ТОРСАНҰЛЫ СҚО ӘКІМІ: «Мен сіздерді келер жаңа жылмен құттықтаймын. Сіздерге зор денсаулық тілеймін . Ең бастысы сабақтарыңызды жақсы оқыңыздар. Барлықтарыңыздың арман мақстаттарыңызға жетулеріңізге тілектеспін.»

Кездесу барысында балалар арнайы келген өңір басшысына өздерінің жаңа жылдық костюмдерін көрсетті.

Балалар келер жылға қойған жоспарлары және мақсаттары жайлы айтты. Әңгіме барысында олар Ғауез Торсанұлының балалық арманы туралы да сұрап білді.

Облыс әкімі балаларға құр қол келген жоқ. Ол мұндағы әр балаға велосипед сыйлады және күйсандық тарту етті.

https://www.youtube.com/embed/rWxh8Bo0Etw?si=BCz6V0Ka4l27OWnX" 

Жаңа жыл қарсаңында Ақмола облыстық полиция департаментінің автокөлік паркі су жаңа 44 көлікпен толықты. Автомобиль кілттерін облыс әкімі Марат Ахметжанов салтанатты түрде департамент басшылығына табыстады.

Полицейлердің жұмысы қашан да қиын. Әсіресе мереке күндері оларға жүктелетін міндеттің еселеніп кететіні бар. Бұл ретте, қызметке сай көліктердің болуы өте маңызды. Облыс әкімі Марат Ахметжанов тәртіп сақшыларының жұмысының қиын да, жауапты екенін атап өтті.

МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ «Полицияның ең басты міндеті халықтың сеніміне ие болу. Сондықтан, бүгінгі сіздерге беріліп жатқан құралдар сіздердің қиын қызметтеріңізге оң септігін тигізіп қылмыстардың, құқыбұзушылықтардың болдырмауына өзінің оң септігіні тигізеді деген сенімдемін. Әрқашан да осындай үлкен сенімге ие болып, халықтың алғысына ие болып өздерің берген антқа берік болыңдар».

Жалпы, облыстық полиция департаментіне 44 көліктің кілті берілді. Оның ішінде патрульдік полицейлерге арналған 25 «Chevrolet Cobalt», «Jac» маркалы 5 автозак, 1 эвакуатор және қызметтік иттерді тасымалдауға арналған 1 автомобиль мен арнайы бөлімшелерге арналған 3 көлік, «Автоураган» кешені бар 2 «КИА» маркалы машина бар. Бұдан бөлек, «Chevrolet Cobalt» маркалы 7 авто шұғыл іздестіру шараларын орындау үшін ведомстваның жедел қызметіне берілді. Департамент басшылығының айтуынша, жаңа көліктер қоғамдық тәртіпті қамтамасыз ету барысында әлі де болса, сапалы қызмет етуге септеседі.

СЕРІК ӘБУТӘЛІПОВ АҚМОЛА ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ БІРІНШІ ОРЫНБАСАРЫ: «Күнделікті қоғамдық жерде, көшелерде, халыққа сапалы қызмет етуге берілген автокөліктер. Алдымыздағы мейрамдарда аталған автокөліктер жұмысқа шығады. Жыл сайын әкімшіліктен бөлінеді. Өйткені, өзінің уақыты бар. Олардың орнына да бөлініп жатыр. Қосымша да бөлініп жатыр».

Полицейлердің айтуларынша, «Chevrolet Cobalt» маркалы 25 көлік облыстық және республикалық маңызы бар жолдарды патрульдеуге шығады.

https://www.youtube.com/embed/xKWHfS6smNo?si=ym71hxNDGA_gf_7G" 

Қолайсыз ауа райы адамдарға Рождествоны Сиднейдегі Бонди жағажайында тойлауға кедергі болмады. Синоптиктер найзағай ойнап, екпінді жел соғады деп болжап отыр. Бірақ әлі де ыстық, сондықтан адамдар теңіз жағасында жүр.

ИРЛАНДИЯДАН КЕЛГЕН ТУРИСТ:

«Сіз,отбасыңызбен уақыт өткізуіңіз керек. Бұл бірге болу үшін тамаша уақыт. Мұндай ақылсыз әлемде отбасыңмен жақын болу өте жақсы шешім».

АНГЛИЯДАН КЕЛГЕН ТУРИСТ:

«Бұл жай ғана ғажайып. Сыйлықтар жоқ, бірақ менің қасымда керемет достарым бар, күнді көңілді өткізудеміз».

Жағажайда ерікті құтқарушылар кезекшілік етуде.

ЕРІКТІ ҚҰТҚАРУШЫ:

«Бұл өте стрессті уақыт. Адамдар көп болмайды деп ойладық, бірақ тамаша күн болып, адам көп болды. Сондықтан біз қазір қауіпсіздікті қамтамасыз етумен айналысып жатырмыз».

Мереке күндері Аустралияның үш штатында, атап айтсақ: Жаңа Оңтүстік Уэльс, Виктория және Квинсленд штатында қолайсыз ауа райы болды. Синоптиктердің айтуынша, жауын жақын арада тоқтамайды. Бонди жағажайы - Австралиядағы ең жақсы жағажайлардың бірі. Ол Тасман теңізінің жағасында орналасқан және жарты ай тәрізді құм түкірігі болып табылады.