https://www.youtube.com/embed/UbnabRj4PbQ?si=OwX-5GiwOX4HLzwm" 

Ақмола облысында тасқын судың алдын алу жұмыстары жалғасып жатыр. Соңғы тәулікте елорданың іргесіндегі Аршалы ауданының аумағынан 13 мың текше метрден астам су сорылды. Ал, Жібек Жолы ауылында түнгі уақытта су деңгейін қадағалап отыру үшін мобильдік бекеттер құрылған. Целиноград ауданында құтқарушылар мен жергілікті билік өкілдері тәулік бойы кезекшілік атқаруда. 

Жібек жолы елдімекенінде 15 үй су астында қалуы мүмкін. Төтенше жағдайға байланысты  120-ға жуық адам мен 35 техника жұмыс істеп тұр. Есіл өзенінің жағасындағы бөгетті нығайту мақсатында құм салынған 800 қап төселген. 

ЕРЖАН ЖОЛЫМБЕТОВ АҚМОЛА ОБЛЫСЫ АРШАЛЫ АУДАНЫ ӘКІМІНІҢ ОРЫНБАСАРЫ: «Осы күні су деңгейінің төмендегені байқалады. Аршалы ауданының әкімдігі наурыздың 20-нан бері қажетті шараларды қолданып жатыр. Жағдай бақылауымызда». 

Аршалы, Жібек жолы, Жалтыркөл, Елтоқ және Константиновка ауылдары су басу қаупі жоғары аймақ деп танылған. Целиноград ауданында да бұл бағыттағы жұмыстар белсенді жүргізілуде. 55 техника, 70-тен астам мотопомпа дайын. Аудан аумағынан 4 мың текше метр қар шығарылған. 

ТАЛАПТАН ДАУЫЛТАЕВ ҚАРАӨТКЕЛ АУЫЛДЫҚ ОКРУГІНІҢ ӘКІМІ:
 «Қараөткел ауылы бойынша 125 мың текше метр қар шығарылды. Полигонға. Облыс бойынша 17 әскер келді. 10 мотопомпа алып келіп қойдық. Кеше Астана қаласынан келді мчсниктер.Үйдің ішіне су кеткен жағдай жоқ. Аулалардың ішіне су толып жатыр. тек қана соларды шығару жұмыстары жүргізіліп жатыр».

https://www.youtube.com/embed/pdzEN29TrnQ?si=COvAS_BPn_64bLTR" 

Бүгін  Алматыда таңғы сағат 8 шамасында «Young man» маркалы №7 троллейбус өртенді. Өрттің алдын-ала себебі - пештің үрлеу қозғалтқышында болған. Көлік тізгіндеуші Болат Тілеубердиевтің сөзінше, рейс алдында ол сағат 5:45-те медициналық тексеруден және көлікті 6:00-де техникалық тексеруден өткізген. Тілсіз жау жүргізушінің кабинасында басталған. Аялдамаға жеткен соң, өрт сөндіру бөліміне хабар беріліп, уақытында ауыздықтаған. Абырой болғанда зардап шеккендер жоқ.

ЖАНДАУЛЕТ ЕРТІЛЕС АЛМАТЫ ҚАЛАСЫ №15 ӨРТ СӨНДІРУ БӨЛІМІНІҢ ҚАРАУЫЛ БАСШЫСЫ

https://www.youtube.com/embed/kSNIuGc9Obs?si=ELbETv7h7BXNDkO6" 

БҚО біраз аудандарында жағдай тұрақталмай тұр. Табиғи апаттан зардап шеккендерге әлі де көмек көрсетілуде. Десе де ағын суға адам түгіл, техниканың да шамасы әзер жетуде. Салдарынан қаншама халық баспанасынан айырылды. Енді, Орал қаласы да қауіпті аймақтардың тізімінде. Толығырақ, алдағы бейнематериалда.

Тасқыннан  зардап шеккен ауылдардың қатары көбеюде. Солардың көшін Теректі ауданының Аңқаты ауылы бастап тұр. 27-ші наурыз күні түнде 51 үй су құрсауында қалған. Абырой болғанда, зардап шеккендер жоқ. Қазіргі уақытта ауылға тек қайық ғана қатынай алады. Ауыл тұрғындары орталық ауылдағы мектеп-интернатқа орналастырылды 

САМАЛ НИЯЗОВА АҢҚАТЫ АУЫЛЫНЫҢ ТҰРҒЫНЫ

1 метрден астам су үйдің саутамдығын қалдырмаған. Жиған мүлік пен қоса төрт түліктері де суға кеткен. Ішерге азық болып отырған мал шығыны ауыл тұрғындарының жанына батты. 

БЕКЕТ ЕСҚАЛИЕВ АҢҚАТЫ АУЫЛЫНЫҢ ТҰРҒЫНЫ

ҒАЛИ ЖҮСІП АҢҚАТЫ АУЫЛЫНЫҢ ТҰРҒЫНЫ

Аңқатыға кіретін жалғыз жол арнайы қазылып, ағын судың нөперін азайту жолдары қарастырылуда. Осы жол арқылы халыққа қажеттінің барлығы тиісінше жеткізілуде.    

БҚО 384 үй, 21 жолды су басып, 30 жолды су шайып кеткен. Биліктегілер шығынды есептеп, халыққа көмек көрсетілетінін айтты.

НАРТАЙ СӘРСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ

Қас пен көздің ортасында қолдағы бардан айырылып, жан жақта қалған ауыл тұрғындары мәселелерінің оң шешім тапқанын қалайды.

НАРТАЙ СӘРСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ

Қазір 4 мыңға жуық адам қауіпсіз жерде. Сырым, Теректі, Қаратөбе, Бөрлі аудандарында тұрғын үйлер жарамсыз күйде қалды.  

https://www.youtube.com/embed/uO73vkHMpz0?si=qsFrNce2knnV7sjK" 

Тасқын толастар емес. Күнде бір өңірде табиғи апат. Енді бүгін Батыс Қазақстан облысында төтенше жағдай жарияланды.Себебі, өңірде жағдай тым қиын. Облыстың Сырым, Теректі, Қаратөбе, Бөрлі аудандарында тұрғын үйлер су астында қалды. Ал, күннің күрт жылынуына байланысты Астана маңындағы елді – мекендерге де  қауіп төнді. Елордаға жақын маңда орналасқан Қосшы, Тайтөбе, Қошқарбаев ауылдары судың астында қалуы әбден мүмкін. Бүгін Үкімет отырысында шенділер осындай болжам жасады. «Бәрінен қымбат әрі маңызды ол – адам өмірі» - деген Премьер-Министр жауаптыларға осы қауіпті кезеңде аяқтан тік тұрып, елге қызмет көрсетуді бұйырды. 

Еліміз бойынша жағдай күрделі. Тасқын су басталғалы төтеншеліктерден маза кетті. Күнге де түнге де қарамай құтқарушылар осы күндері 16 мыңға жуық адамды аман алып шығып, қауіпсіз жерге көшірген. Оның 6 мыңы бала. Соңғы ақпарат бойынша 5 өңірде 1 405 жеке үй, 372 аула, 99 саяжай және 10 ғимарат су астында қалған. 

БАУЫРЖАН СЫЗДЫҚОВ ҚР ТӨТЕНШЕ ЖАҒДАЙЛАР ВИЦЕ-МИНИСТРІ:
«Су тасқынның жағдайы тұрақты-күрделі, батыс аймақтарда су аздап төмендеді, орталық, солтүстік және шығыс бөліктерінде керісінше өзендер деңгейінің қарқынды жоғарлауы байқалады. Су басу аймағында 5 облыс қалуда, әкімдіктермен жергілікті ауқымдағы 20 төтенше жағдай жарияланды. Ақтөбе, Батыс Қазақстан және Қостанай облыстарында күрделі жағдай сақталуда. Бұл жерлерге дереу күштік құрылымдар жіберіліп, техникалық құралдар жұмылдырылды. Өңірлерде авариялық-құтқару жұмыстары жалғасуда».

Ақтөбе мен Қарағанды облыстарында жағдай тұрақталып қалды. Қарағандыдағы екі ауылдың тұрғындары ақырындап үйлеріне оралып жатыр. Деседе бойында үрей қалған ел, толық жаз шықпай үйлеріне кіруге қорқуда. Енді Батыс, Орталық және Солтүстікте жағдай күрделенуі мүмкін деп болжанады. Астана маңындағы ауылдарға да қауіп бар.

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ: «Астана су қоймасына 26-30 наурыз аралығында 150 млн текше метр су түсті.  Бұл су тасқыны кезінде орташа көп жылдық түсімнен едәуір асып отыр.  Астана су қоймасынан судың төгілуін болдырмау үшін 29 наурызда Есіл өзенінің арнасын жуу үшін төменгі бьефке су жіберу жүзеге асырылды. Нұра өзені арқылы Преображен су торабына шамамен 4 сәуір айына 2500 м3/сек су ағыны күтілуде. Қошқарбаев, Қосшы, Тайтөбе елді менкендерін су басу қаупі төніп тұрғанын айтты. Осыған байланысты жергілікті атқарушы органдар тиісті шараларды қамтамасыз ету керек».

Ал, экология министрлігі болса, бар кінә жергілікті атқа мінерлердің өзінде дейді. Айтуынша, қазгидромет те, экологтар да желтоқсаннан бастап дабыл қаққан. Алайда, әкімдер қамданбады, ексертуге ешкім құлақ аспады деп отыр. 

ЕРЛАН НЫСАНБАЕВ ҚР ЭКОЛОГИЯ МИНИСТРІ: «Желтоқсан айының өзінде өңірлер бөлінісінде су тасқыны қаупі бар учаскелер айқындалып желтоқсан, ақпан және наурыз айларының басындағы болжамдарда көрсетілді және әкімдіктер мен орталық органдарға жолданды. Алайда әкімдіктер болжамға қажетті деңгейде назар аудармады, осы себепті су тасқыны қаупіне тиісті баға берілмеді және уақтылы алдын алу шаралары қабылданбады».

Ел басына күн туғанда етігімен су кешкендерге Үкімет басшысы алғыс айтты. Зардап шеккендердің ешқайсысы да көмексіз, назардан тыс қалмайды деп сендірді. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Әкімдіктер жергілікті жерлерде зардап шеккен тұрғындарды шығынды өтеу алгоритмі және үй салу үшін көрсетілетін көмек туралы атаулы түрде хабардар етуге тиіс. Зардап шеккендердің ешқайсысы назардан тыс қалмайды. Бәріне көмек берілетін болады».

Су басқан үйлердің мәселесі жақын арада шешілмек. Енді  салынатын жаңа үйлер үшін арнайы құрылған комиссия қауіпсіз жер таңдап алады. Алдын ала болжам бойынша жаңадан салынатын үйдің бір құны 22 млн теңге болуы мүмкін. Қаржы алдымен жергілікті бюджеттен бөлінеді. Айта кетейік, Мемлекет басшысы жақын күнде осы су тасқынан зардап шеккен бір облысқа іс-сапармен барады. 

https://www.youtube.com/embed/spMPr1HrL_U?si=R9t5cDmUTRJKHecz" 

https://www.youtube.com/embed/bpa4Kao4uKQ?si=p5qw9KXsAI1EQr4h" 

Қарағандыда ұйымдасқан қылмыстық топ мүшелері ұсталды. Олар жылдар бойы өзінен әлсіздерді ұрып-соғып, мүліктерін тартып алып, қаражаты барлардан ақша бопсалаумен айналысқан. Жедел іздестіру іс-шаралары барысында осы топтың 12 қылмысқа қатысы бары анықталды. Жәбірленушілер "Қармет" АҚ қызметкерлері, жеке кәсіпкерлер және жоғары оқу орындарының студенттері екені белгілі болды.  

ШЫҢҒЫС АЛЕКЕШЕВ, ҚР ІІМ РЕСМИ ӨКІЛІ: «Жалпы топтың 25 мүшесі ұсталды. Оның ішінде ең белсенді 10 адам қамауға алынды. Тінту барысында атыс және суық қару, оқ-дәрі, діни әдебиет пен ірі көлемде қаражат тәркіленді. Қазіргі таңда олардың басқа да қылмыстарға қатысы бар-жоғы тексерілуде. Басқа ақпарат тергеу мүддесінде жария етілмейді».

https://www.youtube.com/embed/ZZSi414tREU?si=_fU3FgtjlE9G8Z5p" 

Қызылорда қаласында күйеуі қайнаған сумен әйелін күйдірген. Жәбірленушінің айтуынша бұл жағдай отбасылық жанжалдан туындаған. Опық жеген ана жергілікті полицияға арызданып, оқиғаның мән-жайы тексерілді.

Бес баланың аяулы анасы қорлық көріп, күйеуінің күндеуімен 17 жыл  өмір сүрген. Тұрмыс құрғаннан кейін ажырасуға талпынғанымен балалардың болашағын ойлаған ана, жылдар бойы жан жарасын емдеген. 4 қыз 1  ұлға ақ сүт беріп, тәрбиелеп отырған ардақты жанға жұбайының алғашқы әлімжеттігі емес. Отағасынан опық жейтін ана, кейде көршілермен көрісудің өзі ұят дейді.

ЗАРДАП ШЕГУШІ

Бұл оқиға 8 наурыз-халықаралық әйелдер күні орын алған.Даудың басы былай.
Баласы ауырғаннан емхана табалдырығын тоздырған анаға, үй тазалығына шағым айтып күйеуі жанжал бастайды.Ұрыс-керіс бес баланың көзінше, дастархан басында өршіген. Тәтті пісіріп ыстық шәй дайындаған жарына күйеуі, дастарқанмен қоса күйіп тұрған шәйнекті аударған.  

ЗАРДАП ШЕГУШІ

Қорлық көрген әйел жазыла салысымен, сот қарауына ажырасуға арызданатынын жеткізді. Елімізде осы секілді зорлық-зомбылық құрбандары күн санап артып келеді дейді мамандар. Жыл басынан бері өңірде тұрмыстық жанжал сипатында 576 өтініш қаралып, оның 64%-не әкімшілік іс қозғалған.

АЙГЕРІМ ЕРБОЛАТ, ҚЫЗЫЛОРДА ҚАЛАЛЫҚ ЖПҚБ ӘЙЕЛДЕРДІ ЗОРЛЫҚ-ЗОМБЫЛЫҚТАН ҚОРҒАУ ТОБЫНЫҢ АҒА ИНСПЕКТОРЫ

Тұрмыстық зорлық-зомбылыққа қатысты әкімшілік қамауға алынған адамдардың саны былтырғыға қарағанда 2 есеге артқан. Жергілікті полиция қызметкерлері отбасыларға прафилактикалық жұмысты жандандырып, жәбірленушілердің қауіпсіздігін қамтамасыз ету міндеттеп отыр.

https://www.youtube.com/embed/hixjAawULh8?si=nePa3JpDLRXCqrOV" 

Аса қатыгездікпен, мақсатты түрде адам  өлтірді деген айыпты мойындамаймын. Экс-министр Қуандық Бишімбаев Салтанат Нүкенованы қасақана өлтірмегенін айтты. Мені кешіреді деп ойламаймын, бірақ кешірім сұрау адами парызым деп сотта марқұмның туыстарынан және ата-анасынан кешірім сұрады. Нүкеновамен қалай танысқанын және жанжалдың неден туындағанын тәпіштеп айтып берді. Астанада бүгін аты шулы іске қатысты кезекті сот отырысы өтті. Сотта айыпталуышыдан жауап алынды. 

ҚУАНДЫҚ БИШІМБАЕВ ЭКС-МИНИСТР: «Мені 5 ай бойы айуан ретінде көрсетуде. Мен ұсталғаннан бастап, Салтанаттың туыстары мен ағасы белсенді "пиар" компания құрып алды. Сіздер интернеттен "көзі ойылған", "бас сүйегі" сынған деген ақпарат оқыдыңыздар. Бәрі шындыққа жанаспайды. Мен кез келген жазаны қабылдауға дайынмын. Бірақ осындай көзқарас қалыптасқаннан кейін мен өзімді қорғауға мәжбүрмін. Сіздерге өтірік айтудың ешқандай мәні жоқ. Мені 5 ай бойы айуан деді, көзін ойып алды деді. Мұның бәрі шындыққа жанаспайды».

https://www.youtube.com/embed/3ToY6uQxlzs?si=BHevjk8_j-A4S8TK"

Елімізде болып жатқан төтенше жағдайларға байланысты көмек қолын созам деген қала тұрғындарына арнап гумманитарлық пункттер ашылды. Сауапты іске еріктілер білек сыбана кірісіп кетті, Алматыдағы жағдайға назар аударсақ.

Көп түкірсе көл деген. Әлеуметтік желілерден хабардар болып, көмек қолын созуға келген келушілердің бүгінде қарасы көп.

ҚАНАТ МАҒАУИЯҰЛЫ АЛМАТЫ ҚАЛАСЫНЫҢ ТҰРҒЫНЫ:
«Өзім жақсы заттарымды жинадым. Олар бір пакетик болып шықты. Соны алып келдім. Бұны мен ерлік деп санамаймын. Бұл біздің азаматтардың борышы. Мен ойлаймын, қазақтар бір-бірімізге көмек бермесек, жәрдемдеспесек өзімізді мемлекет ретінде санай алмаймыз. Сол үшін бір-бірімізге көмек беруіміз керек».

АЙДЫН АБАЙҰЛЫ АЛМАТЫ ОБЛЫСЫНЫҢ ТҰРҒЫНЫ:
«Шынымды айтсам, бұндай көмекті бірінші рет жасап тұрмын. Өзіміздің жанұяның атынан. Киімдер мен керек жарақтар бар. Өзім не керек деп ойладым, соларды алып келдім. Қазағымызда осындай қайғылы жағдай болып жатқанда, кішкене болсын қолымыздың ұшы тисін деп».

Көмек жинау пунктінің ашылғанына бірнеше күн ғана болса да, жеткізілген қор біршама. Халықтың қолдауының арқасында, қажетті заттардың саны күннен күнге артып келеді дейді Бағдат ханым.

БАҒДАТ БЕКБОЛАТҚЫЗЫ АЛМАТЫ ҚАЛАСЫ ВОЛОНТЕРЛАР ФРОНТ ТОБЫНЫҢ ЖЕТЕКШІСІ:
«Барлық өңірлермен қазіргі таңда байланыстамыз. Бірақ, кеше Орал, Ақтөбе қалаларынан қажетті заттар тізімін жазып кеткен болатын. Жалпы біз тізімдерді БАҚ, әлеуметтік желілерге жариялаған болатынбыз. Ол жақта бірінші қажеттілікке керек киімдер, азық түліктер, көрпешелер, лопаталар, етіктер т.б. Осының бәрін жұма күннен бастап жинадық. Демалыс күндері көп тұрғын келді. Кәсіпкелер хабарласып жатыр. Осы екі күн ішінде біз біраз көмек жинаған болатынбыз. Бұйыртса осы аптаның ортасына дейін жинап, кейіннен осы көмектің барлығын аттандыратын болғанбыз деп хабарлап жатырмыз».

Әзірге тасымалдау жағы белгісіз. Жоба апта аяғына дейін жалғасын таппақ. Көмек қолын созам деген жандарға есік әрдайым ашық. 

https://www.youtube.com/embed/5PuOAPC2w1g?si=818pcxd37YbtVG_5" 

Полицейлер Петропавл тұрғындарына жеке аулаларын су басудың алдын алуға көмектесуде. Жексенбі күні таңертең қалалық полицияның барлық қызметтерінен жасақталған мамандар тобы Петропавл қаласының жұмысшы кентіне келді. Шаруашылық құрал-саймандармен қаруланған полиция қызметкерлері түске дейін Красин көшесі мен Михеевтің 3-ші өтпе жолындағы арықтарды ішінара мұздан тазартты.

Айта кеткен жөн учаскелік полиция инспекторлары, әкімшілік және патрульдік полицейлері, кезекші бөлімдер мен арнайы мекемелердің, тыл бөлімшелерінің, ювеналды полицияның қызметкерлері су тасқынына қарсы іс-шараларға байланысты жұмыстарға белсенді қатысып жатыр. Сонымен қатар, Петропавл қаласы полиция басқармасы бастығы Марат Жұмалиев бастаған полицейлер болашақта жедел көмек көрсету үшін аудандағы жағдай мен жалпы ахуалды сол жерде зерделеді. Су тасқыны бойынша жағдай мониторингі барлық мүдделі қызметтердің, соның ішінде полиция қызметкерлерінің тұрақты бақылауында. Мамандар су басу қаупі төнген жағдайда облыс орталығының тұрғындарына тазарту қызметтеріне 8 (7152) 39-64-16 немесе ikomek коммуналдық кәсіпорындардың бірыңғай call-орталығының 109 нөміріне қоңырау шалу қажет екендігін еске салады.

https://www.youtube.com/embed/imJVDw1VBVo?si=gHbzEHnZlXfWp68T" 

Ел аумағында орын алған төтенше жағдайға байланысты Президент Қасым-Жомарт Тоқаев жиын өткізіп, жағдайды қалыпқа келтіру үшін шұғыл шаралар қабылдаумен қатар жүйелі жұмыс қажет екенін атап өтті. Премьер-Министрдің төрағалығымен республикалық штаб құру, сондай-ақ барлық өңірде су тасқынына қарсы жұмыстарды күшейту, ең бастысы, азаматтардың қауіпсіздігін қамтамасыз ету жөнінде тапсырма берілді. Осыған орай топан судан зардап шеккен ақмолалықтарға да  қажетті көмек көрсетілетін болады. 

Көкшетау тұрғыны Вакиль Бектеміровтің үйіне кірген су тізеден келген. Шамамен, жарты метрге көтерілген судың кесірінен үйдегі бар жиhаз жарамсыз болып қалды. Отбасын жалдамалы пәтерге орналастырған ол, шығын мөлшерін есептеп жүр.

ВАКИЛЬ БЕКТЕМІРОВ, КӨКШЕТАУ ҚАЛАСЫНЫҢ ТҰРҒЫНЫ:
«Үйді фото, видеоға түсіріп жібердіңдер деді. Біз жібердік. Төтенше жағдай департаментіне барып, өтініш жаздық. Телефон номерімізді, мекен жайымызды қалдырдық.  Әрине, көмек көрсетіледі деп ойлаймыз. Сеніп отырмыз».

Тосыннан келген топан судан зардап шеккендердің бірі Никулиндер жанұясы. Отағасы Сергей мүлік тұрмақ, баспанасының жөндеуге келмейтінін айтуда.

СЕРГЕЙ НИКУЛИН КӨКШЕТАУ ҚАЛАСЫНЫҢ ТҰРҒЫНЫ:
«Әкімдіктегілер бағалаушыларды жіберіп, шығын мөлшерін анықтаймыз деді. Содан кейін шешім шығарып, әкімдік бар шығынымызды өтейді. Бізге осылай деді. Әзірге, пәтер жалдап тұрып жатырмыз». 

Бірнеше күнгі жұмыстың арқасында Қылшақты өзенінің суы қайтадан төмендеді. Енді, алаңдауға негіз жоқ,-дейді құтқарушылар. Ал, зардап шеккен әр отбасына 50 айлық есептік көрсеткіш көлемінде бір реттік көмек көрсетіледі. Одан бөлек, әр жанұяның шығыны есептеледі. Оның мөлшерін анықтау, қаржылай көмек көрсету сұрақтарымен айналысу үшін арнайы топ құрылған.  

ҰЛАН БЕЙСЕМБАЕВ КӨКШЕТАУ ҚАЛАСЫ №1 МАМАНДАНДЫРЫЛҒАН ӨРТ СӨНДІРУ БӨЛІМІНІҢ БАСТЫҒЫ:
«Сатпаев 9 көшесіне келіп, фото видео фиксацияны және өзінің мекен жайының соның бәрін көрсетіп өтінім білдіруге болады. Қазіргі таңда әкімшіліктің және төтенше жағдай департаментінің арасында арнайы топ құрылған. Солар қарастырады». 

https://www.youtube.com/embed/2Rj10dho7zg?si=wDmzcNTBoqMOltoB" 

Бүгін Президент Қасым-Жомарт Тоқаевтың төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штабтың отырысы өтті. Онда Мемлекет басшысы жауапты өкілдердің салғырттығын сынады.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:  «Бұл нені білдіреді? Болжам жұмыстары мүлдем болмаған. Жағдай салалық мамандардың тапшылығынан туындап отыр. Егер әкімдіктер жыл сайын су тасқынына қарсы жоспарланған барлық іс-шараны тиісті деңгейде жүзеге асырғанда, ауа-райы жағдайын ескергеннің өзінде, апаттың салдары мен ауқымы мұншалықты болмас еді. Соған қарағанда, әкімдіктер бұл жұмыстармен айналыспаған. Қазір су тасқынынан төнетін қауіп сейілді деуге келмейді. Сондықтан Ішкі істер министрлігінің, Ұлттық ұланның, Қарулы Күштердің, Ұлттық қауіпсіздік комитетінің барлық күші мен құралын, оның ішінде кадрлық және техникалық ресурсын барынша жұмылдыру қажет. Сонымен қатар еріктілерді, жәрдем бергісі келетін азаматтарды тарту керек. Алайда, ең бастысы – мемлекеттік органдар. Ахуал кез келген сәтте ушығып кетуі мүмкін. Қазіргі басты міндет – адам шығынына жол бермеу. Бұл орайда жіберілген қателіктер мен олқылықтарды ескеруіміз қажет». 

Су тасқынынан зардап шеккен адамдарға тиісті барлық көмек көрсетілсін. Бұл мақсатқа Үкіметтің және әкімдіктердің резервін ғана емес, «Қазақстан халқына» қорының қаржысын да пайдалану қажет. Осындай жауапты сәтте еліміздегі бизнес өкілдерін халыққа қол ұшын созуға шақырамын деді Қасым-Жомарт Тоқаев штабтың отырысында. Сондай-ақ Президент су басқан аймақтарда әлеуметтік маңызы бар қызметтер мен азық-түлік бағасының өсуіне жол бермеу мәселесіне Үкімет назарын аударды. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:
«Су тасқыны мен өртке қатысты жағдай жыл сайын қайталанады. Жауапты органдар мен салалық қызметтердің (Қазсушар, Қазгидромет) жобалау, сараптама жасау жұмыстары нашар ұйымдастырылған. Тиісті шаралар, негізінен, жағдай орын алғаннан кейін немесе толыққанды болжам жасалмай қабылданады. Сондықтан бізге дағдарыс жағдайларын болжаудың нақты тетігі өте қажет. Цифрлық даму министрлігі Экология, Су ресурстары және Төтенше жағдайлар министрліктерімен бірлесіп жыл соңына дейін барлық ықтимал төтенше жағдайларды (су тасқыны, өрт және т.б.) модельдеуге, тиісті болжамдар, ұсынымдар мен іс-қимыл жоспарын жасауға мүмкіндік беретін ақпараттық жүйе әзірлеуге тиіс. Айтпақшы, Үкімет пен жергілікті атқарушы органдар, ең алдымен, облыстардың әкімдері жазғы маусымға да дайын болуы қажет. Өрт немесе басқа да табиғи апаттардың болуы әбден мүмкін. Қазіргідей қамсыз отырмай, алдын ала әрекет ету керек. Су тасқынын көргенде, көктен түскендей абдырап қалдыңыздар. Осы ретте еліміздің шығыс өңірлеріндегі су тасқынын модельдеу жөніндегі ТЖМ мен «Қазақстан Ғарыш Сапары» ұлттық компаниясының бірлескен жұмыс тәжірибесін қолдануға болады».