https://www.youtube.com/embed/NDn8EDDVD8I?si=BqmUL_7w4lpZOqoG" 

Көріпкел ол кешке оянады деді. Бишімбаев Салтанат есін жимаған соң көріпкелге қоңырау шалғанын айтты. Соған сеніп, кешке дейін оянуын күттім дейді. Қоғамдық резонанс тудырған экс-шенеуніктің соты бүгін Астанада қайта жалғасты. Сотта күдіктіден жауап алынды.  

Бүгін сотта Бишімбаев Салтанатпен болған соңғы әңгімесі туралы баяндады. Марқұмның  қалай соққы алғанын, араларында жанжал неден туындағанын айтты. Күдіктінің нұсқасы бойынша олар сол күні концертке барған. Бірақ, соңына дейін отырмай, екеуі болмашыға сөзге келіп, кетіп қалған. Салтанат киім ілген ілгіштің нөмірін жоғалтып алып, сырт киімін кимей ашуланып далаға шығып кетті. Сондықтан, мен ініме хабарласып Қазақстан концерт залынан оның сырт киімін алып кетуін өтіндім дейді. Содан жанжал ары қарай мейрамханада жалғасты, өзі менің жағамнан алды. Ашуға булыққан мен оны шапалақпен тартып жібергенім рас, алайда қасақана адам өлтірмедім деді. 

ҚУАНДЫҚ БИШІМБАЕВ КҮДІКТІ: «Салтанат тепе-теңдігін жоғалтып, дәретханаға қарай құлай бастады. Ол қабырғаға соғылды, ұшып түсті, қабырға оң жақта еді. Құлап бара жатқанда қолымен итеріліп, бетімен дәретханаға құлап түсті.  Соққы өте қатты болды, бах еткен дауыс шықты да, дәретханаға беті солқ етіп құлап, одан ары еденге құлап түсті». 

Жедел-жәрдем шақыртайын ба деген сауалыма ол жауап бермеді дейді. Айтуынша, сондықтан көріпкелге хабарласқан. Ол кешке қарай оянады деп сендірген. Содан дем алып алуын күттім деп әңгімесін осы сарында жалғасытырып жатқанда жәбірленшуші тарап Салтанаттың ағасының денсаулығы сыр беріп, сот 10 минутқа үзіліс жариялады.Сот отырысы түстен кейін қайта жалғасты. Онда прокурор марқұмның ұялы телефонын да айғақ ретінде пайдалаунды ұсынды. Айта кетейік, экс-министр өз әйелін өлтірді деген күдікпен тергеліп жатыр. 
 

https://www.youtube.com/embed/V2fmeimUC-Y?si=hWxgMiAHhHt16Eab" 

БҚО 12 мың тұрғыны бар Подстепное ауылының жағдайы мәз емес. Елдімекеннің жартысын су алған. Ауылға қатынас қиындаған,қуантарлығы адам шығыны жоқ.

Баспаналарын су басып естері ауған тұрғындар өздеріне келе алмай отыр. Апаттан еш хабарсыз болған олар,бала-шағамызбен әзер шықтық, ешкім көмекке келмеді,-деп шағымдарын жеткізді.

САНДУҒАШ РАХМЕТОВА ПОДСТЕПНОЕ АУЫЛЫНЫҢ ТҰРҒЫНЫ

Орын алған жағдайға байланысты БҚО-да 4 мың адам қауіпсіз аумаққа көшірілген. Оның 2 мыңы - бала. Қазір үйлері суға кеткен тұрғындар ауылдағы колледж жатақханасына орналастырылған. 

САҒЫНГҮЛ ҚҰСАЙЫНОВА ПОДСТЕПНОЕ АУЫЛЫНЫҢ ТҰРҒЫНЫ

Қиын қыстауда қалған қараша халыққа дәрігерлер тарапынанда қызметтер көрсетілуде.

АЯГӨЗ АЙБЕКҚЫЗЫ ДӘРІГЕР-ТЕРАПЕВТ

РУСЛАН ҚАДЫРЖАНОВ ТЕРЕКТІ КОЛЛЕДЖІНІҢ ДИРЕКТОРЫ

Елдімекеннің жартысына жайылған су қалған аумаққа қауіп төндірмес үшін тұрғындар өз күштерімен құм толтырылған қапшық төсеп жанталасуда.

САҒИДОЛЛА ИЗДЕЛЕЕВ ТЕРЕКТІ АУДАНЫНЫҢ ТҰРҒЫНЫ

Жағдайды тұрақтандыру үшін 40 техника, 20 мотопомпа, 150 жеке құрам жұмылдырылған. Тасқынның әсерін азайту үшін төтеншеліктер қарғын суды жолдың екінші бетіндегі сайға ағызбақшы болғанымен, Таити ауданы тұрғындарының үйлеріне қауіп төндіре ме деген қауіп туындаған.

ЕЛУБЕК ЖАНҰЗАҚОВ ПОДСТЕПНОЕ АУЫЛЫНЫҢ  ТҰРҒЫНЫ

Осылай деп наразылық тудырған тұрғындардың пікіріне мамандардың жауабы мынадай

РАШИД БЛЯЛОВ БҚО ТЖД БАСТЫҒЫНЫҢ ОРЫНБАСАРЫ

Өңірде  көлік қатынасы қиындаған елдімекендерге азық-түлік тікұшақтың көмегімен жүзеге асырылуда. Жағдай күрделеніп Теректі ауданының Ұзынкөл және Бәйтерек ауданының Махамбет ауылдарында тасқын су басты. Орын алып жатқан қиындықтар қатаң бақылауға алынып отыр. 

https://www.youtube.com/embed/-Z6zUsJy4GU?si=G1hX582JVlB-ACr5" 

Көктем келеді. Үкіметтің көп уәдесі көлкіп суға кетеді. Осылай деп үкімет пен жергілікті атқарушы органдардың жұмысын сынаған депутат Мақсат Толықбаев мемлекет тек үймен ғана қамтымай, зардап шеккендерге жан-жақты көмекті көрсетуі керек дейді. Ал, қорасы мен малының құжаты жоқтар сонда қайтпек деп Премьер-Министр Олжас Бектеновке депутаттық сауал жолдады. Айтпақшы, депутаттар алдағы уақытта да осы өңірлерге қайта барып, жағдайды бақылауда ұстамақ. 

МАҚСАТ ТОЛЫҚБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Рас, Мемлекет басшысының: “Ешкім назардан тыс қалмайды, зардап шеккен тұрғындарға түгел көмек көрсетіледі”, – дегені, дертке дауа, көңілге медет. Бірақ комиссия шығынды есептеп, үйлер салынғанша кемі 4-5 ай уақыт кетеді. Осы кезде малмен жан бағып отырған ағайын төрт-түлігін тастап қайда барады? Малы өрісте, өздері аудандағы колледжде жайбарақат жатады дейсіз бе? Ертең ел-жұрттың есін шығаратын тағы бір мәселе бар! Алыстағы ауылдарда суға кеткен кейбір үйлердің әлі күнге дейін құжаты жоқ. Қора-қопсысы мен құлағында сырғасы жоқ малдары туралы айтпай-ақ қояйын. Қазақ ауылдағы қорасына қашан құжат рәсімдетіп еді? Оларды қайтеміз? Далада қала ма? Осы жағын да ойластыру керек».

https://www.youtube.com/embed/Ody0g-BYnNc?si=0XDzDiCxbMsXTAGE" 

Су тасқыны туралы Парламентте отырып бос сөз айтудың керегі жоқ. Пленарлық отырыстан кейін мәжілісмендер су алып жатқан өңірлерге аттанып, халықтың хәлін біледі. «Депутаттар елмен бірге»- деді Мәжіліс төрағасы Ерлан Қошанов.Бүгін төменгі палата энергетика саласына қатысты заң жобасын қарады. Жаңа құжатқа сәйкес енді энергетика саласы қатаң бақылауға алынатын болды. Делдалдар жойылады. Бірақ, одан электр энергия тарифі арзандап кетеді деген сөз емес. Толығырақ алдағы бейнематериалда. 

Парламент бүгін бірқатар заң жобасын жұмысқа алды. Алайда, оның арасында су тасқыны туралы әңгіме жоқ. Елдің әр өңірі тасқын астында қалып жатқанда, қашан осы мәселені талқылаймыз деп депутат Ринат Зайытов төрағадан сұрап еді, бұл сұрақ спикерге еш ұнамай қалғандай. 

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Күн тәртібі бойынша бірден ертеңінде талқылаушы едік, шахтадағы апат бойынша да, су тасқыны бойынша талқылау қашан болады».

ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ:
«Депутаттық сауалыңыз болса, отырыс соңына жарияласаңыз болады».

Мәжіліс деупататтары энергетикаға қатысты заң жобасын бірінші оқылымда мақұлдады. Жаңа құжатқа сәйкес енді энергиямен жабдықтаушы ұйымдар толық жойылады. Бүгінде, нарықта олардың екі түрі жұмыс істеуде. Бірі: реттелген, екіншісі реттелмеген. Сол екіншісі реттелмегендер ойына келген тарифті қойып отырған көрінеді. Нәтижесінде, жылына 1 млрд теңгеге дейін пайда тауып отыр екен. Енді ондай делдалдар толық жойылады. Біріңғай жүйе енгізіледі. Бірақ, одан тариф төмендей ме жоқ па ол жағы белгісіз. Депутаттар бұл заң тозығы жетіп, әбден ескірген жылу электр орталықтарына қандай да пайдасы бола ма деп үміттенеді. 

АМАНЖОЛ ӘЛТАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Жақында сіздің министрлік 2032 жылға дейін 26 гигабайттық қуаттылықты енгізу жоспарын жариялады. Онда Көкшетаудағы, Семейдегі және Өскемендегі 3 ЖЭС-тан басқа энергия көздері туралы ақпарат жоқ. Жалпы еліміздегі ЖЭС-тардың алды сіз екеуіміз тумай тұрғанда салынған. Ал негізгі дені екеуіміздің сәби кезімізде салынған ЖЭС-лар. Ыңыршағы ауып, қалтылдап өлгелі тұрған, яғни ескірген әрі тиімсіз ЖЭС-ларды жаңғырту мәселесі қалай қолға алынып жатыр? Жылпы сіздерде ЖЭС-ларын жаңғыртудың стратегиялық жоспары бар ма?»

Энергетика министрі Алмасадам Сәтқалиев жауапты қысқа қайырды. Электр желісін дамытудың схемасын депутаттарға беретінін айтты. Сөзінше, құжатта интерактивті карта бар. Онда барлығы ашық жазылған. Ал, депутат Ерлан Сайыров еліміздегі гидроэлектр станцияларының тағдырына алаңдайды. Олар шет ел инвесторларының иелігіне өтіп кетмей ме деген мәселені көтерді. 

ЕРЛАН САЙЫРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Ақпарат құралдарында Өскемен және Шүлбі ГЭС-терін Самұрық-Қазына қорынан Самұрық-Энерго компаниясына беру жөніндегі шешім шықты. Осыдан үш жыл бұрын Қазақстан мен Катар мемлекетінің бір қоры арасындағы осы ГЭС-терді инвестицияға айырбастау жөніндегі жоба болған. Ол жобаның артында сөйтсек, сол кездегі Ескі Қазақстанның өкілдері тұр екен. Қазір осы Өскемен және Шүлбі Самұрық-Қазына қорынан Самұрық-Энерго компаниясына өткізу сол қадамның жалғасы емес пе? Тағы да сіздер, ақалай-мақалай жасап, халықтың меншігін тағы біреуге өткізгелі жатқан жоқсыздар ма?»

Өз кезегінде министр, алаңдауға еш негіз жоқ деп сендірді. Гидроэлектр станцияларының жеке адамдарға сатылмайтынына кепілдік беремін деді. Ал, Атом электр станциясын салу не салмауға қатысты референдум қашан өтетіні әлі белгісіз. Оны орталық сайлау комиссиясы шешеді деді. Энергетиктердің жалақысы туралы мәселе көтеріліп еді, алайда жалақыны өсіреміз деген сөз болмады. Айтпақшы, депутаттар жарықты ойына келетін бағамен сататын жеке меншік трансформатор иелеріне тосқауыл қоюды сұрап еді. Оған министр, ұрлық фактісі болса, қарауға дайынбыз. Бастысы өз назарыма аламын деп сендірді. 

https://www.youtube.com/embed/9bi9k_YcxDs?si=RUYbDNn3WfrrUmvY" 

Мемлекет басшысы Қасым-Жомарт Тоқаев «Ақорда» резиденциясында ШЫҰ-ға мүше мемлекеттердің қауіпсіздік кеңестері хатшыларымен кездесу өткізді. Қазақстан Президенті қазіргі уақытта Шанхай ынтымақтастық ұйымының Астанадағы саммитіне дайындық жүріп жатқанын айтып, аталған іс-шараның еліміз үшін мәні зор екеніне назар аударды. Президент ШЫҰ кеңістігіндегі ұжымдық қауіпсіздіктің рөлі артып келе жатқанын ескере отырып, ұйымға мүше елдердің қауіпсіздік кеңесі хатшыларының кездесулері айрықша өзекті екенін тілге тиек етті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Өткен жылы әлемде өңірлік және жергілікті деңгейде 183 қақтығыс болды. Жанжалдардың саны шамамен 30 пайызға артқан. Бұл – соңғы отыз жылдағы ең жоғары көрсеткіш. Сарапшылар қақтығыстар мен зорлық-зомбылық әрекеттерінің жаһандық циклы белең алып келе жатыр деп санайды. Осы ретте халықаралық терроризмнен де төнетін қауіп күшейіп келеді».

Мемлекет басшысының айтуынша, таяуда көптеген бейбіт тұрғынның өмірін жалмаған Мәскеу облысындағы қайғылы оқиға лаңкестердің зорлық-зомбылықтың ең қатігез әрі зұлым тәсілдерін қолданатынын көрсетті. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан лаңкестік әрекетті қатаң айыптайтынын бірден мәлімдеді және Ресеймен бірге екенін білдірді. Екі елдің арнаулы қызметтері терроризмге қарсы іс-қимыл мәселелері бойынша ұдайы байланыста. Мәскеу облысындағы лаңкестік әрекетті бүкіл әлем, соның ішінде бүгін өздеріңіз өкілі ретінде келіп отырған елдер де қатаң айыптады. БҰҰ Қауіпсіздік кеңесі кінәлілердің бәрін жауапқа тарту қажет екенін, сондай-ақ терроризммен күрес мәселесінде халықаралық ынтымақтастықты дамытудың маңыздылығын атап өтті. Ең бастысы, болған істен дұрыс қорытынды шығарып, нақты шаралар қабылдау керек. Азаматтарымыздың қауіпсіздігін қамтамасыз етіп, террорлық қауіп-қатерлерге лайықты төтеп беруге тиіспіз». 

https://www.youtube.com/embed/A7k9fMQtAME?si=6uKhiTaeQlACLk-k" 

https://www.youtube.com/embed/OGBQ5JK1ZLs?si=ma62-aSB66gvL5x0" 

Тәрбие – ұрпақты биік мұратқа жетелейтін сапалы білімнің тұғыры. Ұлттық құндылықтармен сусындап өскен ұрпақ ұлағатты болмақ. Сондықтан да қадір-қасиет, ар-намыс, адалдық, патриотизм, жауапкершілік, әдептілік, мейірімділік, сүйіспеншілік, үлкенге ізет, кішіге құрмет сияқты қасиеттерге ие шығармашыл азаматты тәрбиелеу маңызды.Осыған орай аталмыш тақырыпты қаузаған форум ұйымдастырылған болатын. Келесі тақырыпқа назар аударсақ.

Оқу-ағарту министрлігінің қолдауымен 2023-2025 жылдарға арналған Біртұтас тәрбие бағдарламасы жүзеге асырылуда.Аталмыш құжаттың басты мақсаты адамзаттық және ұлттық құндылықтар негізінде өскелең ұрпақты тәрбиелеу сапасын арттыруға бағытталған. Алматыда орын алып отырған форумда соған бағытталып отыр.
Қазіргі жастарда барлығы бар, тек ата мен әженің қарапайым, тәрбиесі жетіспейді.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ:
«Ақыл кенін арқалаған аталар мен ақ жаулықты әжелер» форумында бабаларымыздан келе жатқан рухани дәстүрлеріміз, құндылықтарымыз насихатталды. Халқымыздағы әдептілікке бастау болған ырымдар мен тыйымдардың мәні ашып, ата-әжелерден берілетін құндылықтар сөз болды.

АЛИЯ ЕЛЕМАНОВА АЛАМТЫ ҚАЛАЛЫҚ №207 МЕКТЕП-ЛИЦЕЙІНІҢ ДИРЕКТОРЫ

Білім шаңырағының ауласында «тоғызқұмалақ», «арқан тартыс», «асық ату», «қол күрес» ойындары ұйымдастырылды.Сонымен қатар ұлттық өнермен таныстыру мақсатында шаш өру, құрақ тігу, кесте тігу, тоқыма тоқу, ағашқа сурет салу секілді ұлттық құндылық тақырыбындағы көрме келушілердің назарына ұсынылды.

САНДУҒАШ МҰСАБАЕВА  «SEN» ТЕАТРЫНЫҢ ЖЕТЕКШІСІ

https://www.youtube.com/embed/PaTwl6DgDg0?si=9fUT25Yqurvtr85s" 

Алматы полицейлері адам ұрлаумен айналысқан қылмыстық топтың жолын кесті. Қылмыстық топ мүшелері белгілі бір тұрғылықты жері жоқ адамдарды ұрлап, оларды заңсыз бас бостандығынан айырған. Ол аздай бұл адамдардың атынан қайтарымсыз несие алған. Күдіктілер Алматыдағы жеке тұрғын үйлердің бірінен ұсталды. Алдын ала болжам бойынша келген шығын көлемі 200 млн теңгеден асады. 

ШЫҢҒЫС АЛЕКЕШЕВ ҚР ІІМ РЕСМИ ӨКІЛІ: «Сотқа дейінгі тергеп-тексеру нәтижесі мен жинақталған дәлелдемелер жиынтығы бойынша күдіктілерге қатысты ұйымдасқан қылмыстық топ құрғаны, оны басқарып, қатысқаны үшін екі қылмыстық іс қозғалды. Қылмыстық топтың барлық жеті мүшесі ұсталып, қамаққа алынды. Заттай дәлелдемелер тәркіленіп, тергеу амалдары жүргізілуде. Басқа да ақпарат тергеу мүддесінде жариялануға жатпайды».

https://www.youtube.com/embed/rDhD5u-DvV4?si=I-oUxl0kDvEqOLuV" 

Көлік тіркеуге қатысты заңсыздықтар әлі де анықталып жатыр. Жалған құжат арқылы Еуропадан Қазақстанға 83 жүк көлігін әкелгендер ұсталды. Олар Қостанай облысының тұрғындары. Әбден бармақ басты, көз қысты әрекетке бейімделіп алғандар 2020 жылдан бастап үш жыл бойы Қазақстан аумағына жалған құжатпен еш кедергісіз жүк көліктерін тасып отырған. Салдарынан мемлекетке келген шығын  591 млн теңгені құрады. Бүгінде күдіктілердің бар мүлкі тәркіленіп, сотқа дейінгі тергеу басталды. 

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІГІНІҢ РЕСМИ ӨКІЛІ: «Салық кодексіне сәйкес, шығарылған күні расталған жүк көліктері үшін төленетін сома 2500 АЕК болатын еді, бірақ күдіктілер жалған құжат арқылы 350 АЕК төлеген. Күдіктілердің тұрғылықты жері мен қызметтік үйлеріне тінту кезінде халықаралық жүкқұжаттар, шот-фактуралармен кедендік төлемдерді төлеу түбіртектері, көлік құралдарын сатып алу келісімшарттары, декларациялар анықталып, тәркіленген. Сот санкциясымен жоғарыда аталған көліктерге, сондай-ақ күдіктілердің 1 млрд теңгеге жуық мүлкіне тыйым салынды. Бүгінгі таңда сотқа дейінгі тергеу жалғасуда».

https://www.youtube.com/embed/UbnabRj4PbQ?si=OwX-5GiwOX4HLzwm" 

Ақмола облысында тасқын судың алдын алу жұмыстары жалғасып жатыр. Соңғы тәулікте елорданың іргесіндегі Аршалы ауданының аумағынан 13 мың текше метрден астам су сорылды. Ал, Жібек Жолы ауылында түнгі уақытта су деңгейін қадағалап отыру үшін мобильдік бекеттер құрылған. Целиноград ауданында құтқарушылар мен жергілікті билік өкілдері тәулік бойы кезекшілік атқаруда. 

Жібек жолы елдімекенінде 15 үй су астында қалуы мүмкін. Төтенше жағдайға байланысты  120-ға жуық адам мен 35 техника жұмыс істеп тұр. Есіл өзенінің жағасындағы бөгетті нығайту мақсатында құм салынған 800 қап төселген. 

ЕРЖАН ЖОЛЫМБЕТОВ АҚМОЛА ОБЛЫСЫ АРШАЛЫ АУДАНЫ ӘКІМІНІҢ ОРЫНБАСАРЫ: «Осы күні су деңгейінің төмендегені байқалады. Аршалы ауданының әкімдігі наурыздың 20-нан бері қажетті шараларды қолданып жатыр. Жағдай бақылауымызда». 

Аршалы, Жібек жолы, Жалтыркөл, Елтоқ және Константиновка ауылдары су басу қаупі жоғары аймақ деп танылған. Целиноград ауданында да бұл бағыттағы жұмыстар белсенді жүргізілуде. 55 техника, 70-тен астам мотопомпа дайын. Аудан аумағынан 4 мың текше метр қар шығарылған. 

ТАЛАПТАН ДАУЫЛТАЕВ ҚАРАӨТКЕЛ АУЫЛДЫҚ ОКРУГІНІҢ ӘКІМІ:
 «Қараөткел ауылы бойынша 125 мың текше метр қар шығарылды. Полигонға. Облыс бойынша 17 әскер келді. 10 мотопомпа алып келіп қойдық. Кеше Астана қаласынан келді мчсниктер.Үйдің ішіне су кеткен жағдай жоқ. Аулалардың ішіне су толып жатыр. тек қана соларды шығару жұмыстары жүргізіліп жатыр».

https://www.youtube.com/embed/pdzEN29TrnQ?si=COvAS_BPn_64bLTR" 

Бүгін  Алматыда таңғы сағат 8 шамасында «Young man» маркалы №7 троллейбус өртенді. Өрттің алдын-ала себебі - пештің үрлеу қозғалтқышында болған. Көлік тізгіндеуші Болат Тілеубердиевтің сөзінше, рейс алдында ол сағат 5:45-те медициналық тексеруден және көлікті 6:00-де техникалық тексеруден өткізген. Тілсіз жау жүргізушінің кабинасында басталған. Аялдамаға жеткен соң, өрт сөндіру бөліміне хабар беріліп, уақытында ауыздықтаған. Абырой болғанда зардап шеккендер жоқ.

ЖАНДАУЛЕТ ЕРТІЛЕС АЛМАТЫ ҚАЛАСЫ №15 ӨРТ СӨНДІРУ БӨЛІМІНІҢ ҚАРАУЫЛ БАСШЫСЫ

https://www.youtube.com/embed/kSNIuGc9Obs?si=ELbETv7h7BXNDkO6" 

БҚО біраз аудандарында жағдай тұрақталмай тұр. Табиғи апаттан зардап шеккендерге әлі де көмек көрсетілуде. Десе де ағын суға адам түгіл, техниканың да шамасы әзер жетуде. Салдарынан қаншама халық баспанасынан айырылды. Енді, Орал қаласы да қауіпті аймақтардың тізімінде. Толығырақ, алдағы бейнематериалда.

Тасқыннан  зардап шеккен ауылдардың қатары көбеюде. Солардың көшін Теректі ауданының Аңқаты ауылы бастап тұр. 27-ші наурыз күні түнде 51 үй су құрсауында қалған. Абырой болғанда, зардап шеккендер жоқ. Қазіргі уақытта ауылға тек қайық ғана қатынай алады. Ауыл тұрғындары орталық ауылдағы мектеп-интернатқа орналастырылды 

САМАЛ НИЯЗОВА АҢҚАТЫ АУЫЛЫНЫҢ ТҰРҒЫНЫ

1 метрден астам су үйдің саутамдығын қалдырмаған. Жиған мүлік пен қоса төрт түліктері де суға кеткен. Ішерге азық болып отырған мал шығыны ауыл тұрғындарының жанына батты. 

БЕКЕТ ЕСҚАЛИЕВ АҢҚАТЫ АУЫЛЫНЫҢ ТҰРҒЫНЫ

ҒАЛИ ЖҮСІП АҢҚАТЫ АУЫЛЫНЫҢ ТҰРҒЫНЫ

Аңқатыға кіретін жалғыз жол арнайы қазылып, ағын судың нөперін азайту жолдары қарастырылуда. Осы жол арқылы халыққа қажеттінің барлығы тиісінше жеткізілуде.    

БҚО 384 үй, 21 жолды су басып, 30 жолды су шайып кеткен. Биліктегілер шығынды есептеп, халыққа көмек көрсетілетінін айтты.

НАРТАЙ СӘРСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ

Қас пен көздің ортасында қолдағы бардан айырылып, жан жақта қалған ауыл тұрғындары мәселелерінің оң шешім тапқанын қалайды.

НАРТАЙ СӘРСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ

Қазір 4 мыңға жуық адам қауіпсіз жерде. Сырым, Теректі, Қаратөбе, Бөрлі аудандарында тұрғын үйлер жарамсыз күйде қалды.