- Толығырық
- Категория: Алатау ақпараты
- 289 рет қаралды
https://www.youtube.com/embed/nRcnVlx_7wY?si=HIrRT3KCN4nBxfOe"
Мемлекеттің ұлттық тұтастығын, халқымыздың дәстүрлі дінін, ұрпағымыздың болашағын қатерге байлап бере алмаймыз. Осылай деген Мәжіліс депутаты Ермұрат Бәпи Үкімет басшыларынан ел ішіне діни іріткі салған жат ағымды санадан да, ауыл мен қаладан да қуып шығу керек дейді.
ЕРМҰРАТ БӘПИ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Депутаттар қаққан дабылды «бұлар ислам дініне қарсы шықты» деп әлдекімдер әлеуметтік желіде өңін айналдырып, дабыра салып жүр. Ескерте кетейін, жалпы исламға және елдегі исламның Ханафи мазһабына қарсы емеспіз. Біз дәстүрлі дінге бүйі тигендей болған салафизм, уахабизм идеясына қарсымыз. Қазақ халқының ежелден өмір сүру және тұрмысы мен салт-дәстүріне жат идеологиялық ағымға қарсы Үкімет жағынан жасалған концепциялық бағдарламалар бар ма?»
ТАМАРА ДҮЙСЕНОВА ҚР ПРЕМЬЕР-МИНИСТРІНІҢ ОРЫНБАСАРЫ:
«Қазір өзіңіз көтерген тақырып үлкен проблемаға айналып отыр. Тамыз айынан бастап осы мәселемен айналысып жатырмын. Біраз теологтарды, діни бірлестіктердің өкілдерін шақырып, пікір алмастық. Олардың пікірлері де депутаттар көтерген мәселемен сәйкес келіп тұр. Сіздердің ұсыныстарыңызды олар да қолдап отыр».
- Толығырық
- Категория: Алатау ақпараты
- 272 рет қаралды
https://www.youtube.com/embed/1Ty4rjGHiCc?si=WQ_MRoKvjBEPV4gd"
ХАМАС содырларының шабуылынан кейін ірі әуе компаниялары Израильге ұшуларын ішінара тоқтатты. Дүйсенбі күні кешке Тель-Авив әуежайына жоспарланған рейстердің үштен бірі орындалмады.
Delta әуе компаниясы елге рейстерді айдың соңына дейін тоқтататынын айтты. United және American Airlines, сондай-ақ көптеген еуропалық тасымалдаушылар осындай қадамға барып отыр. Нәтижесінде Тель-Авивтегі Бен Гурион әуежайында бейберекеттік орын алды.
ГЕРМАНИЯДАН КЕЛГЕН САЯХАТШЫ: «Біздің рейсіміз тоқтатылды, бірақ біз сабыр танытып отырмыз. Үйге жететінімізге сенімдіміз. Қайғылы жағдай. Бірақ мен адамдарды діттеген жеріне жеткізу үшін көп жұмыс істеліп жатқанын білемін».
Жалғыз израильдік El Al әуе компаниясы барлық израильдіктердің үйлеріне қайтуы үшін рейстер қосқан. Қазіргі уақытта Израиль өз тарихындағы ең ірі әскери жұмылдыруға күш салуда.
ИЗРАИЛЬ ТҰРҒЫНЫ: «Өткен жылы АҚШ-қа қоныс аударған 25 жастағы ұлым танк әскерлеріне қайта оралды. Әскерде сержант шенінде үш жыл қызмет еткен ол енді елді қорғау үшін үйіме оралу керек деп шешіпті».
АҚШ пен Еуропадағы авиациялық реттеушілер Израильге рейстерді тоқтату туралы ресми бұйрық шығарған жоқ. Алайда Ресей жағдайдың тұрақсыздығын алға тартып, түнгі рейстерге тыйым салып отыр.
Осы уақытта Газа секторындағы Хамастың орналасқан жерлеріне, штаб-пәтері мен қоймаларына әуе шабуылдары жалғастырылуда. Израиль анклавқа электр және су беруді азық-түлік жеткізуді тоқтатты. Үкімет 900-ге жуық израильдікті өлтіріп, 2600-ден астамын жаралаған топты толығымен жоймақ ниетте екенін айтты. Ондаған адам тұтқынға алынды.Израиль әскерилері аз ғана уақыт содырлардың бақылауында болған шекарадағы ауылдардың біріне кірді. Мұнда 100-ге жуық өлген адамның денесі табылған.Израиль әскері ХАМАС басып алған барлық аймақтарды босатып, жекелеген содырларды жоюды жалғастырып жатқанын хабарлады.
- Толығырық
- Категория: Алатау ақпараты
- 263 рет қаралды
https://www.youtube.com/embed/xpkGwe58lZU?si=XIrq5dd47boYuxLo"
Денсаулық сақтау министрлігінің мәліметінше, елімізде қызылша ауруы өршіп тұр. Әсіресе Алматы қаласында кеселді жұқтырғандар көбейіп барады. Індетті жұқтырғандардың көбі – бала. Астана, Шымкент қалалары мен Жамбыл облыстарында да асқынып тұр. Қызылша жылдам таралатын дерт. Мамандар оның жалғыз емі – вакцина екенін айтып отыр.
Алматыда ағымдағы жылы наурыз айынан бастап қызылшаның зертханалық жағдайы расталған 1646 адам тіркелген. Оның ішінде 14 жасқа дейінгі балалар саны – 1397. Инфекция қалаға эпидемиологиялық жағдайы қолайсыз болған елдерден әкелініп, қызылшаға қарсы екпе алмаған тұрғындар арасында таралған. Қызылша-дене температурасының жоғарылауымен, жөтелмен, мұрынның ағуымен, конъюнктивитпен және бөртпемен сипатталатын жедел вирустық ауру.
АЛМАШ САРСЕМБАЙҚЫЗЫ АЛМАТЫ ҚАЛАСЫНЫҢ САНИТАРИЯЛЫҚ-ЭПИДЕМИЛОГИЯЛЫҚ БАҚЫЛАУ ДЕПАРТАМЕНТІНІҢ ИНФЕКЦИЯЛЫҚ ЖӘНЕ ПАРАЗИТТІК АУРУЛАРДЫ ЭПИДЕМИОЛОГИЯЛЫҚ БАҚЫЛАУ БӨЛІМІНІҢ БАСШЫСЫ:«Ең бірінші ұсынарымыз, егерде аурудың қандай да бір белгілері болған кезде, дер кезінде дәрігерлерді шақырып, дәрігердің тағайындауымен ем қабылдау. Өз бетімен емделмеу және ауырған балаларды ұйымдасқан орталарға апармау. Аурудың ең алдын алудың ең бір тиімді тәсілі – қызылшаға қарсы екпе алу. Прафилактикалық екпелерді жүргізетін ұлттық күнтізбеге сәйкес, қызылшаға, паразитке қарсы екпе балаларға 1 жасында жасалады және екінші екпе 6 жасында жүргізіледі».
Айта кетейік, Алматы қаласы Қоғамдық денсаулық сақтау басқармасы бүгінде қызылшадан 29 ересек және Қалалық балалар клиникалық жұқпалы аурулар ауруханасында 201 бала стационарлық ем алып жатыр деп хабарлайды. Стационарлық ем қабылдап жатқан науқастың барлығының жағдайы орташа ауыр. Науқастар арасында қызылшадан қайтыс болғандар тіркелген жоқ.
- Толығырық
- Категория: Алатау ақпараты
- 291 рет қаралды
https://www.youtube.com/embed/uSiiJQG6QQo?si=F7v0lwJHnVxeEK1F"
Жұмбақ күйде көз жұмған студентке қатысты тағы да қылмыстық іс қозғалды
Щучинскіде жұмбақ жағдайда көз жұмған студенттің өліміне қатысты Мемлекет басшысы Ішкі істер министріне тапсырма берді. Еске сала кетейік, 6 қазанға қараған түні Щучинскідегі теміржол бойында жоғары техникалық колледжінің 4-курс студенті Роман Бодаговтың өлі денесі Бурабай курорты мен Кенесары арасындағы учаскеде теміржол бойында табылған. Әлеуметтік желіге марқұм студенттің анасы Президент пен Ішкі істер министріне видео үндеу жариялаған болатын.
Марқұм студенттің есімі Роман Бодагов. Анасының сөзінше, ұлы 6-шы қазанға қараған түні үйден шығып кеткен. Жоғалып кеткеннен кейін жарты сағатта темір жол өткелінде мәйіті табылған. Қайғылы оқиғаға байланысты Көкшетау станциясындағы желілік полиция бөлімшесінде Қазақстан Республикасы Қылмыстық кодексінің 344-бабы 2-бөлігі "Абайсызда адам өліміне әкеп соққан жол қозғалысы немесе теміржол көлігін пайдалану қауіпсіздігі ережелерін бұзу" бойынша соталды тергеу басталды. Алайда, туыстары мен жақындары жас жігіт өзіне қол жұмсағанына сенбейді. Надежда Бодагованың айтуынша, Богдан көңілді, жанашыр бала болған. Ұлын одан ақша бопсалағандар өлтірді деп санайды.
НАДЕЖДА БОДАГОВА-МАРҚҰМНЫҢ АНАСЫ: «Ұлым ақша туралы ештеңе айтқан жоқ. Біз ол туралы кейін білдік. Балам бақытты өмір сүргісі келді. Полиция қызметкерлерінен тәртіп орнатуды сұраймын. Біздің қалада балалар ешкімнен, еш нәрседен қорықпай жүру керек. Ұлымның өліміне кінәлілер барық заңға сәйкес қатаң жазалансын. Мұндай жағдайлар қайталанбас үшін әділдік болғанын қалаймын!»
Мемлекет басшысы Ішкі істер министріне Щучинск қаласында болған студенттің өліміне қатысты барлық мән-жайды жан-жақты тексеруді тапсырды. Кінәлілер заң талаптарына сай жауапқа тартылуы керек. Президент бұл мәселені ерекше бақылауға алды.
МҰХТАР ҚОЖАЕВ ҚР ІІМ ТЕРГЕУ ДЕПАРТАМЕНТІ БАСТЫҒЫНЫҢ МІНДЕТІН АТҚАРУШЫ: «Болған оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр. Алдын-ала тергеу нәтижелері бойынша құқықтық баға берілетін болады. Тергеу барысы ішкі істер министрлігінің ерекше бақылауында».
Алдын ала тергеу нәтижелері бойынша құқықтық баға берілетін болады. Тергеу барысы Ішкі істер министрлігінің ерекше бақылауында.
- Толығырық
- Категория: Алатау ақпараты
- 291 рет қаралды
https://www.youtube.com/embed/bezU8PUxr2s?si=MOPRgF-ZmK6jak8F"
Қымбат әуе билеті, тоз-тозы шыққан пойыз вагоны, жемқорлыққа белшеден батқан «7-20-25» ипотекалық бағдарламасы. Бүгін Мәжілісте депутаттар осындай түйіткілді мәселелерді көтерді. Сонымен, ұшақ билеті қашан арзандайды, сапалы вагондар қашан жолға шығады? Ол жайлы толығырақ алдағы бейнематериалда.
Елдегі күнде жолаушылар тасымалдап жүрген пойыздардың жартысына жуығы тозған. Кестеден кешігетін, вагондары талапқа сай келмейтін, билеті қымбат соның өзіне қол жетпейтін темір жол қызметінің сапасы туралы мәселе бүгін Парламент мінберінде қайта көтерілді.
МАҚСАТ ТОЛЫҚБАЙ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Айта-айта жақ талды. Сапа болса нөл. Совет заманынан қалған ескі вагондар сүйретіліп әлі жүр. Темір жол вагонының 60% тоз-тозы шыққан. Министрлік 2030-ға дейін жабдықтаймыз дейді. Бірақ біздің ҚТЖ-ға бәрібір. Өйткені шекелері шалқып жүрген менеджерлерге мен айтайын Қазақстан темір жолының құны көк тиын. 26 жылда жарытпаған саланы 7 жылда жарылқайды дегенге жан баласы сенбейді. Өйткені айтатындары ертегі, аңыз. 2030-ға дейін қала вагондарының 80% тозып, екі қолымызды мұрнымызға тығып отырмасымызға кепілдік бере аласыз ба министр мырза? Терезесі ашылмайтын, кондицонерлері істемейтін, қабырғасында тарақандар жүретін ескі вагондардың өзіне жаз мезгілінде билет таппайсың. Бағаның өзі қымбат. Сөйте тұра билетті субсидиялауда жыл сайын сытырлатып миллиард санап береміз».
Бұл мәселеден көлік министрі де хабардар. ҚТЖ компаниясы биыл 50, келесі жылы 100 жаңа вагонмен толығады. Ал, 2025 жылдан бастап тіпті халық бұрын-соңды мінбеген заманауй, бар талапқа сай пойызбен қатынайтын болады деп сендірді. Ол үшін Еуропаның «мен» деген компаниясынан вагондар арнайы сатып алынбақ екен. Сондай-ақ депуттарды алаңдатқан тағы бір маңызды мәселе: ол ұшақ билетінің қымбаттығы.
АЙДОС САРЫМ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Атап айтқанда, адамдар төмен бюджетті әуе компаниясының билет бағасының күн сайын қымбаттап бара жатқанын айтады. Air Astana әуе компаниясының еншілесі Fly Arystan жолаушыларды қолжетімді бағамен қамту үшін құрылған еді. Сонымен қатар ішкі туризмді дамытуға негізделген болатын. Ал іс жүзінде лоукестер билеттерінің бағасы бас компания бағасымен теңесіп, жылдан жылға өсіп жатыр. Осындай баға масқара емес пе?»
МАРАТ ҚАРАБАЕВ ҚР КӨЛІК МИНИСТРІ: «Мәселен, 2020, 2021 жылдармен салыстырғанда әуе тасымалына сұраныс 17%-ға өсті. Биыл 26%-ға өсіп отыр. Яғни сұраныс артып жатыр, ал ұсыныс оған төтеп бере алмай жатыр. Ол үшін ұшақтардың санын ұлғайту қажет. Былтыр 14 ұшақ сатып алынды, биыл жыл соңына дейін әуе компаниялары тағы 11 ұшақ алады. Нәтижесінде қазақстандық ұшақтарды саны 100-ге жетеді және ондағы орындықтардың саны 12 мыңнан 15 мыңға артады. Тағы 3 мың қосылады. Оған қоса 2024-2025 жылдары тағы 14 ұшақ сатып алу жоспарланып отыр».
Жақында құрылған көлік министрлігінің басшысы бұл мәселені назарға аламын деп уәде еткендей болды. Осылайша, депутаттар өз сауалына жауап алса, халық қалаулысы Бақытжан Базарбек жер мәселесіне қатысты сұрақ жолдаймын деп басы дауға қалды.
БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Егер жұмыс істей алмасаңыздар, министрмен қоса министрліктен қуып шығамыз. Аямаймыз»
ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ: «Құрметті, Бақытжан Жұмабекұлы! Бірінші кезекте депутаттық этика деген бар. Сіз қатты кетпеңіз! Агрессиясыз сөйлеңіз. Екіншіден, мен жақтап отырғаным жоқ. Қойып отырған сұрағыңыз дұрыс. 10 млн гектарға жуық жер қайтар.Бұл бірінші кезекте «Жер аманаты» комиссиясының жұмысы. Енді оны әрі қарай бөлу кезінде әділ бөлініп жатыр ма, жоқ па, сол ғой сіздің сұрағыңыз. Ол ең алдымен жергілікті әкімдердің, екінші кезекте осы құзыретті органдардың мәселесі, солардың жауапкершілігі».
Ұлтымызды құртып жатқан екі тармақ: бірі –жемқорлық десе, енді бірі құмар ойын дейді мәжілісмендер, өйткені, суйцид жасайтындар да, қылмысқа баратындар да, ажырасатындар да осы – лодомандар. Сондықтан, бұл бизнесті түп тамырымен жоятын уақыт жетті дейді олар.
НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Бұл лудомания бір адамның тағдырын емес, тұтас отбасыларды бүлдіреді. Елімізде ажырасқан әр 10 отбасының жетеуінде жанжал лудомания салдарынан шыққан. Ал біз осымен қалай күресіп жатырмыз? Елімізде қоғамдық көліктің сыртын, тұрғын үйлердің қасбетін түгелдей құмар ойындардың жарнамасына бердік. Бұл мәселені Президент Қасым-Жомарт Тоқаев та айтқан еді. Биліктің енді не күтіп отырғаны түсініксіз».
Жемқорлық демекші, депутат Дәулет Мұқаев «7-20-25 мемлекеттік ипотекалық бағдарламаны» жемқорлықтың нақ ортасына айналды деп сынады.
ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Бүгін «7-20-25»-ке лимит ашылды. 5 минутта бітті де қалды. Оқырмандардан: «Бұл не деген сұмдық» деген хаттар келіп жатыр. «Менен банк менеджері 1 млн 400 мың сұрады», «Менен 700 мың теңге сұрады» деген хаттар жіберуде. Бұл қашан тоқтайды?»
ҚАНАТ ШАРЛАПАЕВ ҚР ӨНЕРКӘСІП ЖӘНЕ ҚҰРЫЛЫС МИНИСТРІ:
«Тағы басқа бағдарлама бойынша мемлекет қаражат бөліп жатыр. Бірақ сіз өзіңіз білесіз, барлық халықты баспанамен қамту оңай емес. Егер сізде уақыт болса, сізбен бірге отырып, барлық бағдарламаны бірге қарайық».
Үш сағаттан аса уақыт бойына мәжілісмендер өзекті мәселелерді көтеріп, үкімет мүшелеріне өткір сауалдарын жолдады. Бұл айтылғандардың нақты қашан және қалай іске асатыны ол уақыттың еншісіндегі дүние.
- Толығырық
- Категория: Алатау ақпараты
- 299 рет қаралды
https://www.youtube.com/embed/SI8n1jddvFA?si=a_nfxDMJz6lP67RM"
Талғар қаласының оңтүстігінде орналасқан су торабы тіршілік нәрін беруді қазан айының ортасына дейін жалғастырады. Тау жоталарындағы мұздықтардан еріген су, айтулы арна арқылы егін шаруашылығымен айналысатын диқандарға беріледі.Тәуліктік су реттегіш қоймасы 350-мың куб су сақтауға арналған.Қазіргі таңда транзиттік режимде пайдаланылады. Көктем,күз мезгілдерінде техникалық тазарту жұмыстары жүргізіліп отырады. Қуаңшылық орын алған жағдайда айтулы тоспаның көмегі тиеді.
МАДИЯР МҰХАМЕДҚАЛИЕВ ТАЛҒАР ИРРИГАЦИЯЛЫҚ СУ ШАРУАШЫЛЫҒЫ МК ДИРЕКТОРЫ
Су шаруашылығы саласында білікті мамандар жетіспейді.Айтулы мәселені шешу үшін гидротехникалық білім беретін оқу орындарымен келісім шарт жасауға дайындық жүруде.Тағы бір айта кететін өзекті жағдай, тау шатқалдарынан жүретін селдің салдары.
МАДИЯР МҰХАМЕДҚАЛИЕВ ТАЛҒАР ИРРИГАЦИЯЛЫҚ СУ ШАРУАШЫЛЫҒЫ МК ДИРЕКТОРЫ
- Толығырық
- Категория: Алатау ақпараты
- 270 рет қаралды
https://www.youtube.com/embed/wMErwzrUsC4?si=HsnyLgFyVGVHzLXq"
Президент Қасым-Жомарт Тоқаев биылғы 23 қыркүйек пен 8 қазан аралығында Қытайда өткен XIX жазғы Азия ойындарының жүлдегерлерін қабылдады.Мемлекет басшысы спортшыларды жүлделерімен құттықтады. Сондай-ақ жуырда Ризабек Айтмұхан еркін күрестен қазақтан шыққан тұңғыш әлем чемпионы атанғанын еске салды.Бәсеке өте жоғары болған Азиада ойындарында ел құрамасы 10 алтын, 22 күміс, 48 қола медаль иеленді. Атлеттеріміз нысана көздеу, ескек есу, веложарыс, джиу-джитсу спортынан үздік шықты. Мемлекет басшысы каратэден жалпы командалық есепте бірінші орын алған Қазақстан құрамасын ерекше атап өтіп, осы спорт түрінен Азиадаға қатысқан 8 спортшының бәрі жеңіс тұғырына көтерілгеніне назар аударды. Қасым-Жомарт Тоқаев спортшыларымыздың жеңіске жетуіне бапкерлер және басқа да мамандар айрықша үлес қосқанына тоқталды. Осы орайда Мемлекет басшысы спортта жеңіс пен жеңіліс қатар жүретінін тілге тиек етті.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қажырлы еңбек пен жеңіске деген мұқалмас ерік-жігердің арқасында әрқайсыңыз жоғары нәтижеге қол жеткіздіңіздер. Алайда еліміздің жалпы көрсеткіші өткен Олимпиада мен Азиада ойындарынан да өте жақсы болуы мүмкін еді. Мұны ашық айтуымыз керек. Бокс, ауыр атлетика, еркін және грек-рим күресі дәстүрлі түрде ел құрамасының қоржынына жүлде салып, айтарлықтай үлес қосатын. Жеңіл атлетика, спорттың командалық түрлері жанкүйерлерімізді көбірек қуанышқа бөлейтін. Барлық спорт түрі бойынша кеткен қателіктерді түзету үшін ауқымды жұмыс атқару қажет».
Мемлекет басшысы спорт саласы әрдайым мемлекеттің назарында болатынын айтты. Жыл сайын спортты дамыту үшін қомақты қаржы бөлінеді. Алайда, Президенттің пікірінше, еліміздің кәсіби спорттағы көрсеткіштері аса жоғары деңгейде емес.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Ашығын айтуымыз керек, нәтижеміз мемлекеттен бөлініп жатқан қаражаттың барынша тиімді жұмсалмайтынын көрсетеді. Мұндай жағдайға жол беруге болмайды. Спорт саласына түбегейлі өзгерістер, яғни реформа қажет. Тиісті министрлік осы мәселені жан-жақты қарап, спортты дамытудың мүлде жаңа жолдарын ұсынуы керек».
- Толығырық
- Категория: Алатау ақпараты
- 273 рет қаралды
https://www.youtube.com/embed/N8S2d4SI7Oc?si=W5mSZ_Gsy8c7MoU1"
- Толығырық
- Категория: Алатау ақпараты
- 267 рет қаралды
https://www.youtube.com/embed/L6LIXmHhKMM?si=xT16km4aRp83hsST"
Үнді құтқарушылары бірнеше күн бұрын Лхонак мұздық көлі төгілген Гималайда іздеу жұмыстарын жалғастыруда. Қаза тапқандар саны көбеюде. Әзірге, 44 адамның қаза тапқаны расталды. Тағы ондаған адам хабар-ошарсыз кеткен.
РОШАД ПРАСАД – ҚҰТҚАРУШЫ «Өздеріңіз көріп тұрғандай, өзеннің екі жағында үйлер бүлініп, 50-ден астам баспана жойылған. Балшық және қаза тапқандардың мәйіттері үш метрге дейін үйілген. Қирандылар астында әлі қанша үйдің бар екенін білмейміз».
Үндістанның Сикким штатындағы Лхонак мұздық көлі әлемдегі ең қауіпті көлдердің бірі саналады. Тиста өзенінің ағысынан төмен елді мекендерде мыңдаған адамдарға қауіп төніп тұр. Бұл жолы қорқынышты жағдай орын алды. Көл жауын-шашын мен көшкін салдарынан жағалаудан шыққан. Рангпо және Сингтам қалаларын су басқан.
ТҰРҒЫН «Таңғы сағат 3:30 шамасында адамдар бөгет жарылады деп айқайлай бастады. Біз өзімізбен бірге тек құжаттарды ғана алдық. Басқа дүниені құтқаруға мүмкіндік болмады. Әзірге спортзалда тұрып жатырмыз. Басқа барар жеріміз жоқ».
ТҰРҒЫН «Біз бүкіл Сингтам қаласын су басқанын естігеннен кейін жүгірдік. Бізді оятуға ешкім келген жоқ. Газ баллоны, барлық заттарымыз - бәрі үйде қалды. Енді бізде ештеңе жоқ. Біз сияқты кедейлерге қалай аман қалуға болады?»
Сикким штатындағы Непал, Бутан және Қытай арасындағы тауларда шамамен 650 мың адам тұрады, негізінен буддистер. Бұлыңғыр жолдар мен бұзылған көпірлердің салдарынан қазір штаттың кейбір өңірлерінде отын жетіспеушілігі байқалады.
- Толығырық
- Категория: Алатау ақпараты
- 292 рет қаралды
https://www.youtube.com/embed/2XxU_PLsFn0?si=n8ZAUZxd5t6XO3Ri"
Солтүстік Қазақстан облысының орталығында XXIX республикалық фестивалі басталды. Мәдени шара қазақ өнерінің негізін салушы - Темірбек Жүргеновтың 125 жылдық мерейтойына арналады. Онда еліміздің әр қаласынан 10 театр ұжымы өнер көрсетіп, үздіктер анықталады.
Республикалық театр мерекесі Петропавлдағы қазақ театрының жаңа ғимаратында өтіп жатыр. Фестиваль басталмай тұрып, жүргеновтанушы-ғалымдардың қатысуымен брифинг өтті. Онда Т. Жүргенов жайында деректер айталып, фестивальдің өту барысы талқыланды. Жиын барысында сөз алған Қазақстанның халық әртісі, еңбек ері – Асанәлі Әшімов солтүстікқазақстандықтарды Темірбек Жүргеновтің 125 жылдық мерейтойымен құттықтады.
АСАНӘЛІ ӘШІМОВ ҚАЗАҚСТАННЫҢ ХАЛЫҚ ӘРТІСІ, ЕҢБЕК ЕРІ Халықтың әл-ауқаты кеңеюі керек. Мәдениет, әдебиет, ғылым салалары күшеюі керек. «Мәдениеттсіз елде, ғылым жоқ елде - ол ел болмайды» - деген М. Әуезовтың сөзі бар. Мал бағылады, егін егіледі, экономика түзеледі, жер қазылады, алтын табылады. Ал өнер, ғылым. Соның бәрі елді-елге тапсырады.
Салтанатты іс-шара аясында Сәбит Мұқанов атындағы драма театрының ғимаратында Темірбек Жүргеновтің еңбек жолынан сыр шертетін көрме ұйымдастырылды. Онда көпшілік қауым қазақтың біртуар ақынының табысты шығармашылық ғұмырының қыр-сырымен танысты. Фестиваль барысында спектакльдерге баға беретін 5 сарапшы бар. Солардың бірі, театртанушы, өнертану докторы – Бақыт Нұрпейіс.
БАҚЫТ НҰРПЕЙІС ТЕМІРБЕК ЖҮРГЕНОВ АТЫНДАҒЫ ҚАЗАҚ ҰЛТТЫҚ ӨНЕР АКАДЕМИЯСЫНЫҢ ПРОФЕССОРЫ, «ҚҰРМЕТ» ОРДЕНІНІҢ ИЕГЕРІ Қазақша Ең алдымен жұмысты қараған кезде неге мән береміз? Бірінші режиссерлік жаңалығы бар ма. Актерлік өнерде қандай ілгерілеу бар. содан кейінге қазір театр өнерінде үлкен өзгерістер болып жатыр. Әсіресе жас режиссерлер көп жаңалық әкеліп жатыр. Сол жаңалықтар, бүгінгі театр өнерінде қалай көрініс тауып жатыр? Біз соған көбірек мән беретін боламыз.
Қазақстан театрларының 29-шы республикалық фестивалының алғашқы күні. Іс-шара шымылдығы Түркістан музыкалық драма театрының «Мағжан» спектаклімен ашылды.
Қойылымда алаш қозғалысының қайраткері, ұлы ақын Мағжан Жұмабаевтың шығармашылығынан бөлек, ашаршылық кезіндегі жан күйзелісі мен ішкі өзгерісі бейнеленеді. Алаш ардақтысының рөлін сомдауға ҚР Еңбек сіңірген қайраткері, актер Еркебұлан Дайыров таңдалған. Ал Мағжанның ғашығы Гүлсімді Зарина Кәрмен сомдады.
ЗАРИНА КӘРМЕН ТЕАТР ЖӘНЕ КИНО АКТРИСАСЫ Бұл спектакльдің дайындығы бірнеше кезеңге бөлінді. Ол режиссер Италиядан келген. Сондықтан оның декарациясы бар, сценарийі бар. Жалпылама айтқанда бұл енді бір жылға жуық жасалған жұмыс. Түркістан театрын өздеріңіз білесіздер, тәуелсіз алаң секілді. Шақырылған әртістер бар.
Өнер байқауы он бесінші қазанға дейін жалғасады. Спектакльдер қазақ театрының жаңа ғимаратынан бөлек, Н.Погодин атындағы орыс-драма театрында да қойылады. Көрермен алдында әлемдік және отандық шығармалар сахналанады.
- Толығырық
- Категория: Алатау ақпараты
- 282 рет қаралды
https://www.youtube.com/embed/eGgFWOpwW6Y?si=Iew1wI6dJgMI-Qnl"
Міндетті әлеуметтік сақтандыру арқылы халыққа тегін ем көрсететін жеке меншік күндізгі стационарлар жабылуы мүмкін. Оған себеп: денсаулық сақтау министрлігінің 106 бұйрығы. Бүгін республикадағы барлық медициналық орталықтың басшылары Астанаға жиналып, бұл бұйрыққа қарсы екендіктерін айтты. Егер, халықтың денсаулығын нығайтамыз десек, бұл норманы қабылдамау керек. Әйтпесе, ел азаматтары қолжетімді ем ала алмайды, ал білікті мамандар болса жұмыссыз қалады дейді.
КҮЛЗИНА МҰТАЛИЕВА ЖЕКЕ МЕДИЦИНАЛЫҚ ОРТАЛЫҚТЫҢ ДИРЕКТОРЫ «Көп науқастар қиналатын түрі бар. Біздің кардиологиялық күндізгі стационарда жүрек инфаркпен ауырған кісілер, шунтирование операциялар болған кісілер келіп ем алады. Емнен кейін қайтадан өз дәрігеріне жібереміз. Еш жерде басқа жерде ала алмайды. Өйткені тәулік бойы жұмыс істейтін стационарда қазір өте қысқа уақыт жатады. 5-6 күн. Екі-үш күн реанимацияда, екі-үш күн палатада содан кейін үйге шығарып жібереді. Поликленикаға барады. Онда өздеріңіз білесіздер кардиолог, невролог деген мамандарға киямет. Түсу қиын. Бізге закуп бермесе 106 бұйрыққа сай пациенттер оларда ем алмағаннан кейін қайта инфаркт болуы мүмкін, жүріп кетуі мүмкін, асқыну көп болады, өлім көп болады және біздің медициналық қызметкерлер жұмыссыз қалады әрине».
Бір топ медициналық орталықтың басшылары бас қосқан жиында Денсаулық сақтау министрлігінің маманы да болды. Оның сөзіне сенсек, бұл норма әлі күшіне енбепті. Ашық талқылау жүріп жатыр. Егер көпшілік қарсы болса, бұйрықты қайта қарауға дайынбыз деді министрлік өкілі.
- Толығырық
- Категория: Алатау ақпараты
- 272 рет қаралды
https://www.youtube.com/embed/XhSDhbspIp8?si=qN8MB-wWU-sRfGos"
Төтенше жағдайлар министрлігінің құтқарушылары жер сілкінісі салдарын жоюға көмек көрсету үшін Ауғанстанға аттанды. Іздестіру-құтқару жұмыстарын жүргізу үшін 45 адамнан тұратын күштер мен құралдар тобы жасақталған. Олардың арасында Республикалық жедел-құтқару жасағының құтқарушылары, кинологиялық есептобы, Апаттар медицинасы орталығының дәрігерлері мен фельдшерлері бар.
Барлығы дерлік көпжылғы тәжірибесі бар білікті мамандар. Бірқатар құтқарушылар мен медицина қызметкерлері биылғы жылы Түркиядағы жойқын жер сілкінісі салдарын жоюға қатысып қайтқан болатын.Топ қажетті жабдықтармен толығымен жабдықталған.
Топты Қазақстан Республикасы ТЖМ Азаматтық қорғаныс және әскери бөлімдер комитеті төрағасының міндетін атқарушы Ұларбек Әбікеев басқарады.
Тағы басқа мақалалар...
158 ішінен 187 беті
Alatau News, Copyright 2023, All Rights Reserved.