- Толығырық
- Категория: Алатау ақпараты
- 288 рет қаралды
https://www.youtube.com/embed/jzsXoq5chS0?si=v6LLlCS6a7dnVjxY"
500 жыл бұрын қазіргі Мексика территориясын жаулап алған испандықтар Майели Гарсияның жасаған бояуын алтын мен күмістей құнды деп санайды. Себебі, Майели Гарсия жәндіктерді пайдалана отырып, қою қызыл түсті табиғи бояу жасап шығарады.
МАЙЕЛИ ГАРСИЯ БОЯУ ӨНДІРУШІ:
«Мексикада бояуларды испандық дәуірге дейін жәндіктерді пайдаланып жасаған. Ал біздің ата-бабаларымыз жәндіктерді қолмен жинаған. Кошениль жәндігі – нопал кактусының паразиті. Осы арқылы ол қоректеніп, керек заттарды алады».
Колумбияға дейінгі дәуірде қазіргі Мексиканың Оахака штатында өмір сүрген миштеки халқы испандықтар келгенге дейін бірнеше ғасыр бұрын қымбат пигмент алу әдісін ойлап тапқан болатын. Ал, ежелгі дәуірде байырғы халықтардың Кармин қызыл түсі мәртебенің символы болған. Оларды дворяндардың киімдерін бояуға, сондай-ақ керамиканы безендіруге, фрескаларды бояуға және құжаттарды жазуға қолданған.
МАЙЕЛИ ГАРСИЯ БОЯУ ӨНДІРУШІ:
«Бұл өте қиын жұмыс. Өндіріс жұмыс күші жағынан да, шығындар жағынан да қымбат. Бірақ, біз бұл жұмысты жасауды тоқтатсақ, өндірушілер азайып кетпек».
Қызыл бояғыш кармин ұсақ ұрғашы жәндіктерден алынады. Олардың құрамында кармин қышқылы бар. Дернәсілдік кезеңдегі әрбір жәндік кактусқа отырғызылып, жетілуі үшін бірнеше айға қалдырылады. Содан кейін дернәсілдерді қолмен немесе кішкентай щеткамен жинайды. Осыдан кейін күн астында кептіріледі.
Жылыжай Мехико қаласынан шығысқа қарай кеткен Сан-Францисконың Тепея деген ауылында орналасқан. Ол жерде бояуды ескі әдіспен жасайды. Бұл жерде жылына кемінде 100 келіге жуық бояу өндіріледі. Кейін бояуды қолөнершілер кілемдер мен маталарды бояу үшін пайдаланады.
МАЙЕЛИ ГАРСИЯ БОЯУ ӨНДІРУШІ:
«Мәдениетіміз бен ата-баба мұрасын сақтаудың маңыздылығын түсінетіндер көбейіп келеді. Киім бояйтындар табиғи бояуды жақсы түсініп, дұрыс пайдалануда. Сондай-ақ жоғары сапалы өнім іздейтіндер де көбеюде. Сондықтан біз өндірісті тоқтатпаймыз».
- Толығырық
- Категория: Алатау ақпараты
- 287 рет қаралды
https://www.youtube.com/embed/Gtmv37yEuvg?si=dY8I3P_rbpDd0vRM"
Қызылорда да қоғамдық көлік мәселесі шешімін таба бастады.Автобустардың кестеге сәйкес жүріп-тұруын бақылау мақсатында арнайы рейдттік шаралар ұйымдастырды.
Шаһарда 34 бағыт бойынша қоғамдық көліктер халық игілігіне қызмет етуде. Оның 19-ы «Қызылорда автобус паркіне» тиесілі. 2022 жылдың қараша айында облыс әкімі Н.Нәлібаевтың тікелей қолдауымен серіктестікке «Өнеркәсіпті дамыту қоры» АҚ арқылы жаңадан лизингке 150 дана автобус берілген. Бүгінде олардың қатынау интервалы 12-15 минутты құрайды.
ЖЕҢІСБЕК ФАЙЗУЛЛАЕВ ҚЫЗЫЛОРДА ҚАЛАЛЫҚ ТҰРҒЫН ҮЙ-КОММУНАЛДЫҚ ШАРУАШЫЛЫҒЫ, ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БӨЛІМІНІҢ БАСШЫСЫ
Рейд барысында жауаптылар жолаушылармен тілдесті. Олардың айтуынша №3 және №27, №7 қоғамдық көліктерде мәселе көп. Атап айтар болсақ, сыйымдылығы кішкентай, жүру интервалы ұзақ. Бұл сынға жауаптылардың айтары мынадай.
Айта кетейік, қалалық мәслихаттың соңғы отырысында қоғамдық көліктердің қолма-қол жолақысын 130 теңгеге көтеру туралы ұсыныс айтылып, қолдау тапты. Ал, электронды түрде төлем ақы 85 теңге болып қала бермек. Қазіргі таңда қала тұрғындарына электронды түрде төлем жасаудың 8 түрі ұсынылған. Олар: SMS, QR код, ұялы қосымша, көлік және банктік карталар арқылы жүзеге асады.
- Толығырық
- Категория: Алатау ақпараты
- 286 рет қаралды
https://www.youtube.com/embed/ZYDhetcZQ1A?si=JpO8H6xya9oFqaLu"
Ақтау қаласындағы шағын аудандардың бірінде орналасқан Таунхаустың тұрғындары шу шығарды. Айтуларынша алған баспаналары сын көтермей тұр. Тіпті, жарық пен су мәселесі де әлі күнге дейін шешімін таппаған.
Бұл үйлер 3 жыл бұрын қоныстануға берілген. Мұнда 18 пәтер бар. Тұрғындар үйді алғаннан бастап, күрмеуі шешілмей келе жатқан мәселенің көптігін айтып, шағымданған. Жаңбыр жауса, төбеден аққан су тұрғындарды әбірге салуда. Амалы таусылған жұрт, пәтерлерінің әр бұрышына шелек қойып әлек. Салдарынан баспаналарының қабырғалары көктеп, қолқаны қабатын жағымсыз иіс пайда бола бастаған. Жарық пен су мәселесі айтпаса да түсінікті. Екі жүйе де орталыққа қосылмаған. Сол себепті, тұрғындар енді тіршілік нәрінен ажыратылуы мүмкін.
ХАМИТ ЖҰМАБЕКОВ ТҰРҒЫН: «Су мәселесі, сосын, кәріз мәселесі. Осыларды шешіп берсе, бізге лицовой счетті берсе, үйдің шатырын жөндеп жауып берсе дейміз. Жаңбыр жауса төбемізден су ағады. Забор жоқ. Забор жоқ болғасын кіріп-шығушы көп. Су біздерге келіп тұр. Пайдаланып жатырмыз. Пайдаланғанмен оны МАЭК-ке, МРЭК-ке өткізген жоқ. Соны өткізіп, лицовой счетті берсе, пайдаланған затымызды төлейміз».
Тұрғындарды мазалап отырған тағы бір мәселе – кәріз жүйесі. Кәріз құбырлары бір-бірімен дұрыс жалғанбаған. Қолқаны алатын жағымсыз иіс үйге кіріп, дем алудың өзі қиындаған.
МЕДЕЛХАН САРАЙШЫҚОВ ТҰРҒЫН: «Мына 2-3 үйдің кәрізі біздің үйден шығады. 2-3 рет бітеліп қалды. Қайта-қайта тазаладық. Мына үйді салар кезде эскизде забор, фонтан, бәрі болды. Бірақ қазір ештеңе жоқ. Рядом тағы үй салды. Ол жақтан да адамдар аулаға кіріп жүре береді. Тұрғындар болып мердігер мекемеге бардық. Олар ештеңе шешпейді. Ештеңе айтпайды. «Ақшам жоқ» дейді. Болды».
Су мәселесі бойынша «Каспий жылу, су арнасымен» байланысқа шыққаннан кейін, Таунхаусты тұрғызған мердігер компанияның коммуналдық мекеме алдында қарызы шаш етектен екені белгілі болды.
РИММА ҚУАНБАЕВА «КАСПИЙ ЖЫЛУ, СУ АРНАСЫ» МКК ЭНЕРГИЯ ҚОРЛАРЫН ӨТКІЗУ, ТАРАТУ ЖӘНЕ ЕСЕПКЕ АЛУ ДЕПАРТАМЕНТІНІҢ ДИРЕКТОРЫ: «Мердігер мекеме өткен жылдың желтоқсан айынан бастап іс жүзінде төлем жасамайды. Бүгінгі таңда «Каспий жылу, су арнасы» мемлекеттік коммуналдық кәсіпорын алдында берешегі 1 267 000 теңгені құрайды. Ал МАЭК (Маңғыстау атом энергетикалық комбинаты) ЖШС алдында 1 690 000 теңге берешегі бар. Жалпы қарыз соммасы шамамен 3 миллион теңге. Бізде биллингті МАЭК (Маңғыстау атом энергетикалық комбинаты) ЖШС компаниясы қабылдайды. Бірақ, мердігер мекеме тарапынан биллинкке өту бойынша өтініш келген жоқ».
Құрылыс кезінде жіберілген қателіктің зардабын халық тартып отыр. Ал мердігер мекеме болса, аталған мәселеге қатысты ресми ақпарат беруден бас тартты.
- Толығырық
- Категория: Алатау ақпараты
- 278 рет қаралды
https://www.youtube.com/embed/BvHieuzan0U?si=MFifAGzTbEvHKTfg"
Президент Қасым-Жомарт Тоқаев SINOPEC корпорациясының басшысы Юй Баоцайды қабылдады. Мемлекет басшысына SINOPEC компаниясының еліміздегі қызметінің қорытындысы және алдағы кезеңге арналған жоспары жөнінде мәлімет берілді.
Әңгімелесу барысында геологиялық барлау және мұнай-газ химиясы өнімдерін өндіру салаларындағы ынтымақтастық перспективалары талқыланды.Президент отандық компаниялардың SINOPEC корпорациясымен өзара іс-әрекеті Қазақстан мен Қытайдың стратегиялық серіктестігін нығайтуға ықпал ететініне сенім білдірді.
- Толығырық
- Категория: Алатау ақпараты
- 274 рет қаралды
https://www.youtube.com/embed/qz6qSYKpB9A?si=bNrBEhgoWdt0l5he"
Қаржы мониторинг агенттігі ескертеді! Әлеуметтік желіде құмар ойын ұйымдастыру заңсыз. Ол үшін қылмыстық жаза бар. Тик-токта бәс тігу арқылы ойын ұйымдастырып, халықты алдаған 4 бірдей алматылық 4 жылға сотталды. Айта кетейік, бұған дейін де әлеуметтік желіде құмар ойындарды тарату бойынша ірі қызметтің жолы кесілген болатын.
ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕТТІГІНІҢ РЕСМИ ӨКІЛІ:
«Тергеу барысында азаматтардың 4 ай ішінде 13 млн теңгеге жуық сомаға ірі мөлшерде табыс табумен үлескен стримдар ұйымдастырғаны дәлелденді. Аталған екі азамат кінәлі деп танылып, 1,5 жылға бас бостандығын шектеуге үкім шығарылды. Заңсыз ойын бизнесі саласындағы дәл осындай құқық бұзушылықтар үшін 19 млн теңгеден астам аса ірі мөлшерде табыс тапқан төрт адамға сот 4 жылға бас бостандығынан айыру үкімін шығарды».
- Толығырық
- Категория: Алатау ақпараты
- 274 рет қаралды
https://www.youtube.com/embed/c01h_NZeBRM?si=yl0sZAw9ymzGjGt4"
Бурабай курорттық аймағындағы «Rixos» қонақ үйінің 17 қызметкері астан уланып, 9 адам ауруханаға түсті. Ең қымбат қонақ үйде инфекцияның нақты қандай тағамнан шыққаны әзірге белгісіз.
Базарбек Бек аспазшының көмекшісі. Ауруханаға кеше түнде түскен.
БАЗАРБЕК БЕК НАУҚАС: «Ауруханаға кеше түнгі екіде түстім. Бірінші себептері –басым ауырды, температура болды. 38,2. Құсу. Өзімді нашар сезіндім».
Астан уланған қызметкерлердің алғашқы легі емдеу орнына осыдан екі күн бұрын түскен. Бүгін тағы екі адам аурухана төсегіне таңылды. Жұқпалы ауруханаға жеткізілген қызметкерлерге бактериялық ішек инфекциясы диагнозы қойылып отыр. Қазір науқастардың дене қызуы түскен. Жағдайлары бірқалыпты. Ал үйлеріне жіберілген 8 адам дәрігерлердің жіті бақылауында.
СӘКЕН ҚАЛЫМЖАНОВ КӨКШЕТАУ ҚАЛАЛЫҚ КӨПБЕЙІНДІ АУРУХАНАСЫНЫҢ БАС ДӘРІГЕРІ: «Қызметкерлердің барлығы бір жерде тамақ ішкен. Оған қоса, науқастардың көбі бір бөлмеде жатқан. Бұл инфекциясы сапасыз тағам тұтынғандықтан пайда болады. Емдеу орнына жеткізілген жүкті әйелдердің жағдайы бірқалыпты. Денсаулығына ешқандай қауіп жоқ».
Қазір аудандық СЭС бақылау басқармасы қонақ үйдің мейрамханасына жоспардан тыс тексеруді бастап кетті. Барлық тағамнан сынамалар алынып, зертханаға жіберілген. Оның алғашқы қорытындысы үш күнде белгілі болады.
- Толығырық
- Категория: Алатау ақпараты
- 271 рет қаралды
https://www.youtube.com/embed/P_FKEE7ppRs?si=i-_JLaQ1DH7zc4Zc"
- Толығырық
- Категория: Алатау ақпараты
- 291 рет қаралды
https://www.youtube.com/embed/9vVgk-xu3Z0?si=ZXZl1jCwXjzg7MVk"
«Есік» мемлекеттік тарихи-мәдени музей-қорығы ЮНЕСКО-ның 2022-2023 жылдарға арналған бағдарламасы аясында «Талғар және Қойлық қалашықтары Жібек жолының Чанъань-Тянь-Шань дәлізінің құрамдас бөлігі ретінде» атты халықаралық ғылыми-тәжірибелік семинар өткізді.Шараға АҚШ, Қытай, Моңғолия, Ресей, Өзбекстан, Қырғызстан, Тәжікстан елдерінің ғалымдары қатысты.
Семинар жұмысы басталмас бұрын киелі аймаққа табын тіреген қонақтарды ортағасырлық Талхиз, Рахат қалашықтарына апарды. Бұл жоталардың бүккен сыры,ғасырлардан бері ашылмай келеді.Кей деректерге сүйенсек, ежелгі сақтардың ордасы болған дегенде айтылады.Өйткені қазба жұмыстары барысында азды-көпті жәдігерлер шыға бастады. Еліміздің мамандары Қытайлық әріптестерімен бірігіп,Рахат көне қалашығында орхеологиялық іздену шараларын 2017 жылдан бері бастап кеткен.
ДИНЬГ ИАМ ҚЫТАЙ ХАЛЫҚ РЕСПУБЛИКАСЫНЫҢ АРХЕОЛОГЫ:
«Біз бірлескен жұмыстарды осыдан 7-жыл бұрын бастап кеткен болатынбыз.Өздеріңіз білесіздер,пандемиялық кезеңде біраз уақыт жұмыстарымыз тоқтап қалды.Қазір қайта жандандырып жатырмыз.Қазақтың жері,тарихи жәдігерлерге толы,біздер үшін әр табылған дүниеге үңілу қызықты».
ЛАРИСА ПЛЕТНИКОВА РЕСЕЙЛІК АРХЕОЛОГ:«Мен бір кездері Есік музейінде жұмыс жасағанмын.Сондықтан Талхиз бен Рахат көне қалашықтары маған жат емес.Расмымен де нақты зерттеу жұмыстарын жүргізсе,көптеген деректерге қол жеткізуге болады.Қазақстандық әріптестермен таңғажайып жәдігерлерді анықтауға тырысамыз. Өйткені Алтын адам шыққан өлкенің сыры,тереңде жатыр».
ГҮЛМИРА МҰХТАРОВА «ЕСІК» МЕМЛЕКЕТТІК ТАРИХИ-МӘДЕНИ МУЗЕЙ-ҚОРЫҒЫНЫҢ ДИРЕКТОРЫ
«Есік» мемлекеттік тарихи-мәдени музей-қорығы келем деушілерге үнемі есігі ашық.Бұл жерге қазақтың тарихына қызыққан шетелдік туристер көп келеді. Айтулы мекеме мамандарының айтуынша көне Талғар қалашығындағы құнды дүниелерді жаңғырту жұмыстары кешеуілдеп отыр.
ГҮЛМИРА МҰХТАРОВА «ЕСІК» МЕМЛЕКЕТТІК ТАРИХИ-МӘДЕНИ МУЗЕЙ-ҚОРЫҒЫНЫҢ ДИРЕКТОРЫ
Семинар жұмысы 8-қыркүйек күні Алматы қаласындағы БҰҰ ғимаратында, ЮНЕСКО-ның Кластерлік Бюросында жалғасады. Онда ЮНЕСКО-ның Бүкіләлемдік мұралар тізіміне енген ескерткіштердің қазіргі жағдайы, сақталуы, нысандар бойынша атқарылып жатқан жұмыс барысы баяндалып, шетелдік және отандық ғалымдар тәжірибелерімен бөлісіп, пікір алмаспақ.
- Толығырық
- Категория: Алатау ақпараты
- 266 рет қаралды
https://www.youtube.com/embed/J51Ty55yMHM?si=Wuk32TfvR86QvN9R"
Бүгін Әл-Фараби атындағы ҚазҰУ кітапханасында мемлекет және қоғам қайраткері, дипломат, мәдениеттанушы ғалым, профессор, қаламгер Мұрат Әуездің 80 жылдық мерейтойына арналған «Тарихи-мәдени үдерістегі сабақтастық» атты халықаралық ғылыми-тәжірибелік конференция өтті.Толығырақ келесі тақырыпқа назар аударсақ.
Алматы қаласы әкімдігінің қолдауымен және Алматы қаласы музейлер бірлестігінің ұйымдастыруымен жасалған халықаралық конференция жоғары дәрежеде өтті. Тағылымды жиынның мақсаты – Мұрат Мұхтарұлының ғылыми, шығармашылық еңбектерімен қатар қоғамдық және мемлекеттік қызметінің маңызды кезеңдерін саралап, қайраткер қаламгердің рухани мұрасын насихаттау. Конференция жұмысын ашқан Әл-Фараби атындағы ҚазҰУ-нің басқарма төрағасы Жансейіт Түймебаев мерейтой иесінің қазақ руханиятында алатын ерекше орнын атап өтіп, қаламгерге ерекше құрмет көрсетті.
ЖАНСЕЙІТ ТҮЙМЕБАЕВ ӘЛ-ФАРАБИ АТЫНДАҒЫ ҚАЗҰУ БАСҚАРМА ТӨРАҒАСЫ:
«Мұрат Мұхтарұлы есімі қазақ халқына ғана емес, барша Түркі дүниесі мен Ислам әлеміне жақсы таныс. Қаламгер Мәскеуде оқып жүрген кезеңде қазақ жастарының басын қосқан «Жас тұлпар» қозғалысының белді мүшесі, жетекшілерінің бірі болды. Семей ядролық полигонын жабу жөнінде бастама көтерген «Невада-Семей» қозғалысына мүше болып, елдік мәселелерге атсалысты. «Қазақфильм» киностудиясында бас редактор болған кезеңде ұлттық кинематографиядағы жаңа толықынды қалыптастырды. Қазақстан Жазушылар одағында еңбек еткен жылдары көркем аударма және әдеби байланыстар саласын дамытты».
Іс-шараға мемлекет және қоғам қайраткерлері, Алматы қаласы әкімдігі, ТҮРКСОЙ халықаралық ұйымының бас хатшысы Сұлтан Раев, Татарстан жазушылар одағының төрағасы Зайдулла Ркайл, Татарстан халықтары ассамблеясының төрағасы Ирек Шарипов, ҚР Ұлттық кітапхана директоры Бақытжамал Оспанова қатысып, мерейтой иесін құттықтап, өз сыйлықтарын тарту етті.Сонымен қатар Қырғызстан, Өзбекстан, Татарстан, Голландия елдерінен келген ғалымдар, ақын-жазушылар, еліміздің зиялы қауым өкілдері, Мұрат Әуездің замандас-достары және ҚазҰУ-нің оқытушы-профессорлар құрамы мен студенттері қатысты.Шара барысында шығыстанушы, түркітанушы, тарихшы ғалымдар Роберт Эрмерс, Сафар Абдулло, Александр Қадырбаев баяндама жасап, профессор Мұрат Мұхтарұлының әдеби және саясаттағы зор үлесі мен жетістіктеріне тоқталды.Конференцияда Мұрат Мұхтарұлының түрік тіліндегі «Birliktelik» (Бірлік) кітабының тұсауы кесілді. Бұл жинақ ТҮРКСОЙ халықаралық ұйымының қолдауымен жарық көрді.Жиын соңында мерейтой иесі жиылғандарға алғысын білдіріп, ризашылығын жеткізді. Халықаралық ғылыми-тәжірибелік конференция жұмысы әрі қарай секцияларда жалғасты.
- Толығырық
- Категория: Алатау ақпараты
- 282 рет қаралды
https://www.youtube.com/embed/ijVXLikgWiY?si=2FG_5xtq284LOmkz"
Дүние жүзінде өсімдіктер мен жануарлардың инвазивті түрлерінің таралуы әр онжылдықта төрт есе өсіп, экономикалық зиян келтіруде. Бұл статистиканы Біріккен Ұлттар Ұйымы ұсынып отыр.
Ұйым 1970 жылдан бері зерттеумен айналысып,шығынды есептеп келеді.Зерттеуді 49 елден келген 86 сарапшыдан тұратын топ төрт жыл бойы жүргізді. Олар 37 000 паразиттік түрдің ғаламдық әсерін зерттеді. Қорытындыларға сәйкес, олармен күресуге кететін шығын жылына кемінде 423 миллиард долларды құраған. Сонымен бірге инвазиялық түрлер өсімдіктер мен жануарлар түрлерінің 60% жойылуының негізгі себебіне айналады.
ХЕЛЕН РОЙ БҰҰ ӨКІЛІ:
«Біз инвазивті бөтен түрлердің биоәртүрлілікке ғана емес, жалпы қоршаған ортамыздың өмір сүру сапасына да үлкен қауіп төндіретінін анықтай алдық. Қазір 37 000-ға жуық бөтен түрлер тіркелген. Мәселе одан сайын қиындай түседі деген сөз».
Инвазивті түрлер - көбінесе адам әрекетінің нәтижесінде жаңа аумаққа енетін өсімдіктер немесе жануарлар. Жаңа ортада олар жиі көптеп өседі. Нәтижесінде олар жергілікті түрлерді өзгертуі немесе толығымен ығыстыруы мүмкін, сонымен қатар табиғи биологиялық әртүрліліктің төмендеуіне әкеледі.
ХЕЛЕН РОЙ БҰҰ ӨКІЛІ:
«Мысалы, кейбір тұщы су мидиялары бар, олар көбейіп, құбырларды бітеп тастайды. Кейбір өсімдіктер, мысалы, су арналарының жүзу жолдарына кедергісін келтіруі мүмкін. Бұл ірі компаниялар немесе жергілікті қауымдастықтар үшін мәселе тудырады».
Инвазивті түрлер жануарлар мен өсімдіктердің жойылуына әкелетін патогенді тасымалдаушылар болып табылады.
- Толығырық
- Категория: Алатау ақпараты
- 260 рет қаралды
https://www.youtube.com/embed/VHCkwOpV5I4?si=QmhxyrWBAFTfsSOW"
Оңтүстік Кореяда 50 мыңға жуық мұғалімдер Сеулде митинг ұйымдастырды. Ұстаздар қауымы қарама қайшы әрекеттерге қарамастан құқықтарының қорғалуын талап етіп отыр.
Мұғалімдердің айтуынша, оқушылар мен олардың ата-аналары тарапынан қысым көрсетушілік жиілеген. Осыған байланысты соңғы кездері білім берушілердің кейбір әріптестері өз-өзіне қол жұмсаған.Шеруді ұйымдастыруға ат салысқан, бірақ аты-жөнін атамауды өтінген бастауыш сынып мұғалімі әріптестерінің қайғылы қазасынан кейін білім саласындағы жағдайдың қиындайтынын алға тартты.
ШЕРУДІ ҰЙЫМДАСТЫРУШЫ:
«Ұстаздың өмірден өткеніне 49 күн болды. Алайда шындық әлі ашылған жоқ. Біз бүгін білім беру органдары мен үкіметті жағдайды анықтауға және жақсартуға шақыру үшін жиналдық».
ШЕРУГЕ ҚАТЫСУШЫ:
«Сабақтарға кедергі келтіретін негізсіз үлкен жүктемелер және оқушылар мен олардың ата-аналарынан шамадан тыс шағымдар көп болды».
Ата-аналар мен оқушылар Сеулдегі бастауыш мектеп жанындағы мемориалға гүл шоқтарын қоюға жиналды. Шілде айында бұл оқу орнында мұғалім өлі күйінде табылған. Бұған дейін ол оқушылар мен олардың ата-аналарының қысымына шағымданып келген екен.
ОҚУШЫ:
«Менің білімді болып өсуім ұстаздарға тікелей байланысты, мұғалімнің қайтыс болуы өте қайғылы жағдай».
Ұстаздың өз-өзіне қол жұмсауынан кейін мемлекеттік мектеп мұғалімдерінің шағымдары күрт өсті. Олар ата-аналар мен оқушыларға тәртіптік жаза қолдану үшін тым қатыгездік танытты деп әділетсіз айыпталып жатқандарын жеткізді.
- Толығырық
- Категория: Алатау ақпараты
- 296 рет қаралды
https://www.youtube.com/embed/vQfpKAqdLwY?si=nXfqSmT3-TBIhIah"
Жетісу облысы,Кербұлақ ауданында 100-ден астам мүгедек қарт пен 70-ке жуық мүмкіндігі шектеулі бала бар. Олар тегіс мемлекет тарапынан әлеуметтік қолдау шараларымен қамтылған. Аудандық жұмыспен қамту және әлеуметтік бағдарламалар бөлімі мамандары олармен тұрақты байланыста. Сұраныстарын анықтап, тиісті қолдау көрсетіп отырады.
Сарыөзек ауылының тұрғыны Гүлмира Қасымова 4 баланың анасы. Кенжесі Нұртас туғаннан сал ауруына шалдыққан. Мүмкіндігі шектеулі ұлының күтіміне мемлекеттен әлеуметтік көмекті тегін алады. Сонымен қатар, аптасына 2 рет әлеуметтік қызметкерлер арнайы үйіне келіп, оңалту жұмыстарын атқарады. Гүлмира Қасымова сала мамандардың еңбегіне дән риза.
ГҮЛМИРА ҚАСЫМОВА САРЫӨЗЕК АУЫЛЫНЫҢ ТҰРҒЫНЫ: «Баламыздың медосмотр, бәрін өткізіп береді. Парталмен жататын кезде санаториға жіберді биыл,каляскамызды береді,карсет береді. Аяғына артапет аяқ киім береді. Әлеуметтік қызметкерлердің қыздары бір нәрсе айтсаң екі етпей бәрін жасайды. Әлеуметтік ұжымына рахметімді айтамын».
Кербұлақ ауданында 111 мүгедек, жалғызбасты қарттар мен 67 мүмкіндігі шектеулі бала бар. Оларға арнайы 36 маман, әлеуметтік қызмет жасайды. Негізінен медициналық, педагогикалық, психологиялық, әлеуметтік-еңбек, мәдени және экономикалық құқық сияқты 8 бағыт бойынша көмек көрсетеді. Солардың бірі, Әлия Демеева. Ол, 10 жастағы Сезімге бар білгенін үйретіп, оңалып кетуіне септесіп жатыр. Жас бүлдіршінге аутизм диагнозы қойылған
ӘЛИЯ ДЕМЕЕВА ӘЛЕУМЕТТІК ҚЫЗМЕТКЕР: «Көбінесе педагогикалық бағытта сурет салдыртамыз.Арасында дамытушы ойындар ойнатып жаттығулар жасап аламыз. Балалардың көбінесе ойлау қабілетін қол маторикасын, саусақ маторикасын дамытамыз. Осындай ойындар арқылы».
Кербұлақ ауданының "жұмыспен қамту және әлеуметтік бағдарламалар бөлімінде " мүмкіндігі шектеулі жандарға мүгедектер арбалары, протездер, ортопедиялық аяқ киімдер, балдақтар және басқа да қажетті керек-жарақтар беріледі. Жыл басынан бері электронды порталға 560-қа жуық өтінім келіп түсті. Ол бойынша бірқатар жұмыстар атқарылған.
МАРЖАН ДҮЙСЕНБАЕВА КЕРБҰЛАҚ АУДАНДЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР БӨЛІМІНІҢ БАС МАМАНЫ: «200 адам гигиеналық құралмен қамтамасыз етілді. Санаторный курордқа жыл басынан 103 өтініш түскен. Бүгінгі күні 60 адам демалып қайтты. 4 адам өздерінің таңдаған жағы бойынша демалып жатыр. Қалғандары өздері таңдаған уақытында жылдың аяғына дейін барады».
Жалпы, мемлекеттік қызметтердің 13 түрі көрсетілген. Оған мүгедек балаларды үйде оқытуға жұмсалған шығындарды өтеу, мұқтаж азаматтардың жекелеген санаттарына әлеуметтік көмек тағайындау, біржолғы мемлекеттік ақшалай өтемақы төлеу кіреді.
ҚАЙРАТ СҰЛТАНБЕКОВ КЕРБҰЛАҚ АУДАНДЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР БӨЛІМІНІҢ БАСШЫСЫ:
«Былтыр 640 әлеуметтік қызмет көрсетсек, биыл міне 8 айдың ішінде 348 қызмет көрсетіп отырмыз. Ол өтініштер, сурдо құралдары керек кезінде заявка берілді. Керекті құралы болса пошта арқылы жеткізіп береді. Жеткізіп бергеннен кейін біз ақшасын төлеп береміз».
Жалпы, жұмыспен қамту және әлеуметтік бағдарламалар бөлімінде мамандардың біліктілігі жоғары бағаланады. Сонымен қатар мейірімділігі аса маңызды. Жүректен шыққан жылу ғана жүрекке жетеді.
Тағы басқа мақалалар...
- «Даму» қоры кәсіпкерлікті дамыту аясында бірқатар мемлекеттік бағдарламаларды жүзеге асыруда
- Ақмола облысында бос жатқан жерлерді мемлекет меншігіне қайтару ісі жалғасуда
- Ақтау қаласында құрылысы жүріп жатқан үйдің бір қабатында апат болды
- Ақордада Қазақстанға ресми сапармен келген Албания Президенті Байрам Бегайды қарсы алу рәсімі өтті
176 ішінен 187 беті
Alatau News, Copyright 2023, All Rights Reserved.