https://www.youtube.com/embed/5iIwHr3CekY?si=giF-zFoq5IkLgmiP" 

https://www.youtube.com/embed/6jlGVAaIqQw?si=DONzrD8v8EuFFmAu" 

Елімізде жыл сайын 300- ге жуық әйел зардап шегеді.  Кемінде 80 нәзік жанды тұрмыстық зорлықтың құрбаны болып, көз жұмады. Отбасылық зорлық-зомбылық еш тыйылар емес. Бұл туралы бүгін орталық коммуникациялар қызметінде өткен брифингте Әкімшілік полиция комиеті төрағасының міндетін атқарушы тілге тиек етті.

РЕНАТ ВАЗИРОВИЧ  ҚР ІІМ ӘПК ТӨРАҒАСЫНЫҢ МІНДЕТІН АТҚАРУШЫ: «Әрбір отбасылық дебошир заңмен зорлық-зомбылық жасағаны үшін 5 тәуліктен бастап өмір бойына бас бостандығынан айыруға дейін әкімшілік қамауға алу жауапкершілігі қарастырылғанын білуі керек. Өткен жылы 79 мыңнан астам құқық бұзушы әкімшілік жауапкершілікке тартылды. Мыңға жуық азамат қылмыстық жауапкершілікке тартылды».

Бұл мәселеге Президент те басты назар аударып, нәтижесінде жаза қатаңдатылған еді. Енді тек отбасылық зорлық-зомбылық емес, балаларға қатысты күш көрсеткендер де қатаң жазаға тартылады. Елімізде 4,5 мыңға жуық адам ата-ана құқығынан айырылуы мүмкін. Өз балаларын тәрбиелеу міндетін атқара алмаған 8 мыңға жуық ата-ана есепке қойылыпты. 

https://www.youtube.com/embed/IxItT1wVqw0?si=5zOwNOVgSkydlBFk" 

Оралда кәріз сорғы станциясында болған апаттан соң өзен суларынан экологтар сынама алды. Бір күн бұрын апат тіркеліп, қаланың басым бөлігі тіршілік нәрісіз қалған болатын. Жауапты мекемелер айтулы мәселені қалпына келтіру жұмыстарын жүргізіп жатыр. Мұз боп қатып жатқан өзен үстінде субұрқақша атқылаған кәріз құбырының суы көпшіліктің жағасын ұстатты.

Сорғы станциясында болған апат салдарынан 55 мыңға жуық абонент ауыз сусыз қалған болатын. Төтенше жағдайды жою үшін "Батыс су арнасы" ЖШС қызметкерлері күшейтілген жұмыс режиміне көшті.  

ӘНУАР ӘРКЕНОВ "БАТЫС СУ АРНАСЫ" ЖШС БАС ДИРЕКТОРЫ: «Түні бойы зақым болған орынды анықтап, оқшауладық. Ақауды жоюға кірістік. Түнгі сағат 3-тер шамасында қалаға суды бере бастадық. Таңертең бүкіл қалада су болды. Қазір дәнекерлеу жұмыстары аяқталып қалды. Бітірген соң станция жұмысын жалғастырады».

Мамандардың айтуынша, сорғы станциясындағы құбырлардың тозу көрсеткіші 100%-ға жуық. Нысан мемлекеттік сараптамадан өтті. Қазіргі уақытта қаржыландыру мәселесі қарастырылып жатыр. Қала бойынша кәріз желілеріне келер болсақ, құбырлар 60%-ға дейін жарамсыз.

ӘНУАР ӘРКЕНОВ "БАТЫС СУ АРНАСЫ" ЖШС БАС ДИРЕКТОРЫ: «Бұл станция, сорғылар 60-70-ші жылдардан бері жөндеу көрмей келеді. Жөндеу жұмыстарын жүргізу де оңай шаруа емес. Жоба дайындап, оны қорғау қажет. Кейін сараптамадан өтеді. Тағысын тағы. Негізінде 10-15 жыл бұрын жөнделуі керек еді. Әзірге осылай апат салдарын жоюмен ғана айналысуға тура келеді».

Шаған өзені арқылы өтетін кәріз құбырынан мұзды жарып шығып, атқылаған су тұрғындардың үрейін ұшырды. Белгілі болғандай, ол жердегі құбыр 90-шы жылдан бері пайдаланылмай келеді екен. Құр жатқан желіні осы кезге дейін неге алып тастамағаны белгісіз. Экологтар оқиға орнында судан сынама алып, сараптамаға жіберді. 

АЛМАТАЙ ЖҰМАҒАЗИЕВ БҚО БОЙЫНША ЭКОЛОГИЯ ДЕПАРТАМЕНТІНІҢ МЕМЛЕКЕТТІК ЭКОЛОГИЯЛЫҚ БАҚЫЛАУ БӨЛІМІНІҢ БАСШЫСЫ

https://www.youtube.com/embed/9XU90sYXKtQ?si=kjO03KSDswo-uAFj" 

Алматыдағы Алмалы ауданындағы мешіттердің бірінде ұрлық орын алды.Осындай 4 қылмыстарды жасады деген күдікпен Алматы облысының 40 жастағы тұрғыны ұсталды.«Б.есімді азамат ұрлық жасаған кезде бейнебақылау камераларына түсіп қалған. Зардап шеккендердің бірінің айтуынша, намаз кезінде белгісіз біреу оның жеке мүлкін ұрлап, 200 мың теңге көлемінде материалдық шығын келтірген.

Аталған деректер бір өндіріске біріктіріліп, сотқа дейінгі тергеу амалдары жүргізілуде. Ұсталған адам өз кінәсін мойындады», - деді, Алмалы аудандық ПБ-на қарасты полиция бөлімінің бастығы Батұржан Әбдімасаров. ҚР ҚК-нің 201 бабына сәйкес өзге ақпарат тергеу мүддесіне орай жария етілмейді.

https://www.youtube.com/embed/zkLAOGSfFAE?si=FT3aPoa3OhV0Scd5" 

Биыл еліміздің солтүстік өңірінде қыс қаһарына мініп тұр. Қалың қар мен ұйытқыған боран, дала жануарларын да тығырыққа тіреген. Ақмола облысы аумағында ауып келген еліктерге сала мамандары қолдан жем-шөп беруді қолға алып отыр.

Ақмола облысының аумағында 15 мың елік тіркелген болса,олардың 3 мыңға жуығы Өзен ауылының аумағында. Ауа райының қолайсыздығына қарамастан өңірдегі мамандар шарасыз қалған жабайы жануарлардың көбірек шоғырланатын орындарына жем-шөп  жеткізіп,қамқорлық танытуда. 

ЕРЖАН САҒЫНАЕВ АҚМОЛА ОБЛЫСТЫҚ ОРМАН ШАРУАШЫЛЫҒЫ, ЖАНУАРЛАР ДҮНИЕСІ АУМАҚТЫҚ ИНСПЕКЦИЯСЫНЫҢ МЕМЛЕКЕТТІК ИНСПЕКТОРЫ: «Аңшылық шаруашылығының қорықшылық қызметімен бірлесіп, биотехникалық шараларды жүргіземіз. Атап айтқанда, Көкшетау аңшылық шаруашылығы аумағында Өзен ауылы бар. Бұл елдімекен  темір жол торабы маңындағы ағаштардың ішінде еліктерді қолдан азықтандырамыз».

Жабайы жануарларға арналған азық,тұз жоспарлы түрде жеткізіледі. Облыс аумағындағы еліктердің аман-есен қыстан шығып,көктемге ілінуіне қорықшылар зор еңбек сіңіруде. 

ДМИТРИЙ ЕФРЕМОЧКИН, КӨКШЕТАУ АУДАНАРАЛЫҚ АҢШЫЛАР МЕН БАЛЫҚШЫЛАР ҚОҒАМЫНЫҢ БАС ҚОРЫҚШЫСЫ: «2-3 центнердей шөп әкелеміз.  Сонымен бірге 300 келідей бидайдың қалдықтарын да жеткізіп отырамыз. 50 шақты сыпырғыш әкелінеді. Аптасына бір рет осыншама азық жеткіземіз. Келіп, қарап кетеміз. Жетпегенін толықтырып, салып отырамыз».

Былтыр өңірдегі еліктердің саны 290-ға жуық болған. Қамқорлық қар көбесі сөгілгенше жалғасын таппақ.

https://www.youtube.com/embed/yFUZ9UXWNr8?si=G5vPwFEDiHnUafeS" 

Кофе түрінде пластикалық капсулаға жасырынған ірі анаша тасымалдаушылардың жолы кесілді. Алматыда есірткі қылмысына қарсы іс-қимыл бөліністерінің қызметкерлері Италия мен Польшадан Қазақстанға жеткізілетін кокайн арнасына тосқауыл болды. Оңтүстік астанада жалға алынған пәтерде салмағы 250 грамм кокаин тәркіленді. Ол кофе түрінде пластикалық капсулаларға жасырылған. Бұдан әрі қазпошта бөлімшесінде фигурантқа тиесілі сәлемдемені тәркілеу бойынша тергеу шаралары жүргізілді. Одан жалпы салмағы шамамен 1 кг есірткі заттары бар пластикалық банкалар табылды, оның ішінде 0,5 кг кокаин және 400 грамнан астам экстази болған. Бұл туралы есірткі қылмысына қарсы іс-қимыл департаменті бастығының орынбасары Бақытжан Әмірханов айтты. 

БАҚЫТЖАН ӘМІРХАНОВ ҚР ІІМ ЕҚҚД БАСТЫҒЫНЫҢ ОРЫНБАСАРЫ: «Ұсталған адамға қатысты есірткі заттарын өткізу мақсатында аса ірі мөлшерде заңсыз сатып алу және сақтау фактісі бойынша сотқа дейінгі тергеп-тексеру амалдары жүргізіліп жатыр. Естеріңізге сала кетейік, бұл қылмыстар үшін мүлкі тәркіленіп, он жылдан он бес жылға дейінгі мерзімге бас бостандығынан айыру жазасы қарастырылады. Күдікті қамауға алынды. Елге кокаин жеткізу арналарын анықтау бойынша іс-шаралар жалғасып жатыр. Өзге ақпарат тергеу мүддесі үшін жария етілмейді».

https://www.youtube.com/embed/KXoFbzy0bkA?si=moJkngfOAphmbgP0" 

Алматының орталығында үш автобус пен жеңіл машина соқтығысып, 17 жолаушы түрлі дене жарақатын алды.

Бүгін, 13 ақпан күні таңғы сағат тоғыздар шамасында үш қоғамдық көлік бір – біріне соғылды. Жол апаты халық көп жүретін Саяхат ауданы маңында болды. Оның видеосы әб сәтте әлеуметтік желіде тарады. Бейнежазбадан полиция қызметкерінің бір адамды көтеріп алғанын және автобустан жолаушылардың түсіп жатқанын көруге болады.

САЛТАНАТ ӘЗІРБЕК АЛМАТЫ ҚАЛАЛЫҚ ПД РЕСМИ ӨКІЛІ: «Райымбек даңғылымен шығыс бағытта келе жатқан 54-бағыттағы қоғамдық көліктің жүргізушісі алдында келе жатқан 133-бағыттағы қоғамдық көлікпен, сондай-ақ “Нексиа” маркалы көлікпен соқтығысқан. Осы кезде 133-ші автобус инерция салдарынан сол бағытта келе жатқан 88-ші бағыттағы автобуспен соқтығысқан.Зардап шеккендерге медициналық көмек көрсетілді. ЖКО-на қатысқан үш қоғамдық көлікте жеке тасымалдаушыларға тиесілі. ЖКО дерегін Медеу аудандық полиция басқармасының қызметкерлері анықтап жатыр».

Белгілі болғанындай, жол апатынан автобустарыдың ішінде отырған жолаушылардың 17 зардап шекті. Оның үшеуі ауруханаға барудан бас тартқан. Дәрігерлердің айтуынша, қалған 14 адамның жағдайы орташа ауыр.

ШАЙХИТДИН БАДИРОВ АЛМАТЫ ҚАЛАЛЫҚ ЖЕДЕЛ ЖӘРДЕМ ҚЫЗМЕТІ ДИРЕКТОРЫНЫҢ ОРЫНБАСАРЫ: «Жол апаты орнында жедел жәрдем бригадалары көмек көрсетті.Оқиға салдарынан жарақат алған 14 адам ауруханаға жеткізілді. Қазір олар қабылдау бөлімі деңгейінде тексеріліп жатыр. Барлық қажетті медициналық көмек толық көлемде көрсетіліп жатыр».

Денсаулық сақтау басқармасынан түскен соңғы ақпаратқа сәйкес, 10 адам тұрғылықты жері бойынша амбулаторлық емделуге жіберілді. Ауруханаға жатқызылған 3 науқас нейрохирургия бөлімшесінде консервативті ем алып жатыр. Жағдайлары орташа.Тағы бір тұрғын 1 ауруханаға жатудан бас тартты. Оларға негізінен жабық бассүйек-ми жарақаты диагнозы қойылды.

https://www.youtube.com/embed/PDhC0HmTkDk?si=YYWgwwRzfqj9Mpp-" 

Кениялық марафон бойынша әлемдік рекордшы Кельвин Киптум жол апатынан қайтыс болды. 24 жастағы спортшы жаста болса бас болып, біраз жетістіктерге жетіп, Отандастарын жеңісімен қуантқан болатын.

Киптум классикалық қашықтықты екі сағат бір минуттан аз уақытта жүгіріп өткен әлемдегі жалғыз адам болды. Ол сонымен қатар тарихтағы ең жылдам жеті марафон уақытының үшеуіне қатысты. Келвиннің өзі және оның жаттықтырушысы Руанда Гервайс Хакизимана жол апатынан қайтыс болды. Оқиға жексенбі күні Кенияның Рифт алқабында, спортшының туған ауылына жақын жерде болған. Полицияның хабарлауынша, марафоншының өзі көлік жүргізген. Ол тізгінге ие бола алмай, жолдан шұңқырға ұшып кетіп, үлкен ағашқа соғылған. Көлікте бір әйел де болған. Ол аман қалды, бірақ жағдайы ауыр. Киптумның отбасы болған оқиғаға сене алар емес. Оның артында әйелі, екі кішкентай баласы қалды.

АСЕНАТ ЧЕРУТО РОТИЧ КЕЛЬВИН КИПТУМНЫҢ ӘЙЕЛІ: «Ол өте көп уақыт жаттығатын. Кейде кеш уақытта келгенде «Қатты шаршап қаласың. Демалсаңшы» деп айтатынмын. Бірақ ол: «Жоқ, бәрі жақсы», - деп жүре беретін».

Киптум өткен жылдың қазан айында Чикаго марафонында 2 сағат 35 секундта жүгіріп өтіп әлемдік рекорд орнатқан болатын. Сәуірде Роттердамдағы жарыста марафондық қашықтықты екі сағаттан аз уақыт ішінде аяқтап, жаңа рекорд орнатуды да жоспарлаған. Сондай-ақ шілде айында Парижде Олимпиада ойындарында дебют жасайтын болған. Бұған дейінгі марафон рекордын 2022 жылы оның отандасы Элиуд Кипчоге орнатқан болатын. Ол қашықтықты екі сағат, бір минут, тоғыз секундта жүгіріп өтті.

https://www.youtube.com/embed/KqDod_00Kfg?si=bQxT658sfP_l1zXA" 

Данияда  «Вастлавья тоқаштары» атты мереке басталды. Әдетте бұл мереке ораза алдында тойланады. Бірақ, тұрғындар биыл тәттілерді карнавалға дейін сатып ақпанның аяғына дейін жалғастырмақ. Дат кондитерлері әр түрлі салмасы мен әрлеулерді ойлап тауып, жылдан-жылға бәсекеге түсетін көрінеді.

Ларс Жууль Копенгаген кондитерлік дүкенінде 27 жыл жұмыс істейді. Ол 1870 жылы ашылған. Сол себепті, Даниядағы ең көне дүкен болып саналады. Ларстың айтуынша, Вастлавья тоқаштары әсіресе пандемия кезінде танымал болған. Биылғы маусымда олар өрік, алма және қара өрікпен, содан кейін кілегеймен толтырып, бетін әртүрлі безендіріп күніне мың данадан пісіруде.

ЛАРС ДЖУЛ КОНДИТЕР АСПАЗШЫСЫ: «Барлығы юзу мен каламансиден жаңа толтырғыштар жасап жатыр. Біз дәстүрлі рецепттерге қайта оралдық. Өйткені адамдар ақыр соңында классикалық дәмді қайта татқысы келеді».

Бұл жаңа кондитерлік өнім 2017 жылы ашылып, Копенгагендегі ең сәнді дегендердің біріне айналған. Адамдар мұнда кондитер өнімдерін алу үшін сағаттап кезекте тұрады. Кардамон қосылған тоқаш мекеме жұмысшыларына өте танымал өнім болды. Былтырдан бастап «Вастлавья» пісіріле бастады.

ЭМИЛ ГЛЕЙЗЕР КОНДИТЕРЛІК ФАБРИКАНЫҢ ИЕСІ:«Өткен жылы біз Вастлавья тоқаштарын пісіруді шештік. Содан кейін,  мен барлық кондитерларға карнавалда пісірілетін тағамдарға  қызықты болу үшін  балалық шақтағы естеліктерінен әдемі безендіруді талап еттім»

Банан салмасы, карамель, шоколад пен қаймақ. Міне, осылардың қосындысынан атақты «Вастлавя» пайда болды. Биыл бұл құрамның қатарына қарақат пен кілегей де қосылды.

САТЫП АЛУШЫ: «Бұл өте дәмді әрі тамаша».

«Вастлавя тоқаштары» - швед және фин семласының бір түрі. Тек Данияда олар қатпарлы қамырдан пісіріледі. Ал, тағы бір қызығы бұл  Ораза қарсаңында өтетін дат карнавалының атауымен сәйкес. Сонымен қатар, мереке славяндық Масленицаға ұқсайды. Тек басты атрибут - құймақ емес, тоқаш.

https://www.youtube.com/embed/iDKa59_mcPU?si=C_YGF3KA8wlrZnxO" 

Ақтауда «Күміс университеті» жобасы аясында егде жастағы адамдарды оқыту басталды. Зейнеткерлер жергілікті жоғарғы оқу орнында білімдерін шыңдауда. Қазірдің өзінде мекемеге жетпістен аса адам жазылып, жаңа саланы игеруге ниет білдірген.   

83 жастағы Түркменбай Қокенбаев алғашқылардың бірі болып жоғары оқу орнының студенті атанды. Оқуды тәмамдаған соң қария экскурсия жетекшісі атанады. Ұзақ жылдар бойы дәрігер болып қызмет еткен зейнеткер, Маңғыстау өңіріндегі аудан-қалалардың барлығында болғанын және барлық тарихи орындардан хабары бар екенін тілге тиек етті.

ТҮРКМЕНБАЙ ҚОКЕНБАЕВ АҚТАУ ҚАЛАСЫНЫҢ ТҰРҒЫНЫ: «Ақтау - ақ қалаға келетіндер көп. Үлкен кісілер болуы мүмкін. Сосын сол үлкен кісілерге Маңғыстаудың, аспан асты мұражайын түсіндіру, көрсету, басқада жер асты мешіттері бар, басқа да көретін жерлер бар. Соған енді өзіміздің білгенімізді айтып, соған көмектесеміз».

Жобаның алғашқы курсы модульды жүйе негізінде оқытылады. Бағдарлама аясында ағылшын тілі және экскурсия жетекшісі мамандығы үйретіледі. Ал профессорлар мен ғылым кандидаттары аймақтың табиғи ерекшелігін түсіндіріп, киелі жерлер туралы мол мағлұмат береді.

БИБІАЙША НҰРДӘУЛЕТОВА  ФИЛОЛОГИЯ ҒЫЛЫМДАРЫНЫҢ ДОКТОРЫ:«Мен өзімнің сабағымда жалпы сакралдық деген не? Жалпы Маңғыстау несімен сакралды? Маңғыстаудағы жер асты мешіттері, Маңғыстаудағы көптеген ежелгі заманнан келе жатқан таңбалар бар,мынау жерлеу орындарындағы жазулар бар. Міне, осылардың мағынасын, мәнін түсіндірдім. Осы меститизм, татемизм, анемизм, шаманизм сияқты ежелгі түсініктердің іздері Маңғыстаудан табылады».

Маңғыстау аймағында экскурсия жетекшісіне сұраныс жоғары. Себебі, облыста жыл сайын туристер саны артып келеді. Былтыр қазан айына дейін өңірге 325 мыңнан астам турист келген.

ГҮЛСІМ ЖАРИЕВА ТУРИЗМ БАСҚАРМАСЫНЫҢ БӨЛІМ БАСШЫСЫ: «Куәлік алып, жаңа мамандықты меңгергендердің арасында зейнеткерлер көп. Олардың өмірлік тәжірбиесі мол, өте білімді. Екі үш тілде еркін сөйлейді. Аймақ тарихын да жетік біледі. Сондықтан туристерді аймаққа көптеп тартуға олардың көмегі тиеді деп ойлаймын».

Үш айлық курстың соңында Күміс университетінің түлектері сертификаттар алып, Маңғыстау облысының туризм басқармасымен меморандум аясында өңірге демалысқа келетін туристер үшін экскурсовод ретінде жұмысқа орналасады.

https://www.youtube.com/embed/mIBHre508fw?si=3VcbxRrxwVj3kqQ_" 

https://www.youtube.com/embed/4GsseAp7XS8?si=TSczaJf-TWZ3bhP2" 

Елімізде ұшқыштарды даярлайтын тағы бір орталық ашылды. Жаңа жаттығу кешені Кеңес Одағының Батыры Нұркен Әбдіров атындағы Қарағанды авиабазасында орналасқан. Жедел-тактикалық авиацияның жаңартылған Су-30 СМ жаттықтыру кешені ұшқыштар мен авиация техниктері үшін сынақтан және техникалық қабылдаудан сәтті өтті. Жаттығу үш сегменттен тұрады, атап айтқанда – ұшудың әртүрлі жағдайын модельдейтін маманның жұмыс орны, ұшқыштың жеке дайындық орны және Су-30 СМ кабинасының имитаторы. Кешен экипажға пилотажды және әуе кемесін зақымдау үшін авиация құралдарын қолдану міндеттерін пысықтауға мүмкіндік береді. Пилоттық және штурмандық кабиналардың функционалдық жабдықталуы да кәдімгі ұшаққа ұқсас.  

АЙТҚАЛИ ОРАЗҒАЛИ ПОДПОЛКОВНИК: «Қорғаныс ведомствосы ұшу құрамын сапалы оқытуға күш-жігерін салуда. Пайдалануға берілген жоғары технологиялық жаттықтыру кешені әскери ұшқыштарды даярлау үдерісін едәуір жақсартуға мүмкіндік береді».