https://www.youtube.com/embed/Xf7ziFSH_iM?si=3Wr9-hHpO2ooOVrP" 

Бүгін Алматыда «Кәмелетке толмаған қылмыс құрбандарының құқықтарын қорғаудың өзекті мәселелері» тақырыбында халықаралық ғылыми-тәжірибелік конференция ұйымдастырылды.Шараға тіс қаққан заңгерлер мен ұйым өкілдері және құқық қорғау органдарының мамандары қатысты. Қоғамды алаңдатып отырған жағдайда қандай мәселелер қозғалды,алдағы бейне материалға назар аударсақ.

Бұл бұрын соңды болмаған бас қосу, өзекті тақырыпты қозғамаса болмас,өйткені кәмілет жасына толмаған балаларға жасалып жатқан қастандық өршіп отырған уақыт деуге болады. Шараға жиналған тіс қаққан мамандар, әлемді алаңдатқан жағдаятты мұқият зерттеуді, оны алдын алуды әңгіме өзегіне айналдырды.

ТАЛҒАТ СӘРСЕНБАЕВ ЗАҢ ҒЫЛЫМДАРЫНЫҢ ДОКТОРЫ, ПРОФЕССОР:

«Бүгінгі таңда әлем бойынша нақты статистикалық деректер бойынша 2-мллиардтан астам бала әр-түрлі жағдайда зорлық-зомбылық көреді екен.Қазақстан да бұл жағдайда әлемдік қауымдастықтардың мүшесі ретінде кәмілет жасына толмаған балаларды қорғау мен олардың құқын қорғау бағытында қолдан келер шараларды жүзеге асырып келеді. Бала болашағымыз,келешегіміз.Сондықтан да олардың қауіпсіздігін қадағалау басты мәселе болуы тиіс.Бүгінгі басқосуда, білікті мамандар өздерінің ұсыныстарын ортаға салып,жобаларымен таныстырып жатыр».

Конференция балаларға қатысты тұрмыстық зорлық-зомбылық, зорлау, сексуалдық сипаттағы қорлық әрекеттері, буллинг, кибербуллинг және бала құқықтарын бұзудың басқа да нысандары сынды қоғам алаңдатушылығын тудыратын өткір мәселелер әңгіме өзегіне айналды.Шарада кәмелетке толмағандардың құқықтары мен бостандықтарын әлеуметтік, құқықтық, психологиялық, медициналық қорғау тетіктерін және олардың қауіпсіздігін қамтамасыз етуге бағытталған сарапшылардың пікірлерді, тиімді ұсыныстары мен оңтайлы тәжірибелерін жинақтау да назардан тыс қалмады.

МИРАС ДӘУЛЕНОВ НАРХОЗ УНИВЕРСИТЕТІНІҢ ПРЕЗИДЕНТІ: «Бүгінгі біздің конференциямыздың басты мақсаты,кәмелет жасына толмаған балалардың құқық жанжақты қорғауға арналып отыр. Нақтырақ айтатын болсақ, балалар мен жасөспірімдердің құқықтарын қорғау жүйесін нығайтуға, балалар мен жасөспірімдердің жарқын болашағын, отбасыда, қоғамда қауіпсіздіктерін қамтамасыз етуге бағдарланған тәжірибелік ұсыныстар мен стратегияларды әзірлеуге арналып отыр. Биыл біздің Нархоз Университетінің 60-жылдық мерейтойы,осыған орай жанжақтан білікті мамандардың басын қосып отырмыз».

Иә,расымен де кәмелет жасына толмаған балаларға зорлық-зомбылық күшейген заманда, жастардың құқын қорғау кезек күттірмейтін мәселе. Шараға жиналған түрлі саланың өкілдері де балалар қауіпсіздігін нығайтудың өзектілігін алға тартты. Нақты жоба әзірлеп, құқық қорғау органдарымен тізе қосып жұмыс жасауға шақырып жатты.

ОРЫНБАСАР ТІЛЕПБЕРГЕНОВ ЗАҢГЕР

Жиынға онлайн форматта қатысушылар да болды. Олар да жасөспірімдердің құқын қорғау мен оңалту саясатына байланысты өз ойларын ортаға салып жатты.

https://www.youtube.com/embed/t_6Ru1FVTQI?si=rRCwFRl9Q7hTNpbb" 

Хорватия жағалауында асыл пинның көп шоғырланған орны табылды. Бұл жұмсақденелілер паразиттердің кесірінен жойылу алдында тұр. Соңғы уақытқа дейін хорват ғалымдары Адриатиканың осы бұрышында аман қалған он шақтысын анықтаған.

САНДРО ДУЙМОВИЧ ҚОРШАҒАН ОРТАНЫ ҚОРҒАУ АГЕНТТІГІНІҢ ҚЫЗМЕТКЕРІ:
«Өткен жылы қыста Врсардағы осы жерден 20-ға жуық асыл пинна табылды. Бұл жағымды жаңалық болды. Адриатикада шамамен он тірі пинна барын естегін едік. Міне, бір жерде олардың 20-сы табылып отыр».

Осы уақытқа дейін ғалымдар аталған моллюсканың тек Жерорта теңізінің бір бөлігінде ғана мекендейтінің айтқан.

САНДРО ДУЙМОВИЧ ҚОРШАҒАН ОРТАНЫ ҚОРҒАУ АГЕНТТІГІНІҢ ҚЫЗМЕТКЕРІ:
«Жерорта теңізінің қалған бөлігінде олар жоқ немесе теңіздің шығысы мен оңтүстігі туралы бізде жеткілікті деректер аз. Греция мен Францияда жоқ.

Жерорта теңізінде пинна моллюскаларының 99% паразиттерден өледі.

НИКОЛИНА ПРИМАТ БИОЛОГ: «Біз оларды ең таза ортаны қамтамасыз ету үшін осында ұстаймыз. Аквариумда біз ультракүлгінмен тазартылған және сүзгіден өткен суды пайдаланамыз. Бұл гаплоспоридия паразиттері біздің жүйелерге ене алмайды дегенді білдіреді».

Бұл моллюскелердің қабықтарының ұзындығы 120 сантиметрге жетуі мүмкін. Олар теңіз суының сүзгілері ретінде әрекет етеді.

НИКОЛИНА ПРИМАТ БИОЛОГ: «Осында, Истрияда үш апта бұрын 81 ерекше моллюска табылды. Осы уақыт ішінде олардың бесеуі өлді. 76 -сы қалды. Бұл биыл Жерорта теңізінен табылған он пиннамен салыстырғанда көп».

Ғалымдар асыл пиннаның Жерорта теңізінің түбіне оралуы туралы айту әлі ерте екенін атап өтті. Дегенмен, Хорватия үкіметі одан әрі зерттеулерді қаржыландыруда

https://www.youtube.com/embed/lEddoKDmQn0?si=pKFOcRQ5XwDYA8PW"

Тәрбие тал бесіктен басталады.Балалардың жастайынан физикалық қабілетін жақсарту үшін, кешенді шаралармен қамтамасыз ету маңызды. Алматы қалалық білім басқармасының қолдауымен шаһарға қарасты барлық балабақшаларда бүлдүршіндерді өнерге, салаутты өмір салтына баулу жолдары жүзеге асырылып келеді. Мақсат ұлт саулығын жақсарту, сергектік қасиеттерге серпіліс жасау.

https://www.youtube.com/embed/0bArnv4tuyY?si=fCH32qNuHoEmfh4P" 

https://www.youtube.com/embed/D8zSsO85pec?si=TMCMRJsblFwk1MlO" 

Шұғыл әрекет ету керек! Жылу беруге қатысты үкімет басшысы Әлихан Смайылов барлық жауапты органдар мен жергілікті әкімдерге қатаң тапсырма берді. «Қысқа дайынбыз»,- деп жалған ақпарат берген әкімдердің жұмысын сынады.

ӘЛИХАН СМАЙЫЛОВ ҚР ПРЕМЬЕР-МИНИСТРІ: «Технологиялық ақауларға байланысты инциденттер болып жатыр. Бірақ, жылу беру толықтай тоқтап қалған жоқ. Бұзылған учаскелерді нормативтік мерзімде қалпына келтіру бойынша шұғыл шаралар қабылданды. Авариялар болған жағдайда барынша шұғыл әрекет етіп, тиісті шаралар қабылдау керек. Халыққа нақты жағдай туралы, жөндеу жұмыстары мен жоспарлы жұмыстар туралы дер кезінде, объективті әрі түсінікті ақпарат беру – маңызды мәселе. Әйтпесе, өтірік ақпарат пен фейк тарап кетеді».

Бүгін Үкімет отырысында Энергетика министрі қыс басталмай жатып, жылу желілерінде болған апаттың себебін түсіндіруге тырысты. Айтуынша, суық атмосфералық ауа энергия көздері мен жылу желілеріне техникалық тұрғыда әсер еткен. Сондықтан, Риддер, Екібастұз және ГРЭС-1 де ақаулар болыпты. Алайда, ол олқылық тез арада жойылды дейді. Айтпақшы, жиында министр үкімет резервінен бірқатар жылу электр орталығына қаржы бөлінгенін айтты.

АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ:

«Жылыту маусымына дайындау үшін үкімет резервінен Риддер және Екібастұз қалаларының ЖЭО, Ақтау қаласының энергия көздеріне, Көкшетау қаласының қазандығына күрделі жөндеу жүргізуге, реконструкциялауға және қажетті жабдықтарды сатып алуға 21,5 млрд теңге бөлінді».

https://www.youtube.com/embed/VnsFFnM6ZEI?si=g-jQ0blENo2ujkTr" 

Бүгін Мемлекет басшысы Қасым-Жомарт Тоқаев «Алтын сапа» және «Парыз» сыйлықтарының лауреаттарын марапаттау рәсіміне қатысты. Отандық өнімдердің өрге басуына қызмет жасап жатқан кәсіпкерлердің алдында сөйлеген сөзінде Президент, мұндай шаралар еліміздегі инвестициялық климатты жақсартуға ықпал етуді көздейтіндігін алға тартты.Сондай-ақ өзінің тапсырмасына сәйкес өңдеу секторына қаржы салатын инвесторлар келесі жылдан бастап үш жылға салықтан босатылатынын айтты. Сонымен қатар бұрын-соңды мұндай жүйелі шаралар болмағанын әрі оның шешуші сипаты бар екенін, әйтпесе, инвестиция үшін өте жоғары халықаралық бәсекелестік қалыптасып тұрған жағдайда Қазақстанның көздеген мақсатқа қол жеткізуі қиынға соғатынын жеткізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:

«Өздеріңізге мәлім, бұған дейін отандық бизнесті негізсіз тексерулер мен заңсыз қылмыстық қудалаудан қорғау жөнінде тапсырма берген болатынмын. Қабылданған шаралардың нәтижесінде кәсіпкерлік саласындағы тіркелген қылмыстар саны екі есе азайды (837-ден 402-ге дейін). Ақтау негізі бойынша тоқтатылған қылмыстық істер саны шамамен бес есе қысқарды (416-дан 92-ге дейін). Инвестициялық жобаларды прокуратура органдарының сервистік қадағалауына баса мән беріледі. Инвестициялық жобаларды «жасыл дәліз» қағидаты бойынша қолдау жүйесі енгізіледі. Бұл инвесторларға рұқсат беретін құжатты алу ісін оңайлатады және жеделдетеді. Сонымен қатар оларға жер учаскелерін беру және коммуникация жүргізу жұмыстарын жеңілдетеді».

Мемлекет басшысы Үкімет пен бизнес-қоғамдастық бірлесіп, кәсіпкерлікті дамытуға кедергі келтіретін артық талаптарды анықтау үшін ауқымды жұмыстар жүргізгенін мәлімдеді. Оның айтуынша, 10 мыңнан астам заң нормасы жаңа реттеуші саясаттың негізгі талаптарына сай келмейтіні анықталды. Бүгінде оның 90 пайызы күшін жойды. Қалғаны жыл соңына дейін ретке келтіріледі. Сын-қатерлерді басқарудың автоматтандырылған жүйесі бақылаушы органдардың бизнеске қысымын шектеудің маңызды құралына айналады. Ол 2024 жылдың 1 қаңтарынан бастап іске қосылады және адамның қатысуынсыз тексеруді белгілеуге мүмкіндік береді. Нәтижесінде, бизнеске жоспарлы инспекция жасау екі есе қысқарады. Ал айыппұлдар саны бірнеше есе азаяды.Сонымен қатар бизнес пен мемлекет арасындағы қатынастардың жүйелі түрде жаңғыруына қазір әзірленіп жатқан жаңа Салық кодексі ықпал етеді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ:«Атап айтқанда, онда фискальды органдарды әкімшілендірудің сервистік моделіне көшіру мәселесі қамтылады. Бизнес субъектілерінің салықтық есебін 30 пайызға азайту жоспарланып отыр. Салықтық төлемдер саны кем дегенде 20 пайызға оңтайландырылады. Көлік құралдарына арналған салық бойынша есеп айырысу мен декларация, сондай-ақ жер мен мүлік салығына қатысты жүктеме бір миллион теңгеден аз болса, есеп айырысу алынып тасталады. Кәсіпкерлердің банктердегі шоттарын бұғаттау кезінде олардың салықтық қарызына тең көлемдегі қаржысына ғана шектеу қойылады. Бизнесті дамытудың қазіргі ынталандыру тетігін сақтай отырып, қосымша қолдау шаралары қабылданады. Түсінікті және болжамды салық саясаты экономикалық өсімге тың серпін береді деп сенемін».

Мемлекет басшысы жиын соңында «Алтын сапа» және «Парыз» байқауларына қатысқан кәсіпкерлерге ризашылығын білдіріп, лауреаттарға наградаларын тапсырды.

https://www.youtube.com/embed/95Gb-Jn2tRU?si=GEkgstEnKV3djHJO" 

Орал қаласының іргесіндегі екінші саяжай тұрғындары наразылыққа шықты. Олар ұзақ жылдар бойы жол азабын тартып келеді екен. Әсіресе, көктем мен қыс мезгілдерінде бұл аумақта қатынас қиындайтын көрінеді. Балаларының өміріне алаңдаған оралдықтар мемлекеттік мекемелердің де табалдырығын тоздырған. Бірақ еш нәтиже жоқ.

Жан айқайын жоғарға жеткізбек болған жұрттың шыдамы таусылған. Қас қарайғанына қарамастан жұмыстан үйлеріне оралған тұрғындар наразылық білдіріп, жол бойына жиылды. Бұл олардың күн сайын қалаға қатынайтын жолы. Көктем мен күз мезгіліндегі сыйқы осы. Қоғамдық көліктер, жедел жәрдем мен такси жүргізушілері сапасы сын көтермейтін жолмен жүруден бас тартады екен. Тұрғындар қол жинап, жауапты органдарға арызын жеткізген. «Бірақ естір құлақ табылмады» деп ашынады.

СВЕТЛАНА ТЯТИНА ҚАЛА ТҰРҒЫНЫ: "2-ші саяжай Коммунальник аялдамасының жолы өте нашар. Әсіресе балалар үшін қауіпті. Қазір қараңғы ерте түседі. Іші балаларға толы автобус оқыстан апатқа ұшыраса ше? Жаяулатып келетін балалар да бар. Қараңғы көшеде жазым болса қайтеміз? Маусымдық орын деп саяжайларды көзге ілмейді. Біз не үшін ай сайын қаражат төлеп отырмыз?"

ЛАРИСА СЛАДКОВА ҚАЛА ТҰРҒЫНЫ: "Әкімдікке өтінішімізді айттық. Мардымды жауап алмадық. Саяжай қаланың сыртында орналасқандықтан қолдау көрмеуіміз керек пе? Өз қаражатымызға жөндеуге кеңес берді. Тіпті Президентке жолдаған хатымызға да осындай мәтіндегі жауап қатты. Өзіңіз ойлаңызшы? Қарапайым халықта жол жөндейтіндей ауқымды қаражат бар ма? Саяжайда осал топтағы, көпбалалы отбасылар тұрады. Айлығы шайлығына жетпейді. Қашан үнімізді тыңдайды бұл билік?"

Азаматтар жол мәселесін бірінші жыл көтеріп отырған жоқ. Саяжай қауымдастығы төрағасы жолдың жырын жатқа біледі. «Жыл сайын өтінішіміз қажетті жерге жеткенімен, әрекет байқалмайды»-дейді төраға. Айтуынша, саяжайдың кіреберіс жолына ешбір мекеме жауапты емес көрінеді.

АНДРЕЙ ЗАОЗЁРОВ БҚО БАУ-БАҚША СЕРІКТЕСТІГІ ҚОҒАМДАСТЫҒЫНЫҢ ТӨРАҒАСЫ: "Сіз айтып отырған мәселе өзекті. Көп уақыттан бері саяжай тұрғындарымен бірге құзырлы органдардан жол учаскесінің кімге тиесілі екенін анықтаумен келеміз. Теңгерім ұстаушының кім екені белгісіз болғандықтан біз меншік иесіне кіреберіс жолдарды ретке келтіруді міндеттей алмаймыз. Ең алдымен жергілікті атқарушы орган бізге жол учаскесінің иесі туралы ақпарат беруі тиіс. Кейін бірлесе отырып, теңгерім ұстаушыға талап қоя аламыз".

Бұл мәселе бойынша Орал қаласы әкімдігі сұрақтарымызға жауап беруден бас тартты. Тұрғындардың айтуынша, №22 және №32 мектептерде саяжайда тұратын оқушыларды тасымалдайтын көлік бар. Бірақ кейде оқушыларды Коммунальник аялдамасынан түсіріп кетеді. Балалар үйлеріне 3-4 шақырым жаяулатып жеткен күндер болған. Оқушылардың қауіпсіздігіне алаңдаған мектеп әкімшілігі өз беттерімен әрекет жасап жатыр.

САЯ БОРАНШИЕВА №32 ЖОББМ ӘЛЕУМЕТТІК ПЕДАГОГІ: "№32 мектептен бастап Урожайный аялдамасына дейін тасымалдаймыз. Яғни, екі ауысымда оқитын 1, 2 саяжай мен оның бұрылысындағы аумақты қосқанда 135 баланы қамтып отырмыз. Биыл асфальтты жолға арналған жаңа автобус берілді. Жылдамдық режимі 40-тан аспайды. Ал мұндай жол тіптен кедергі келтіреді. Желтоқсанның бірінде балаларды үйлеріне жеткізе алмадық. Сол себептен мектеп әкімшілігі шұрық-тесік жолды бітеу мақсатында қолданыстан шыққан кірпіштерді төсеуге жәрдемдестік".

Мектеп әкімшілігі жеткізген бірнеше қап кірпіш жолдағы ойықтың барлығын бірдей бітеуге жетпейді. «Асарлатып жасалған жұмыс балалардың қауіпсіздігін сақтауға, діттеген жеріне аман жетуіне сеп болар»,- дейді әлеуметтік педагог. Алда кірпіш төсеу жұмыстары жалғасады. Саяжайлықтар жылдар бойы қордаланған коммуналық мәселелер шешімін таппаса да, балалардың қауіпсіздігі үшін жағдай жасалса екен деген өтініштерін билікке тағы бір мәрте жолдады.

https://www.youtube.com/embed/l60iHbNS1do?si=OJrAWNIPLX5pthDu" 

Қыс қаһарына мінді. Алда аяз тағы күшейеді. Бүгін және ертең 44 градусқа дейін күн суытуы мүмкін. «Қазгидромет» мамандары осылай деп болжайды. Жел күшейіп, таулы аймақтарда тұман болады деп күтілуде. Сондықтан, мамандар асығыс жұмысыңыз болмаса, алыс жолға шықпауға кеңес береді. Кешелі бері апта басталғалы астаналық оқушылар мектепке бармады. Аяз басылғанша қашықтан оқу жүйесі енгізілді. Ауа райының нашарлауына байланысты 12 облыстың республикалық жолдары жабылды. Астана маңына қатынайтын автобустар да тоқтады. «Жолға шықпаңыздар» деп ескерту жасалса да, халық оған құлақ асар емес. Өткен тәулікте жол бойында қалған 60-қа жуық адам құтқарылды. Оның 12-сі бала.

БАҚЫТЖАН ҚАНАТҰЛЫ «ҚАЗГИДРОМЕТ» РММ ИНЖЕНЕР-СИНОПТИГІ:

«Температураға келер болсақ 12-13 желтоқсан күндері түнгі температура орталықта, солтүстік-батыста 25-38 градус аяз, солтүстікте 30-38 градус аяз, шығыста 20-38 градус аяз болады, қиыр солтүстікте , солтүстік-батыста 40-44 градус аязға дейін барады. 14 желтоқсаннан бастап Арктика Антициклоны солтүстік-шығысқа қарай ығысып, Антициклон ортасы Шығыс Қазақстанның үстіне тура келеді. Соған байланысты еліміздің қалған бөліктеріне қатты суық емес ауалар еніп, температураның көтерілуі болады, түнгі сағаттарда батысымызда 5-16 градус аяз, солтүстік-батыста 15-35, солтүстікте 25-38 градусқа дейін аяздың беті қайтады».

https://www.youtube.com/embed/r81BWfJR3Qc?si=i8fQs9PEoxSPV4Qb" 

Біріккен Ұлттар Ұйымы 2024 жылы 46 миллиард доллар көлемінде гуманитарлық көмек көрсету туралы үндеу жариялады. Ол бүкіл әлемдегі, соның ішінде басып алынған Палестина аумақтары мен Судандағы дағдарыстардан зардап шеккен миллиондаған адамдарға беріледі.

Баспасөз мәслихатында БҰҰ-ның көмек көрсету жөніндегі басшысы Мартин Гриффитс келесі жылы 300 миллионға жуық адам қолдауға мұқтаж болады деді. Бұл қақтығыстар, климаттық төтенше жағдайлар және экономикалық факторлардан зардап шеккен аймақтардың тұрғындарына қатысты. Бұған Шығыс және Оңтүстік Африкадағы 74 миллионнан астам адам кіреді. Соның ішінде дағдарысқа ұшыраған Суданда бар.

МАРТИН ГРИФФИТС БҰҰ ТӨТЕНШЕ КӨМЕК КӨРСЕТУ ЖӨНІНДЕГІ ҮЙЛЕСТІРУШІ: «2024 жылы әлемде мұқтаж 300 миллион адам болады. Біз оларды санадық, тізімдер жасадық, талдадық, кімге не керек екенін қарастырдық. Көмекке мұқтаж 300 миллион адам болады».

Дегенмен, Гриффитс басқа ұйымдар, соның ішінде Қызыл Крест және Ұлттық Қызыл Крест қоғамдарын қаржыландыруға өз өтінімдерін бергенін атап өтті. Сонымен бірге гуманитарлық жүйе күрделі қаржы тапшылығына тап болды. БҰҰ-ның гуманитарлық істерді үйлестіру кеңсесі хабарлағандай, көмек көрсету шараларына қажет 57 миллиард доллардың үштен бірінен сәл астамы өткен жылы қаржыландырылды. Гриффитс мұны «жылдардағы ең үлкен қаржыландыру тапшылығы» деп атады. Ол 2024 жылға арналған соманы қысқарту және көмек агенттіктерінің өтінімдерінің шынайы және мақсатты болуын қамтамасыз ету қиын болғанын айтты.

https://www.youtube.com/embed/kDFmvTzQW6A?si=6u9COm8dGw1giyLY" 

12 мен 16 желтоқсан аралығында өтетін ХІ Халықаралық «Бастау» студенттік және дебюттік фильмдер кинофестивалі басталды. Жылдағы дәстүрге сай фестиваль Алматы қаласы әкімдігі мен ҚР Мәдениет және ақпарат министрлігінің қолдауымен ұйымдастырылып отыр.

Байқау Абай атындағы Қазақ ұлттық опера және балет театрында салтанатты түрде режиссер Елдар Қапаровтың Соғыс тұтқыны тарихи драмасының премьерасымен ашылады.Биылғы фестивальге қатысу үшін Испания,Франция,Румыния,Польша,Иордания,Үндістан және басқа елдерден 500 ден астам өтінім келіп түскен.

СЕРГЕЙ АЗИМОВ КИНОРЕЖИССЕР,ХАЛЫҚАРАЛЫҚ «БАСТАУ» КИНОФЕСТИВАЛІНІҢ ДИРЕКТОРЫ

Биылғы жылы Бастау дебюттік толықметражды көркем фильмдерінің халықаралық байқауы ерекше өткелі отыр. Оған бүкіл әлем бойынша А класындағы ірі кинофестивальдерге қатысқан 10 картина кірді. Ал еліміздің атынан Максим Акбаровтың «Степь» және Дәулетжан Махмұттың «Глобус» атты фильмдері сынға түскелі отыр.

БОЛАТ ҚАЛЫМБЕТОВ КИНОРЕЖИССЕР,АКТЕР

Конкурстан тыс бағдарламалар да қызықтарға толы болмақ. Байқау аясында қысқаметражды көркем және деректі фильм жобаларының жеңімпаздарын ақшалай сыйлық күтеді. Барлық көрсетілімдер Арман киноорталығында өтеді. Кіру тегін.

https://www.youtube.com/embed/vL91MX6kuYg?si=50fFfnjTsImXEFkj" 

Алматыда қарды тазалау бойынша тәулік бойы кезекшілік ұйымдастырылды. Ақ ұлпаны тазарту жұмыстары жүріп жатқанымен,шаһар көшелерінің басым бөлігі қардан көрінер емес. Мамандардың дерегі бойынша таулы жерлерде 13-15 см қар түскен.

Түнгі кезеңде жол полициясының патрульдік машиналарының бірге еріп жүруімен қарды тырмалау бойынша сыпыру-жинау машиналарының 17 колоннасы ұйымдастырылды. Магистральдық көшелерден 635 м3 қар сыртқа шығарылды. Жалпы қардан тазарту жұмыстарына 50 жедел патрульдік бригада, 325 бірлік арнайы техника, оның ішінде 167 құм таратқыш, 1154 жол жұмысшысы жұмылдырылды. Қар тазалау жұмыстарының өндірісін бақылау бойынша тәулік бойы кезекшілік ұйымдастырылды.

ЕРКІН ӨТЕГЕНОВ АЛМАТЫ ҚАЛАСЫ ПД БАСПАСӨЗ ҚЫЗМЕТІ БАСШЫСЫНЫҢ ОРЫНБАСАРЫ: «Нақты санға сүйенетін болсақ, 11 желтоқсанда кешкі сағат 8-ден, 12 желтоқсан таңғы 6-ның арасында 33 жол оқиғасы тіркелді. Оның ішінде 4 жол оқиға адамдар зардап шекті. Қайтыс болғандар мен көз жұмғандар жоқ. Бұл былтырғы жылмен салыстырғанда өте төмен».

ҚР заңына сәйкес, барлық жүргізушілер 1 желтоқсаннан бастап жүргізушілер жазғы дөңгелектерін қысқы мерзімді дөңгелектерге ауыстыруы керек. Ауыстырмаған жағдайда, айыппұл салынып, әкімшілік шаралар қолданылуда. Сонымен қатар, Алматы-Ташкент трассының тек бір бөлігі қардан тазартылған. Осыған байланысты, жүргізушілердің пікірлерін біліп қайттық.

ЖҮРГІЗУШІ: «Жолда жүрміз ғой барлығымыз. Жол өте нашар тазаланған. Қанша адам жүріп жатыр. Өте қауіпті жол. Бір ғана полосамен жүріп жатыр. Жанымыздан өтетін машиналар тақалып өтіп жатыр. Үлкен машиналар жүрсе мүлде өте алмаймыз. Жолдың тазалығы нашар».

ЖҮРГІЗУШІ: «Мынандай ауа райында ара-қашықтық деген бар. Ұстауға тырысамыз ғой. Біреуді соғып кетсек, прав болсақ та, біздікі дұрыс болса да шығын шығады да ол қалай болсада».

«Қазгидромет» болжамы бойынша қар 15 сағатқа дейін біртіндеп жауады деп күтілуде. Күндіз ауа температурасы минус 10 - 12, кешке -16 градусқа дейін төмендейді. Түнде минус 23- 25 градус аяз. 13 желтоқсаннан 14 желтоқсанға қараған түні минус 25- 27 аяз болады деп күтілуде. Сондықтан мамандар, коммуналдық қызметтердің көктайғаққа қарсы жұмыстарды жедел және сапалы жүргізуін қамтамасыз ету мақсатында тағы да автокөлік жүргізушілердің жолды қардан тазартуға түсіністікпен қарауды, мүмкіндігінше қала бойынша қозғалысты шектеуді және жеке автокөлікті жол жиектеріне қоймауды сұрайды.

https://www.youtube.com/embed/8wWyUROnLks?si=0RNrUEywfXvvR9GJ" 

Ақтауда магистральді құбыр жарылып, салдарынан қаладағы 16 бірдей шағын аудан мен балабақшалар жылусыз, ыстық сусыз қалды. Ескірген желілер жоғары қысымға төтеп бере алар емес - дейді мамандар. Күні кеше жарылған құбыр 40 жылдан бері жөндеу көрмеген екен. Қара суықта бүрсең қаққан ақтаулық тұрғындар шаруаның тездетіп шешілуін талап етіп отыр.

Жылу жүйесін қалыпқа келтіру үшін жедел штаб құрылып, мамандар түн ішінде 9 метрлік құбырды ауыстырған. Қара суықта бүрсең қаққан ақтаулық тұрғындар магистральдық желілердің әбден тозғанын айтып шағымданды.

«Мен төменгі ықшамауданда тұрамын. Ол жерде қазір жылу бар. Ал жоғарғы шағын ауданның көп жерінде жылу жоқ. Мысалы мына жердің дәл осылай қазулы күйде тұрғанына бір ай болады. Ал мына екі араны кеше қазды. Ыстық су жайылып, көлік қозғалысына кедергі келтірді».

Биліктегілердің сөзіне сенсек, апат болған магистральдық желі 40 жылдан бері ауыстырылмаған. Оған қоса, шаһардағы жылу құбырларының 72 пайызы әбден тозған екен. Ал коммуналдық қызмет мамандары ескірген желілер жоғары қысыммен берілетін жылуға шыдамайтынын айтты.

ИСЛЯМ ҮСЕНОВ - «КАСПИЙ ЖЫЛУ, СУ АРНАСЫ» МКК БАСШЫСЫНЫҢ ОРЫНБАСАРЫ: «Бұл магистральдық құбыр болғандықтан, гидравликалық соққының алдын алу үшін және оның жарылмауы үшін құбырды біртіндеп толтырып жатырмыз. Толық толтырып болған соң, жылу қысымын көтереміз. Содан кейін қызмет көрсетуші компаниялар өз тарапынан жылу түйінін ашып, құбырдағы ауаны қалыпқа келтіруі тиіс. Содан кейін тұрғын үйлер мен нысандарға жылу беріле бастайды».

Апатты жағдайдан кейін балабақшалар жұмысын уақытша тоқтатқан. Барлық мектептер мен колледждер онлайн оқуға көшті. Ал Маңғыстау облысында ауа райы күрт бұзылды. Көктайғақ, бұрқасын. Қала мен аудандарды байланыстыратын тас жолдар жабылды. Себебі көлік қозғалысы қиындаған. Желдің жылдамдығы секундына 25 метрге жетті.