https://www.youtube.com/embed/G5BLBxjeIUU?si=AGyijM4VnsaXJIlS" 

Ирандық зымыран Ирактың солтүстігіндегі нысаналарға тигеннен кейін Ирак күрттері наразылыққа шықты.

Бұл шабуыл көршілер мен одақтастар арасында ерекше қарсыластық тудырды. Тегеран бұл соққы Израиль тыңшыларының қауіп-қатерін тежеуге бағытталғанын айтып отыр. Бірақ Багдад өз елшісін қайтарып алып, түсіндіру үшін ирандық дипломатиялық өкілін шақырды. Ирак Сыртқы істер министрлігі өз егемендігін қорғау үшін барлық шараларды қабылдайтынын мәлімдеді. Ал Иран басқа елдердің аумақтық тұтастығын құрметтейтінін, бірақ бұл оның «ұлттық қауіпсіздікті қорғауға заңды құқығы» екенін айтты. Иранның Газадағы соғысқа байланысты өңірдегі алғашқы тікелей әскери соққысы салдарынан Ирактың бірнеше бейбіт тұрғыны қаза тапты, тағы бірнеше адам жарақат алды. Мемлекеттік БАҚ-тар Ислам революциясының сақшылар корпусы Израильдің барлау орталығы деп аталатын орталыққа соққы бергенін хабарлады. Ол Ирактың жартылай автономды аймағы - Күрдистанда, АҚШ консулдығының жанында болған. Ирак Күрдістанының Премьер-Министрі Масрур Барзани Давостағы Дүниежүзілік экономикалық форум аясында сөз сөйледі.

МАСРУР БАРЗАНИ – ИРАК КҮРДІСТАНЫНЫҢ ПРЕМЬЕР-МИНИСТРІ: "Біз бұл қақтығысқа қатыспаймыз, Иран неге Күрдістанның, әсіресе Эрбилдің азаматтық халқына қарсы жауап шараларын қолданып жатқанын білмейміз. Біздің көршілеріміздің ешқайсысына, әсіресе Иранға деген жаулығымыз жоқ ".

Бұл оқиға Таяу Шығыстағы тұрақсыздықтың кеңеюі мен нашарлауына байланысты алаңдаушылықты күшейтті. 7 қазанда басталған Израиль мен ХАМАС арасындағы соғыс Иранның Ливан, Сирия, Ирак және Йемендегі одақтастарының қақтығысқа араласуына әкелді. Сондай-ақ Ирак өңірлік қақтығыстың алаңына айналуы мүмкін деген қауіптер де бар. 7 қазаннан бері Иракта американдық әскерилерге ондаған шабуыл жасалды. АҚШ Иранмен байланысты, бірақ Ирактың қауіпсіздік күштерінің құрамына кіретін содырлардың топтарына қарсы шабуыл жасады. Израильмен соғыста ХАМАС-ты қолдайтын Иран АҚШ-ты Израильдің Газа секторындағы қылмыстарын қолдайды деп айыптайды. Вашингтон өз әскери операциясында Израильді қолдайтынын айтады, бірақ анклавта қаза тапқандардың санына алаңдайды.

https://www.youtube.com/embed/Pa7tJ2m2TeM?si=lC5tyNvNySU4lBs4" 

Жол қозғалысы кезінде ауыр құқық бұзушылық жасағандарға ескерту берілмейді. Елімізде қоғамдық қауіпсіздік күшейтіліп жатыр. Бұл туралы бүгін орталық коммуникациялар қызметінде өткен брифингте ІІМ әкімшілік полиция комитетінің төрағасы Қайсар Сұлтанбаев айтты.

ҚАЙСАР СҰЛТАНБАЕВ ҚР ІІМ ӘПК ТӨРАҒАСЫ: «Жол ережесін бұзудың барлық дерегі бойынша ескерту жасала бермейтінін атап өту керек. Яғни барлығы өзінің деңгейіне қарай қарастырылады. Мысалы ауыр құқық бұзушылықтар болып жатса, қамауға алуға дейінгі шара қолданылады. Ал әкімшілік кодекстің 620 бабы бойынша, күндізгі кезде автокөліктердің жарықтардың жақпай жүргенде ескерту жазатын кездер болады. Өткен жылы осындай 597 мың көлік жүргізушілері ескертумен шектелген».

https://www.youtube.com/embed/Ml_FI2TuZcE?si=8cgDk5_oNBmM9zsO" 

Қазір көшелерде қолындағы құрылғысын құшырлана тартып, бу үрлеп жүрген жастардың саны артып келеді. Оны дүкендерден алу жастар үшін әсте ғана болып тұр. Жасөспірімдердің ермегіне айналған электронды шылым жайында келесі тақырыпқа назар аударсақ.

Қазір қоғамда «вейпинг» терминін жиі естиміз. Яғни ол, ағылшынның «vapе» - «буды жұту және шығару» сөзінен шыққан. Қысқаша айтсақ,  темекінің электронды түрі. Заман ағымына еріп келе жатқан жастардың жадысы да бұндай заттарды тез қабылдауға бейім. Статистикаға сүйенсек, 21 жасқа дейінгі жасөспірімдер мен жастардың 80.5%-ы Алматыдан, 83.3% - ы Астанадан және 15,4% - ы Өскеменнен апта сайын вейп сатып алады. Сонымен қатар, осы мәселе тұрғысында "Вейпсыз жастар" әлеуметтік жобасы 2023 жылдың көктемінде вейпты пайдалануды болдырмау және шектеу мақсатында басталған болатын.

ЭЛЬВИРА ВАТЛИНА "ҚАЗАҚСТАННЫҢ БАЛАЛАР ҚОРЫ" ҚҚ ДИРЕКТОРЫ, ХАЛЫҚАРАЛЫҚ БАЛАЛАР ҚАУЫМДАСТЫҒЫНЫҢ ВИЦЕ-ПРЕЗИДЕНТІ "Балалар мен жасөспірімдердің вейпингіне қатысты сын-қатерлер мен қауіп-қатерлерге қарсы тұру үшін нақты жүйелік әрекеттер қажет. Жоба аясындағы жұмыс бірнеше бағыттарды қамтыды: сауда нүктелерімен ақпараттық жұмыс; Ішкі істер органдарымен бірлесіп қолданыстағы заңнаманың сақталуына вейп-дүкендердің мониторингі; жасөспірімдерге, ата-аналарға және мұғалімдерге арналған білім беру бағдарламалары мен ақпараттық компаниялар".

Жоба шеңберінде ішкі істер органдарымен вейп-шоптар бойынша 36-дан астам бірлескен рейд жүргізілген. 21 жасқа дейінгі адамдарға вейп сату туралы талаптарды бұзғаны үшін 14 әкімшілік хаттама жасалды, сондай-ақ Алматы, Астана және Өскеменде білім беру мекемелерінде вейпингтің зияны мен алдын алу туралы 17 семинар ұйымдастырылды.

ҚУАТ РАХЫМБЕРДИН ЗАҢ ҒЫЛЫМДАРЫНЫҢ ДОКТОРЫ, ҚАЗАҚСТАН РЕСПУБЛИКАСЫ ІШКІ ІСТЕР ОРГАНДАРЫ ҚЫЗМЕТІНІҢ МӘСЕЛЕЛЕРІ ЖӨНІНДЕГІ ҚОҒАМДЫҚ КЕҢЕСТІҢ МҮШЕСІ "Жасөспірімдердің вейпингінде ешқандай проблема жоқ сияқты көріну-бұл қоғамға үлкен шығын әкелуі мүмкін қателік. Мемлекет Басшысы Қасым-Жомарт Тоқаев атап өткендей:"осы қауіпті құбылыспен күресу үшін шұғыл және жүйелі шаралар қабылдау қажет, сіз бұл іске тыйым сала алмайсыз". Менің ойымша, вейптерге тыйым салудан басқа, сатылымдардағы мемлекеттік және қоғамдық бақылау жүйесін түзету қажет, өйткені тыйым салулар, тәжірибе көрсеткендей, елде осы тауарлардың "қара нарығының" қалыптасуына әкеледі. Вейптер сөрелерде және бүгінгі таңда танымал әлеуметтік желілер, мессенджерлер арқылы сатылады".

https://www.youtube.com/embed/1-ld40bEjBU?si=IhXrmsiQ25NZ3fLQ" 

Ақтауда үйін улаймын деп көршісінің екі сәбиін мерт қылған тұрғынға қатысты соттың үкімі жарияланды. Айыпты азамат 5 жылға бас бостандығынан айырылды. Сот отырысына жәбірленуші тарап онлайн қатысты. Олар үкіммен толық келісетіндерін алға тартты.

Естеріңізге сала кетейік, қайғылы жағдай өткен жылы қазан айының 21-і тіркелген еді. Қандаладан құтыламын деп үйін белгісіз препаратпен дизенфекция жасап кеткен Жаннат Нұрсейтованың кесірінен төменгі қабатта тұратын көршісінің қос сәбиі уланып, ақыр соңында көз жұмды. Біреуі 10 айлық болса, екіншісі екі жарым жаста болған еді. Қалған бүтін бір отбасының 5 мүшесі ауруханадан бір ақ шықты. Бүгін сол іске қатысты соттың үкімі шықты. Сот отырысына айыпталушы Жаннат Нұрсейтованың қорғаушысы мен жақындары қатысты. Ал, қайтыс болған балалардың әкесі Жанболат Кемелденов онлайн форматта сот үкімін тыңдады.

Айыпталушы Жаннат Шынжырбайқызы кінәсін толық мойындаған. Жәбірленуші тараптың да кешірімін алған. Оның қылмысы сараптама қорытындысымен, айғақ заттармен және басқа да іс материалдарымен толық дәлелденген.

ЖАНБОЛАТ КЕМЕЛДЕНОВ – ЖӘБІРЛЕНУШІ «Бүгінгі айдың 18-гі сот шешімі мені қанағаттандырды- Ешқандай арыз-шағым жоқ».

Істі болған Жаннат Нұрсейтова ҚР ҚК-нің 304-ші бабы, 3-ші бөлігімен кінәлі деп танылды. Ол 5 жыл мерзімдік жазасын қауіпсіздігі барынша төмен мекемесінде өтейтін болады. Үй қамақ үкімі заңды күшін жойды.

https://www.youtube.com/embed/Whapg9NV7p8?si=S4nIcHyCBEgH7SJL" 

https://www.youtube.com/embed/2uyQC3c8NoE?si=Vu8gQpoyCv82Q4xv" 

Ақылы жолға төлем жасамағандарға айыппұл салынады. Батыс Қазақстан облысында ақылы жол бойында осы жаңашылдықты түсіндіру мақсатында арнайы рейд өтті.

Ақ түтек боран, қалың қарға қарамастан «Қазавтожол» компаниясы БҚО-дағы филиалы ақылы автожолдар бойынша шетелдік көліктердің берешегін өндіріп алу үшін жол полициясы және көліктік бақылау инспекциясымен бірге жолға шықты. Жолдағы жаңа өзгеріс былтыр 8 қазаннан бастап күшіне енген еді. Сол заңға сәйкес, «Орал-Самара» және «Орал-Саратов» бағытындағы жолымен жүргендер ақша төлеуге міндетті. Бүгінгі таңда елде жалпы ұзындығы 3 221 шақырым 17 ақылы жол учаскесі бар.

МАРАТ ЕСПЕРОВ «ҚАЗАВТОЖОЛ» ҰК» АҚ ПАЙДАЛАНУШЫЛАРМЕН ЖҰМЫС АТҚАРУ ҚЫЗМЕТІНІҢ БАСШЫСЫ

Айыппұл салынбас бұрын көлік жүргізушілеріне төлемді уақтылы жасау керегі ескертілді. Жүру ақысы 7 күн ішінде төленуі тиіс. Өйткені 8-ші күні айыппұл салынады,- дейді көліктік бақылау инспекциясының мамандары.    

АЗАМАТ ЕРМАХАНОВ БҚО БОЙЫНША КӨЛІКТІК БАҚЫЛАУ ИНСПЕКЦИЯСЫНЫҢ БАС МАМАНЫ

Барлық жиналған қаражат ақылы жолдың жағдайын және көрсетілетін қызметті жақсартуға жұмсалмақ.

https://www.youtube.com/embed/Laefbn8fgO8?si=7B-iF7IIQf6qbEl2" 

Мемлекет басшысының тапсырмасына сәйкес мүдделі мемлекеттік органдармен бірге Қазақстан Республикасына 2022 жылдың 1 қыркүйегіне дейін әкелінген шетелдік көлік құралдарын заңдастыру жүргізілді.

Заңдыстыру өтпеген шетелдік автокөліктерге қатысты: олар техникалық және экологиялық талаптарға сәйкес келген жағдайда көзделген барлық төлемдерді төлеумен тіркеуге жатады.

АЛТЫНБЕК ЖАМАЛИЕВ ҚР ІІМ ӘКІМШІЛІК ПОЛИЦИЯ КОМИТЕТІ БАСҚАРМА БАСТЫҒЫНЫҢ ОРЫНБАСАРЫ: "Заңдастыру шеңберінде қазақстандық есепке барлығы 304 мыңнан астам автокөлік алынды, оның ішінде 21 мың автоконструктор және 55 мың автокөлік уақытша есепке тіркелді".

Айта кетейік, бұл ретте автокөлік иелеріне белгіленген тәртіпте тіркелмеген автокөліктерді пайдалану үшін әкімшілік жауапкершілік қарастырылады.

https://www.youtube.com/embed/fy9q8viP084?si=ppiJpmFRzz9JKtS0"

Былтыр Қызылорда қаласында 1266 адам қызылша жұқтырған. Оның басым бөлігі 14 жасқа дейінгі балалар. Қалалық санитариярық-эпидемиологиялық бақылау басқармасының мәліметінше, жыл басынан бері қызылша аурушаңдығының 130 жағдайы тіркелген. Шаһарда эпидемиологиялық ахуалды тұрақтандыру үшін қажетті шаралар жүргізіліп жатыр. Қызылша індетіне шалдыққандардың басым бөлігі - ауруға қарсы екпе алмағандар. Бүгінде 1 жастағы 9264 және 6 жастағы 8292 балалар қызылшаға қарсы профилактикалық екпелермен қамтылған.

ГҮЛМИРА СЫЗДЫҚОВА, ҚЫЗЫЛОРДА ҚАЛАЛЫҚ САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫНЫҢ БАСШЫСЫ

https://www.youtube.com/embed/4HhF6tPyHws?si=LjdYgG3L-u0fFxMg" 

Еуропаның көптеген үйлердің ішіндегі ауаның ластануы сырттан қарағанда көбінесе нашар. Бұл туралы Dyson Global Connected Air Quality Data жобасынан алынған деректер дәлелдейді.

Оның аясында 2,5 миллионнан астам ауа тазартқыштың көрсеткіштері жиналды. Зерттеу көрсеткендей, барлық елдерде үй-жайдағы PM2,5 бөлшектерімен ластанудың орташа айлық деңгейі кем дегенде жылына алты ай бойы Дүниежүзілік денсаулық сақтау ұйымының ұсынымдарынан асып түсті.

КЕН АРМСТРОНГ DYSON ӨКІЛІ : «Үй-жайдағы ауа сапасы шын мәнінде көшедегі ауа сапасынан нашар. Бұл жылдың 11 айы үшін өзекті».

Зерттеу 2022 жылдан 23 жылға дейін жүргізілді. Оның барысында деректер әлемнің 40-қа жуық елінде MyDyson қосымшасына қосылған ауа тазартқыштардан жиналды. Нәтижесінде ластаушы заттардың екі түрі анықталды: PM2,5 және ұшпа органикалық қосылыстар.

СОФИ РИНГ АУА САПАСЫ ЖӨНІНДЕГІ МАМАН : «Адамдар үй-жайдағы ауаның ластану көздері қандай екенін білсе, таң қалуы мүмкін. Диванға отырсаңыз, онда тозаңға тұншығып қаласыз».

https://www.youtube.com/embed/WqVTuC93uzk?si=tcP3GtmwIpg_3OjU" 

Алматыға бір түнде 19 см қар түсті. Мыңнан астам жол жұмысшысы мен 425 техника қар тазалауға жұмылдырылды.

Қаланың коммуналдық инфрақұрылымды дамыту басқармасының мәліметінше, түнгі сағат 02:30-дан бастап жол полициясының патрульдік машиналарының еріп жүруімен 13 колонна қар күреумен айналысты.Таңғы сағат 05:00-ден бастап 168 бірлік шағын көлемді жинау техникасының күшімен тротуарлар қардан тазартылуда, бұл жұмыс қазіргі уақытқа дейін жалғасуда. Аялдамаларды, жер үсті өткелдерінің тұрақ «қалталарын», әлеуметтік маңызы бар объектілерге өтетін жолдарды тазарту жұмыстары күшейтілді.

Сондай-ақ жиналған қарды сыртқы полигондарға шығару басталады. Сонымен қатар Полиция департаментінің өкілдерінің айтуынша, шаһарда өткен тәулікте 8 жол-көлік оқиғасы тіркелсе, бүгін таңғы уақытта 3 жол апаты болды. Тәртіп саөшылары жүргізушілерді жол қозғалысы ережелерін  шақырады.

https://www.youtube.com/embed/11qK4BB68dc?si=cKNs8Zufgs08gHaQ" 

Ақтау қаласында орналасқан "Өрнек" тұрғын үй кешенінің тұрғындарының сөзінше пәтер иелері кооперативі жұмысына жұмсақ, міндетке үн қатпайды. Бүгін тұрғындар осы тақырыпта мәселе көтерді.

Бұл Ақтау қаласында орналасқан 31-Б шағын ауданы. Тұрғындардың қоныстанғанына биыл 7 жыл. Қоныс деген аты болмаса, қопарылып жатқан мәселе шаш етектен. Себебі, пәтерлер қолға өткелі жөндеу көрмеген. Маңызды мәселенің бірі - ауыз судың қысымы. Мәселені өзара шешпек болып, тұрғындар арнайы сорғы сатып алған. Бірақ, одан еш нәтиже болмаған.

ЗАҒИЯШ ЖҮНІСОВА ТҰРҒЫН: "Мен бұл үйде 2019 жылдан бері тұрып келем. Сол жылдан бері бұл жерде ремонт көрген жоқпын. Әрлеу, жөндеу сияқты жұмыстар мүлдем болған жоқ. Ең кішісі подьездге лампочка қойылмады. Оны өзіміз қоямыз. Сосын подьездің төбесі түсіп жатыр. Сондай-ақ бізде 5 қабатқа су көтерілмейді. Су жарты сағат келсе, 2 сағат болмайды. Енді соның бәрін жөндеу үшін Шапханов Дәуітке барсақ та еш нәтиже шығара алмадық".

Тілге тиек етілген пәтер иелері кооперативінің басшысының сөзінше былтыр көктемде жөндеу жүргізілген. Ендігі жағдайдың мәселесін тұрғындармен өзара шешеміз деп сендірді.

ДӘУІТ  ШАПҚАНОВ ПӘТЕР ИЕЛЕРІ КООПЕРАТИВІНІҢ БАСШЫСЫ: "Қазіргі уақытта 4-5 қабатқа су барып тұр. Жиналыстың қорытындысы бойынша тұрғындардың айтуы бойынша кешке таман судың қысымы төмендеп кетеді. Ол мәселе бойынша біз КЖСА ға  хатпен шығамыз, барамыз, сол мәселені шешуге жұмыстанамыз. Тұрғындар жиналыста біраз мәселе көтерді. Соның бірі подьездің жөндеу жұмысы. Оған жауап қыс мезгілі біткесін сәуір айында ремонт жасауға дайын боламыз". 

Басшылық тұрғындарға барлық мәселенің шешілетінін айтып, жұмыс легін түсіндірді. Ендігі уақытқа айтылған сөздің атылған оқтай орындалуы қалды.

https://www.youtube.com/embed/8zus0QwOuWc?si=owsCZOGOvx8-M33Q" 

АҚШ тың экс Президенті Дональд Трамп 2024 жылғы сайлауда жеңіске жететініне сенімді. Айова штатында республикалық кандидаттар үшін кокус рәсімі бойынша дауыс беру ұйымдастырылды. Нәтижесінде Трамп штаттың республикалық сайлаушыларының 50% - дан астам дауысын жинаған.

ДОНАЛЬД ТРАМП АҚШ ПРЕЗИДЕНТТІГІНЕ КАНДИДАТ: "Бұл керемет тәжірибе болды. Біз үшінші рет жеңеміз. Бірақ бұл ең үлкен жеңіс. Егер сіз 12% артықшылықпен жеңсеңіз, бұл үлкен жеңіс болады. Менің ойымша, біз бұл көрсеткішті екі еседен астам, мүмкін үш есеге арттырдық".

Дауыс беру нәтижелері бойынша екінші орында Флорида штатының губернаторы Рон Десантис тұр. Ол 21% - дан сәл астам дауыс алды. Үшінші орында АҚШ – тың БҰҰ жанындағы бұрынғы Тұрақты өкілі Никки Хейли тұрақтады. Оның нәтижесі шамамен 19% құрайды. Дональд Трамп егер ол президент болып сайланса, көптеген өзгеріс әкелетіндігін алға тартты.

ДОНАЛЬД ТРАМП АҚШ ПРЕЗИДЕНТТІГІНЕ КАНДИДАТ: "Біз мұнайды бұрғылаймыз. Біз шекараны мөрлейміз, өйткені қазір миллиондаған адамдар басып кіруде. Мен олардың неге бұл жақсы деп ойлайтынын түсіне алмаймын. Бұл күрделі жағдаят.Бұл Нью-Йорк штатының тұрғындарынан көп адамдар тобы, біз бұған жол бере алмаймыз, қорқынышты. Олар түрмелерден, әлемнің түкпір-түкпірінен келеді".

Сауалнамалар көрсеткендей, республикалық сайлаушылар үшін ең маңызды мәселе көші-қон болып қала береді. Жақында олар Президент Джо Байденнен бұл мәселені шешуді талап ете бастады. Сонымен қатар, дауыс беруде төртінші орынға ие болған кәсіпкер Вивек Рамасвами өзінің кандидатурасын сайлаудан алып тастайтынын және жақтастарын Трампты қолдауға шақыратынын айтты.