https://www.youtube.com/embed/ckuDDZMN6P0?si=VWL2b6U6OYu-YLbK"

Мемлекет басшысы Қасым-Жомарт Тоқаев Ақордада Қазақстанға ресми сапармен келген Мажарстан Премьер-Министрі Виктор Орбанды қарсы алды.

Қасым-Жомарт Тоқаев пен Виктор Орбан бір-біріне ресми делегация мүшелерін таныстырды. Құрмет қарауылының бастығы мемлекеттер басшыларына рапорт беріп, екі елдің әнұрандары шырқалды.

Одан әрі Виктор Орбан мен Қасым-Жомарт Тоқаев кілемше бойымен Қазақстан Республикасының Мемлекеттік туына қарай жүрді. Оның алдына келгенде мейман тоқтап, басын сәл иіп, ілтипат білдірді. Содан кейін Қасым-Жомарт Тоқаев пен Виктор Орбан шағын құрамда кездесу өтетін залға барды.

ҚАСЫМ–ЖОМАРТ ТОҚАЕВ  ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Қазақстан сіздің атамекеніңіз деп айтуға болады. Себебі тамырыңыз осы жерден бастау алады. Өзіңіз қыпшақтарға өте жақынсыз. Бұл деректі қазақтар жақсы біледі. Сондықтан сізге өте ризамыз. Сіздің сапарыңыз өте маңызды. Екі ел арасындағы ынтымақтастыққа күшті серпін береді деп сенеміз. Қазақ пен мажар — ежелден сыйластығы жарасқан туыстас халықтар. Екі елдің тілі, салт-дәстүрі, мәдениеті ұқсас. Орта ғасырларда Торғай даласынан Еуропаға қоныс аударған қыпшақ тайпаларының ұрпақтары бүгінде Мажарстан аумағында өмір сүріп жатыр. Біз мұны мақтан тұтамыз. Тарихи тамырластық және тығыз байланыстар бүгінде екі ел арасындағы ынтымақтастықтың тереңдей түсуіне негіз болды. Бірлескен күш-жігеріміздің арқасында қазақ-мажар ықпалдастығы барлық салада қарқынды дамыды».

Тараптар саяси диалогты нығайтуға, сауда-экономикалық ынтымақтастық пен мәдени-гуманитарлық байланыстарды тереңдетуге баса мән бере отырып, қазақ-мажар қарым-қатынасының қазіргі жай-күйі мен даму перспективасын жан-жақты талқылады.

ҚАСЫМ–ЖОМАРТ ТОҚАЕВ  ҚАЗАҚСТАН РЕСПУБЛИКАСЫНЫҢ ПРЕЗИДЕНТІ  «Құрметті Премьер-министр мырза, ең алдымен, қазақ жеріне қош келдіңіз! Себебі Сіз – қыпшақсыз. Бұл деректі қазақтар жақсы біледі әрі Сізді сыйлайды. Сондықтан атамекеніңізге келдіңіз деп айтсақ, артық болмайтын шығар. Менің шақыруымды қабыл алып, Қазақстанға ресми сапармен келгеніңіз және Түркі мемлекеттері ұйымының мерейтойлық саммитіне қатысуға ниет танытқаныңыз үшін шынайы ризашылығымды білдіремін. Бұл сапарыңыз екі ел арасындағы ынтымақтастыққа тың серпін беретіні сөзсіз. Сондықтан бүгінгі келіссөздер нәтижелі болатынына сенімдімін».

Өз кезегінде Виктор Орбан Қазақстанға шақырғаны және өзіне, Мажарстан делегациясына көрсеткен қонақжайлығы үшін Қасым-Жомарт Тоқаевқа алғыс айтты. Ол екі ел арасындағы саяси диалог пен өзара тиімді серіктестіктің деңгейін жоғары бағалады.

ВИКТОР ОРБАН МАЖАРСТАН ПРЕМЬЕР – МИНИСТРІ «Атажұртқа оралу әрдайым керемет. Мажарлар Қазақстанға келгенде ерекше сезімді бастан кешеді. Өйткені екі халықты ғасырлар қойнауынан бастау алатын тарихи тамыры байланыстырады. Соңғы он жылда біз ынтымақтастығымызды дамытуға барынша күш-жігерімізді жұмсадық әрі жақсы нәтижеге қол жеткіздік. Өзіңізбен ынтымақтаса жұмыс істеу – мен үшін зор мәртебе. Мажарстан әрдайым Қазақстанның сенімді стратегиялық серіктесі болған. Алдағы уақытта да солай бола береді. Мажарстан мен Қазақстанның байланыстары бұрын-соңды жетпеген деңгейге көтерілді. Сондай-ақ ықпалдастығымыздың, әсіресе экономикалық қатынастарымыздың әлеуеті зор»

Президент Қасым-Жомарт Тоқаев Мажарстан Премьер-министрі Виктор Орбанға I дәрежелі «Достық» орденін табыс етті.

https://www.youtube.com/embed/jrkv8g89o6Y?si=deZUVnmdp_l7awoJ" 

Халық арасында сыбайлас жемқорлыққа қарсы сананы қалыптастыру – қоғамдағы парақорлықты жою жолындағы маңызды кезең. Тамыз айында Көкшетауда «сыбайлас жемқорлыққа қарсы волонтерлік» жобасы іске қосылды. Аз уақыт ішінде еріктілер облыс аумағында су құбырларын тартудың барысын тексеріп, бірқатар кемшіліктерді анықтады.

Сандықтау ауданына қарасты Белгородское ауылына су құбырын тартуға жергілікті қазынадан 194 миллион теңге бөлінген. Бірақ, елдімекен тұрғындарының жаңа инфрақұрылымды күткеніне 3 жылдан асқан. Әбден қажыған ауылдықтар дабыл қаққан. Сапасына да көңілі толмайтындарын жеткізіп, шағымданған.

САМИРА ТӘЙТЕНОВА «СЫБАЙЛАС ЖЕМҚОРЛЫҚҚА ҚАРСЫ ВОЛОНТЕРЛІК» ЖОБАСЫНЫҢ ВОЛОНТЕРІ

Күні бүгінге дейін сумен жабдықтау жүйесінің ескісі де ауыстырылмаған. Ол өз кезегінде жаңа желіні орнату кезінде жоба талаптарының бұзылуына әкелуі мүмкін. Айта кетейік, осы жұмысты атқарудвң өзіне 19 миллион теңге бағытталған. Біздің тексерістің қорытындысы бойынша тұрғындар бірнеше фактіні ескерді. Бүгінде уәкілетті орган, мемлекеттік архитектуралық-құрылыс бақылау басқармасы тексерулер тіркеді, оның нәтижелері арқылы барлық кемшілік жойылады.

https://www.youtube.com/embed/0SXQUfbRZvA?si=1Fv-fuviDqdxfhUb" 

Елдің батысында тағы да газ тапшы. Отынның бұл түрі жанармайдан әлдеқайда арзан болғанымен, табу қиынға түсіп тұр. Қалтаға салмақ түсірмейтін сұйық отынды іздеп, сарсаңға түскен көлік иелері сағаттап кезек күтуге мәжбүр. Ал айласын асырғандары УАТСАПП желісінен арнайы топ ашып, қайда газ барын біліп отыратын болған. Шенеуніктердің уәдесінен шаршағандар туралы келесі сюжетте.

Мұндай көрініске оралдықтардың көзі үйренген. Жанармай құю бекетін күні-түні аңдып, ұзақ-сонар кезекте тұратындардың билікке өкпесі қара қазандай. Амалы таусылған тұрғындар қазір уатсап желісінен "Газ қайда бар" деген чат ашып алыпты. 250-ге тарта адамның айтатын әңгімесі - біреу! «Газ қай жерде бар, кезек көп пе, жоқ па?»  Ал бұл топқа қосылмағандар жанармай бекеттерін шарлап, уақыттарын да, жүйкелерін де босқа сарып қылады. Төзімі таусылғандар «Газ неліктен болмайды?» деген сұраққа жауап іздеп таппаған.

Ал шенеуніктер жағдай қалыпты деген жаттанды жауапты қайталаудан жаңылмайды. Атыраудағы мұнай өңдеу зауыты күрделі жөндеуге жабылғасын көгілдір отын бір ай бойы Ақтөбеден жеткізілген екен. Бірақ оны таситын тепловоз табылмай, тағы тұрып қалыпты. Бұл аздай, темір жолмен жеткен газды автоцистерналарға қайта бөліп құю керек. Халықты тарықтырған газ тапшылығы осыдан туындапты-мыс.

МИРЖАН НҰРТАЗИЕВ БҚО ЭНЕРГЕТИКА ЖӘНЕ ТҰРҒЫН ҮЙ-КОММУНАЛДЫҚ ШАРУАШЫЛЫҚ БАСҚАРМАСЫ БАСШЫСЫНЫҢ ОРЫНБАСАРЫ Атыраудан бізге көлікпен тасығандықтан тезірек болады. Ал мына вагонмен келгесін, оларда кішкене стансаларда тұрады, өзіңіз білесіз, анда-мұнда тұрып қалғасын кейбір вагондардың кешігуі болды. Құдай қаласа, ертеңгі уақытта вагондар жеткізіледі деп ойлаймыз. 15 вагон бізде 500 тонна, сол 15 вагон келе жатыр.

Жауаптылар жағдай көп ұзамай түзеледі деп жұбатпақ болды. Өйткені атыраулық зауыт қайта іске қосылған. Оның үстіне облыс тұтынатын газ көлемін де арттырыпты. Енді ешкім көгілдір отыннан тарықпайды деген шенеуніктердің сөзі шындыққа жанасса игі.

https://www.youtube.com/embed/SD0z6Pj0Tfs?si=bt3fr8V1CE_1V6iI" 

Мыңдаған мигранттардан тұратын керуен Мексиканың Чиапас штатындағы Уистл қаласына демалуға тоқтады. Ол Тапачуладан бірнеше күн бұрын жолға шықты.

Орталық Америкадан, сондай-ақ Венесуэла мен Кубадан келген мигранттар Мексиканың солтүстігіне Америка Құрама Штаттарымен шекараға қарай бет алды. Ресми деректер бойынша, Тапачуладан бастапқыда 3500 адам кеткен. Қазір белсенділердің айтуынша, керуенде жеті-сегіз мың адам бар. 

ИРИНЕО МУХИКА – БЕЛСЕНДІ «Адамдар 50 шақырымнан астам жол жүрді. Оларға қиын, өйткені олар тамақ ішпеді,  көшеде түнеді. Содан көбісінің балалары ауырып қалды».

Мигранттар Америка Құрама Штаттарына жетіп, сонда жұмыс тауып, өмірлерін реттейміз деп үміттенеді.

ГОНДУРАСТАН КЕЛГЕН МИГРАНТ «Мен үш баламен, әпкем және анаммен барамын. Біз Мексика арқылы өтуге рұқсат сұрап жатырмыз, өйткені біз енді өз елімізде  тұра алмаймыз. Онда бізге үнемі қауіп төніп тұр, экономика құлдырады, жұмыс жоқ. Қатты қиналудамыз. Менің балаларым жаяу жүруден шаршады. Бізге тамақ пен су керек».

ГОНДУРАСТАН КЕЛГЕН МИГРАНТ «Өкінішке орай, мен "Эта" және "Иота" дауылы кезінде үйімнен айырылдым. Қолымыздан келетіні – көшу ғана».

Мигранттар Мексикаға өту үшін транзиттік визаларды айлап күткендерін айтады. Шыдамдары таусылып, олар елді заңсыз кесіп өтуге шешім қабылдаған. АҚШ-тың оңтүстік шекарасына бет алған керуен өткен маусымнан бергі ең үлкен керуен болды. Ал шекарада 10 мың мигрант жиналып үлгерді.

https://www.youtube.com/embed/ET6UWNxtOK0?si=wobLEIn_gxDF2_wS"

Әл-Фараби атындағы Қазақ ұлттық университетінде Қазақстан-Франция жоғары оқу орындарының VIII Халықаралық форумының аясында «Халықаралық ғылыми ынтымақтастықты дамыту перспективалары» атты дөңгелек үстел өтті.

Қазақстан мен Франция елдері арасындағы стратегиялық байланыстың 15 жылдығына орайластырылған іс-шараға Францияның ЖОО ғалымдары, Қазақстан университеттерінің оқытушылары мен студенттері қатысты.

ЖАНСЕЙІТ ТҮЙМЕБАЕВ ӘЛ-ФАРАБИ АТЫНДАҒЫ ҚазҰУ РЕКТОРЫ «Мемлекетіміздің басшысы Қасым-Жомарт Тоқаев өз сөзінде Қазақстан мен Франция арасындағы ынтымақтастық жақсы дамып келе жатыр. Дегенмен екі жақты қатынасқа тың серпін беру керек деді. Франция Қазақстанның Еуропа Одағындағы басты және сенімді серіктесі,ел экономикасының ірі инвесторының бірі деп атап өтті. Сондықтан бүгінгі форум жұмысы екі елдің білім-ғылым саласындағы нәтижелі жалғасы деп білеміз».

Бүгінгі таңда екі ел арасында білім және ғылым саласы бойынша әртүрлі жобалар жүзеге асырылып жатыр. Франция еліне барып магистранттарымыз,докторанттарымыз тәжірибе алмасып қайтса, ҚазҰУ академиялық әріптестік шеңберінде Франциядан келген 5 студент білім алуда.

ЖӘМИЛА АЙТЖАНОВА ӘЛ-ФАРАБИ АТЫНДАҒЫ ҚазҰУ ҒЫЛЫМИ ИННОВАЦИЯЛЫҚ ІСТЕРІ БОЙЫНША ПРОРЕКТОРЫ «Бұндай іс шаралардың барлығы Халықаралық деңгейімізді жоғарылатуға көмектеседі. Кәзір өздеріңіз білесіздер Халықаралық рейтинг деген бар. Сол рейтингте біздің Университетіміз  200 қатарда. Сол қатардан жоғарылауға осындай іс шаралардың көмегі өте зор. Бүгін қозғалатын тақырыптар ғылыми білім саласындағы қарым қатынастар,ядролық физика айналасындағы қарым қатынастар.

https://www.youtube.com/embed/JK-Gx6vb3RM?si=jOnpHVh_K6V9c8Zh"

Жетісу облысында газдандыру жұмыстары жоспарлы түрде жүргізіліп жатыр. Көксу ауданы Мұсабек ауылының тұрғындары  қыста от жағып, көмір түсіріп шығындалмайтын болды. 178 шаңырақ табиғи газға қосылды.

Көгілдір отын келіп, қуанған көптің бірі – Алтыншаш Мұташева.Күміс алқа иегері 72 жаста.Ауыл тұрғыны табиғи газды күткеніне көп болыпты. Көгілдір отын тұрмыстарын жеңілдете түсеріне қуанышты.  

АЛТЫНШАШ МҰТАШЕВА  АУДАН ТҰРҒЫНЫ

Ауылда газдандыру жұмыстары наурыз айында басталған.Оған бюджеттен 524 млн теңге бөлінген. Айта кетейік, бұл аудандағы газдандырылған 8-ші елді-мекен. Келесі жылы тағы 12 ауылды көгілдір отынмен қамту жоспарланып отыр.

АЙДОС БЕКЕТАЕВ  ОБЛЫСТЫҚ ЭНЕРГЕТИКА ЖӘНЕ ТҮКШ БАСҚАРМАСЫНЫҢ БАСШЫСЫ

Жалпы, Жетісу облысында 288 мың абонентке газға қосылуға мүмкіндік жасалған. Жыл соңына дейін жоспарланған 20 шақты жоба толық аяқталса, бұл көрсеткіш өсе түспек. Салаға жауаптылардың сөзінше, 2025 жылға дейін Кербұлақ ауданынан Талдықорғанға дейінгі елді мекендер толық газдандырылмақ.

https://www.youtube.com/embed/HNwKV6-tU_0?si=thBh2-zjqmajmbpS" 

Жедел жәрдем көліктері қайта ашылған Рафах өткелі арқылы жүздеген адамды Газадан Мысырға жеткізді. Катар аралығымен Египет, Израиль және Хамас арасындағы келісімге сәйкес, бірқатар шетелдіктер мен ауыр жараланған палестиналықтардың анклавтан шығуына рұқсат етілді.

Египет Синай түбегінде далалық ауруханалар дайындады. Ақпарат көздерінің мәліметінше, бақылау-өткізу бекетінен 500-ге жуық шетелдік өткен. Алайда, 7 қазанда содырлар тұтқынға алған 240 израильдіктің ешқайсысы олардың арасында болмаған. Газа тұрғындарына гуманитарлық жүк тиеген жүк көліктері де бақылау бекетінен өтуін жалғастыруда. Өткелдің қанша уақытқа дейін ашық болатыны әзірге белгісіз. Бұған дейін Израиль премьер-министрі көптеген елдер шақырған әскери операцияда «гуманитарлық үзіліс» жасаудан бас тартты. Газаның денсаулық сақтау министрлігінің мәліметінше, Израильдің әуе шабуылынан 8700-ден астам палестиналық қаза тапқан.

Азық-түлік, жанар-жағармай, ауыз су, дәрі-дәрмек тапшы, ауруханалар жаралыларды өз беттерінше  емдеуге тырысуда. Осы уақытта Израиль Қорғаныс министрі Йоав Галлант Газа секторы шекарасы маңындағы әскерлерді аралады. Оның айтуынша, Цахалдың анклав ішіндегі жерүсті операциясы сәтті жалғасуда. Армия туннельдерден лабиринт салған Хамас содырларымен соғысуда. Израиль үкіметінің мәліметінше, 7 қазандағы шабуылда шамамен 1100 израильдік бейбіт тұрғын мен 300 әскери қызметкер қаза тапқан. Содырлар тағы 240 адамды тұтқындап, Газа секторына алып кетті. Арнайы операцияның бір мақсаты – оларды босату.

https://www.youtube.com/embed/c_OHC8n55PI?si=7WHgGEUYLf9qhltK" 

Ақтау қаласында араға бірнеше жыл салып, сарыла күткен мұз айдынының құрылысы тоқтады. Әкімдік “нысанды салып береміз” деген мердігерді сотқа беріп тынды. Себебі жауапты компания әуелі баста бөлінген қаржының үстіне тағы да қосымша ақша сұрапты. Ал мәнерлеп сырғанау мен хоккей ойнымен шұғылданатындар, ойын-сауық орталығындағы шағын мұз үстіне барып дайындалады. Оның да шығыны шаш етектен.

Қысқы спорт түрімен шұғылданатын балалардың ата-аналары ай сайын қалталарынан 500 мыңға жуық қаражат төлеуге мәжбүр. Бұл тек мұз үстінде жаттығу жасауға ғана кететін шығын. Ата-аналар жергілікті әкімдік пен спорт басқармасы тарапынан түк қолдау жоқтығын айтады. Сонымен қатар, мұз айдынын жалға алу үшін де амалдың жоқтығынан өздері федерация құрып алған.

ЭЛЬНАРА САБИРОВА АТА-АНА Бұл спорттың барлық шығыны ата-аналардың мойнында. Тіпті, бапкердің де жағдайын біз жасаймыз. Әкімдік пен спорт басшылары қайда қарап отыр? Бапкерге айлық бере алмайды, оған көндік. Тым болмаса балаларымызға жаттығу жасайтын  тегін бір зал тауып бере алмайды.  

ЖАНАТ ОРАЗАЛИЕВА АТА-АНА Осы катокқа келгенімізге 6 жылдан асып бара жатыр. Қазіргі таңда менің балама 150 мыңнан астам ақша кетіп отыр. Айына катокқа 50 мың төленеді. Индивидуалкаға 80 мыңнан аса ақша кетеді. ОФП-мыз бар, хареографиямыз бар. Сонымен 150,160,170 мың теңгеміз кетіп қалады.

Жалпы облыста мәнерлеп сырғанау федерациясына 30-дан аса спортшы тіркелген. Олар жаттығу жасау үшін ойын-сауық орталығындағы аядай ғана мұз алаңына барады. Ол жерде уақыт шектеулі және мұз алаңы тар көрінеді.

АЛЕНА ПОНКРАТОВА  МӘНЕРЛЕП СЫРҒАНАУ ФЕДЕРАЦИЯСЫНЫҢ АҒА ЖАТТЫҚТЫРУШЫСЫ Біздің спортшылар Республикалық, халықаралық жарысқа барғанда абдырап қалады. Себебі, ондағы мұз айдыны біздің жаттығу жасап жүрген шағын алаңнан 6-7 есеге үлкен. Соған қарамастан спортшыларымыз нәтиже беруге тырысады. Мұз айдынын айтпағанда қарапайым жаттығу жасап, хореографиялық қойылым қою үшін де зал керек. Осы балаларға жағдай жасалса, әлдеқайда ірі жеңістерге жетуге болар еді.

Жергілікті билік қысқы спортты дамытуға ниетті. Осыдан 5 жыл бұрын Чехиялық компаниямен келісімшарт жасаған. Жоба құны 4 млрд 600 млн-ға бағаланған. Алайда, мердігер осы уақыт ішінде міндетін толық орындамапты. Сағызша созылған құрылыс қазір тоқтап тұр.

МАҚСАТ МҰҚАШ СПОРТ ЖӘНЕ ДЕНЕ ШЫНЫҚТЫРУ БАСҚАРМАСЫНЫҢ БАСШЫСЫ Сөйтіп жүргенде бұл кісілер 2021 жылы бұрыңғы құрылыстың 4 млрд 600 млн теңгенің үстіне 270 млн теңге қосымша қаржы сұрады. Себебі, бастапқы төленген сумманың көлемі аз. Қазір құрылыс материалдарының бағасы қымбат деген желеумен.

Спорт басқармасына жаңадан келген басшы, алдағы уақытта қысқы спортты серік еткендерге қолдау көрсетуге дайын. Мәселен, келер жылы Жаңаөзен қаласында ангар типінде мұз алаңы ашылады. Ал орталықтағы нысанның тағдырын алда сот шешеді.

https://www.youtube.com/embed/6fHEQN9_h_E?si=1JARu_UbQVbFA-M0" 

Абай облысындағы Қарауыл елдімекенінің тұрғындары өз қаражаттарына саябақ  пен балалар ойын алаңын салып алды. Ауылдағы Шәкәрім және Ұлжан көшесінде тұратын 150 үйдің тұрғыны ала жаздай тынбай еңбек еткен. Бұл игі іске ауылдың бұрынғы тұрғындары да демеушілік жасаған. Осылайша жалпы соммасы 12 млн теңге қаражат жинап, саябақтың ішінен футбол мен балалар ойын алаңын салып берді.

Бүгін ауыл іші мәре–сәре. Тұрғындар тіпті жауған жаңбырға да мән берер емес. Әсіресе балалар мәз. Ойын алаңының ашылуын асыға күтіп жүр. Жастар жағы болса ұлттық киім киіп, ауыл ішін әнмен күйге бөледі.

Халық игілігіне берілген саябақты ауыл ақсақалдары ашты. Әжелер шәшу шашып, шараны ажарландыра түсті.

АБДІРАХМАН ТЕМІРОВ, АУЫЛ ТҰРҒЫНЫ Бүкіл халықтың арқасында салынып отыр. Осы Бидайық саябағымыз. Бүгін міне балаларға сыйға тартып міне ,бүгін ашылуы болып жатыр. Соған өзіміз ризамыз.

БАҚЫТЖАН РЫМҒАЛИҰЛЫ АУЫЛ ТҰРҒЫНЫ Енді саябақты қарап отырсаңыздар бала-шағамызға, немерелерімізге, келешек ұрпаққа және осы ауданымыздың халқының бірлігіне ұйымдасуына байланысты салынған дүние. Қарап отырсаңыздар өмірдің өзі үлкен ағаларымыздан, бала-шағаларымыздан құралады ғой. Осы балалар үшін осы саябақты ашып отырмыз.

Саябақты салуға атсалысқандар көпшілік ықыласына бөленіп, арнайы марапатталды. Айта кетейік бұл бастаманы ауыл халқы өздері көтерген. Тіпті бұрын ауылда тұрып кеткен азаматтарда қолдау көрсеткен.

ӨМІРБЕК БЕКБАЕВ ҚАРАУЫЛ АУЫЛЫНЫҢ ӘКІМІ Бұдан бөлек былтырғы жылдан бері, оның арғы жылдан бері халықтың бастамасымен ең бірінші көпбалалы отбасыға көлік жөндеу орталығын салды, одан кейін былтырғы жылы ауыл халқы «Ел аманаты » деген қор құрып бір жалғыз басты мүмкіндігі шектеулі азаматқа тұрғын үй салып берді. Ауылымыздың жастары, «Абай жастары» деген үлкен қор құрып ауылымыздағы жағдайы төмен отбасыларға қосымша көмек көрсетуде. Енді халықтың қандай бастамасы болса да аудан әкімддігі, ауыл әкімдігі бірігіп көмектесуге тырысамыз.

Ауыл тұрғындары «Бидайық » деп ат қойылған саябақ маңын келер көктмеде өздері абаттандырып, оны бағып қағуды да өз мойындарына алып отыр.

https://www.youtube.com/embed/u5tQ--R22QI?si=asleWCia_Hy-_jOA" 

https://www.youtube.com/embed/aUk154Ih1T4?si=XTflkgcYzwOmPd-l" 

Үндістанның оңтүстігіндегі Андхра-Прадеш штатында екі жолаушы пойызы соқтығысып салдарынан 14 адам қаза тапты.

Вишакхапатнамнан Раягадаға бара жатқан жолаушы поезді әуе кабелінің үзілуіне байланысты тоқтап қалған. Бір бағытта бет алған келесі жолаушы экспрессі оған жетіп соқтығысқан. Салдарынан тоқтап тұрған пойыздың екі вагоны рельстен шығып кетіп, ондаған адам жарақат алды.

БИСВАДЖИТ САХУ - ТЕМІР ЖОЛ КОМПАНИЯСЫНЫҢ ӨКІЛІ: «Зардап шеккен 50 адамның 29-ы әлі ауруханада. Қалғандары үйлеріне шығарылды».

Темір жол министрлігі алдын ала тергеуден кейін апатқа адам қателігі себеп болғанын айтты. Бағдаршамның жасыл түсі жанған кезде бірінші пойыздың машинисті қозғалысты бастамаған. Еске салайық, бірнеше ай бұрын Үндістанда ауыр апат орын алып, онда 300-ге жуық адам қаза тапқан еді. Үндістанның теміржол желісі дүние жүзінде төртінші орында. Соған қарамастан инфрақұрылым өте ескі. Қазір ол жаңартылуда. Жөндеу жұмыстарына 30 миллиард доллар бөлінген.

https://www.youtube.com/embed/nuD6tIFZMTM?si=O3QZxrb-6iWuPUXU" 

Мемлекет басшысы Қасым-Жомарт Тоқаев Қазақстанға ресми сапармен келген Франция президенті Эмманюэль Макронды Ақордада резиденциясында қарсы алды. Мәртебелі мейманның сапарына орай салтанатты рәсімдер залында Құрмет қарауыл сап түзеп, оның бастығы Мемлекеттер басшыларына баянат берді.

Осыдан кейін Президенттік оркестр екі елдің әнұранын орындады. Артынша екі елдің басшылары шағын құрамда келіссөз жүргізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Президент мырза, біз үшін бүгін үлкен оқиға. Сіздің сапарыңызды бәріміз құптаймыз. Менің шақыруымды қабыл алып, Қазақстанға ресми сапармен келгеніңіз үшін алғыс айтамын. Қазақстан мен Франция арасындағы ынтымақтастық жақсы дамып келе жатыр. Дегенмен екіжақты қарым-қатынасқа тың серпін беру керек. Сондықтан сіздің сапарыңызды тарихи, өте маңызды деп айтуға болады. Бүгінгі келіссөздер нәтижелі болатынына сенімдімін. Оған ешқандай күмәнім жоқ».

Мемлекет басшысы Франция Қазақстанның Еуропа Одағындағы басты және сенімді серіктесі, сондай-ақ ел экономикасының ірі инвесторының бірі екенін атап өтті.Өз кезегінде Эмманюэль Макрон Қазақстан мен Франция арасындағы байланыстарға жоғары баға берді.

ЭММАНЮЭЛЬ МАКРОН ФРАНЦИЯ ПРЕЗИДЕНТІ: «Президент мырза, ресми сапармен келуге шақырғаныңыз үшін алғыс айтамын. Астанаға келіп, Сізбен жүздесіп отырғаныма қуаныштымын. Осы сапарды ұйымдастырғаныңызға ризашылығымды білдіремін. Бұл сапар біздің екіжақты серіктестігіміз үшін маңызды жылмен тұспа-тұс келіп отыр. Бүгін біз өзекті халықаралық мәселелер бойынша пікір алмасып, БҰҰ Жарғысын, соның ішінде аумақтық тұтастық, ұлттық тәуелсіздік қағидаттарын сақтауға бейілді екенімізді тағы да нақтылай аламыз. Сонымен қатар екіжақты ынтымақтастық мәселелерін талқылаймыз. Біз экономикалық тұрғыдан серіктес елдерміз. Сондай-ақ Қазақстан мен Франция арасындағы экономикалық-стратегиялық әріптестігімізді одан әрі дамыта түсетін маңызды келісімдерге қол қоямыз. Сізбен жүздесіп, ортақ күн тәртібін талқылау мүмкіндігі туғаны үшін қуаныштымын».