НОВОСТИ

Париж Олимпиадасында ел қоржынына күміс медаль түсті. Тарихи жетістік спорттық гимнастиканың ат снарядындағы жаттығуы барысында тіркеліп отыр, деп хабарлайды Алатау телеарнасы. 

Бұл спорт бойынша ел намысын қорғаған Нариман Құрбанов. Отандасымыз ақтық сында 15.443 ұпай алды. Осылайша елімізге спорттық гимнастикадан Олимпиаданың алғашқы медалін сыйлады. Ол базалық қиындығы 6.7-ге тең жаттығуды сәтті орындап шықты.

Бұл сында алтын медальді ирландиялық Риз Макленаген иеленді. Оның ұпай көрсеткіші - 15.533. Ал қола медаль америкалық Штефан Недорочектің еншісінде (15.300).

Айта кетейік, Қазақстан қоржынында 1 алтын, 1 күміс және 2 қола бар. Бүгін жарыс жолынан боксшыларымыз үміт күттіреді. Жартылай финалға шыққан отандасымыз Нұрбек Оралбай 80 келі салмақ дәрежесінде Доминикандық спортшы Кристиан Хавьер Пиналеспен жұдырықтасады. 

Сондай-ақ, бүгін мына спорт түрлерінен ел спортшылары бақ сынайды. 

12:00. Ату. Ерлер. Тапаншадан жылдам ату. 25 метр. Іріктеу. Никита Чирюкин

12:30. Стендтік ату. Әйелдер. Скит. Іріктеу (екінші күн)
Әсем Орынбай

13:05. Жеңіл атлетика. Әйелдер. 3000 м с/п. Бірінші кезең.
Нора Джеруто, Дэйзи Джепкемей

13:55. Жеңіл атлетика. Әйелдер. 200 метр. Бірінші кезең.
Ольга Сафронова

14:50. Жеңіл атлетика. Ерлер. 110 м с/б. Бірінші кезең.
Давид Ефремов

15:52 Бокс. Ерлер. Жартылай финал.
80 келі. Нұрбек Оралбай – Кристиан Хавьер Пиналес (Доминикан Республикасы)

16:00. Оқу ату. Ерлер. Тапаншадан жылдам ату. 25 метр. Іріктеу (екінші).
Никита Чирюкин

18:30. Стендтік ату. Әйелдер. Скит. Финал (Іріктеуден сәтті өткен жағдайда)
Әсем Орынбай

Олимпиадаға кеткен боксшыларымыз алтынмен қуанта ала ма? Қазірдің өзінде үміт артқан спортшылардың басым бөлігі ширек финалға жете алмады. Бүгінде түнде Сәкен Бибосынов та өзбек қарсыласына жол берді, деп хабарлайды Алатау телеарнасы. 

51 келі салмақта ел намысын қорғауға шыққан Сәкен Бибосынов ¼ финалда басты қарсыластарының бірі өзбекстандық Хасанбой Дусматовқа жол берді. Отандасымыз өзбек спортшысымен бұған дейін де бірқатар жарыстарда кездескен. Ең соңғы рет былтыр Азия ойындарының екінші айналымында бокстасып, Дусматов жеңіске жеткен еді.

Дусматов – Рио Олимпиадасының чемпионы, ал Бибосынов – Токио Олимпиадасының қола жүлдегері.

Сонымен қатар бұл түнде 80 келі салмақта Нұрбек Оралбай да бақ сынаған. Ол ширек финалда әзербайжандық Мурад Аллахбердиевпен кездесті. Нәтижесінде ұтып, қазақ боксшыларынан бірінші болып жартылай финалға шығып отыр. Осылайша Парижге аттанған ерлер арасында жалғыз өзі медальдан үмітті болып отыр. 

Бүгінде жалпы медальдар кестесі бойынша Қазақстан құрамасы 1 алтын, 2 қола медальмен 25-орынға жайғасты. Ал, жалпы медальдар саны бойынша Қытай құрамасы көшбасшылықты берер емес.

Париждегі Олимпиада ойындары қыза түсті. Дей тұрғанымен алғашқы күндері қоржынға түскен медальдан кейін ел құрамасының арыны басылғандай. 1 тамызда қазақстандық спортшылар спорттың 4 түрінен жарысқа түспек, деп хабарлайды Алатау телеарнасы. 

Яғни, садақ ату, нысана көздеу, дзюдо және бокс. Негізінен үміт шаршы алаңда. Өйткені бүгін қос боксшымыз 1/4 финал бойынша бақ сынайды. Жекелей тоқталсақ: 

 Садақ ату

12:30-16:25, 18:30-22:25. Жекелей сын. Ерлер. Іріктеу.

Дәулеткелді Жаңбырбай – Х. Энрикес (Колумбия)

Александр Еременко – Б.Аддис (Франция)

Нысана көздеу

15:00-16:30. Үш позиция. 50 метр. Әйелдер. Іріктеу. Арина Алтухова, Александра Ле

Дзюдо

13:00-17:00 (Іріктеу), 19:00-22:00 (Финал). 100 келі. Нұрлыхан Шархан – Тома Никифоров (Бельгия)

Бокс

14:00-16:25. 50 келі. Әйелдер. 1/8 финал. Назым Қызайбай – К.Барбоса (Бразилия)

16:30-21:10. 63,5 келі. Ерлер. 1/4 финал. Мұхаммедсабыр Базарбайұлы – Лаша Гурули (Грузия)

23:00-1:25. 92 келі. Ерлер. 1/4 финал. Айбек Оралбай – Лорен Берто Альфонсо Домингес (Әзербайжан).

Жарыстардың басталу уақыты өзгеруі мүмкін. Спортшылар жарыстың басында да, күні бойы басқа уақытта ойын көрсетуі ықтимал. 

Айта кетсек, қазақстандық спортшылар Олимпиада ойындарында спорттың 25 түрінен сынға түседі. Олимпиаданың төртінші жарыс күнінен кейін Қазақстан құрамасының қоржынында 1 алтын, 2 қола жүлде бар. Медальдар кестесінде 15-орынға жайғасты.

Қазақстанда баспана кезегінде тұрған адамдардың жартысы талапқа сай келмейді. Жақын күндері 300 мыңы тізімнен шығарылып тастауы мүмкін, деп хабарлайды Алатау телеарнасы. 

Бұл туралы өнеркәсіп және құрылыс министрлігі жазды. Мәліметке сүйенсек, бүгінде республика бойынша 650 мың адам тұрғын үй кезегінде тұр. Соның ішінде 255 140 жуығы халықтың әлеуметтік жағынан осал топтарға жатады екен. 

"Тұрғын үй кезегінде тұрғандардың тізімін жыл сайынғы түгендеу Қазақстанда 300 мыңға жуық адам тізімнен шығарылуы мүмкін екенін көрсетті. Яғни, тізімде талапқа сай келмейтін, баспанасы бар немесе заң бойынша тұрғын үй алуға өтініш беруге құқығы жоқ адамдар бар", - дейді министрлік мамандары.

Жыл басынан бері әкімдіктер жалпы саны 32 931 азаматты кезектен шығаруға шешім қабылдады. Әрбір өңірде тізімнен шығару себептері ұқсас. Олар:

• - кезекте тұрған адамның және оның отбасы мүшелерінің атында жылжымайтын мүліктің болуы;
• - кезекте тұрған адамның отбасы мүшелері туралы деректердің сәйкес келмеуі;
• - әлеуметтік жағдайының сәйкес келмеуі (толық емес отбасы, 1 және 2 топтағы мүгедектер және т.б.);
• - мемлекеттік қызметші мәртебесінің сәйкес келмеуі (АЖ-де ekyzmet болмауы);

Ағымдағы жылдың мамыр айынан бастап министрлік kezekte.kz ақпараттық жүйесін әзірлеушілермен бірлесіп, сәйкессіздіктер анықталған адамдарға жеке деректерін жаңарту қажеттілігі туралы SMS хабарлама жіберуге шешім қабылдады. Соның нәтижесінде азаматтар тұрғылықты жері бойынша әкімдіктерге мәліметтерді жаңарту үшін белсенді түрде келе бастады. Бүгінгі таңда 34 мың азаматты кезектен шығару туралы шешім қабылданды. Мамыр айынан бүгінге дейін 17 000 азамат кезектен шығарылды.

Парижде өтіп жатқан Олимпиада ойындарында қазақстандық спортшы Ғұсман Қырғызбаев ел қоржынына тоғы бір медаль салды. Дзюдошы белдесуде сербиялық татами шеберінен айласын асырып, қола жүлдегер атанды, деп хабарлайды Алатау телеарнасы. 

Отандасымыз жартылай финалда 24 жастағы бразилиялық дзюдошы Виллиан Лимадан ұтылып қалды. Ал алғашқы айналымда испаниялық татами шебері Давид Гарсия Торнемен белдесіп, қарсыласын жарыс жолынан тайдырса, екінші белдесуінде Олимпиада ойындарының екі дүркін жеңімпазы Оңтүстік Корея өкілі Ан Баулдан айласын асырып, ширек финалға шықты.

Ан Баул Рио Олимпиадасында күміс, Токиода қола медальға қол жеткізген.

Айта кетейік, Ғұсман Қырғызбаев – 2021 жылғы әлем чемпионатының күміс жүлдегері, 2019 және 2022 жылдары өткен Азия біріншіліктерінің қола медаль иегері.

Бұған дейін Қазақстан құрамасына алтын сыйлаған Елдос Сметов жайлы жазған едік. Қазіргі уақытта ел қоржынында 1 алтын, 2 қола медаль бар. 

Дзюдодан Қазақстан командасының белді мүшесі Елдос Сметов Париж Олимпиадасының чемпионы атанды. Байрақты бәсекеде ел жалауын көтерген спортшыны Мемлекет басшысы құттықтады, деп хабарлайды Алатау телеарнасы. 

Елдос Сметов Париж Олимпиадасында ел қоржынына алғашқы алтын медальді сыйлады. Қазақ балуаны Париждегі ойындардың финалында Лука Мхеидземен (Франция) күресіп, қарсыласынан басым түсті.

Ол бұған дейін 2016 жылы Рио Олимпиадасында күміс алған еді. Ал Токиодағы ойындарда үздік үштікті түйіндеген. Енді бүгін көптен күткен алтын медальға қол жеткізіп отыр. 

Спортшымызды Мемлекет басшысы Қасым-Жомарт Тоқаев телефон шалып, оны Олимп шыңын бағындыруымен құттықтады

“Қазақтың рухын, жалпы халқымыздың мықты мінезін көрсеттің. Бәріміз сені мақтан тұтамыз. Сөзіңде тұрдың, тамаша жеңіске жеттің, нағыз жігітсің! Сен сияқты жігіттердің арқасында туымыз әрқашанда асқақтап, желбірей берсін. Жаңа жеңістерге жете бер. Саған және отбасыңа аманшылық тілеймін. Астанада кездескенше!” – деді Президент.