НОВОСТИ

Әлемде алтын бағасы тағы да қымбаттауы мүмкін. Экономикалық және саяси белгісіздік жағдайында әлемдік нарықтарда алтынға деген қызығушылық артып келеді. Талдаушылар жақын арада бағалы металл бағасының одан әрі көтеріле беретінін айтуда, деп хабарлайды Алатау телеарнасы ҚазАқпаратқа сілтеме жасап.

Алтын бағасы соңғы бірнеше жылда айтарлықтай өскенімен, өсім әлі аяқталмаған болуы мүмкін. CBS News  жазуынша, Таяу Шығыстағы қақтығыс пен басқа да геосаяси төңкерістерге байланысты көптеген инвестор алтынның «қауіпсіз айлағына» ағылып, бұл бағаның өсуіне әкеледі.

Америкалық бағалы металдар биржасының (APMEX) контент жөніндегі директоры Бретт Эллиоттің пікірінше, ең оптимистік болжам – алтын бағасы унциясына 6 мың долларға жақындап, бұл белгіден асып кетуі де мүмкін. Сарапшы егер бұл орын алса, бұл айтарлықтай өзгеріс әкеледі және өткен жылы алтын бағасының 65%-ға өскенін ескергенде, өте ықтимал жағдай.

Midas Funds портфолио менеджері Томас Уинмилл атап өткендей, алтынның соңғы 10 жылда жыл сайын орта есеппен 15%-ға қымбаттаған, ал әлемдік ақша массасы соңғы бір жылда шамамен 10%-ға өсті. Сарапшы алтынның жылдық өсу қарқыны 10%-ға «қалыпты» деңгейге оралатынын шамалап отыр.

Сарапшылардың болжамдарына қарамастан, алтынның болашағы белгісіз. Алтын бағасы төмендесе де, ұзақ мерзімді инвесторлар бүгінде алтын сатып алудан пайда таба алады.

Сарапшылардың айтуынша, бағалы металл құны тарихи тұрғыдан жылына шамамен 10%-ға өскен, сондықтан ұзақ мерзімді инвестициялардың көптеген жылдар, тіпті ондаған жылдарға созылғандықтан инвесторлардың көпшілігі жақсы кіріс табады.

"Егер сіз алтынды айлар бойы емес, жылдар бойы сақтауды жоспарласаңыз, инвестицияңыздың өтелу ықтималдығы айтарлықтай артады", - деп санайды Бретт Эллиотт.

Қаңтар айында алтын бағасы тарихта алғаш рет 5600 доллардан асып, бірақ Таяу Шығыстағы қақтығысқа байланысты арзандаған еді. 

Елімізде орташа өмір сүру ұзақтығы рекордтық көрсеткішке жетіп отыр. Соңғы деректерге сүйенсек, 30 жыл ішінде Қазақстан азаматтарының орташа өмір сүру ұзақтығы 8 жылға өскен, деп хабарлайды Алатау телеарнасы. 

Спутниктің жазуынша, Қазақстан тарихында тұңғыш рет өмір сүру ұзақтығы 75,97 жасқа жетіп отыр. Денсаулық сақтау министрлігі жариялаған мәліметке сүйенсек, бұл тәуелсіздік алған жылдарда болған абсолютті рекорд.

Елімізде бензин бағасы біртіндеп көтерілуі мүмкін. Бұл туралы Энергетика вице-министрі Ерлан Ақпаров айтты, деп хабарлайды Алатау телеарнасы ҚазАқпаратқа сілтеме жасап. 

"Жалпы, өткен жылдардағы тәжірибе көрсеткендей, бағаның күрт өсуі болмайды. Біртіндеп-біртіндеп көтерілетін шығар. Қанша пайызға көтерілетінін нақты айта алмаймын", - деді вице-министр елордада өтіп жатқан GECA 2026 халықарлық геологиялық форумы аясында агенттік тілшісінің сауалына орай.

Естеріңізге сала кетсек, өткен жылдың 16 қазанынан бастап инфляция деңгейі тұрақтанғанға дейін АИ-92 маркалы бензин мен дизель отыны бағасын одан әрі көтеруге мораторий енгізілген еді. Сол кезден бастап Энергетика министрлігі Бәсекелестікті қорғау және дамыту агенттігімен және өңір әкімдіктерімен бірлесіп, тиісті қадағалау жүргізді. Сондай-ақ ішкі нарықты жанар-жағармаймен үздіксіз қамтамасыз ету үшін қажетті шаралар қабылдады. 

Мораторий осы жылдың 1 сәуірінде аяқталды.

Еліміздің басым бөлігінде күн райы жауын-шашынсыз болмақ. Тіпті кей өңірлерде +32 градусқа дейін ысиды, деп хабарлайды Алатау телеарнасы. 

Мұндай мәліметті Казгидромет жариялады. Синоптиктер алдағы үш күнге 31 наурыз бен 1, 2 сәуірге арналған ауа райы болжамын жариялады.  

Республиканың басым бөлігінде жауын-шашынсыз, жылы көктемгі ауа райы сақталады. Тек батыс өңірлерде және оңтүстік облыстардың таулы аймақтарында атмосфералық фронттардың өтуіне байланысты найзағай ойнап, жаңбыр жауады, батыста кей уақыттарда нөсер жаңбыр болады. Сондай-ақ желдің жылдамдығы 15–20 м/с дейін күшейеді. Түнгі және таңғы уақытта республика бойынша тұман түсуі мүмкін.

Күндіз ауа температурасы:

солтүстік-батыста +17…+26°С,
солтүстікте +13…+20°С,
орталықта +12…+23°С,
шығыста +5…+22°С,
оңтүстік және оңтүстік-шығыста +23…+32°С,
ал батыста +20…+25°С-тан +13…+20°С-қа дейін төмендейді.

Шетелдегі қазақстандықтарға төлқұжат дайындау уақыты екі есе қысқарады. Сыртқы істер министрлігі "Open NPA" порталында бұйрық жобасын жариялады, деп хабарлайды Алатау телеарнасы. 

Спутниктің жазуынша, құжатта шетелде тұратын азаматтардың төлқұжаттарын өңдеу мерзімі 90 жұмыс күнінен 40 жұмыс күніне дейін қысқартылатыны айтылған.

Орталық референдум комиссиясы жаңа Конституция қабылданды деп таныды. Бұл туралы аталған комиссия төрағасы Нұрлан Әбдіров мәлім етті, деп хабарлайды Алатау телеарнасы ҚазАқпаратқа сілтеме жасап. 

"Республикалық референдум туралы коституциялық заңнаманың нормаларына сәйкес, егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналады. Республикалық референдумға шығарылған мәселе бойынша, атап айтқанда жаңа Конституцияны қабылдау бойынша шешім егер оны жақтап облыстардың, республикалық маңызы бар қалалардың және астананың үштен екісінде дауыс беруге қатысқан азаматтардың жартысынан астамы жақтап дауыс берсе, қабылданды деп есептелінеді", — деді ол.

Осы орайда комиссия төрағасы әр өңірде осы шешімді жақтап азаматтардың басым көпшілігі дауыс бергенін айтты.

"Осылайша, Республикалық референдум туралы заңнамадағы елдің 20 өңірінің үштен екісінде дауыс беруге қатысқан азаматтардың жартысынан астамының оң шешімді жақтап дауыс беруі туралы талап сақталды. Сондықтан жаңа Конституция қабылданды деп танылады. Референдумға қатысуға құқығы бар республика азаматтарының жалпы саны 12 млн 482 мың 613 адам. Дауыс беруге қатысқан азаматтардың саны — 9 млн 127 мың 192 адамды немесе референдумға қатысуға құқығы бар азаматтар санының 73,12 пайызын құрады, — деді комиссия төрағасы Нұрлан Әбдіров. 

Оның айтуынша, жаңа Конституцияны қабылдау туралы мәселенің оң шешімін жақтап, дауыс берген азаматтар саны еліміздің барлық өңірінде дауыс беруге қатысқан 7 млн 954 мың 666 адам немесе 87,15 пайыз болды.

"Референдумға қойылған мәселені қабылдамаған азаматтар саны — 898 099 адам. Жауаптардың екі нұсқасы да таңдалған, яғни жарамды деп танылған, бірақ дауыстарды санау кезінде есепке алынбайтын бюллетеньдер саны — 127 868. Белгіленбеген үлгідегі сондай ақ дауыс бергендердің ерік білдіруін айқындау мүмкін емес және жарамсыз деп танылған бюллетеньдер саны — 146 558. Республикалық референдум туралы заңнаманың нормаларына сәйкес, егер референдумға қатысу құқығы бар азаматтардың жартысынан көбі дауыс беруге қатысқан болса, референдум өткізілген деп саналады", — деді Нұрлан Әбдіров.