https://www.youtube.com/embed/HHhKjRBFnMI?si=JUvPMiv_sqYOtims" 

8 ақпан түнгі сағат 02 ден жиырма минут өткенде Медеу ауданының «Тау Самалы» шағын ауданындағы Олимпиский көшесі бойында лай көшкіні жүріп,салдарынан төрт адам үйінді астында қалып қаза тапты. Апаттан  екі жеке тұрғын үй, олардың бірі жартылай зақымданды.Медеу ауданының әкімі Еркебұлан Оразалин лай басып қалған үйде ерлі-зайыпты мен 2007 жылы туған егіз ұлдары тұрғанын айтты.Оқиға орнында "Қазсселденқорғау" ММ, Алматы қаласы "109 құтқару қызметі" Республикалық жедел-құтқару жасағы, Алматы қ. ТЖД, жедел жәрдем бригадасы, Медеу ауданы әкімдігінен 160 адам және 30 бірлік техника құтқару жұмыстарын жүргізді.Құтқарушылар оқиға орнынан 1984 жылы туған ер адам мен 1980 жылы туған әйелдің және 2007 жылғы екі жас жігіттің денесін шығарды», - деп хабарлады қалалық ТЖД.  Алматы қаласының әкімі Ерболат Досаев оқиға орнына барды.

ЕРБОЛАТ ДОСАЕВ АЛМАТЫ ҚАЛАСЫНЫҢ ӘКІМІ

Төтенше жағдайлар министрлігінің психологтары марқұмдардың туыстары мен көршілеріне жедел психологиялық көмек көрсетті. Қаза тапқан жандардың барша туыстарына арнамыздың атынан қайғыра көңіл айтамыз.

https://www.youtube.com/embed/cPZD26vf-G0?si=yMRxaVc7dG1Z3iqy" 

Коста-Рикада улы жыландардың жиырмадан астам түрі мекендейді. Ал, Клодомиро Пикадо институтында ветеринарлар өлімге әкелетін уды алу үшін тың дүниені жүзеге асыруда. Ол антидот жасау үшін қолданылады. Содан кейін ол бүкіл әлемге экспортталады.

ЖАСМИН АРИАС ВЕТЕРИНАР: «Біз жыланды басынан ұстаймыз, ал денесінің қалған бөлігін шыны ыдысқа саламыз. Алдымен тістерді ашамыз, содан кейін уландыратын бездерге массаж жасаймыз. Осыдан кейін біз жануардың аузын дезинфекциялап, оны террариумға қайтарамыз».

Процестің келесі кезеңі жылқы фермасында өтеді.  Жыланның уын жылқыларға аз мөлшерде құяды. Бұл иммундық реакцияны тудырады. Жылқының денесіне кейінірек жойылатын антиденелер шығады.

МАУРИСИО АРГУЕДАС ВЕТЕРИНАР: «Біз жылқыдан қан жинаймыз. Қан әртүрлі элементтерге бөлінеді: плазма - сұйық бөлік, ал жасушалар - тығыз бөлік. Соңғылары анемияны дамытпау үшін жылқыға құйылады. Ал плазма өндірістік зертханаға жеткізіледі, онда антиденелер алынады».

Жылқыға уды енгізудің ұзақ мерзімді әсері зерттелмеген. Бірақ мал дәрігерлері малдың денсаулығын жіті қадағалап отырғандарын айтады. Олардың айтуынша, жылқыларға 30 жыл бойы у егілгені туралы деректер бар. Оның үстіне жылқының орташа өмір сүру ұзақтығы 30-40 жыл.

ЭДУАРДО СЕГУА ВЕТЕРИНАР: «Химиялық процестерді қолдана отырып, біз жылқыларға енгізілген уға қарсы арнайы антиденелерді бөліп аламыз. Бұл антиденелер тазартылады, зарарсыздандырылады, содан кейін қалпына келеді».

Институт жылына 100-150 мың доза шығарады. Олар Орталық және Оңтүстік Америкаға, Азияға және Африканың алтыдан астам еліне жіберіледі. Дүниежүзілік денсаулық сақтау ұйымының мәліметі бойынша жыл сайын әлемде 5,4 миллион адамды жыландар шағып алады. Соның салдарынан 83-138 мың адам көз жұмады.

https://www.youtube.com/embed/XufCm98nxkU?si=smGFLly1Q4N1mjK7" 

Израиль Премьер-Министрі Биньямин Нетаньяху ХАМАС-тың анклавтан әскерлерді шығару туралы ұсынысын қабылдамады. Ол баспасөз мәслихатында Газа секторы толық жеңіске жақын тұрғанын айтты. 

БИНЯМИН НЕТАНЬЯХУ ИЗРАИЛЬ ПРЕМЬЕР-МИНИСТРІ: «Толық жеңістен басқа шешім жоқ екенін тағы да атап өткім келеді. Егер Хамас Газа секторында аман қалатын болса, келесі қырғынға дейін Иранның зұлымдық әрекеті мен оның сенімді өкілдерінің кісі өлтіруін жалғастыру-жалғастырмауы уақыт еншісінде қалмақ».

Хамас төрт жарым айға атысты тоқтатуды ұсынды. Оның барысында содырлар барлық қалған израильдіктерді босатып, өлген тұтқындардың денелерін тапсырады. Өз кезегінде ХАМАС Израильден Газа секторынан әскерлерін шығаруды талап етті. Осыдан кейін тараптар бітімгершілік келісіміне қол қоюы керек еді. Бірақ Израиль бірнеше рет уақытша атысты тоқтатудан басқа ештеңені жоққа шығармады. Ол сондай-ақ ХАМАС бақылауындағы Газадан кетуден үзілді-кесілді бас тартты. Содырлардың бұл ұсынысын алғаш рет Reuters хабарлады. Бұл американдық және израильдік барлау қызметінің бұған дейінгі ұсынысына жауап болды, оны Катар мен Мысыр делдалдары жеткізген. Соңғы күндері атысты тоқтатуға қол жеткізу үшін қарқынды дипломатиялық әрекеттер жасалды. Осылайша, жақында АҚШ Мемлекеттік хатшысы Энтони Блинкен Премьер-Министр Беньямин Нетаньяхумен кездесті. Сонымен қатар, ХАМАС-тың жоғары лауазымды мүшесі Египет пен Катардың арағайындығымен атысты тоқтату туралы келіссөздерді жалғастыру үшін Каирге топ жіберілмек.

7 қазанда Хамас шабуылынан 1200-ге жуық израильдік қаза тапқаннан бері Израиль Газа секторында әскери операциялар жүргізуде. Олар осы уақытқа дейін бір-ақ рет үзіліс жасаған. Жеті күндік атысты тоқтату келісімі 100-ден астам кепілге алынғандарды Израильге қайтаруға мүмкіндік берді. Оның орнына Израиль   түрмелерінде жазасын өтеп жатқан көптеген палестиналық тұтқындар босатылды.

https://www.youtube.com/embed/7KtktnXFbZs?si=XY3fPxuX0voDjNGD" 

Бір жылдың ішінде онкологиялық ауруға шалдыққан ақмолалықтардың саны он мыңға жеткен. Дегенмен аталмыш дерттен көз жұмғандар саны азайып келеді. Басты себеп, дәрігерлер жүргізіп отырған ауруды алдын ала анықтау шаралары.

Өткен жылы 2000 жуық өңір тұрғыны қатерлі ісік індетіне шалдыққан. Бұл соңғы 20 жылда болмаған көрсеткіш. Әсіресе, сүт безі обырына ұрынғандар өте көп. Мәселені біржақты етіп, науқастарға паллиативтік көмектің қолжетімділігін жақсарту үшін медициналық-санитариялық алғашқы көмек көрсету ұйымдарында жеті мобильді бригада құрылған. 

БОЛАТ ӘБІШЕВ АҚМОЛА ОБЛЫСЫНЫҢ ШТАТТАН ТЫС БАС ОНКОЛОГ ДӘРІГЕРІ: «2022 жылға қарағанда өткен жылы ауруды соңғы кезеңде анықтау көрсеткіші 20 процентке төмендеді. Ал, онкология дертін нөлінші, бірінші кезеңінде, яғни, ерте анықтау 17 процетке жоғарылады. Бұл өте жақсы көрсеткіш. Әрине, жақсы нәтижеге қол жеткізудің бірден бір себебі уақытылы өткізілетін скринингтер.  Бізде ең маңызды үш скрининг бар. Ол сүт безі обыры, жатыр мойыны және тік ішек обыры. Өткен жылы 115 мың адам осы скринингтерден өткен. Нәтижесінде, біз жақсы көрсеткішке қол жеткізіп отырмыз».

Онкологияны жеңіп шыққан жандардың бірі – Целиноград ауданының тұрғыны Светлана Нефельд. Ол елуден асқан шағында денсаулығының сыр бере бастағанын байқайды. Уақыт созбай, дәрігерлерге қаралып, қажетті тексерістен өткен.

СВЕТЛАНА  НЕФЕЛЬД ЦЕЛИНОГРАД АУДАНЫНЫҢ ТҰРҒЫНЫ: «Менде онкологияның жеңіл түрі болды. Сондықтан, сәуле арқылы емдеді. Көп ұзамай толық айығып шықтым. Қазір онколог дәрігерлердің жіті бақылауындамын. Барлығына айтарым, уақыт созып жүріп алмай, күдіктенсеңіз бірден дәрігерлерге қаралу керек. Ертерек емделсеңіз, жаман ауруды да жеңуге болады екен».

Денсаулық сақтау саласындағы жағдайды реттеп, онкология ауруына шалдыққандар санын азайту үшін медицналық мекемелердің материалдық-техникалық базасын нығайту қажет,-дейді дәрігерлер. Ал, тұрғындардың  мамандардың шақыруына бей-жай қарамай, әр тексерістен уақытылы өтіп тұрғандары абзал болмақ.

https://www.youtube.com/embed/gvXu2n1bjQo?si=zIDhVl64_s5GLy1I" 

Батыс Қазақстан облысында табиғаттың тосын мінезі елді әбден әбігерге салды. Қала іргесінде орналасқан Подстепное ауылы тұрғындары қиын жағдайға тап болды. Қатты жел салдарынан тұрғын үйлердің шатыры ұшып, елдімекен жарықсыз қалды.

БҚО өңірінде соққан қатты желдің салдары  Подстепное ауылына қарасты Жарқын шағынауданындағы тұрғын үйлеріге зардабын тигізді.Салдарынан тұрғын үйлердің шатырларын жұлып әкеткен. Жауапты мердігер мекеме өкілінің айтуынша, қазір тіреу ағаштарын бекіту жұмыстары жүргізіліп жатыр. Күн райы қалыпқа келіп, жел басылғаннан соң шатыр жабынын жөндеуге кіріспек.

ЕСЖАН ШОНАЕВ МЕРДІГЕР МЕКЕМЕ ӨКІЛІ: «Тұрғын үй 2020 жылы пайдалануға берілді. 5 жыл кепілдік мерзімі бар. Сол себепті қалыпқа келтіру жұмыстары біздің қаражат есебінен жүргізіледі. Шығын көлемін әлі есептейміз».

Екпінді желдің кесірі  электр желілерінің де үзілуіне сеп болған.Бүгінде 4 елдімекен жарықсыз қалған.

МЕЙІРБЕК СҰЛТАНОВ ПОДСТЕПНОЕ АУЫЛДЫҚ ОКРУГІНІҢ ӘКІМІ

Ауа-райының тосын мінезі БҚО-да ғана емес, көрші өңірлерде де байқалып тұр. Инфрақұрылымдық жүйелерге зардабын тигізуде.

https://www.youtube.com/embed/oiU2g_0YYGg?si=qZ5BSFEj5ctJ2aJQ" 

«Қазгидромет» 8 ақпанға арналған ауа райы болжамын жариялады. Синоптиктердің болжамы бойынша, республиканың басым бөлігінде жаңбыр мен қар жауады. Оңтүстіктің таулы аймақтарында, солтүстік-батыста, солтүстікте және оңтүстік-шығыстың таулы аймақтарында қалың қар түседі. Еліміз бойынша, тұман түсіп, көктайғақ болады, жел күшейеді. Солтүстік-батыста және солтүстікте бұрқасын болады, дауыл соғады.

Қостанай облысының батысында, оңтүстігінде, шығысында, Ақмола облысының батысында, солтүстігінде, шығысында, Солтүстік Қазақстан облысының оңтүстігінде, батысында күші 30 м/с және одан да жоғары жел тұратындығын ескертеді.Сондай-ақ айтулы күндері азаматтарға алыс жолға шықпауға шақырады.

https://www.youtube.com/embed/56FznSgzLGQ?si=toDiyVuIPXvFdHgk" 

Маңғыстау өңіріне қарасты Жаңаөзен қаласында апатты жағдайда тұрған 9 үй бар. Қабырғасы сөгіліп,күннен-күнге шөгіп бара жатқан баспана бір күні опырылып ортасына түсе ма деп алаңдайды,тұрғындар. Бұдан басқа барар жері жоқ олар, жандарын шүберекке түйіп отырудан басқа амалдары қалмаған.Жергілікті биліктен күдерін үзіпті. Келесі тақырыпқа назар аударсақ.

Бұл баспаналардың іргетасы 1967-1978-ші жылдардың аралағында қаланған. Содан бері жөндеу көрмепті.Қабырғаларынан саңылау көрінеді, төмен қарай шөгіп бара жатқаны тағы бар.Тіпті үйге кіретін есігі де ашылмай қалыпты. Асыл Нарынбаеваның қауіпті баспанада тұрып жатқанына 10 жылдан асыпты. Қазір үйге кіріп-шығу мұңға айналған соң, пәтер жалдап тұруға мәжбүр болған.

АСЫЛ НАРЫНБАЕВА ТҰРҒЫН: «Мына үйлер жарылып бастады. Есік ашылмай қалды. Астынан су ағады. Сосын барлық заттарымызды алып көшіп кеттік. Қайтейік енді? Балалар, келін, инвалид шал бар».

Үй деп айтуға келмейді-ау, өйткені қазіргі сиқы мынау. Жер төлесі үнемі суға толып,кәріз құбырлары жиі жарылады. Шатыры жаңбыр жауған күні қорған бола алмайды. Себебі әбден тозығы жеткен, шұрқ тесік.Ал жергілікті биліктің мән беретін түрі жоқ дейді тұрғындар.

АЙМАН ЖАРЫЛҒАСОВА ТҰРҒЫН: «Ешқандай келген комиссия жоқ. Үй апаттық жағдайда. Астында құбырлар жарылып, су кетіп тұр. Жазда иіс отырғызбайды. Шағатын заттар отырғызбайды.Үй қопарылып, опырылып жатыр. Ешқандай әкімдіктің адамдары келген емес».

Ал жауапты мамандар бұл проблемамен жақсы таныс екендерін, мәселені шешу жолдарын қарастырып, тіпті арнайы бағдарлама әзірленгенін алға тартуда. Олардың дерегі бойынша осындай жағдайдағы 40 жуық баспанаға сараптама қорытындысы жасалған. Оның 26-на күрделі жөндеу қажет болса, 14-і сүрілуі тиіс.

СӘМИ ӘДІЛЕТ ЖАҢАӨЗЕН ҚАЛАЛЫҚ ТҮКШ БӨЛІМІ БАСШЫСЫНЫҢ МІНДЕТІН АТҚАРУШЫ: «Реновация бағдарламасын қабылдадық мәслихат шешімімен. Бұл бағдарлама күрделі жөндеуді қажет ететін үйге инвестор тарту арқылы жаңа үй салу. Тұрған қабатын, шаршы метрін сақтау отырып дәл сондай үй салатын боламыз. Ол жұмысты наурыз айында бастаймыз».

Әкімдіктің сөзіне сенсек, баспана салып беруге ынта білдірген мердігер мекемелер баршылық екен. Құрылыс жұмыстары біткенше паналайтын жер сұрағандар көп.Барлық өтініштерді ескере отырып, жалдамалы пәтерлерді ұсынып көрмекке бел буып отыр.

https://www.youtube.com/embed/VQETLvCeLEI?si=_JW2zZMg7Qkj6vwb" 

https://www.youtube.com/embed/MQllFsj2mx8?si=8mmtA8o0ygrg3Yzl" 

Биыл Кеңес әскерлерінің Ауғанстаннан шығарылғанына 35 жыл толады. Осыған орай алматылық ардагерлерге 100 мың теңге көлемінде бір реттік төлемақы беріледі. Бұл туралы өңірлік коммуникациялар қызметінің алаңында өткен баспасөз мәслихатында Ауған соғысы ардагерлері мен мүгедектерін үйлестіру кеңесінің төрағасы Мұрат Әбдішүкіров айтты.

МҰРАТ ӘБДІШҮКІРОВ АУҒАН СОҒЫСЫ АРДАГЕРЛЕРІ МЕН МҮГЕДЕКТЕРІН ҮЙЛЕСТІРУ КЕҢЕСІНІҢ ТӨРАҒАСЫ: «Алматы әкімдігі ауған ардагерлеріне қолдау көрсетіп келеді. Биыл 15 ақпан мен 9 мамыр күндері ардагерлер 100 мың теңгеден алады. Сондай-ақ, Ауған соғысының ардагерлері медициналық көрсеткіштері бойынша санаторий-курорттық ем алады. Қазір квота жылына 170 жолдамаға дейін ұлғайтылды».

https://www.youtube.com/embed/ng3-h817X3E?si=uvgBPznxIF93NQmk" 

Апат айтып келмейді. Алматы облысы,Қарасай ауданы,Іргелі ауылдық округінің әкімшілік ұжымы қар көбесі сөгіле орын алып жататын сел қауіптерінің алдын алуға,жақында болған шаһардағы жер сілкінісінен секем алған тұрғындарға үгіт насихат жүргізу мақсатында сақтық шараларын жүргізді. Оқу жаттығуға Қарасай ауданы ТЖБ бригадасы,жедел жәрдем бригадасы,Алатау жарық компаниясы, округке қарасты мекемелердің барлығы дерлік жұмылдырылды. Мекемелрдің техникалық базалары тексерістен өткізіліп,олқылық орын алып жатқан тұстарына сын ескертпе берілді. Жұмылдыру жұмыстарына жиылған жұртқа әкім қандай жағдай орын алса да дүрбелеңге салынбауға үндеді.

АРМАН ҚАМАЛБЕК АЛМАТЫ ОБЛЫСЫ,ҚАРАСАЙ АУДАНЫ ІРГЕЛІ АУЫЛДЫҚ ОКРУГІНІҢ ӘКІМІ

https://www.youtube.com/embed/uOuGTKkSf1w?si=DVHzb-VvOXO_EV6l" 

Бір аптадан аз уақыт ішінде екінші Тынық мұхиттық дауыл Америка Құрама Штаттарының Батыс жағалауына жетті. Ол «Pineapple Express» деп аталды. Атмосфералық өзен Оңтүстік Калифорнияға қатты жаңбыр әкеліп, қала көшелерін су басып, көптеген көшкіндердің пайда болуына ықпалын тигізіп отыр.

Аризонаның оңтүстік-батысында да нөсер жауған. 35 миллионға жуық адам тұратын аймақтар зардап шекті. Бірқатар аймақтарда су тасқыны, қатты жел және қар жаууы сияқты төтенше жағдайға байланысты ескерту жарияланды. Ұлттық ауа райы қызметі бұрын-соңды болмаған жауын-шашынды тіркеді. Оның айтуынша, жексенбіден бері елдің екінші үлкен қаласы Лос-Анджелес аймағында 250 миллиметрден астам жаңбыр жауған. Бұл атақты Беверли-Хиллз қалашығы.Мұнда көліктер мен үйлерді лай ағындар басып жатыр.

ЖЕРГІЛІКТІ ТҰРҒЫН: «Біз Beverly Park Estate деп аталатын қаланың астында орналасқанбыз. Онда көптеген атақты адамдар тұрады. Мысалы, Адель жоғарыда тұрады. Бұрын Сильвестр Сталлоне де сонда тұрған. Қалашық шамамен 25 жыл бұрын салынған».

Құтқарушылар зардап шеккен аймақтардың барлығында көшкін қаупі сақталып отырғанын айтады.

КОДИ ВАЙРЕТЕР ҚҰТҚАРУШЫ: «Ауа райының әсерінен сел жүру қаупі жоғары болды. Қазір оқиға орнында жұмыс істеп жатырмыз. Шамамен жеті үй зардап шекті. Мұндай дауылмен су мөлшері артқан сайын әсер бірте-бірте күшейеді. Топырақтың қаныққандығы сонша, ол басқа суды сіңіре алмайтын деңгейге жетеді. Сол кезде топырақтың ауысуы орын алады».

Бірінші дауыл жексенбі күні Солтүстік Калифорнияда болды. Жүйе оңтүстікке қарай жылжыған сайын жауын-шашын көбейді.

https://www.youtube.com/embed/xjzWCrjOuwc?si=hRv0bAsRcP4Hdjix" 

Канада үкіметі шетелдік студенттердің жұмысына шектеу қоюды жоспарлап отыр. Ел білім алуға ұмтылған шетелдіктердің бұрын-соңды болмаған ағынымен бетпе-бет келіп отыр. Олар жеңілдетілген көші-қон ережелерін пайдаланбақ. Енді университет студенттері аптасына ең көбі 20 сағат жұмыс істей алады. Бұған дейін ол 40 сағат болатын.

СТУДЕНТ: «Олар бұл туралы студенттердің көзқарасы бойынша ойлаған жоқ деп ойлаймын. 30 мың доллар университет үшін өте үлкен сома. Мен ата-ананың мұндай ақшаны қайдан алатынын білмеймін».

Канадада халық санының рекордтық өсімі байқалады. Бір жыл ішінде ол 3,2 пайыздан асты. Мұндай көрсеткіштер өткен ғасырдың 50-жылдарынан бері байқалмаған. Бұл ретте өсім мигранттар: шетелдік жұмысшылар мен студенттер есебінен. Жалпы, студенттер ел халқының 2,5 пайызын құрайды. Жаңа шектеулер енгізілгеннен кейін азық-түлік қызметі мен бөлшек сауда секторларында жұмысшылардың уақытша жетіспеушілігі болады деген алаңдаушылық бар.

МАКСИМИЛИАН РОЙ КАНАДА РЕСТОРАТОРЛАР ҚАУЫМДАСТЫҒЫНЫҢ ВИЦЕ-ПРЕЗИДЕНТІ: «Студенттер біздің барлық қызметкерлердің 4,6% құрайды. Бұл саланың өте маңызды бөлігі және біз оның әлі де қолжетімді екеніне көз жеткізгіміз келеді».

Бұл ретте үкіметтің мақсаты – жалақы инфляциясының қарқынын тоқтату және қолжетімді жалдамалы баспанаға сұранысты азайту үшін студенттер санын азайту. Канаданың денсаулық сақтау жүйесі де үлкен қысымға ұшырауда, өйткені дәрігерлер аз және медициналық көмек сапасы төмен. Сауалнама көрсеткендей, канадалықтардың жартысынан көбі елдің азырақ халықаралық студенттерді қабылдауы керек деп санайды.