- Толығырық
- Категория: Алатау ақпараты
- 270 рет қаралды
https://www.youtube.com/embed/7uNCxDIJYWE?si=EoAagWMSk9yheXxc"
Ауған соғысының ардагерлері майданда өздерімен бірге болып, ұрыс даласында ерлік көрсеткен достары Серікбай Жүсіповтың балаларына көмек қолын созуда. Соғыстан аман оралған Серікбай Жүсіпов тағдырдың жазуымен осыдан екі жыл бұрын ковид індетінен көз жұмған болатын.Марқұмның жұбайы да созылмалы дерттен мәңгілік өмірге аттанған. Ел аман,жұрт тынышта жетім қалған үш баласын,нағашы әжелері қолына алып,бағып-қағып отырған жайы бар.
ӘЛИ ДАУЫЛБЕК «АБЫРОЙ» АУҒАН СОҒЫСЫ АРДАГЕРЛЕРІ ОДАҒЫНЫҢ ТӨРАҒАСЫ
Нағашы әжелерінің қолында өсіп жатқан үш бала,біздің де баламыз деп қарайтын ауғандықтар, олар тұратын баспананың тарлығы қолайсыздық туғызып отырғанын көзіміз көріп отыр дейді. Көп түкірсе көл болады, бірлесіп жылу жинасақ қосымша бөлме салып беруге мүмкіндік туар деген үмітте.
ӘЛИ ДАУЫЛБЕК «АБЫРОЙ» АУҒАН СОҒЫСЫ АРДАГЕРЛЕРІ ОДАҒЫНЫҢ ТӨРАҒАСЫ
- Толығырық
- Категория: Алатау ақпараты
- 258 рет қаралды
https://www.youtube.com/embed/ESIivIxCneE?si=UXP-ub7PZpT_ib06"
- Толығырық
- Категория: Алатау ақпараты
- 270 рет қаралды
https://www.youtube.com/embed/_i1jz21H3eY?si=4FHUgC3RwWk3KMG5"
Қызылша дертін жұқтырған 30 баланың жағдайы тым ауыр. Олар жан сақтау бөлімінде ем алып жатыр. Сондықтан, бүгін Үкімет басшысы Әлихан Смайылов жергілікті әкімдер мен денсаулық сақтау басқармасына жағдайды қатаң бақылауда ұстап, екпе жұмыстарын күшейтуді тапсырды. Одан бөлек, Үкіметте жол сапасына қатысты мәселе қаралды. Елімізде тағы қандай жолдар ақылы болады, тариф қымбаттай ма? Ол жайлы толығырақ тілшіміз тарқатып берсін.
Қызылшаға немқұрайлы қарамау керек. Ауру асқынса, соқырлыққа әкелуі мүмкін деген дәрігерлер дабыл қағып отыр. Биыл еліміз бойынша қызылшаны жұқтырудың 17 мыңнан аса дерегі тіркелген десек, оның 82 пайызы балалар.
АЖАР ҒИНИЯТ ҚР ДЕНСАУЛЫҚ САҚТАУ МИНИСТРІ: «Стационарлық емделуге 2375 бала жатқызылды, төсек орны 60 пайызға жетті. Резервте 1093 орын бар. 30 бала реанимация бөлімінде жатыр. Олардың жағдайы ауыр. Оның ішінде 1 жасқа дейінгі – 15 бала бар. Өлім-жітім жоқ. Жағдайы ауыр балалардың бәрі министрліктің бақылауында».
Қызылшаның ең жоғарғы деңгейі: Шымкент, Алматы қалалары мен Жамбыл облысында тіркелді. Одан өзге де барлық өңірлерде ауру асқынып тұр. Вирусты жұқтырғандардың басым көпшілігі екпе алмағандар.
ӘЛИХАН СМАЙЫЛОВ ҚР ПРЕМЬЕР-МИНИСТРІ: «Қызылша асқынып кетсе, балалардың денсаулықтарына аса қауіп төндіреді. Сондықтан, онымен тек денсаулық сақтау жүйесі ғана емес, бүкіл қоғам болып, күресуіміз қажет. Бала денсаулығы басты назарда болуға тиіс. Вакцина алудан басқа, мұндай қауіпті вируспен басқаша күресу мүмкін емес. Сондықтан, екпе алуды күшейту қажет».
Сондай-ақ бүгін Үкіметте жолға қатысты мәселе қаралды. Бұдан былай сапаны бақылау орталығы тек республикалық маңызы бар жолдарды ғана емес, ауыл ішіндегі жолды да тексеретін болады. Айтпақшы, елімізде 2029 жылға қарай 11 мың шақырым ақылы жол салынады. Тариф те қымбаттауы мүмкін.
МАРАТ ҚАРАБАЕВ ҚР КӨЛІК МИНИСТРІ:«Қазақстандағы ақылы жолдар тарифтері, жақын және алыс шет елдермен салыстырғанда ең төмен екенін айта кеткен жөн. Соңғы уақытта, транзиттік ағынның өсуіне байланысты, жөнделген жолдарды нормативтік жағдайда сақтау үшін, жол ақысын қайта қарау бойынша жоспарлы жұмыстар жүргізілуде. Ақылы жүйе, бірінші кезекте транзиттік көлік құралдарынан қаражат жинауға бағытталғанын ескере отырып, отандық тасымалдаушылар үшін ай сайынғы және жылдық абоненттік төлем көзделген».
ӘЛИХАН СМАЙЫЛОВ ҚР ПРЕМЬЕР-МИНИСТРІ: «Жол сапасының нашарлығы тұрғындардың наразылығына себепші болып отыр. Әсіресе, сапасыз жөндеу жұмыстарына қатысты айтылып жатқан сын көп. Тек биылғы жылдың өзінде мемлекеттік органдарға автомобиль жолдарына қатысты 19 мыңнан астам арыз-шағым келіп түсті».
Министрлік те халықтың шағымынан хабардар. Олар сынның басым бөлігі жергілікті желіге қатысты деп отыр. Олқылықтың орыны тек 2030 жылға қарай толады. Ал, биыл 4 мың 200 шақырым жергілікті жолдар жөнделеді. Осылайша жыл сайын кезең-кезеңмен жол салына береді.
- Толығырық
- Категория: Алатау ақпараты
- 267 рет қаралды
https://www.youtube.com/embed/dz_EiD-ujzE?si=RBiiGSaUYpZG3WmN"
Сомалидегі жауын-шашын жүзге жуық адамның өмірін қиды. Табиғи апаттарға қарсы күрес агенттігінің басшысы 96 адам қаза тапқанын болғанын растады.
ХАВА ӘЛИ АМАДИН - СОМАЛИ ТҰРҒЫНЫ: "Бұл су тасқыны алдыңғысына қарағанда екі есе ауқымды. Біз тәуекелге барғымыз келмейді. Жаңбыр жауған кезде, көшеде жауын тынышталғанша шатырдың астында отырамыз. Біз балаларға тамақ дайындау үшін жаңбыр аяқталған кезде ғана үйге келеміз ".
Сомалиде және шығыс Африка мүйізінің қалған бөлігінде қазан айынан бастап жауын-шашын тоқтамайды. Оларды ауа райы феномені Эль-Ниньо және Үнді мұхитының диполі деп аталатын құбылыс тудырды. Екі климаттық құбылыс мұхит бетінің температурасына әсер етеді және жауын-шашынды көбірек тудырады.
БҰҰ бұл су тасқыны соңғы онжылдықтардағы ең жойқын су тасқыны деп атады, себебі ол 700 мың адамның қоныс ауыстыруына себеп болды. Қатты жаңбыр қазіргі гуманитарлық дағдарысты ушықтырып отыр. Сомали Қызыл крест басшысы ең қиын уақыт әлі алда болуы мүмкін дейді.
ПАСКАЛЬ КАТТАТ - СОМАЛИДЕГІ ҚЫЗЫЛ КРЕСТ БАСШЫСЫ: "Үнді мұхитында циклон қалыптасады, Эфиопияның биік тауларында жаңбыр жауады. Мұның бәрі әлі аяқталмады дегенді білдіреді, әзірге шыңға жетпейді. Жағдай нашарлап, бұл адамдар бұдан да көп зардап шегуі мүмкін".
Көршілес Кенияда су тасқынынан 76 адам қаза тапты. Онда апат жолдар мен көпірлерді бұзған. Көп адамдар шатырсыз, су мен тамақсыз қалды.
- Толығырық
- Категория: Алатау ақпараты
- 259 рет қаралды
https://www.youtube.com/embed/iIVabcgKIU8?si=_Fq6XEwIhrEideHj"
Мемлекет басшысы Қасым-Жомарт Тоқаев Ақордада Қазақстанға ресми сапармен келген Того Республикасының Президенті Фор Эссозимна Гнассингбемен келіссөз жүргізді. Қасым-Жомарт Тоқаев Фор Гнассингбеге ілтипат білдіріп, оның Қазақстанға тарихи сапары екіжақты қарым-қатынастың жаңа кезеңіне жол ашатынын атап өтті.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан сіздің еліңізбен жан-жақты ынтымақтастықты ілгерілетуге мүдделі. Бұған дейінгі бейресми әңгімелесу барысында біз Қазақстан мен Того арасында ықпалдастық орнату үшін өзара мүддені көздейтін қолда бар мүмкіндіктерді талқыладық. Әрине, елдеріміз әртүрлі құрлықта, әртүрлі аймақта орналасқан. Бірақ бізге қазіргідей халықаралық күрделі жағдайда күш біріктіру керек. Осы орайда Қазақстан мен Того, сондай-ақ басқа да мемлекеттер халықаралық қатынастарды қалыпқа келтіру үшін бір болуы қажет».
Кездесу барысында Мемлекет басшысы Қазақстан мен Того күш жұмылдыра отырып, алдағы уақытта атқара алатын негізгі салаларды айқындады. Қасым-Жомарт Тоқаевтың пікірінше, екіжақты және халықаралық күн тәртібін ілгерілету үшін тұрақты диалог орнату қажет. Өз кезегінде Президент Фор Гнассингбе жылы шырай танытқаны үшін Қасым-Жомарт Тоқаев пен Қазақстан халқына алғыс айтты.
ФОР ГНАССИНГБЕ ТОГО РЕСПУБЛИКАСЫНЫҢ ПРЕЗИДЕНТІ: «Мен Сізге және барша Қазақстан жұртшылығына Того халқының ыстық ықыласын жеткізгім келеді. Екі елдің игілігі жолындағы ынтымақтастыққа тың серпін беру үшін зор мүмкіндік бар».
- Толығырық
- Категория: Алатау ақпараты
- 287 рет қаралды
https://www.youtube.com/embed/ICh7qNz2eQQ?si=QYJMflVFrMV9FuAl"
Оралда көше бойлап өтіп бара жатқан әйелдің басына тас түсіп, мерт болды. Қазір аяқ асты болған адам өліміне қатысты тергеу ісі басталды. Айта кетейік, бұл облыс орталығында тіркелген осындай алғашқы жағдай емес. Марқұм Жаһанша Досмұхамедов атындағы жоғары педагогикалық колледжінің мұғалімі болған.
«Енді тұрғын үйлер жанындағы жаяу жүргінші жолымен өтуге қорқып қалдық»,-дейді тұрғындар. Абай полиция бөлімі бастығының міндетін атқарушы Аслан Айтмұхановтың айтуынша, осы оқиғадан соң ПИК төрағасымен бірге үйдің шатыры тексерілген. Қайғылы оқиға қайталанбас үшін ондағы бос жатқан кірпіштер жиналған. Н.Назарбаев даңғылы, 236 мекенжайындағы үйге қызмет көрсететін пәтер иелері кооперативінің төрағасы көпқабатты үй қабырғасы мен шатырының тозығы жетіп, күрделі жөндеуді қажет ететінін айтып ақталған. Полиция қызметкерлері жауапты ПИК-не қандай шара қолданылатыны тергеу ісі барысында анықталады деп хабарлады. Жалпы бұл аумақта төбеден тастың құлау фактісі бұрын да бірнеше рет тіркелген.
АСЛАН АЙТМҰХАНОВ БҚО АБАЙ ПОЛИЦИЯ БӨЛІМІ БАСТЫҒЫНЫҢ МІНДЕТІН АТҚАРУШЫ: «Қылмыстық іс қозғалды. Адам өлу фактісі бойынша. Бұл жерде сұрастыру барысында сол жерде орналасқан дүкендер және де ломбард бар екен. Сұрастыру барысында сатушылар айтады: «иә, бұл бірінші рет емес, бұрындары да жоғарыдан тас құлап жүрді» дейді. Біз ешқандай шара қолданған жоқпыз. Тас түсті деп айтып жүрді, бірақ, адамға емес, жерге құлап жүрген оқиғалар болды деп бізге түсініктемелерін берді».
- Толығырық
- Категория: Алатау ақпараты
- 257 рет қаралды
https://www.youtube.com/embed/pugWpIGR7qs?si=CmSN4yhdSlhKzB5x"
Қызылорда облысында қызылша ауруының 1133 жағдайы тіркелген. Оның 996 жағдайы - 14 жасқа дейінгі балалар арасында анықталса, 252 жағдай 1 жасқа толмаған сәбилер арасында орын алып отыр. Дәл осы кесел, ересек тұрғындар арасында 130-дан астам науқастың санын құраған.
Қызылша індетіне шалдыққандардың басым бөлігі ауруға қарсы екпе алмаған. Олардың саны жалпы сырқаттанушылардың 68%-ын құрап отыр. Оның ішінде медициналық қарсы көрсетілімдерге байланысты егілмегендер үлесі – 14,5%, егілетін жасқа жетпегендер үлесі - 33,4%, вакцинациядан бас тартқандар үлесі – 51%, сондай-ақ жоспарлы вакцина алуға тиісті мерзімде негізсіз себептермен екпе алмай жүргендер көрсеткіші – 1,1%-ды құрауда. Бұдан бөлек, 124 науқастың қызылшаға қарсы иммундық мәртебесі белгісіз екендігі анықталған. Ауырғандардың ішінде екпе алғандар да бар. Алайда, олар қызылшаға қарсы екпенің толық курсын алмаған. Тек 1 дозасын алған. Яғни, ағзада толық иммунитет қалыптаспағандар арасынан ауруды жұқтырып алу деректері де орын алып отыр.
АЙМАН ЖАНАХАЕВА ҚЫЗЫЛОРДА ОБЛЫСЫ БОЙЫНША САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІНІҢ БАСПАСӨЗ ХАТШЫСЫ
Қызылша ауруы бойынша эпидемиологиялық ахуалдың тек біздің елде емес, бүкіләлемде күрделенуінің себебін Дүниежүзілік денсаулық сақтау ұйымы халық арасында қызылша ауруына қарсы вакцинациялау барысының әлсіреп, екпеден бас тартушылар санының артуымен байланыстырады. Себебі, ұжымдық иммунитет бәсеңдеген сайын, ауру жұқтырып алу қаупі күшейе түседі. Қауіп тобында - екпе алмаған, иммунитеті әлсіз адамдар. Иммундау шарасы әлі де жалғасып жатыр. Сондықтан, Қызылорда облысының санитариялық-эпидемиологиялық бақылау департаменті баршаңызды, әсіресе ата-аналарды өз балаларын ауруға қарсы вакцинациялауға шақырады.
- Толығырық
- Категория: Алатау ақпараты
- 285 рет қаралды
https://www.youtube.com/embed/Z0irwIil5_A?si=0h7YSm7-_bbnwh0G"
Грекия жағалауларындағы кеме апатынан бір экипаж мүшесі қаза тауып, он екі адам хабар-ошарсыз кетті. Боран кезінде Лесбос аралында жүк кемесі батып кетті. Команданың бір мүшесі тікұшақтың көмегімен теңізде құтқарылды.Raptor кемесін ливандық компания басқарған және Комор аралдарында тіркелген.Ол, Александриядан Ыстамбұлға бет алған еді.
Бортта 6000 тонна тұз болған. 14 экипаж мүшесінің ішінде сегіз мысырлық, төрт үнділік және екі сириялық болды. Қаза тапқан адамның кім екені әзірге белгісіз. Кеме жексенбі күні таңертең апат белгісін берген. Көп ұзамай ол Лесбостан оңтүстік-батысқа қарай сегіз шақырым жердегі радардан жоғалып кетіпті. Жағалау күзеті кемеден мысырлық инженерді құтқарып қалды.
Оның айтуынша кеме сенбі күні су жинай бастаған. Ер адам Лесбостағы жақын ауруханаға жеткізілді. Апат табиғаттың тосын сыйына төзімсіз техникалық ақаулардың салдарынан болды деп болжануда.
- Толығырық
- Категория: Алатау ақпараты
- 251 рет қаралды
https://www.youtube.com/embed/j6WYF9hhLTk?si=P6-kBppDJGmykUyI"
Алматыда "Қазақстанның авиациялық әкімшілігі" АҚ, Азаматтық авиация комитетінің қолдауымен "Ұшу-қону жолағы бетінің жай-күйі туралы деректерді ұсынудың жаһандық форматы - GRF" тақырыбында өңірлік семинар өтті. Іс-шараға АҚШ Азаматтық авиация федералдық басқармасы,ТМД елдері азаматтық авиация мамандары, ұшып қону жолағының жай-күйін бағалауға арналған жабдықтар мен бағдарламалық қамтамасыз етуді өндірушілер, "Қазаэронавигация", отандық әуекомпаниялар мен әуежайлар өкілдері қатысты.Шараға қатысып отырған ТМД елдері авиациялық өкілдері аталмыш форматты енгізу процесі және оны одан әрі қолдану, ұшу мамандары экипаждарын жаңа GRF форматына дайындаудағы заманауи тәсілдер туралы бірегей тәжірибелерімен бөлісті. Шара екі күнге жоспарланған.
МАҚСАТ ТҮНДЕБАЕВ ҚАЗАҚСТАН АВИАЦИЯЛЫҚ ӘКІМШІЛІГІНІҢ ИНСПЕКТОРЫ
- Толығырық
- Категория: Алатау ақпараты
- 281 рет қаралды
https://www.youtube.com/embed/iRiuDbDOv2g?si=leXkoPZ5jDnEiTM5"
Ақтаудағы үйлердің біріндегі жертөледе жылу құбыры жарылып, жер-көкті су басты. Пәтерлердің де іші оңып тұрған жоқ. Бұрыштары көктеп, сыз тартып тұр. Шиттей бала-шағаға салқын тиіп, көкжөтел болуға айналыпты. Ал жауапты мекеме өкілі олқылықты жою үшін арнайы бригада жұмыс жасап жатқанын айтады.
Бұл 2-ші шағын аудан,72 үйдің тұрғындары. Барлығының шағымы бір - жылу жоқ. Себебі жертөледегі құбыр жарылып, істен шыққан. Ең сорақысы жауапты мекеме қызметкерлері 4 күн бойы ыстық суды тоқтатпапты. Салдарынан үйдің ірге тасына зақым келтірілген. Сөгіліп тұр. Онысызда сыз тартып тұрған пәтеріміз көктеп кететін болды,-дейді шағым айтушылар.
МАРИЯ ШАЙБЕЛЬ ТҰРҒЫН: «Балаларым үреймін жүреді. Бұл мәселенің бәрі қашан аяқталады деп сұрайды. Көктеп кеткеннің салдарынан пәтердің ішінде тыныс алу мүмкін емес. Үй әбден тозған. Әкімдіктен көмек сұраймыз. Балаларымыз үшін алаңдаймыз».
Жауапты мамандар осы апаттың кесірінен шағын ауданның жартысын жылусыз қалдырғандарын айтады. Себебі апат әр жерден болған көрінеді. Ал мына үйдегі жылу құбырын жаңасына ауыстырыпты.
ИСЛАМ ҮСЕНОВ - “КЖСА” МКК ДИРЕКТОРЫНЫҢ ОРЫНБАСАРЫ: «Мұндай апаттар қала бойынша жиі болатыны рас. Себебі құбырлар әбден тозған. Апат болған жерге бізде арнайы бригадалар бар. Соларды жібереміз. Шама келгенше тез арада жөндеуге тырысамыз».
Мамандар ақауды ретке келтіруге уәдені үйіп-төкті. Ал тұрғындар мына бағытпен жүре берсе қылышын сүйреткен қақаған қыста бүрсең қағып отырмасақ болар еді деп уайымдайды.
- Толығырық
- Категория: Алатау ақпараты
- 265 рет қаралды
https://www.youtube.com/embed/cQs0Ag-2m8U?si=0Hzw_AeeUAQfd0LZ"
- Толығырық
- Категория: Алатау ақпараты
- 263 рет қаралды
https://www.youtube.com/embed/RXy9prXF_38?si=0ecbzbrQRczdM2VA"
Тағы басқа мақалалар...
130 ішінен 187 беті
Alatau News, Copyright 2023, All Rights Reserved.