https://www.youtube.com/embed/WxDv_0MI8s8?si=BHaAj648IWXlPqFk" 

Қарағанды облысының қылмыстық-атқару жүйесі департаменті түзеу басқармасында сотталғандарға зорлық-зомбылық көрсеткен видеоларға қатысты түсініктеме берді. Әлеуметтік желілерде пайда болған видеода аймақтағы колониялардың бірінде тұтқындардың зорлық-зомбылық көріп жатқаны түсірілген. Бейнеде жазасын өтеушілердің тек іш киімдері мен резеңке тәпішкелерін киіп, еденнен шүберекпен суды қалай жинағаны сипатталған.Бұл кадрлар Қарағанды облысының Долинка ауылындағы №31 мекемеде түсірілгені айтылған.

БЕКБОЛАТ ШӘКІРОВ ҚАРАҒАНДЫ ОБЛЫСЫ БОЙЫНША ҚАЖД БАСШЫСЫ «Бұл факт бұрын болған. Қызметтік тергеу жүргізіліп, қызметкерлер жауапкершілікке тартылған. Жалған ақпараттың таралуына жол бермеу үшін құқық қорғау ұйымдарының өкілдері мекемеге барды. Сонымен қатар сотталғандардың туыстарымен кездесу өтті. Колониядағы жағдай тұрақты және қылмыстық атқару жүйесі басшылығының бақылауында».

https://www.youtube.com/embed/XLggq1z9WlI?si=TZG27P6VA7Yvg5US"

Орман саласындағы орта мамандар еңбекақысы 220 мыңға дейін ал, орманшылар 180 мың теңге, басшылардың жалақысы  350 мың теңгеге дейін өсті. Бұл туралы бүгін орталық коммуникациялар қызметінде өткен брифингте Экология және табиғи ресурстар министрі Ерлан Нысанбаев айтты. Сондай-ақ, министр Теміртау қаласының экологиясын жақсарту үшін қандай жұмыстар жасап жатқанын айтты. Жауапты ведмствоның сөзіне сенсек, екі жылдан кейін, яки 2025 жылы Теміртау халқы таза ауамен тыныстайтын болады.

ЕРЛАН НЫСАНБАЕВ ЭКОЛОГИЯ ЖӘНЕ ТАБИҒИ РЕСУРСТАР МИНИСТРІ «АрселлорМиталлға байланысты ғой біздің экология заңына сәйкес бүкіл жұмыстары биыл жаздай жасалды. Қазір соңғы құжатының тексеріс нәтижесін күтудеміз. Басқаша жоспар бойынша жүргізіледі. Сол құжатқа байланысты өз жұмыс жоспарымызды қабылдаймыз».

 Одан бөлек, брифингте министр киіктерге қатысты мәселеге тоқталды. Халықаралық конвенцияға сәйкес Қазақстан ақбөкен мүйізін шет елге экспорттай алмай отырғанын жеткізді. Бүгінде Женевада осы мәселе бойынша келіссөз жүріп жатқан көрінеді, егер ол сәтті өтсе еліміз 2025 жылдан бастап киік мүйізін Қытайға сатуды жоспарлап отыр.

https://www.youtube.com/embed/AWDFNU9xYWE?si=Tka6b-_wFPGwa82r" 

Қызылша ауруы асқынып тұр. Бүгінге дейін 13 мыңнан астам адам вирус жұқтырды десек, оның 83%-ы балалар. Әсіресе, 5 жасқа дейінгі бүлдіршіндер көп ауырып жатыр. Бұның алдын алудың жалғыз жолы ол –вакцинация дейді еліміздің бас дәрігері. Бүгін желіде Ажар Ғинияттың немересіне екпе ектіріп жатқан мына суреті тез тарады. Ата-аналар бұл дертке атүсті қарамаса дейді денсаулық сақтау министрі, себебі, оның соңы орны толмас қайғыға әкелуі мүмкін.

АЖАР ҒИНИЯТ ҚР ДЕНСАУЛЫҚ САҚТАУ МИНИСТРІ «Вакциналау мәртебесі жоқ балаларға, инфекция ошақтарында болған ересектерге екпе егеміз. Баршаңызды аурудан сақтану үшін емханаға шақырамыз».

Айта кетейік, ми қабатының асқынуы бар адамдарға және өкпесі ауыратын жандарға бұл вирус қатты әсер етіп, тіпті көз жанарының көрмей қалуына, соқырлыққа әкелуі мүмкін.

https://www.youtube.com/embed/954jnITIG4w?si=s2V4BpY6y7qBCYZc" 

Қаржы пирамидалары халықты тонауды тоқтатар емес. Биыл жыл басынан бері тоғыз айдың ішінде 2 мыңнан аса адам бар жиған тергенін алаяқтардың қалтасына салып берген. Бүгін Сенатта депутат Генадий Шиповских өз атына бірнеше кооперативтің 42 салымшысынан шағым келіп түскенін, онда азаматтар көмек сұрағанын айтты. Арзан бағада үй алып береміз деп уәдені үйіп төккендерге имандай сенген халық, бар тапқан таянғанын беріп, енді не үй, не ақша жоқ сан соғып қалған. Жалпы шығын құны 1 млрд теңгеден асады. Осы қаржы пирамидаларына тосқауыл болатын тетіктің бәрі бар, қажет десе заңда бар, бірақ неге жеңе алмай келеміз деген сенатор Бас прокуратура мұндайлармен күресті күшейту керек дейді.

ГЕНАДИЙ ШИПОВСКИХ ҚР ПАРЛАМЕНТІ СЕНАТЫНЫҢ ДЕПУТАТЫ «2021 жылы зардап шеккендер саны – 1259, 2022 жылы – 892, ал биылғы тоғыз айда 2079 адамды құрап отыр. Аталған статистикада тек сот жәбірленуші деп таныған адамдардың тізімі көрсетілген. Бұл статистикада тек сот жәбірленуші деп таныған адамдардың тізімі көрсетілген. Қаншама отбасының шаңырағын шайқалтты».

https://www.youtube.com/embed/Q7-gb1svwH4?si=opsGkwCRVgHQr1S3" 

Батыс Қазақстан облысында ірі қара арасында жұқпалы ауру түрі өршіп барады. Осы күнге дейін 7 аудан бойынша түйеден індет анықталған. Мамандар жұқпалы аурудың алдын алу үшін қандай шаралар қолданып жатыр? Толығырақ тарқатсақ...

БҚО Бөрілі ауданында қыркүйек айынан күні бүгінге дейін 13 бас мүйізді ірі қара төлдерінің шығыны тіркелген. Осы күндері ауданның Қарағанды ауылдық округі тұрғындарының 7 бас ірі қара төлі ауырып, 6 басы арам өліпті. Біреуі аурудан жазылған.

БАЛДАЙ САПАРҒАЛИЕВА БҚО ВЕТЕРИНАРИЯ БАСҚАРМАСЫНЫҢ БӨЛІМ БАСШЫСЫ

Өлген малдардан сынама алынып, қарасан ауруы болуы мүмкін деген күдікпен ветеринариялық зертханаға жолданған.

БАЛДАЙ САПАРҒАЛИЕВА БҚО ВЕТЕРИНАРИЯ БАСҚАРМАСЫНЫҢ БӨЛІМ БАСШЫСЫ

Бүгінде мал ауруы бойынша ахуал ветеринар мамандарының жіті бақылауында.

https://www.youtube.com/embed/qvc4otBICoU?si=no-Agyhdv11oCT1q" 

https://www.youtube.com/embed/o_dVAPSgcY4?si=QXV8zzqv1tDxjCxF" 

Депутаттар Үкіметтен бала күтіміне байланысты төленетін жәрдемақыны 3 жасқа дейін ұзартуды сұрайды. Сондай-ақ олар елімізде «Отбасылық капитал» бағдарламасы іске қосылуы керек дейді. Яғни, көпбалалы және ерекше бала тәрбиелеп отырған ата-аналарға бір реттік жәрдем төленуі қажет дейді. 

Депуттар бүгін белсенді. Үш жарым сағатқа созылған кезекті Мәжіліс отырысында өткір-өткір депутаттық сауалдар жолдады. Олар қазынадан бөлінген қаражаттың тиісті жерге емес, желге ұшатынына наразы. Әсіресе, спортқа деп бөлінген миллиондаған ақшаның ақталмағанын сынады.

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Қарапайым халық ішер ас, киер киімге жарымай жүргенде бюджеттің бүйірін теспей сорып отырған саладағы былықтар туралы. Ол спорт. «Спорт – денсаулық кепілі» дейміз әлімсақтан, бірақ Қазақстанның спортына бөлінетін қаражат денсаулықтың емес, бәзбіреулердің шексіз баюының кепіліндей көрінеді маған. Енді есепті қараңыздар, Қазақстан Жоғары жетістіктер спортына бюджеттен 775 миллион доллар бөліп отыр. Мынау не масқара? Халық кедейшіліктің құзына құлап жатқанда спортқа 775 миллион доллар бөлу сау адамның ақылына сыя ма? Мысалы, 2021 жылы Токиода өткен Жазғы олимпиада ойындарында Қазақстан құрамасы бар-жоғы 8 қола медаль иеленіп, 92 мемлекеттің ішінде 83-орын алды. Сонда 775 миллионға жеткен жетістігіміз осы ма?»

Ал, енді бір топ мәжілісмен балаларға 3 жасқа дейін жәрдемақы төлеуді ұзарту керек десе, депутат Гауһар Танашева Қазақстанда өзге шет елдегідей «отбасылық капитал» бағдарламасын енгізу керек дейді.

ГАУҺАР ТАНАШЕВА ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Айлық пен жәрдемақы мөлшерін көтеру, үй алу жолдарын қолжетімді жасау, демографияны көтеріп жатқан отбасылардың біразы кедейшілікте өмір сүріп жатыр. Халық саны туралы мәліметтерді салдыстыра отырып Қазақстан Республикасы тәуелсіздік алғаннан бері 16 млн 20 млн. 32 жылда 4 млн өсті. Біздің ұсынысымыз отбасында төртінші бала туылғанда немесе ерекше бала болса 5 мың АҚШ доллары яғни 5 млн теңге көлемінде отбасылық капитал бағдарламасын іске қосу. Бұл капитал үш бағытта жұмсалады. Біріншісі үйсіз жүргендер басапаналы, екіншісі, білім ала алмай жүрген көпбалал отбасынан шыққан баланың арманы орындалады, үшіншісі бұл қаражатты ата-ана баласының еміне жұмсай алады. Бұл отбасылық капитал қай жағынан алсақ та ол отбасаға көмек бола алады».

Мәжілісмен Дәулет Мұқаев Парламентке өзімен бірге 5 папка арызды арқалай келіпті. Ол интернет алаяқтарға алданған халықтың базынасын парламент мінберінен жеткізді.

ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Бұған дейін қаржылық пирамидамен интернет алаяқтарға алданғандарды көп еститін едік, қазір «байытамын» деген байерлердің базынасын жиі естіп жүрміз. Бұл мәселе күннен күнге ушығуда. Алданған отбасылар жағдайы ауыр. Қаншама шаңырақ шайқалуға жақын. Бұл схема таза қаржылық пирамидаға ұқсайды. Мен әкелген папкада аударған шоттар көшірмесі бар. Мұндай папкадан үш пакет бар. Соның барлығын санасақ, 30 млрд асады. Ол деген кемінде 3 мектеп салатын ақша біздің елімізде».

Одан бөлек, депутаттар жүргізуші куәлігін алу тәртібін қатаңдату, боқауыз, дөрекі сөздері бар киноларға тиым салу сынды мәселелерді қозғады. Бұл айтылғандардың қаншалықты жүзеге асатынын уақыт көрсетеді.

https://www.youtube.com/embed/O9HFxxEixVc?si=OzeM3hthK8uOMoIq"

Қазақстанның медициналық тәжірибесінде айтулы күн. Инновациялық ортопедия үшін жаңа кезеңнің бастамасы бой көтерді. Алматыда №4 қалалық клиникалық ауруханасында роботтың қатысуымен Қазақстанда және Орталық Азияда алғашқы ортопедиялық операциялар жасалынды.

3-7 қараша аралығында №4 қалалық клиникалық ауруханасының ортопедия саласының танымал маманы Мейрамбек Жұмағұловтың жетекшілігімен және Приоров атындағы Ғылыми-медициналық зерттеу орталығы (Мәскеу) маманы Алексей Шумскийдің қатысуымен, жалпы тізе мен жамбас буындарын эндопротездеу, сондай-ақ тізе буынын бір айдаршықты протездеуді қамтитын алғашқы операциялар жасалды.

МЕЙРАМБЕК ОҢҒАРҰЛЫ АЛМАТЫ №4 ҚКА ОРТОПЕДИЯЛЫҚ ХИРУРГИЯ БӨЛІМШЕСІНІҢ МЕҢГЕРУШІСІ "Бұл шеберлік сабақтың ерекшелігі - үлкен буындарда: тізе буын, жамбас буын алмастыруда роботты қолдану арқылы жасалынады. Бұл операциялардың барлығы МӘМС қорынан тегін жасалынды. Барлығы 9 операция жасалынды. Сол 9 операцияны жасап шықтық роботтың көмегімен".

Stryker компаниясы ұсынған Mako технологиясы дәлірек және болжамды хирургиялық нәтиже береді, қалпына келтіру уақытын қысқартады және протездің ұзақ мерзімін қамтамасыз етеді. Бұл технологияны қолдана отырып, бір айдаршықты эндопротездеу жасатқан науқастар оның жарақаты аз екенін, белсенді өмір салтына тез оралу мүмкіндігін және «қалыпты» буын сезімін бірден сезгендерін айтып, дәрігерлерге алғысын айтуда.

ӘЛИЯ ДАНИЯРҚЫЗЫ ЕМДЕЛУШІ: "5 күні маған отаны жасады. Әрине енді қайбір ота болмасын адамның жүрегінде қорқыныш, үрей болады ғой. Саусағың жараланса да қорқасың. Ал бұл жерде дәрігер маған бәрін айтып түсіндірді. Зиян келген буыныңызды аралап тастайды робот. Робот жасамайды, дәрігерлердің басқаруымен робот керек жерлерді кеседі, буыныңыздың орнына басқа қолдан жасалған буын қойып береді деп бәрін түсіндірді". 

Роботты пайдаланған кезде емдеу әр науқасқа жеке көзқарас принципі бойынша жүргізіледі, робот тіпті операцияға дейін импланттың оңтайлы өлшемін және оны орнатудың нақты орнын таңдай отырып, жасанды буынның дәл 3D жоспарлауын орындайды.

ДИЛАРА РАХЫМЖАНҚЫЗЫ ЕМДЕЛУШІ "Понедельник күні маған операция жасады. Бүгін уже 3-ші күн, мен уже өзімді өте жақсы сезінемін. Аяғым ауырмайды. Жүріп те жүрмін. Құдай қаласа, ары қарай жұмысымды істеймін деп ойлаймын. Осындай роботопротизирование біздің Қазақстанға ертерек келіп, екінші аяғымды да жасатпақшымын".

Бұндай операция кезінде қан кетулер аз болады және буын аурулары тек сүйекті ғана емес, оның қасындағы байламдарға да әсер ететіндіктен роботтар оларды мүмкіндігінше өзінде қалдырады. Сондықтан, ол жерде ауру сезімі де аз сезіледі. Айта кетейік, Алматы №4 қалалық клиникалық ауруханасында  шұғыл және жоспарлы негізде мамандандырылған, жоғары технологиялық медициналық көмек көрсететін көпбейінді клиника. Осы жылдың басынан бері 1526 буын ауыстыру отасы жасалынған.

https://www.youtube.com/embed/R2KaUwkWdq8?si=6pUAm0EJ6C-y1sqc" 

Мысыр, Синай түбегінің оңтүстігінде және Қызыл теңіз курорттарында туризм индустриясын қолдау бағдарламаларын жасай бастады.

Елдің туризм министрі Израиль мен Газадағы Хамас  арасындағы соғыстан   саланың зардап шеккенін айтады.

АХМЕД ИССА – МЫСЫРДЫҢ ТУРИЗМ МИНИСТРІ:  "Әзірге бұл аймақ бойынша турларды сатып алған клиенттерге әсер етуде, себебі Израильдегі туристік сектор іс жүзінде жабылды. Дәл осы жерде біз айтарлықтай әсерді көріп отырмыз. Жалпы алғанда бұл Мысырдағы брондаулардың ортақ  санының 10% -ына әсер етті".

Туризм - Египет үшін  шетел валютасының негізгі көзі. Биылғы жылы Мысыр елі осы  саладан 13 миллиард доллардан астам табыс тауып, 15 миллион келушіге қол жеткізуге үміттенеді.Бұл ретте, S&P Global рейтингтік компаниясы дүйсенбі күні туризмдегі қақтығыс салдарынан құлдырау елеулі проблемалар тудыруы мүмкін деп ескертті. Әсерін Ливан мен Иордания да сезінуі мүмкін, себебі саяхатшылар Таяу Шығыс пен Солтүстік Африкада демалысты кейінге қалдырады немесе тоқтатады. 

АХМЕД ИССА - ТУРИЗМ МИНИСТРІ: "Адамдар геосаясатты және Қызыл теңіз курорттарының өңірде болып жатқан оқиғалардан алыс екенін түсінеді. Желтоқсаннан ақпанға дейінгі маусымда біз тағы да брондау санының айтарлықтай артқанын байқаймыз ".

Көмек туралы айтар болсақ,  Мысыр Шарм-әл-Шейхқа әрбір рейс үшін 500 доллар көлемінде қосымша жеңілдіктер ұсынады. Ол сондай-ақ әуе жолдарымен  көтерме және бөлшек сауда сатушыларымен тығыз қарым-қатынаста. Шарм-эль-Шейх Газа аймағымен шектесетін Синайдың жерорта теңізі жағалауынан оңтүстікке қарай 360 шақырым жерде орналасқан.

https://www.youtube.com/embed/4U_3qJr0tY4?si=_CAwfS4ojbs9N8Aq" 

Бизнесті қолдау емес, онда қызмет ететін жұмысшылар өмірін қорлау болып отыр. Осылай деген мәжіліс депутаттары бизнес жүргізу мәселелері бойынша заңға дереу өзгеріс енгізу керек деп санайды. Себебі, мараторий соңы өндірістегі қанша адамның өліміне әкелді дейді. Бүгін төменгі палата депутаттары аталмыш заңға енетін өзгерістер мен толықтыруларды бір ауыздан мақұлдады. Сонымен кәсіпкерлерді тексеруге арналған мараторий қашан толық алынады? Тексеріс жүргізу тәрбітіне қандай өзгерістер енеді? Халық қалаулылары неге министрлер жауабына қанағаттанбайды? Толығарақ алдағы бейнесюжетте.

Кәсіпкерлік туралы заң бизнесмендердің ғана емес депутаттардың да ерекше назарына ілікті. Бизнесті тексеруге салынған тыйым соңы келеңсіз жайттарға әкелгенін халықтың да көзі көрді. Әсіресе, сапасыз өнімдерден уланған жағдайлар жиілеп кеткені мәжілісмендердің ашуын тудырды. Депутат мұндай жағдай тіркелсе,  кәсіпкер қандай жазаға тартылады деп Денсаулық сақтау вице-министрінен сұраған еді. Алайда ол, мардымды жауап бере алмай, жауаптың орнына баяндама оқып кетіп сөз естіді. 

ЕРЛАН ҚОШАНОВ ҚР ПАРЛАМЕНТІ МӘЖІЛІСІНІҢ ТӨРАҒАСЫ: «Сізге сұрақ қойылды, сіз баяндама оқып кеттіңіз. Жазбаша жауап беріңіз».

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Біздің министрлер мен олардың орынбасарлары дайындықсыз келеді екен. Біреуі баяндама жасап, жауапты оқып отыр. Екіншісі жалпылама әңгіме айтады. Бұл бірінші рет емес, бірнеше рет қайталанып отыр. Депутаттар нақты сұрақ қояды, бірақ нақты жауап жоқ. Біз қайта-қайта сұрап, нақтылаймыз. Бұлай болмауы керек қой».

Бизнесті қорғау емес, бұл нағыз адам өмірін қорлау деген депутат Еділ Жаңбыршин жауапты министрліктен өндірістегі қауіпсіздікті ерекше бақылауға алуды сұрады.

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Өздеріңіз жақсы білесіздер, біз бизнесті қолдауымыз керек. Оған әңгіме жоқ. Бірақ біз қолдаймыз деп, көптеген мәселені бүлдіріп алдық. Біріншісі, Екібастұздағы жағдай. Екіншісі, МАЭК-тегі жағдай. Кешегі Қарағанды облысындағы шахтадағы мәселелер. Бұл бүкіл өндірісте үлкен проблема. Неге? Біз олардың барлығын қорғап, бизнесті дамытады деп, тексеруді прокуратура органдары арқылы реттеп қойдық. Қазір бірде-бір өндірістік қауіпсіздігі, экологиялық қауіпсіздік мәселесі болсын, кіре алмайды. Олардың қолдары байланған. Заңмен байлап қойып отырмыз. Ал оның арты адам өліміне әкеліп жатыр».

ӘЛІБЕК ҚУАНТЫРОВ ҚР ҰЛТТЫҚ ЭКОНОМИКА МИНИСТРІ:

«Әрине осындай қауіптер бар. Бізге тиісті балансты табу керек. Жағдайларды жеңілдетіп жатырмыз. Жалпы жүктеме жүйесін жеңілдетіп жатырмыз».

 Ал, келесі жылы бизнесті тексеруге арналған мараторий аяқталса, қайта бұрынғыдай «бармақ басты, көз қысты»  әрекетке салмаймыз ба деп алаңдаған депутат Ринат Зайытов жауапты министрліктен тексерісті мүмкін автоматтандыру керек шығар деп өз ұсынысын айтты.

 РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«2024 жылдан бастап мараторий аяқталады деп отыр. Олар қазір екі көзі бақырайып, бізді қайта тексере бастайды деп қорқып отыр. Тексеру қалай болатынын білесіз. Анау келіп бір пара сұрайды, мынау келіп бір пара ұстайды. Ауылды жерлерде малды бағады, етін сатайын десе оны дұрыс бағамен сата алмайтынын білесіз. Не тері өңдей алмайды, не жүн өңдей алмайды, я болмаса ет өнімдерін өңдеп сата алмайды. Осы бағытта қандай бағдарламаларыңыз бар және ол қашан басталады?»

ӘЛІБЕК ҚУАНТЫРОВ ҚР ҰЛТТЫҚ ЭКОНОМИКА МИНИСТРІ:

«Тексерулер тек қана автоматтандырылған, жасанды интеллектпен адамның қатысуынсыз анықталатын кестесі жасалады. Сол себепті осындай физикалық тексерулер жайдан-жай белгіленбейді. Болжамымыз бойынша осындай тексерулер екі есе қысқартылады. Бағаларды және ет сапасын, ауыл шаруашылығының басқа өнімдер сапасын тексеру керек. Қазіргі таңда Кәсіпкерлік кодексте мемлекеттік органдардың, әкімдіктердің тиісті тексерулерді жүргізуге мүмкіндігі бар».

Сонымен бүгін Мәжілісте бизнес жүргізуді жеңілдететін заң жобасы мақұлданды. Бұл заңға енген өзгерістер бизнеске деген жүктемені азайтуға, жұмыстың ашықтығына, жемқорлық тәуекелдерді төмендетуге септігін тигізеді деген сенім бар. 

https://www.youtube.com/embed/FiDlORiCiFM?si=O575WM9M4jAF58eG" 

Кениядағы масаи тайпасының әйелдері қауіпті кактустардың өзінен пайда таба алды. Инвазивті опунцияларды осында отарлаушылар өткен ғасырдың басында әкелген.

Жергілікті тұрғындар кактустарды тірі қоршау ретінде пайдаланып келеді. Жері құнар берсе көбеюге бейім өсімдік барлық жерге тараған. Фермер Наймаду Сиранга опунция салдарынан жүзден астам қой мен ешкісін  жоғалтты.

НАЙМАДУ СИРАНГА – ФЕРМЕР:  "Олар опунция ішіп, ауыз қуысын жарақаттады. Содан кейін ауыр диарея басталып, мал қырылып қалды.  Мен көп шығынға баттым".

Опунцияның жемісі жеуге жарамды. Бірақ олар тікенектермен қоршалған. Бұл мал үшін қауіпті. Тіпті пілдер де зардап шегуі мүмкін.

ТОМ СИЛЬВЕСТР - «ЛОИСАБА» ҚОРЫҒЫНЫҢ ДИРЕКТОРЫ:  "Жас пілдердің ішегі сезімтал. Тікенектер шырышты қабыққа зақым келтіріп, диареяны, кейде тіпті тітіркенуді де тудыруы мүмкін ".

Опунция жерді өсімдіктердің жергілікті түрлерінен де алады. Кактустар кенептің тамырын жойып жібере жаздаған.   Олардан биогаз жасайды. Оны тұрмыстық қажеттіліктер үшін пайдаланады. Жемісті жергілікті фабрика сатып алады.

РОЗМАРИН НЕНИНИ – МАСАИ ТАЙПАСЫНЫҢ ӘЙЕЛІ:  "Жергілікті қауым бізге 16 гектар жер бөлді, біз бұл учаскеде табиғи ресурстарға иелік ете аламыз. Бізде кактустардан биогаз жасау, ал жемістерді сату және табыс алу идеясы пайда болды. Бұл ақша балалардың оқуын төлеуге мүмкіндік береді ".

КҮКІРТ ВАНГАРЕ – ФАБРИКА ҚЫЗМЕТКЕРІ:"Біз оларды жуамыз, ұсақтаймыз және кептіретін тұқымды жемістерден бөлеміз. Олардың ішінен май жасап, оны опунция жинаушыларға береміз. Олар майдан косметика, душқа арналған гельдер және денеге арналған лосьондар шығарады. Ал жеміс-жидектерден біз шырын және жем жасаймыз ".

Опунцияны жинаумен 200   әйелден тұратын топ айналысады.

https://www.youtube.com/embed/D4XikUSzdCk?si=jGyaX93RiV6eI9Xp" 

Жамбыл облысы Байзақ ауданы Нығметулла Киікбаев атындағы орта мектеп асханасынан тамақтанған 48 бала мен ересек уланды. Ауданның орталық ауруханасына жатқызылған 35 адамның жағдайы орташа, тұрақты деп бағалануда.

Аудандық ауруханаға Нығметулла Киікбаев атындағы мектеп-гимназия оқушылары мен ұстаздары әлсіздікке, құсуға шағымданған алғашқы өтініші 7 қараша күні түстен кейін тіркелген. Бас дәрігердің айтуынша, түнгі сағат 23:00-ге дейін өтініш білдіргендердің жалпы саны – 48 адамға жеткен. Олардың екеуі мұғалім қалғаны бала. 35 адам ауруханаға жатқызылды, қазір жағдайлары орташа, тұрақты.

ЖАНДОС РЫСҚҰЛОВ ЖАМБЫЛ ОБЛЫСЫ БАЙЗАҚ АУДАНДЫҚ АУРУХАНАСЫНЫҢ БАС ДӘРІГЕРІ: «Ауруханаға жатқызылғандарға детоксикация терапиясы жүргізілді. Антибиотиктік емдеуді қажет етпейтін 13 адам медициналық кеңес алғаннан кейін амбулаторлық емдеу және үйден бақылау үшін қайтарылды. Науқастардың айтуынша, олар мектеп асханасында күріш жеп, шырын ішкен. Тиісті анализдер алынды».

Қазір мектеп-гимназиясын тамақпен қамтуға жауапты ЖК «Тоқсейітовтің» жұмысы мән-жайлар нақтыланғанға дейін тоқтатылды. Мектепте оқшауланған, бактериологиялық зерттеу шаралары жүргізіліп жатыр.

НҰРЖАН ҚАЛЕНДЕРОВ ЖАМБЫЛ ОБЛЫСЫ ӘКІМІНІҢ ОРЫНБАСАРЫ: «Тоқсейітов» жеке кәсіпкер облыс бойынша 82 мектепке қызмет көрсетіп, 25 мыңнан астам баланы тамақтандырады. Зерттеу жұмыстары аяқталғанан кейін жауапты адамдардың жауапкершілігі қаралатын болады».

Жалпы практика дәрігерлерінен, педиатрдан, учаскелік медбикеден тұратын 17 мобильді топ 205 ауланы аралап, осы күні оқу орнының асханасына келген қалған оқушыларына тексеру жүргізілді.Тексеру қорытындысы бойынша олардың жағдайы қанағаттанарлық, шағымдар мен ауру белгілері жоқ.

 ГҮЛБАХРАМ  ЕРМЕКОВА МЕКТЕП ДИРЕКТОРЫ: «Түнде 17 бригададан құрылған топ, оқушылардың үйін аралап шықтық. Олардың арасында суықтап қалған балалар болды. Дәрігерлер бәріне дәрісін беріп, емханаға баруға кеңес берді. Сол балалардың ата-аналары бүгін  оқушыларды емханаға алып кетті. Қалған оқушы сабақта. Кеше 437 бала тамақтанған еді».

Жаппай улануға қатысты қылмыстық іс қозғалып, сотқа дейінгі тергеу басталып кетті.