https://www.youtube.com/embed/D76uSUFF98o?si=sKWn-1h_2kxXb1dB" 

Бүгін Қазақ Ұлттық Аграрлық зерттеу университетінің «Агроуниверситет» оқу-тәжірибелік шаруашылығында Жаңа Студенттік жатақхананың ашылу салтанаты өтті. Бұл студенттердің іс-тәжірибелерін жетілдіруде үлкен маңызға ие. Толығырақ тілші бейнематериалында.

Жаңа жатақхана  Алматы облысы, Талғар ауданы, «Байбұлақ» ауылында орналасқан. Салтанатты іс-шараға университет ректоры, Талғар ауданы әкімдігі, университет проректорлары, факультет декандары, департамент директорлары, ғалым ардагер ұстаздар қатысты.

ТАҢАТ АЙДАРБЕКОВ, АЛМАТЫ ОБЛЫСЫ ТАЛҒАР АУДАНЫНЫҢ ӘКІМІ; «Өткен жылдары осы жерлерге келгенде, бұл жерді жатақхана деп айтуға ұят болатын.Ректор келіп Ақылбек Қажағұлович қолға алып, осындай жақсы бір бастама бастап жатыр.Әлі алда мұнда үлкен жоспар өзі айтып өткендей 2 қабатты, 3 қабатты оқу кафедралары ашылады.Енді бұл дегеніміз, балаларға біз жақсы условия жасасақ, болшақта үлкен жақсы кәсіби маман болып шығып, елімізді дамытуға үлкен үлестерін қосатын азаматтар болады деп сенемін».

Сондай-ақ, ашылу салтанатынан бөлек, елімізде тұңғыш ашылған «Қазақстан-Нидерланды интенсивті бақ» орталығына, «Жеміс дақылдарының көшеттігі» мен «Қазақстан-Корей ақылды жылыжайына» экскурсия жасалып, жатақхана аумағына ағаш көшеттерін отырғызып,көгалдандыру жұмыстары жүргізілді.

ПІРІМҚҰЛ ИБРАГИМОВ, ҚАЗАҚ ҰЛТТЫҚ АГРАРЛЫҚ ЗЕРТТЕУ УНИВЕРСИТЕТІНІҢ БАСҚАРМА ТӨРАҒАСЫ-РЕКТОРДЫҢ БІРІНШІ ОРЫНБАСАРЫ «Бүгін Қазақ Ұлттық Аграрлық зерттеу университетімізде тарихи күн болып есептеліп жатыр.Біз өте қуаныштымыз.Осы күнді біздің  жалпы университетіміздің профессорлық оқытушылық құрамы, біздің білім алушыларымыз көптен күткен.    Біздің студенттеріміз жылына сезон бойынша осында келіп, жатып, осында тәжірбие алып, айлап, жылына 4-5 рет әр сезонға, жыл мезгіліне  байланысты студенттер жыл бойы өздерінің оқу бағдарламаларындағы теориялық алған білімдерін, практика жүзінде осында іске асырады».

Жаңа жатақхананың ашылуы – білім беру саласындағы елеулі жетістік. Бұл студенттерге қажетті барлық жағдайды жасап, олардың білім алуына, дамуына және болашақта табысты маман болып қалыптасуына зор үлес қосары сөзсіз.

https://www.youtube.com/embed/FjSzRrfAinI?si=gLuHpXjAsQUhEYv-" 

https://www.youtube.com/embed/lDWMrG-JU2M?si=Hce5EuxfMqSMqUJQ" 

Биыл Қазақстан мен Ресей эстрадасын өзінің ерекше дауысымен, харизмасымен бағындырған Батырхан Шөкеновтің өмірден озғанына 10 жыл. Әнші атындағы саябақта оның өнеріне, рухына тағзым етілді.Іс-шара барысында Батырхан Шөкеновтің шығармашылығына арналған радиоконцерт қойылып, «Сағым дүние» әнінің әуенімен өнер иесінің есімі ұлықталды. Еске алуға келгендер ескерткішке гүл шоқтарын қойып, бір минут үнсіздікпен еске алды.

МҮШІРӘЛІ  ШӨКЕНОВ – БАТЫРХАН ШӨКЕНОВТІҢ АҒАСЫ

Батырхан Шөкенов — қазақ эстрадасының жарық жұлдызы, орындаушы және композитор. Ол «А-Студио» тобының алғашқы құрамында солист болып, топты ТМД елдеріне және шетелге танытты.  Өмірден өтсе де оның мұрасы әлі де халық жадында сақтаулы.

https://www.youtube.com/embed/1vglgFGMpX4?si=ZdUnF_6XUy3Z9GbM"

Бүгін Абай атындағы ҚАЗҰПУ-де биылғы мектеп түлектеріне кәсіптік бағдар беру мақсатында Ашық есік күні өтті.  Шара барысында факультеттер жәрмеңкесі ұйымдастырылып, талапкерлерге мамандыққа қатысты барлық сұрақтарға жауап берілді.Сондай-ақ  Ашық есік күнінің ресми бөлігінде Академиялық мәселелер жөніндегі департамент директоры Хайрулла Жанбеков сөз сөйлеп, түлектерге сәттілік тілеп, биылғы Ұлттық бірыңғай тестілеуден ең жоғары – 140 балл жинаған Алматы облысы, Еңбекшіқазақ ауданы, «Толқын» орта мектебінің түлегі Қуандық Санжар Ғалымжанұлы арнайы марапатталып, естелік сыйға ие болды.

АЛМАС НАЙМАНБАЕВ, АБАЙ АТЫНДАҒЫ ҚАЗҰПУ КӘСІБИ БАҒДАР ЖӘНЕ МАНСАПТЫ  ДАМЫТУ ДЕПАРТАМЕНТІНІҢ ДИРЕКТОРЫ

https://www.youtube.com/embed/sjH4bCY9rvs?si=lYXH3LajX27lH2hP" 

https://www.youtube.com/embed/1Po8JOFhKtg?si=fcK7lazboFknZVqc" 

Жас ұрпақтың ұлттық рухта тәрбиеленуі үшін ақындармен жүздесуі маңызды. Ақындар арқылы олар халқымыздың рухани байлығымен, ұлттық құндылықтарымен, ана тіліміздің көркемдік мүмкіндігімен тікелей танысады. Мұндай кездесулер жастардың жігерін жанып, ұлттық құндылықтарды ұлықтауға бағыт-бағдар береді.Көрнекті ақын Мұхтар Шахановпен орын алған шараға назар аударсақ.

Көрнекті ақын, қоғам қайраткері Мұхтар Шахановты асыға тосқан жастар,ерекше ықыласпен қарсы алды. Тәлім мен тағылымға толы жүздесу барысында ол өзінің шығармашылық жолы, ұлттық рухты көтерудегі күресі және қазіргі қоғамдағы жастардың орны туралы ой бөлісті. Ақын жастарды шынайылыққа, әділеттілікке ұмтылуға, өз ұлтының рухани байлығын бағалауға шақырды.

ЭЛЬМИРА ӘЛІМЖАНҚЫЗЫ №49 ЖББ МЕКТЕП ДИРЕКТОРЫНЫҢ ОҚУ-ІСІ ЖӨНІНДЕГІ ОРЫНБАСАРЫ

Кездесу әсерлі сұхбаттармен, өлең оқумен және ашық пікір алмасумен жалғасты. Жастар өз сұрақтарын қойып, Мұхтар Шахановтың өмірлік тәжірибесінен құнды кеңестер алды.  

МҰХТАР ШАХАНОВ ҚАЗАҚСТАННЫҢ ХАЛЫҚ ЖАЗУШЫСЫ, АҚЫН

Мұхтар Шаханов өз шығармашылығы туралы әңгімелеп, қазақ әдебиеті мен мәдениетінің дамуына қатысты ой-пікірлерімен бөлісті. Сонымен қатар, ол өлеңдерінен үзінділер оқып, жастарды білімге, адалдық пен әділдікке үндеді. Шара барысында ақынның шығармаларына арналған әдеби композициялар қойылды. Ұстаздар қауымы осындай тағылымды кездесулердің маңыздылығын атап өтіп, жас буын үшін рухани тәрбие беруде кезек күттірмейтін мәселе екендігін алға тартты.

https://www.youtube.com/embed/igWg30tm2Z0?si=1uwNn85m6KpCSLlO" 

Оңтүстік астанамызда табиғи таза өнімнен компазицияланған ерекше шара ұйымдастырылды.Таланатты өнер иесі Мөлдір Балғынбайқызының «Ұлттың үні» деп аталған жеке көрмесі көпшіліктің таңданысын тудырып, қазақтың төл мұрасын жаңаша қырынан таныстырды.

Абай атындағы Қазақ ұлттық педагогикалық университетінің Өнер факультетінде орын алған көрменің жөні бөлек.Табиғи таза жүннен жасалған авторлық картиналар қойылды. Әрбір туынды – қазақтың бай қолөнер дәстүрі мен заманауи бейнелеу өнерінің шеберлікпен үндескен синтезі. Мөлдір Балғынбайқызы — суретші, педагог, шебер ретінде өз еңбектерінде ұлттық болмысты, аналық мейірімді, табиғат пен адамның жарасымын нәзік сезімталдықпен жеткізе білген.

МӨЛДІР КҮМІСБЕКОВА ҚОЛӨНЕР ШЕБЕРІ

Шебердің шығармаларында ежелгі дүниетаным мен қазіргі заманның үнін табуға болады. Жүн материалының табиғи құрылымы мен жылы түстер үйлесімі әр картинаның айрықша тынысын сезіндіреді. «Ұлттың үні» көрмесі – өткен мен бүгінді, тарих пен қазіргі күнді, салт пен жаңа көзқарасты сабақтастыратын бірегей өнер алаңы болды.

ЕРТАЙ СҰЛТАН АБАЙ АТЫНДАҒЫ ҚАЗҰПУ ПРОРЕКТОРЫ

АЙДЫН ТОҚТАСЫНҰЛЫ ӨНЕРТАНУШЫ

Мөлдір Балғынбайқызының еңбектері көрерменге тек эстетикалық ләззат сыйлап қана қоймай, ұлттық құндылықтарды жаңаша пайымдауға мүмкіндік береді. Бұл көрме — бейнелеу өнерінің жаңа бағыттағы ізденістері мен ұлттық өнердің мәңгілік маңызын айқын көрсеткен маңызды мәдени оқиға. 

https://www.youtube.com/embed/htOqDer4Fx4?si=lk7yxkwBY2KUReZt" 

Елдің елдігін айшықтап,бірлігін нығайтатын Наурыз мерекесі еліміздің әр өңірінде тойлануда. Ақтың молдығын,мал мен бастың амандығын тілеген, қазақ халқының бай мәдени мұрасын дәріптеуге, ұлттық салт-дәстүрлерді жаңғыртуға бағытталған шара жайлы тарқатсақ.

Алматы облысы,Тұрар Рысқұлов ауылында өткен мерекелік іс-шараға ауыл тұрғындары,абыз ақсақалдар мен қатар құрметті қонақтар қатысты.Ұлыстың ұлы күні ақшаңқан киіз үйлер тігіліп,мәдени шаралар ұйымдастырылды.Қазына кеуде қариялар елдің сәнін келтіріп түйеге мініп көпшілікке керемет көрініс тарту етті. Ақ жаулықты,ақ кимешекті аналар жамандық жоламасын,ел мен жер бәле жаладан аулақ болсын деген  ырыммен аластап, көпшілікке молшылық болсын деп шашу шашты. 

МАТАН БЕКБОСЫНОВ АЛМАТЫ ОБЛЫСЫ ТАЛҒАР АУДАНДЫҚ АРДАГЕРЛЕР КЕҢЕСІНІҢ ТӨРАҒАСЫ

МЕРКІБАЙ МОЛДАМҰРАТОВ АЛМАТЫ ОБЛЫСЫ ТАЛҒАР ҚАЛАСЫ АРДАГЕРЛЕР КЕҢЕСІНІҢ ТӨРАҒАСЫ

Бұл күні жақсылық пен қуаныш салатанат құратын сәт. Меркелік шара барысында ауыл мен ауданның өркендеуіне үлестерін қосып жүрген азаматтар алғыс хаттармен марапатталды.

БЕЙБІТКҮЛ МҰХАМЕДЖАНОВА Т. РЫСҚҰЛОВ АУЫЛЫНЫҢ ТҰРҒЫНЫ
 
АЙГҮЛ ЖАҢҒАБЫЛОВА  Т.РЫСҚҰЛОВ АУЫЛЫНЫҢ ТҰРҒЫНЫ

Қазақ халқының қонақжайлылық салты да паш етіліп,қонақтарға бауырсақ, қымыз, қазы-қарта ұсынылып, қазақтың асханалық дәстүрінің үздік үлгілері көрсетілді. Бейбіт күннің бақытты бүлдіршіндері жиналған көпшілікті ән әуезінде тербетіп,тәуелсіз елдің аспанын шаттыққа толтырды. 

КҮЛСӘРА ӘНӘПИЯЕВА АРДАГЕР ҰСТАЗ ЗЕЙНЕТКЕР

Ұлыстың ұлы күні ұлттық мәдениетімізді дәріптеу, салт-дәстүрімізді насихаттау – қоғамның рухани кемелденуіне үлкен үлес қосатыны сөзсіз.

https://www.youtube.com/embed/NJSCkviLP0I?si=pZThJJ7W6wZpTppk" 

Балалардың бос уақытын тиімді өткізу – олардың жан-жақты дамуы мен салауатты өмір салтын ұстануына жол ашады. Бүгінде телефон мен компьютерге тәуелділік мәселесі өзекті болып отырған шақта, олардың еркін уақытын пайдалы істерге бағыттау ерекше маңызға ие. Алматы облысы Талғар ауданында орын алған шараға назар аударсақ.

Ерте жастан еңбекке баулу ептілік қана емес, жастардың болашақ мамандықтарын дұрыс таңдауына жол ашады. Мемлекет басшысы 2025 жылды жұмысшы мамандықтарының жылы деп жариялауының түп мақсаты да осы салаға құрмет, жауапкершілікті арттыру. Талғар ауданында өнер мектептерінің өткізіп отырған іс-шарасының маңызы зор. Мерекелік кеш Ұлы Жеңістің 80 жылдығы, жыл — жұмысшы мамандықтар жылы, сондай-ақ қазақтың ұлы композиторы Нұрғиса Тілендиевтің 100 жылдық мерейтойына арналды.

РҮСТЕМБЕК МЫҢБАЕВ АЛМАТЫ ОБЛЫСЫ ТАЛҒАР АУДАНЫ БІЛІМ БӨЛІМІНІҢ МЕҢГЕРУШІСІ

Шара аясында  жасөспірімдер үшін түрлі бағыттағы шеберлік сыныптары, музыкалық қойылымдар, патриоттық әндер фестивалі мен қолданбалы өнер көрмелері ұйымдастырылды. Сондай-ақ, Нұрғиса Тілендиевтің шығармашылығына арналған арнайы музыкалық бағдарлама ұсынылып, жас өнерпаздар оның туындыларын орындап, көрермендердің ыстық ықыласына бөленді.Ұйымдастырушылардың айтуынша балалардың бос уақыттарын ұтымды пайдалану, түрлі зиянды заттармен шұғылдануларын алдын алады.

ГҮЛБАҒИЛА МҰСАБЕКҚЫЗЫ ТАЛҒАР АУДАНДЫҚ ӨНЕР МЕКТЕБІНІҢ БАСШЫСЫ

Бұл бастама жастардың шығармашылық қабілетін дамытуға, оларды ұлттық құндылықтармен сусындатуға және гаджеттерге тәуелділікті азайтуға үлкен септігін тигізді.  

https://www.youtube.com/embed/iHI_ZdD1XJ0?si=eJv9C7n3Kt5-USwl" 

https://www.youtube.com/embed/qwUqqhO73GI?si=ZY7xvTuze6BL0xSI" 

https://www.youtube.com/embed/XUpzvXk4m0A?si=L-wP95UFftoH-NlK"