https://www.youtube.com/embed/SOLKyS6-1AU?si=cZSS0zk0tul8_kP_" 

Отандық кәсіпкерлерге мемлекеттен қолдау керек. Әйтпесе, шет елдік импорттаушылардың мұңын мұңдап, жырын жырлайтындар, қазақстандық бизнестің дамуына кедергі келтіріп отыр. Қазақтар да ауыл шаруашылық техникасын жасай алады. Тек қолдау жетіспейді дейді Мәжіліс депутаты Жигули Дайрабаев.

ЖИГУЛИ ДАЙРАБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Біздің өз металымыз жеткілікті. Қазақстанда ауыл шаруашылығы техникасына арналған жоғарғы технологиялық жабдықты талап етпейтін қарапайым, қосалқы бөлшектерді өндіруге болады. Алайда өндіріс үшін шикізатты Ресей Федерациясынан сатып аламыз. Көрші елдің экономикасына жұмыс істеп жатырмыз. Бұл ретте кейбір біздің үзеңгілес әріптестеріміз шетелдік ауыл шаруашылығы техникасын импорттаушылардың жырын жырлап, мүдделерін қорғап жүр. Бұл тірліктері Мемлекет басшысының отандық өндірушіні қолдау саясатына қайшы келіп, саясатты іске асыруға кедергі келтіруде».

Статистикаға сүйенсек, еліміз бойынша тракторлардың тозуы 80 пайыз, комбайнның тозуы 72 пайызды құрайды. Жалпы алғанда бүкіл парктың орташа тозу деңгейі 76 пайыз. Яғни, әбден ескірген. Сондықтан, депутаттар техниканы жаңартпай еңбек өнімділігін арттыру мүмкін емес деді. Ол үшін Үкімет жеңілдетілген лизингке бөлінетін қаржыны ұлғайту керек деп санайды.

https://www.youtube.com/embed/RtPSgAHEc1I?si=8kDVPVd-AZTLTWbk"

Шаруалардың тілеуі биліктің ынтасына дәл келір отыр. Қазанның 5 де Ақсу қант зауыты қайтадан іске қосылады. Осыған орай алып кәсіпорын аумағына 21 мың тонна тәтті түбір түсіріліпті. Қант өндірісін дамыту - Президент талабы. Ендігісі - зауытты шикізатпен қамтамасыз ететін ауыл шаруашылығы еңбеккерлеріне байланысты. Бүгін Жетісу облысының әкімі Бейбіт Исабаев Ақсу ауданына барды. Халықпен кездесіп, жеке және жалпыға ортақ мәселелерін тыңдады.  

Ақсу өңіріне іс сапармен барған Жетісу облысының әкімі алдымен жергілікті тұрғындардың бір қатарын жеке қабылады.Азаматтардың дені мемлекеттік тұрғын үй қорынан баспана сұрап келгендер. Солардың бірі Жансүгіров ауылының тұрғыны Берлібек Аманбаев 83 жастағы ақсақал, Қазақстан жазушылар одағының мүшесі екендігін алға тартып, пәтер алуда жеңілдік сұрады.     

БЕРЛІБЕК АМАНБАЕВ АУЫЛ ТҰРҒЫНЫ

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Қазіргі күні ауданда 872 адам үй кезегінде тұр. Облыс әкімі үй кезек ретімен қаралып, заң жүзінде алатындарын ескертті. Бұдан кейін Бейбіт Исабаев Аксу ауданының халқымен  жалпы кездесу өткізді.  Жергілікті жұрт аймақ басшысын жақсы көңіл күймен қарсы алды. Бейбіт Өксікбайұлы ақпан айында Ақсулықтармен жүздескен еді. Сол уақытта 11 мәселе көтеріліп, облыс әкіміне  тікелей жолданған. Нәтижесінде оның 4еуі толық шешіліп, 7-еуі қаралып жатыр. Жансүгіров ауылының шығыс бөлігіндегі 4 көшеге жарық шамдары орнатылды. Тарас елдімекенінің ішкі жолдарына жөндеу жұмыстары жүріп жатыр. Жаңалық ауылының орта мектебінде ағымдық жөндеу өтті.Қапал ауылында көкпар спортын дамыту үшін 1 штат бірлігі бөлініп, білікті бапкер алынды. 

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Сонымен қатар Жансүгіров – Ақсу бағытындағы тасжолдың Көкөзек ауылына дейінгі  бөлігіне орташа жөндеу жұмыстарын жүргізу үшін техникалық құжаттама әзірленді. Суықсай -Қызылжар ауылын байланыстыратын тас жолды қапына келтіру де жоспарда бар. Бейбіт Исабаев ауданның бүгінгі жағдайында тілге тиек етті. Аграрлы өңір болып саналатын облыста ауыл шаруашылығы дақылдарының егіс алқабы 519 мың гектар оның 62.3 мың гектары Ақсуға тиесілі.  Қазір бидай арпадан  44 мың тонна өнім алынды. Картоп пен көкөніс бақша дақылдары да толығымен жиналды.  Сонымен қатар 33 мың тәтті түбір жиналып, Ақсу қант зауытына өткізіледі.

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Халықтың жерге деген мұқтаждығын өтеу жұмыстары жалғасуда. Мәселен, өткен жылы 220 мыңға жуық гектар жер пайдаланылмағаны анықталды. Мемлекет меншігіне 95.8 мыңы қайтарылып, 35 мыңнан аса гектары айналымға енгізілді. Ирригациялық желілер мен құрылыстарды салу бағытында ауданда 2ірі жоба іске асырылуда. Ауданда өзекті мәселелердің бірі - халықты қолжетімді тұрғын үймен қамтамасыз ету. Қазан қараша айларында Жансүгіров ауылындағы

50 пәтерлік және 10 жалдамалы тұрғын үйлер пайдалануға берілетін болады. Сонымен қатар республикалық бюджет есебінен тағы 30 үй сатып алу жоспарда бар.Халықты сапалы ауыз сумен қамтамасыз ету жұмыстары тұрақты бақылауда. Ақсу ауданында 49 елді мекеннің 42 сі орталықтандырылған сумен қамтасыз етілген. Жол мәселесіде бірте- бірте шешіліп келеді.   

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Облыс басшысымен Ақсу ауданының тұрғындары арасындағы жиын ашық және өзара сенім деңгейінде жалғасты. Жергілікті халық көкейіндегі сұрақтарын еш бүкпестен қойып, тұшымды жауаптарын алды. Көтерілген мәселелердің басым бөлігі ауыларалық жолдар мен жарықтандыру жағдайы. 

Ақсулықтарды да қинайтын басты мәселе - қызылшаға қажет техника жетіспеушілігі. Зауыт жанынан ұсақ шаруашылықтарға ортақ техника паркі ашылса деген тілектері бар. Сонымен қатар жайылымдық жерлердің тарлығы айтылды.      

Әкім келетінін естіп кездесуге арнайы  келгендер көп. Көкейлеріндегі сұрақтарын жолдағандардың қарасы басым. Әкімдік назарына алса, нәтиже шығарса деген тілек бар. Бейбіт Исабаев болса мәселелерінің  шешімін табатындарын айтып, жауаптыларға нұсқау тапсырмалар берді. Облыс деңгейінде қаралуы тиіс тұстарды түртіп алды. Қай-қайсысының да шешілуі өз бақылауында болатынын алға тартты.

https://www.youtube.com/embed/EFSaaQRoDwc?si=avj5nSkXPIbpTUN_" 

Алматыда «Орталық Азиялық электрондық коммерция форумы 2023» атты  бірінші халықаралық форум өтті. Шара Орталық Азия аймақтары бойынша электронды саудадағы цифрлық экономиканы дамыту үшін ірі сала кәсіпкерлерін, мемлекеттік қызметкерлерді, технология провайдерлерін, кәсіпорындар мен логистика саласының басын біріктірді.

Іс-шараның ашылу салтанатында ҚР Сауда және интеграция вице-министрі Айжан Бижанова,Халықаралық сауда орталығының (ITC) атқарушы директоры Памела Кок-Гэмилтон,Түркия Республикасы Сауда министрінің орынбасары Махмут Гюрджан, Тәжікстан Республикасы Экономикалық даму және сауда министрінің орынбасары  Ахлиддин Нуриддин, Mastercard Орталық және Шығыс Еуропадағы қоғамдық сектор бойынша вице-президенті Энгин Яшар баяндама оқыды.

НҰРЛАН ҚҰЛБАТЫРОВ «QAZTRADE» БАС ДИРЕКТОРЫНЫҢ БІРІНШІ ОРЫНБАСАРЫ: «Бүгінгі форумның негізгі мақсаты Орта Азия елдеріндегі электронды саудаға қатысты болып отыр. Өздеріңіз білесіздер мын пандемия кезінде барлық дүкендер жабық болған кезде электронды сауданың қарқынды дамығаны белгілі. Ол қарқынды қазір сақтап қана қоймай ары қарай еселеп өсуде. Жаңағы өздеріңіз көрдіңіздер Халықаралық сарапшылардың есебі бойынша сауда транзакциялатының саны,оның ішінде онлайн жасалынатын маркет плейстегі сауданың саны артуда. Күнделікті өмірде электронды билет алу, сауда жасау мұның бәрі кәзір қалыпты күйге енді. Менің айта кетейін дегенім Қазақстан осы Азия елдері арасында ең үлкен электронды сауда бойынша  көрсеткіштері жоғары. Яғни бұл тек қана азық-түлік емес,киім-кешек емес сонымен қатар алыс ауылдағы азаматтардың өзі  қазпочта арқылы,басқа да маркет плейстердің заттарын сатып алып Қазақстаның барлық аймақтарына жеткізіледі».

Орта Азия елдері арасындағы сауда саттық қарқынды дамып келе жатыр.

Бір айта кететін жағдай электронды саудамен айналысу үшін кәсіпкерлерге бірінші кезекте электронды сауда туралы білім қажет. Осы тұрғыдан Түркия елінің де  электронды сауданы  дамытуда үлкен тәжірибесі бар дейді сауда саясатын дамыту орталығы мамандары.

НҰРЛАН ҚҰЛБАТЫРОВ «QAZTRADE» БАС ДИРЕКТОРЫНЫҢ БІРІНШІ ОРЫНБАСАРЫ: «Бүгінгі іс-шараға Түркия мемлекетіде қатысып отыр. Қатысуының себебі бар. Біріншіден Түркі тілдес елдерінің жақында ғана жиналысы биыл Қазақстанда да өтеді үлкен саммит. Одан бөлек Түркия елінің осы электронды сауданы  дамытуда үлкен тәжірибесі бар. Жаңа айтып өтті Қазақстандық кәсіпкерлер,азаматтар, тұтынушылар да Түркия елінің платформаларында да көптеп сауда жасайды».

Шарада  Әзербайжан,Грузия арқылы Түркияға, Еуропа елдеріне шығатын сауда дәлізі талқыланды. Көлік саласы,логистикаға байланысты сұрақтар төңірегінде пікір алмасу болды. Кәсібін енді бастаған жастар болсын, кәсіпкер болып бірақ онлайн сатпаған адамдарға көптеген тәжірибе үйренуге мүмкіндік берілді.Форумда ынтымақтастық туралы меморандумдарға да қол қойылады.Қазақстан мен Тәжікстан арасындағы екіжақты келісімге қол жетті.

https://www.youtube.com/embed/BAQE4wVwG_Q?si=LcCeyWnJMEXjnZij" 

Алматы облысының мәслихат депутаттарының көшпелі отырыстары тұрақты түрде жалғасын табуда. Бұл жолы Жамбыл ауданында орын алды.Шараға қатысқан халық қалаулылары,жылыту маусымына дайындық мәселесін талқылады.Өңірге қарасты басқарма мамандарының баяндамалары тыңдалып,бір қатар ұсыныстар мен ескертулер айтылды. Мәслихат депутаттарының пікірі бойынша,қыс мезгіліне сақадай сай болу керек. Былтыр еліміздің кейбір өңірінде орын алған олқылықтарға жол берілмеуі қажетті.

ДӘУЛЕТ ЖАРАСБАЕВ АЛМАТЫ ОБЛЫСЫ МӘСЛИХАТЫНЫҢ КОМИССИЯ ТӨРАҒАСЫ

Өңірге қарасты мәслихат депутаттарының көшпелі отырысы барысында аймақтың тұрақты дамуына байланысты көптеген тақырыптар көтеріліп келеді.Жиын барысында кемшіліктер орын алып жатса,тез арада шешудің тетіктері қаралып қана қоймайды,оны алдын алу мәселесіне мән беріледі. Жамбыл ауданындағы басқосуда тұрғын үй коммуналдық шаруашылығынан бөлек, туризмді дамытудың негізгі құрылымдары қаралды. Алматы облысында тылсым табиғатқа бай,көркем жерлер бар.Тек соны тиімді игеру керекті. Мәслихат депутаттары туристтердің қызығушылығын арттыру үшін, инфрақұрылымдық жағдаяттарды реттеу кезек күттірмейтін мәселе екендігін алға тартты.

ДӘУЛЕТ ЖАРАСБАЕВ АЛМАТЫ ОБЛЫСЫ МӘСЛИХАТЫНЫҢ КОМИССИЯ ТӨРАҒАСЫ

https://www.youtube.com/embed/81wNsQZZhzo?si=7zj7gBtRNokMCxLz" 

Абай облысының сыбайлас жемқорлыққа қарсы қызметі облыстық прокуратураның үйлестіруімен Абай облысының полиция департаментінің Көші-қон қызметі басқармасының басшысы Гүлвира Доненбаева мен  басқа да қызметкерлерін пара алу кезінде әшкереледі. Лауазымды тұлға өзінің қоластындағы қызметкерлер арқылы аудандық полиция бөлімшесінің маманын қалалық көші-қон қызметі бөліміне ауыстыруға жәрдемдескені үшін 1000 АҚШ доллары көлемінде пара алған.

МАДИЯР  БАЙТАБАНОВ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АБАЙ ОБЛЫСЫ БОЙЫНША ДЕПАРТАМЕНТІ БАСҚАРМАСЫНЫҢ АҒА ОФИЦЕРІ: «Күдіктілер ұсталып, уақытша ұстау изоляторына қамалды.Сотқа дейінгі тергеу жалғасуда.Қылмыстық процестік кодексінің 201-бабына сәйкес тергеп-тексеру мүддесінде өзге де ақпарат жария етілуге жатпайды. Сонымен қатар, Конституцияның 77-бабы 3-тармағының 1-тармақшасына және қылмыстық процестік кодексінің 19-бабы 1-бөлігіне сәйкес, әркім өзінің қылмыстық құқық бұзушылық жасаудағы кiнәлiлiгi соттың заңды күшiне енген үкiмiмен белгiленгенге дейiн кiнәсiз болып саналады».

https://www.youtube.com/embed/7OMgHpJUw1Y?si=0ROR2FMJdFncjDfd" 

https://www.youtube.com/embed/m8hlsixReok?si=kdH17LdFDW0B3uAp" 

Қазақ спорт журналистикасының негізін қалаушы, ел спортын насихаттауға телегей-теңіз еңбек сіңірген, қазіргі Қазақстан спорт басылымдары қауымдастығының алғашқы президенті, 1966 жылы – Лондонға, 1970 жылы Мексикаға барып, футболдан әлем чемпионаты жайлы қалам тартқан алғашқы қазақ Сейдахмет Бердіқұловқа 90-жыл.Бір туар азаматтың құрметіне орай,Алматы облысының орталығы Қонаев қаласында «Ар-намыстан жаралған қайраткер тұлға» атты ғылыми-тәжірибелік конференция орын алды.Шараға қатысып қайтқан түсірілім тобының бейне материалына кезек берсек.

Елімізде спорт журналистикасының негізін қалаған Сейдахмет Бердіқұлов әлемдiк футбол додасын қазақы көзбен, қазақы сөзбен, қазақы жүрекпен жазған ерекше ұлтжанды қаламгер.Оның отты мақалалары оқырманның  санасында қорғасындай ерiп, санаға сілкініс беретін жазудың жампоз шеберi десек артық айтқандық емес.

Талантты қаламгердің қанатты қиялынан әр жылдары туған «Аспаннан шұға жауған күн», «Сиқырлы алқа таққан Москва», «Теңдессіз 16 күн», «Танкімен келген Тарғапбай», «Филармония, Қобызшы қызға», «Менің ұлы бейтанысым», «Ертеңнен салса, кешке озған», «Арбаған мені бір сиқыр», «Новеллалар мен эсселер», «Жүрсің-ау бір қиырда», «Бір тарының қауызы» секілді әңгіме-повестерін қалың оқырман жылы қабылдаған. Сондай-ақ, бірқатар туындылары орыс және басқа тілдерге аударылған.

НҰРЛАН ОРАЗАЛИН МЕМЛЕКЕТ ЖӘНЕ ҚОҒАМ ҚАЙРАТКЕРІ,АҚЫН

Талайдың азамат болып қалыптасуына сеп болған Сейдахмет Бердіқұлов қылышынан қан тамып тұрған Кеңес үкіметі тұсында ұлттық рухымыз ұйықтап бара жатқан шақта, сілкілеп оятқан санаулы тұлғаның бірі.Қазіргі «Жас Алаш», ол кездегі «Лениншіл жас» газетін 16-жылдай басқара білді.Міне осы тұста қазақы идиологиядан таймай,тіресе күрескен қаламгер.Сейдағаңды ұлықтауға арналған жиында,көптеген естелік әңгімелер айтылып,оның әлі де ашылмай қалған қырларын сөз етті.

МӘЛІК ОТАРБАЕВ ҚАЗАҚСТАН РЕСПУБЛИКАСЫ ПРЕЗИДЕНТІНІҢ КЕҢЕСШІСІ

ОЛЖАС УӘЛИ ЖУРНАЛИСТ

Сейдағаң,сөз бостандығы болмаған уақытта өзі басқарып отырған басылымдарда Мұқағали мұраларын дәріптеп, тоқтат деген бұйрықтарға бұрылмай,ұлтының ұлы мұраты үшін еңбек етті.Оның тіпті 1986 жылы желтоқсан оқиғасы кезінде алғаш болып,сес көрсеткен ерлігін, көз көргендер ұмыта қойған жоқ.

НАҒАШЫБЕК ҚАПАЛБЕКҰЛЫ ЖАЗУШЫ

Сейдахмет Бердіқұловтың 90-жылдығына арналған іс шара барсында қарымды қаламгердің өмірі өрнектелген «Тұйғын  талант» атты кітаптың тұсау кесер рәсімі орын алды.Нар тұлғаға арналған игі бастамалар мұнымен шектелмек емес,алдағы уақыттары  да жалғасын таппақ.

https://www.youtube.com/embed/Y0S0zdU-Li0?si=QbvI4280wQ4pyisY"

Антарктиданың айналасындағы мұхитты жауып тұрған теңіз мұзының деңгейі осы қыста рекордтық деңгейге жетті. Бұл туралы АҚШ-тың Ұлттық қар және мұз деректер орталығы хабарлады.

Ғалымдар жағдай нашарласа, теңіз мұзында төлдерін өсіретін пингвиндер сияқты жануарларға кері әсер етуі мүмкін дейді.

АРИАН ПУРИЧ ТЕҢІЗ МҰЗЫН ЗЕРТТЕУШІ: «Антарктиданың аймағында императорлық пингвиндердің әртүрлі колониялары бар. Пингвиндер балапандарына жүзуді үйреткенге дейін теңіз мұзы еріп кеткен. Ал балапандар әлі жүзе алмайды. Соның салдарынан қазірдің өзінде 9000-нан астам балапан пингвин суға батып кетті».

Сондай-ақ, мұздың аз болуы күн сәулесінің ақ бетінен ғарышқа кері шағылысып, суға көбірек сіңетінін білдіреді.

Биылғы жылы Антарктидадағы ең көп теңіз мұзы 10 қыркүйекте болған. Оның ауданы 17 миллион шаршы шақырымды құраған.Бұл 1979 жылы спутниктік бақылаулар басталғаннан бергі ең төменгі қысқы деңгей. Алдыңғы рекордтық көрсеткіш 1986 жылы тіркелген. Бірақ ол қазіргіден миллион шаршы шақырым артық болды.

Теңіз мұзының ауданы әдетте қыркүйекте ең жоғары деңгейге жетеді. Содан кейін мұз ақпан немесе наурыз айларында оңтүстік жарты шарда жаз аяқталғанға дейін ең төменгі нүктеге дейін ериді.

Айта кету керек, Антарктидадағы мұз еріп жатқанда, ғалымдар оның артындағы процестерді әлі түсіндіре алмайды. Сонымен, климаттың жылынуы аясында оның ауданы тұрақты түрде қысқаруы керек. Алайда, 2007-2016 жылдар аралығында ол керісінше өскен. Бұл мұз қабатына басқа факторлар да әсер етуі мүмкін екенін көрсетеді.

https://www.youtube.com/embed/bN39h189m0c?si=sA_x3A727wbgWB8h" 

Ирактағы христиандардың үйлену тойы отшашудың кесірінен жан түршігерлік трагедияға айналды. Аталмыш елдің ақпарат құралдары өрт орын алған нысан бөлмелеріндегі қаптаманың елде тыйым салынған жанғыш материалдардан жасалғанын хабарлады.

Өрт кешкі сағат он бірлер шамасында басталған.Мыңға тарта қонақтар қатысқан қуанышты кеште қызыл жалын салдарынан 114 адамның қайтыс болғаны расталды. Тағы 200-ге жуық адам жарақат алып ауруханаға жеткізілген.

ЗАРДАП ШЕГУШІ: «Залда 800-900 адам болды. Үйінді астында әлі де адамдар бар, бірақ күлге айналған шығар. Мен ешкім аман қалды деп ойламаймын. Қалғанын шығарып алдық. Өлгендердің арасында ерлер, әйелдер және балалар бар».

ҚАЗА ТАПҚАНДАРДЫҢ ТУЫСЫ: «Олар маған телефон соғып, отбасымның 22 мүшесін күйік шалғанын айтты. Мен оларды іздеуге келдім. Олар табыла салысымен Мосулға жөнелтілді, себебі олардың жағдайы ауыр».

Ниневия провинциясының Хамдания аймағында негізінен христиандар тұрады. Ол Мосулға жақын жерде, Бағдадтан 330 шақырымдай жерде орналасқан.

ЗАРДАП ШЕГУШІ: «Жастар баяу би билеп, отшашуды жақты. Ол төбеге соғылып, өрт тұтанды. Айналасы  бірнеше секундта бүкіл залды шарпыды».

Ирак ақпарат құралдары бөлмедегі қаптаманың елде тыйым салынған жанғыш материалдардан жасалғанын хабарлады.Бұл соңғы онжылдықта жергілікті христиан қауымдастығына тиген тағы бір қайғылы оқиға. Ирак христиандары бірнеше жылдар бойы исламшыл содырлардың шабуылына ұшыраған еді. Ниневия жазығы алты жыл бұрын Ресейде және басқа елдерде тыйым салынған «Ислам мемлекеті» тобынан азат етілген. Аймақтың кейбір қалалары әлі қираған күйінде. Көптеген христиандар Еуропаға, Австралияға және АҚШ-қа қоныс аударған болатын.

https://www.youtube.com/embed/1Uy_uUP5UAs?si=nuyggrlAmdE6fEru" 

Бүгін Қазақстан қор биржасында 1 долларың теңгеге шаққандағы бағамы күрт өсті. Күндізгі сауда қоритындысысы бойынша, доллар 5 теңге 72 тиынға қымбаттап,бір АҚШ ақшасы 482 теңге77 тиын болды.

Алматының ақша айырбастау пунктеринде доллара 481 – 483 теңгеден сатылып жатыр. Ал Астана қаласы бойынша сату бағамы – 479 теңге, сатып алу құны – 484 теңге жирным шрифтом.

https://www.youtube.com/embed/RK3h-bFfG5w?si=sFwBxrpl7fJoa0g6"

Маусым айынан бері тұтынушылар мен кәсіпкерлердің құқықтарын қорғау қауымдастығына 20-ға жуық өтініш келіп түскен. Оның басым бөлігі өнім мен тауар сапасыздығына қатысты. Алған тауарыңыз көңіліңізден шықпай қалса, не істеу керек? Тұтынушының құқығы тапталмауы қаншалықты назарда? Тақырыпты тілшіміз толықтырады.

Кейде тауардың сапасына мән бермей, сатып алған соң сан соғып қалып жатамыз. Надежда Дубовая 30 жылдан бері осыған ұқсас жағдайларға тап болған тұтынушылардың құқығын қорғап келеді. Оны кәсіпкерлер де, заңгерлер де жақсы таниды. Келіншектің көмегіне жүгінетіндер қарасы да аз емес.

НАДЕЖДА ДУБОВАЯ СҚО ТҰТЫНУШЫЛАР ҚҰҚЫҒЫН ҚОРҒАУ ҚАУЫМДАСТЫҒЫНЫҢ ТӨРАЙЫМЫ: «Тұтынушы алдымен тауарды алған дүкенге барған. Дегенмен одан еш пайда болмады. Негізі сатушылар мен тауар өндірушілер алдымен өз өнімдерінің сапалы екенін дәлелдеуі тиіс. Бұл жағдай бойынша сараптама жүргіздік. Кейін оның кәсіпорыннан болған қателік екені анықталды. Бірақ кәсіпкер тауарды ауыстырмайтынын жеткізді».

Надежда Смердова зергерлік дүкеннен қымбат бұйым алған. Алайда бірнеше күннен кейін сақинасының асыл тасы түсіп қалады. Сараптама жұмыстары кезінде тауардың жаңа болмағаны анықталған. Дегенмен бұл жағдайды сатушылар да, сот мамандары да ескермеген.

НАДЕЖДА СМЕРДОВА ҚАЛА ТҰРҒЫНЫ:«Сатушылардың сапасыз тауар сатқаны менің кінәм емес қой. Сондықтан сотқа жүгінемін деп шештім. Бірақ маған мұның еш пайдасы жоқ екенін айтты».

Сондай-ақ, тұрғындар ұтыс ойындары, тегін лотереялар сынды алаяқтардың арбауына түсіп қалып жатады. Әдетте олардың құрығына зейнеткерлер ілігеді. Алдымен медициналық тегін процедураларға шақырады, кейін маңызды құжаттарға қол қойғызып алады.

НАДЕЖДА ДУБОВАЯ СҚО ТҰТЫНУШЫЛАР ҚҰҚЫҒЫН ҚОРҒАУ ҚАУЫМДАСТЫҒЫНЫҢ ТӨРАЙЫМЫ: «Олар сіз сыйлық ұтып алдыңыз деп назарыңызды аулайды. Кейін өздеріне шақырып алып, келісімшартқа қол қойғызады. Осылай алаяқтар көбін сан соқтырып кетеді».

Тұтынушылар өз құқықтарын қорғай алады. Дегенмен бұл күрделі процесс. Уақыт пен шыдамдылықты талап етеді. Сондықтан көбі қолын бір сілтеп, кете барады. Дегенмен өз құқығыңызмен толық таныс болсаңыз, кез-келген тығырықтан шығуға болады.

https://www.youtube.com/embed/GqZOZLChGD8?si=-zaLOUF5zZnNZE21"

Маңғыстауда жыл басынан бері 700-ге жуық адамды ит қапқан. Оның 360-ы бала. Ауылда бұралқы иттер көбейген дейді тұрғындар. Төніп тұрған қауіптен сескенетіндерін айтып, жауаптылар мәселенің түйінін шешіп берсе екен деген өтініштерін алға тартуда.

Қаңғыбас иттерден келетін қауіп әлі де сейілмей тұр дейді тұрғындар. Үрейленген ата-ана балаларын мектепке жетектеп апаруға мәжбүр.  

 ОРАЗАЛЫ ЖҮСІПБЕКОВ ТҰРҒЫН: «Балаларымыз мектепке барады. Оларды қолынан ұстап алып барып, алып келеміз. Өйткені, ит өте көп. Қазір жаз айы ғой. Ертең қыста қиын. Иттер көбеймей-ақ қойсын. Бұл көбейсе, бағады қоя береді. Көбейген кезде 10-15 болады. Қалада да бар. Ауылдық жерде балаларымызға өте қиын болып жатыр енді».

ЖӘМИЛӘ АҒАТАЕВА ТҰРҒЫН: «Таңертеңгі уақытта балаларымызды шығарып саламыз. Иттен қорғану үшін. Өйткені, адамға қарата жүгіреді. Айналадағы базаларға ескерту берілсе, итті асырады ма, қорғаннан шығармай асырасын. Көбіне таңертең сабаққа кеткенде сосын келіп жатқанда кешкі уақытта келеді бұл иттер». 

Ата-бабамыз жеті қазынаға жатқызған үй жануарын қазір атуға заңмен тыйым салынған. Оның орнына иттерді аулап, жынысына қарай 3 және 7 күн уақытша ұстау пунктіне апару шарасы қолданылады. Бұл шетелден келген тәжірбие. Ол нәтижесін беру үшін кемі 3-5 жыл уақыт керек  дейді мамандар.

ӘДІЛЕТ ҚАЗТҰРҒАН МАҢҒЫСТАУ ОБЛЫСТЫҚ АУЫЛ ШАРУАШЫЛЫҒЫ БАСҚАРМАСЫ ВЕТЕРИНАРИЯ БӨЛІМІНІҢ БАС МАМАНЫ:«Қазіргі таңда иттерді ату деген жоқ. Тек аулау іс-шарасы өткізіледі. Себебі, заңның талабына сәйкес оларды аулап, стерилазиция жасап, сосын оны қайтадан қай жерден ауланды сол жерге апарып тастау саясаты жүріп жатыр. Қазіргі таңда Маңғыстау облысы бойынша жануарларға жауапкершілік қарау саласына 65 миллион қаражат бөлініп отыр. Соның ішінде Ақтау қаласы және Мұнайлы ауданы бойынша тендерлік іс-шаралар өткізіліп, жеңімпазы анықталды. Қазіргі таңда осы Ақтау мен Мұнайлы бойынша жұмыс жасайтын осы жеке кәсіпкер болып саналады».

Ақтау қаласы мен Мұнайлы ауданында иттерді уақытша ұстау пункттері бар. Ондағы жауаптылар күніне 30-дан астам ит аулайтын көрінеді. Мамандар алдымен төрт аяқтыларды қолға түсіріп, зарасыздандыру жұмыстарын жүргізеді. Содан соң ит ауланған ортасына қайта жіберіледі. Яғни, оған кастрация жасау арқылы көбеюіне тосқауыл қою көзделген. Әзірге бұралқы иттерге қатысты басқа қолдан келер қайран жоқ - дейді Балғазы Серібаев. 

БАЛҒАЗЫ СЕРІКБАЕВ УАҚЫТША ҰСТАУ ПУНКТІНІҢ БАСШЫСЫ: «Жабайы иттер көбейіп кеткен Маңғыстау облысында. Соны аулап, ішке апарып, жұмысымыз еркектерін піштіріп, ұрғашыларының маткасын алып сондай жұмыстар. Қолдан келгенше аулап,азайтамыз».

Жалпы аймақ бойынша иттерге арналған пункт салу үшін 6,3 гектар жер бөлінген. Алдағы уақытта әр ауданнан осындай орын ашу жоспарланып отыр. Бұдан бөлек, қыркүйектен бастап үй жануарларын міндетті тіркеу туралы заң күшіне енді. Осы мақсатта электронды есепке алу базасы құрылды.