- Толығырық
- Категория: Алатау ақпараты
- 113 рет қаралды
https://www.youtube.com/embed/zJuIR7RbL48?si=3CvOPDXvtilWVPXG"
БҚО-да су тасқынынан баспанасыз қалған отбасыларға пәтер беріле бастады.Кейбір елдімекендерде тұрғын үйлердің құрылысы жүргізілуде.Бәйтерек ауданының Достық ауылында бірнеше отбасының баспанасын су басқан.Оның біріне мемлекет тарапынан пәтер сатып алыныпты.
Бәйтерек ауданы Достық ауылының тұрғыны Ақмарал Сламғалиқызы - су тасқынынан зардап шеккен отбасының бірі.Алты жыл құтты қоныс болған басыбайлы баспанасын су шайып кеткен.Бір күнде шаңырағы мен мал-мүлкінен айырылған жанұя уақытша қауіпсіз жерге орналастырылған. Арнайы комиссия тиісті жұмыстар жүргізіп, баспананы тұруға жарамсыз деген шешім шығарған.Құжаттар реттеліп, көп кешікпей мемлекет тарапынан зәулім үйдің қожайыны атанды.Немерелері жаңа үйде асыр салып ойнап жүр.
АҚМАРАЛ СЛАМҒАЛИҚЫЗЫ ДОСТЫҚ АУЫЛЫНЫҢ ТҰРҒЫНЫ
Тасқын кезінде Достық ауылындағы 2 үйді су басқан.Ауыл азаматтары мен төтенше жағдайлар саласының қызметкерлері күш біріктіріп,20 үйді қызыл судан аман алып қалған.Су тасқыны салдарынан келтірілген материалдық шығындарды жою жөніндегі комиссия үйлерге техникалық тексеріс жүргізуде. Зардап шеккен отбасылар материалдық көмекпен қамтылған.
ЗӘУРЕ БАЙКЕНОВА ДОСТЫҚ АУЫЛДЫҚ ОКРУГІ ӘКІМІ АППАРАТЫНЫҢ БАС МАМАНЫ
Әкімдік өкілінің айтуынша, жалғыз тұрғылықты мекенін су басқан екінші отбасының баспанасын күрделі жөндеу таяу күндері басталмақ.
- Толығырық
- Категория: Алатау ақпараты
- 114 рет қаралды
https://www.youtube.com/embed/f2vVQIK3mLY?si=ogWEHiTMFLY1ELwT"
Соңғы уақытта киберқылмыс, соның ішінде интернет пайдаланушыларға қарсы алаяқтық жағдайлары жиілеген. Интернет қарақшының қармағына ілінгендер бұл кеселден қалай арылады. Осы мәселеге қатысты қаржылық мониторинг агенттігі Қызылордада халықтың қаржылық сауаттылығын арттыруға бағытталған «АФМ онлайн 2024» республикалық іс-шарасын ұйымдастырды.
Бөтен адамның әлеуметтік желідегі аккаунтын пайдаланып, қаржылай көмек сұрайтын алаяқтардың әрекеті жиілеп, құрбандары көбейген. Бүгінгі форумда қатысушылар үшін қаржылық сауаттылық, қаржы пирамидаларының белгілері, инфоцыгандар мен алаяқтардан қорғану тақырыбында пікірлер айтылды.
ЖАНДОС БАЗАРТАЙ ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ ПРОРЕКТОРЫ
Алаяқтардың әдіс-тәсілдері күн сайын өзгеріп, жаңарып отырады.Көбінесе, құрбанына инвестиция салу, бәс тігу, ойын және лотереяны жарнамалайды. Хабарласқан қарақшы өз құрбаны жайлы барлық ақпаратты біледі. Форум университет студенттерінің сауаттылығын арттыруда үлкен пайдасын тигізбек.
ТЕМІРЛАН АБЖАНОВ ҚОРҚЫТ АТА АТЫНДАҒЫ ҚЫЗЫЛОРДА УНИВЕРСИТЕТІНІҢ СТУДЕНТІ
Былтыр елімізде 5 мыңға жуық интернет алаяқтық жасалған.Алайда пирамида секілді пысақайлардың арбауына алданып қалмас үшін адамға қандай қасиет керек.Құрықтың қармағынан құтылып шыққан адамдардың пікірін білген едік.
БАҒЛАН ӘБДІРАЙЫМОВ ӘНШІ, ПРОДЮСЕР
Құзырлы органдар қарапайым қауіпсіздік шараларына зер салуды ұсынды. Тосынан келген хабарламаларға жауап бермеу, тез баю немесе қомақты қаржы ұтыстарына қатыспауға шақырады.
- Толығырық
- Категория: Алатау ақпараты
- 144 рет қаралды
https://www.youtube.com/embed/3g9oHxh4_Iw?si=llk4JJsnj5PX9-33"
Бұдан былай бәс тіккен мемлекеттік қызметшілер мен әскерилер жаппай жұмыстан шығарылады. Бүгін Мәжіліс азарт ойындарға тиым салатын осындай заң жобасын екінші оқылымда мақұлдады. Бары бұл ғана емес, енді 21 жасқа толмағандарға энергетикалық сусын да сатылмайды. Мұндағы басты мақсат – халық денсаулығын жақсартып, салауатты өмір салтын насихаттау.
Енді елімізде букмекерлік кеңселер мен лотереяларды жарналамауға заңмен тыйым салынады. Ұялы байланыс операторлары да құмар ойындар мен бәс тігу туралы мәтіндегі хабарламаларды жібере алмайды. Жаза қатайып жатыр. Ал, азарт ойынға бәс тіккен мемлекеттік қызметшілер мен әскерилер бірден жұмыстан қуылады.
ЕРНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Ойын бизнесі туралы заң букмекерлік кеңселер мен букмекерлік дүкендерді ғимараттардың, құрылыстардың және көліктердің сыртында жарнамалауға, сондай-ақ бұқаралық ақпарат құралдары, кино, бейне және анықтамалық қызметтерде жарнамалауға толығымен тыйым салады. Дегенмен букмекерлік кеңселер мен букмекерлік дүкендердің орналасқан жерінде, спорт ғимараттарының ішінде, спортшылардың жабдықтарында, спорттық теле-радио арналарда, спорттық іс-шараларды көрсетуге мамандандырылған интернет-ресурстарда жарнамаға рұқсат етіледі».
Одан бөлек, бүгін мәжілісте республикалық бюджеттің атқарылуы туралы есеп тыңдалды. Қаржы министрі былтыр елде 500 млрд-қа жуық ақша игерілмей қалған деді. Осы олқылық үшін орталық және жергілікті атқарушы органның 158 қызметкері жауапқа тартылыпты. Бюджет қаражатының тиімді игерілмей жатқанына наразы депутат Еділ Жаңбыршин Астанадағы жылу электр орталығын салуға деп бөлінген 116 млрд теңге тым қымбат, соның өзінде құрылысы әлі бітпеген деп сынады.
ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Елордада "сақалды" болған құрылыс бар. Ол - үшінші жылу электр орталығы. Оның жобалау-сметалық құжаттамасына бірнеше рет түзету енгізілді. Ол бірнеше рет қымбаттады. Былтыр Мәжілістің жалпы отырысында Жоғары аудиторлық палата төрағасы Наталья Годунова осы құжаттың 40%-ға қымбаттағанын айтқан болатын. Енді бұл құрылыс (ЖЭО-3 – авт.) 2013 жылдан бері салынып келе жатыр. Ол жылы туған бала мүшел жасқа толды. Мендегі мәлімет бойынша, республикалық бюджеттен осы жобаға 116 млрд теңге қаржы бөлінген. Енді сұрақ туындайды: бұл құрылыс қашан бітеді? Оның екінші кезекте аяқталуына қанша қаражат қарастырып отырсыздар? Бұл бітетін құрылыс па, бітпейтін құрылыс па?»
Ал, жауапты министрлік болса, сағызша созылған бұл құрылыс 2026 жылы толығымен аяқталады деді.
АЛМАСАДАМ СӘТҚАЛИЕВ ҚР ЭНЕРГЕТИКА МИНИСТРІ:
«Жобалық құжаттамаға сәйкес, станция құрылысының жалпы құны 146 млрд теңге. Оның 141 млрд теңгесі республикалық бюджеттен. Бүгінгі таңда 116 млрд теңге бөлінді. Бұл ақшаға 4 қазандық пен бір бу трубинасының құрылысы аяқталды. Биылғы жылыту маусымында станция толық қуатта жұмыс істеді. Біз құрылысты толық аяқтауды 2026 жылға жоспарлап отырмыз».
Астанадағы жылу электр орталығымен қатар Екібастұздағы жылу электр орталығы да күрделі жөндеуден өтеді.Ол мақсатта Үкімет резервінен 3.4 млрд теңге бөлінбекші.
- Толығырық
- Категория: Алатау ақпараты
- 102 рет қаралды
https://www.youtube.com/embed/kGmY8sUKrBo?si=_423c1dE-j8l1Eh1"
Бүгін Президент Қасым-Жомарт Тоқаев елордадағы әлеуметтік нысандарды аралап көру барысында отбасылық SANA Sport орталығында болды. Мұнда спорт, шығармашылық, білім бағыттары бойынша 29 үйірме жұмыс істейді. Сондай-ақ 29 жаттықтырушы және 25 жоғары білікті педагог еңбек етеді.
Мемлекет басшысына «Damu Development Group» консорциумы жүзеге асырып жатқан әлеуметтік жобалар жөнінде мәлімет беріліп, SANA Sport кешені аумағындағы саябақты қайта жаңғырту жоспары таныстырылды.Қасым-Жомарт Тоқаев орталықтағы спорт залдарын, шығармашылық үйірме бөлмелері мен оқу кабинеттерін аралап көрді. Сонымен қатар үйірмеге шеберлік дәрісін өткізуге келген шахматтан екі дүркін әлем чемпионы Айару Алтынбекке сыйлық табыстап, сәттілік тіледі. Жас шахматшы бұған дейін Президентке хат жазып, кездесу жайында өтінішін жеткізген еді. Бүгін жүздесудің сәті түсті.Кешенде 4 мыңнан астам баланың қосымша білім алуына жағдай жасалған. Әлеуметтік жағдайы төмен отбасынан шыққан жеткіншектердің үйірмелерге қатысуына «Мереке» қайырымдылық қоры қолдау көрсетеді.
Сондай-ақ Мемлекет басшысы Ұлттық ғылыми онкология орталығындағы жаңа корпустың құрылыс барысымен танысты. Нысан биыл тамыз айында пайдалануға беріледі.Ғимараттың жалпы ауданы 58 мың шаршы метрден асады. Мұндағы стационар 210 төсек-орынға есептелген. Оның ішінде 24 орын анестезиология, реанимация және интенсивті терапия бөлімдеріне, 150 орын күндізгі стационарға арналған. Жоспарға сәйкес бұл ауруханада жыл сайын 6 мың науқас емделе алады.Президентке жаңа корпуста қатерлі ісіктерді диагностика жасауға және емдеуге қатысты әлемдік бірегей технологиялар шоғырланатыны жөнінде мәлімет берілді. Мұнда ғылыми зерттеулер жүргізіп, ғылыми-техникалық бағдарламалар мен білім беру тәжірибелерін жүзеге асыруға жағдай жасалады.Жаңа корпус ашылғаннан кейін бұл орталық онкологиялық көмек көрсету бойынша интеграцияланған модель құру ісінде ұлттық үйлестірушіге айналады. Аталған бастамада денсаулық сақтау жүйесіндегі алғашқы буыннан бастап онкологиялық ауруларды емдеуге маманданған барлық медициналық мекеме қамтылады.Сонымен қатар стационарда бас және мойын онкологиясы, торакальды және абдоминальды онкология, онкоурология, маммология, онкогинекология, остеоонкология және онкогематология орталықтарын ашу қарастырылған.
- Толығырық
- Категория: Алатау ақпараты
- 98 рет қаралды
https://www.youtube.com/embed/0OB6GBloSRI?si=_d5JDvGePukI_ztX"
- Толығырық
- Категория: Алатау ақпараты
- 103 рет қаралды
https://www.youtube.com/embed/4NkUua_9B7M?si=zbMoMQvZ7wv5M2Th"
Жаңаөзен қаласындағы көпқабатты үйдің тұрғындары “іргемізде бой көтеріп жатқан құрылыс, баспанамызға түсер күн сәулесіне кедергі келтірді”- деп наразылық білдірді. Кәсіпкермен келісе алмаған тұрғындар сотқа жүгініпті .
"Мен айттым 3 метр дегеніңіз қайда? Үйге тықтыңдар ғой. Көлеңкеден үйлеріміз қараңғы свет жақпасаң ештеңе көрінбейді. Оларға ескертілді. Бірақ жарық болады 3 метр қыламыз деп уәделерінде тұрмады"
Мәселе туындаған соң Жаңаөзен қалалық сотының судьясы мен қалалық сәулет және қала құрылысы бөлімінің мамандары да келді. Олар екі тарапты да тыңдап, мәселені зерттеп көрмек болған. Алдымен тұрғындардың шағымын ескеріп көрді.
СЕМБІ КӨЛБАЕВ ТҰРҒЫН: «Сол кезде айтылды. Бізге қайда барсаң сонда бар, сотқа барсаңда мейлі деді. Біз амалымыз қалмай сотқа бардық. Мына жерде 1 этаж, ортасы 2 этаж болады деді сосын біз келістік. Ең басында салып бастағанда шағым түсіргенімізде Жансейіт Қайнарбаевтың өзі келіп осы жерде қабылдамаңдар деді ғой архитекторына. Застройщиктің өзі де тұрды сол жерде. Енді неге одан әрі жалғастырып салды»?
Құрылыс жүріп жатқан аумақ бұрын автотұрақ болған. Бұл маңда кәзір үш тұрғын үй бой көтерген.
НЕСІП ДАРГУЛОВА ЖАҢАӨЗЕН ҚАЛАЛЫҚ СОТЫНЫҢ СУДЬЯСЫ:«Мен бұл саланың маманы емеспін. Мамандарды қатыстырып отырмын. Бірақ менің ойымша бұл жерде заңбұзушылық орын алып отырған сияқты. Сіздер бүгінгі таңда көрші болып отырсыңдар. Егер өзара келісетін болсаңыз және ол жерде адам құқығы бұзылмаса мен оны бекітіп беруге қарсы емеспін. Қазір көріп кетемін сосын сот отырысын жалғастырамын одан әрі».
Құрылысты жүргізген кәсіпкердің өзі кездесуге келмеседе, өкілін жіберген. Үй ауласында басталған жиын ары қарай қалалық сотта жалғасты. Шағымданушылардың айтуынша сот отырысында мәселе түбегейлі шешілмеген, әлі де жалғасатын сыңайлы.
- Толығырық
- Категория: Алатау ақпараты
- 102 рет қаралды
https://www.youtube.com/embed/1YxT_BPu1aI?si=DCMKwYYJTAhN1FYJ"
Қытай еліндегі талай мықтыны асау жамбасқа алған балуан, шаршы алаңдарда елі үшін маңдай терін төгіп, көк етін сөккен Солтікен Көкішұлын білмейтін қазақ жоқ шығар.Әйгілі спорт шебері 1952 жылы ҚХР Алтай қаласы, Қыран өзені бойында өмір есігін ашқан. Балуандығының бақ жұлдызы 1973 жылдан жана бастаған Сөкең өзінің күш-қайратының арқасында ШҰАР балуандар командасына қабылданып, дүйім жұртқа таныла бастаған ол қазақ ұлтының балуаны ретінде Шыңжаңның «Әйгілі адамдар кітабына» есімі енгізілген. Сондай-ақ Қытай мемлекеттік дене-тәрбие комитеті жағынан «Спорт саңлағы» деген құрметті атаққа ие болған. Күрес тарихында 16 рет аға жүлдегер болып «күрес патшасы» атанған құрыш білек, атан жілік азамат ортамыздан мәңгілік өмірге аттанған болатын. Өзі кетсе де,оның есімі халықтың жадында қалмақ. Ағайын-туыс бауырлары мен дос жарандары «Солтікен балуан» атты кітабының тұсау кесер рәсімін жасады.
ЖАМАЛИ ДИХАНҰЛЫ СПОРТ ШЕБЕРІ
ДОДИ ТҰРСЫНХАНҰЛЫ СПОРТ ШЕБЕРІ
- Толығырық
- Категория: Алатау ақпараты
- 118 рет қаралды
https://www.youtube.com/embed/dKxF-uOe7tY?si=F3RzItKMPOp4iLAt"
Тимур Құлыбаевтың әкесіне тиеселі мұнай терминалы мемлекетке қайтарылды. Оның құны -66 млн долларды құрайды. Ол Ақтау халықаралық теңіз сауда портының акваториясында орналасқан. Бұл мүліктің заңсыз жолмен алынғаны анықталыпты. Сот актісі күшіне енді,бұл туралы Бас прокуратура ресми мәлімдеме жасады.
ЕРЛАН ЖАНПЕЙСОВ ҚР БАС ПРОКУРАТУРАСЫНЫҢ РЕСМИ ӨКІЛІ:
«Құны 66 млн доллар болатын мұнай терминалы мемлекет меншігіне қайтарылды. Терминалдың ауданы – 134 гектар. Талап-арыз Асқар Құлыбаевқа тиесілі компанияның шетелдік инвестордың меншігін заңсыз алып қоюы салдарынан келтірілген залалды өтеу үшін берілді. Бас прокуратура мәліметінше, 2011 жылы мұнай терминалы Асқар Құлыбаев компаниясының меншігіне алынған. Биыл 26 ақпанда Маңғыстау облысы мамандандырылған ауданаралық экономикалық сотының шешімімен Алматы қаласы прокурорының талап-арызы қанағаттандырылды. Осылайша, мұнай терминалы мемлекет меншігіне қайтарылды».
- Толығырық
- Категория: Алатау ақпараты
- 104 рет қаралды
https://www.youtube.com/embed/fPEXsIeSP6g?si=NymXSXmYYHKSXlEb"
Полицей ерлігі. Ақтөбеде учаскелік инспектор өзенге секірген жасөспірім қызды құтқарып аман алып қалды. Оқиға былай болған. 3 маусымда полицияға Сазды өзеніндегі көпірдің астында жасөспірім қыздың отырғандығы туралы хабарланады. Ол жерге дереу учаскелік полиция инспекторы Фархат Нұрманов жіберіледі. Полиция қызметкері өзенге киімімен секірген баланы көріп, бірден көмекке жүгірді. Осылайша, ол өз өмірін өлімге тігіп 13 жастағы қыздың артынан бірге суға секіріп, оны аман жағаға алып шығады. Міне, ерлік емей немене?
- Толығырық
- Категория: Алатау ақпараты
- 127 рет қаралды
https://www.youtube.com/embed/aRdmwXR6QI0?si=HbiYDYdS3GAdMT2R"
4 маусым — ҚР Мемлекеттік Рәміздер күні! Айтулы күнде Алматы облысының әкімі Марат Сұлтанғазиевтің қатысуымен «Тұғырлы туым» атты жарқын патриоттық бағытқа арналған салтанатты іс-шара ұйымдастырылды.
Шара аясында халықпен бірге әнұран орындалып, Отанға деген мақтанышты оятар әуезді ән шырқалды, мемлекеттік ту көкте желбіресе, 30 байкерден тұратын мотоциклшілер Іле ауданынан Қонаев қаласының орталық алаңына дейін көк туды желбірете отырып керемет шеру көрсетті.
МАРАТ СҰЛТАНҒАЗИЕВ АЛМАТЫ ОБЛЫСЫНЫҢ ӘКІМІ «Халқымыз үшін азаттықтан ардақты, байрақтан биік құндылық жоқ. Көк туымызды биікте желбірету - қасиетті парызымыз, азаматтық борышымыз. Біз ұлттық нышандарымызды ұлықтау арқылы, өскелең ұрпаққа үлгі мен өнеге көрсетеміз. Оларды отансүйгіштік, жасампаздық рухқа тәрбиелейміз. Сондықтан осы рәсімнің тағылымдық тәрбиелік мәні зор. Ардақты ағайын, халқымыздың мерейін асыратын мерекемен тағы да құттықтаймын! Мызғымас мемлекетіміздің белгісі егемен еліміздің көк байрағы көкте мәңгі желбірей берсін!»
Айтулы мерекеге орай, Алматы облысында 300-ден аса іс-шара өткізіліп, 23 000-нан астам қатысушы ел мен жерге, рәміздерімізге құрмет көрсетті.
БИБІГҮЛ ӘЛІМҚҰЛҚЫЗЫ АЛМАТЫ ОБЛЫСЫ ІЛЕ АУДАНЫНЫҢ АНАЛАР КЕҢЕСІНІҢ ТӨРАЙЫМЫ «Мен бүгінгі рәміздер күнінде айтарым, байрағымыз көктен түспесін. Көк туымыз желбіреп, аспандап, қазақ елінде тек тыныштық, бейбітшілік болсын деп тілеймін! Жастарға сенемін! Оларға зор денсаулық, патриоттық сезім тілеймін!»
МАДИЯР ЖАНБОЛАТҰЛЫ АЛМАТЫ ОБЛЫСЫ ІЛЕ АУДАНЫ ЖАСТАР ҰЙЫМЫНЫҢ ТӨРАҒАСЫ «Бүгінгі іс шара өте керемет деңгейде өтуде. Жыл сайын осындай мереке үлкен деңгейде өте берсе деген ниеттеміз. Бұндай іс шаралар жастар арасындағы патриотизмді, елге деген сүйінішті, сүйіспеншілікті оятады деп сенемін».
Көк байрағымыз көгімізде әркез желбірей берсін!
- Толығырық
- Категория: Алатау ақпараты
- 147 рет қаралды
https://www.youtube.com/embed/5BS5aFBo-7Q?si=7MtYv0PGntJkrKT-"
Солтүстік Қазақстан облысында «Жер-2024» республикалық командалық-штабтық оқу-жаттығуы басталды. Аққайың ауданында өткен қорғаныс іс-шарасында жер сілкінісі кезінде адамдарды эвакуациялау, апат болған аймақтарға көмекті тасымалдау, тізімге алу және жарақат алғандарға алғашқы медицианлық жәрдем беру әрекеті пысықталды.
Аталған қорғаныс іс-шарасы елімізде 3-4 маусым аралығында ұйымдастырылды. Оқу-жаттығу жиыны басталысымен арнайы мамандар алдымен теміржол платформасында тактикалық-арнайы тиеу жұмыстарын жүргізді. Мақсат, төтенше жағдайдың салдарын жою үшін ресурстар мен техниканы жедел жұмылдыру және осы бағытта мамандарды даярлау.
МҰРАТ ҚАНҒОЖИНОВ – СҚО ТЖД БАСТЫҒЫНЫҢ ОРЫНБАСАРЫ: «Командалық-штабтық оқу-жаттығуы Смирнов ауылында өтіп жатыр. Жағдайға сәйкес облыстан Алматы қаласына арнайы күш пен керек-жарақ жөнелтілмек. Қазір тактикалық тиеу жұмыстарынан бөлек, деректерді пысықтау да басты назарда. Апат болған өңірлерге арнайы көмекті жіберуге сақатай сай болуымыз керек».
ЕВГЕНИЙ ОСТЕРТАК СҚО АҚҚАЙЫҢ АУДАНЫ ӘКІМІНІҢ ОРЫНБАСАРЫ: «Мұнда 14 арнайы топ құрылды. Құрамында 25 бірлік техника мен 52 адам бар. Инженерлік қызмет, байланыс, электр, қуат, транспорт, санитариялық-эпидемиологиялық қызмет мамандары да кез-келген жағдайға дайын тұр. Яғни қандай да бір елді-мекенде жер сілкінісі бола қалған жағдайда біздің мамандар көмекке барады».
Айта кеткен жөн, республикалық командалық-штабтық оқу-жаттығулары еліміздің Абай, Жетісу, Алматы, Шығыс Қазақстан, Жамбыл, Қызылорда, Түркістан облыстарында және Шымкент қаласында ұйымдастырылуда.
- Толығырық
- Категория: Алатау ақпараты
- 94 рет қаралды
https://www.youtube.com/embed/I3Y2gMXItfY?si=zb1XVsZGO_7Ge9N5"
Президент Астана қаласындағы «Атамекен» этно-мемориал кешенінде өткен Мемлекеттік ту көтеру рәсіміне қатысты.
Құрмет қарауылы ротасының бастығы салтанатты шараға дайындығы жөнінде Мемлекет басшысына рапорт берді. Содан кейін еліміздің әнұраны шырқалып, көк байрағымыз көтерілді. Қасым-Жомарт Тоқаев жиналған жұртшылықты Мемлекеттік рәміздер күнімен құттықтап, бұл елдігімізді нығайта түсетін мерейлі мереке екеніне назар аударды.
«Осы мерекеге орай біз жаңа ғана еліміздің бас байрағын көтердік. Көк туымыз әрдайым биікте желбірей берсін! Туымызды тік ұстау – әр азаматтың перзенттік парызы. Аспан түстес көк байрағымыз – біздің мақтанышымыз. Спортшыларымыз туымызды талай рет жеңіс тұғырына көтерді. Жақында қазақтың қайсар қыздары Эверестке шықты. Туымыз әлемнің ең биік шыңында тағы да желбіреді. Алда Олимпиада ойындары келе жатыр. Намысты өрендеріміз Париж төрінде туымызды тік ұстайды деп сенемін».
Мемлекет басшысы байрағымыз аспандаған сайын ұлт мерейі асқақ болатынын айтып, туды тәуелсіздігіміздің тұмары әрі ынтымағымыздың бастауы деп атады.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Батыр бабаларымыз ел тағдыры сынға түскен сәтте бір тудың түбінен табылған. Бірлігін бекем ұстаған, елі мен жерін қорғаған. Байтақ даланы көзінің қарашығындай сақтап, ұрпағына мирас еткен. Сол аманатқа адал болу – ұрпақтың ұлы мұраты».
Президенттің айтуынша, Қазақстан бейбіт мемлекет ретінде татулық пен келісімді қашанда басты орынға қояды және барлық мемлекетпен достық қатынас орнатқан.
ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Соның арқасында туымыз жер жүзіне бірлік пен бейбітшіліктің байрағы ретінде танылды. Біз достық қағидатын әрдайым берік ұстанамыз. Қазір бәріміз бір кісідей жұмылып, Әділетті Қазақстанды құрып жатырмыз. Баршаға бірдей мүмкіндік беретін қоғам орната бастадық. Аз уақыт ішінде ауқымды саяси реформа жасадық. Жаңа экономикалық бағытымызды айқындадық. Сондай-ақ жас ұрпақтың сана-сезімін жаңғыртып, сапалы ұлт болуға бет бұрдық. Мұның бәрін жүзеге асырып, түбегейлі орнықтыру – оңай шаруа емес. Ол үшін, ең алдымен, ырысты ынтымақ керек. Барша Қазақстан халқының тағдыры – ортақ, болашағы – бір. Сондықтан бір ел, бір халық болып, ту түбінде тұтаса білсек, көздеген мақсатқа міндетті түрде жетеміз.
Президент мемлекеттік рәміздер негізгі құндылықтарымыз бен мұраттарымызды айшықтап, әрқайсымыздың бойымызда елімізге деген шынайы мақтаныш сезімін оятатынын жеткізді. Сонымен қатар басты елдік нышандар сын сағатта да, жеңісті күндерде де барша азаматты біріктіретініне тоқталды.
Тағы басқа мақалалар...
37 ішінен 187 беті
Alatau News, Copyright 2023, All Rights Reserved.