https://www.youtube.com/embed/AbEgnCYxrg8?si=AHWAiCpRvGO054A4" 

Үстіміздегі жылдың  4 қазанында қаза тапқан кәмелетке толмаған марқұм Шерзат Болаттың ағасы Нұрғанат өлі күйінде табылды. Алдын ала мәліметтерге сәйкес, ол үйінен түн ортасында жеке көлігімен әлдеқайда шығып кетіп, асылу арқылы өз-өзіне қол жұмсаған.Былтыр ғана шаңырақ көтерген марқұм өлер алдында туысқандарымен қоштасып, Шерзаттың жанына жерлеуді сұрап хат қалдырған. Қорғаушылар мұның барлығы тергеу барысында зерттелетінін жеткізді.  

МАРАЛ ЖАЙЛАУБАЕВА АДВОКАТ

Жан ұшырып іздеген туыстары марқұмның көлігін зират басынан тапқан. Телефоны көліктің ішінде қалған екен. Марқұм Ш. Болаттың отбасы үйі өртенгеннен кейін, үнемі полиция қорғауында болған. Қорғау барысында отбасыға қандай да бір қауіп-қатер жасалғаны тіркелмеген. Ал облыстық полиция болса, бұл факті бойынша қылмыстық іс қозғалғанын хабарлады.

БАҒДАТ ӘШІМОВ АЛМАТЫ ОБЛЫСЫ ПД БАСТЫҒЫНЫҢ БІРІНШІ ОРЫНБАСАРЫ

https://www.youtube.com/embed/N4FCbZarvds?si=K4s4iEQVUVB3drp2" 

9 желтоқсан – Халықаралық сыбайлас жемқорлықпен күрес күні. Айтулы күнге орай Техникалық және кәсіптік білім беру ұйымдарының арасында «Жемқорлық-қоғам дерті» тақырыбында қалалық пікірсайыс турнирі өтті.

Жемқорлықпен күрес бүгінде елімізде мемлекеттік маңызы бар түйткілді мәселе. Еліміздің қарыштап дамуы үшін, жемқорлық індетімен белсене күресіп, түп-тамырымен жою қажет. 

АЙНҰР ҚУАНЫШҚЫЗЫ АЛМАТЫ МЕМЛЕКЕТТІК БИЗНЕС КОЛЛЕДЖІНІҢ ДИРЕКТОРЫ «Тәрбие – бесіктен басталады» деп қазақ еліміз айтқан. Әрқайсысы отбасынан, кіші кезінен осы тәрбиені салсақ, әрқайсысы өз үлесін қосып, жемқорлыққа қарсы екендігін білдіріп, соны істемеуге тырысса, біз адал үкіметке келеміз деп ойлаймын. 2003 жылдан осы күнді, 9 желтоқсан – Сыбайлас жемқорлыққа қарсы күн деп санайды. Бұл – мейрам емес. Мақсатымыз – адалды Қазақстан! Соған барлығымыз бірге жетейік».

Турнирге 17 колледждің білім алушылары қатысты. Ойы озық студенттер өздерінің біліктіліктерін көрсетіп, жемқорлыққа қарсы өткір пікірлерін ортаға салды. 

ҚАЖЫТАЙ ДИАНА АЛМАТЫ ТЕХНИКАЛЫҚ КОЛЛЕДЖІНІҢ ҚАТЫСУШЫСЫ «Қазіргі таңда осы болып жатқан дебаттың өзі басқалардың пікірін өзгертуге таптырмас бірден бір көмек деп ойлаймын. Болашақта саналы ұрпақтың қалыптасуымен, біз сияқты белсенді студенттер жиналып, саналы ұрпақты қалыптастыра алсақ, болашақтың бастауы бола алар едік».

Қасым-Жомарт Тоқаев, экономиканы қолдауға бағытталған қаржыны жымқыру тәуекелі артқан кезінде сыбайлас жемқорлыққа қарсы күресті күшейту қажеттігін атап өткен болатын. Білім алушылар арасында өткен пікірталас турнирінің басты мақсаты мен міндеті де осы болатын. Турнир соңында қатысушылар жүлделі орындарға ие болып, қаржылай қолдау көрсетілді.

https://www.youtube.com/embed/WuoRZwVa8TA?si=Y1jc-89ttXtogALT" 

https://www.youtube.com/embed/T6YNVUtZ6Ac?si=9GrrdrCLzrcsXUo_" 

Алматы қаласындағы Түрксіб ауданында әйел адамның пакетке оралған өлі денесі табылды. Әлеуметтік желіде тараған мына кадрлардан оқиға орын алған жерді полицейлердің қоршауға алғанын көруге болады. Қайғылы оқиғаға қатысты желілерде тараған ақпаратқа сәйкес марқұмның жасы шамамен 45-50 де.Қазір қылмыстың мән-жайы анықталып жатыр.Аталған жағдайға қатысты Алматы қаласының Полиция департаментінің баспасөз қызметі мәлімдеме жасады.

САЛТАНАТ ӘЗІРБЕК АЛМАТЫ ҚАЛАСЫ ПД РЕСМИ ӨКІЛІ

https://www.youtube.com/embed/9q_8B3wCvyw?si=4UDqJ7MWnUsup4G_" 

БҚО-да ер адам сібір жарасын жұқтырды. Бұл туралы облыстық эпидемиологиялық-санитариялық бақылау департаментінің мамандары хабарлады. Мамандар азамат ауру малды сою кезінде инфекция жұқтырып алғанын айтады. Сібір жарасының қаупі жайлы толығырақ келесі сюжетте.

Сібір жарасы- жануарлар мен адамға жұғатын ауру. Дер кезінде ем алмаған жағдайда адам өмірін өлім жағдайына әкеліп соқтыруы мүмкін. Сырқат ауруға шалдыққан мал мен оның ас-жемін ұстаған кезде жұғады. БҚО-ның Қазталов ауданында Сібір жарасын жұқтырып алу дерегі тіркелген.. 

НҰРЛЫБЕК МҰСТАЕВ БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ МІНДЕТІН АТҚАРУШЫ

Мамандар қазіргі таңда ер адамның жағдайы қалыпты екенін айтады. Ол облыстық жұқпалы ауруларға арналған ауруханада ем-дом қабылдап жатыр. Науқаспен байланыста болған жандар медициналық бақылаудан өтіпті. Мамандар  сырқатты жұқтырып алмас үшін профилактикалық шараларды қатаң сақтауға шақырады. 

НҰРЛЫБЕК МҰСТАЕВ БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ МІНДЕТІН АТҚАРУШЫ

Эпидемиологтер БҚО аумағында соңғы рет сібір жарасы 2014 жылы тіркелгенін айтады.

https://www.youtube.com/embed/esstiElxL-8?si=OXJunrFfSjPr0DD3" 

Абай атындағы ҚазҰлттық Педагогикалық Университетінің Сорбонна-Қазақстан институтына 10 жыл. Осыған орай Францияның Қазақстандағы Төтенше және Өкілетті Елшісі Сильван Гиоге  аталмыш оқу орнына арнайы келді. Мәртебелі мейманды ұстаздардың ұстаханасына айналған білім ордасының ректоры  қарсы алып, университеттің тарихынан сыр шертетін қазақ халқының салт-дәстүрі мен қолөнер туындылары қойылған мұражаймен таныстырды.

Қос мемлекеттің уағдаластығы аясында жүзеге асып отырған Сорбона институты француз тілін меңгергісі келетін жастарға жол ашты.2018 жылдан бастап институт 1200-ден астам студент шығарды.170-тен астам студент Францияның серіктес университеттерінің дипломдарымен Француз диссертацияларын сәтті қорғаған.

https://www.youtube.com/embed/SXu2zxJHuDk?si=M19484cAFp5YWCZr" 

Алматы облысы әкімінің бегітілген кестесіне сәйкес Тенше жағдайлар департаменті мен аудан әкімдіктері бірлесіп практикалық оқу-жаттығу шараларын ұйымдастыруда. Бұл жолы өңірге қарасты Жамбыл ауданында орын алды. Мамандар табиғаттың тосын мінезі орын алған жағдайда дереу әрекет ету жағдаятына құтқарушылар қаншалықты дайын, азаматтарды жер сілкінісі кезінде қалай,қайда эвакуциялау керектігін пысықтады.

НҰРЛАН ЕРТАСҰЛЫ АЛМАТЫ ОБЛЫСЫ ЖАМБЫЛ АУДАНЫНЫҢ ӘКІМІ

https://www.youtube.com/embed/eSkI6Gsbkcg?si=EOsa2XyjBDqGH9SC" 

Негізгі мақсатымыз- тілді дамыту.Алматыдағы білім шаңырағының бірінде қоғамдық - гуманитарлық пәндер кафедрасының онкүндігіне орай ағылшын тілін дамыту, оқушылардың тіл үйренуге деген қызығушылығын арттыру мақсатында “Ертегілер елінде”  деген тақырып аясында арнайы іс шара ұйымдастырды.  

СЕРІК ҚАСЫМҒАЛИҰЛЫ  Б.АТЫХАНҰЛЫ АТЫНДАҒЫ № 36 ГИМНАЗИЯ ДИРЕКТОРЫНЫҢ ТӘРБИЕ ІСІ ЖӨНІНДЕГІ ОРЫНБАСАРЫ: «Осы 10 күндік аясында  негізгі мақсатымыз- тілді дамыту соған байланысты балалар өздері қызығып қарайтын, кейінгі кезде түсірілген мультфильмдер ағылшын тілінде сол арқылы балалардың қызығушылығын арттырып жатырмыз.   Бүгінгі қойылым балалардың өздері күнделікті қызығып қарайтын персонаждардың қойылымын қояды.»

Білім шаңырағында қоғамдағы өзекті мәселелерге айрықша мән беріп отырады. Мәселен жастар арасында орын алатын буллингтерді алдын алу аясында түрлі дебаттар ұйымдастырады.Сонымен қатар шығармашылық қабілеттерін дамыту,салауатты өмір салтына баулу мақсатында игі бастамаларға мұрындық болуда.

https://www.youtube.com/embed/H6roeL4QUuk?si=VIKedR4BdO0PYbwL" 

https://www.youtube.com/embed/fXPl70KfcJY?si=OvIgIxG8IRuVwjLU" 

Теңге тағы құнсыздана ма? Ұлттық валютаны тұрақтандыру үшін ұлттық экономика министрлігінің алда қандай жоспары бар? Бүгін Сенат отырысында жоғары палата төрағасы Мәулен Әшімбаевты осы сауал мазалады. Одан бөлек депутаттар «Ұлттық қор – балаларға» жобасы аясында бірқатар мәселелерді көтерді. Толығырақ алдағы бейнематериалда. 

«Ұлттық қор – балаларға» жобасына бүгінде, соңғы деректер бойынша 7 миллиондай бала қатысуда. Ал, олардың нақты биыл қаншасы 18-ге толатыны әлі есептелмеген. Бірақ, ол балалардың қанша сома алатыны белгілі. Биыл кәмелет жасына толған әр бала 120-дан 130 долларға дейін қаражат алуға құқылы. Басты сұрақ: шоттағы қаражат инфляциядан қорғалған ба?

НҰРТӨРЕ ЖҮСІП ҚР ПАРЛАМЕНТІ СЕНАТЫНЫҢ ДЕПУТАТЫ:
«Ұлттық қордың инвестициялық кірісінің жартысы 18 жасқа дейінгі барлық балалар арасында жыл сайын бөлінуі тиіс. Аталған бағдарлама аясында биылғы жылдың 1 ақпанынан бастап Ұлттық қордан алғашқы қаражат Қазақстан азаматтары болып табылатын барлық балалардың Бірыңғай жинақтаушы зейнетақы қорындағы (БЖЗҚ) шоттарына аударылды. Бағдарламаға 6,9 миллион бала қатысуда. Осыған байланысты менің сұрағым: Ұлттық қордан мақсатты трансферттерді тарту оның активтеріне қалай әсер етеді? «Ұлттық қор – балаларға» бағдарламасының жүзеге асырылуына әсері қандай? Біз болашақ балаларымыздың қалтасына қол сұғып жатқан жоқпыз ба? 2024 жылдың және алдағы жылдардың қорытындысы бойынша әр балаға қандай сома аударылмақ? Бұл шоттағы қаражат әлемдік экономиканың өзгеруіне және инфляциялық үдерістерге байланысты құнсызданудан қалай қорғалады?».

МӘДИ ТӘКИЕВ ҚР ҚАРЖЫ МИНИСТРІ:«Өзіңіз айтып кеткендей, балаларға арналған ұлттық жоба биыл бірінші рет іске қосылды. 1 ақпанда 7 миллионға жуық балаға 100 доллар 52 центтен есептеп салдық. Бүгінде ол доллармен есептеледі. Екіншіден, ол сома қосымша инвестицияланады. Сондықтан ол өсіп отыр. Енді инвестициялық кіріске келсек, биыл біз 2,6 пайызбен санадық. Енді келесі жылы жалпы 3 пайызға инвестициялық өсім болады деп болжамдап отырмыз. Балалардың санын ескере отырып, 1 қаңтарда 118-120 доллар көлемінде болатын шығар деген болжам бар. Бірақ мұны 1 ақпанға дейін күте тұрайық. Дұрыстап есептеп, айтып береміз».

ТИМУР СҮЛЕЙМЕНОВ ҚР ҰЛТТЫҚ БАНК ТӨРАҒАСЫ:«Жалпы "Ұлттық қор – балаларға" бағдарламасы аясында әр балаға 130 доллардан есептеледі. 1 қаңтарға дейін дүниеге келген балалар мен 18 жасқа толғандарды есептеп, қосымша ақпаратты береміз. Ал инфляциядан қорғау шараларына келсек, бұл қаражат доллармен сақталады, сондықтан оның құнсыздану қаупі төмен» .

 Ал, Сенат төрағасы Мәулен Әшімбаев болса, теңге тағы құнсызданбас үшін үкіметтің алдағы жоспарын сұрады. Жауап мынадай: 

НҰРЛАН БАЙБАЗАРОВ ҚР ПРЕМЬЕР-МИНИСТРДІҢ ОРЫНБАСАРЫ – ҰЛТТЫҚ ЭКОНОМИКА МИНИСТРІ:«Сіздер білесіздер, қазір бюджеттің даму бюджеті дейміз ол бар болғаны 2 трлн теңге. Оның үштен бір бөлігін ауыл шаруашылығына жіберейін деп отырмыз. Біздің басты сүйенетініміз ол шетелден келетін валюталық инвестиция. Сол арқылы біз өз тарапымыздан осы жұмысты тиісті деңгейде жүргізіп, шетелдік инвестиция біздің ішкі валюта нарығы арқылы өтеді. Осылайша, біз нарықтағы валюта көлемін ұсыныс көлемін көбейтуге ат салымыз. Біздің басты мақсатымыз осы».

 Ұлттық экономика министрі келесі жылы елімізге шетел валютасында инвестиция тарту көлемі күрт көбейеді деген сенімде. Соның арқасында теңгені құнсызданудан сақтамақ жоспары бар. Айта кетейік, ақша айырбастау пункттерінде бүгін 1 доллар 525 теңге 11 тиыннан сатылып жатыр. 

https://www.youtube.com/embed/vGaNQZws72M?si=kPDomptza0nTbnW1"

Астанада студент Медина Майсардың Ғылым және жоғары білім министрлігіне берген арызы бойынша сот отырысы өтті. Еліміздің әртүрлі қалаларынан келген 24 талапкер Ғылым министрлігіне шағым түсірді, бірақ олардың көбі кейін грант алып, арыздарынан бас тартқан. Қазіргі таңда сотта алты талап арыз қаралып жатыр.

Биыл Ғылым және жоғары білім министрлігі су тасқынынан зардап шеккендер үшін ТЖ квотасы бойынша гранттар бөлуді шешкен еді. Осыған байланысты жоғары балл жинаған балалар грант ала алмай, ал олардан төмен балл жинағандар грант иеленген. Абитуриенттер, соның ішінде Алматыдан келген Медина Майсар, бұл әділетсіздікке наразылық білдіріп, әрі қарай өз құқықтарын қорғау үшін сотқа жүгінген. Студент пен оның қорғаушылары министрліктің 388-нөмірлі бұйрығын заңсыз деп тануды талап етуде. Олар Медина Майсардың менталдық денсаулығының бұзылғанын, сондай-ақ оның грант алу құқығының әділ бәсекеде бұзылғанын айтады. Сонымен қатар, моральдық шығындарды өндіру үшін талап-арыз беруді жоспарлап отыр. Іс арнайы ауданаралық әкімшілік сотта қаралды. Студентті адвокаттар Халида Ажигулова мен Галия Дюсембаева қорғады.

МЕДИНА МАЙСАР АРЫЗДАНУШЫ, СТУДЕНТ «Сот отырысында біз 2,5 сағат бойы Мемлекеттік білім беру гранттарын тағайындау туралы Ғылым министрлігінің 2024 жылғы 2 тамыздағы № 388 бұйрығының заңсыздығы туралы дәлелдер келтірдік. Біздің еліміздің Конституциясының 14-бабында кемсітушіліктің кез келген түріне, оның ішінде тұрғылықты жері бойынша да тыйым салынады. Қандай негізде кемсітушілік орын алды деп есептеймін?

Біріншіден, Білім және ғылым министрлігі ТЖ квотасы бойынша гранттарды бөлуге құқығы жоқ, өйткені мұндай квота қолданыстағы заңнамада қарастырылмаған. Гранттардың жаңа квоталарын тек Парламент бекіте алады, ал Министрлік квоталардың Мөлшерін ғана бекіте алады.

Екіншіден, квотаны төтенше жағдай орын алмаған аймақтарда тұратын, маған қарағанда төмен балл жинаған 7 талапкерге Заң мамандығы бойынша гранттар берілген. Оларға қандай негізде берілгені түсінксіз. Төтенше жағдайлар министрлігінің мәліметінше, 10 аймақта жалпы төтенше жағдай жарияланған. Оның үстіне тек 2 облыста – Батыс Қазақстан облысы мен Атырау облысы бойынша бүкіл облысқа төтенше жағдай енгізілді. Қалған аймақтардың барлығында төтенше жағдай тек жартылай ғана белгіленді. Сондықтан министрлік қандай негізге жүгініп 6 облысты таңдап алып, «төтенше квота» бойынша гранттарды тек осы облыстардың түлектеріне тағайындағаны мүлдем түсініксіз»

Іс бойынша мүдделі тараптар ретінде Медина Майсардың анасы мен Павлодар облысындағы бір абитуриенттің әкесі шақырылды. Қазіргі студенттердің ата-аналары олардың барлығы ҰБТ нәтижесін білген сәтте есеңгеріп қалғанын, өйткені балалары тыңғылықты дайындалып, тегін оқуға өтініш бергенімен бөлісті.

«Мен басымнан өткен жағдайды түсінгеннен кейін, басқа балалардың да дәл осындай жағдайды бастан кешіргенін қаламаймын. Мен еліміздің құқықтық мемлекеті ретінде осындай құқық бұзушылықтың енді қайталанбауына кепілдік бергім келеді. Айта кететін бір жайт, менің талап арызымда мен гранттар тізімін жоюды сұрамаймын. Мен бастан өткерген эмоционалды күйзелістерден кейін, мен патриот ретінде ең көп сенген министрлік тарапынан құқықтарым бұзылғандықтан, мен басқа балалардың да дәл осындай жағдайға тап болғанын қаламаймын. Бала құқығын мұндай өрескел бұзылуы заңсыз деп санаймын»

Арызданушылар Ғылым және жоғары білім министрінің No388 бұйрығы негізінде бөлінген 5 мыңнан астам грант заңсыз деп тануды талап етіп жатыр. 

https://www.youtube.com/embed/zi92t53LMbg?si=lRY4KxY2KTGBJaYz" 

Алматы қалалық полициясы кеше кешке айдауылдау қызметінің көлігінен қашып кеткен 1996 жылы туған К.Е.Аубакри іздеуде. Оқиға кешкі сағат 18:27-де Сүйінбай-Бекмаханов көшелерінің қиылысында болған.  Тұтқынның қалай қашып кеткені әзірге белгісіз.  Дереккөздердің хабарлауынша, оған ҚР Қылмыстық кодексінің 188-бабының 4-бөлігі (Аса ірі көлемдегі ұрлық) бойынша айып тағылуда.  Күдіктінің белгілері мен оның фотосуреттері тінтуді ұйымдастыру үшін патрульдік бригадаларға жіберілді.
Сүйінбай-Бекмаханов ауданында «План-Сирен» енгізілгені хабарланды.

САЛТАНАТ ӘЗІРБЕК АЛМАТЫ ҚАЛАЛЫҚ ПД РЕСМИ ӨКІЛІ «Қазіргі уақытта айдауылдау қызметінің қызметтік көлігінен қашып кеткен, бөтеннің мүлкін ұрлады деп айыпталған сотталушыны ұстауға бағытталған жедел-іздестіру шаралары кешені жүргізілуде.Сондай-ақ оқиғаның барлық мән-жайын анықтау үшін қызметтік тергеу басталды. Бұзушылыққа жол бергендер қатаң жауапкершілікке тартылатын болады.Оқиғаның мән-жайы анықталып жатыр».