https://www.youtube.com/embed/RwcdTzWuGAc?si=T7wrDxwR_AgArWt7" 

Халықтың алдындағы берген уәдеміз орындалуы керек деген Алматы облыстық мәслихатының депутаттары   «Тұрғын-үй, коммуналдық шаруашылығы, құрылыс және архитектура, көліктік-логистикалық инфрақұрылымды дамыту мәселелері бойынша» көшпелі тұрақты комиссия отырысын өткізді.

Қарасай ауданында өткен тұрақты комииссия отырысы  2024 жылдың 1-ші тоқсанындағы Алматы облысы бюджетінің атқарылуы туралы мәселе бойынша   облыстық қаржы басқармасының баяндамасымен басталды. Тыңдалымнан соң депутаттар саладағы игерілмей жатқан қаржы,кетіп жатқан кем кетіктер,құрылыс жұмыстары баяулап жатқан мектептер мәселелерін ортақ талқыға салды.

ҚУАТ БАЙҚОЖАЕВ АЛМАТЫ ОБЛЫСЫ МӘСЛИХАТЫНЫҢ ТӨРАҒАСЫ

Сондай ақ отырыстың күн тәртібі «Газ тасымалдау саласын дамыту»,
Спорт нысандарын, Мәдениет нысандарын, ҚР Денсаулық сақтау Министірлігінің "Ауылдық денсаулық сақтауды жаңғырту" ұлттық жобасы салаларын дамыту мәселерімен өрбіді. Өңірді толықтай жүз пайыз көгілдір отынмен қамту 2030 жылға дейін жоспарланған.Алматы облысында газ жетуі тиіс 294 елдімекен болса, бүгінде оның  67 пайызы қамтылған. Кеген мен Нарынқол өңірі де көгілдір отынмен қамтылмақ. 

РӘКЕШ БАЙЖҰМАТОВ АЛМАТЫ ОБЛЫСТЫҚ ЭНЕРГЕТИКА ЖӘНЕ ТҰРҒЫН ҮЙ КОММУНАЛДЫҚ ШАРУАШЫЛЫҒЫ БАСҚАРМАСЫ БАСШЫСЫНЫҢ ОРЫНБАСАРЫ

Облыс көлемінде деснсаулық сақтау мен білім сондай ақ жол құрлысы саласы бойынша салынып жатқан нысандар аз емес. Біріне қаржы уақтылы жетпей кестеден кешеуілдесе енді бірі қолда бар қаржыны тиісті тәртіппен игере алмай келеді

.Ал депутаттар жауапты басқармаларға сапаға жұмыс істеуге шақырды.Енді халық қалаулылары бақылау жұмыстарын қатаң түрде қолға аламыз деп отыр. 

ДӘУЛЕТ ЖАРАСБАЕВ АЛМАТЫ ОБЛЫСЫ МӘСЛИХАТЫНЫҢ ДЕПУТАТЫ,ТҰРАҚТЫ КОМИССИЯНЫҢ ТӨРАҒАСЫ

Осыдан кейін депутаттар Қарасай ауданы Әйтей ауылында салынып жатқан 900 орындық мектеп құрлысының басына барды. Мұнда сексен пайыз жұмыс атқарылған. Мердігер кестеге сай жаңа оқу маусымына дейін бар шаруаны толықтай аяқтап ,тапсырамыз деп отыр.

https://www.youtube.com/embed/R8ehRxxVKFE?si=OAkwWyYg9PDjN9GY" 

Түркістандық «Jana Lep» шығармашылық ұжымы Ғ.Мүсірепов атындағы Қазақ мемлекеттік академиялық балалар мен жасөспірімдер театрында  «Көктемдегі кездесу» атты музыкалық-поэтикалық қойылымының премьерасын өткізді.Қойылымды тамашалап қайтқан білшімізге кезек берсек.

«Көктемдегі кездесу» деп аталатын композициялық қойылымда Есенғали Раушанов, Меңдекеш Сатыбалдиев, Күләш Ахметова, Бауыржан Үсенов секілді қазақ өлеңінің классиктерімен қатар, поэзия мінберіне шығып үлгерген қазіргі уақыттағы ақындардың өлеңдері алма-кезек оқылды. Қойылым продюсері мен режиссердің сөзінше, туынды қазақ әнінің алтын ғасырын жасаған композиторлар мен бүгінгі жас таланттардың әндерімен өріліп, өзара байланыспен жасалған. 

СЕРЖАН МОЛДАСАНҰЛЫ «JANA LEP» ҰЖЫМЫНЫҢ КӨРКЕМДІК ЖЕТЕКШІСІ, ПРОДЮСЕР «Әртүрлі бөліне береді ғой. Анаға, отанға, елге, ғашығына деген махаббат болып. Белгілі бір оқиға жоқ. Сол секілді белгілі бір ақындардың жыр-шумақтарын арқау еткен, жақсы әндер жалғайтын, сәл өкініш бар, үміт бар, аз-кем өмірлік бір драмасы бар. Бірақ, ең соңында үмітке толы көктемгі кездесу деп айтуға болады».

ФАРХАТ МОЛДАҒАЛИ РЕЖИССЕР "Көктемгі кездесу... Былайша айтқанда, өмірдің өзі қоштасу мен кездесуден тұрады. Бұл жерде драматургиялық линия жоқ. Арнайы бір кейіпкерлер жоқ. Бұл жерде үлкен коллоборация бар деуге болады. Өлеңдердің барлығы жас ақындардың әндері. Жас группа. Жас актерлар. Солардың барлығы біріккен үлкен коллоборация деуге болады. Біз театрда пьеса, романдарды қоямыз. Бірақ, барлығымыз поэзияға жақынбыз. Сондықтан, бұл сондай жас ақындардың шығармаларынан жиналған коллоборация деуге болады. Мен солай қабылдаймын".

Түркістан облысы әкімдігінің қолдауымен «Конгресс Холл» көпсалалы кешенінің жанынан құрылған «Jana Lep» шығармашылық ұжымы 2023 жылы өз жұмысын бастады. Еліміздің әр түкпірінен жиналған таланты жастар шоғыры аз уақытта біраз жетістікке жетіп үлгерген.

ФАРХАТ МОЛДАҒАЛИ РЕЖИССЕР "Актерлар мен әншілер жалындап тұр. Сондықтан, барлығын қатыстыруға тырыстық. Ешқандай таңдаусыз, бір ортақ дүние жасауға тырыстық. Жеке бір адамға арналған спектакль емес, Конгресс Холлдың форматына сай жасалды. Балалар енді-енді үйреніп, алда тағы да үлкен спектальдар шығарады деп ойлаймын. Бұл театрдың форматы ұнайды маған. Мюзикл, музыкалық-поэтикалық кештер. Сондықтан, өз бағытын білетін ұжым деп ойлаймын".

Театрдың атауын зиялы қауым өкілдері Түркістанға жаңа леп болсын деп "Жаңа леп" деген атау берген екен. Сондай-ақ, Рухани Елорда болып кеткен Түркістанда мәдениет пен өнердің қатар дамуы - заңдылық дейді Әзімхан Серікұлы. 

ӘЗІМХАН СЕРІКҰЛЫ ТҮРКІСТАН ОБЛЫСЫ МӘДЕНИЕТ ЖӘНЕ ТУРИЗМ БАСҚАРМАСЫНЫҢ БАСШЫСЫ

Қойылым 28-ге жуық жас қыз-жігіттер мен музыкалық топтың сүйемелдеуімен көрерменге жол тартты. Туындыны жарыққа шығаруға 1,5 айға жуық уақыт кеткен. Сержан Молдасанұлының сөзінше, қойылым жанды дауыста болғандықтан техникалық жағынан ғана аздаған ақаулықтар кедергі болған. 

СЕРЖАН МОЛДАСАНҰЛЫ «JANA LEP» ҰЖЫМЫНЫҢ КӨРКЕМДІК ЖЕТЕКШІСІ, ПРОДЮСЕР «Келген көрермен қандай оймен қайтатынын білмеймін енді. Әркім өзінше қорытады ғой бұл жерде. Бірақ, жеңіл-желпі емес, қатты ауыр емес. Адам бір тып-тыныш тыныштыққа барғыңыз келеді ғой. Мен жалпы осы «Көктемдегі кездесуден» тыныштыққа келген көрермен деп есептеймін. Жалпы өзінің аурасы, атмосферасы сондай. Жанға жақын лирика, поэзия, әндер сынды өмірдің иірімдері».

https://www.youtube.com/embed/d12Ie7Y4n6M?si=hqpfOcyOcO_tT34a" 

Жаздық демалысқа шыққан жастардың бос уақыттарын тиімді өткізу маңызды. Оқу-ағарту министрлігінің бұйрығымен барлық қалалар мен облыстарда оқушыларды мектепішілік және демалыс орындарында лагерлермен қамтамасыз ету шаралары ұйымдастырылып жатыр.Мәселен Алматы қалалық білім басқармасы барлық білім шаңырақтарында балалардың жақсы демалуына, қызығушылықтары мен рухани қажеттіліктерін қанағаттандыруға мүмкіндік беруді қарастырып отыр. 

ГҮЛЖАН ДОСАЕВА АЛМАТЫ ҚАЛАЛЫҚ М.В.ЛОМОНОСОВ АТЫНДАҒЫ №38 ҚАЗАҚ-РЕСЕЙ ГИМНАЗИЯСЫНЫҢ ДИРЕКТОРЫ

Лагерде балалар түрлі үйірмелерге қатыса алады.Мәселен білікті тәлімгерлерден спорттық, экологиялық,лингвистикалық, айти,роботатехника,ән-би секілді өнерге машықтандырылады. Ата-аналар тарапы балаларын қуана әкелуде.Өйткені баланың бос уақытын ұтымды пайдалану, баршаға ортақ мәселенің бірі.

МҰРАТБЕК ДӘУЛЕТБЕКҰЛЫ АТА-АНА

https://www.youtube.com/embed/S9O1RDq8zSY?si=8uA23AMfWoE0nunS" 

Мәжіліс қарыз алушыларға қатысты заңға Сенат енгізген түзетумен келісті. Сонымен енді несие алатындардың құқығы заңмен қорғалатын болды.Төменгі палатадағы маңызды мәселелерге назар аударсақ.

Енді жаңа құжатқа сәйкес әскери қызметшілер мерзімді қызметтерін өткергеннен кейін 60 күнге банктік қарыз немесе микрокредит бойынша төлемдері кейінге қалдырылады. Несие алатындардың құқығы толығымен заңмен қорғалады. Мәжіліс депутаттары Сенат енгізен осы толықтырумен толық келісті. 

БЕРІК БЕЙСЕНҒАЛИЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Осы айтылғандарды ескере отырып, Қаржы және бюджет комитеті «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеу және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңына Қазақстан Республикасы Парламентінің Сенаты енгізген өзгерістермен және толықтырулармен келісуге болады деп есептейді».

Депутаттар әдеттегідей белсенді. Бұл жолы Нартай Аралбайұлы медицинаның мүшкіл хәлін сынады. Ол аурудан келмеген ажалым авиациядан келе ме деп халық қорқады. Еліміздің басты құндылығы ол халық десек, медицина қызметкерлері ең озық медициналық көмек көрсету үшін қажетті барлық ресурспен қамтамасыз етілуі керек емесе пе? Ендеше, түйтікілді мәселе тез арада шешімін табу керек дейді.

НАРТАЙ АРАЛБАЙҰЛЫ ҚР ПАРЛАМЕНТІ МӘЖІЛІСІНІҢ ДЕПУТАТЫ:
"Қатты қыстан мал қалса — олжа, Қатты аурудан жан қалса — олжа" дейді. Ол олжа оңайлықпен оралмайды. Оның үстіне ауылдағы медицинасы тұрмақ, қаладағы медицинасы шатқаяқтап шайқалып тұрған Қазақстанның ахуалы айтпаса да түсінікті. Оған көз жеткізу үшін орталық мемлекеттік органдардың орағытып беретін есебін емес, қатардағы қарапайым қараша халықтың пікірін тыңдап көз жеткізуге болады. Бүгін медицинадағы тағы бір сұмдықты сөз етпекпін. Себебі біздегі жедел жәрдемнің өзіне жедел жәрдем керек екен. Сөз санавиация туралы. Мамыр айында Қостанай облысында санитарлық рейстің су үстінде төбесімен төңкеріліп жатқанын көпшілік көрді. Алыстағы ағайынды емдеуге, орайын тауып орталыққа әкелуге аттанған ұшақтың сиқы сол. Аурудан келмеген ажалым авиациядан келе ме деп қорқады енді қарапайым ел».

Бір топ депутат Алматы облысында арнайы Алатау қаласы құрылғанын тілге тиек етті. Әрине бұл өңір халқы үшін жақсы қолдау. Дегенмен, аталған аймақта инфрақұрылым мәселесі әлі де шешімін таппаған. Ел жарыққа жарымай отыр. Жер үй алып, үй салған халық электр энергиясын қосу үшін 300 мың мен 500 мың теңге арасында ақша төлеуге мәжбүр. Осы мәселені шешуді үкімет басшысынан сұрады. Алайда,  маңызды мәселені депутаттар қанша көтерсе де, одан мардымды жауап ала алмай отырған көрінеді. 

ҚАЗЫБЕК ИСА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Үкіметтен келіп жатқан жауаптың сапасы қандай? Үнемі жауаптары шала болып келеді. Мен не деймін, домбырам не дейді. Кейбір жауапты оқу үшін алдын-ала қан қысымыңызды өлшеп алып, қалыпқа түсіретін дәрі ішіп алып барып оқымасаңыз, қиын болады. Үш жыл бұрын үкімет басшысы мемлекеттік тілді қолдану аясы 93 пайыз болады дегенде бақыттан басымыз айналып еді. Премьерге шала жауап деп екінші рет сауал жолдадық».

Аталған мәселе қашан шешімін табады, ол жағы беймәлім.  

https://www.youtube.com/embed/xAlFp0hb7Pk?si=bBVBW0kSUTcSEysu" 

https://www.youtube.com/embed/2Zf3Ektk8-A?si=fQPGr5p_m0zLUqxX" 

БҚО Сыбайлас жемқорлыққа қарсы күрес департаменті өкілдерімен өткен брифингте  денсаулық сақтау ұйымы скотчтың бір данасын 9 мың теңгеге сатып алмақ болғандығы туралы айтылды.Сондай ақ, жемқорлық тәуекелдері жоғары салалар жайында да сөз өрбіді.

Бақылау жұмыстары кезінде әлеуметтік салада- білім беру объектілерінде күрделі жөндеуді аяқтамау деректері анықталды. Солардың бірі Ақжайық ауданы Базартөбе ауылындағы мектеп. Білім орнындағы жөндеу жұмыстары 2022 жылы тамыз айының 4 күні басталған. Алайда мердігердің кінәсінен жөндеу мерзімі бірнеше рет ұзартылған.

ӘДІЛХАН САБУРОВ БҚО СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ ДЕПАРТАМЕНТ БАСШЫСЫ: "Біздің араласуымыздан кейін Қаратөбе ауданындағы Шалғын ауылы мектебі мен Казталов ауданы Казталов ауылындағы мектеп құрылысы аяқталды. Теректі ауданы Жаңа өмір ауылында ұрғын үй салуға арналған жер телімдеріне су жүргізілді".

Ал, қала емханалары болса, кеңсе тауарын, атап айтсақ, скотчтың 1 данасын 9 мың теңгеге сатып алмақ болған.

ӘДІЛХАН САБУРОВ БҚО СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ ДЕПАРТАМЕНТ БАСШЫСЫ: "Денсаулық сақтау ұйымы жалпы сомасы 4,5 млн теңгеге немесе бірлігіне 9 мың теңгеге скотч сатып алуды жоспарлаған, ал мұндай скотчтың орташа нарықтық құны 250-500 теңгені құрайды. Волонтерлердің ұсыныс хат жолдау арқылы әрекет етуінен кейін 4 млн 250 мың теңге сомаға бюджет қаражатын тиімсіз пайдалануға жол берілмеді".

Осы сынды сыбайлас жемқорлықтың кез келген фактілері байқалған болса, 1424 Call-орталығы әркез қосулы дейді білікті мамандар.

https://www.youtube.com/embed/PE2WRN5ceIU?si=gWdoYpP_O9A-qgVy" 

Көлік тізгіндеген бала 5 бірдей адамды қағып кетті. Қазір үш әйел адам үйінде ем қабылдап жатыр. Олардың жағдайы қанағаттанарлық. Ал, ер адам травмотология бөліміне жатқызылыпты. Оның қабырғалары бірнеше жерден сынған деген ақпарат бар. Зардап шекккендердің арасында кішкентай бала да болған. Оқыс оқиға Жезқазғанда орын алды. Мына видео да машина тоқтап тұр, алайда бүлдіршін қолтежегішті түсіріп жатқанда, көліктің артқа жүріп кеткені анық көрінеді. Аталмыш оқиға бойынша полиция басқармасы әзірге нақты ақпарат бермеді. Сақ болыңыздар!

https://www.youtube.com/embed/ZwB5jno7vTw?si=Mb3V00OsDFi-q5SM"

Қазақстанға алғаш рет Еуропалық Одаққа мүше 16 елден агро азық-түлік саласындағы 40-тан астам кәсіпкер келді. Іс сапар елдегі агроөнеркәсіп позицияларын нығайтуға бағытталған.

Шетелдік бизнес-делегацияны бастап келген еуропалық ауыл шаруашылығы комиссары Януш Войчеховскидың айтуынша, Азия мен Еуропаның тоғысқан жерінде орналасқан Қазақстан ғасырлар бойы сауда мен транзитті дамытып келеді. Бүгінде Қазақстан Орталық Азиядағы ЕО-ның негізгі серіктесіне айналды.

ЯНУШ ВОЙЧЕХОВСКИ ЕУРОПАЛЫҚ АУЫЛ ШАРУАШЫЛЫҒЫ КОМИССАРЫ: «Қазірдің өзінде де, Қазақстан Орталық Азия нарығына шығуға ұмтылатын ЕО азық-түлік және сусын өндірушілері үшін негізгі қақпа. Оған қоса, Қазақстанның өзі ЕО ауыл шаруашылығы экспортының маңызды бағыты болып табылады, мәселен, тек 2023 жылы бұл экспорт 702 миллион еуроны құрады. Қазақстан сонымен қатар сауда-экономикалық қатынастарды реттейтін ЕО-мен кеңейтілген серіктестік пен ынтымақтастық туралы келісімге  (EPCA) қол қойған Орталық Азиядағы ЕО-ның алғашқы серіктесі». 

Ауылшаруашылық өнімдерін өндірумен айналысатын отандық кәсіпорын басшылары, шетелдік әріптестерімен тәжірбие алмасты. Әсіресе, ет пен сүт бағыты бойынша жұмыс істейтін кәсіпкерлер заманауии технологияның қыр-сырын меңгеруді көздеп отыр.

АРМАН РЗАҚҰЛОВ КӘСІПКЕР: «Бүгінгі шараға келген басты мақсатым. Біздің қазақ халқы ет пен сүтке бай.  Бізге осы салада кең дамыған мемлекеттер келіп, өздерінің жобаларын көрсетіп жатыр. Болашақта қаза елінің ет өнімін дамыту керек. Бізге мал шаруашылғын дамытуымыз керек».

2023 жылы ауыл шаруашылық өнімінің айналымы 13,4%-ға артып,1,1 млрд АҚШ долларға жетті. Қазақстанан Еуропалық Одаққа мүше елдеріне экспортталатын негізгі ауыл шаруашылығы тауарлары: бидай, зығыр тұқымдары, рапс тұқымдары, өңделген дәнді дақылдары.

https://www.youtube.com/embed/A6bI6Rrcx30?si=CzSqcbWB3glO_gon" 

Алматы облысына қарасты Қарасай ауданында жабылуы мүмкін болған 160 жеке меншік балабақша сотта жеңіп шықты. Білім бөліміндегі салғырттықтың кесірінен мойындарына 500 миллион теңгенің қамыты ілінгендер енді алаңсыз жұмысын жалғастырмақ. Бұған дейін Алматы облысының білім басқармасы бөбекжай басшыларынан қаңтарда берілген қаржыны қайтаруды  талап еткен болатын. Яғни білім бөлімі келісімнің 27 қаңтарда болғанын айтып, қазынадан 23 күнге артық түскен қаражатты сұраған. Алайда бір жыл бойы үздіксіз қызмет еткендер мемлекеттік мекеменің шешіміне келіспей, сотқа жүгінген.

Алғашында Алматы облысының мамандандырылған ауданаралық экономикалық сот мемелекеттік мекемені қолдап, біржақты шешім шығарған еді. Алайда әділдік үшін күрескендер аппеляциялық сотта жеңіп шықты. Айта кетейік болған жайттан кейін Қарасай ауданы білім бөлімінің басшысы мен техникалық қателік жіберген есепшілер тәртіптік жаза алған болатын.

https://www.youtube.com/embed/NRR_Vt3aYKY?si=NAws6BUqw5m1crtD" 

Алматы облысына қарасты Кеген ауданында ауыл шаруашылығын дамытуға бағытталған жұмыстар қарқын ала бастады. Президент тапсырмасы аясында қолданылмай жатқан бос жерлерді мемлекет меншігіне кері қайтару процессі күшейген. Жергілікті билік,қайтарылған жерлерді қолынан іс келетін шаруагерлерге бермек. Сондай-ақ егістік алқабын ұлғайту аясында суармалы жерлердің ауқымын кеңейтуге нақты қадам жасалып отыр.

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

«Ауыл аманаты» бағдарламасы да аудан шаруагерлерінің оң жабасына келген.Мемлекет ұсынған бағдарламаны кәсібіне пайдаланғысы келген жегілікті тұрғындардың қатары көбейген. Бүгінге дейін облысқа 200-ден астам өтініш жолданып, оның 95-пайызы қаржылай қолдау тапқан. 

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

Тағы бір айта кететін мәселенің бірі өз мақсатына пайдаланылмай жатқан бос жерлерді мемлекет меншігіне қайтару жұмыстары. Аудан әкімінің айтуынша былтырғы жылы 10561 гегтар жерді аудандық жер қорына қайтарған.Бұл жұмыстар биыл да қарқын алуда.

НҰРБАҚЫТ ТЕҢІЗБАЕВ АЛМАТЫ ОБЛЫСЫ КЕГЕН АУДАНЫНЫҢ ӘКІМІ

https://www.youtube.com/embed/T6pD_qn_5Lg?si=gNt8UxglaBpBuPa-" 

Маңғыстауда көлік логистика саласында мамандар тапшы. Жетіспеушілік әсіресе автожол, теміржол бағытында байқалады. Аталмыш салаға жастарды тарту мақсатында көлік логистика саласының мамандары, мектеп оқушыларымен кездесу ұйымдастырды. 

Көлік саласы бойынша жоғары оқу орнына түсуге үгіттеу танымдық шарасына екі жүзге жуық оқушы қатысты.  Бұл бағытта биыл мемлекеттен 800-ден астам білім грантты бөлінген.«Статистикалық деректерге сүйенсек елімізде көлік, теміржол және авиация мамандарына қажеттілік 9 мың 800 адамды құрайды. Соның ішінде көлік саласында 2,5 мың бос орын бар. 

ЖӘНІБЕК МЫРЗАБАЕВ  МАҢҒЫСТАУ ОБЛЫСТЫҚ КӨЛІКТІК БАҚЫЛАУ ИНСПЕКЦИЯСЫНЫҢ БӨЛІМ БАСШЫСЫ «Еліміздегі 39 жоғары оқу орнында 16 мың студент оқып жатыр. Олардың ішінде грант бойынша 6 мың адам.Бізге көлік саласына қажетті автомобиль жолдары мен аэродромдарды салу, көпірлер мен көліктік тоннельдерді салу, теміржолдарды салу мамандықтары бойынша барлығы 441 студент оқытылуда. Бұл,өте аз». 

Жол мамандарының жетіспеушілігін жою мақсатында ұлттық жол сапа орталығы барлық мектепте кәсіби бағдар беру шарасын өткізіп келеді. Сондай-ақ студенттерді ақылы өндірістік тәжірибе алмасуға шақырады. Бүгінде 162 студент кәсіби біліктіліктерін арттырып, 21 жас маман жұмысқа қабылданды. Мұндай шаралар Маңғыстау облысында да ұйымдастырылып жатыр. 

 ХАМЗАТ СҰЛТАНОВ  ҰЛТТЫҚ ЖОЛ САПА ОРТАЛЫҒЫ ФИЛИАЛЫНЫҢ ДИРЕКТОРЫ «Осындай акция бойынша біз 2020 жылдан бастап жүргізіп жатырмыз. Жыл сайын Маңғыстау облысы бойынша бүкіл елдімекенді аралап, барлық мектептерге барып оқушыларға түсіндіріп, көрсетіп өз атымыздан «2000 мектеп» деген жұмыстарды атқарып жүрміз».

Бүгінде көлік министрлігі жоғары білім және ғылым министрлігімен бірлесе отырып, көлік логистика саласы бойынша түлектерге ұсынылатын білім гранттарын көбейтуді қолға алды. Бұл тұрғыдан мемлекеттен 2024-2027 жылдарға «Көліктік құрылыс» атты білім бағдарламасымен 829 грант бөлінді.

https://www.youtube.com/embed/pUulpcAsYwc?si=2HNasEKYJ-qgf60W"

Үкімет басшысы тасқыннан зардап шеккен ағайынның мүлкін бағалау баяу жүріп жатқанын сынады. Су тасқынынан келген залал апта соңына дейін есептеліп бітуі тиіс. Үйсіз, күйсіз қалғандарға үш ай ішінде жаңа баспана салынып берілуі керек. Ол отбасылар жаңа оқу жылына дейін үйлеріне кіреді деді Премьер-Министр Олжас Бектенов. 

Еліміздің батысында жағдай әлі де тұрақтала қойған жоқ. Бүгінге дейін 63 мыңнан аса адам баспаналарына оралса, бес мыңнан аса адам әлі уақытша орналастыру пунктерінде түнеп жүр. Су тасқынынан зардап шеккен 30 538 отбасы 100 АЕК мөлшерінде біржолғы төлемді алыпты. Бірақ, жұмыс баяу жүруде. Осылай деген үкімет басшысы Олжас Бектенов жауаптыларға апта соңына дейін уақыт берді. Олар дер арада шығынды есептеп жауапты комиссияға тапсырулары тиіс.  

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ: «28 мамыр бүгінгі таңда 15 093 тұрғын үй мен саяжай құрылыстарына сараптама жасалды, ол жалпы санның – 84%. Қорытындыға сәйкес, 9 мыңнан астам үй қалпына келтіріледі, 4 315 үй – апатты деп танылды. Өңірлерде 1 847 үй мен пәтердің құрылысы басталды, тағы 3 417-ін қайталама нарықтан сатып алу жоспарланып отыр. Барлық үйлердің бағалау мерзімін жеделдету керек».

ОЛЖАС БЕКТЕНОВ ҚР ПРЕМЬЕР МИНИСТРІ: «Көріп отырғанымыздай, жұмыс қарқыны кейбір өңірлерде төмен, баяу жүріп жатыр. Мысалы, Батыс Қазақстан, Ақтөбе облыстарында. Сондықтан әкімдерге Өнеркәсіп министрлігімен бірге тұрғындардың баспаналары мен мүліктеріне келтірілген залалды бағалау жұмыстарын осы аптаның соңына дейін аяқтауды тапсырамын. Азаматтардың қиын жағдайына түсіністікпен және жан-жақты мұқият қараңыздар. Жұмысты кешіктермей барынша тездету керек. Қанат Алдабергенұлы (үкімет басшысының орынбасары), жағдайды қатаң бақылауда ұстаңыз».

Одан бөлек, бүгін үкіметте өңдеу өнеркәсібіне қатысты проблемалар айтылып, оны шешу жолдары көтерілді. Азық-түлік тауарына деген импорт артып барады деген премьер импорт көлемін азайту тұрғысында ауыл шаруашылық министрлігіне тапсырма берді. 

ОЛЖАС БЕКТЕНОВ ҚР ПРЕМЬЕР МИНИСТРІ: «Біздің алдымызда локализациялау деңгейі жоғары өндіріс циклін құру бойынша ауқымды міндеттер тұр. Бұл ретте, өндірісті жаңғырту өте маңызды. Бүкіл әлемде цифрлық технологияларды белсенді қолдану, өндірістерді роботтандыру және автоматтандыру жүріп жатыр. Әлемдік трендтерден қалып қоймау үшін біздің кәсіпорындар да жаңа технологияларды белсенді енгізуге тиіс. Ал, салалық мемлекеттік органдар осы процесті дамытуға ықпал ететін қолайлы жағдайлар жасауы қажет».

Айталық, тамақ өнеркәсібі бойынша сүт өнімдерімен бірге қант, шұжық, макарон, жарма өнімдерінің, жеміс-жидек консервілерінің импорты өсіп барады екен. Бұған өзімізде шығарылатын тамақ өнімдерінің жеткіліксіз болуы және отандық кәсіпорындардың бәсекеге төтеп бере алмауы басты себеп дейді Олжас Бектенов. Сондықтан, енді  «Агроөнеркәсіптік кешенді дамытудың 2030-шы жылға дейінгі тұжырымдамасы»  аясында кәсіпкерлердің шығыстарды  қайта субсидияланатын болады.