https://www.youtube.com/embed/6NHxlD6-hbg?si=6cdW9DCahAu-Jxsj" 

Бүгін Абай атындағы Қазақ ұлттық педагогикалық университетінде Жошы ұлысының 800 жылдығына арналған «Жошы ұлысы: тарихы, мұрасы және тағлымы» атты халықаралық  ғылыми-практикалық конференция өтті.Әлемге Алтын Орда атымен танымал Жошы ұлысы XIII ғасырдағы Шыңғысхан империясының төрт бөлінісінің ішінде ең ұзақ өмір сүрген мемлекет. Қазақ этногенезі мен қазақ жеріндегі политогенез үдерістері Жошы ұлысымен тығыз байланысты. Оның құрамында қазақ этносының негізгі бөлігінің қалыптасуы аяқталды, болашақ Қазақ хандығының саяси институттары, мемлекеттік идеологиясы айқындалды.

ХАНКЕЛДІ ӘБЖАНОВ АБАЙ АТЫНДАҒЫ ҚАЗҰПУ  ПРОФЕССОРЫ

Алтын Орданың ыдырауы тарих төріне ортағасырлық ұлттық мемлекетіміз – Қазақ хандығының шығуына әкелді. Сондықтан қазақ халқы осы мемлекеттің тікелей мұрагерлерінің бірі екенін мақтанышпен айтуда. Халықаралық ғылыми-тәжірибелік конференция жұмысына шетелдердің және Қазақстанның белгілі ғалымдары, Алматы мен басқа да республикалық ЖОО оқытушылары қатысып, аталған мәселе бойынша өз көзқарастары мен ойларын ортаға салды. 

https://www.youtube.com/embed/1o8e6xdg-lU?si=-UoUli-b-QlNNXho" 

Бұдан былай елімізде вандализмге қатысты жаза қатаяды. Мүлікті қиратып, сындырғандар түрмеге қамалуы мүмкін. Ал, көшеде қоқыс тастағандар екі есе айыппұл төлейді. Белгіленбеген жерге коммуналдық қалдықтарды тастағаны үшін 10 АЕК айыппұл салынады. Ол 36 920 теңге. Бұдан басқа бүгін Мәжіліс спорттық бағыттағы жылқылардың қазақы тұқымын сақтау және өсімін молайту мәселелері туралы заңды қарады. 

Қазақы асыл тұқымды жылқылар жойылу алдында тұр. Мәжілісмендер осылай деп дабыл қақты. Бүгінде Қостанай жылқы тұқымының ресми тіркелген саны 270 бастан аспайды, ал Адай жылқы тұқымының 1300 басы ғана қалған. Сондықтан, отандық спорт бағытындағы жылқы тұқымын қалпына келтіру аса маңызды. 

АЙДАРБЕК ҚОЖАНАЗАРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«2014 жылы тұқымды дамытуға бағытталған мемлекеттік қолдау тоқтатылғаннан кейін қостанай жылқыларының саны күрт азайып, жойылу алдында тұр. Бұл жағдай ұлттық ат спорты түрлерін дамытудың негізгі тежеуші факторларының бірі болып отыр. Осыған байланысты Парламент депутаттары отандық жылқы тұқымын сақтау мен өсімін молайтуға бағытталған Заң жобасын әзірлеу туралы шешім қабылдады».

Тұлпарды армен де заңмен де қорғау керек. Өйткені жылқы шаруашылығын дамыту қасиетті ана тіліміздің дамуына да себепші. Жылқы – қазақтың ұлттық бренді деген депутат Аманжол Әлтаев асыл тұқымды жылқы өсірушілерді мемлекет қамқорлығына алып, оларға субсидия беру керек дейді. 

АМАНЖОЛ ӘЛТАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Атам қазақ ұл туса, өмірге атқа мінер келді деп қуанған. Бүгінгідей телефонға телмірген күрделі кезеңде балаларды атқа баулу маңызды іс. Ондай бала қайратты, білекті болып өседі. Егдеше, атаулы заң жылқы шаруашылығын дамытуда ұрпақ болашағы үшін де қажет»

Ал, енді бір мәжілісмен асыл тұқымды қой шаруашылығын дамытуға деп құрылған палата жұмысын сынады. 

АНАС БАҚҚОЖАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«17 палата жұмыс істеп жатыр. Олардың барлығын танимыз. Ащы болса да айтайын. Асыл тұқымды қойды 17 бағытқа бөліп алғаннан не шықты. Еш нәтиже жоқ. Бұлар тек «асыл тұқымды» деген қағаз берумен шектеледі». 

Сонымен депутаттар спорттық бағыттағы жылқылардың қазақы тұқымын сақтау және өсімін молайту мәселелері туралы заңды қабылдады. Одан бөлек, бүгін Мәжілісте вандализм бұзақылыққа қатысты заңды екінші оқылымда мақұлдады. Жаңа құжат бойынша енді мүлікті қиратып, сындырғандар түрмеге қамалады. Ол әкімшілік емес, қылмыстық жазаға ауысты. Ал, көшеде қоқыс тастағандар екі есе айыппұл төлейді. Белгіленбеген жерге коммуналдық қалдықтарды тастағаны үшін 10 АЕК айыппұл салынады. Ол 36 920 теңге. Асылы, ереже бұзбай, заңға бағынып жүрген жөн. 

https://www.youtube.com/embed/rB6DS1EFDTY?si=z-0yG7aph0Zn85db" 

Астаналық оқушы Ақан көпшіліктің аузында. Ол 5 жасар баланы құтқарып қалды. Ерлік емей немене? Мына видеоны жүрек елжіремей көру мүмкін емес. Бүлдіршін елордалық тұрғын үй кешенінің бірінде 4-ші қабатта балконда салбырап тұрған. Балақайды көрген Ақан ерлік танытып бірден жүгіріп барып, сәбиді құтқарып қалады. Міне, ғажап! Астана әкімі де бұл жаңалықтан хабардар. Жас батырды қабылдап, оған 1 млн теңге тарту етті. Ақанның ісі көпке үлгі. 

https://www.youtube.com/embed/DC-jl74mhxc?si=LR8q5jVFdbqRnvca" 

Белгілі олигарх Қайрат Боранбаевқа қатысты іс әлі тергеліп жатыр. Ол бүгінге дейін мемлекет меншігіне 134 млрд теңге өтеген. Бұл туралы бүгін қаржы мониторинг агенттігі төрағасының орынбасары Жеңіс Елемесов айтты. Оның айтуынша кәсіпкердің барлық активтері анықталып, мемлекеттік тіркеуге алынған. Алайда, бір нысанның құны қанша, ол жағын айта алмаймыз деді жауапты орган. Олигарх Қайрат Боранбаев бюджет қаражатын жымқырды және салық төлеуден жалтарды деген күдікке ілінген еді. Еске сала кетейік, бұған дейін кәсіпкедің  арызы қанағаттандырылып, түрмеден босатылып, пробациялық бақылауға алынған болатын.

ЖЕҢІС ЕЛЕМЕСОВ ҚР ҚАРЖЫ МОНИТОРИНГІ  АГЕНТТІГІ ТӨРАҒАСЫНЫҢ ОРЫНБАСАРЫ: «Ол сотталған негізгі қылмыстық іс бойынша 14,5 млрд теңге көлемінде шығын өтелді, сонымен қатар ол 120 млрд теңгеге жуық соманы өз еркімен өтеп берді. Жалпы сомасы 134 млрд теңге. Бүгінге дейін өтеп берген сома туралы айтып отырмын. Бірақ қылмыстық іс әлі аяқталған жоқ, тергеу жүріп жатыр, тағы басқа өтемақы болатын шығар».

Сондай-ақ, Қаржы мониторингі агенттігі Бишімбаевтар әулетінде заңсыз кірістер болса, тексеруге дайын екендіктерін ресми түрде мәлімдеді. Айта кетейік, желіде петиция жарияланып, оған халық қол қойып жатыр. Белсенділер бұл отбасының акцияларын тексеруді талап етеді. 

https://www.youtube.com/embed/9yD3guhh7zs?si=QGUrsZK7C2_-qo81" 

«Су тасқыны көктемгі егіс науқаны барысына әсер етпейді» - бұл туралы Солтүстік Қазақстан облысы ауыл шаруашылығы және жер қатынастары басқармасының басшысы Мейрам Меңдібаев мәлімдеді. Қазір су астында шамамен 1 200 га жер жатыр.

Биыл теріскейде 4,5 млн га алқапқа дәнді дақыл егіледі деп жоспарланған. Оның 3,4 млн гектары – дәнді, 751 мыңы майлы, 379 мыңы жемшөп және 26,5 мың гектарына көкөніс отырғызылады. Тұқым мәселесінде тапшылық жоқ. Көктемгі егіс науқанын мерзімінде атқару үшін 12 мыңнан астам трактор, 14 мың астық сепкіш, бір жарым мың заманауи жоғары өнімді егіс кешендері, 5 мыңнан астам жүк көлігі тартылмақ. Шаруалар литрі 250 теңге болатын дизель отынымен қамтамасыз етілді. Жалпы облыстағы дала жұмысына 57 мың тоннадан астам дизель отыны қажет. Сондай-ақ, биыл ауыл шаруашылығы саласын мемлекеттік қолдау аясында 60,8 млрд теңге бөлінді. Оның 20 млрд теңгеден астамы өсімдік шаруашылығы саласын дамытуға жұмсалады.

МЕЙРАМ МЕҢДІБАЕВ СҚО АУЫЛ ШАРУАШЫЛЫҒЫ ЖӘНЕ ЖЕР ҚАТЫНАСТАРЫ БАСҚАРМАСЫНЫҢ БАСШЫСЫ: «Су тасқынының салдары өте ауыр болып кетті. Дегенмен шаруашылықта қиындық жоқ. Тұқымдар батқан жағдай жоқ. Техника 100 пайыз дайын. Көктемгі ауыл шаруашылығы жұмыстары басталып кетті. Бүгінде 955 мың гектар жерге дақыл егілді. Оның 250 мың гектары майлы дақылдар». 

https://www.youtube.com/embed/ANCtxtFZhhI?si=tcfgPsbArSdlxypb" 

https://www.youtube.com/embed/UjGtg_BpLNw?si=15qNn_FnJtvBv-sA"

Оралда 300 мың теңгеге «Ғажайып көрпе» сатқан алаяқ ұсталды. Ол өзінің құрбанына бұл көрпе аурудың бәрін емдеп, құлан-таза айықтыратын керемет күшке ие деп сендіріп қалтасын тескен. Құрғақ сөзге сенген егде жастағы әйел, бар дертінен жазылып, дені сау адам болып өмір сүру үшін 140 мың теңге ақшасы мен алтын әшекейлерін бейтаныс жанға өз қолымен ұстатқан. Кейін «Ғажайып көрпенің» ешқандай қасиеті жоғын байқап, тақырға отырғанын түсінген соң тәртіп сақшыларынан көмек сұраған.

АСЫЛАЙ ГУБАШЕВА БҚО ПД БАСПАСӨЗ ҚЫЗМЕТКЕРІ: «Шығын 300 мың теңгені құрап отыр. Алайда бір нәрседен күдіктенген әйел дереу полиция қызметіне хабарласады. Полицейлер ақпарат түскен бойда күдіктіні іздеуге кіріседі. Ал алаяқтар сол сәтте  Ақтөбе облысына шығып үлгереді. Полицейлер кезекші тәулік ішінде «оқиға ізін суытпай»  Ақтөбе облысының аумағында жүрген алаяқты ұстайды. Жәбірленушіге ақша мен алтын әшекейлер қайтарылды. Алаяқтық фактісі бойынша қылмыстық іс қозғалды. Тергеу амалдары жүргізілуде. Егер сіз осындай қылмыстың құрбаны болсаңыз, полицияға хабарласуыңызды сұраймыз».

https://www.youtube.com/embed/di89k3Gf6vk?si=PaYp4cPF1A1eRNQ8" 

Ақтаудағы шағын ауданның тұрғындары үй жанында бой көтеріп жатқан 3 қабатты кафе құрылысына қарсылық білдірді. Себебі айналасында көлік тұрақтайтын аумағы жоқ. Құрлыс иесі көпшіліктің пікірін тыңдамаған, рұқсат сұрамапты. Бүтін бір үйдің тұрғындары ауланың сәнін бұзып тұрған нысанды сүріп алып тастауды талап етті.  

Бұл комфорт санатындағы үйден баспана аларда мердігер көпшілікке есік алдында көлік тұрағы болады деп уәде берген. Алайда кейін уақыт өте келе ауладағы ұлтарақтай жер телімі өзге біреудікі екені және ол жерге қоғамдық тамақтану орны салынатыны белгілі болған. Ауламыздағы көріністі жауып тастады әрі сәнін бұзып тұр, - деп ашынған тұрғындар шағымдарын білдірді. 

МЕЙІРХАН СҚАҚОВ — АҚТАУЛЫҚ ТҰРҒЫН: «Біз енді осы үйді алғанымызға екі жыл болды. Біз алғанда паспорт обьекті деген болады ғой, мына үйдің алдында мынандай ештеңе болған жоқ. Мынаның бәрі парковка болатын. Біз мына бизнес класс үй дегесін қызығып алдық. Енді үй бітуге жақындағанда мынау пайда болды. Бұған айтсақ рұқсатым бар деп шырылдайды. Акиматқа барсақ, анау мынау деп шығарып салады. Қарап жатырмыз, бізге дейінгі адам сатқан дейді».     

НҰРБЕК ҚАЗТҰРҒАН АҚТАУЛЫҚ ТҰРҒЫН: «Мына жерге ресторан вообще келмейді. Парковкасы сай емес. Ертең мына жерде машиндер пробка қылады. Біздің мына шлагбаумның астына машина қояды. Соның үстінде айқай болады. Вытяжкасы да дұрыс емес, тамақтың иісі үйге кіреді. Мусорын артына шығарады. Тышқан, құмырсқа үймелейді. Иесіне айтқанмын. Мынау заңсыз деп едім, менікі заңды деді. 30-40 машина сиятын парковкаң бар ма деп едім, бұрылып кетіп қалды. Жауап бере алмай қалды».  

Тұрғындар әкімдік бұл орыннан жер телімін берер кезде бір қателік жібер. Шикіліктің бары анық деп отыр. Ал кафе қожайыны 3 қабатты тамақтану орнын салуға бекінген. 

ШАЙХЫ ЖАРЫЛҒАСОВ  АҚТАУЛЫҚ ТҰРҒЫН: «Қарсы болып, қол жинап тұрғындар, облостнойға, әкімшілікке, ГАСКАге, жер инспекциясына бәріне хат жаздық. Прокуратураға артынан жаздық. Айттық, бір біріне хат жолдайды. Әкімшілік ГАСКАға жібердік, жер инспекциясына жібердік, дұрыспа, дұрыс емес па, соны бізге айтады дейді. Сонымен ешкім ештеңе шығарған жоқ. Ешқандай нәтиже жоқ».  

Тұрғындар үй мен кафенің арасында адам өтетін орын жоқ екенін айтады. Шағымды барлық құзырлы орындарға тапсырған. Деседе әлі күнге дейін жауап алмаған. Әкімдікке қанша барсақта олар басқа жақта сілтеп жіберуден жалықпайды,-дейді шағым айтушылар. Алайда қалалық сәулет-құрылыс басқармасының мамандары ол жердің жобасын өзгерту мүмкін емес екендігін алға тартты. 

БЕГАЛЫ ҚОЖАХМЕТОВ - АҚТАУ ҚАЛАЛЫҚ СӘУЛЕТ ЖӘНЕ ҚАЛА ҚҰРЫЛЫСЫ БӨЛІМІНІҢ БАС МАМАНЫ: «2016 жылы, мемлекет мұқтаждығына керек болғандықтан, мемлекет сол жерді өз меншігіне қайтарған. Оның құнын бағалау ретінде 17-ші ш/а 26,1 учаскесін сол жаққа перенос жасаған.2021-шы жылы, бөлім тарапынан жобалауға арналған  жобалауға арналған сәулеттік тапсырмасымен жобасы келісілген бөлім тарапынан 2021 жылы. Аталған мәселе бойынша енді тұрғындар тарапынан бірнеше арыз түсті. Тұрғындардың арызын басшылыққа ала отырып, МО прокуратурасына, ГАСКАға, жер инспекциясына хат жолдадық, құқықтық баға беру бойынша. Біз мына жерде келісуші орган болғандықтан біз кәсіпкердің құқығына кіре алмаймыз».  

Мәселенің мән-жайы енді белгілі болды. Дауға айналған жер тілімі үкіметтен берілген екен. Бұрын кафе қожайынында 4-ші шағын ауданында дәл осы көлемде жер учаскесі болған. Әкімдік заңға сүйене отырып, мемлекетке жер орнын қайтарып, кәсіпкерге 17-ші шағын ауданындағы жерді берген. Мұндай шу мағанда керек емес дейді камера обьетивіне ілінгісі келмеген кафе иесі. Ал шағым айтқан тұрғындар мәселені шешу үшін соңына дейін баратындарын айтты. 

https://www.youtube.com/embed/17QyiIwSL-0?si=imF8_Anp1vZsppxs" 

"Список Айки" деген атаумен әлеуметтік желіні бір шулатқандар көптің есінде әлі бар шығар. Алматы қаласының Әуезов аудандық сотында қоғамда үлкен резонанс тудырған сот жабық түрде өтті. Айка есімді сотталушы мефедронды заңсыз иемденген, сақтаған және тасымалдаған, сондай-ақ жеңгетайлық жасағаны үшін кінәлі деп танылды. 2020-2023 жылдар аралығындағы сотталушы Айка сыбайласымен бірге қыздарды клиенттермен таныстырумен айналысып қана қоймай, оның үстінен пайда көргендігі де анықталды. 

ДАРХАН ЕРЛАНҰЛЫ ҚР СОТ ӘКІМШІЛІГІНІҢ АЛМАТЫ ҚАЛАСЫ БОЙЫНША ДЕПАРТАМЕНТІНІҢ БАСПАСӨЗ ҚЫЗМЕТІНІҢ БАСШЫСЫ: "М. ҚК-нің 296-бабының 4-бөлігі 309-бабының 2-бөлігі, 1- тармағы бойынша кінәлі деп танылып, оған түпкілікті 6 жыл 6 ай бас бостандығынан айыру түрінде жаза тағайындалды. Т. ҚК-нің 28-бабының 5-бөлігі, 309-баптың 2-бөлігі, 1-т бойынша кәнілі деп танылып, оған 3 жыл 8 ай көлемінде бас бостандығынан айыру түрінде жаза тағайындалды. Соттың үкімі заңды күшіне енген жоқ"

https://www.youtube.com/embed/T7i671AVRCc?si=Z_XNm7c5lfgXZ2dH" 

Қиын қыстау күндері қол ұшын созып қолдау білдіру ең жоғарғы адами қасиет. Еліміздің ертеңі балаларымызға шаттық көңіл күй мен өмір сыйлау қоғамдық парызымыз.Осы орайда еліміздің су басқан аймақтарындағы балаларға қолдау көрсетіліп Алматы облыстарындағы демалыс орындарына жолдама берілген.

Жылына 4250 бала демалатын «Балдәурен» орталығына биыл су басқан аймақтардан 177 бала  демалуға келген.Ауысым тақырыбына сай көптеген іс шаралар өтуде. Орталықтағы мектепте балалар түске дейін сабақ оқыса, қосымша үйірмелер,саяхат бағыттары қарастырылған. Оқу-сауықтыру орталығы әскери бағытта жұмыс атқаратындықтан осы ауысымда ауған соғысы ардагерлерімен кездесу де ұйымдастырылған.

ЖАРҚЫНАЙ ҚАЖЫМҰҚАНОВА ҚОНАЕВ ҚАЛАСЫ «БАЛДӘУРЕН» ОҚУ-САУЫҚТЫРУ ОРТАЛЫҒЫНЫҢ ДИРЕКТОРЫ

Мұнда 6 мезгіл тамақ беріледі.Одан бөлек балалармен психолог мамандар да жұмыс жүргізуде. Алматы қаласы Бостандық ауданы директорлар корпусы және балабақша меңгерушілері атынан  Бостандық ауданы білім бөлімі басшылығы орталықпен байланысқа шығып су басқан аймақтан келген балаларды қажетті заттармен қамтамасыз етіп,қолдау көрсетуді ұйғарған.

ГҮЛЖАН ДОСАЕВА М.ЛОМОНОСОВ АТЫНДАҒЫ №38 ҚАЗАҚСТАН-РЕСЕЙ ГИМНАЗИЯСЫНЫҢ ДИРЕКТОРЫ

Игі шара жалғасын тауып Талғар ауданына қарасты «Тау Тұран» демалыс орталығына да су басқан өңір Ақтөбе қаласынан,Ойыл ауданынан 100 бала келген. Балалардың білім алуына мұнда да жағдай жасалып,мұғалімдер арнайы шақыртылған.

ЖАНАР СБАНҚҰЛОВА АЛМАТЫ ҚАЛАСЫ ТАЛҒАР АУДАНДЫҚ БІЛІМ БӨЛІМІНІҢ ӘДІСКЕРІ

Балаларға жан жақты қолдау көрсетумен қатар қауіпсіздіктері де қамтамасыз етілген. Мұнда келген әр жеткіншектің жауапкершілігін арқалап жетекшілер ере келген. Демалыс орнындағы шынайы ниеттен жасалған қолдауға өз алғыстарын жеткізді.

КЕНЖЕГҮЛ  САЕКЕЕШЕВА ЕРМЕКБАЙҚЫЗЫ  АҚТӨБЕ ҚАЛАСЫ №53 ОРТА МЕКТЕБІНІҢ МҰҒАЛІМІ

Су басқан өңірден келген балалардың жақсы демалуынан бөлек,олардың психологиялық және денсаулық жағдайларын да қадағаулау қолға алынған.

АҚТОЛҚЫН ПАНАРБЕКҚЫЗЫ АҚТӨБЕ ҚАЛАСЫНАН КЕЛГЕН МЕДБИКЕ

Балалар біздің болашағымыз десек артында арқа сүйер елі барда әр бүлдіршін мұңаюға тиісті емес.

https://www.youtube.com/embed/IcuHIB6-A5U?si=KhH1wir0Yl6OusFd" 

Бұдан былай жүргізуші куәлігін алу қиындайды. Енді емтихан тапсыру барысы онлайн трансляция арқылы бақыланады. Оның үстіне автомектептен оқымағандарға  жүргізуші куәлігі мүлдем берілмейді. Оның өзінде де барлық жеке кәсіпкер өз бетінше автомектеп аша алмайды. Талап күшейді. Оған себеп, биыл 3,5 млн  жол жүру ережелері бұзылып, 8 мыңға жуық «мас» жүргізуші ұсталған. Олардың барлығы соттың шешімі бойынша көлікті басқару құқығынан айырылыпты. Жүргізуші куәлігін беретін арнайы халыққа қызмет көрсету орталығының жұмысы да ерекше бақылауға алынады. Бұл туралы бүгін орталық коммуникациялар қызметінде өткен брифингте жаңа жол жүрісі туралы заңды таныстырған Әкімшілік полиция комитетінің төрағасы Қайсар Сұлтанбаев айтты. 

ҚАЙСАР СҰЛТАНБАЕВ  ҚР ІІМ ӘПК ТӨРАҒАСЫ: «Емтихан қабылдау кезінде кейбір жемқорлыққа орын берілгені рас. Оны мойындаймыз. Бірталай қылмыскерлер ұсталғанын растаймыз. Жемқорлыққа қарсы күрес агенттігі ішкі істер министрлігімен бірлескіп біраз жұмыстар жүргізіп, біраз қызмектерлер ұсталғанын растаймыз. Жемқорлықты жою үшін арнайы халыққа қызмет көрсету орталығындағы қызметкерлердің бүгінгі деңгейін мемлекеттік қызметшілерге теңестіру осы заңда қарастырылған. Келешекте олардың деңгейі осы мемлекеттік қызметшілермен теңеседі, жемқорлыққа қарсы жауапкершілігі де артады».

https://www.youtube.com/embed/64B_wxQs4P8?si=DEPtW0zIfd-i6ttO" 

Су басқан өңірлердегі түлектерге биыл ерекше жеңілдік берілетін болды. Айтулы аймақтағы балаларға қосымша 12 мың грант бөлінеді. Бұл туралы бүгін үкімет отырысында Ғылым және жоғарғы білім министрі Саясат Нұрбек айтты. Ал, тасқынның зардабынан мектепке бармаған оқушылар болса, жазда қайта оқиды. Үкіметте көтерілген мәслелер жайында толығырақ алдағы бейнесюжетте. 

25 мамырда еліміздегі барлық мектепте соңғы қоңырау соғылады. Бұл күнді ұстаздар да оқушылар да асыға күтуде. Бірақ, су басқан алты өңірдің оқушылары үшін соңғы қоңырау соғылғанымен, олар түбейгейлі жазғы демалысқа шықпайды. Бұл өңірлерде қосымша сабақ ұйымдастырылады. 

ҒАНИ БЕЙСЕМБЕВ ҚР ОҚУ-АҒАРТУ МИНИСТРІ:
«Су тасқынынан зардап шеккен және ауа райының қолайсыздығына байланысты қыс мезгілінде қашықтан оқыған 2622 мектептің 832 мың оқушысы үшін 27-31 мамыр аралығында “Жазғы мектеп” жұмысы ұйымдастырылады. Жазғы мектепті ұйымдастырудың негізгі мақсаты – оқушы біліміндегі олқылықтардың орнын толтыру арқылы білім сапасын арттыруға бағытталған».

Ал, аталған өңірдегі түлектер үшін жағымды жаңалық. Биыл мемлекет тасқыннан задап шеккен аймаққа қосымша 12 мың грант бөлді. 

САЯСАТ НҰРБЕК ҚР ҒЫЛЫМ ЖӘНЕ ЖОҒАРҒЫ БІЛІМ МИНИСТРІ:
«Біріншіден, сол өңірдегі балаларға көп уақыт беру үшін олардың тестілеу мерзімі шегерілді: 1 маусымнан 12 шілдеге дейін. Балаларға 47 күн беріп отырмыз. Екіншіден, биыл мемлекеттік тапсырыстың 20 пайызы, яғни 12 мың грантты бөлек сол зардап шеккен өңірлерге бөліп отырмыз. Үшіншіден, биыл негізгі ҰБТ-ны 6 өңірде тапсырған балалар төмен балл алып қалса, қаңтар және наурызда алған ҰБТ балдарын қолдануға мүмкіндік береміз. Ерекше жағдайды ескеріп, тек биыл осындай шешім қабылдап отырмыз. Яғни (тасқыннан) зардап шеккен өңірлердегі балаларға министрлік тарапынан толық қолдау бар».

Одан бөлек, бүгін министрлер кабинеті балалардың жазғы демалысын дұрыс ұйымдастыру мәселесін қарады. Үкімет басшысы Олжас Бектенов балалар қауіпсіздігіне баса мән беруді тапсыруды. Сондай-ақ, лагерлерде балалармен жұмыс істейтін қызметкерлерді мұқият іріктеу керектігін айтты. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Барлық балалар лагерлерінде, жаппай демалыс орындарында бақылау камералары жұмыс істеуі тиіс. Ішкі істер, төтенше жағдайлар, оқу-ағарту, денсаулық сақтау министрліктері, өңірлердің әкімдіктері тиісті қызметтердің үздіксіз жұмысын қамтамасыз етуі керек».

2026 жылға дейін республика аумағында  50 лагерь құрылады. Балалар шығармашылығын дамытатын 100 орталық салынады.