https://www.youtube.com/embed/U1Hhqe1uSVw?si=M0A8zPpJ2PgwsvoW" 

Алматы облысы,Райымбек ауданының тұрғындары үшін қуанышты жаңалық. Кеңес үкіметі кезінде салынған Кеген-Нарынқол арасындағы күре жол биыл толық жөндеуден өтпек. Бұдан бөлек, ауданда қандай өзгерістер орын алуда, елді мекенннің тыныс тіршілігімен танысып қайтқан әріптесім Назерке Бекежан  толығырақ тарқатса.

Райымбек ауданының орталығы Нарынқол ауылы Алматы облысының сұлу табиғатының аясында жайғасқан алтын бесік. 11 ауылдық округ, 20 елді мекен мен бар. Көпшілікті мазалайтын негізгі мәселе жол. Аудан әкімінің айтуынша, 2024 жылы  Кеген-Нарынқол жолының 15 шақырымы жасалынса, қалған 74 шақырымына қаражат бөлініп, «Қазавтожол» мекемесі көктемде  жөндеу жұмыстарын бастаған.

БЕРІК ДҮЙСЕНБАЕВ, АЛМАТЫ ОБЛЫСЫ, РАЙЫМБЕК АУДАНЫНЫҢ ӘКІМІ «Жол жобасы енді бізде ауданымыз бойынша Республикалық маңызы бар жол Нарынқол мен Кегеннің арасын қатынайтын жол, 89 шақырым.Осы 89 шақырым тұрғындарды бірталай әбігерге түсірген жайы бар. Енді 2025 жылы 74 шақырым басталып, 2026 жылы аяқталады.7,5-8 млрд қаражат бөлінді осы жолға. Үлкен орташа жөндеу жұмыстары биылғы жылға жоспарланып, биыл басталса, 2026 жылы толыққанды кегенге дейін жеткізіп бәрін бітіріп берсенұр үстіне нұр болар еді, халықтың да қазір сұрап отырғаны осы».

Ауданға жасаған пресстур барысында «Алтын дән» тамшылатып суару жүйесінің жұмысымен танысып қайттық. Әр ауылдағы жекелеген шаруа қолжалықтары ұйымдаса отырып, бас біріктірген орталықтың құрылғанына үш жылдың жүзі болған. Қазіргі уақытта бұл жерде 28 адам жұмыс жасауда.

ДУЛАТ ҚҰЛМАМЫРОВ «АЛТЫН ДӘН» АУЫЛ ШАУАШЫЛЫҒЫ ӨНДІРІСТІК КООПЕРАТИВІНІҢ ТӨРАҒАСЫ: «Егістік алқабы 2022 жылы 10 шаруақожалықтан құрылған, ауылшауашылық өндірістік  Алтын дән коперативінің 3000 гектар егіс алақабында тұрсыздар.Бұл жерлер біз құрылғалы бері багар болып есептелген, ешқандай суарылмаған, табиғаттың жаңбырына тәуелді болып, бидай егіп келген, бірақ мемлекеттің бағдарламасымен су үнемдеу технологиясына орай және жаңбырлатып суаруға байланысты жаңа технологияға мемлекеттен бөлінген субсидияның арқасында біз осы жерді барлығын суармалы жерге ауыстырып бүгінгі таңда жұмыс жасап  жатырмыз.  Қазіргі таңда, арттарыңызда көріп түрған жерде үлкен скважина бұрғыланып жатыр. 250 метр тереңдік жобаланған, ондай скважинадан төртеу есептелген осы 3000 гектар жерге».

Су тапшылығы еліміздің бір қатар өңірлерінде байқалып отыр.Соның бірі Райымбек ауданы.Мамандардың айтуынша шығымы мол,шығыны аз тамшылатып суару жүйесі шаруагерлердің жұмысын ширатуға пайдасын тигізбек.Картоп өндіру саласы бойынша да ілкімді істер байқалады. Аймақта 5 үлкен кооператив құрылып, техникалар жаңартылған.Облыс және аудан көлемінде азық-түліктің бағасын тұрақтандыру жолдары қарастырылып жатыр.   

САМАТ САТЫЛҒАНОВ АЛМАТЫ ОБЛЫСЫ РАЙЫМБЕК АУДАНЫ ӘКІМІНІҢ ОРЫНБАСАРЫ:  «Өздеріңіз жақсы бідесіздер таулы өлкеде Райымбек ауданы,Алматы облысындағы ең шұрайлы жерлердің бірі болып саналады.Бүгінгі таңда 42000 гектар суармалы жер бар, егіс алқаптары бар, енді бұрынғы жылдары ауданымыз картоп өндіріумен бұрынғы одаққа белгілі болған аудандардың бірі болып саналады. Еуропадан атап айтқанда, Голандиядан біздің ауданға сорттардың бірнеше түрін әкеліп отырғызып жатырмыз.Былғырғы жылы 2250 гектарға картоп отырғызғанбыз, биылғы жылға тағы да одан арттыруды жоспарлап отырмыз».

Ауданда ауыл шаруашлығы өнімдерінің ілгері басуына ат салысып отырған тағы бір мекеменің бірі «Қарасай фуд» ЖШС. Сүт өнімдерін шығаратын зауытта отыздан астам адам жұмыс істейді. Зауыт басшысының сөзінше, сары майдың сапасына, дәміне қызыққан ресейліктерден сұраныс жоғары. Зауытта қазақтың ұлттық өнімі — жент, қатық, ірімшіктер дайындалады.

ЕРЖАН ЕРСІН ЗАУЫТТЫҢ АТҚАРУШЫ ДИРЕКТОРЫ: «Осы келген сүттен айранның 2 түрін, сүттің 2 түрін майлылығы-3,2-2,5, айран 3,2-2,5, қаймақтың 15-20 пайыздығы, сүзбе, қатық, май соларды өндіріп аламыз.жалпы саны 15 тонна продукцияны жан-жаққа бөлеміз, осы жерде құрт жасаймыз, тәулігіне 200-300 кг құрт кептіріп шығарамыз.   14 түрлі өнім шығарылады».

Болашақта Нарынқол ауылының сүт шаруашылығының дамуы үшін инновациялық технологияларды қолдану, жаңа жұмыс орындарын құру, жергілікті тұрғындардың біліктілігін арттыру, және мемлекеттік қолдау маңызды рөл атқарады. Бұл шаралар арқылы аймақта сүт өндірісін тиімді дамытып, ауыл тұрғындарының өмір сүру сапасын жақсартуға болады.

https://www.youtube.com/embed/f8bFJK5Wb70?si=9qxSnUVscOwQEG5u" 

Ел тарихындағы елеулі тұлғалардың ерлігі мен ұлтқа сіңірген еңбегі әрдайым құрметке лайық. Осындай ұлы тұлғалардың бірі – батыр, би, абыз Әлмерек Жаншықұлы. Оның ерлігі мен даналығы бүгінгі ұрпақ үшін өшпес өнеге. Осы орайда, оның есімін ұлықтап, жастардың бойында патриоттық рухты қалыптастыру мақсатында республикалық волейболдан турнир ұйымдастырылды.

Әлмерек Жаншықұлы (1658–1754) – қазақ халқының бірлігін бекемдеп, жаугершілік заманда ерлігімен танылған, бейбіт күнде ел билеген, сөз ұстаған шешен, абыз, көреген тұлға. Оның өмірі мен ерлігі жөніндегі деректер халық ауыз әдебиетінде, батырлық жырларда кеңінен сақталған. Ұлыларды ұлықтау бүгінгі буынның парызы. Валейболдан өтіп отырған турнир соның нақты көрінісінің бірі деуге болады. Шараны ұйымдастырушылар – «Желтоқсан ақиқаты» республикалық қоғамдық бірлестігі мен «Әлмерек» мәдени-тарихи қоры.

ЫСҚАҚ МОЛДАӘЛІМҰЛЫ «ӘЛМЕРЕК» МӘДЕНИ-ТАРИХИ ҚОҒАМДЫҚ ҚОРЫНЫҢ АТҚАРУШЫ ДИРЕКТОРЫ

Турнирдің басты мақсаты – Әлмерек бабаның өнегелі өмірі мен рухани мұрасын жастар арасында кеңінен насихаттап, салауатты өмір салтын қолдау, патриоттық тәрбиені күшейту, ұйымшылдықты арттыру, өскелең ұрпақтың спортқа деген қызығушылығын ояту.

БОЛАТ ҚҰРЫМБАЕВ «ЖЕЛТОҚСАН АҚИҚАТЫ» РПҚҚБ ТӨРАҒАСЫ

«Батырларды ұлықтау-тарихымызды ұмытпау» деп аталған республикалық турнирге қатысып тамаша ойын үлгісін көрсеткен командалар жастарға өнеге болар шараның көркін қыздырды. Ұйымдастырушылар жеңіс тұғырынан көрігендерді қаржылай сыйлықтармен марапаттады. Алдағы уақыттары да салауатты өмір салтын насихаттайтын спорттық іс шаралар легін жалғастыруды жоспарлап отыр.

https://www.youtube.com/embed/tG7t5KbYfdA?si=ozqaGNvdQhy5AeEZ" 

Синоптиктердің болжауынша, 17 мамыр күні Алматыда сынап бағанасы 37 градусқа дейін көтеріліп, күн қатты ыстық болады.Осыған байланысты Төтенше жағдайлар департаменті мынандай қауіпсіздік шараларын сақтауды ұсынады:

Тауға демалуға барғанда ашық от жақпауды, тұтанған темекі қалдықтарын тастамауды, бір желіге бірнеше электр құрылғыларды қоспауды, өйткені электр желісінің шамадан тыс жүктелуі қысқа тұйықталуға және өртке әкелуі мүмкін;

Балаларды көліктің ішіне аз уақытқа болса да қалдырмауға шақырды.

Осыған дейін Экология және табиғи ресурстар министрі Ерлан Нысанбаев Үкімет отырысында жаз айларына арналған ауа райы болжамын айтқан болатын.

https://www.youtube.com/embed/DxVrhxCJWeo?si=6MvMm3YE9ZZKLSBP" 

Қазақстанда ішек ауруларына шалдығатындар күрт көбейді. Мамандар дабыл қағуда. Толығырақ тілшіміз тарқатсын.

Елімізде ішек ауруларына шалдыққандар саны жыл сайын еселеп артып келеді. Алматыда өткен Ішектің қабыну аурулары бойынша IX ұлттық форумда бұл мәселе кең көлемде талқыланды.Соңғы бес жылда Крон ауруына шалдыққандар саны үш есеге, ал ойық жаралы колитпен ауырғандар саны – 7000-нан асты дейді дәрігерлер. Бұл көрсеткіш әлі де өсуі мүмкін екенін айтады. Сарапшылардың айтуынша, дерт урбанизация, күйзеліс, жұқпалы аурулар және антибиотиктерді бақылаусыз қолдану салдарынан туындап отыр.

ҚАЗЫБЕК АҒЫБАЕВ - ХИРУРГ, КОЛОПРОТОЛОГ: «Бұл иммунный процеске байланысты, ешқандай микроптың сыртқы әсеріне байланысты емес. Көп теориялары бар. Бұлармен кішкене балалардан бастап ересек науқастар да көп ауырады. Екіншіден өкінішке қарай ауруған адам дұрыс емделсе, асқынулар аз болады. Тек бұларды асқынуға жеткізбестен емдеп отырады».

САЙМОН ТРЕВИС ШЕТЕЛДІК ДӘРІГЕР (ҰЛЫБРИТАНИЯ) «Бұл дерт Қазақстанда жиі кездеседі. Әрі батыс елдерінде де ауруға шалдығатындар көп. Мүмкін дұрыс тамақтанбаудың салдарынан көбейіп жатыр. Ауруды диета ұстау арқылы алдын алсақ болады. Статистика бойынша ішектің қабыну аурулары 30-50 жас аралығындағы адамдар тобында кездеседі. Бүгінде ішек қабыну ауруымен ауыратын пациенттерді 40 жыл бойы емдеп келемін. Конференцияда барысында әртүрлі тәжірибелермен бөлісіп, түрлі ақпараттар алғым келеді».

Сондай-ақ мамандар өңірлерде эндоскопиялық құрылғылардың жетіспеуі, психологиялық қолдаудың болмауы сияқты өзекті мәселелерді көтерді. Іс-шарада 300-ден астам қазақстандық және шетелдік мамандар бас қосып, ішектің қабыну ауруларын ерте диагностикалау мен жаңа емдеу тәсілдерін талқылады. Жас ғалымдар байқауы да ұйымдастырылып, саладағы жаңа идеялар мен жаңалықтар ұсынылды. Форум қорытындысы бойынша диагностикалық орталықтар санын арттыру, халықаралық стандарттарға сай емдеу нұсқауларын енгізу және дәрігерлерді үздіксіз оқыту міндеті қойылды.

https://www.youtube.com/embed/QqS4doPyDfA?si=zLfPhoCeQv1DbCIx" 

https://www.youtube.com/embed/s91cGdQP7YY?si=M6Hz6kFpDpfoyL36" 

Бүгін Премьер-Министр Олжас Бектенов Қостанай облысына жұмыс сапарымен барып, көктемгі дала жұмыстарының барысын тексерді. Сапар аясында Үкімет басшысы өңірдің ауыл шаруашылығы құрылымдары өкілдерімен агроөнеркәсіп кешенін дамытудың өзекті мәселелерін талқылады. Өз кезегінде Қостанай облысы әкімінің орынбасары Арман Әбенов аймақтағы көктемгі егіс жұмыстарының қарқыны туралы баяндады. Еліміздің ең ірі астықты өңірі биыл 5,1 млн гектар алқаптан өнім алады, оның ішінде дәнді және бұршақты дақылдар 4,2 млн гектарға егіледі деп жоспарлануда. Айта кету керек, әртараптандыру шеңберінде майлы дақылдардың, әлеуметтік маңызы бар және жемшөп дақылдарының үлесі де артып келеді. Биыл фермерлер минералды тыңайтқыштарды енгізудің көлемін 1,3 есеге— 337,6 мың тоннаға дейін ұлғайтуды жоспарлап отыр. Қаржы институттары арқылы жеңілдетілген несиелеу бағдарламалары бойынша ауыл шаруашылығы құрылымдарына 91,5 млрд теңге бөлінді, бұл өткен жылдың деңгейінен 1,2 есе көп.

ОЛЖАС БЕКТЕНОВ ҚР ПРЕМЬЕР-МИНИСТРІ: "Дихандар өз күштерін салып Мемлекетпен бірлесіп жақсы нәтиже береді деп сенеміз. Көктемгі егіс жұмыстары сәтті өтмін бәрі. Ауыл шаруашылығна бар мүмкіндігімізше қолдау көрсетеміз. Биыл да келесі жылы да осындай қолдау болады. Бұл мемлекет басшысының тікелей тапсырмасы. Президенттің Торғай өңірне көзқарасы ерекше. Өздеріңзі білетіндей, үлкен жол салына бастайды. Биыл көлік министрлігіне тапсырма бердім. Биыл салына бастайды".

https://www.youtube.com/embed/enk5iAhGt-Q?si=1P53b4Id41H1vEW_" 

Абай Құнанбайұлының мол мұрасы бүгінгі ұрпаққа рухани қазына. Абай мұрасын жастарымыздың бойына сіңіру- болашаққа жарқын жол табу. Осыған орай Ұлы ойшылдың  180 жылдық мерейтойына арналған “Адамзаттың асылы- Абай” атты тағылымды іс-шара өтті. 

Қазақ халқының ұлы ойшылы, кемеңгер ақыны және ағартушысы Абай Құнанбайұлына арналған рухани-танымдық шараның мақсаты ұлы тұлғаның мұрасын дәріптеу,тереңіне бойлау, ұрпақ санасына сіңіру.Шара аясында Абайдың өмір жолына,шығармашылығына,өлеңдері мен қара сөздеріне терең үңіліп, сол заманға тән театр костьюмдерін киіп,көріністер көрсетіліп Абай дәуірі сахна төрінде қайта тірілді.                     

АЙЖАН ҚАСЫМОВА  АЛМАТЫ ҚАЛАСЫ ТҮРКСІБ АУДАНЫ №211 МЕКТЕП-ГИМНАЗИЯСЫНЫҢ ДИРЕКТОРЫ

АЙЗЕРЕ ДӘУІТБЕК

Бүгінгі шара өткен мен бүгінді сабақтастыра отырып, рухани мұраны жаңғыртудың жарқын үлгісі.

https://www.youtube.com/embed/Jl4PuJUhsZ0?si=VNQWmoq3IQIYn2Cd" 

https://www.youtube.com/embed/146fVTOCQ94?si=iF69-MCgXufGSbTn"

Бүгін Алматыда Акушерлік, гинекология және перинатология бойынша ұлттық ғылыми орталық өзінің 50 жылдық мерейтойын атап өтті. Бұл маңызды оқиға тек Орталық үшін ғана емес, бүкіл Қазақстан Республикасы денсаулық сақтау жүйесі үшін үлкен маңызға ие.
Конгресс жұмысына  Ресей, Беларусь, Өзбекстан, Қырғызстан, Литва, Чехия, Словения, Грекия, АҚШ және Мексика сияқты елдердің жетекші медициналық мекемелерінен келген мамандар мен сарапшылар қатысты. Шара барысында олар, айтулы мәселеге орай өзекті мәселелерді алға тартты.

ЛОКШИН ВЯЧЕСЛАВ, ҚР ҰЛТТЫҚ ҒЫЛЫМ АКАДЕМИЯСЫНЫҢ АКАДЕМИГІ «Бүгін елімізде  маңызды оқиғалардың бірі: Акушерлік, гинекология және перинатология ғылыми орталығына 50 жыл толды. Бұл орталық еліміздегі барлық акушерлік-гинекологиялық қызметті басқарады. Шынымен де, репродуктология акушерлік-гинекологияның бір бөлігі, оның шағын, бірақ маңызды саласы болып табылады, себебі барлық әйелдер босану процесінен өтеді және, өкінішке орай, репродуктивті жүйе ауруларына ұшырайды. Олардың тек 10-15% ғана бедеуліктен зардап шегеді, сол уақытта репродуктологтардың көмегі қажет болады.Сондай-ақ, өткен жылдары елде ана өлімі айтарлықтай төмендеді».

Орталық жарты ғасыр бойы елдегі акушерлік-гинекологиялық көмектің дамуының бастауында тұрып, ана мен бала денсаулығын қорғау саласында ғылыми, клиникалық және білім беру қызметінің көшбасшысы болды.

ЭЛЬВИРА САРМАНОВА, АКУШЕРЛІК ЖӘНЕ ГИНЕКОЛОГИЯ ҒЫЛЫМИ ОРТАЛЫҒЫНЫҢ ЖАТЫРДАН ТЫС ҰРЫҚТАНДЫРУ БӨЛІМІНІҢ МЕҢГЕРУШІСІ «Бұл ғылыми конгресс біздің Акушерия және Гинекология ғылыми орталығының 50 жылдығына арналған яғни ширек ғасыр көлемінде  біздің ғылыми орталық акушерия саласындағы ең басты орталықтардың бірі болып саналады, себебі Республикалық орталық.Бұл Ғылыми конгресске тек қана Қазақстаннан емес бүкіл шетел елдерден мамандар келіп жатыр, заманауи технологиялар, жасанды интеллект  жайлы ақпарат беріліп жатыр яғни жас мамандармен өзіміздің прфессорларлық құрам үшін өте ақпаратты мәселелер көтеріліп жатыр».

Қазіргі таңда әйел бедеулігімен қатар, ерлерлер белсіздігі де артып келеді. Алдын алу үшін, ең алдымен, денсаулықты жақсарту керек. Бүгінде елімізде әлемде қолжетімді барлық әдістер қарастырылған, керісінше елімізге  емделу үшін туристер көптеп  келуде , себебі бес күндік эмбрионды генетикалық зерттеу, елеулі ғылыми зерттеулер де, суррогат аналық бағдарламаларын жүргізу мүмкіндігі де қарастырылған. Аурудың алдын алу үшін қыздарымыз жыныстық жолмен берілетін аурулардан қорғанып сақтана білуі керек дейді мамандар.

https://www.youtube.com/embed/geFS6Y_qPLs?si=BaaM8xm8oERarcKn"

Алматыда өткен жылы жетінші қабаттан құлап көз жұмған Ақнәр Гүлстанның туыстары оның өліміне қатысты тергеудің әділетсіз жүргізіліп жатқанын айтып, шағымдануда. Толығырақ тілші материалында. 

Алматыда 2024 жылдың 20 шілдесінде Ақнәр Гүлстан көпқабатты тұрғын үйдің жетінші қабатынан құлап, қайтыс болған. Тергеу бұл оқиғаны "өзін-өзі өлтіру" бабымен тіркеген. Алайда жақындары Ақнәрдің жетінші қабаттан құлап кеткеніне сенбейді. Олардың сөзінше, марқұм қаза болғанға дейін денесінде азаптау белгілері болған. Бірақ полиция тергеу кезінде оны іс материалдарына қоспаған дейді. 

ГҮЛСТАН ҚАМИТ АҚНӘРДІҢ АНАСЫ: “Қызымды жуындырғанда тырнағын түбімен жұлып алған, білектерін тырнаған, сол жақ бүйірі тебілген. Мен айттым. Қызымды өлтіріп қойып, өзім тырнаған жоқпын. Өзім қылқындырған жоқпын, өзім тістем алған жоқпын ғой дедім. Анандай дәлел фактісі тұрса, психологиялық экспертиза тағайындаймыз деді оны да таныстырған жоқ”. 

Ақнәр бұл оқиғаға дейін жан түршігерлік азапқа ұшыраған. Бұған оның телефонынан табылған фото-видеолар мен куәгердің айғағы дәлел. Азаптау фактісі де медициналық сараптама қорытындысымен дәлелденген. Қыздың денесі көгерген, тырналған, тістелген, тырнағы сынған, шашы жұлынған. Алайда 10 айдан бері марқұмның туыстарды әділдік таппай келеді. Ақнәрдің өліміне қатысты ешкім жауапқа тартылмаған. Күдіктілер бостандықта жүр дейді. 

ИНГА АМАНБАЙ ЗАҢГЕР: “Қарабайыр тілмен айтқанда телефонын алып, издевать еткен. Ақнәрдің телефонымен видео түсірген. Жұмыстарына хабарласқан. Анасы кейін Ақнәрдің телефонынан тауып алған. Ана қыздар Ақнәрдің телефонынан өздері түсірген. Бұл жерде тағы бір бап сұралып тұр. Оның жеке затын қыздар еркінен тыс алып алған. Ол тағы бір бап”. 

Марқұм отбасының заңды өкілі Инга Иманбай іс тек бір ғана баппен қозғалғанын айтады. Оның сөзінше, прокуратура оқиға болған күні Ақнәр Гүлстанмен бірге пәтерде болған екі қызды қамауға алу туралы қаулы шығарған. Бірақ оларды полиция бір жыл өтсе де қамауға алмаған дейді.

САЛТАНАТ ӘЗІРБЕК АЛМАТЫ ҚАЛАСЫ ПД РЕСМИ ӨКІЛІ: “Бұл дерек бойынша Алматы қалалық ПД тергеу басқармасы қылмыстық іс қозғады. Қазіргі уақытта болған оқиғаның толық көрінісін анықтау үшін жан-жақты тергеу жүріп жатыр. Тергеу шеңберінде материалдар жинақталып, талдануда, куәлардан жауап алынуда, бейнежазбалар зерделенуде, заңда көзделген басқа да іс жүргізу әрекеттері орындалуда. Тергеу барысы Департамент басшылығының ерекше бақылауында. Оның нәтижелері бойынша қолданыстағы заңнама аясында шешім қабылданатын болады”.  

Айта кетерлігі, 2002 жылы туған Ақнәр Гүлстан отбасының үлкені болған. КИМЭП университетінің түлегі. 2024 жылы 20 шілдеде Алматыдағы көпқабатты тұрғын күйлердің бірінің жетінші қабатынан құлап, қаза болған. 

Айгерім Есімхан, Серік Бақбаев Алатау ақпараты 

https://www.youtube.com/embed/aR2gxIvRSWk?si=T9L4KvUH7mh0d6Ss" 

https://www.youtube.com/embed/ylnY334JMfk?si=5VM08TiGwt5hpm3x"