https://www.youtube.com/embed/VkIMBK4Yakw?si=NGeWMyGJNPQD41Bz" 

Көкшетаудағы балабақшалардың бірінде жұмыс істеген  есепші екі жыл бойы мекеме меңгерушісінің электронды цифрлық қолын пайдаланып, өзіне көтерме еңбекақы аударып келген. Осылайша 2021-2022 жылдары 7 миллион теңгеден астам бюджет қаржысын жымқырған. ҚР Қылмыстық Кодексінің 190-шы бабы, 3-ші тармағының 1-ші бөлігі бойынша аса ірі көлемде алаяқтық жасаған.

Оның кінәсі аудиторлық компанияның сараптамасымен, куәгерлердің айтуымен және өтем туралы есепшоттармен  дәлелденді.  Сотта айыпталушы кінәсін толық мойындады, шығынды ішінара өтеді. Көкшетау қалалық сотының үкімімен 3,5 жылға бас бостандығынан айырылды. Сонымен бірге материалдық жауапкершілікке қатысты қызметпен айналысу құқығынан айырылды. Келтірілген материалдық шығын өтеліп алынды. Сотталушының қарауында кәмелетке жасы толмаған үш баласының болуы ескеріліп, жазасын өтеу 5 жылға шегерілді. Үкім заңды күшіне енген жоқ.

Сот сонымен қатар лауазымды тұлғалардың тікелей міндеттеріне салғырттық танытқаны үшін  және тиісті бақылаудың болмауына байланысты облыстық білім басқармасына қатысты жеке қаулы шығарды.

https://www.youtube.com/embed/WnznlFuf6lM?si=wAVxX_luw-wlzD03" 

Дін атын жамылып, қоғамды ала тайдай бүлдіріп, өз алдына жеке топ құрып, оған жастарды тартып жатқан радикалды ұйымдарға тосқауыл болу мәселесі кеше Мәжілісте көтерілген еді. Бүгін жоғары палата депутаттары да, діни ағымдардың жетегінде жүрген жастардың жағдайын тілге тиек етті.Олардың пікірінше асыл дінімізді өзгемен шатастырып, халықты теріс жолға салатындарды тиятын уақыт келді.

НҰРТӨРЕ ЖҮСІП ҚР ПАРЛАМЕНТІ СЕНАТЫНЫҢ ДЕПУТАТЫ: «Домбыра – харам», «сәлем салу – харам», «елдің бәрі хиджап пен ниқаб киюі керек» деген талаптар Конституциямызға қайшы келеді.ХХІ ғасыр – жаһандану заманы. Өркениет көшін бастап келе жатқан мемлекеттер қайда? Біз қайдамыз? Озық жұрт қазір жасанды интелектпен, технологиялық жетістіктермен айналысып жатқанда біз елімізді орта ғасырдағы деңгейге сүйремекпіз бе? Ата салтымыз бар. Халықтық қалпымыз бар. Қанша дәуірден бері қалыптасқан ұлттық құндылықтарымыз бар. Солардың бәрін тәрк етеміз бе? Ата дінімізді ардақтаудың, салт-дәстүрімізді сақтаудың орнына бүкіл қоғам болып өзге ағымдардың жетегінде кетеміз бе? Мәселе дабыл қағарлық деңгейге жетті».

Осылай деген Сенат депутаты шетелде өз бетінше діни білім алып келгендерді елде қатаң тексеріп, акридитациядан өткізу керек және жастар ресурстық орталығының әлеуетін көтеріп, дін істері басқармалары барлық өңірде қайта ашылса деген ұсынысын білдірді.

https://www.youtube.com/embed/Bw2BZs2aa84?si=op_bmwUQyzCHHyuA" 

Германиядан келген Ференц Крауз – физика бойынша Нобель сыйлығын алған үш лауреаттың бірі. Ол  сейсенбіде АҚШ-тық  Пьер Агостини және Швециялық  Анн Люйелермен бірге осындай жоғары марапатқа ие болғанын білді. Ғалымдар үштігі атомдар ішіндегі өзгерістерді өлшеуге болатын ультра қысқа лазерлік импульстарды құрғаны үшін марапатталды.Крауз мұндай марапатқа ие болатынын білмепті.

ФЕРЕНЦ КРАУЗ – ФИЗИКА БОЙЫНША НОБЕЛЬ СЫЙЛЫҒЫНЫҢ ЛАУРЕАТЫ: «Бұл марапат бьарлық күш-жігердің бекер болмағандығының белгісі. Көптеген сәтсіздіктерден кейін осы жолдан бас тартпай, соңына дейін жасаған жұмысымды бағалағандары қуантады.  Бұл мен үшін ең маңызды сабақ болуы мүмкін. Менің  болашақ ұрпаққа жеткізгім келетіні: егер сіз бір нәрсеге сеніп, бұл сіздің мақсатыңыз және не істеу керек екеніне сенімді болсаңыз, қандай сұрақтар туындаса да, өз жолыңызбен жүріп, қиындықтарға берілмеңіз».

Нобель комитеті ғалымдардың зерттеулері адамзатқа атомдар мен молекулалар ішіндегі электрондардың қозғалысын зерттеудің жаңа құралдарын ұсынды деп хабарлады.  Ұзақ уақыт бойы оны іздеу мүмкін емес деп есептелді. Электрондардың өзгеруі аттосекундтың оннан бір бөлігінде болады. Ал – аттосекунд - секундтың бір квинтиллиондық бөлігі. Бұл 18 нөлден тұратын сан.Ғалымдардың ашқан жаңалықтары аттосекундтық физиканың бүкіл – ғылыми бағытының негізін қалады. Ал, Люйе марапат туралы дәріс кезінде  білген. Ол осы салада 120 жылдың ішінде  марапатқа ие болған бесінші әйел.  Үш лауреат миллион долларлық сыйлықты бөліседі.

https://www.youtube.com/embed/6Spv77S9IZ8?si=bgrHGwVklBJxxCJS" 

Түркияның Стамбул қаласының маңындағы Теркос су қоймасы тартылып барады.    Ол Түркияның ең ірі мегаполисін және оның айналасындағы ауылдарды қажетті сумен қамтамасыз етуі керек. Құрғақшылықтың салдарынан мұндағы су деңгейі онжылдықтағы ең төмен көрсеткішке  жетіп отыр.

ШАРУАГЕР: «Мен мұнда үш ай бұрын келдім, ол кезде су толы болды. Қазіргі жағдайды өздеріңіз көріп тұрсыздар, су тартылып кетті. Ары-бері жүзіп жүретін қайықтар да қалмады».

Түрік метеорологиялық қызметінің мәліметтері бойынша, жыл басынан жаздың аяғына дейін елде жауын-шашын әдеттегіден аз түскен.Теркос су қоймасындағы су деңгейі қазір 9% -дан аспайды. Стамбулда 16-дан 20 миллионға дейін адам тұрады. Қалада  қазірдің өзінде су тапшылығы байқалады. Айтулы мәселеге шаруагерлер алаңдаушылық білдіріп отыр. Ауа райын болжаушы мамандар, қазан айында жаңбыр жаууы мүмкін, бірақ ылғалдың жетіспеушілігін толтыруға жеткілікті ме, жоқ па уақыт көрсетпек.

https://www.youtube.com/embed/nKMSpLPdKNQ?si=W5A_COx6VY1vNdYx" 

«Алты алаштың баласы бас қосса, төр – мұғалімдікі деп Мағжан Жұмабаев бекер айтпаған. Ұстаз деген бұл ғылымға жетелейтін маман ғана емес, адамды рухани байытатын тұлға. Ұстаздар ерекше азаматтық миссияны орындайды, келер ұрпаққа тәрбие береді. Ұлағатты жандардың төл мерекелеріне арналған іс шараға кезек берсек.

Алматы облысына қарасты Талғар ауданында 43 мектеп бар,онда 52 мыңнан астам оқушы 5 мыңға жуық мұғалімдерден білім алып жатыр.Қиындығы мен қызығы мол саланың мамандары,сапалы ұрпақ тәрбиелеу жолында еңбек етуде.

ТАҢАТ АЙДАРБЕКОВ АЛМАТЫ ОБЛЫСЫ ТАЛҒАР АУДАНЫНЫҢ ӘКІМІ

Таңмен таласып жұмысына барып,кеш ауа үйіне қайтатын ұстаздар,қандай құрметке болсын лайықты. Аудандық білім бөлімі ұстаздарды ұлықтау мақсатында арнайы акцияны қолға алған.

АЙНАГҮЛ ҮШКЕМПІРОВА  АЛМАТЫ ОБЛЫСЫ ТАЛҒАР АУДАНЫ БІЛІМ БӨЛІМІНІҢ БАСШЫСЫ

Ұстаздарға арналған атаулы күннің шығу тарихы да қызық. 1965 жылы 29 қыркүйекте Кеңес Одағы Жоғарғы Кеңес Президиумы Жарлығымен мұғалімдер күні қазан айының алғашқы жексенбісі деп бекітілді. Ұстаздар күнінің әлемдік деңгейде аталып өтуіне мұрындық болған Біріккен Ұлттар Ұйымы. Бұл күнге 1966 жыл 5 қазанда Парижде өткен мұғалімдердің мәртебесі туралы арнайы үкіметаралық конференция тарихи негіз салды. Нәтижесінде ЮНЕСКО мен Халықаралық еңбек ұйымының өкілдері «Мұғалімдердің мәртебесіне қатысты ұсыныстар» құжатына қол қойды.Міне осы уақыттан бері ұлы мамандық иелеріне ерекше құрмет көрсетіліп келеді.

ӘМИНА ШҮЛЕНБАЕВА ОҚУШЫ

Сәкен Сейфуллин атындағы орта мектеп қабырғасында ұлы тұлғаның атынан шағын мұражай ашылды.Онда Алаш қайраткерінің өмір жолынан сыр шертетін маңызды құжаттардың көшірмелері,жақындарымен түскен фото суреттері қойылған.Сондай-ақ бұл жерден еліміздің өсіп-өнуіне тер төккен өзге де тұлғаларды танып білуге болады.

АЙНАГҮЛ ҮШКЕМПІРОВА  АЛМАТЫ ОБЛЫСЫ ТАЛҒАР АУДАНЫ БІЛІМ БӨЛІМІНІҢ БАСШЫСЫ

https://www.youtube.com/embed/ZjX743Sy_4E?si=ZDa2RoVma_9SWWHL"

«Адамның адамгершілігі жақсы ұстаздан».Бүгінде ата-ананың сеніп тапсырған баласына,асқан жауапкершілікпен қарайтын мұғалімдер жоқ емес,бар.Ұлағатты жандардың төл мерекелеріне орай,сүйікті саласына тер төге еңбек етіп жүрген кейіпкерімізбен сұхбаттасып қайтқан едік.Келесі тақырыпқа назар аударсақ.

Қуандық Қайратұлы ШҚО дүниеге келген. Қазақ Ұлттық университетінің түлегі. Ұстаздық деген ұлы мамандыққа Алаш қайраткерлерінің шырақты шығармалары түрткі болыпты. Шәкірт оқытып,шамшырағын жағу,алдыма қойған мақсатқа айналды дейді ол.Бүгінде Алматы қаласы Мүсілім Базарбаев атындағы №138 гимназия  қабырғасында еңбек етеді. 

ҚУАНДЫҚ СӘКЕНОВ ҰСТАЗ

Үнемі ізденісте жүретін жас маман,жастарға заман талабына сай білім беру технологиясын жетік меңгерген.Қазақ тілі мен әдебиеті пәнінің мұғалімі көптеген байқаулардың жүлдегері атана білді.Ұжымы оның біліктілігінен бөлек,адамгершілік қасиетін де ерекше бағалайды.

МЕДЕТ ҚАСЫМБАЕВ М.БАЗАРБАЕВ АТЫНДАҒЫ АЛМАТЫ ҚАЛАЛЫҚ №138 ГИМНАЗИЯНЫҢ ДИРЕКТОРЫ

«Ұстазы жақсының ұстамы жақсы».Қуандық Қайратұлы оқушыларының әр жетістігіне шынайы қуана білетін жан. Оның балаларға деген риясыз махаббатын жұмыс барысынан танып білуге болады.

ҚУАНДЫҚ СӘКЕНОВ ҰСТАЗ

ЖАНЕЛЬ АМАНДОС ОҚУШЫ

Гимназия қабырғасында 65 ұстаздан 787 бала білім алады.Мұнда жастардың сапалы білім,саналы тәрбиемен сусындауына барынша жағдай жасалған.Түсірілім барысында үлкен шараның үстінен түстік. Оқу-ағарту министрлігінің қолдауымен жүзеге асырылып отырған жобаның бірі,мектеп парламентінің сайлауы. Онда үміткер оқушылардың арасынан алғырларын анықтап,дауыс беру арқылы таңдау жасалатын болады.

АҚМАРАЛ БОЖАНОВА  М.БАЗАРБАЕВ АТЫНДАҒЫ АЛМАТЫ ҚАЛАЛЫҚ №138 ГИМНАЗИЯ ДИРЕКТОРЫНЫҢ ТӘРБИЕ ЖҰМЫСТАРЫ ЖӨНІНДЕГІ ОРЫНБАСАРЫ

https://www.youtube.com/embed/DdMbeJXviHw?si=VJgsesLU7fJKMa57" 

Бүгін Мемлекет басшысы Қасым-Жомарт Тоқаев Республикалық педагогтер съезіне қатысты. Президент ең алдымен, жиынға қатысушыларды Ұстаздар күнімен құттықтап, еліміздің болашағы жарқын, дамыған мемлекетке айналуы үшін мұғалімдер қауымы аянбай еңбек етіп жүргенін атап өтті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Ахмет Байтұрсынұлы «Біз елді түзеуді бала оқыту ісін түзеуден бастауымыз керек» деген. Ұлт ұстазының бұл сөзі қашанда орынды. Білім мен ғылым – табысқа жетудің ең басты кілті. Өскелең ұрпаққа тағылымды тәрбие және озық білім беру – өте маңызды міндет. Сондықтан ұстаздар қауымына, яғни сіздерге зор жауапкершілік жүктеледі».

Жиын барысында Қасым-Жомарт Тоқаев мұғалімдердің әлеуметтік жағдайын жақсартуға және беделін арттыруға мемлекет тарапынан ерекше көңіл бөлініп жатқанына назар аударды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Менің бастамаммен 2019 жылы «Педагог мәртебесі туралы» жеке Заң қабылданды. Соңғы төрт жылда ұстаздардың жалақысы 2 есе өсті. Жақында балабақша тәрбиешілерінің айлығы 30 пайызға көбейді. Ұстаздардың еңбек демалысы ұзартылды. Мұғалімнің міндетіне кірмейтін артық жұмыстың бәрі алынып тасталды. Ұстаздардың кәсіби біліктілігін арттыру мәселесіне баса мән беріліп жатыр. «Болашақ» бағдарламасымен үш жылда 220-ға жуық педагог шетелде оқып келді. Мұғалім мамандығын таңдаған жастарға қойылатын талап күшейді. Осы саладағы студенттердің стипендиясы 2,5 есе көбейді. Бір сөзбен айтқанда, біз, ең алдымен, білікті ұстаз даярлау ісіне айрықша мән беріп отырмыз».

Сонымен қатар Мемлекет басшысы аса үздік жетістіктері және Қазақстан Республикасына сіңірген айрықша еңбегі үшін бірқатар мұғалімге «Қазақстанның еңбек сіңірген ұстазы» құрметті атағын берді.

https://www.youtube.com/embed/5px4liFkA0w?si=TmYXvU63uR7iTU-a"

https://www.youtube.com/embed/sk7zyiJh4BM?si=gJBtDHLwb1eJasUl" 

АҚШ Жоғарғы соты 2 қазанда экс-президент Дональд Трампты 2024 жылғы президенттік сайлауға қатысудан шеттетуді қарастырудан бас тартты.

Сотқа жүгінген Республикалық партияның президенттікке кандидаты Джон Энтони Кастро. Ол Трамп 2021 жылдың 6 қаңтарында Капитолийді басып алған қылмыскерлерге көмек көрсетті деп мәлімдеді. Кастро бұл мәлімдемесін АҚШ Конституциясының 14-ші түзетуіне сүйене отырып жасады. Онда кез-келген шенеунік көтеріліске, не бүлікке қатысса немесе бүлікшілерге көмек көрсетсе, Мемлекеттік қызмет атқару құқығынан айырылады делінген. Сот бұл талапты ешқандай түсінік берместен қабылдамады. 14-ші түзету XIX ғасырдың ортасында қабылданған. Ол бұрынғы конфедераттарға қарсы екі рет қана қолданылған. Сонымен қатар, Дональд Трамп Нью-Йоркте азаматтық іс бойынша алаяқтық жасады деген күдікпен сотқа тартылды. Демократиялық партияның мүшесі Летиция Джеймс өзінің сот ісінде экс-президентті, оның ұлдары мен қызметкерлерін көптеген жылдар бойы Tramp Organization холдингінің құнын көтеріп, несиелер мен сақтандыру бойынша жақсы шарттар алды деп айыптады. Отырыс барысында Трамп судья мен прокурорға сын айтып, процесті "жалмауыздарға аңшылық" деп атады. Ол сондай-ақ судьяны қызметінен айыру керек деді.

ДОНАЛЬД ТРАМП — АҚШ-ТЫҢ ЭКС ПРЕЗИДЕНТІ
"Ешқандай проблема болған жоқ. Барлығы тамаша өткен. Қылмыс жоқ. Қайта қылмыс маған қарсы жасалуда. Өйткені бізде жемқор прокурор бар. Бізде жемқор Бас прокурор бар. Мұның бәрі Вашингтондағы АҚШ Әділет министрлігінен келеді, өйткені мен Байденнен он ұпайға озып, республикашыл кандидаттардан 50 немесе 60 ұпайға озып кеттім".

Айта кету керек, судья Артур Энгорон Трампты алаяқтық ісі бойынша кінәлі деп таныды. Енді отырыс бұрынғы президенттің қандай жазаға тартылуы керек екеніне назар аударады. Трамп темір торға тоғытылмайды. Алайда, прокурор Трампқа 250 миллион доллар айыппұл салып, Нью-Йоркте бизнес жүргізуге тыйым салуды талап етуде. Іс бірнеше айға созылуы мүмкін және Дональд Трампты екінші президенттік мерзімге ұсыну процесіне әсер етуі екіталай.

https://www.youtube.com/embed/Lw-p-o0tJBQ?si=MtV09FB1gz62pujT" 

Ақтаулық мемлекеттік қызметкер 700 мың теңге айыппұл төлейді. Себебі сыбайлас жемқорлыққа қарсы қызмет қала аумағында модульді әжетхана орнату жұмыстарына тексеріс жүргізген. Нәтижесінде тұрғын үй-коммуналдық шаруашылық бөлімі шартқа қол қойылған соң 2 күн ішінде мердігерге ақша аударғаны белгілі болған. Яғни, билік өкілі құрылыс толық аяқталмағанына көз жеткізбеген. Осылайша, мемлекеттік сатып алу тәртібін бұзған бөлім басшысына 200 айлық есептік көрсеткіш мөлшерінде айыппұл салынды. Жобаға бюджеттен 87 млн теңге бөлініп, 5 шағын ауданға қоғамдық әжетхана қойылған. Бірақ олардың ешқайсысы жұмыс істемейді.

БІРЖАН ХАЙРУЛЛИН СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІ БАСШЫСЫНЫҢ БІРІНШІ ОРЫНБАСАРЫ: «Модульді әжетханалардың қымбаттығы және оның қаншалықты заңға сәйкес орындалғандығы туралы ақпарат келіп түсті. Бұл ақпарат департаменттің есепке алу кітабына тіркеліп, тексеру үшін мемлекеттік аудитке жолданды. Аудит қорытындысы бойынша, мемлекеттік сатып алу заңы бұзылғандығы анықталды. Атап айтатын болсақ, мемлекеттік сатып алу бекітілген қағидатқа сәйкес жүргізілмеген.

https://www.youtube.com/embed/XQ-upnY4uQs?si=vZHSRarZtD6CkMGm" 

Көрнекті жазушы, еліміздегі детектив жанрының негізін қалаушы, журналист, қоғам қайраткері Кемел Тоқаевтың 100 жылдығы аясында Әл-Фараби атындағы Қазақ ұлттық университетінде заманауи үлгіде жасақталған Кемел Тоқаев аудиториясы ашылды. Сондай-ақ «Детектив дарабозы» атты кітаптың тұсауы кесілді.

Кемел Тоқаев – дара талантымен журналистік, әдеби ортаға ерте танылған қайраткер, қарымды қаламгер. Бүгінгі өткен салтанатты рәсімге мемлекет және қоғам қайраткерлері, ақын-жазушылар, тарихшылар, зиялы қауым өкілдері мен ғалымдар, оқу ордасының оқытушы-профессорлар құрамы қатысты. Жиылғандар алдымен Әл-Фараби кітапханасы қорындағы Кемел Тоқаевтың кітаптары мен өмірінің жарқын сәттерінен түсірілген фотосуреттер қойылған көрмені аралап көрді. Онда қайраткер тұлғаның газет беттеріне шыққан мақалалары, құжаттар мен майдандастарының естеліктері қойылған.

Аудиторияның ашылу салтанатында университет басшысы Жансейіт Түймебаев құттықтау сөз сөйлеп, Кемел Тоқаевтың еңбек жолына тоқталды. Өз сөзінде ректор  Кемел Тоқаев тек қазақ детектив жанрының ғана емес,Орталық Азия әдебиетіне ерекше үлес қосқан қаламгер екенін атап өтті.

ЖАНСЕЙІТ ТҮЙМЕБАЕВ ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІНІҢ БАСҚАРМА ТӨРАҒАСЫ-РЕКТОР:  «Кемел Тоқаев ағамыз университетті бітіргеннен кейін көптеген жылдар журналистика саласында жұмыс істеп, газет-журналдарда жұмыс істеді. Одан кейінгі 70 жылдары Вестник, Хабаршы, Жоғары Кеңес үкіметтің «Хабаршы» журналын басып, сол кезде де өзінің еңбегін сіңірді. Былай қараған кезде, ол кісінің өмірі: қоғамдық қайраткерлік, журналистика, жазушылық осындай 3 салаға бөлуге болады».

Шара барысында Кемел Тоқаевтың 100 жылдығына орай басылып шыққан «Детектив дарабозы» атты кітаптың тұсауы кесілді. Бұл жинақ үш бөлімнен тұрады. «Кемел көкжиегі» деп аталатын бірінші бөлімде жазушының бұрын кітапқа жинақталмаған көркем-публицистикалық туындылары берілген. «Қаламдастар құрметі» деп аталатын екінші бөлімде кемел тұлға туралы айтулы ғалымдар мен замандастарының естеліктері жинақталды. Ал «Ізбасарлар ізеті» деп аталған үшінші бөлімде Кемел Тоқаев туралы қазіргі қазақ журналистерінің, әдебиетші ғалымдардың мақалалары топтастырылған. Кітапқа ҚР Орталық мемлекеттік кино-фотоқұжаттар мен дыбыс жазбалар архивінен алынған материалдар енгізілді. Сонымен қатар,  Мемлекет басшысы Қасым-Жомарт Кемелұлы Тоқаевтың түрік тіліне аударылған «Әке туралы ой-толғау» кітабы таныстырылды.

ВЛАСТИМИЛ САМЕК БҰҰ ЖАҺАНДЫҚ КОММУНИКАЦИЯ ДЕПАРТАМЕНТІНІҢ ҚАЗАҚСТАН РЕСПУБЛИКАСЫНДАҒЫ ӨКІЛІ БҰҰ ҚР АҚПАРАТ БЮРОСЫНЫҢ БАСШЫСЫ «Құрметті қауым, шақырғандарыңыз үшін барлықтарыңызға рахмет! Детектив жанрның негізін қалаушы, қаламгер Кемел Тоқаевтың 100 жылдығы үлкен ауқымда аталып өтуде. Осындай жиынның ортасында болғанымызға қуаныштымыз».

Алқалы жиында ақын-жазушылар, зиялы қауым өкілдері Кемел Тоқаевтың азаматтық қыры мен жазушылық сыры туралы пікір білдірді.

АЛМАСБЕК МАУЛЕНОВ ЖАМБЫЛ АТЫНДАҒЫ ҒЫЛЫМИ ЗЕРТТЕУ ОРТАЛЫҒЫНЫҢ ДИРЕКТОРЫ, ФИЛОЛОГИЯ ҒЫЛЫМДАРЫНЫҢ ДОКТОРЫ, ПРОФЕССОР: «Бұл кісінің қазақ әдебиетіндегі өзіндік алатын орны бар. Міне бізге бейтаныс, тек қана шетелдік әдебиеттерден ғана танылып келген детектив жанрның шытырман оқиғаға толы шырғалаң дүниені әдебиетке алып келуі бұл кісінің осы саладағы негізгі еңбектерінің бірі деп айтсақ болады».

Кемел Тоқаев атындағы аудитория замануи үлгіде безендірілген. Онда жазушының шығармалары, жинақтары және қаламгер туралы жазылған кітаптар, фотосуреттер қойылған. Білім алушы жастардың емін-еркін сабақ оқуларына жағдай жасалған. Айта кетейік, ағымдағы жылы елімізде ғана емес, барша Түркі әлемінде жазушы Кемел Тоқаевтың 100 жылдығы кең көлемде тойланып жатыр. Қаламгерлер мен өнер адамдары — халық айнасы болып қала бермек.

https://www.youtube.com/embed/FrNKJGt8kTs?si=fHBnVG3pAG59gDsi"

Алматы облысы Кеген ауданында туристік әлеует артып келеді.Биыл аймаққа қарасты Көлсай көлдері мен Шарын шатқалдарын көруге келген туристердің саны 200-мыңнан асқан.Нәтижиесінде салық қазынасына 70 миллион теңгеге жуық  қаражат түскен.Жергілікті тұрғындарды жұмыс пен қамту, ауылдық инфрақұрылымды жаңғырту бағытында қандай жұмыстар атқарылып жатыр,алдағы бейне материалға назар аударсақ.

Кеген ауданына келгендерді алдымен әсем табиғаты бірден баурап алады.Көрікті жерлерін көру үшін,шетелдіктерде қызығушылық танытып келеді. Көлсайға апарар жолдың ішкі жағы тақтайдай болғанымен барары шаршатып жіберетінін әлеуметтік желідегі пікірлерден танып білуге болады.Бұған жауапты мекеме,сол баяғы «Қазавтожол».Аймаққа арнайы барған тілшілер, мамандарды әбден сұрақтың астына алып састырды.Жауап сол,тендірдің тәлкегі мен бітпейтін техникалық экспертиза.

ЖАСҰЛАН ҚАЛТАЕВ «ҚАЗАВТОЖОЛ»АҚ АЛМАТЫ ОБЛЫСТЫҚ ФИЛИАЛЫ БАСШЫСЫНЫҢ ОРЫНБАСАРЫ

Аудан орталығының ажары жаман емес.Кеген ауылында бір типтегі 20 тұрғын үйдің құрылысы аяқталған. Аудандық құрылыс бөлімінің басшысының айтуынша, ауылда 2018 жылдан бері 81-ші үй салынып жатыр. Оның бірқатары әлеуметтік аз қамтылған отбасыларына беріген. 20 тұрғын үйдің құрылысын аяқтауға 265 млн теңге, инженерлік-коммуникациялық желілерін тартуға 110 млн теңге қарастырылған.Ауданда тұрғын үй салудың тәсілі өзгерген, алдымен жер учаскелерін бөліп,тиісті инфрақұрылым жасақталады.

ДАРХАН МАУСЫМБАЕВ АЛМАТЫ ОБЛЫСЫ КЕГЕН АУДАНДЫҚ ҚҰРЫЛЫС БӨЛІМІНІҢ БАСШЫСЫ

Арнайы пресс турға келген БАҚ өкілдері аудан орталығындағы күрделі жөндеуден өтіп жатқан әлеуметтік нысандардың құрылыс жұмыстарымен де танысты.Кеген ауылында үш орта мектеп бар.Оның екеуіне құрылыс жұмыстары жүріп жатыр.Мердігер мекемелер, берілген уақытқа дейін аяқтауды жоспарлап отыр.

МҰРАТЖАН ҚОЖАНҰЛЫ АЛМАТЫ ОБЛЫСЫ КЕГЕН АУДАНДЫҚ БІЛІМ БӨЛІМІНІҢ БАСШЫСЫ