https://www.youtube.com/embed/pknQYQlKaUM?si=aVAnMvRS_geiDapN" 

Үлкен Алматы айналма жолындағы 11 ақылы жол үшін жаңа ақы мөлшерлемелерін белгілеу туралы бұйрығы 22 қыркүйекте жарияланған болатын. Енді 3 қазаннан бастап жол жүру ақысы көтеріледі.

Ертеңнен бастап,  11 ақылы жолда 1 санаттағы ақы төлеу 20 пайызға қымбаттайды. Олар: Алматы – Харгоз, Алматы – Қонаев, Қонаев – Талдықорған, Шымкент – Ташкент, Шымкент – Қызылорда,  Шымкент – Тараз, Тараз – Қайнар, Астана – Шучинск – Көкшетау, Астана – Теміртау, Астана – Павлодар. Бұдан былай тариф мөлшерлемесі енді айлық есептік көрсеткішке (АЕК) байланысты жыл сайын өсе береді. Мәселен, 2023 жылы айлық есептік көрсеткіш 3 450 теңге болса, 2024 жылы 3 692 теңгеге белгіленеді деп жоспарлануда.

МЕРЕЙ БҮРКІТБАЙҰЛЫ «ҚАЖ» ҰЛТТЫҚ КОМПАНИЯСЫ АКЦИОНЕРЛІК ҚОҒАМЫ «АҚЫЛЫ АВТОМОБИЛЬ ЖОЛДАРЫ ДИРЕКЦИЯСЫ» ФИЛИАЛ ДИРЕКТОРЫНЫҢ ОРЫНБАСАРЫ: «Аталған 11 учаскеде барлық күтіп ұстау жұмыстары ақыдан түскен қаражатпен қамтамасыз етіледі. Бұл 11 ақылы жолға бюджеттен ешқандай ақша бөлінбейді. 2013 бері қарай қаншама инфляцияның болуы, сондай-ақ жанар-жағармай мен құрылыс материалдарына осы қаражат жұмсалатын болады».

Естеріңізге сала кетейік, Астана – Боровой жолында бекітілген «1 шақырымға – 1 теңге» деп аталатын алғашқы ақылы учаске елімізде 2013 жылы ашылған болатын. Содан бері 10 жыл ішінде тариф өзгермеген.

https://www.youtube.com/embed/XeMdRXI4cLc?si=YM6Ep-hV4za_geKF"

https://www.youtube.com/embed/3Wh3d91O8gk?si=Wm7vzjy_myfw626A" 

Еліміз бойынша Ақмола облысында стихиялық қоқыстардың ең көп саны анықталып отыр. Екінші орында – Қарағанды облысы. Өткен жылдың соңында Экология және табиғи ресурстар министрлігі әкімдіктерге 2023 жылдың 1 маусымына дейін рұқсат етілмеген барлық полигонды жоюды тапсырды.Космомониторингтің мәліметтеріне сәйкес, былтыр анықталған стихиялық қоқыс үйінділері жойылмаған. Бүгінгі таңда облыста 789 рұқсат етілмеген полигон табылды. Мұндағы негізгі проблема, қоқыс полигондарының жетіспеушілігі дейді мамандар. Күн сайын жағдай ушығып барады. Қазіргі уақытта 8 полигон бойынша жобалау,сметалық құжаттама әзірленуде.

АРЫСТАНБЕК ТАСҚЫНБАЕВ АҚМОЛА ОБЛЫСТЫҚ ЭКОЛОГИЯ ДЕПАРТАМЕНТІНІҢ БӨЛІМ БАСШЫСЫ:  «Бүгінде аудан әкімдіктері жұмыс жүргізуде. 257 полигон жойылды. Бұл мәселенің негізгі себебі,облыс аумағында қатты тұрмыстық қалдықтарға арналған санкцияланған қоқыс үйінділері жоқ. Бүгінгі таңда 130-дан астам учаске бөлінген, олардың тек 24-і ғана экологиялық талаптарға сай заңдастырылған. Бұл жалпы санның тек 18% құрайды».

https://www.youtube.com/embed/QGP-_6besZ0?si=NCk8mOIS3jita2m6" 

Ақтаудағы қала тұрғындары мен қонақтары серуендейтін теңіз жағалауында егеуқұйрықтар қаптап кетті. Дабыл қаққан кездейсоқ куәгерлер тышқан тектестің видеожазбасын әлеуметтік желіде жарыса жариялауда. Ал мамандар соңғы 10 жылда егеуқұйрыққа қарсы залалсыздандыру жұмыстары жүргізілмегенін айтады. Толығырақ келесі бейнесюжетте.

Бұл бейнежазбалар әлеуметтік желіде қызу талқыға түсіп жатыр.Теңіздің ауасымен тыныстануға келетіндер емін-еркін отыруға үрейленіп қалдық дейді. Себебі кеміргіштер адамнан да сескенбейтін болған.

АЙНАГҮЛ ШЕКЕРБЕКҚЫЗЫ – ТҰРҒЫН: «Теңіз жағаға постоянно келемін,таңертең,кешке осылай балаларыммен қыдырып келген жағдайда бұл жерге отыру мүмкін емес. Үлкен крысалар жүреді».

СЕМБАЙ ЕСТЕКОВ – ТҰРҒЫН: «Мына теңізден көбінесе параходтар келеді. Сол параходпен келеді деп ойлаймын. Сосын мына жерге тұрғындар келеді, тамақтарын тастап кетеді. Сол тамақтарға келетін болар».

Қалалық санитарлық-эпидемиологиялық бақылау басқармасының басшысы ірі жәндіктерді жаппай улау жұмыстары соңғы 10 жылда жасалмағанын айтады. Әкімдік қаражат бөлсе, улайтын білікті мамандар бар деп жауабын қысқаша қайырды.

АСИМА ЖАРЫЛҒАСОВА АҚТАУ ҚАЛАЛЫҚ САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫНЫҢ БАСШЫСЫ: «Иә, қаланы улайтын уақыт келді. Бұрын залалсыздандыру жұмыстары жыл сайын жасалушы еді, соңғы 10 жылда аталмыш мәселеге ешкім бас қатырмаған секілді. Егеуқұйрық тез көбейеді және түрлі ауруды тасымалдайды. Қауіптің алдын алу үшін қайтпек керек? Алдымен қаражат бөліп, тезірек шұғыл шаралар қабылдауымыз қажет. Бұл бірінші кезекте тұрғындардың қауіпсіздігі үшін жасалатын шаруа».

Ауру тарамасына ешқандай кепілдік жоқ. Егеуқұйрықтар даланы қойып, үйге де кіріп алған. Әкімдік әлеуметтік желіде тараған видеожазбадан кейін залалсыздандыруға кіріспек. Мамандар қала тұрғындары мен қонақтарына тамақ қалдықтарын жағалауға емес, тиісті қоқыс тастау орындарына апарып төксе екен деген өтінішпен шектелді. 

https://www.youtube.com/embed/jyJA7jPpbbw?si=mlGG74rHyG_FCxFI" 

Алматы облысы Қарасай ауданында мектептегі білім сапасын арттыруға қатысты «Ізденіс. Тәжірибе. Шешім» атты облыстық педагогикалық идеялар форумы өтті.Онда білім беру орталығында өткен форумда білім сапасын арттыруға қатысты өзекті мәселелер көтеріліп, білікті спикерлерден тың ақпараттар берілді.  

Жиынға облыстық, аудандық білім беру ұйымдарының басшылары, мектеп директорлары мен олардың орынбасарлары және ұстаздар қатысты.

ӘСЕЛ ЕРКІМБАЕВА АЛМАТЫ ОБЛЫСЫ ҚАРАСАЙ АУДАНЫ БІЛІМ БӨЛІМІНІҢ БАСШЫСЫ: «Бұл форумның басты мақсаты – оқушылардың білім сапасын көтерудегі тиімді жолдарды іздестіру. Бұл форумға бүгінгі күні бізде Алматы қаласының және С.Демерел атындағы университеттің ұстаздары спикер болып келіп отыр. Себебі, осы аталған білім беру мекемелерімен біз ынтымақтастық туралы мемарандумға қол қойған болатынбыз».

Форум 2 бөлімнен тұрды. Бірінші бөлім – пленарлық отырыс. Спикерлер панельді пікірталастарымен бөлісті.  Екінші бөлім – секциялық отырыс. Спикерлар арнайы мамандармен білім сапасын арттырудағы кедергілерді жою жолдарын қарастырып, практика жүзінде іс-тәжірибелерімен бөлісті.

СӘУЛЕ МАХАМБЕТОВА АЛМАЛЫБАҚ АУЫЛЫНДАҒЫ ОРТА МЕКТЕП-ГИМНАЗИЯНЫҢ ДИРЕКТОРЫ: «Бүгін өз алдына бөлек әрі қызықты 9 алаңның жұмысы көрсетілді. Ол жерде оқушылар әртүрлі конфликттан қалай шығатыны туралы, қалай оқушыларды жаңа форматта оқытуға болатындығы жөнінде т.б тақырыптар туралы айтылды.  Бұл әртүрлі алаңдық жұмыстар жаңа дүниелерді жасап үйренуге, сабақты қызығып оқуға үйретеді. Сондықтан, біздің мектебіміз бұл жоспар аясында бірлесіп үлкен еңбек етуде». 

Спикерлер өз іс-тәжірибелерімен бөлісіп, ұстаздарға жаңа әрі тың ақпараттар айтты. Жаңа идеялар, инсайттар мұғалімдердің жаңаша білім беруге бет-бұрыс жасай алды.

НАЗИМА БАЛАПАНОВНА АЛМАТЫ ҚАЛАСЫ БІЛІМ БАСҚАРМАСЫ ҚАЛАЛЫҚ БІЛІМ БЕРУДЕГІ ЖАҢА ТЕХНОЛОГИЯЛАРДЫҢ ҒЫЛЫМИ ӘДІСТЕМЕ ОРТАЛЫҒЫНЫҢ ӘДІСКЕРІ

Сапалы білім беру – оқыту мен тәрбиелеудің үздіксіз үдерісі. Қазіргі кезде білім берудегі мақсат жан-жақты білімді, өмір сүруге бейім өзіндік ой - талғамы бар, адамгершілігі жоғары, қабілетті жеке тұлғаны қалыптастыру. Сондықтан, сауатты әрі зерек ұрпақты жетілдіру ұстаздар қолында.

https://www.youtube.com/embed/UHq0-t1sJBI?si=5auBj3-NvaHXtz0m" 

Арисса Ян небәрі алты жаста, бірақ ол үшін смартфон туғанындай болып кеткен. Ол қытай әлеуметтік желісіндегі комедиялық бейнелерді ешқандай қиындықсыз тауып алып қарай береді. Арисса ұялы телефонды төрт жасынан бастап қолданады екен.

Ариссаның анасы Вэл Ян қызының интернетке тәуелділігіне  алаңдайды. Алайда, телефонды пайдалану қазіргі қоғамның маңызды бөлігі деп санайды және бүлдіршіннің технологияны меңгеруде құрдастарынан артта қалғанын қаламайды.  Бірақ Ариссаның смартфон қараудағы уақытын қалай реттеуге болатынын  білмейді.

ВЭЛ ЯН – ҚЫЗДЫҢ АНАСЫ:  "Әрине, қызым үшін алаңдаймын. Балалар телефондарды сабақ оқуда пайдаланады.Бірақ олар видео көргенде,тәуелділікке түсу оңай".

Ұялы телефонға тәуелділік - Қытайдағы күрделі мәселе. Тамыз айында елде кәмелетке толмағандардың смартфондармен күніне екі сағатқа дейін ғана отыруға болатын ереже жасалды. Бұл шектеу сегіз жасқа дейінгі балалар үшін – күніне 40 минуттан аспайды. Жергілікті БАҚ күнделікті пайдалану уақыты аяқталғаннан кейін ұялы телефон "барлық қолданбаларды автоматты түрде жабады"деп жазады. "Кәмелетке толмағандар режимі" деп аталатын бұл жоба 18 жасқа толмаған пайдаланушыларға таңғы 22:00-ден таңғы 6-ға дейін мобильді құрылғыларда интернетке кіруге тыйым салады. Жаңа ереже қашан күшіне енетіні әлі белгісіз.  Ата-аналар шектеулердің тиімділігіне күмәнмен қарайды, өйткені көптеген электронды құрылғыларда "балалар режимі" деген бұрыннан бар.

ВЭЛ ЯН – ҚЫЗДЫҢ АНАСЫ: "Бізде бұл функция бар болғандықтан, оның қаншалықты тиімді екендігі туралы зерттеулер жүргізілуде ме? Егер компаниялар оны негізгі функцияның үстіне қосса, онда тиімділікті арттыруға болатын болмайтынын білмеймін".

Балалар психологы Шарон Али ата-аналар мобильді құрылғыларды пайдалануды шектеуге емес, балаларымен эмоционалды қарым-қатынасқа назар аударуы керек дейді. Алайда, қазіргі жағдайда ол экран уақытының шектеулері пайдалы екенін және басқа елдерде де пайда болуы мүмкін екенін мойындайды.
 
ШАРОН АЛИ – ПСИХОЛОГ:  "Көптеген ата-аналар жұмыста болғандықтан бос емес, сондықтан олардың... балаларымен араласуға уақыты жоқ. Болашақта бұл тек жоба ретінде қалып қоймайды деп сененмін".

https://www.youtube.com/embed/hi2v9QjG3GY?si=xDmgrd1qWWqRkTYg" 

Ұлыбританияның тәтті құмарлары енді  пластмасса қосылған балмұздақ жейтін болады. Кінәсінен тазарғысы келгендер үшін таптырмас дәм болмақ.

Бұл ванильді балмұздақты Лондон өнер университетінің дизайнері және студенті Элеонора Ортолани дайындады. Алайда, әзірге оның дәмін ешкім татып көрмеді.    Десертке пластиктен жасалған ванилин қосылған. Элеонора өз туындысын "кінәнің дәмі" деп атапты.

ЭЛЕОНОРА ОРТОЛАНИ – ДИЗАЙНЕР: "Кінәнің дәмі" - бұл менің ойымша, пластикалық қалдықтардан жасалған алғашқы балмұздақ. Бұл балмұздақтағы ванилин бөтелкелер жасалатын пластиктен жасалған".

Мұндай балмұздақ жасау қиын процесс.Пластикті, сондай-ақ әртүрлі ферменттерді ыдырататын бактерияларды пайдалана отырып әзірлейтін бұл  әдісті,  Эдинбург университетінің ғалымдары дайындаған. Элеонора жобаны қоғамдық орындарды пластикпен ластап жататындарға үлгі болсын деп жасаған. Алайда, әзірге  мұндай балмұздақты  жеуге болмайды.

ЭЛЕОНОРА ОРТОЛАНИ – ДИЗАЙНЕР: "Идея-азық-түлік жүйесінің мәнін қайта қарауға көмектесетін заманауи технологияларды көрсету".
 
ДЖОАННА САДЛЕР – БИОТЕХНОЛОГ: "Қоғам өкілдері  маған электронды пошта арқылы адамдарды пластикті жеуге шақыру жауапсыздық деп жазуда. Менің ойымша, бұл өнім туралы қате түсінік болуы мүмкін, өйткені процестің соңында ол пластик болуды тоқтатады".

Ғалымдар бұл өнім  алдымен көптеген тексерулерден өтуі керек деген пікірде.  Ваниль - әлемдік нарықтағы ең қымбат дәмдеуіштердің бірі. Шафраннан кейін екінші орында тұр. Оның қымбаттығына байланысты олар жасанды алмастырғыш-ванилин жасай бастады. Бірақ нағыз ванильдің нәзік хош иісі мен иістің беріктігі қайталанбайды дейді мамандар.

https://www.youtube.com/embed/sV6DVdOrgSo?si=N2P3frcPtgrlN-MW" 

Елімізде алғаш рет  жаңа оқу жылынан бастап барлық мектептерде біртұтас тәрбие бағдарламасы іске асырылып жатыр. Ол негізінен, ұлттық мүдде, ар-ұят, талап осы үш құндылыққа бағытталған. Мақсат, ұлт сапасын арттыру. Айтпақшы, осы бағдарлама аясында жаңа оқу жылынан бастап республикадағы мектептерде ата-ана орталықтары өз жұмысын бастады. Онда бала, ата-ана және ұстаздың үшжақты қарым-қатынасын дамытуға ден қойылатын болады.  

МЕРУЕРТ МЕДЕТБЕКОВА ҚР ОҚУ-АҒАРТУ МИНИСТРЛІГІ ТӘРБИЕ ЖҰМЫСЫ ЖӘНЕ ҚОСЫМША БІЛІМ БЕРУ ДЕПАРТАМЕНТІНІҢ ДИРЕКТОРЫ: «Мемлекеттік құзырлы органдардың барлық өкілдерімен бірлесе отырып, оқу-ағарту министрлігі тарапынан бірлескен жоспар жасалынды. Осы жоспар аясында нақты денсаулық, қорғаныс министрлігі болсын, төтенше жағдай болсын, министрліктер арасынан өзіндік бағыттағы жұмыстарды практика тұрғысынан нақты өкілдіктері келіп, сертификатталған тренерлері келіп оқытуды көздейді». 

https://www.youtube.com/embed/GQ_Fxrx2i50?si=zVxK5XS1VIZPsCGm"

СҚО Қызылжар қаласында 1 қазан  Халықаралық музыка күні мен «Қарттар» күніне орай  қарттар мен жастар арасында «Караоке батл» байқауы өтті. Басты мақсат - музыкаға, вокалдық өнерге деген жастардың қызығушылығын арттырып,  рухани дүниетанымын кеңейту.Сәбит Мұқанов атындағы облыстық әмбебап ғылыми кітапханасында ұйымдастырылған караоке батл еркін форматта болды.  Қызылжарлық тұрғындар ән салып, би билеп көтеріңкі көңіл-күй сыйлады.  Жарыста оза шапқан жеңімпаздарға ақшалай сыйлықтар мен алғыс хаттар табысталды.

СӘЛІМХАН СӘБИТОВ «AMANAT» ПАРТИЯСЫНЫҢ МҮШЕСІ «Қаламыздың өнер коледжінен келген жастар, «Ардагерлер» кеңесінің мүшелері  2 командаға бөлініп, бір-бірімен жарысты. Бұл мереке тек қана Қарттар күні аясында ғана емес, өздеріңіз білетіндей 1-қазан – «Халықаралық ән күні». Іс-шара аясында олар бір-біріне назар аударып, бір-бірінің көңілін көтеру мақсатында осындай іс-шара ұйымдастырып отырмыз».

Жастар бөлімі алдағы уақытта  көптеген  игі шараларды, оның ішінде акцияларды ұйымдастыруды жоспарлап отыр. Соның нәтижесінде қарттарға әлеуметтік маңызы бар  азық-түлік тағамдары көмек ретінде беріледі.

https://www.youtube.com/embed/m5kzTyyVmBA?si=8g6Ii9tfAhWYwBzL" 

Семейде биыл жөнделуі тиіс аулалардың тек 10 пайызға ғана дайын. Былтыр құжат жүзінде аяқталып, бірақ әлі салынбаған он шақты ойын алаңдары анықталған. Бұл туралы Сыбайлас жемқорлыққа қарсы іс-қимыл агенттігінің мамандары мәлімдеді. Айта кетейік биыл қаладағы 70 ауламен саябақтарды аббатандыру үшін қазынадан 2,4 млрд теңге бөлінген.

Көлік  тұрағына айналған мына алаң құжат бойынша былтыр салынып бітіп, тиісті мекеменің қабылдауынан өткен. Көріп тұрғандарыңыздай шаңы шығып жатыр. Түсірілім тобын байқаған жергілікті тұрғындар бірден базыналарын айтып, шағымдарын жеткізді.

РИНАТ МАМЫҚАНОВ ҚАЛА ТҰРҒЫНЫ: «Қағазбен бәрін жазып, бәрін істеген,бәзбіреулер акт-ға қол қойған.Ал бірақ жоқ! Енді оны мемлекетте қарау керек қой».

Балаларға арналған ойын алаңы мен асфальт төселуі тиіс бұл аулада ешқандай жұмыс жүргізілмеген. Мұндай арыздар тиісті мекемелерге бірнеше көшенің тұрғындарынан келіп түскен.

АҚНҰР ҚАЙРАТҚЫЗЫ “ПРЕЗИДЕНТТІҢ СЫБАЙЛАС ЖЕМҚОРЛЫҚҚА ҚАРСЫ САЯСАТЫНА ЖӘРДЕМДЕСУ ОРТАЛЫҒЫ “ АБАЙ ОБЛЫСЫ БОЙЫНША БАСШЫСЫНЫҢ ОРЫНБАСАРЫ: «ЖКХ бізге жауап беріп отыр барлығы қабылданған, қазір толықтай қабылданып алынған, барлық жағдай жасалды дейді. Бірақ көріп тұрғаныңыздай қазір 2023 жыл ешқандай жұмыс жасалмаған».

Қала билігі мәселені көріп, біліп отыр. Тиісті мекемеге жаңа басшы жақында ғана тағайындалған. Сондықтан арызданушыларға ол жаңадан келгенмін деп қысқа жауап қайырған.

ЕРНАЗ МҰҚАТАЕВ СЕМЕЙ ҚАЛАСЫ ТҮКШ БАСШЫСЫ: «Былтырғы жыл бойынша бізде мердігер «Алтын жаңбыр» дейтін организация болды. Солар мысалы үшін бүгінгі таңда тергеу жұмыстары жүргізіліп жатыр. 10-12 аула бойынша дефектовкалар жасалды. Шығындар саналды. Қазір материалдар сотқа дайындалып жатыр».

Ал мына аула бір айдан кейін толық жөнделіп тапсырылуы тиіс. Сыбайлас жемқорлыққа қарсы іс-қимыл агенттігі  тексеріс жүргізіп,  жұмыстарынан өрескел қателіктер тапқан.

МАДИЯР  БАЙТАБАНОВ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АБАЙ ОБЛЫСЫ БОЙЫНША ДЕПАРТАМЕНТІНІҢ АҒА ОФИЦЕРІ: «Мән жайды анықтау кезінде сегіз нысан бойынша 350 млн теңге қаражат бөлінгені анықталды. Оның жаңағы бөлінген қаражаттың 40 пайызы игерілгенмен нақты атқарылған жұмыс он пайыз шамасында ғана болған. Бұдан бөлек осы аталған сомаға жасалынған келісім шарт әу баста заңсыз болғаны белгілі болды.Үкімет қаулысының бекітілген тізбеге сәйкес шектеу 50 млн сомасы болғанымен,бұл жерде қаражат 7 есеге асып кеткен».

Қалалық әкімдіктегілер биылға жоспарланған 70 ауланың 62-сі толығымен аяқталатынын алға тартты. Ал қалған сегізі кесте бойынша 15 қазанға тапсырылады деп сендірді.

https://www.youtube.com/embed/RVrqAyTChHg?si=pd1YjfdavKDk038F" 

Қазақстан Президенті Қасым-Жомарт Тоқаев Берлинде Германия экономикасы Шығыс комитетінің ұйымдастыруымен өткен екі ел іскер топтарының дөңгелек үстеліне қатысты. Мемлекет басшысы өз сөзінде геосаяси дүрбелеңге қарамастан, былтыр екіжақты тауар айналымы 25 пайызға өсіп, 2,8 миллиард долларға жеткенін атап өтті. Оның айтуынша, Германия бизнесі Қазақстанға 6 миллиард долларға жуық инвестиция салған. Бұл инвестицияның 90 пайызға жуығы шикізаттық емес секторға тиесілі. Жалпы елімізде Германия капиталының үлесі бар мыңнан астам компания жұмыс істейді.

Қасым-Жомарт Тоқаев Германияның табандылық, нақтылық және жауапкершілік қағидаттарына негізделген бизнес жүргізу тәсілін жоғары бағалады. Сондай-ақ «Қазақстанда неміс сапасына сай жасалған» формула бойынша өнім шығаратын өндіріс орындарын ашуға мүдделі екенін айтты. Мемлекет басшысы өзара ынтымақтастықтың бірқатар перспективті бағытын атап өтті. Президенттің айтуынша, Қазақстан, ең алдымен, Германия және Еуропа өнеркәсібіне қажетті табиғи ресурстар мен маңызды шикізат саласында сенімді серіктес болуға дайын.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «2040 жылға қарай маңызды материалдар мен сирек кездесетін металдарға әлемдік сұраныс төрт есе артады деген болжам бар. Дүниежүзілік банктің бағалауынша, Қазақстанда құны 46 триллион доллардан асатын бес мыңнан аса барлау жасалмаған кен орны бар. Сондықтан мен Канцлер Олаф Шольцке бірлескен шикізатты игеру жобаларын жүзеге асыру үшін Консорциум құруды ұсындым. Бұл бастама үкіметаралық серіктестік туралы қолданыстағы келісімдермен қатар, ынтымақтастығымызды жаңа деңгейге көтеруге мүмкіндік береді. Мен Германияның жеке инвесторларын осы Консорциумға қосылуға шақырамын».

Президент жаңартылатын энергия көздері саласындағы ынтымақтастықты тағы бір перспективті бағыт ретінде атап өтті. Қасым-Жомарт Тоқаев «жасыл» сутегінің әлемдегі жетекші өндірушісі болу үшін елімізде барлық алғышарт бар екеніне тоқталды. Қазіргі уақытта Германия мен Швецияның бірлескен Svevind Group компаниясымен «жасыл» сутегін өндіру жөнінде сомасы 50 миллиард доллар болатын келісім жасалды. Бұл – әлемдегі ең ірі жобалардың бірі. Алдағы уақытта «жасыл» сутегі өндірісі «жасыл» болат, алюминий және басқа да металдарды өндіруге жол ашуы мүмкін. Президент Германияның технологиялық шешімдерін Қазақстанның табиғи және адами ресурстарымен ұштастыру жоғары нәтижелерге жеткізетініне сенім білдірді. Бұдан бөлек Қасым-Жомарт Тоқаев ауыл шаруашылығы саласындағы ынтымақтастықты ілгерілету үшін мол мүмкіндік бар екенін жеткізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан өңірдің азық-түлік хабына айналуды жоспарлап отыр. Осы мақсатта өнім өндіру, сақтау және тарату жұмыстарын ұштастыратын сауда-логистикалық байланыстардың өңіраралық жүйесі құрылады. Қазақстанның ауыл шаруашылығын орнықты дамытуға әртүрлі салада, соның ішінде биотехнологияға және тыңайтқыштар өндіруге, спутник арқылы зондтауға және жасанды интеллектіге, ауыл шаруашылығы техникасын шығаруға, ирригацияға, сондай-ақ тамақ өнеркәсібіне, генетика мен жаңартылатын энергия көздеріне маманданған Германияның көптеген компаниясы тартылуы мүмкін».

Қасым-Жомарт Тоқаев Германия бизнесмендерін Қазақстан экономикасын әртараптандыруға, жаңа өндіріс орындарын ашуға және озық неміс технологияларын енгізуге бағытталған жобаларды жүзеге асыруға белсенді қатысуға шақырды.Айта кетейік  Германия экономикасының Шығыс комитеті – Германия Федеративтік Республикасының Орталық, Шығыс және Оңтүстік-Шығыс Еуропа, Оңтүстік Кавказ және Орталық Азиядағы 29 елге арналған аймақтық бастамасы. Шығыс комитетіне Германия экономикасының алты жетекші одағы қолдау көрсетеді және оған 400-ге жуық компания мүше.

https://www.youtube.com/embed/tlyVOnTNeL8?si=x9um1OIvhjbP5vhH" 

Мемлекет басшысы  Қасым-Жомарт Тоқаев Германияға жасаған іс сапары аясында  бірінші Berlin Global Dialogue форумына қатысты. Президент «Көшбасшылар диалогы» сессиясында Қазақстанның жаһандық экономикалық процестердегі рөлі туралы өз көзқарасын айтты. Президенттің пікірінше, жаһандық экономикалық өзекті проблемаларды шешуге ықпал ететін жаңа әмбебап құндылықтар қажет. Әйтпесе, адамзат дүниежүзілік сауданың бұрын-соңды болмаған бөлшектенуіне тап болады. Бұл әлемдік жалпы ішкі өнім 7 пайызға құлдырауына әкеп соқтыруы мүмкін. Қасым-Жомарт Тоқаев сөзінің басым бөлігін еліміздің халықаралық экономикалық байланыстарды тұрақтандыру ісіндегі рөліне арнады.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Еуразиядағы екінші ірі мұнай қорына ие Қазақстан әлемдік нарықтарға энергетикалық ресурстардың ірі жеткізушісі саналады. Біздің мұнай экспортының 70 пайызы Еуропа Одағына шығарылатынын ескере отырып, экспорттық әлеуетімізді кеңейтуге және жаһандық энергетикалық дағдарысты жеңілдетуге үлес қосуға дайынбыз».

Сондай-ақ Қасым-Жомарт Тоқаев  форум қатысушыларына ұлттық экономиканы дамытудың перспективалары туралы мәлімет берді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Былтыр Қазақстан экспорты 40 пайызға жуық өсті. Біздің ЖІӨ-нің едәуір бөлігі әлі де энергетика секторына тиесілі болғанымен, экономиканы әртараптандыруға күш саламыз. Автомобиль құрастыру, фармацевтика, металл өңдеу және машина жасау салаларындағы өсімді қамтамасыз ете отырып, Қазақстан бизнес жасауға ерекше қолайлы орта қалыптастыру арқылы шетелден кең көлемде инвестиция тартуды жалғастырып отыр».

Мемлекет басшысының Германияға жасаған іс сапарының маңызды бөлігі Олаф Шольц пен бірлесіп БАҚ өкілдері үшін өткізген брифинг деуге болады.Қазақстан Президенті мен Германияның Федералдық канцлері жоғары деңгейде өткен келіссөздерден кейін бұқаралық ақпарат құралдары үшін бірлескен мәлімдеме жасады. Мемлекет басшысы Берлинге сапармен келуге арнайы шақырып, қонақжайлық көрсеткені үшін Олаф Шольцке ризашылығын білдірді. Президент жүргізілген келіссөздер қазақ-герман қатынастарын одан әрі нығайтуға екі тараптың ниетті екенін тағы да растағанын атап өтті. Президент мұнай-газ химиясы, металлургия, көлік және логистика секілді перспективті салаларда бірлескен жобаларды жүзеге асыру мәселелері жан-жақты қарастырылғанын айтты.Қасым-Жомарт Тоқаев Қазақстан тарапының жетекші еуропалық компаниялармен қол жеткізген уағдаластықтарын жоғары бағалады.Мемлекет басшысы өз сөзінде екі елдің өзара ықпалдастығын кеңейтетін жаңа мүмкіндіктерге де тоқталды.  Федералдық канцлер Олаф Шольц өз сөзінде Қазақстан Германияның Орталық Азиядағы жетекші сауда-экономикалық серіктесі екенін атап өтті. Сондай-ақ энергетика, орнықты даму, цифрландыру және климаттың өзгеруіне қарсы күрес салаларындағы ынтымақтастықты кеңейтудің маңызды екенін айтты.Бұдан бөлек, Канцлер Германия мен Еуропа Одағы Президент Қасым-Жомарт Тоқаевтың бастамасымен Қазақстанда жүзеге асырылып жатқан реформаларды толық қолдайтынын мәлімдеді.Қазақстан мен Германия басшылары бұқаралық ақпарат құралдары өкілдерінің сұрақтарына жауап берді.Атап айтқанда, Мемлекет басшысына Қазақстанның Ресеймен қарым-қатынасы жөнінде, Украина төңірегіндегі қақтығыстарға қатысты сұрақтар қойылды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Шын мәнінде, Қазақстан мен Ресейдің арасын әлемдегі ең ұзын құрлықтық шекара бөліп жатыр. Елдеріміз арасында сауда, гуманитарлық байланыстар бойынша дәстүрлі ынтымақтастық орнаған. 2013 жылы екі ел Одақтастық қарым-қатынас туралы шартқа қол қойды. Украинадағы қақтығысқа келер болсақ, Қазақстан әскери іс-қимылдардың тез арада тоқтатылуын және БҰҰ Жарғысы негізінде бейбіт келіссөз жүргізілуін жақтайды. Мен бүгін құрметті Канцлер мырзаға жағдайдың шын мәнінде өте күрделі екенін айттым. Ресей де, Украина да келіссөз жүргізуге дайын екенін растайды. Алайда келіссөздің қандай алаңда жүргізілетіні әзірше белгісіз. Сондықтан парасатты, салмақты, салиқалы дипломатияның кезеңі туады деп ойлаймын. Олар бірін-бірі айыптауды доғарып, екі жаққа да тиімді келіссөздің жолын табуы керек. Қазақстан Украина қақтығысын шешудің қандай да бір жолдарын ұсынып жатқан өзге елдер мен мемлекеттер тобының күш-жігерін қолдайды. Біз өз тарапымыздан барлық қажетті шараны қабылдаймыз».