https://www.youtube.com/embed/_tct5dTEU18?si=oLw4rLxUBUTx76DB" 

Үй иесі пәтерін жөндегенде архитектуралық ережелерді қатаң сақтауы керек. Әсіресе, қабырғалардың тұтастығын бұзуға болмайды. Ол қолданыстағы заңға қайшы. Оның үстіне ол қауіпті. Одан бөлек, қайта жобалау кезінде өрт қауіпсіздігі ержелері бұзылады, коммуналдық жүйелерді пайдалану мүмкіндігі нашарлайды. Осы норманы көп меншік иесі түсінбейді. Осылай деген сенатор Жанна Асанова бүгін депутаттық сауал жолдап заңсыз қайта жоспарлағаны үшін жазаны қылмыстық жауапкершілікке дейін қатаңдату және құрылыс нормалары мен ережелерін сақтау мәселесінде, оның ішінде тұрақты тексеру жүргізуде бақылаушы органдардың рөлін күшейтуді ұсынды. 

ЖАННА АСАНОВА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Қолданыстағы заңнама көп қабатты үйлердегі пәтерлер мен үй-жайлардың иелеріне есік ауыстыру немесе бөлмелерді біріктіру барысында негізгі қабырғалардың тұтастығын бұзуға тыйым салады. Бірақ көптеген жылдар бойы коммерциялық құрылыс саласында мемлекеттік бақылау азайғаны және жоспарлы тексеруге әлі де тыйым салынғаны баршаға белгілі. Сонымен қатар, көптеген ғимараттар мен тұрғын үйлердің иелері салынған сәттен бастап үйді қайта жобалауды бастайды және заңдастырады. Тиісінше құжаттар рәсімделеді, ал бастапқы нормативтік құжаттар кейбір заңның мұрағатында жатқаны белгілі. Үйдің негізгі қабырғасының тұтастығы бұзылған жағдайда тұрғындардың өздері сараптама жүргізуі керек, бірақ егер ол үй бірнеше рет қайта сатылған болса, онда қайта жобаланғанының заңсыздығын дәлелдеу мүмкін емес».

https://www.youtube.com/embed/iZ5bTzVqV3E?si=6x9o3dm6qOuqYsTv" 

Елім, жерім деп жанталасып жүрген Оралдық әріптесіміз Қаламқас Бисенғалиқызының еміне 20 млн теңге қаражат қажет! Біз уақытты күткенмен, уақыт бізді күтпейді. Толығырақ алдағы материалда.

Арман қуып Алматыға келген жас журналист Қаламқас Бисенғалиқызы қатерлі дертке шалдығып, өмірдің қатал сынағында баз кешуде. Тілші қыз еңбек жолын «ТДК-42» телеарнасында бастаған. Жұмыс пен жеке өмірді қатар алып, емделудің жолын біраз іздеген. Мамандар жас қызға аналық бездің қатерлі ісігі диагнозын қойған. Жанын жегідей жеген дерт, жас ғұмырын да жалмауда.

ФАРИЗА МОЛДАҒАЛИЕВА ҚАЛАМҚАСТЫҢ ЖЕҢГЕСІ

Дамыған заманның арқасында дерттің шипасы Үндістан елінен табылған.

ФАРИЗА  МОЛДАҒАЛИЕВА ҚАЛАМҚАСТЫҢ ЖЕҢГЕСІ

ӨТЕУ МОЛДАҒАЛИЕВ ҚАЛАМҚАСТЫҢ АҒАСЫ

Көмек қолын созамын деген жанашыр жандардан жақындары көмек сұрайды.

https://www.youtube.com/embed/delQvRJUD7U?si=e-SX_dv2Vfp64DQK" 

Нью-Делиде кикбокстан ересектер арасында өткен халықаралық турнирден Данияр Жарасов, Аслан Асылбеков, Нұрсұлтан Жақыповты атты  отандастарымыз алтын медаль алып, көк туымызды тағы бір желбіретті! Сондай-ақ, ел намысын қорғаушылар тағы 21 алтынды қанжығаға байлады.

Айтулы турнирде Қазақстан, Үндістан, Түркия, Сингапур, Өзбекстан, Ирак, Ұлыбритания және Неапольдан келген 620-дан астам кикбоксшы бақ сынады.

ӘДІЛ НҰРЖАУПОВ СҚО БОЙЫНША КИКБОКСТАН АҒА ЖАТТЫҚТЫРУШЫ: «Біздің бұл үш кикбоксшымыз Қазақстан ұлттық құрамасының құрамында өнер көрсетіп жүр және үшеуі де Үндістанда алтын медаль жеңіп алды. Олар біздің облыстың намысын қорғап, бірнеше рет Қазақстан чемпионы атанды. Жаңа жылдың алдында олар Португалияда өткен әлем чемпионатына барып, 2 күміс медаль алып келді».

Спортшылардың ішінде спорт шебері де бар. Солардың бірі – Данияр Жарасов.

ДАНИЯР ЖАРАСОВ ЖЕҢІМПАЗ: «Біз ұлттық құрама командамен 2 жұмалық сбор өттік Алматы қаласында. Содан кейін Нью-Дели деген Индияда международный турнир өтті. Сонда Петропавлдан 3 алтын медаль әкелдік. 3 жекпе-жек өткізіп, үшеуінде де жеңіске жеттім. 2 жекпе-жекті Үндістанның спортшысымен өткізіп, нокаупен жеңдім. Финалдық бойда Ирак бокшысымен 3 раунд есеп бойынша ұттым. Жарыс үлкен дәрежеде өтті».  

Жақында Азия кубогы басталмақ. Жеңімпаз спортшылар алдағы уақытты дайындықты қайта бастамақ. 

https://www.youtube.com/embed/XVPPgrmkJoo?si=TQ8_Eun4rRegBCCL" 

Якутиядағы Лена өзені температураның төмендегінен қатып тұр.Бұл жағдайға қарамастан осы аймақтағы кеме жөндеу зауытының жұмысы арта түседі. 

Қыста мұнда температура минус 50-ге дейін, тіпті одан да төмендейді.    Жұмысшылар кемелердің су астындағы бөліктерін жөндеуге болатындай етіп мұздан тазартады. Олар шынжырлы аралар мен арнайы құралдарды пайдаланады.

МИХАИЛ КЛЮС  ЖҰМЫСШЫ: «Ауа райы суық болса, бензин арасы қатып қалады жұмыс дұрыс жүрмейді. Біз оны жылытып алып ары қарай кірісеміз. Болмаса осылай қолмен жұмыс жасауға тура келеді».

Адамдардың көбісі мұны әлемдегі ең қиын жұмыс деп санайды. Жұмысшылардың өздері мұндай пікірмен келіспейді.Ең бастысы жылы киіну керек дейді Михаил.Ол суық ауа райындағы жұмыс істеген ең төменгі температура минус 63 болған. 

МИХАИЛ КЛЮС  ЖҰМЫСШЫ: «Дұрыс киініңіз - бәрі осы.  Ал сіз жұмыстан келгенде моншадан келгендей боласыз - шешіндіңіз, сізден бу шығады».

Дегенмен, барлық жұмысшылар мұндай жағдайға төзімділік таныта бермейді.

АРТЕМ КОВАЛЕЦ ЖҰМЫСШЫ: «Кейде сіз тоңып қаласыз, содан кейін бір жағымсыздық пайда болады жұмыс істегіңіз келмейді.Үйге қайтып жақсылап тамақтанып, демалғың келеді».

«Мұздату» бірте-бірте жүретін процесс. Алдымен 20 сантиметрлік мұз кесіледі.  Содан кейін олар өзеннің тағы жарты метр қатуын күтеді.Содан кейін олар мұзды кесе бастайды.

МИХАИЛ КЛЮС  ЖҰМЫСШЫ: «Көптеген адамдар бұл жұмысты - кесу және балталау деп ойлайды.  Бұл жерде ойлану керек, жұмысыңды сапалы атқаруың керек.  Өйткені дұрыс емес ісіңізден әп сәтте су астына кетуіңіз мүмкін».

Михаил жұмыстың күрделі және қиын екендігімен келіседі, бірақ ол оны әлемдегі ең қиын деп санамайды.Оның ойынша, одан да қиындары бар.Бүгінгі таңда мұнда Михаил секілді 30 маман жұмыс істеуде. 

https://www.youtube.com/embed/57OjRrC16zk?si=dkEqjX3JPwqyGMG9" 

Канзас-Ситиде атыс болып, бір адам қаза тапты. Оған қоса 20-дан астам адам жарақат алған бұл оқиға жергілікті Канзас-Сити Чифс командасының жеңісін шерумен тойлап жатқан уақытта орын алған.  

Ұлттық футбол лигасының финалы американдық футболдағы басты оқиға және Құрама Штаттардағы мемлекеттік мереке.Полицияның хабарлауынша, атыс Юнион вокзалында болған.  Бұл кезде парад аяқталуға жақын қалып, команда вокзалға қарай бет алған.  Тоғыз адам оқ жарақатын алды,ал зардап шеккендердің 11-і алты мен 15 жас аралығындағы балалар мен жасөспірімдер. Атыс кезінде ойыншылар мен жаттықтырушылар зардап шекпеген. 

ЛИЗА МОНИ КУӘГЕР: «Хаос биі басталғаны есімде.  Жасырыныңдар,тығылыңдар деген дауыс естідім.  Мен біреу әзілдеп жатыр деп ойладым.  Бірақ  арнайы жасақтардың қоршаудан секіргенін көріп әзіл емес екенін түсіндім».

Полицейлер үш күдіктіні ұстады.  Олардың не себепті мұндай қадамға барғаны анықталуда.  Шабуыл жасаушылардың нақты саны да белгісіз.

ЛИЗА МОНИ КУӘГЕР: «Адамдар неге ақымақтық әрекетке барады?  Бұл, қала мен оның барлық тұрғындары үшін мереке емес пе. Бір есуас келіп барлығының көңіл күйінің тас талқанын шығарады».

Финал 11 ақпанда Невада штатының Парадайс қаласында өтті.  Канзас-Сити Чифс Сан-Франциско  командасын қабылдаған болатын.  72 мың көрерменнің алдында жеңіске жеткен еді.

https://www.youtube.com/embed/t4tcqHw2o0c?si=2KeJg6PnOeGzlgcn" 

Алматыда  Кеңес әскерінің Ауғанстан жерінен шығарылғанына 35 жыл толуына орай  қаза болған жауынгерлердің рухына тағзым етіліп, гүл шоқтарын қою рәсімі өтті. шараға әкімдік өкілдері, Қазақстанның қарулы күштерінің сарбаздары, ардагерлер мен қала тұрғындары қатысты. Шараға қатысқандар сұрапыл соғысты еске алып,талайдың жанын жаралаған соғыстың  астарына үңілді.

ӨМІРТАЙ БІТІМОВ «ГЕНЕРАЛДАР КЕҢЕСІ» РЕСПУБЛИКАЛЫҚ ҚОҒАМДЫҚ БІРЛЕСТІГІНІҢ ТӨРАҒА ОРЫНБАСАРЫ

https://www.youtube.com/embed/afll7g0DTsw?si=r_u-LtcKKURzaSn-" 

Бүгін кинорежиссер, Қазақстан мен КСРО халық әртісі Шәкен Аймановтың туғанына 110 жыл! Даталы күнге орай,Мемлекеттік орталық музейде Қазақ киносының жарық жұлдызына арналған мәдени-танымдық іс-шара ұйымдастырылды.

Іс-шарада Ұлттық театр өнері мен кино саласының қалыптасуына бар ғұмырын арнаған Шәкен Аймановтың өмір жолынан сыр шертіліп, көзін көрген тау тұлғалар ескірмейтін естеліктерімен бөлісті.  

НҰРЖҰМАН ЫҚТЫМБАЕВ ҚАЗАҚСТАННЫҢ ХАЛЫҚ ӘРТІСІ  «Шәкен аға – пейілі кең, қолың кең адам болатын. Шашып, төгіп жүретін. Маңайында топырлап біз жүретінбіз. «Әй, қалқан құлақ! Жина жігіттеріңді. Жүрсін бізбен» деп жүретін. Сондай кең пейіл ұстаз болатын. Бұл кісінің 2 қасиетін көп жұрт біле бермейді. Бұл кісінің ақындығы бар болатын. Музыка жағын өте жақсы түсінген адам. Композиторлығы да болатын. Импровизация, ақындық қасиеті де болатын».

Шара аясында ҚР Мемлекеттік орталық музейі қорындағы Шәкен Аймановтың фотоматериалдары, марапаттары, жеке заттарынан құрылған шағын көрме ұйымдастырылды. Көрмеден орын алған көрнекті экспонаттардың қатарында Ш. Аймановтың «Алдар көсе» фильміне түскенде қолына ұстаған асатаяғы, өзі шерткен домбырасы, шахмат тақтайшасы, түсірілім алаңында пайдаланған рупр, сондай-ақ 1970 жылы «Атаманның ақыры» фильмі түсірілген камера, киімдері, қаламсаптары мен үстел сағаты секілді  т.б ерекше жәдігерлер бар.

АЗАМАТ САТЫБАЛДЫ Ш.АЙМАНОВ АТЫНДАҒЫ «ҚАЗАҚФИЛЬМ» АҚ ПРЕЗИДЕНТІ, ҚАЗАҚСТАННЫҢ ЕҢБЕК СІҢІРГЕН ҚАЙРАТКЕРІ «Сусындаған, сағынған көрермендердің сағынышын басу үшін, осындай тамаша мереке жасап жатырмыз. Бұның барлығы әруаққа деген, ұлы тұлғаға деген тағзым деп білемін. Шәкен аға тек қана қазақ фильмнің ғана емес, қазақ халқының, еліміздің мақтанышы. Артынан өлместей із қалдырып кеткен».

Алдағы уақыттарда тарихта алтын әріптермен қалған тау тұлғаға арналған үлкен жобалар күтіп тұр. Жарқырап жанған жарық жұлдыздың сәулесі мәңгіге жана бермек!

https://www.youtube.com/embed/jkQidFRtp_g?si=apcZXGl0lIT4q5Io"

Мүмкіндігі шектеулі болса да 13 жылдан бері баспаналы бола алмай жүрген Ерлан есімді азаматтың анасы жатақхана жағалап, әркімнің табалдырығын тоздыруға мәжбүр. Жүрегі қан жылаған ана 23 жыл бойы 1-топтағы мүгедек баласын 3 қабаттан төменге түсіру жалғыз өзіне қиындық туғызуда.Қызылордалық тұрғынның ендігі үміті үкіметтің шешімінде. Жалғыз басты ананың бар арманы – баспана.

МАРИТА КАКМЕТОВА ҚЫЗЫЛОРДА ҚАЛАСЫНЫҢ ТҰРҒЫНЫ

https://www.youtube.com/embed/DCis0kktlWY?si=RXIHRtG3VekoxRlI" 

Соңғы уақыттардағы қаһарлы қыстың зардабы Ақмола облысына да жеткен болатын. Тобықтан аса жауған қар мен бет тостырмас желдің салдырынан облыстық және республикалық жолдар жабылды.

Табиғат құбылысының зардабынан Жарқайың ауданына қарасты Тасты, Талды ауылының маңынан өтетін Жезқазған-Петропавл тасжолында 20-дан астам автокөлік жол бойында қалған болатын. Құтқару мамандарын күтпестен бір жеңнен қол, бір жеңнен бас шығарған Жаңадала ауылының тұрғындары мен Арқалық қаласының әкімі қар құрсауындағы адамдарды дереу жылыту бекеттеріне алып келген.

КӨКЕТАЙ ХАМЗИН АҚМОЛА ОБЛЫСЫ ЖАҢАДАЛА АУЫЛДЫҚ ОКРУГІНІҢ ӘКІМІ: «Екі камаз тұр екен қоймен. Сол кішкене қиыншылдық туғызды.Бізге хабарлады екі камаз Тасты талды  ауылдан 5 шақырым жерде тұрып қалыпты.Тракторларды шығара алмадық. Өйткені, түкте көрінбеді. Содан ауданымыз Арқалықпен хабарласып, Арқалықтың ЧС-тің үлкен машинасы шықты қармен өтетін. Сол келіп, соған біз Тасты талдыдан жаңағы шөп, отход бәрін тиеп жібердік. Сонымен жаңағы қойлар аман қалды». 

https://www.youtube.com/embed/eUwZNE6ruBQ?si=xwv5U5xeDk9Lj3v8" 

https://www.youtube.com/embed/ZOaF584D7NE?si=L9Z7a8Eg-_H7eqnW" 

Алматы қаласында 2023 жылдың наурыз айынан бастап қызылшаның 5409 зертханалық расталған жағдайы тіркелген болатын. Балалар арасында аурудың белең алуы негізінен вакцинациядан бас тарту себебінен болып тұр. Сондай-ақ вакцинациядан медициналық босату және егу жасына жетпеу салдарынан тіркелуде.  Қызылша – адамдар үшін аса контагиозды жұқпалардың бірі, өйткені инфекция көзімен жақын қарым-қатынаста болғаннан кейін қызылшаға қарсы екпе алмаған адамдардың 90%-дан астамы ауырады.

ЖАЙДАРКУЛ АСҚАНҚЫЗЫ АЛМАТЫ ҚАЛАСЫ ДЕНСАУЛЫҚ САҚТАУ БАСҚАРМАСЫ АСА ҚАУІПТІ ИНФЕКЦИЯЛАРДЫ ЖӘНЕ ТУБЕРКУЛЕЗДІ ЭПИДЕМИОЛОГИЯЛЫҚ ҚАДАҒАЛАУ БӨЛІМІНІҢ БАСШЫСЫ: «2023 жылғы 10 қараша мен 2024 жылғы 11 ақпан аралығында қалада қызылша, қызамық, паротитке қарсы қосымша жаппай иммундауға (бұдан әрі – қызылшаға қарсы ҚЖИ) шеңберінде барлығы 156 305 адам қамтылды, оның ішінде 6 айдан бастап 10 ай 29 күнге дейінгі 12 149 бала, 2 жастан 4 жасқа дейінгі балалар – 77 601, медицина қызметкерлері – 8676 және басқа жастағы бұрын қызылшаға қарсы жоспарлы екпе алмаған (вакцинация курсы толық емес) толықтыра иммундау бойынша 57 879 бала».

Екпелерді жүргізу үшін ДДҰ сертификаттаған және Қазақстан Республикасында тіркелген қызылшаға, қызамыққа, паротитке қарсы аралас вакцина қолданылады. Қазіргі уақытта қалада қызылша, қызамық және паротитке қарсы жеткілікті мөлшерде вакцина бар. Ұлттық профилактикалық егу күнтізбесіне сәйкес нысаналы топтағы балаларға қызылшаға қарсы жоспарлы иммундау жалғасуда. Мамандар аурудың белгілері пайда болған кезде қағидаларды қатаң түрде сақтауды талап етеді. Ауырып ем іздегенше, ауырмаудың жолын іздеңіз!

https://www.youtube.com/embed/ATCqP9l1ajg?si=va33KEGDWKpzTYMO" 

Педофильдер мен лаңкестер енді елге кіргізілмейді. Бүгін мәжіліс депутаттары осындай заң жобасын қабылдап, Сенатқа жіберді. Одан бөлек,  отбасылық құндылықты дамытудың жолдарын талқылады. Сондай-ақ, мәжілісмендер шағын қалалардағы ауылдық елді-мекендерге жататын кенттердегі мұғалімдердің жан айқайын парламент мінберінен жеткізді. Айтуларынша, заңда белгіленген 25 пайыздық қосымша төлемақы – "ауыл коэфициентіне" көптеген ұстаздар қол жеткізе алмай отыр.

ҚАРАҚАТ ӘБДЕН ҚР ПАРЛАМЕНТІ МӘЖІЛІСІНІҢ ДЕПУТАТЫ: «Тұрғылықты халық саны орташа ауылдан аз болса да, мәртебесі “қала” немесе “кент” статусына ие болған елді-мекен мұғалімдерінің жағдайы. Барлық критерий жағынан ауылдық елді-мекендерге жататын кенттер мен шағын қалалардағы мұғалімдер заңда белгіленген 25 пайыздық қосымша төлем – "ауыл коэфициентіне" қол жеткізе алмай отыр. Яғни олар тұратын елді-мекеннің әкімшілік мәртебесі қағаз жүзінде “қала” немесе “кент” болғанымен, іс жүзінде, ол қала да, кент те емес, кәдімгі ауыл. Өңірлердегі осындай кенттер мен қалалардың мұғалімдерін қолдау қажет деп есептейміз. Яғни шалғайдағы мектептердің барлық белгісі бар, концепцияға толықтай сәйкес келетін елді-мекен мұғалімдеріне ауылдық коэффициент қол жетімді болуға тиіс».