https://www.youtube.com/embed/VJo2AvVOI9w?si=Yt1wqCpA_D-5gu0b" 

Геннадий Головкин Ұлттық Олимпиада комитетінің басшысы болып тағайындалды. Бұл туралы Қазақстан Республикасы Ұлттық Олимпиада комитетінің кезектен тыс Бас ассамблеясының отырысында белгілі болды.  Еске салайық, бұған дейін Ұлттық Олимпиада Комитеті президенттігіне Тимур Құлыбаевтың орнына Геннадий Головкиннің кандидатурасы ұсынылған болатын.  

https://www.youtube.com/embed/Sye28ulVMLc?si=0dMmP0Zbxelow3sd" 

Орал қаласының Зачаганск кентінде 5 қабатты үйлердің бірнеше пәтерінде екі аптадан астам уақыттан бері ыстық су жоқ. Соның салдарынан баспаналарда жылу қысымы бәсеңдеген. 

Жығылғанға жұдырық дегеннің күйін кешкен тұрғындар ыстық сумен қоса үйлері қоса суып әбден берекелі қашқан.Мөңкеұлы көшесінде орналасқан бұл үйлер 2017 жылы пайдалануға берілген. 91-ші үйдің бірінші кіре берісіндегі бірнеше пәтерде екі аптадан бері ыстық су жоқ. Тұрғындардың айтуы бойынша, мәселенің бәрі қарама-қарсы орналасқан 9 қабатты үйлердегі сорғының дұрыс орналаспауынан туындаған.  

АСЛАН АЛИПКАЛИЕВ ТҰРҒЫН  

«Жайықжылуқуат» мекемесінің мамандары, жылу қарқынының бәсеңдеуіне ауа райын себеп болды дейді. 

БЕКБОЛАТ КАМЕШОВ  «ЖАЙЫҚЖЫЛУҚУАТ» АҚ БАС ДИРЕКТОРЫНЫҢ ОРЫНБАСАРЫ

https://www.youtube.com/embed/QtulcF81z-A?si=yZqbgt-yFHlHZzoH" 

Алматыда Дүниежүзілік туберкулезге қарсы күрес күніне арналған айлық басталды. Осы кезеңде қаланың Қоғамдық денсаулық сақтау басқармасы өкпе дертін алдын алу мен емдеуді насихаттауға бағытталған іс-шаралар жоспарын бекітеді. Сондай-ақ, жасырын туберкулез инфекциясын анықтау үшін заманауи зертханалық тест енгізілді. Бұл әдіс тегін және қолдануға оңай дейді мамандар.

Туберкулездің дифференциалды диагностикасын жүргізу үшін Алматы қаласының Фтизиопульмонология орталығында Жапонияда шығарылған 64 тілімді компьютерлік томограф қолданылады. Бұл заманауи құрылғы туберкулезді басқа аурулардан ажыратуға және дәл диагноз қоюға мүмкіндік береді.

ЖАНАР САПИЕВА АЛМАТЫ ҚАЛАСЫ ФТИЗИОПУЛЬМОНОЛОГИЯ ОРТАЛЫҒЫНЫҢ ДИРЕКТОРЫ: "2024 жылдан бастап Алматы қаласының фтизиопульмонология орталығында квантиферрондық тестпен тексеру басталды. Соңғы 10 жыл ішінде туберкулезды емдеуге түрлі өзгерістер орын алуда және дәрігерлерге қарсы-шағымдарға байланысты. Соның нәтижесінде аурудың төзімді түрлерін емдеу ұзақтығы 24-30 ай болса, 6-9 айға қысқарды. Жаһандық қор, денсаулық үшін серіктестер, кенси ви сияқты халықаралық ұйымдардың көмегімен туберкулезды анықтау және емдеу бойынша, әлемде қолданылып жатқан заманауи әдістер біздің елімізде де қолданылуда".

Маманның айтуынша, бүкіл әлемде туберкулез инфекциясының жасырын түрін емдеу жүргізілуде. Алайда, көптеген ата-аналар балалардағы жасырын өкпе індеті инфекциясын профилактикалық емдеуден бас тартады. Бұл әсіресе туберкулезбен ауыратын және аурудың белсенді түрінің даму қаупі жоғары балаларға қатысты.

ЖАНАР САПИЕВА АЛМАТЫ ҚАЛАСЫ ФТИЗИОПУЛЬМОНОЛОГИЯ ОРТАЛЫҒЫНЫҢ ДИРЕКТОРЫ "Бұл қала тұрғындары арасында туберкулезбен сырқаттанушылық пен өлім-жітімді азайтуға мүмкіндік береді. Дүниежүзілік туберкулезге қарсы күрес күніне арналған айлық барлығына осы қауіпті аурумен күресудің маңыздылығын және емделіп жатқан науқастарды қолдау қажеттігін еске салады. Оның ішінде Алматы қаласының әкімдігі туберкулезбен ауыратын 922 науқасқа 41 400 теңгеден ай сайынғы ақшалай төлемдер түрінде қаражат бөлді. Үкіметтік емес ұйымдардың қаражаты арқылы 63 науқасқа жол жүру билеттері, азық-түлік пакеттері және т. б. түрінде көмек көрсетілді”.

Естеріңізге сала кетейік, Алматыда туберкулезбен ауырған және одан сәтті айыққан үкіметтік емес ұйым жұмыс істейді. Адамдар үшін індеттен емделетінін түсіну маңызды.  Туберкулезбен күресудің маңызды кезеңі – ауруды ерте анықтау және зертханалық диагностика жүргізу болып табылады. 

https://www.youtube.com/embed/p4Yi1eTrxpM?si=wPQyE-02prJ9IzYP" 

Мемлекет басшысы Қасым-Жомарт Тоқаев жұмыс сапарымен Шығыс Қазақстан өңіріне барды.Онда Президент бір қатар нысандарды аралады.

Президент өңірге жасаған іс сапары барысында  Өскемен қаласындағы көпбейінді Онкология және хирургия орталығының базасында ашылған Сәулелік терапия және диагностика орталығында болды.Қасым-Жомарт Тоқаевқа жоғары дәлдікпен диагностика жасауға және онкологиялық ауруларды емдеуге мүмкіндік беретін соңғы буындағы магнитті-резонансты томографиядан бастап,озық үлгідегі медициналық құрылғылар көрсетілді.Көпбейінді онкология және хирургия орталығының директоры Гүлмира Сағидуллинаның айтуынша, жыл сайын мұнда 3 мыңнан астам хиругиялық операция жасалады, оның 60 пайызында аз инвазивті емдеу тәсілдері қолданылады. Орталықта медицина мамандарының шетелдерде біліктілігін арттыру және қайта даярлау ісіне айрықша мән беріледі. Отандық және шетелдік мамандар шақырылып, тұрақты түрде шеберлік сағаттары ұйымдастырылып тұрады.Бұдан бөлек, Қасым-Жомарт Тоқаевқа Шығыс Қазақстан облысындағы онкологиялық қызметтің қазіргі жай-күйі жөнінде баяндалды. Өңірде қатерлі ісіктерді ерте анықтау көрсеткіштері айтарлықтай артып, ауру деңгейі үшінші, төртінші сатыға дейін асқынып кеткен сырқаттардың саны қысқарған. Сәйкесінше, онкологиялық аурудан қайтыс болатын азаматтардың саны азайып келе жатқаны байқалады.

Сондай-ақ Мемлекет басшысы «Өскемен титан-магний комбинаты» акционерлік қоғамындағы өндіріс жұмыстарының жай-күйімен және кәсіпорынның даму перспективасымен танысты. Комбинат шикізат өндіруден бастап одан дайын өнім алуға дейінгі өндірістің бүкіл циклын қамтитын кеуекті титан, титан құймалары мен қорытпаларын шығаратын әлемдегі біртұтас кәсіпорындардың бірі саналады. Өндіріс құрылымы 5 негізгі және 6 қосалқы цехтан, сондай-ақ еншілес әрі бірлескен кәсіпорындардан тұрады. Әлемдегі титан нарығының 11 пайызы Қазақстанға тиесілі, ал аэроғарыш саласындағы титанның 20 пайыздан астамын біздің ел қамтамасыз етеді. Қазақстан титаны кеме жасау ісінде, энергетика, аэроғарыш салаларында, мұнай-газ кәсіпорнында және медицинада кеңінен пайдаланылады. Өнім АҚШ-қа, Ұлыбританияға, Францияға, Оңтүстік Кореяға, Үндістанға және Қытайға экспортталады.

https://www.youtube.com/embed/GLPi9h2CpkY?si=GMoB8sO80T2olmJ-" 

https://www.youtube.com/embed/-H4Y7gmoWbg?si=CcScBAMbIRdWBbCF" 

Мемлекет басшысы Қасым-Жомарт Тоқаев Конституциялық Сот төрағасы Эльвира Азимованы қабылдады. Бұл туралы Ақорданың баспасөз қызметі хабарлады. Эльвира Азимованың баяндауынша, былтыр Конституциялық Сотқа бес мыңнан астам өтініш, оның 99 пайызы азаматтардан келіп түскен. Азаматтар өз өтініштерінде сот актілеріне, лауазымды тұлғалар мен судьялардың іс-әрекеттерінің заңдылығына, қылмыстық жазаның түрлері мен шарттарына, қылмыстық қудалау кезінде адам құқықтарының сақталуына, еңбек және әкімшілік-құқықтық қатынастарда құқықтың қорғалуына қатысты мәселелерді көтерген. конституциялық іс жүргізу аясында азаматтарға кепілді заң көмегін беру шарттары, сондай-ақ құқықтық мониторинг пен заң шығару қызметі шеңберінде Конституциялық Сот қабылдаған шешімдерді және сот практикасының шолуын ескеру туралы ұсыныстар қазіргі уақытта Парламент Мәжілісінің қарауында жатыр.

https://www.youtube.com/embed/kT_kDtCfFz4?si=jNfJ_vPMd2KezLec" 

Шетелдік көліктерді заңсыз тіркегендер ұсталды. Көкшетау қалалық халыққа қызмет көрсету орталығынан ілік тапқан қаржы мониторинг агенттігі 68 көліктің жалған тіркелгенін айтады.

ӘЛІБЕК ӘБДІЛОВ ҚР ҚАРЖЫ МОНИТОРИНГ АГЕНТТІНІГІНІҢ РЕСМИ ӨКІЛІ: «Бұл істі ҚМА Ақмола облысы бойынша департаменті тергеді. "Азаматтарға арналған үкіметтің" Көкшетау қалалық ХҚКО-ның бұрынғы маманымен алдын ала сөз байласып, екі азаматтың жалған төлем құжаттарын қолданып, алымдарды төлемей шетелден келген көліктерді жаппай бастапқы тіркеуді ұйымдастырған. Жалған төлем-есеп айырысу құжаттары арқылы 68 көліктің заңсыз тіркелгені анықталды. Бастапқы тіркеу үшін алым төлемеу түріндегі мемлекетке келтірілген шығын шамамен 449 млн теңге. ҚПК 201-бабына сәйкес өзге де ақпарат таратуға жатпайды».

https://www.youtube.com/embed/gwtpbhi82rU?si=c07TJ1-NhbiHQwdi" 

Қазақы нақышта тігілген заманауи киімдер қазір сәнге айналып келеді. Эстафетаның басында бастауыш оқушылары тұр. Олар мектепке оюлы кәжекей мен тақия киіп келуді дағдыға айналдырған.

Мына бүлдіршіндер Ақтау қаласының №19 мектеп-гимназиясының 3ші сынып оқушылары. Олардың осындай сәнді үлгіде қазақша киімдерді киіп, білім алып жатқандарына 1 ай асқан.

ШОЛПАН ҚОШМАНОВА  АҚТАУ ҚАЛАСЫНЫҢ №19 МЕКТЕП-ГИМНАЗИЯСЫНЫҢ БАСТАУЫШ СЫНЫП МҰҒАЛІМІ: «Бұл бастама қазіргі кезде ұлттық идеялогиямызды дәріптеу. Сондықтан ұл-қыздарымыз тек қана қонаққа барғанда кимейді бұл киімді. Мектепте де киіп отырады. Бұны біз қуана-қуана қабылдадық. Балаларда мәз болып киіп жүр. Бұл бастаманы Бұл бастамаға ата-аналар қарсы болған жоқ. Бәрі бір ауыздан қолдады».

РАЯНА ЕКІБАЙ ОҚУШЫ: «Маған ұлттық киім киген ұнайды. Себебі басқа сыныптардан ерекше болып жүреміз. Өйткені барлығымыз бірдей киім киеміз. Сол себепті ұнайды.Бұл киім ыңғайсыз болған жоқ. Өйткені бұл қазақтың ұлттық киімі».

Білім үйінде 3 мыңнан аса оқушы бар. Бұл эстафетаны бастауыш сынып оқушылары бастаған. Мектеп директорының сөзінше алдағы уақыттарда басқа оқушылар мен оқытушылар да классикалық киім үлгісін заманауи этно-стильге ауыстыруды жоспарлауда.

МАДИНА АБДИЕВА АҚТАУ ҚАЛАСЫНЫҢ №19 МЕКТЕП-ГИМНАЗИЯСЫНЫҢ ДИРЕКТОРЫ: «Ұлттық белгілері бар түрлі галстуктар, түрлі көйлек сыртынан киетін кәжекейлері қазір ойластырып жатыр. Және жоғарғы сыныптың ұл-қыздарымен де осы идеяны алып кетсек деген қызығушылық туындап жатыр. Ата-ана болсын, мұғалім болсын, оқушы болсын олардың әр қайсысының бізге пікірі мен ойы біз үшін құнды. Сондықтан бірге тәрбиелеп отырғандықтан олардың кез-келген көтеріп отқан дұрыс идеясы болса оны құптауға біз әрқашанда дайынбыз».

Бұл бастаманың басты мақсаты – ұлттық құндылығымызды жастарға насихаттау, зерделеу, жаңашылдықты қалыптастыру.

https://www.youtube.com/embed/i_Xjz5ntJbw?si=3xBcv_cXwmeMKF4x" 

Солтүстік өңірлерде аяз әлсірейді. Бірақ, бұл жаппай елімізде күн жылынады деген сөз емес. Оңтүстік және оңтүстік аймақта -23 градусқа дейін суық болады. Бүгін Жетісу облысында күн күрт суытып, қарлы боран соғып тұр. Салдарынан облыс аумағындағы республикалық маңызы бар автожолдарда көлік қозғалысы шектелді. Жауапты мамандар асығыс шаруаңыз болмаса, алыс сапарға шықпауға кеңес береді. 

АҚМАРАЛ СМАҒҰЛОВА «ҚАЗГИДРОМЕТ» РМК  ИНЖЕНЕР-СИНОПТИГІ: «Еліміздің батысында антициклонның әсері сақталады, жауын-шашынсыз ауа-райы күтіледі. Республиканың қалған бөлігінде, атмосфералық фронттардың өтуімен еліміздің оңтүстігінде және оңтүстік-шығысында жауын-шашын көбінесе қар түрінде, тұман және көктайғақ болжанады.Еліміздің батысындағы температуралық фонда айтарлықтай өзгерістер күтілмейді, ауа температурасы республиканың солтүстігі мен орталығында - түнде 22-35 аяздан 10-23 аязға дейін жоғарылайды, шығыста түнде 12-22 аяздан 23-38 аязға дейін төмендейді, оңтүстік және оңтүстік-шығыста 8-23 аязға дейін аздаған төмендейді».

https://www.youtube.com/embed/8Ezir7L-nM0?si=HeAyuml5C4DY0qyk" 

Еліміздің Премьер-Министрі Олжас Бектенов Батыс Қазақстан облысына жұмыс сапары аясында Орал қаласының коммуналдық-энергетикалық секторындағы бірқатар нысандарды аралап, инфрақұрылымды жаңғырту жұмыстарының барысымен танысты.Сапар барысында Үкімет басшысы 1961 жылдан бері жұмыс істеп тұрған «Батыс Су Арнасы» сумен жабдықтау және су бұру кәсіпорнында болды. Орал қаласы ауыз суды негізінен Жайық өзені және жерасты көздерінен алады. Премьер-Министрге 2023 жылы 6 су ұңғымасының құрылысы аяқталғаны туралы баяндалды. Олжас Бектенов өңір басшылығының назарын тұрғындар тарапынан, әсіресе жаз айларында ауыз су тапшылығына қатысты арыз-шағымдарға көңіл бөліп,
су тазарту жүйесін жаңғыртуды жыл соңына дейін аяқтауды тапсырды.  

БАҚЫТЖАН АКИМГУЖИН «ЖАЙЫҚЖЫЛУҚУАТ» АҚ БАС ДИРЕКТОРЫ

https://www.youtube.com/embed/XxexKNIWTSs?si=T6HW2QIVPf3nu6bQ" 

Бүгін Алматы қаласы мен басқа да облыстардың колледж білім алушылары  арасында «XXI ғасырдың бухгалтері: Менің кәсібім – менің мақтанышым!» атты қалалық байқау өтті. Толығырақ алдағы бейнематериалда.

Экономика және қаржы саласындағы ең сұранысқа ие мамандықтың болашақ мамандары бүгінгі байқауда арнайы пәндер мен кәсіби модульдерді зерделеу кезінде алынған кәсіби құзіреттіліктерінің меңгеру деңгейін анықтады.

АЙДАР ЕРБОЛАТҰЛЫ АЛМАТЫ ҚАЛАСЫ АЛМАЛЫ АУДАНЫНЫҢ ӘКІМІ: «Меніңше, ХХІ ғасырдың мемлекеттік қызметшілері, ең алдымен, мақсатты да бастамашыл, тұрғындармен тіл табыса алатын, жұмысына адал болуы керек. Себебі, Президентіміз айтқандай, біз қазір мемлекеттік қызметтегі кадрларды жаңарту курсындамыз. Яғни, әр облыста өңірлік кадрлық резервтер қалыптасады. Содан кейін ең дарынды, ынталы кадрлар қала әкімдігі мен оның бөлімдерінде ғана емес, аудандарда да жұмыс істеуге тартылады».

Былтырғы жылы байқау бірінші рет өткізілсе де, көп облыстардан сұраныстар түсе бастаған. Биыл жарысқа Жетісу облысы мен Абай облысының білімгерлері және Алматы қаласының колледж студенттері бақ сынады.

ҒАЛЫМ ІЛЕСХАНҰЛЫ АМБК ДИРЕКТОРЫ:  «Мамандықтарды даярлау ретінде тек қана жұмысшы мамандарын даярлаумен қатар, орта буындағы мамандарды да даярлаймыз. Бүгінгі сіздердің куә болып отқан байқауларыңыз орта буын бухгалтер мамандығына арнап істеп жатырмыз. Негізгі мақсатымыз – білім алып жатқан студенттеріміз өз білімін шыңдау және оны көрсете білу. Бәйгеге түсіп, білімін алға шығарып, дәлелдеп беру».

https://www.youtube.com/embed/CvZZMK_2hdQ?si=4zbsCK89cI8faGnz" 

Ақмола облысының  аумағында орналасқан жүзден астам елді мекен интернет желісінен жұрдай. Айта-айта ауыздары талған ауылдық ағайындар ғаламтордың ғажайып құдіретінен күдерін үзе бастапты.

Ақмола облысындағы 600-ге жуық елді мекеннің 400 астамы 2G, 206-сы  3G, 227-сі 4G интернетпен қамтылған. Жыл соңына дейін тұрғындар саны жүзден кем болмайтын  ауылға Kazsat интернетін тарту көзделген. Әзірге, тек 31 елді мекенде ғана жүзеге асқан. Кей жерлерде байланыс пен интернет сапасының сын көтермейтіні де жасырын емес. Айталық, былтыр 42 ауылдың тұрғындарынан шағым түсіп, нәтижесінде 3 байланыс операторына 64 миллион теңге көлемінде айыппұл салыныпты. 

БАУЫРЖАН РАПИКОВ АҚМОЛА ОБЛЫСТЫҚ ЦИФРЛАНДЫРУ ЖӘНЕ МҰРАҒАТТАР БАСҚАРМАСЫНЫҢ БАСШЫСЫ: «Әр оператордың өзінің елді мекендеріндегі олқылықтары бар. Не себепті салынды, өйткені бұл операторлардың сол елді мекендердегі өздерінің алған міндеттемелеріне сәйкес қызмет көрсетпеулері.Бұл бизнес болғандықтан операторлар да өз құқығын қорғауға міндетті. Олардың сондай құқықтары бар. Сол себептен көп мәселелер сот арқылы шешіледі». 

Қазіргі таңда интернет және байланыс сапасын жақсарту үшін құрылғыларды ауыстыру, жаңғырту жұмыстары жалғасуда.  

БАУЫРЖАН РАПИКОВ АҚМОЛА ОБЛЫСТЫҚ ЦИФРЛАНДЫРУ ЖӘНЕ МҰРАҒАТТАР БАСҚАРМАСЫНЫҢ БАСШЫСЫ: «Жобаны іске асыру цифрлық алшақтықты азайтуға және ауылдық аймақтардағы цифрлық сауаттылық деңгейін арттыруға ықпал етеді. Қазіргі уақытта Интернетке қосылу 10 пилоттық жоба республикада іске қосылған. Сол пилоттық жобалардың нәтижесі бойынша интернет жылдамдығы 150-200 мбит шамасында орта есеппен болып тұр. Бізге бұл жобаға кірген елді мекен Майшұқыр, Қорғалжын ауданында. Қазір сол Майшұқыр ауылындағы 32 бала оқитын мектепте интернет жылдамдығы жоғары Starlink жұмыс істеп тұр». 

Көкшетау қаласының тұрғындары алдағы уақытта 5G интернетпен толық қамтылады. Әзірге, жылдам интернет желісі қаланың 7 нүктесінде іске қосылған. Ал ғаламтордың қандай екенін көрмеген кей бір ауылдық аймақтардың күтуден басқа амалы жоқ.