https://www.youtube.com/embed/4NlGoDKiI6o?si=qiM9TEVb8cAi04KR" 

Орал қаласының ет павильондарының бірінде бір адам жарақат алды. Жанжал барысында бір сатушы жанындағы екінші сатушының бетін пышақпен тіліп жіберген. Жарақат алған әйелдің жағдайы қазір жақсы. Бірақ, айыпталушы оқиғаны абайсызда болған жағдай деп, жазасын мойындамай отыр. Бұл іс бойынша сот процессі басталып кетті.

Бұл Зашаған кентіндегі Жәңгір хан көшесі, 18 мекенжайында орналасқан ет павильоны. Бұнда 57 жастағы әйел адам жанындағы өзі секілді ет сатушысымен сөзге келіп қалып, ашу үстінде шалт қимылмен бетін гідір пышақпен тіліп жіберген. Бірақ ол өзінің ауыр қылмыстық құқық бұзушылық жасағанын мойындамай отыр. Ал жәбірленуші тарап айыпталушының пышақтарды оң қолына алып, қайрап тұрып, қарсы сөз қайырған Гүлсімнің бетіне қайта келмейтіндей ауыр жарақатты қасақана салғанын айтады.

ТЕЛЬМАН ИБРАШЕВ ЖӘБІРЛЕНУШІНІҢ ҚОРҒАУШЫСЫ: «Зәмзәгүл ҚР ҚК 106 бабының 1 бөлімімен айыпталды. Бұл менің қорғауымдағы жәбірленуші Ихсановаға қасақана ауыр жарақат келтірген».

Видеодағы кадрлардан әйел адам жәбірленушінің бетіне пышақпен қандай жарақат қалдырғанын байқауға болады. Дәрігерлер алдағы уақытта пластикалық ота қажет екенін айтқан. Себебі жүзіне кетпестей үлкен тыртық түскені өз алдына, зардап шеккен адам енді бұрынғыша тамақтана да алмайды.

ГҮЛСІМ ҚАБАШҚЫЗЫ ЖӘБІРЛЕНУШІ: Мен қорыққанымнан кетіп қалдым. Мен даже жаңалық көргеннің өзінде жүрегім дүрсілдеп кетеді. Қазірде қорқып тұрмын. Таңертең келді де, есіктен кіріп келіп бір кафеге неге сен ет апарасың деп... Ол жерде ұрыс ештеңе болған жоқ. Мен айттым «маған звондады, мен сосын апардым» дедім. Маған балағат сөздер айтып кетті. Сосын мен «қойшы, өзім білемін» деп, етімді шығара беріп едім, қасыма келді де, екі өткір пышақпен бетімді сойып жіберді».

Жедел жүргізілген тексеріс нәтижесінде 57 жастағы күдікті тұрғылықты жері бойынша ұсталып, полиция бөліміне жеткізілген. Қазіргі таңда сотқа дейінгі тергеу әрекеттері қолға алынды.

https://www.youtube.com/embed/tdAeXacsSG0?si=GjwKupcqAVOeRH_u" 

2024 жылы қандай ғарыштық маңызды оқиғалар күтілуде? Алдағы жылға арналған жоспарларға шолу жасасақ.

Dream Chaser ғарыш кемесі Халықаралық ғарыш станциясына аттанады. Бұл Шаттлдың мұрагері, бірақ төрт есе аз. Оның басты артықшылығы – арнайы салынған ғарыш айлағы мен ұшыру алаңдарына қонуы.

МАРСИА ДАНН ASSOCIATED PRESS ТІЛШІСІ:
«Dream Chaser орбитаға шығарылады, ол ХҒС-на жүк жеткізеді. Болашақта ол туристік рейстер жасайтын шығар».

Келесі жылы дебют жасайтын тағы бір ғарыш кемесі - New Glenn зымыран тасығышы. Ол Жер орбитасына құралдар мен кемелерді шығаруға арналған.

Американдық ұшақ шығаратын алпауыт Boeing де өзінің қайта пайдалануға болатын Starliner капсуласын басқаратын алғашқы сынақтарды өткізбекші. Ол ғарышкерлерді Халықаралық ғарыш станциясына тасымалдауға арналған.

МАРСИА ДАНН ASSOCIATED PRESS ТІЛШІСІ:
«Көктемде, мүмкін сәуірде, Boeing оны NASA-ның екі астронавты, бортындағы сынақ ұшқыштарымен бірге жібереді, оларды ғарыш станциясына қысқа сапарға апарады, содан кейін оларды қайтарады деп үміттенемін».

Еуропалық ғарыш агенттігі Ariane 6 зымыран тасығышын Ariane 5-тің соңғы ұшуынан кейін шамамен бір жыл өткен соң маусым немесе шілде айларында ұшырады деп күтілуде. Сәтті болса, Еуропа Француз Гвианасындағы ғарыш айлағынан тағы да ғарыш есігін ашады. Бұдан былай SpaceX сияқты компанияларға тәуелді болмайды деген сөз.

Ал қазан айында NASA Юпитердің серігі Europaны зерттеуге арналған Europa Clipper ғарыш аппаратын ұшырмақ.

МАРСИА ДАНН ASSOCIATED PRESS ТІЛШІСІ:
«Еуропаны соншалықты қызықты ететін нәрсе - оның мұзды қабықшасының астында ғалымдар жер асты мұхиты бар екеніне сенімді».

Жыл Артемида II деп аталатын миссияда Айдың айналасында адамның ұшуымен аяқталады. Бірінші ұшу ұшқышсыз болды. Ол 2022 жылдың соңында өтті.

МАРСИА ДАНН ASSOCIATED PRESS ТІЛШІСІ:
«Үш американдық және бір канадалық төрт ғарышкер- бұл жолы Орион капсуласында Айды айналып ұшып, содан кейін оралады».

Одан кейін спутникке ұшу және оның бетіне қону жоспарлануда. Бұл 2025 жылы жүзеге асырылмақ.

https://www.youtube.com/embed/462Occpn34M?si=P9oCKPPpv6vo6jMM" 

Ақмола облыстық соты сот алқасының шешімімен «ГрадСтройСервис» серіктестігі лицензиясынан айырылды. Аталмыш серіктестік өз міндеттемелерін тиісті деңгейде орындамаған. Олқылық облыс әкімі Марат Ахметжановтың тапсырмасы бойынша өңірде әлеуметтік сала нысандарындағы күрделі жөндеу жұмыстарының барысына тексеру жүргізу кезінде анықталды.

Тексеріс жұмыстарын жүргізген мамандар жөндеу кестелерінің айтарлықтай артта қалғанын әшкерелеген. Сонымен қатар, мемлекеттік стандарттар мен бекітілген жобадан ауытқулар анықталды. Нәтижесінде, мамандандырылған ауданаралық экономикалық соты «ГрадСтройСервис» серіктестігін мемлекеттік сатып алудың жосықсыз қатысушысы деп танып, лицензиясынан айырды.

ЕЛДОС РАМАЗАНОВ АҚМОЛА ОБЛЫСЫ ӘКІМІНІҢ БІРІНШІ ОРЫНБАСАРЫ «Бүгінгі таңда, тексеру нәтижелері бойынша 12 мердігер әкімшілік жауапкершілікке тартылып, 3 мердігерге шартты бұзу, өсімпұл өндіріп алу және жосықсыз өнім беруші деп тану туралы талап арыздар берілді. Ақмола облыстық соты сот алқасының шешімімен «ГрадСтройСервис» серіктестігі лицензиясынан айырылды. Жұмыс уақытын және сапасын тексеру жұмыстары тұрақты түрде жүргізіліп, ерекше бақылауда болады».

«ГрадСтройСервис» серіктестігіне салынған айыппұл мөлшері 4 миллион теңгеден асады. Бұл ұйым облыс аумағында білім және денсаулық сақтау нысандарында жөндеу жұмыстарын жүргізуге 28 келісім-шарт жасаған. Барлық жұмыстың жалпы құны 12 миллиард теңгеден астам. Жұмыс сапасын тексеру барысында мамандар айтарлықтай заң бұзушылықтардың бетін ашқан.

АИНА УӘЛИЕВА АҚМОЛА ОБЛЫСТЫҚ МЕМЛЕКЕТТІК СӘУЛЕТ-ҚҰРЫЛЫС БАҚЫЛАУ БАСҚАРМАСЫНЫҢ БӨЛІМ БАСШЫСЫ: «Осы мердігер бойынша Біржан сал ауданы Степняк қаласының бірінші жалпы білім беретін мектебінде, Целиноград ауданы Нұресіл ауылының нөмірі 48-ші мектебінде, Есіл қаласының Сайлау Серіков атындағы жалпы білім беретін мектебінде мемлекеттік сәулет-құрылыс бақылау басқармасы тексеру жүргізу кезінде жұмыстарды орындау мерзімдері бойынга бұзушылықтар анықталды. Жұмыстарды жүргізу кестесінен 2 айдан астам артта қалу, орындаушылық құжаттаманы жүргізу бойынша бұзушылықтар, сондай-ақ, бекітілген жобалардан және қолданыстағы құрылыс нормативтерінен айтарлықтай ауытқулар болды».

Жөндеу жұмыстары сапасыз жүргізіліп, кестеден кешіктірілген нысандардың арасында Біржан сал ауданының орталығы Степняк қаласындағы бірінші мектеп те бар.

ВАЛЕРИЙ ГАМАЗОВ АҚМОЛА ОБЛЫСТЫҚ БІЛІМ БАСҚАРМАСЫ БАСШЫСЫНЫҢ ОРЫНБАСАРЫ «Білім беру ұйымдары, қалалық, аудандық білім бөлімдері заңға сәйкес аталмыш мердігер мекемеге наразылықтарын білдірді. Бүгінгі таңда сотқа 12 иск беріліп, бесеуі бойынша шешім шығарылды. Серіктестіктен 5 миллион 374 мың теңге тұрақсыздық айыппұлы алынды».

Жалпы, қыркүйек айынан бастап облыс әкімінің тапсырмасына сай әлеуметтік маңызы бар 12 нысанға тексеру жүргізілген. Нәтижесінде, 12 мердігер мен 1 техникалық қадағалаушы әкімшілік жауапкершілікке тартылса, 3 мердігер жосықсыз өнім беруші деп танылған. Салынған айыппұлдардың сомасы 9 миллион теңгеден асады.

https://www.youtube.com/embed/Grij-3Fz1uw?si=uTCKUGCBhE5w1oQz" 

Қызылорда қалаға қарасты Талсуат ауылдық округінде орналасқан облыстық білім басқармасына қарасты оңалту орталығында ерекше бүлдіршіндерге арналған жаңа жылдық мереке өтті. Мерекелік шарада балалар өздерінің өнерлерін көрсетіп, тәтті сыйлықтарға ие болды. Баладан артық жаңа жылды ешкім күтпес. Себебі, бұл мереке олар үшін тәттіге кенелетін үлкен той. Бүгінде бүлдіршіндер мерекелік шарада шыршаны айнала ән шырқап, көтеріңкі көңіл күйде мерекенің көркін кіргізді. Орталықтың қызметкерлері де бүлдіршіндер үшін мултьфильм кейіпкерлері болып сәнді киініп, түрлі ойындар ұйымдастырып, бүлдіршіндерді қуантты. Сонымен қатар, жаңа жылдың басты кейіпкерлері аяз ата мен ақшақарда ортада болып, балалардың асыға күткен тәттілерін үлестіріп берді.

ЖАННА ИБРАЙМОВА ҚЫЗЫЛОРДА ОБЛЫСТЫҚ БАЛАЛАРДЫ ОҢАЛТУ ОРТАЛЫҒЫНЫҢ ДИРЕКТОРЫ

САРА ЖАНИБЕКОВА ҚЫЗЫЛОРДА ОБЛЫСТЫҚ БАЛАЛАРДЫ ОҢАЛТУ ОРТАЛЫҒЫНЫҢ ҰЙЫМДАСТЫРУШЫСЫ

https://www.youtube.com/embed/Sch-1N4txfM?si=tpJEy7ucfUM8rvqh" 

Жыл үздігі – 2023! Осындай тақырыппен Алматы облысы Райымбек ауданында өңірдің дамуына өз үлесін қосқан әр сала үздіктері марапатталды. Салтанатты шара жайлы толығырақ тарқатсақ.

Аудан өз алдына отау тігіп қайтадан бөлінген бес жылдан бері атқарылған ауқымды жұмыстар жетерлік. Бұл жайында арнайы фильм түсіріліп жиылған көпшіліктің назарына ұсынылды. Аудан әкімі болса өңірдің күн санап қарқындап жатқан әлеуеті жайлы,келер жылғы ауданда аталып өтетін жоспарлары жайлы айта кетті.

БЕРІК ДҮЙСЕБАЕВ АЛМАТЫ ОБЛЫСЫ РАЙЫМБЕК АУДАНЫНЫҢ ӘКІМІ

Салтанатты шарада бес азамат ауданның құрметті азаматы атағын алды. "Туған жер патриоты" аталымымен бір топ үздік кәсіпкерде сый құрметке бөленді.

ОСПАН ИМАНБАЕВ АЛМАТЫ ОБЛЫСЫ РАЙЫМБЕК АУДАНЫНЫҢ ҚҰРМЕТТІ АЗАМАТЫ «Осы ауданда туып өстік. Жастайымыздан еңбекке араласып, қолдан келгенше әр салад үлесімізді қостық. Енді бүгін міне ауданның құрметті азаматын беріп жатыр. Дән ризамыз. Жаңа жыл жақсылығымен укелсін. Ауданымыз өсіп өркендей берсін»

ЛӘЗЗАТ БОТАБЕКОВА КӘСІПКЕР «Мен бүгін жаңа жылдың қарсаңында осындай марапатқа ие болып отырмын. Ризамын. Біз өзіміз тараптан биыл Райымбек ауданындағы аз қамтылған отбасыларға 200 тонна, Кеген ауданына 100 тонна көмір босаттық. Сонымен қатар білмге құштар екі студенттің шәкірт ақысын төлеп алматы политехникалық университетінде оқытып жатырмыз. Алда тағы ел сенімін ақтауға барымызды саламыз».

Жалпы саны 20 ға жуық жыл үздігі марапатталды. Арасында дәрігер мен ұстаз, мемлекеттік қызметкер мен ауыл әкімі, құрлысшы мен мәдениет саласының қызметкері сондай ақ ауылшаруашылығы маманы, тіпті атбегіге дейін бар. Мерекелік шараның соңы аудан өнерпаздарының концертіне ұласты.

https://www.youtube.com/embed/ZGH6L_OR9iQ?si=tW7HHfH5Mk3xw9Nu" 

«Ла тур д’аржан» немесе «күміс мұнара» ежелгі мейрамханасының терезелерінен нотр-дам соборының таңғажайып көрінісін тамашалауға болады. Мейрамхана жақында күрделі жөндеуден өтіп,келушілерді қабылдай бастады.

Мекеменің 400 жылдық тарихы бар. Мұнда Мэрилин Монро, Бриджит Бардо, Анджелина Джоли және басқа да көптеген кино жұлдыздары, сондай-ақ саясаткерлер мен бизнесмендер болған. Жақында мейрамхана бір жарым жылға созылған ауқымды жөндеуден кейін ашылды. Асхана жаңартылды, ашық ас үй пайда болды, қызметкерлердің жартысы өзгерді. Жөндеу жұмыстарына қанша қаржы жұмсалғаны белгісіз, бірақ тауар айналымы қазірдің өзінде бір жарым есеге артқан.

СТЕФАН ТРАПЬЕР МЕЙРАМХАНА МЕНЕДЖЕРІ:
«Шындығында бәрі өзгерді.Энергия жаңа,отбасылық жайлылықтың ерекше атмосферасы, өйткені мұнда өз үйіміздегідей сезімде боласыз».

Ас мәзірі арнайы рецепт бойынша дайындалған тығыздалған үйрек. Мейрамхана әр құсты санап, тұтынушыларға жеген құстың нөмірі жазылған сертификат береді. 1890 жылдан бері мұнда дайындалып келеді.

Ал,мына ерекше тағам «жұмбақ жұмыртқа» деп аталады.

ЯННИК ФРЭНК АСПАЗ:
«Жұмыртқаның ағын пісіру керек, бірақ сарысын емес. Клиенттер сырын білмей қатты таң қалады. Олар көбіне сарысын шикі қалдырып, ағын қалай пісірдім деп сұрайды. Өкінішке орай, айта алмаймын. Құпия».

Мейрамхана сонымен қатар 320 000 бөтелке орналасқан шарап жертөлесімен танымал. Шарап тізімі - салмағы сегіз килограмм болатын кітап. Онда 14 000 француз шараптарының атаулары бар. Жертөле үнемі күзетіліп тұрады.

Andre Terrai мейрамхананың иесі. Оның ата-бабалары өткен ғасырдың басында Күміс мұнараны сатып алған. Мейрамхана енді тұтынушыларды келесі жылдың 26 ​​шілдесіне брондауды күтуде. Бұл күні Париждің қақ ортасында жазғы Олимпиада ойындарының ашылу салтанаты өтеді. Бұл уақытқа дейін Нотр-Дам соборының жөндеу жұмыстары аяқталуы тиіс.

АНДРЕ ТЕРРЕЙ МЕЙРАМХАНА ИЕСІ:
«Бізде Олимпиада ойындарының ашылу салтанатына арналған алдыңғы қатардағы орындар бар. Бұл үлкен мәртебе. Барлығы дәл осы жерден басталады».

Мейрамханадағы түскі ас 440 еуроға дейін тұрады. Жаңа жылдық дастархан шараптарды есептемегенде бір адамға 780 еуроны құрайды. 170 шаршы метрді құрайтын зал бір уақытта 50 клиентке қызмет көрсете алады.

Сондай-ақ мейрамхана аумағында ашық террассалар бар, сонымен қатар жеке саунасы бар пәтерлер бар. Мекеменің тарихы 16 ғасырдың аяғында басталды деп есептеледі. Ол кезде бұл жерде ет өнімдерін шығаратын өндірісорны болған.

https://www.youtube.com/embed/MomffXU8mJI?si=BkDFrHOtol8aDVsg"

https://www.youtube.com/embed/7-QFhQfojk4?si=dIDQalF_pEvlDkBA" 

ҰҚК қызметкерлері семейлік тұрғыннан Сақ дәуіріне жататын зергерлік бұйымдарды тәркіледі, - деп хабарлайдыTengrinews.kzтілшісі ҰҚК баспасөз қызметіне сілтеме жасап.ҰҚК Абай облысы бойынша департаменті прокуратура органдарының үйлестіруімен тарихи құндылыққа жататын бағалы бұйымдардың заңсыз айналымына қатысы бар деген күдікпен Семей тұрғынын ұстады."Тінту барысында аң стилінде жасалған Сақ дәуіріне жататын жалпы салмағы 79 грамм 4 алтын әшекей тәркіленді.Қылмыстық кодекстің 193-бабы 2-бөлігі бойынша соталды тергеп-тексеру жүргізіліп жатыр, бірқатар сараптамалар тағайындалды", - делінген хабарламада.

Қылмыстық-процестік кодекстің 201-бабы 1-бөлігіне сәйкес өзге ақпараттар жарияланбайды.

https://www.youtube.com/embed/hakJdLvngpY?si=8p6_HdaWuWrxf8Kd" 

Алматыдағы автобус апаты – мегополистерде шешілмей келе жатқан ірі проблемалардың бетін ашты. Бүгін Сенат депутаты қоғамдық көліктегі қауіпсіздік, аялдаманың жоқтығы, бар болса да әбден тозығы жеткендігін айтып, парламент мінберінде көтерді. Сенат отырысынан толығырақ алдағы материалда тілшіміз баяндайды.

Бұл Сенаттың биылғы 2023 жылдағы соңғы отырысы. Депутаттар белсенді. Мектептердің жетіспеушілігі мен ірі қалалардағы кептеліс, жеке меншік сапасыз білім орталықтарының көптігін сынап, қоғам үшін өзекті мәселелерді ортаға салды. Сенатор Бибігүл Жексенбай күні кеше орын алған Алматыдаға автобус апаты жайлы айтты. Енді мұндай қайғылы жайт қайталанбас үшін ірі қалаларда «ақылы бағдаршам» жүйесі енгізілу керек дейді. Сондай-ақ, транзиттік ағынды көлік ағынынан ажырату үшін жеке жол салыну керек деген де ұсыныс айтты.

БИБІГҮЛ ЖЕКСЕНБАЙ ҚР ПАРЛАМЕНТІ СЕНАТЫНЫҢ ДЕПУТАТЫ:

«Өткен аптада Алматы қаласында үш адам өмірін қиған жол-көлік оқиғасы еліміздің мегаполистеріндегі шешілмей келе жатқан бірқатар өткір мәселені көрсетті. Қоғамдық көліктерде қауіпсіздік мәселесі қарастырылмаған, аялдамалардың көбісі көлік жолына тым жақын орналасқан. Мамандардың есебіне қарағанда кез-келген елде кептелістен зардап шегетіндер – көлік жүргізушілері. Олар жылына жол кептелістеріне 360 сағат немесе 45 жұмыс күніне дейін құртады екен. Онымен қоса, кептелісте жиі, әрі ұзақ тұру жанармай шығыны ғана емес, бөлінетін улы газдан өкпе ауруларының туындауына әкеліп соғады. Қазақстандық автокөліктердің 82,1 пайызы бензинмен жүреді. Сондықтан мегаполистердегі қазіргі жол кептелістері қатардағы жергілікті мәселелер деңгейінен шығып кетті».

Ал, Сенат төрағасы Мәулен Әшімбаев болса, дайындықсыз келетін үкімет мүшелерін сынады.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ:

«Қайрат Бекежанұлы дайындалып келу керек. Сенатор салыққа ғана емес, дивидендтерге де қатысты сұрақ қойды. Сондықтан алдағы уақытта осындай кездесулерге дайындалып келіңіздер. Бұған дейін сұрақ қойған Алишер Сатвалдиевтің сауалына да жазбаша жауап беремін дедіңіз. Енді осы мәселенің де өз министрлігіңізге еш қатысы жоқ екенін айтып отырсыз. Сіз бүгінгі отырысқа Үкіметтен бас спикер ретінде шақырылдыңыз. Сондықтан әріптестеріңізбен мәселелерді алдын-ала талқылап, цифрларды талдап, тыңғылықты дайындалып келуіңіз керек еді».

29 желтоқсаннан бастап сенаторлар халықты алаңдатқан мәселелерді тыңдау үшін өңірлерге аттанады.

https://www.youtube.com/embed/FPJCxRgfw70?si=J8rVxYgsTu-NmsF8" 

Маңғыстауда «Қарақия-Қаракөл» қаумалынан 30-дан астам аққудың өлексесі табылды. Инспекторлар өлі құстарды көлдің аумағын тексеру барысында анықтаған. Қырылған құстардың 80 пайызы аққудың балапандары. Жергілікті ветеринарлық станция мен Алматы қаласынан келген арнайы мамандар өлекселерден сынамалар алған. Бірақ, зерттеу нәтижесі әлі шыққан жоқ. Алдын-ала болжам бойынша аққулар жуырда болған қатты аяз бен желге шыдамаған. Себебі, боранды күндері көлдің жағалауына мұз қатып, құстар қорексіз қалған болуы ықтимал. Қазір Қаракөлде 5-6 мыңға жуық аққу қыстап жатыр.

ҒАББАС ДОСАТОВ ОРМАН ШАРУАШЫЛЫҒЫ ЖӘНЕ ЖАНУАРЛАР ДҮНИЕСІ АУМАҚТЫҚ ИНСПЕКЦИЯСЫНЫҢ БАСШЫСЫ « Кеше анау мамандар құсты жарып, кесіп  қараған кезде аққу балапандары әлі май жинап үлгермеген. Осы кезде олар май жинап, қысқа дайындалып келу керек. Сондықтан инспекцияның болжамы бойынша, өте кешегі қатал табиғаттың несіне шыдамай, қоректерін таба алмай, соның ішінде әлсіздері өйстіп өлген болуы мүмкін » .

https://www.youtube.com/embed/fYLXaQIsnag?si=04TP6Qw_AsJwj4FD"

Көкшетаулық баскетбол жаттықтырушысы Виктория Волкова жылдың үздік балалар жаттықтырушысы атанды. 2023 жылды қорытындылаған туризм және спорт Министрлігінің шешіміне сай, жерлесіміз осы атаққа лайық деп танылып, Астанада өткен салтанатты рәсімде марапатталды. Жас та болса, бас болып жүрген тәлімгер туралы алдағы материалда.

Виктория Волкованың балалардың баскетболға деген қызығушылығын оятып, салауатты өмір салтын насихаттап жүргеніне 15 жыл. Осы уақытта оның қарамағындағы командалар бірнеше рет Қазақстан чемпионы атанған. Жиырмадан астам ойыншы ел құрамасының мүшесі болды. Жеті баскетболшы спорт шебері атанса, тағы жиырмадан астам бұрымды спорт шеберлігіне үміткер. Балалар мен жасөспірімдер спортының дамуына қосқан үлесі үшін туризм және спорт Министрлігі оны үздік деп таныды.

ВИКТОРИЯ ВОЛКОВА ЖЫЛДЫҢ ҮЗДІК БАЛАЛАР ЖАТТЫҚТЫРУШЫСЫ "Мұндай марапат алу өте керемет. Жерлестеріміз де, шет елдік жаттықтырушылар да құттықтап, жылы лебіздерін білдіріп жатыр. Бұл ұзақ жылғы қажырлы еңбектің және осы спорт түріне деген махаббаттың жемісі деп білемін. Оқушылардан оң нәтиже көрмесем жібермеймін. Әр топ екі сағат спортпен айналысады. Уақыттың қалай өтіп кеткенін де байқамаймын. Еңбегіміз еленіп жатқаны, әрине мені қуантады".

Баскетбол жоғары жылдамдықты спорт түріне жатады. Ойыншыға шыдамдылық, секіру, ептілік және реакция жылдамдығы қажет. Ойынның қыр-сырын алдына келген әр оқушыға кеңінен түсіндіретін Виктория әрқайсынан нағыз спортшыны шығаруды көздейді. Жаттықтырушысына еліктеп, биік белестерді бағындырғысы келетіндердің бірі – Анастасия.

АНАСТАСИЯ БРАТКО "Мен баскетболға үш жыл бойы барып жүрмін. Осы уақытта біздің команда бірнеше жарыстарға қатысып, жеңімпаз болып шыққан. Менің өзімде үздік ойыншы деген бірнеше грамота бар. Мен баскетбол ойнауды жақсы көремін және менің бойым оған сәйкес келеді".

Балаларын Виктория Волковаға берген ата-аналар да дән риза. Осындай тәлімгерден білім алып жүрген қыздарымыздың мықты спортшы болатындарына сенеміз,-дейді олар.

ӘЙГЕРІМ ТАСЕНОВА КӨКШЕТАУ ҚАЛАСЫНЫҢ ТҰРҒЫНЫ "Виктория Олеговна кәсіби маман, мықты жаттықтырушы. Балалардың спортқа деген қызығушылығын оята біледі. Ерте тұрып, таңғы сегізде залда болу кез келген баланың қолынан келмейді. Ал, қыздар спортты жақсы көреді. Бұл жаттықтырушының арқасы деп ойлаймын. Балаларымыз жиі жарыстарға қатысады. Менің қызым жақында өз қатарластарының арасында үздік ойыншы атанды".

Виктория Олеговнаның алға қойған жоспары айқын, мақсаты анық. Жаттықтырушы келер жылы оқушыларын көптеген республикалық олимпиадаларға қатыстырып, облыс чемпионатын өткізуді жоспарлап отыр.

https://www.youtube.com/embed/SwXFfo3jrsY?si=wZb8YfVm_s-aGwls" 

С. Мұқанов атындағы облыстық кітапханада саяси қуғын-сүргін құрбандары туралы фильмнің тұсаукесері өтті. «Халық жауының ұрпағы» деп аталатын туынды облыстың құрметті азаматы – Болат Сағындықовтың бастамасымен қолға алынды. 2 айға созылған түсірілім жұмыстарын «AMANAT» партиясы жүргізді.

Қазақ жеріндегі саяси куғын-сүргін 1928 жылы зиялы қауым өкілдерін тұтқындаудан басталған болатын. Қазақстанда ғана 103 мыңнан астам адам қуғын-сүргінге ұшырап, 25 мыңнан астамы ату жазасына кесілді. Қудалауға ұшырағандардың қатарында Болат Сағындықовтың әкесі де бар. Сол жылдары Болат Мағазұлы небәрі бір жаста болған. Кейін азамат еліміз тәуелсіздік алғаннан кейін репрессия кезінде қаза болғандарға арнап мемориал тұрғызды. Тек 2012 жылы КСРО ішкі істер халық комиссариаты түрмесі орналасқан жерде ескерткіш ашады. «Память» қоғамдық қорын құрды. Бұл іске ғұмырының 20 жылын арнаған.

БОЛАТ САҒЫНДЫҚОВ СҚО ҚҰРМЕТТІ АЗАМАТЫ: "Бұл фильмнің мәні бүгінгі ұрпаққа, келесі ұрпаққа үлкен ескерткіш. Біздің халқымыздың басынан өткен қасірет ешқашан ұмытылмауы тиіс. Соны мына фильмге жазып шығару үлкен жетістік деп есептеймін".

Фильмнің тұсаукесеріне саяси қуғын-сүргін құрбандарының ұрпақтары, профессор, өңірдің зиялы қауым өкілдері, «AMANAT» партиясы қатысып отыр. «Асыл мұра» орталығының жетекшісі Ахметжан Кәрімұлының айтуынша «Кешегі тарихымыз, ертеңгі болашақтың негізі. Әлі зерттелмеген, көпке мәлім емес жағдай жетерлік. Сондықтан іске қарқын беріп, барынша тез әрекет ету керек».

АХМЕТЖАН ҚУАНТАЕВ «АСЫЛ МҰРА» ОРТАЛЫҒЫНЫҢ ЖЕТЕКШІСІ: "Бастаған істі аяғына дейін жеткізу керек. көп нәрселер істелді. Бірақ айтылмаған нәрселер де аз емес, депутаттар да көтеріп жатыр. Соның бәрін ашық айтатын күнге жетеміз деп ойлаймын".

Фильмнің жарық көруіне елеулі үлес қосқандардың бірі журналист – Роза Шәкенова. Айтуынша «AMANAT» партиясының атқарушы хатшысына жолығып, қолдау тапқан. Туындыны түсіруге мәжіліс депутаты – Еркебұлан Мәмбетов қаржылай көмек көрсеткен. Сондай-ақ, қаламақысыз қол ұшын созғандар қатары баршылық. Түсірілім тобы Қарағандының Долинка кентіндегі музейінде, Алматы қаласының архивінде болған.

РОЗА ШӘКЕНОВА «AMANAT» ПАРТИЯСЫ СҚОФ КОНСУЛЬТАНТЫ: "Тас түскен жеріне ауыр дейді ғой. Негізгі салмақ маған түсті. Иә ол рас. Дегенмен біз жұмыс тобын құрдық. Оған тарихшыларды, ғалымдарды, университет оқытушыларын енгіздік. Және жергілікті атқарушы органдарының басшылары".

Түсірілім тобы саяси қуғын-сүргін құрбандарынан бөлек, қолдан жасалған ашаршылық, тұтас халықтың депортацияланғаны, сондай-ақ, бай феодалдардың мал-мүлкінің тәркіленгені жайлы ақпарат жинаған. Дегенмен бәрін 40 минуттық фильмге сыйғызу мүмкін болмады дейді. Болашақта қаржыландыру жағы қарастырылса, тағы бірнеше фильм жарық көрмек.