Алматыда мұғалімдердің заманауи сабақ жоспарлаудағы кәсіби құзіреттілігін арттыру мақсатында қалалық семинар өтті. Онкүндік шара орыс тілі мен әдебиеті пәні мұғалімдеріне арналған, деп хабарлайды Алатау телеарнасы. 

2026 жылы қаңтар айының 22-де Алматы қаласы, Наурызбай ауданы, "№207 мектеп-лицей" КММ-де "Магия слова - магия нейросетей" тақырыбында қалалық семинар өтті. Филология пәндер бірлестігінің онкүндігі аясында ұйымдастырылған шараға орыс тілі мен әдебиеті пәні мұғалімдері қатысты.

№207 мектеп-лицейінің директоры Елеманова Алия Сейдекәрімқызының басшылығымен өткізілген семинардың мақсаты - мұғалімдердің заманауи сабақ жоспарлаудағы кәсіби құзіреттілігін арттыру. Сонымен қатар, тиімді әдіс-тәсілдер мен жаңа технологияларды тәжірибеде қолдану жолдарын көрсету. 

Семинарға қалалық білім берудегі жаңа технологиялардың ғылыми-әдістемелік орталығының орыс тілі мен әдебиеті пәнінің әдіскері - Джаманбаланова Гульшат Абдрашитовна, Әл-Фараби атындағы ҚазҰУ-дың қауымдастырылған профессоры, филология ғылымдарының кандидаты, орыс филологиясы және әлем әдебиеті кафедрасының доценті - Сансызбаева Сандуғаш Кадралиевна, Алматы қаласы білім беру ұйымдарының орыс тілі мен әдебиеті пәні мұғалімдері қатысты.

Семинар барысында ашық сабақтар өткізіліп, заманауи әдіс-тәсілдер көрсетілді. Әрі бұл шара педагогтерге өзара тәжірибе алмасуға, кәсіби дамуға және тың идеялармен бөлісуге үлкен мүмкіндік берді.

Барлық қатысушыларға алғыс білдіреміз!

https://www.youtube.com/embed/vBVfxGQaO-s?si=KkPoXvWMhkGfil6u" 

https://www.youtube.com/embed/T3kUBNQXf3g?si=pjVt7WLH4ZQ2SlaN" 

https://www.youtube.com/embed/a9Qu_4WyLSA?si=_YF5T13HeYo0GM4i" 

https://www.youtube.com/embed/JCsPYm28cPU?si=d3aSCm7rlXuuPDF9" 

https://www.youtube.com/embed/p8gwLs47VVk?si=Z5Z2QVYmUoKz1l8m" 

Алматы қаласы, Наурызбай ауданында бастауыш сыныптарда педагог-ассистент жобасын енгізуге арналған қалалық семинар өтті. Шараның негізгі мақсаты жастардың сапалы білім,саналы тәрбие алу тетіктерін жаңғырту.

Семинар Қалалық білім берудегі жаңа технологиялардың ғылыми-әдістемелік орталығының 2025–2026 оқу жылына арналған «Алматы қаласы орта білім беру ұйымдарында шетелдік тағылымдама» жобасы аясында өткізілді. Негізгі мақсат – бастауыш сыныптарда педагог-ассистент жобасын іске асыру тәжірибесімен таныстыру және оның білім беру үдерісіндегі маңызын түсіндіру.

Семинар барысында қатысушылар Ұлыбританияның білім беру жүйесіндегі тәжірибелермен танысып, педагог-ассистент қызметінің тиімділігі мен өзектілігіне тоқталды. Мамандардың айтуынша, педагог-ассистент – мұғалімді алмастыратын тұлға емес, керісінше оқу-тәрбие процесінде мұғалімге кәсіби қолдау көрсетіп, оқушыларға психологиялық-педагогикалық және оқу-әдістемелік көмек беретін маңызды маман.

Іс-шара соңында мектеп-лицейдің педагог-психологтары «Көңілді кездесу – кәсіби серпін» тақырыбында ойын-жаттығу өткізді. Онда педагог-ассистент пен мұғалімнің бірлесе әрекет етуінің маңыздылығы, командалық жұмыс пен өзара сенімді дамыту мәселелері қамтылды.Мұндай басқосулар педагог-ассистент қызметінің мазмұны мен маңызын жан-жақты талқылауға, тәжірибе алмасуға және кәсіби байланыстарды нығайтуға зор мүмкіндік бермек.

https://www.youtube.com/embed/RVOLOVgIkkM?si=N23eIyTKDxrXCu5m" 

Әл-Фараби атындағы Қазақ ұлттық университетінің құрылған күніне орай ұйымдастырылған кампус тур университеттің бүгінгі келбетін, даму бағыты мен перспективаларын, сондай-ақ, стратегиялық басымдықтарын айқын көрсететін мазмұнды іс-шара болды. Филология факультеті ұжымы кампус тур барысында Farabi HUB инновациялық орталығы, Коммерцияландыру және креативті индустрия орталығы, Дәрілік өсімдіктерді ғылыми-зерттеу орталығының экспозициясы, Жерді қашықтықтан зондтау орталығы, ҚазҰУ Суперкомпьютер орталығының қызметімен танысты.

Бұл орталықтар университеттің ғылыми-инновациялық жүйесінің ажырамас бөлігі ретінде заманауи талаптарға сай құрылған. Атап айтқанда, ғылыми әзірлемелерді өндіріс пен нарыққа бағыттауға негізделген коммерцияландыру тетіктері, креативті индустрияны дамытуға арналған инфрақұрылым, дәрілік өсімдіктерді кешенді зерттеуге мүмкіндік беретін ғылыми база және ауқымды есептеулерді жүзеге асыратын Суперкомпьютер орталығы ҚазҰУ-дың технологиялық әлеуетінің жоғары деңгейде екенін дәлелдейді.

Аталмыш орталықтар ғылым мен білімді, инновация мен тәжірибені ұштастыра отырып, ұлттық және халықаралық деңгейде бәсекеге қабілетті жобаларды іске асыруға жол ашатыны сөзсіз.

Сонымен қатар, университеттің жас ғалымдарға ерекше көңіл бөліп, олардың ғылыми зерттеулер жүргізуіне, стартаптар мен қолданбалы жобаларды дамытуына жан-жақты жағдай жасауы ҚазҰУ-дың ұзақ мерзімді дамуға бағытталған ұстанымын айқындай түседі.

Осы тұрғыдан алғанда, кампус тур университеттің тек мерейтойлық іс-шарасы ғана емес, оның ғылымға, инновацияға және жас зерттеушілерге деген нақты қолдауының айқын көрінісіне айналды.

Әл-Фараби атындағы ҚазҰУ, Филология факультеті деканының орынбасарлары Ш.Шортанбай, Ж. Саткенова

https://www.youtube.com/embed/g_1SQsNIqzo?si=_HWenKjiWfljlQLs" 

https://www.youtube.com/embed/dwy6YaYkwq4?si=JGhvevluQlYueoYt" 

https://www.youtube.com/embed/6fHlosPmwFw?si=479yu1qLkSv3qycA"

Тіл – ұлттың жаны, халықтың ғасырлар бойғы рухани қазынасын сақтап, келер ұрпаққа жеткізетін киелі мұра. Ал тіл білімі – сол асыл қазынаның табиғатын терең танып, оның заңдылықтарын зерделейтін, адамзат өркениетінің дамуына бағыт-бағдар беретін маңызды ғылым саласы.

Ол тек қарым-қатынас құралы ретінде ғана емес, қоғамның ойлау жүйесін, дүниетанымын, әлеуметтік және мәдени даму деңгейін айқындайтын маңызды феномен ретінде қарастырылады. Тіл арқылы ұлттың рухы, болмысы, тарихы мен тағдыры танылады. Сондықтан тіл білімінің дамуы – ғылымның өркендеуімен, ұлттық сананың жаңғыруымен тікелей сабақтас.

Филология факультеті 1937 жылы құрылған әл-Фараби атындағы Қазақ ұлттық университетінің көне факультеттерінің бірі. Ұлтымыздың рухани әлемінде өшпес із қалдырған М.Әуезов, Ә.Марғұлан және өзге де ұлы тұлғалар негізін қалаған бұл таным ордасы – тағылымы мол, тарихы терең, дәстүрі берік іргелі білім ошағы.

Бүгінде факультет құрамындағы кафедралар, ғылыми-зерттеу институттары мен зертханаларда отандық ғылымның дамуына сүбелі үлес қосып жүрген білікті ғалым-ұстаздар еңбек етуде. Олардың нәтижелі ізденістері мен жаңашыл бастамалары факультетті елге ғана емес, шетелге де танытып отыр.

Ғылыми-инновациялық бағыттағы белсенділік күн санап артып, халықаралық жобаларға қатысу кең қанат жаюда. Академиялық ұтқырлықты дамыту, бірлескен білім беру бағдарламаларын жүзеге асыру – факультеттің басты басымдықтарының бірі. Сонымен қатар ғылыми-зерттеу жобалары жүйелі түрде жүзеге асырылып, халықаралық ғылыми байланыстар нығая түсуде. ҚазҰУ-дың әлемнің жетекші ғылыми-зерттеу орталықтарымен орнатқан серіктестігі филология факультетінің әлеуетін арттырып, білім мен ғылымның жаңа көкжиегін ашуға жол салуда.

Қазіргі заман – жаңашылдықтың заманы. Ақпараттық технологиялар күн сайын дамып, жасанды интеллект, цифрлық платформалар мен автоматтандырылған жүйелер өміріміздің ажырамас бөлігіне айналуда. Дәл осындай қарқынды өзгерістер белең алып жатқан кезеңде, жаңа технологияларды қолдану, бір емес, бірнеше тілді меңгеру тек қана артықшылық емес, заман талабына айналып келе жатыр. Бұл бағыттар жеке тұлғаға жаңа мүмкіндіктер ашып, сонымен қатар оның кәсіби және тұлғалық дамуына әсер етеді.

Бағдарламалау, деректерді талдау, цифрлық дизайн, онлайн білім беру платформалары – мұның барлығы жеке тұлғаға әлеммен еркін байланыс орнатуға тамаша мүмкіндік. Ал тіл – адам мен әлем арасындағы алтын көпір. Бірнеше тілді меңгеру – әртүрлі мәдениеттерді тануға, өзге елдермен еркін қарым-қатынас орнатуға, халықаралық деңгейде білім алуға және жұмыс істеуге жол ашады. Тілді үйрену – ой-өрісті кеңейту, дүниетанымды байыту, жаңа ақпараттармен таныс болу.

Жаңа технологиялар мен тілді меңгеру – бірін-бірі толықтыратын қос күш. Технология арқылы адам білімге қол жеткізсе, тіл арқылы сол білімді үйрене алады. Сондықтан да қазіргі таңда бұл екі бағытта үздіксіз даму – табысты болашақтың кепілі. Елдің ертеңгі тірегі – білімді ұрпақ.

Әл-Фараби атындағы Қазақ ұлттық университеті, филология факультеті, орыс филологиясы және әлем әдебиеті кафедрасының оқытушысы Мырзабек Бибіхан

Әл-Фараби атындағы Қазақ ұлттық университеті, филология факультеті А. Байтұрсынұлы атындағы қазақ тіл білімі кафедрасының доцент м.а. Аккузова Айнур