https://www.youtube.com/embed/vuubEwBbQkk?si=7Cgc31WU4OtJXF8L" 

https://www.youtube.com/embed/XWOajlk-Dfs?si=_PERTQ4B-u0gxcig" 

2025 жылғы 8–18 қыркүйек аралығында ҚР Оқу-ағарту министрлігінің Арнайы және инклюзивті білім беруді дамыту ұлттық ғылыми-практикалық орталығында көру қабілеті зақымдалған балаларға арналған білім беру ұйымдарының тифлопедагогтері, педагогтері мен арнайы мектеп-интернат тәрбиешілеріне «Көру қабілеті зақымдалған балаларды оқыту мен әлеуметтендірудегі тифлопедагог жұмысының заманауи технологиялары мен әдістері» тақырыбында біліктілікті арттыру курсы өтті. Курсқа еліміздің әртүрлі аймақтарынан 25 маман қатысты.

Бағдарламаның басты ерекшелігі – көру қабілеті зақымдалған балаларға қолжетімді әрі бейімделген білім беру ортасын қалыптастыруға бағытталған инновациялық технологияларды, арнайы әдістемелер мен тиімді тәжірибелерді интеграциялау болды.

Курс барысында тыңдаушылар білім беру процесінде жеке тәсілдерді қолдануды, цифрлық және тифлотехникалық құралдарды тиімді пайдалануды, әлеуметтік және коммуникативтік дағдыларды дамыту жолдарын, сондай-ақ оқу материалдарын бейімдеу мен пәнаралық өзара әрекеттесу тәсілдерін меңгерді. Сонымен қатар, инклюзивті білім беру талаптарына сәйкес білім беру процесін үйлестіру, тыңдаушы педагогтерге әдістемелік қолдау көрсету, оқу жоспарының орындалуын бақылау, тәжірибе алмасу мен практикалық тапсырмаларды ұйымдастыру, сондай-ақ курс аяқталған соң педагогтерге консультациялық қолдау көрсету шаралары жүзеге асырылды.

"Педагогтың бәсекеге қабілеттілігі инклюзивті білім беру саласының дамуына айтарлықтай әсер етеді, себебі балалардың толыққанды оқуы мен дамуы олардың дайындық деңгейіне тікелей байланысты. Мамандар біліктілігін арттыру арқылы көру мүмкіндігі шектеулі балаларға өз құрдастарымен тең дәрежеде оқуға, дамуға және қоғамға бейімделуге мүмкіндік беретін қолжетімді әрі қолдаушы білім беру ортасын қалыптастыра алады", — деді Орталықтың әдіскері Алия Калдыбаева.

Курс соңында қатысушылар қорытынды тестілеуден өтіп, сертификаттарға ие болды.

https://www.youtube.com/embed/WHyrnmeefVo?si=9yuGiqeTxHqE608J" 

https://www.youtube.com/embed/f6MP6_tQo9I?si=rDbPbIQqgidnooof" 

https://www.youtube.com/embed/7eQ-wu8mF9E?si=a6gFRXmZ5HBVlDuz"

https://www.youtube.com/embed/SERLHQ8bK5E?si=-XVcZORUzLGEfhln" 

2025 жылғы 12 қыркүйекте Ғылым ордасында Алматы қаласындағы Түркия Республикасы Бас консулдығының ұйымдастыруымен Түрік тарих қоғамы өкілдерімен кездесу өтті.
Кездесудің басты мақсаты – Түрік тарих қоғамы шығарған ғылыми еңбектерді қазақстандық ғылыми ортаға кеңінен таныстыру және екіжақты академиялық ынтымақтастықты дамыту болды.
Іс-шараға Түрік тарих қоғамының төрағасы Юксел Өзген (Yüksel Özgen), Түркия Республикасының Алматы қаласындағы Бас консулдығының білім жөніндегі атташесі Айхан Коркмаз (Ayhan Korkmaz), «Ғылым ордасы» РМК бас директорының орынбасары Азамат Нұршанов, Түрік тарих қоғамының өкілдері және Орталық ғылыми кітапхананың қызметкерлері қатысты.
Кездесу барысында қонақтар Орталық ғылыми кітапхананың сирек кітаптар қорын аралап, қазақ ғылымының қара шаңырағы саналатын Ғылым ордасының тарихи мұрасы мен мәдени құндылықтарымен танысты. Сондай-ақ Юксел Өзген кітапхана қорына түркі халықтарының тарихы, мәдениеті мен өркениетіне қатысты құнды деректерді қамтитын 1000 ғылыми еңбекті сыйға тартты. Бұл басылымдар кітапхана қорын сапалы ғылыми әдебиеттермен толықтырып қана қоймай, Қазақстан мен Түркия арасындағы ғылыми-мәдени байланысты нығайтуға да елеулі үлес қосты.
«Бұл кітаптар – ғылыми қауымдастық үшін құнды қазына. Олар жас ғалымдар мен зерттеушілерге жаңа деректермен жұмыс істеуге ғана емес, түркі дүниесін жан-жақты зерттеп, өркениетіміздің бай мұрасын тереңірек тануға да кең мүмкіндік береді. Мұндай ынтымақтастық екі елдің ғылыми байланысын нығайтумен қатар, болашақ ұрпаққа ортақ рухани мұра қалдыруға қызмет етеді», – деді Азамат Нұршанов.
Аталған іс-шара Қазақстан мен Түркия арасындағы ғылым мен білім саласындағы ынтымақтастықты нығайтып, жас зерттеушілер мен ғалымдарға тәжірибе алмасуға, бірлескен жобаларды жүзеге асыруға және ғылыми қауымдастық арасындағы әріптестікті кеңейтуге ықпал етті.

https://www.youtube.com/embed/5bmUfjXcs5w?si=u02pg81EYhXfw1W9" 

https://www.youtube.com/embed/kdDhbSyvpf0?si=HEVU1_7tl7LNwmti" 

https://www.youtube.com/embed/1bJQgERykK8?si=4hi-BYzMRB71-ly2" 

Қазақстан Президенті Қасым-Жомарт Тоқаевтың "Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу" атты Жолдауы еліміздің білім беру жүйесіне, әсіресе жоғары оқу орындарына ерекше серпін берді. Бұл құжатта айтылған бастамалар студенттерді жаңа дәуір талаптарына бейімдеуге және университеттердің ғылыми-инновациялық әлеуетін арттыруға бағытталғаны айқын көрінеді.

Жаңа министрліктің құрылуы, "Цифрлық кодекстің" қабылдануы және Digital Qazaqstan тұжырымдамасының әзірленуі еліміздің цифрлық даму бағытына стратегиялық негіз қалап отыр. Мұндай бастамалар университеттердің ғылыми-зерттеу, кадр даярлау және тәжірибелік білім беру жүйесін түбегейлі жаңартуға жол ашады. Білім ордаларының цифрлық экожүйенің маңызды бөлігіне айналуы – заман талабы.

"Жасанды интеллектінің қарқынды дамуы қазірдің өзінде халықтың, әсіресе, жастардың мінез-құлқы мен болмыс-бітіміне әсер етіп жатыр. Басқаша болуы мүмкін емес. Себебі бұл үрдіс бүкіл әлемде қалыптасқан тәртіпті және адамдардың өмір сүру салтын біржола өзгертуде. Біз бұған дайын болып, батыл әрекет етуіміз керек. Әйтпесе артта қалудың салдары өте ауыр болады. Сондықтан мен алдымызға өте маңызды стратегиялық мақсат қойдым. Қазақстан үш жыл ішінде міндетті түрде жаппай цифрлық ел болуы керек. Біз жаппай цифрландыру және жасанды интеллект технологиясын барынша енгізу арқылы экономиканы жаңғыртуымыз қажет. Еліміз білім экономикасына көшіп жатыр. Сондықтан ғылым, білім және инновация саласын басқару тәсілдерін өзара байланыстыру өте маңызды", - деп ерекше атап өтті Мемлекет басшысы жолдауында.

Президент Жолдауында айтылғандай, жасанды интеллект пен цифрлық технологиялар – болашақтың өзегі. Университеттердің басты міндеті – осы салаларға бейімделген жаңа буын мамандарын даярлау. Студенттерге тек теориялық білім ғана емес, тәжірибелік зерттеулер жүргізуге, стартаптар құруға және инновациялық жобаларға қатысуға мүмкіндік берілуі керек.

Бүгінгі таңда университет – жай ғана білім беру орны емес, ол цифрлық дәуірдің көшбасшысы. Жасанды интеллект дәуірінде білім беру жүйесінің басты миссиясы – озық ойлы, цифрлық сауатты, бәсекеге қабілетті жастарды қалыптастыру. Бұл міндетті жүзеге асыру – әрбір ұстаздың, әрбір университеттің тарихи жауапкершілігі.

Әл-Фараби атындағы ҚазҰУ, ф.ғ.к., ассоц.профессор Саткенова Ж.Б.

Әл-Фараби атындағы ҚазҰУ, PhD доктор Аккузова А.А.