https://www.youtube.com/embed/8CzpaFQKjWw?si=j3c_-j-nsrX_WDc3" 

Бүгін Алматы қаласының Өңірлік коммуникациялар қызметінде Жатыр мойны обырының алдын алу бойынша баспасөз конференциясы өтті.Тақырыпқа байланысты талқыланған мәселелер жөнінде келесі бейне материалға назар аударсақ.

Соңғы жылдары әйелдер арасында қатерлі ісік дерті әлемде кең таралуда. Соның ішінде елімізде онкопатологияда жатыр мойны обыры сүт безі обырынан кейінгі екінші орында тұр. Жатыр мойны обыры не себепті пайда болады? Вакцина не үшін салынады? Аурудың алдын алуға оның қауқары жете ме? Осы және өзге де сұрақтарға мамандар жауап берді.

РАЙХАН БОЛАТБЕКОВА, АЛМАТЫ ҚАЛАСЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯ БӨЛІМІНІҢ МЕҢГЕРУШІСІ «2024 жылдың қыркүйек айында жасөспірім қыздарға 11-13 жас арасындағы жасөспірім қыздарға екпе салу АПВ қарсы екпе салу бағдарламасы басталды.Қазіргі таңда Алматы қаласында қыркүйек айынан осы қаңтар айына дейін 6000-нан астам жасөспірім 11-13 жас арасындағы қыздар осындай екпемен енгізілді».

Айта кетейік, бұл екпе түрі мектептерде және қалалық поликлиникада қолжетімді болып саналады. Тек қана 11-13 жас аралығындағы қыздарға. Қалған 13 жастан жоғары жастағы қыздарға немесе әйелдерге вакцина қолжетімді емес.Мамандардың айтуынша жыл сайын көрсеткіш өсіп келе жатыр. Әлемде 2020 жылы бұл аурудың 604 000 жаңа жағдайы тіркелсе, Республикада онкологиялық аурулар бойынша, жыл сайын 2000-нан астам жаңа жағдай тіркелген.

РАЙХАН БОЛАТБЕКОВА, АЛМАТЫ ҚАЛАСЫ ОНКОЛОГИЯЛЫҚ ОРТАЛЫҒЫНЫҢ ОНКОГИНЕКОЛОГИЯ БӨЛІМІНІҢ МЕҢГЕРУШІСІ «Жатыр мойнының қауіпті фактрі - АПВ болып саналады. Негізінде қазіргі таңда АПВ 200-ден астам түрі бар соның ішінде 14 түрі адамға қауіпті болып саналады.14 түрі адамда осындай  жатыр мойны қатерлі ісігі және басқа да қатерлі ісікті шақыра алады.Бұл ең маңызды жәнеде ең сол бір ғана қауіп фактрі болып саналады».

Айта кетейік, Ашық есік күні 18 қаңтарда сағат 9:00-ден 13:00-ге дейін Алматы Онкологиялық орталығында өтеді. Бұл күні әйелдер онкогинекологтардан кеңес алумен қатар, алдын-алу мүмкіндіктері туралы және жатыр мойны патологиясын ерте анықтау үшін тексеруден өте алады.

https://www.youtube.com/embed/SfDfUS6iR2s?si=DOoxF1PLpqEuqC-j" 

https://www.youtube.com/embed/6mnNHckYOkc?si=ZH-Dh-cff82j8fB7" 

Қазақстанда ағзаны трансплантациялау саласы дамудың алдында тұр. Бұл күрделі операциялар мыңдаған науқастардың өмірін сақтап қалуға мүмкіндік береді. Трансплантациялау операцияларының саны жылдан-жылға артып келеді, бірақ әлі де шешілмеген мәселелері көп. 

Әр жыл сайын қазақстандық трансплантологтар жүрек, өкпе, бауыр мен бүйрек трансплантациясы бойынша шамамен 200 ота жасайды. Бірақ бұл операцияларға қажеттілік одан да көп адамда бар. Нақтырақ айтқанда, елімізде 4 мыңнан астам адам трансплантацияға мұқтаж, оның ішінде 100-ден астамы Солтүстік Қазақстан облысының тұрғындары.

ӘДІЛХАН ҚАБДУОВ, ӨҢІРЛІК ТРАНСПЛАНТАЦИЯ ҮЙЛЕСТІРУШІСІ:  «Өкінішке орай, біздің елде тек мәйіттік донорлық дамып келе жатыр, бұл бағыт әлі толыққанды қалыптаспаған. Бүгінде көбінесе туыстық трансплантациялар жасалады. Осы процесстерді бақылап, этикалық нормалар мен ережелерді сақтайтын арнайы комиссия құрылып, реципиенттер арасындағы байланысты анықтайды. Мәйіттік донорлықтың дамуы әлі де баяу, себебі адамдар оның маңыздылығын толық түсінбейді. Өткен жылы Қазақстан бойынша бар болғаны 6 көпағзалы донорлық алым жасалды, бұл өте төмен көрсеткіш. Барлығы 29 ағза трансплантацияланып, олардың 3-і балаларға жасалған».

Еркен Жұматаевтың өмірі 2015 жылдан бастап түбегейлі өзгерді. Оның екі бүйрегі де жұмыс істемейді, сондықтан ағза трансплантациясы оның бірден-бір үміті болып отыр. Еркен апта сайын тұрақты түрде гемодиализ процедурасынан өтуге мәжбүр. Бұл ауыр әрі маңызды процедура оның өмірін сақтап қалу үшін қажет.

ЕРКІН ЖҰМАТАЕВ, ПЕТРОПАВЛ ҚАЛАСЫНЫҢ ТҰРҒЫНЫ:  «2018 жылы осы гемодиализ процедурасынакелдім. Әр апта сайын үш рет келу керек. Процедура 4 сағатқа созылады. Денедегі артық суды осы аппарат арқылы шығарады. Беларусь Республикасында бүйректрансплантациясы операциясы жасалады.Оның құны 63 мың доллар. Беларусь азаматтарына тегін, ал шетелазаматтарына ақылы түрде ұсынылады».

Айта кету керек, соңғы 10 жылда елде 2,5 мыңнан астам ағза трансплантациясы жасалған.

https://www.youtube.com/embed/6gjDSYD6Cek?si=gWgyU8-trW1mXWoF" 

Енді бұдан былай пара алғандар ғана емес, пара бергендер де қылмыстық жауапкершілікке тартылады. Қорқытып сыйақы алғандарға да енді жаза бар. Бүгін Мәжіліс сыбайлас жемқорлықтың алдын-алатын жаңа заң жобасын мақұлдады. Жаңа құжатқа енген толықтырулар мен өзгерістер жайлы алдағы бейне материалда.

Еліміз жең ұшынан жалғасқан жемқорлықты түбірімен жоймақ ниетте. Ол үшін заңды қатайтпақ. Пара бергендер де алғандар да, тіпті ұсыныс жасағандар да енді қатаң жазаға тартылады. Одан бөлек, жемқорлардың тізімі ашық түрде сыбайлас жемқорлыққа қарсы агенттіктің сайтында жарияланады. 

ҰЛАН САРҚҰЛОВ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ ТӨРАҒАСЫНЫҢ БІРІНШІ ОРЫНБАСАРЫ: «Зерттеулер азаматтардың халыққа қызмет көрсету орталықтарында, ауруханаларда, жоғары оқу орындарында, банктерде және орындарда заңсыз әрекеттерге, сыйақыларды қорқытып алуға тап болатынын көрсетеді. Қылмыстық кодекстің 247-бабы бойынша істі тиімді тергеп-тексеру үшін қылмыстық кодекстің 366-бабы («Пара алу») бойынша сотқа дейінгі тергеп-тексеруді жүргізу кезінде тартылатын жедел-іздестіру қызметінің барлық арсеналы қолданылуы тиіс. Басқаша оларды анықтау қиын, сондықтан халықта жазасыз қалу туралы пікір қалыптасады».

Пара алмақ түгілі тіпті пара беру туралы сөз қозғандардың өзі енді жазасыз қалмайды деп сендірген агенттік қызметкерлерінің сөзіне кей депутаттар күмәнмен қарайтын сыңайлы. Мәселен, депутат Бақытжан Базарбек, жерді заңсыз сатып жіберген әкімдердің жазадан құтылып кетіп жатқаны туралы мәселе көтерді. 

БАҚЫТЖАН БАЗАРБЕК ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Әрбір қабылдаған шешім үшін әкімдер не үшін қылмыстық жауапкершілікке тартылмайды? Бұл өте өзекті мәселе. Біз мысалы жер, құрылыс саласында "Жер аманаты" республикалық комиссиясының жұмысы нәтижесінде жер ресурсын басқару департаменттері қаншама тексеріс ашып жатыр. Қаншама заңсыз берілген жерлерді, заңсыз құрылыстарды анықтап жатырмыз. Оның нәтижесі бойынша сотқа шағым беріп жатырмыз. Бір жыл бойы соттастық. Жерді алған кәсіпкер адвокаттарды жалдайды, соттасады, ақырғы соттың заңды күшіне енген шешімі бойынша бұл жер заңсыз берілген анықталады. Ол жер әрине мемлекеттік меншікке қайтарылады. Бірақ сол шешімдерді қабылдаған бірде-бір әкімнің қылмыстық жауапкершікке тартылғанын көрген жоқпыз».

ҰЛАН САРҚҰЛОВ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ ТӨРАҒАСЫНЫҢ БІРІНШІ ОРЫНБАСАРЫ: «Жер мәселесі өте өзекті мәселе. Бұл мәселемен сіз де, біз де айналысамыз. Біз біріншіден дәлелден бастауымыз керек. Әкім болсын, басқасы болсын, әр адамға дәлел қажет. Өткен жылдары Алматыдағы тау жақтағы жерлерді қараған кезде заңбұзушылықтар шыққан. Біз артынан әкімшілікке де, орталық органдарға да ұсыныстар бердік. 60-тай құрылыс объектілері заңсыз салынған болатын. Қазір ғана оның 10-ы бұзылған. Басқалары бойынша мәселелер соттың қарауында. Қазіргі кезде Алматының бас архитекторы, жер мәселесін қарайтын басқарманың басшысы және бірнеше мамандар бойынша қылмыстық іс сотта қаралып жатыр. Сондықтан да әр адамға дәлел болуы қажет».

Ал, депутат Жұлдыз Сүлейменова болса, қазақстандық ұстаздардың жан-айқайын Парламант мінберінен көтеріп, мұғалімдердің мәселесін тез арада шешуді сұрады. 

ЖҰЛДЫЗ СҮЛЕЙМЕНОВА ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Мұғалімдердің айлық жалақысын төлеуде сыбайлас жемқорлыққа жол берген заңсыздықтарды, бухгалтердің заңсыз әрекеттерін ауыздықтау үшін бүгінгі таңда Сыбайлас жемқорлық агенттігі, Оқу-ағарту министрлігі, жергілікті әкімдіктер өте қарқынды жұмыс жүргізіп жатыр. Біз, әрине, қолдаймыз. Оны ауыздықтау қажет. Заңды да қолдаймыз».

Өзге депутаттар да бірауыздан жаңа құжатты қолдайтындықтарын айтуда. Бірақ, алдымен құқық қорғау органдары сыбайлас жемқорлықпен күресті өздерінен бастау керек деп депутат Еділ Жаңбыршин антикорға ұсыныс айтты. 

ЕДІЛ ЖАҢБЫРШИН ҚР ПАРЛАМЕНТІ МӘЖІЛІСІНІҢ ДЕПУТАТЫ: «Дұрыс заң. Айтылып жатқан дүниенің барлығы жемқорлықпен күреске бағытталған. Ең алдымен, жемқорлықпен жұмысты құқық қорғау органдары өздерінен бастауы керек деп ойлаймын. Ең бірінші өздеріңді тазалап алыңдар. Өздерің жұмыс істеңдер, параға итермелемеңдер. Сол кезде барлығы жақсы болады».

Депутаттар жаңа құжатта айтылған еуропалық стандартты енгізбес бұрын, алдымен қазақстандықтардың психологиясын жіті зерттеп алуға кеңес береді. Сонымен аталған заң жобасы бүгін мәжіліс тарапынан қолдау тапты. 

https://www.youtube.com/embed/sfWrgGWHcRs?si=3AXMTsK3mTL5WiCP" 

Жеріне қарай жемісі. Табиғаттың өзі мейірімін төгіп сыйға тартқан Сиверс алмасының тұқымын көбейту мақсатында  Іле-Алатауы Мемлекеттік Ұлттық Табиғи Паркінің орталық мекемесінде орналасқан «Алатаудың тылсым әлемі» атты визит орталығында "Таза Қазақстан" экологиялық табиғат қорғау акциясы өткізілді. Игілігі мол шара жайлы толығырақ тарқатсақ. 

Ұлттық парктің экологиялық- ағарту және туризм бөлімінің мамандары, орман инспекторлары өткізген іс шара  Алматы облысы Еңбекшіқазақ, Талғар аудандарының мектептерінде, Агробизнес және менеджмент колледжі, А.Жексенбеков, Д.Қонаев, А.Ломоносов, Қ.Орынбетов, Таутүрген негізгі орта мектебі, 187 МГ, Ю.Гагарин атындағы мектеп орманшылығының  оқушыларымен өтті. Болашақта жас буын өкілдері де табиғатымыздың өсіп өркендеуіне өз үлестерін қосса екен деген ниеттен туған.

САМАЛ ӘБІЛОВА  ІЛЕ-АЛАТАУЫ МҰТП ЭКОЛОГ АҒАРТУШЫСЫ

Сиреп бара жатқан сиверс алмасының тұқымын себуді ұлттық парк мамандарымен  біріге отырып жүзеге асырған жастар,қоршаған ортаны аялау басты мақсатымыз екенін жеткізді.

ЛҰҚПАН НӘЗІК   ТАЛҒАР АГРОБИЗНЕС ЖӘНЕ МЕНЕДЖМЕНТ КОЛЛЕДЖІНІҢ 3 КУРС СТУДЕНТІ
 
Жыл сайын  Іле-Алатауы МҰТП мен Алматы мемлекеттік табиғи қорығының бірлескен акциясы жүзеге асырылуда.Тұқым отырғызу акцияларында 10 000 мың дана тұқым себу жоспарлануда.

ЕРБОЛАТ НҰРАХМЕТОВ АЛМАТЫ МЕМЛЕКЕТТІК ТАБИҒИ ҚОРЫҒЫНЫҢ  ҒЫЛЫМИ ІСІ ЖӨНІНДЕГІ ДИРЕКТОРЫНЫҢ ОРЫНБАСАРЫ

Бір жылдығын ойлаған халық бидай егеді,жүз жылдығын ойлаған халық ағаш отырғызады деген халқымыз. Олай болса болашақ ұрпақ алдындағы абыройлы аманаттың бірі бүгінгі шара екені даусыз. 

https://www.youtube.com/embed/X2txNi7Ot9s?si=Qi-Ds6dzRr8TxQUq" 

https://www.youtube.com/embed/iwjJHh2sAM4?si=IE8hZhXgD3uaJsux" 

Маңғыстауда Қызылтөбе ауылының тұрғындары іргелеріндегі шаруашылықтың үстінен шағымдануда. Сасық иіс адам төзгісіз,қолқаны қабады. Көктем, жаз айларында үйдің терезесін ашып қою мүмкін емес. Қараша әкімдікке қанша барғанымен, ешқандай нәтиже болмай отыр.

Қазіргі таңда,тұрғындар емін-еркін тыныстана алмайды, бетпердемен жүруге мәжбүр.Қолқаны алған жағымсыз иіс бүтін бір ауылды жайлап, демалу мүмкін емес. Себебі үйлерінің маңына орналасқан бірнеше шаруашылық тазалықты сақтамайтын көрінеді. Мәселен, мына көңнің алынбағанына бір ай болыпты.

АЛИМА НҰРМАҒАНБЕТОВА, ТҰРҒЫН;  «Көріп тұрсыңдар, қаншама шаруашылық. Жаздың күндері отыру мүмкін емес мына жерде. Иісінен шығалмайсың, қонақ шақыра алмайсың, иә далаға шығып шаруа жасай алмаймыз, балдарымыз шықпайды. Қысы жазы үйге қамаймыз. Міне иістің кесірінен маска киіп жүреміз. Маскасыз жүру мүмкін емес бұл жерде».

Тіпті ауыл жұрты балаларында есік алдына ойнауғада жібере алмай отыр. Бір кездері үй айналасында жүргенде асау түйе балаларды таптап кете жаздаған. Сол түлік үй қасындағы шаруашылыққа тиесілі болып шыққан. Бұдан бөлек, Ауыл шетінен аталмыш шаруашылықтар пайда болғалы тұрғын үйлердегі коммуналдық қызметтің бірі - электр қуатыда жиі өшіп, жарық шамдар сығырайып қалатын болған. Сондай-ақ, кейбірінің тұрмыстық техникалары істен шығып, жаңасына ауыстыруларына тура келіпті. Тұрғындар тоқты көп тұтынатын құрылғымен жұмыс жасайды деп шаруалардан күдіктенеді. 

ЕРКІН ЖЕКСЕНБИЕВ, ТҰРҒЫН; «Көктемде малды шығарып жібереді. Осы көшеде жүреді, сосын анау үйдің алдында жүреді. Түйе балдарды қуады. Өткен жылы өзімнің баламды алып қалдым. Жараған бура келді, бура. Жарыққа әсері бар. Жарық өшіп қалады. Тоңазытқыштар тоқтап-тоқтап жасайды. Өйткені бұларда станок бар. Қағаз уата ма, шөп уата ма, білмеймін. Ішіне бізді кіргізбейді». 

Ауыл әкімдігінің берген ақпаратына сәйкес бұл жерде 4-5 қосалқы шаруашылық өз кәсіптерін дөңгелетіп отыр. Өткір иіс жылқыны бағып отырған шаруашылық иесінің ауласынан шығып тұр дейді. Ішінде 60-қа жуық жылқы бар екен. Иесіне ескертіп, СЭС мамандарымен бірге жұмыс жасап, тиісті шарасын қолға аламыз деп уәде берді.

НАУРЫЗБЕК СҮЙІТ,  ҚЫЗЫЛТӨБЕ АУЫЛЫ ӘКІМІНІҢ ОРЫНБАСАРЫ; «Жаңа көздеріңізше ескерту айттық. Екі күн бердік ол бізден бір апта сұрады. Бір аптаның ішінде малдың қалдығын алып тастайды. Оған қосымша СЭСке хабарлама беріп, СЭС арқылы бұны тексеретін боламыз. Аумағына қанша мал бағуға болатын қарап, қосымша шарасын алатын боламыз»

Ал, Электр қуаты мәселесі бойынша Қызылтөбе ауылында екі мыңнан астам тұрғын үй бар. Жарықтың қуаты расында әлсіз. Алайда биыл олқылықтың орнын толтыру үшін жобалық сметалық құжаттары дайындалу үстінде, “Ауыл толығымен сапалы электр қуатын келер жылы алады”, -дейді жергілікті биліктің өкілдері.

https://www.youtube.com/embed/XmaG-Ni_L9g?si=Txdr0lmMx08LHfQe" 

Ақтөбеде 3 адамның кепілге алынғаны туралы ақпарат кеше, 13 қаңтар күні түнгі 23:00 шамасында орын алған еді. Оқиға орнына жедел тергеу тобы, арнайы жасақ қызметкерлері, барлық шұғыл қызмет жедел жұмылдырылды, аудан қоршауға алынды. Кепілге алынғандарды босату операциясы ұйымдастырылып, күдікті ұсталды. Дегенмен кепілген алынған екі адам көз жұмды. Бірі ауруханаға тасымалдау кезінде, екінші адам операция үстелінде қайтыс болған.Үшінші жәбірленушінің жағдайы ауыр. Оқиғаға қатысты Ақтөбе облыстық ПД түсініктеме берді.

АБАЙ ЖҮСІПОВ,АҚТӨБЕ ОБЛЫСЫ ПД БАСТЫҒЫ

https://www.youtube.com/embed/pz-NmXV0p8E?si=deogSt3UIwF2-uJs" 

«Бір тұтас тәрбие» бағдарламасы аясында жастарға саналы тәрбие беру жүйесі қарқынды жүргізіліп жатыр. Соның бірі сахна мәдениетіне баулу.

Сен театрының жас өнерпаздары қазақ әдебиетінің көрнекті туындысы, Шерхан Мұртазаның «Ай мен Айша» шығармасы негізінде қойылым сахналады. Көркем әрі әсерлі драмалық қойылым шараға жиналғандарға терең ой салып, жүректерге ерекше әсер қалдырды. Қойылым Шерхан Мұртазаның балалық шағы мен оның анасы Айшаның тағдырына негізделген. Ананың қайсарлығы, мейірімі мен қиындыққа толы өмір жолы сахнада шынайы әрі тебіреніспен бейнеленді.  

ӘЛИЯ ЕЛЕМАНОВА АЛМАТЫ ҚАЛАЛЫҚ № 207 МЕКТЕП-ЛИЦЕЙНІНІҢ ДИРЕКТОРЫ

Сахналық қойылымда соғыс жылдарындағы ауыр тұрмыс, халықтың қайсар мінезі мен ананың балаға деген шексіз махаббаты терең көрсетілді. Жастардың шынайы өнері, әсерлі монологтары мен сахнаның шебер безендірілуі қойылымның көркемдік деңгейін арттыра түсті.  

НӘЗИЯ ҒАЛЫМҚЫЗЫ АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ ӘДІСКЕРІ

«Ай мен Айша» қойылымы – Сен театрының шығармашылық дамудағы жарқын жетістігі. Мұндай өнер туындылары жас буынның қазақ мәдениеті мен әдебиетіне деген сүйіспеншілігін оятып, рухани байытуда маңызды рөл атқарады.

https://www.youtube.com/embed/uwHWFQDKoK4?si=enewyI57yP25rRrr" 

https://www.youtube.com/embed/iFN6qw8IS0U?si=FSk8iX0Odvk4MnS1" 

Әлеуметтік желілерде “Орал-Маңғышлақ” пойызы вагондарының жағдайына қатысты бейнежазба тарады. Жолаушының айтуынша, вагондарда антисанитария орын алған. Зарядтау құрылғылары атымен жоқ. Әжетханалар лас, жиіркенішті жағдайда. Ал балалар тарақандардан қорқып, өз төсектерінде ұйықтай алмайды.

“Орал-Маңғышлақ” рейсінің жолаушысы; «Сәлеметсіздер ме! Маңғышлақ-Орал рейсінің сұмдық вагондары туралы шағым түсіргім келеді. Кері бағытта да сол жағдай. Балалар бөлек ұйықтаудан қорықты. Тарақандар, зарядтау құрылғылары жоқ, әжетханалар өте лас күйде. Халықтың наразылығын тыңдауға мәжбүр жолсеріктерді аяймын. 3 қабатты орындар, қарт адамдар амалсыз жоғарыға шығады. Антисанитария! Жалпы, сұмдық жағдай». «Жолаушылар тасымалы» АҚ-ның ресми өкілі Нариман Дюсекеев компания вагондардағы санитарлық жағдайды жақсарту бойынша жұмыстар жүргізіп жатқанын айтады. "Жолаушылардың шағымдары ескерусіз қалмайды",- дейді.

НАРИМАН ДЮСЕКЕЕВ «ЖОЛАУШЫЛАР ТАСЫМАЛЫ» АҚ РЕСМИ ӨКІЛІ

Компания қызметкерлерінің сөзіне сенсек, мекеме санитарлық жағдайды жақсарту жұмыстарына күш салмақ.

https://www.youtube.com/embed/RhrVnbdhNqE?si=NEdTW7YRPEzK_wCv" 

Кегендіктер үшін жағымды жаңалық. Биыл Кеген ауданы, Жалағаш ауылында спорт кешені салынады. Жоба «Заңсыз иемденілген активтерді мемлекетке қайтару туралы» Заң шеңберінде іске асырылып жатыр. Жоба сомасы 1,1 млрд теңгені құрайды. Мұндай жаңалыққа ауыл тұрғындары дән риза. Айта кетейік, Президенттің тапсырмасы бойынша Арнаулы мемлекеттік қордағы қаражат өңірлердегі әлеуметтік маңызы бар нысандардың құрылысына бағытталатын болады. 

ДАСТАН ӘЛИЕВ ЖАЛАҒАШ АУЫЛЫНЫҢ ТҰРҒЫНЫ «Біз, Жалағаш тұрғындары, спорт кешеніні салынады деген жаңалыққа қуанып жатырмыз. Ауылымыздың балалары спортқа құмар әрі үнемі жаңа жетістіктерге ұмтылып жатады. Бірақ қазір оларға жаттығу жасайтын арнайы залдар жоқ. Мектептің спорт залы жеткіліксіз. Оған қоса оның көлемі шағын, барлық талапқа сәйкес келмейді. Сондықтан балаларға ондай спорт кешені салынса, біздің талабымыз ба тілегіміз де сол».