https://www.youtube.com/embed/gMu3MkLNEMg?si=kyVW94z0wQWrw8hB" 

Бүгін Мемлекет басшысы Қасым-Жомарт Тоқаев «Қазақстан темір жолы» Ұлттық Компаниясы» АҚ басқарма төрағасы Нұрлан Сауранбаевты қабылдады.Кездесу аясында Президентке ұлттық компания қызметінің 2023 жылғы негізгі нәтижесі және алдағы кезеңге арналған жоспары туралы есеп берілді.Нұрлан Сауранбаевтың айтуынша, соңғы үш жылда «Қазақстан темір жолының» негізгі өндірістік көрсеткіштерінде өсім байқалады.

НҰРЛАН САУРАНБАЕВ «ҚТЖ» ҰК АҚ ТӨРАҒАСЫ

https://www.youtube.com/embed/OEjlt7ufC3U?si=jDhUxBmrUdPXqEV5" 

Төтенше жағдайлар министрлігі қар көшкінін бақылауда ұстап отырмыз, алаңдауға еш негіз жоқ деп сендірді. Айтуларынша, қажеттілік туындаса 115 маман мен  16 құрылым бригада  және 72 бірлік техника дайын тұр. Ал, қыста синоптиктер жаряилаған дауылды ескертуге құлақ аспай жолға шығып кетіп боранда қалған 10 мыңға жуық адам құтқарылған. Бұл туралы бүгін орталық коммуникациялар қызметінде өткен брифингте ҚР ТЖМ Төтенше жағдайларды жою департаменті бастығының орынбасары Жомарт Асқаров айтты.

ЖОМАРТ АСҚАРОВ ҚР ТЖМ ТӨТЕНШЕ ЖАҒДАЙЛАРДЫ ЖОЮ ДЕПАРТАМЕНТІ БАСТЫҒЫНЫҢ ОРЫНБАСАРЫ: «Қар үйінділерінің салдары бірнеше облыста автожолдарда кептелістің болуына алып келді. Жалпы қар үйінділерінің салдары Абай, Ақмола, Ақтөбе, Шығыс Қазақстан, Жамбыл, Қарағанды, Қостанай, Павлодар және Солтүстік Қазақстан облыстарының автожолдарында кептеліске әкеледі. Өткен жылдардағы тәжірибе көрсеткендей, дауыл туралы ескертулерді елемейтін, сондай-ақ жазғы дизельді пайдаланатын жүргізушілер негізінен қар құрсауында қалады».

https://www.youtube.com/embed/KpK13P4SELQ?si=Li8VTti8ZyLscBut" 

Солтүстік Қазақстандық полицейлер есірткі сатушылардан құралған ұйымдасқан топты ұстады. Күдіктілерді ұстау кезінде 50 келіге тарта аса ірі көлемдегі есірткі заттары тәркіленді.

Аймақтық полиция департаменті құрамындағы есірткі қылмысына қарсы іс-қимыл басқармасының жедел уәкілдері Петропавл қаласына аса ірі көлемде марихуана мен гашишті жеткізу және тарату арналарын бірнеше ай бойы зерттеген.Нәтижесінде зиянды заттардың аса ірі көлемі ел астанасынан жеткізіліп, басқа өңірлерге таратылып отырған.

РУСЛАН ҮМБЕТОВ ЕСІРТКІ ҚЫЛМЫСЫНА ҚАРСЫ ІС-ҚИМЫЛ БАСҚАРМАСЫ БАСТЫҒЫНЫҢ ОРЫНБАСАРЫ: «Өткен жылдың басында есірткі қылмысына қарсы іс-қимыл басқармасының қызметкерлері Астана қаласына Петропавл қаласына есірткі заттарын жеткізген қылмыстық топ туралы ақпаратты алды. Мамыр айында осы қалаларда қылмыстық топты анықтау бойынша арнайы операция жүргізу кезінде топты басқарған адам және жеті қатысушы ұсталды».

Күдіктілерді тұтқындау кезінде 50 келіге тарта аса ірі көлемдегі есірткі тәркіленіп алынды. Оның 81 грамнан астамы – гашиш. Қазіргі уақытта қажетті тергеу әрекеттері мен  сараптама жұмыстары аяқталды.Қозғалған іс материалдары сотқа жіберілуге дайындалып жатыр.

https://www.youtube.com/embed/dns2ZAkJFTU?si=Z7k3OsZIf2-YKBE3" 

Перуда Лима өңіріндегі Уарал жағалауында нөсер жаңбыр салдары көшкінге ұласты.

ЖЕРГІЛІКТІ ТҰРҒЫН: "Колпының термо ванналарының жанында болғандықтан, күйеуім екеуміз шомылуға бардық. Шомылып жүріп қатты шу естідік. Шығып, көшкін жақындап қалғанын көрдік ".

Лай көшкіні үйлер мен инфрақұрылымға зақым келтірді. Қаза тапқандар мен зардап шеккендер туралы хабарланған  жоқ. Жергілікті тұрғындар көшкін салдарын тазалауға кірісті.

ЖЕРГІЛІКТІ ТҰРҒЫН: «Біз тек өңірлік билік пен мәдениет министрлігінен қолдау сұраймыз, өйткені біздің керемет Уарал - туристік көрікті жер».

Уаралдың азаматтық қорғаныс басқармасы келтірілген заларды есептеп, осы аудандағы экономикалық шығындарды анықтауға кірісті.  Нөсер Перудің басқа өңірлеріне де апат әкелді. Хунин департаментінде төгілген өзен көпірді су басып, қатты ағыстан  автобус тұрып қалды.

https://www.youtube.com/embed/eQpvlGXdqsQ?si=WVt8TIbeCnzhTLnR" 

Бас-аспазшы Шарль Гийуаның  жасымық сорпасы Париждегі Олимпиада ойындарына қатысатын  спортщыларға ұсынылатын тағамдардың бірі.

Күн сайын 15 мың адамға, олардың  талғамы мен тәбетіне қарай тағам дайындау үшін  40 тоннаға дейін азық-түлік дайындалады. Ас мәзірі қазірдің өзінде 550 тағамды қамтиды. Гийуа Париждің солтүстігіндегі Олимпиада ауылына тәулік бойы тамақ жеткізуге жауапты болады. Ол 206 елдің қатысушыларын тамақтандыратын 300 адамнан тұратын команданы басқарады. Оның компаниясы теннистен Францияның ашық чемпионатына қатысқан ың спортшыларды және  Француз ұлттық футбол институтының спортшыларын тамақпен қамтамасыз еткен.

ШАРЛЬ ГИЙУА -АСПАЗ: "2024 жылы Парижде өтетін ойындарда біз бүкіл әлемді дастархан басында  қарсы аламыз, сондықтан да осындай қызмет түрімен жұмыс істеу мүмкіндігіне ие болу керемет. Әрине, қиындығы да жоқ емес. Ол   спортшылар санының 15 мың болуында".

Аспаз  тағамдарды дайындау кезінде қолданылатын ингредиенттердің 25% -ы жергілікті өндірістен екендігін  айтты.  Бұдан басқа, наубайхана ашылып, спортшылар багет жасау бойынша шеберлік сыныптарына шақырылады. Аспаз өз қызметін Олимпиада ойындарының басталуына 16 күн қалғанда, 10 шілдеде бастайды. Кейтеринг Паралимпиада аяқталғаннан кейін төрт күн өткен соң 12 қыркүйекте аяқталады. Гийуаның айтуынша, барлық қонақтарды тамақпен қамтамасыз ету үшін ауылда тәулік бойы 1000 адам жұмыс істейтін болады.

ШАРЛЬ ГИЙУА — АСПАЗ:  "550 рецептіні ойлап шығара отырып, біз әртүрлі  аллергиялық, этникалық, мәдени және діни айырмашылықтарды ескердік. Глютенсіз, лактозасыз және   халал   өнімдерді қостық.  Осының бәрін Олимпиада ауылынан табасыз ".

Күн сайын спортшыларға 40-қа жуық түрлі тағам ұсынылады. Сол жерде диетологтар да жұмыс істейтін болады.

https://www.youtube.com/embed/4WQZ5Z1IrAY?si=wzAOyfNL9cponSaD" 

Алматыда «Digital Almaty-2024» болашақтың цифрлық эволюциясы VI цифрлық форумы өз жұмысын бастады. Осымен алтыншы мәрте өткізіліп отырған форум биылғы жылы 1-3 ақпан күндері аралығына жоспарланған.

«Digital Almaty» - бизнес өкілдері, халықаралық сарапшылар және IT-қоғамдастық бас қосатын алаң. Бұл жерде стартаперлер өз идеяларын көпшілік назарына ұсынуға және инвесторлар табуға мүмкіндік мол. Осы жылғы форумның салтанатты ашылуында ҚР Цифрлық даму, инновациялар және аэроғарыш өнеркәсібі министрі Бағдат Мусин арнайы келді.

БАҒДАТ МУСИН ҚР ЦИФРЛЫҚ ДАМУ ИННОВАЦИЯЛАР ЖӘНЕ АЭРОҒАРЫШ ӨНЕРКӘСІБІ МИНИСТРІ

Өткен форум аясында ұсынылған идеялар қолдау тауып келеді. Үміттерін үкілеп шараға қатысуға келген өнертапқыш жастардың жұмыстары жайлы сұраған едік.

ФОРУМҒА ҚАТЫСУШЫ

Форум аясында көптеген қызықты сессиялар мен көрмелер жоспарланған.Үш күнге жоспарланған ауқымды шарада Еуразиялық экономикалық одаққа мүше мемлекеттердің үкімет басшылары да бас қосып, тұрақты цифрлық инфрақұрылымды және телекоммуникациялардағы жаңа технологияларды дамыту жайын қарастырады.

https://www.youtube.com/embed/skU4ibgtuNE?si=2btssRNe5kp95zIa" 

Блендерге саусағы қыстырылған адамға көмек көрсетілді. 2024 жылдың 31 қаңтарында сағат 10-нан 55 минут өткенде Қызылорда қаласындағы Жеңіс көшесіндегі пәтердің тұрғынынан 20 жасар азаматтың саусағы блендерге қыстырылып қалғаны туралы шақырту түсті.

Аталған мекенжайға жеткен құтқарушылар арнайы құрылғымен блендер аппаратын кесіп, оның саусағын құрылғыдан шығарып берді. Қазіргі кезде Ковашев Тимурдың жағдайы қалыпты. Бозбаланың анасы Лаура Оспанова құтқарушыларға зор алғысын білдірді.

https://www.youtube.com/embed/DsaWMkeDatQ?si=Etk3SsIJr6kFd43i" 

БҚО-ның қызылша ауруына шалдыққан 70-тен астам науқас ем алып жатса, оның үшеуі жансақтау бөлімінде. Сырқаттанғандардың 50 пайыздан көбі балалар көрінеді. Оның ішінде бір жасқа дейінгі сәбилер де дертпен күресуде. Екпе алу - қызылша дертіне тосқауыл болар жалғыз жол. Өңірлік эпидемиологиялық ахуалдың тұрақсыздығына байланысты қызылшаға қарсы вакцинацияның маңыздылығын түсіндірген инфекционист-дәрігерлерлер осылай дейді. Мамандардың айтуынша, инфекция жөтел, түшкіру кезінде ауа тамшылары арқылы таралады. 

НАЗЫМ ҚАБДЕНОВА БҚО ЖҰҚПАЛЫ АУРУЛАР АУРУХАНАСЫНЫҢ ИНФЕКЦИОНИСТ-ДӘРІГЕРІ «Қызылша дерті асқынған сәтте минингит, отит сынды ауруларға ұласады. Егер сәби қызылшамен ауырса, уақытылы ем алмау салдарынан есту қабілеті нашарлауы мүмкін. Бұл бір ғана мысал. Мұның соңы жақсылыққа апармайды. Күнтізбеге сәйкес екпе алу қажеттігін ата-аналардың қаперіне салғымыз келеді».

https://www.youtube.com/embed/t4M5GkgSnM4?si=Hvt_yMEYlyKsKrOb" 

Ақмола облыстық полиция департаментінің ұйымдасқан қылмысқа қарсы күрес басқармасының қызметкерлері қылмыстық істі алдын алды.Нақтырақ айтар болсақ,интернет желісі арқылы өзінің бүйрегін сатпақ болған тұрғынды құрықтады. Бірнеше аптаға созылған іздестіру жұмыстарынан кейін тәртіп сақшылары донырмен байланысқа шығып трансплантация жүргізу және төлем жасау туралы мәміле жасаған. Күдікті 19 жастағы Ақтөбе қаласының тумасы болып шықты. Құмар ойындарға тәуелді азамат қарызға белшесінен батқандықтан осындай қадамға барғанын айтып ақталды.Аталған факт бойынша сотқа дейінгі тергеу жүріп жатыр.

ЕРБОЛ ДҮЙСЕМБЕКОВ АҚМОЛА ОБЛЫСТЫҚ ҰҚҚК БАСҚАРМАСЫ БАСТЫҒЫНЫҢ ОРЫНБАСАРЫ «Ақмола облысының полиция департаменті ұйымдасқан қылмысқа қарсы күрес басқармасының қызметкерлері тірі адамның ағзасын сатудың заңсыз фактісін тоқтатты. Бұл жағдайда жеке тұлға өз бүйрегін тауар ретінде сатпақ болған. Осылайша, жүргізілген жедел іздестіру іс-шаралары басқа облыстың тұрғыны анықталды, ол органды 18 мың долларға заңсыз трансплантациялауды әдейі жүргізгісі келді. Көкшетау қаласының аумағында заңсыз мәміле жасау және ақшалай қаражатты беру кезінде ұсталған. Қазіргі уақытта бұл факт Қылмыстық кодекстің 116 бөлігінің 1-бабы бойынша тіркеліп, сотқа дейінгі  тергеу жұмыстары жүргізілуде».

https://www.youtube.com/embed/GoExz73SBhg?si=uepb-GRbpjfji9sh" 

https://www.youtube.com/embed/j08OMzrk7cA?si=Gtg9cW3dSmwQz1Vx" 

Заманауи тәсілдегі оқыту жүйесін қазіргі оқушылар өте жақсы қабылдайды. Жастардың қалауын түсінген Семейлік Жасқайрат Нәубетов білімгерлерге креативті тәсілдермен білім беріп, оқуға ынтасын ашуда.

Білім жолына 3 жыл ғана болса да ұстаз Жасқайрат Нәубетов сондай креативті маман. Білімгерге біраз біліктілікті талап ететін физика пәнін оқушы жеңіл түсіне алуы үшін әр сабағында әртүрлі комикстарды пайдаланады. Бұл білім алушының ойлау қабілетінің жақсы жұмыс жасауына көп септігін тигізе алады дейді ұстаз.

ЖАСҚАЙРАТ НӘУБЕТОВ БІЛІМ-ИННОВАЦИЯ ЛИЦЕЙІНІҢ ФИЗИКА ПӘНІНІҢ МҰҒАЛІМІ: «Осы екі жыл болды, мен қазір оларға тақырыпты маған комикспен түсіндіруді қолданып жүрмін. Ал өзім жалпы осыған комиксті салуға арнайы бағдарламалар қолданамын. Жалпы балалардың қызығушылығын артырады бұл. Өйткені балалар мәліметті тек қана сөзбен емес, сонымен қатар суретпен көру арқылы олардың түсінігі артады да, ал балар түсінген сайын оларға қызығырақ бола береді деп ойлаймын».

Заманнан қалыс қалмай дамып келе жатқан жас ұрпақ Жасқайрат сынды ұстаздарды қолдайды. Өз ойларын еркін жеткізіп, тапсырмаларды еш қиналыссыз орындайды. Енді, заманауи ұстаз енді оқушылардың деңгейіне түсіп сабақты рэп стильінде өткізіп жүр.

АЙБЫН МАЙЖАНОВ БІЛІМ-ИННОВАЦИЯ ЛИЦЕЙІНІҢ 9 СЫНЫП ОҚУШЫСЫ: «Сабақтарды кәдімгі қара сөзбен емес, комикстер арқылы жарыстар ұйымдастыру арқылы, есептерді жарыстырып шығару арқылы түсіндіреді.Жасқайрат ағай, менің физикаға деген махаббатымды ашты».

МҰХАММЕДӘЛИ АКИМЧИНОВ БІЛІМ-ИННОВАЦИЯ ЛИЦЕЙІНІҢ 9 СЫНЫП ОҚУШЫСЫ: «Сабақ кезінде ол бізге түрлі мотивациялар, есептерді ең бірінші  шығарған топ 5 балаға баға қою арқылы немесе тағы да картин-карточка дегендерді ұйымдастырады. Мен Жасқайрат ағайдың көптеген апталықтарына қатысып келемін».

Бір шаңырақ астында білім беріп жатқан оқытушылар да әріптесіне қызыға қарайды. Креативті ұстаздың бұндай тәсілдерді қолданып сабақ беруі біздің білім беру жүйемізге жаңашылдық болды дейді.

БОЛАТ АЛИАСҚАР БІЛІМ-ИННОВАЦИЯ ЛИЦЕЙІНІҢ ИНФОРМАТИКА ПӘНІНІҢ МҰҒАЛІМІ: «Ол физика деген қиын пәнді оқушыларға әртүрлі қызықты ойындармен әдіс-тәсілдермен оңай қылып түсіндіреді. Жасқайрат жаңа мектепке жаңашыл ұстаз республикалық байқауының жеңімпазы. Жәнеде ХХ халықаралық жасампаз олимпиадасының үшінші орын иегері. Ұстаз талантты болса, шәкіртте талапты болады демекші Жасқайраттың оқушылары облыстық, республикалық пән олимпиадаларында жүлделі орындарға иеленуде».

Енді, жас ұстаз Жасқайрат алдағы уақытта оқу жүйесіне қолданып жүрген комикстарынан оқу құралын шығаруды жоспарлауда.                                                   

https://www.youtube.com/embed/9FN_TD-NQ6Y?si=yIPgWK4dbmy8DK37" 

Шегірткеге қарсы күрес күшейді. Үкімет резервтен 4 млрд теңгеге жуық қаражат бөлді. Оған елімізде соңғы жылдары үйірлі шегірткелердің таралу алаңының ұлғайғаны себеп болуда. Бөлінген қосымша қаражат осы зиянкестерге қарсы химиялық өңдеу жұмыстарын жүргізуге бағытталады.

ДИНАРА АЛИМОВА ҚР ПРЕМЬЕР-МИНИСТРІНІҢ БАСПАСӨЗ ХАТШЫСЫ: «Үкімет резервінен бөлінетін бұл қаражат ветеринариялық зертханаларды дәлдігі жоғары құрылғымен – халықаралық ұсынымдар және Codex Alimentarius ережелері мен талаптарына сай келетін сұйық хроматографпен жабдықтауға бағытталады.Бұл ветеринария саласында нақты зерттеулер жүргізуге мүмкіндік беріп, елдің азық-түлік қауіпсіздігін қамтамасыз етеді.Тиімділігі жоғары сұйық хроматограф тағам өнімдеріндегі зиянды заттардың болмашы іздерін анықтауға мүмкіндік береді. Оны қолдану халықтың денсаулығын тағам арқылы таралатын қауіпті аурулардан қорғауға елеулі үлес қосады».