- Толығырық
- Категория: Алатау ақпараты
- 241 рет қаралды
https://www.youtube.com/embed/0NinAHWe_o8?si=pXYtGhX-ktFEEADD"
Бүгін Алматыда қазақ кәсіби театр өнерінің негізін қалаушылардың бірі,шығармашылық даралығымен өнер саласында сара жолын қалыптастырған Елубай Өмірзақовтың 125 жылдығына арналған еске алу кеш өтті.Шараға қатысып қайтқан тілшіміз тарқатып берсін.
Қазақстанның көрнекті театр және кино әртістері, Қазақ ұлттық өнер академиясының студенттері мен оқытушылары, кітапхана оқырмандары,және өнер сүйер қауым қатысқан шараның мақсаты Е.Өмірзақовтың өмірі мен шығармашылығын кеңінен насихаттап, жастарды оның шығармашылық тағдырымен, өзіндік дарындылық ерекшелігімен, өнердегі жоғары жетістікке жету жолдарымен, толыққанды сахналық образдар жасау шеберлігімен таныстыру.
ЕСМҰХАН ОБАЕВ ҚР ХАЛЫҚ ӘРТІСІ, РЕЖИССЕР
Еске алу кеші аясында «Жұлдызы жарқыраған өнер иесі» атты кітап көрмесі ұйымдастырылып, оның өмірі мен шығармашылық жолын таныстыратын шығармалар қойылды. Сондай-ақ, тума таланттың сомдаған рольдерінен үзінділер көрсетілді.
ТҰҢҒЫШБАЙ ЖАМАНҚҰЛОВ ТЕАТР ЖӘНЕ КИНО АКТЕРІ
Адам мінезінің түп-төркінін дөп басатын ғажайып қабілеті бар Е.Өмірзақов экран өнерінде де театр өнерінде де көптеген ролдер сомдап артына өшпес мұра қалдырды. Рухани құндылықтың құнын дәріптеу келер ұрпақтың еншісінде.
- Толығырық
- Категория: Алатау ақпараты
- 247 рет қаралды
https://www.youtube.com/embed/XgxK6KiSMEo?si=h4Ky8favCNvspxLX"
Көне қорымдарға мәйітті апарып жерлеуді тыю керек. Маңғыстаудағы тарихи-мәдени қорықтарды зерттеп жүрген мамандардың бірі- Нұрлан Құлбай осылай деп дабыл қағып, көпшілікке үндеу тастады. Себебі жаңадан салынған молалар қорықтың ескі көрінісін бұзады. Жалпы мемлекеттің қорғауына алынған қорықтарға өзгеріс енгізуге заңмен тыйым салынады. Сол тәртіпті күшейтіп, тиісті заң нормасына өзгеріс енгізілсе, - дейді Маңғыстау мемлекеттік тарихи-мәдени қорығының басшысы.
Өткен ғасырларда қорықтың ортасында қалған ата-бабасының қасына көпшілік жақын-жуықтарын жерлеу дәстүрге айналған. Ол өз кезегінде аспан астындағы мұражай болып саналатын ескерткіштердің көркін бұзып тұрады, - дейді зерттеуші мамандар. Айта кетейік жеті жұрт келіп, жеті жұрт кеткен Маңғыстау облысының аумағында қола дәуірінен бастап ғұндар, оғыздардың да құнды ескерткіштері бар. Түріктің батыры Ертұғырыл мен Алып Арыстанның Селжүк империясы Маңғыстаудан басталады, - дейді ғалымдар.
НҰРЛАН ҚҰЛБАЙ - МЕМЛЕКЕТТІК ТАРИХИ-МӘДЕНИ ҚОРЫҚТЫҢ ДИРЕКТОРЫ: «Оғыздардың мемлекет құрып осы арадан Осман империясын ұлғайтуға, жер жаулауға аттанып кеткенінің дәлелі. Жер, қорымдар атауы оғыздарға тән атаулар. Сондықтан үлкен ғалымдар түркі әлемінің астанасы- Ақтау қаласы болатыны дұрыс шешім деп тапты».
Қорымның басындағы шырақшының да шағымы бар. Туыстарын жерлеп кеткендермен соттасып жатқандарын айтады. Жерлемей тұрып, қабір дайындау кезінде ескертсемде, сөзімді елемеді дейді ол.
ТҰРҒАНБЕК ДҮЙСЕКЕШ - “ҚОШҚАР-АТА” ҚАУЫМЫНЫҢ ШЫРАҚШЫСЫ: «Мемлекет қарауындағы жерлер болған соң ешқандай рұқсат етілмейді жерлеуге. Мына жерде ата-бабам жатыр белгі қоямын деуге.1,8 га жер ашық аспан астындағы мұражай қорым ішінде тіпті жерленбейді. Күмбез тұр ғой 16 гектар Қошқар ата сол жерде бос орындар».
Заңды елемейтіндер бар-жоғы 30 мың теңге айыппұлмен құтылып кететін көрінеді. Сол себепті өңірдегі қорықтың директоры заңға өзгеріс керек екенін айтып, айыппұл көлемін көтеру мәселесін алға тартты.
НҰРЛАН ҚҰЛБАЙ - МЕМЛЕКЕТТІК ТАРИХИ-МӘДЕНИ ҚОРЫҚТЫҢ ДИРЕКТОРЫ «Заңдарға өзгеріс жасауымыз керек. Үлкен сомада айыппұлды көбейту керек. Әкімдіктер ескі қорым жанынан 100-200 м қашықтан жер телімін бөліп, адамдарды қойса, сала берсін. Бірақ ескерткіштердің жанына қоюға болмайды».
- Толығырық
- Категория: Алатау ақпараты
- 363 рет қаралды
https://www.youtube.com/embed/NxabTLN87ic?si=YYJkWV2llxrQjQgl"
Еуропа елдерінің білім беру жүйесін елімізге енгізуге қарқынды қадам басталды. Мақсат,жастарды жаңа технологияға машықтандыру.
Алматы қаласының әкімі Ерболат Досаевтың бастамасымен оңтүстік астанамыздағы мемлекеттік колледж мамандарын Еуропаның бірнеше елдеріндегі білім ордаларына жіберіп,тәжірибиеден өткізуде. 2023 жылы басталған жоба,2025 жылға дейін жалғасын таппақ.
ГҮЛНАР СҮЛЕЙМЕНОВА АЛМАТЫ ҚАЛАСЫ БІЛІМ БАСҚАРМАСЫ ҚББЖТҒӘО ТЕХНИКАЛЫҚ КӘСІПТІК БІЛІМ БЕРУ ОРТАЛЫҒЫНЫҢ ЖЕТЕКШІСІ
Швеция,Швецария,Италия,Франция,Бразилия,Қытай,Түркия секілді озық технологияларға қолы жеткен мемлекеттерге барып,халықаралық тағылымдамадан өтіп жатқан мамандардың ішінде АЭМК ұстаздары да бар.Өзге елдің озық жүйесін көзімен көріп көңілге түйген олар, алған ілімдерін өздері қызмет жасап отырған білім ордаларына енгізбек.
БОЛАТЖАН БОЗЫМБАЕВ АЭМК ДИРЕКТОРЫ
- Толығырық
- Категория: Алатау ақпараты
- 260 рет қаралды
https://www.youtube.com/embed/9xWXxk-Vcy4?si=51uzA-tLGqdMXmMX"
Қырғыз әйелдерінің көне баскиімдері қайта жандануда.Тіпті, өткен жылдың желтоқсанында ол ЮНЕСКО тізіміне енгізілген.
Қырғыз әйелдерінің көне баскиімі элечек деп аталады. Оны дайындау үшін жеті метрден 40 метрге дейін жұқа табиғи мата пайдаланылады.
АЙДАЙ АСАНҒҰЛОВА «КИІЗ ДҮЙНО» ҚОРЫНЫҢ НЕГІЗІН ҚАЛАУШЫ: "Бұл бас киімімді әйелдер жасы мен әлеуметтік мәртебесін қарай киген. Онымен салт-дәстүрлер де тығыз байланысты. Элечектерді тек ақ матадан ғана бұраған. Бұл өмірдің, ананың символы. Элечек - қырғыз көшпенділері үшін ең маңызды ұлттық бас киім ".
Қырғыз әйелдері үйлену тойына элечек киіп, күйеуінің үйіне келген. Әйел неғұрлым жас болса, бас киіміндегі әшекейлер соғұрлым жарқын болған. Жасы келген сайын кішірейе берген. Дәулетті отбасының әйелдерінің баскиіміндегі әшекейлер тиісінше салмақты, қымбаттау болған. Сонымен қатар бұл бас киім өмірдегі түрлі жағдайларда да қолданылған. Мәселен, оған өлген адамды ораған. Одан бинт пен бала оранышын жасаған.
АЙДАЦ АСАНҒҰЛОВА «КИІЗ ДҮЙНО» ҚОРЫНЫҢ НЕГІЗІН ҚАЛАУШЫ: "Талас облысының Үлкен-Токой ауылынан келген Раат әже бізге күйеуінің көшпелі уақытта дүниеге келгенін айтты. Босанатын әйелдің қайын енесі бас киімінен мата жыртып алып, бір бөлігін төсеп, баланы ораған екен".
Әдетте әйелдер бас киімдерін өздері жасайды екен. Ал, мереке алдында көмекшілер шақырылады.
БҰРЫЛ ИСМАНТАЕВА «КИІЗ ДҮЙНО» ҚОРЫНЫҢ МҮШЕСІ: "Ерекше іс-шаралар, мерекелер алдында, қонақ шақыратын кезде електерді жуып, үтіктеп, тәжірибелі әйелдерді шақырып, үстелге жаятын болған. Шай ішу кезінде електер ақырындап жиналады. Бұл күні бойына созылған".
Кеңестік билік кезінде қырғыздардың өмір сүру салты өзгеріп, бас киімнің бұл түрі ұмытылып кеткен. Дәстүрді қайта жандандыру туралы шешім 12 жыл бұрын қабылданған. «Киіз Дүйно» қоғамдық қорының қызметкерлері бір жыл бойы бүкіл Қырғызстанға барып, қарт әйелдерді іздеп, олардан бас киімді жасауды үйренген. Жиналған фото және бейнематериалдар негізінде екі кітап шығарылды. Қазір әйелдер бас киімдері базарларда сатылады. Сапасына қарай олар 17-ден 170 долларға дейін бағаланады.
- Толығырық
- Категория: Алатау ақпараты
- 266 рет қаралды
https://www.youtube.com/embed/sWkPwBslGTE?si=fSn_SnrHAjfb5pDl"
БАӘ-дегі ғаламшардағы ең үлкен «Мейдан» ипподромында Аль-Мактум Челендж бас бәйгесінде топ жарған 4 жасар асыл тұқымды Кабирхан айғыры жаңа жылды жағымды жаңалықпен бастап, елімізге үлкен жеңіс пен қуаныш алып келген болатын. Бүгін Алматыда 100 жылда 1 туатын жүйрік тұлпардың иесі Тілек Мұқанбетқалиевпен кездесу ұйымдастырылды.
"Жақсы атты тай жағалайды" демекші, БАӘ-де көк туымызды желбіретіп, қазақ елін қуантқан асыл тұқымды Кабирханның жеңісін әлеуметтік желіде шулатып, ортақ жеңіске қуанып жатқан қазақ халқымыз әлі де тойлауда. Әлемдегі ең беделді жарыстан баптаған атың жүлделі орын алып келсе, қай атбегінің болмасын арманын асқақтатпай қоймас.
ТІЛЕК МҰҚАНБЕТҚАЛИЕВ КАБИРХАННЫҢ ИЕСІ:"Енді біздер жылқыға жақынбыз. Біріншіден,Аллаға сендік. Екіншіден, бүкіл қазақ елі дұғалар оқыды, бәрі қолдады, өзімде қолдадым. Соның бәрінің арқасында біз жеңіске жеттік".
Кабирхан таза ағылшын тұқымынан шыққан. Әкесі -Колифорния Хром, анасы - Литлл Эмили. Әкесінің өзі АҚШ-ғы бірнеше жарыстарының жеңімпазы болған. Содан болу керек, бапкерлердің айтуынша Кабирхан қатты жылдамдықпен шапқанды жақсы көреді және әркез жеңіске ұмтылады. Қазақстанға 2 жасында әкелінсе де өзінің ептілігін көрсетіп, талай жеңістерден жүлделі орынмен оралған. Оның бұл жеңістері елiмiздiң барша шабандоздарына олардың әрқайсысының биiкке жете алатынын көрсеттi және Қазақстанда ат жарысын дамытуға шабыттандырады! Дей тұрғанмен, ат иесінің сөзінше қазақ жылқылары бұндай жарыстарға жарамайды.
ТІЛЕК МҰҚАНБЕТҚАЛИЕВ КАБИРХАННЫҢ ИЕСІ: "Әрине, Кабирханның ұтысы үлкен итеріс болды. Басқа атбегілер де аттарын Дубайға апарғысы келеді. Олардың ішінен екінші, үшінші Кабирхандар шығуы мүмкін. Ондай үміттер бар. Ең дүние де жылдам жарысқа қатысатын ол - ағылшын тұқымы. Сондықтан, сіздер сұрақ қойып жатқан қазақи, араб жылқылар салынбайды. Ең мықты әрі жылдам жүрістісі тек ағылшын тұқымында".
Еске сала кетейік, 30 наурызда Дубайда әлем кубогының басты жарысы басталмақ. Дубай кубогының жүлде қоры 12 000 000 АҚШ долларын құрайды. Жарысқа дайындық қызу жүруде. Алшымыз оңынан түсіп, айғырымыз тағы да бір мәрте топ жарса әлемдегі 15 жылқының қатарына ілінбек!
- Толығырық
- Категория: Алатау ақпараты
- 234 рет қаралды
https://www.youtube.com/embed/MgQ9lxngJWw?si=zZqztI3-FcnvDfeu"
Данияда археологтары 2000 жыл бұрын руна жазуы ойып жазылған темір бөлшегін тапты. Бұл бүгінгі таңда Даниядан табылған ең көне жазулар.
Бөлшек 2021 жылы Фюн аралындағы Оденсе қаласының маңындағы темір дәуірінедегі қорымнан табылған.
ЯКОБ БОНДЕ — АРХЕОЛОГ: "Ескі темірге ұқсайды. Шын мәнінде солай. Бірақ бұл темір бөлшегі археологтар үшін өте қызықты, өйткені оның бір жағында біз Даниядағы ең ескі жазу болуы мүмкін руна жазуын таптық ".
Бұған дейін 1865 жылы Фюн аралынан табылған қыраттағы жазу ең көнесі болып есептелетін. Оның пайда болу уақыты табылған темір бөлшегімен бірдей. Бұл жолғы темір бөлшегіндегі жазу тек 2023 жылдың жазында ғана табылды. Ол кезде ол қалпына келтіру бөлімінде сақтаулы болатын. Оның бір жағында кішігірім руна жазуы, ал екінші жағында күрделі ою-өрнек байқалды.
ЯКОБ БОНДЕ АРХЕОЛОГ: "Темір бөлшегі осында бір жарым жылдай жатқан.Содан кейін біздің реставраторлардың бірі оны тазартып, барлық тот пен коррозияны жойды.Жұмыс барысында ол бөлшектің бір жағында өте әдемі ою-өрнек, ал екінші жағында одан да қызықты - кішігірім руна жазуын көрген.Бұл фантастикалық жаңалық еді ".
Бұл жаңалықты ашқан соң, археологтар жазбаның мағынасын білу үшін Данияның Ұлттық музейіндегі рунологпен байланысқа шықты. Ол бес рунадан тұрады, одан кейін үш ойық бар. Сарапшылардың пайымдауынша, бөлшекте «хирила» деген жазу бар, ол ежелгі скандинавия тілінен «кішкентай семсер» деп аударылады екен.
Руна жазуы Солтүстік Еуропаның кейбір өңірлерінде біздің дәуірдің ІІ ғасырынан бастап, бәлкім, одан да бұрын қолданылған.Скандинавиядағы белгілі жазулардың кейбірі Норвегия мен Даниядан табылған. Ал одан кейінгі гравюралар Швеция мен Исландиядан табылған. Археологтардың айтуынша, бөлшекті даталауға жерленген жерден табылған басқа да заттар, соның ішінде түйреуіш көмектескен.
- Толығырық
- Категория: Алатау ақпараты
- 225 рет қаралды
https://www.youtube.com/embed/Yi6bv_7gozY?si=XYFK4ij9nOhn6ry7"
Мемлекет басшысы «Бәйтерек» ұлттық басқарушы холдингі» АҚ басқарма төрағасы Нұрлан Байбазаровты қабылдады. Қасым-Жомарт Тоқаевқа холдингтің 2023 жылғы қызметінің нәтижесі, соның ішінде кәсіпкерлік пен агроөнеркәсіп кешеніне қолдау көрсету, халықты тұрғын үймен қамтамасыз ету жұмыстары жөнінде есеп берілді.
НҰРЛАН БАЙБАЗАРОВ «БӘЙТЕРЕК» ҰЛТТЫҚ БАСҚАРУШЫ ХОЛДИНГІ» АҚ БАСҚАРМА ТӨРАҒАСЫ: «Холдинг активтері 12 пайызға өсті. Инвестициялық және кредиттік портфелі 10 пайызға артты. Таза пайдасы 400 миллиард теңгені құрады. Сонымен қатар, Мемлекет басшысына холдингтің жаңа бастамалары мен бағдарламасы туралы айтылды. Бағдарламаларды жүзеге асыру есебінен,осы жылы холдингтің экономикаға деген үлесін екі есеге арттыруды жоспарлап отырмыз. Оның ішінде,туризмді дамыту бағдарламасы, агроөнеркәсіп кешеніндегі жобаларды қаржыландыру және өндеу кәсіпорны бойынша жаңа бағдарламалар іске қосылады. Сонымен қатар, халықаралық қаржы нарығында өз жұмысын жалғастырады. Мемлекет басшысы бірқатар тапсырма берді».
- Толығырық
- Категория: Алатау ақпараты
- 213 рет қаралды
https://www.youtube.com/embed/6CZeKeDW80M?si=FKRrWfQxeVN5F2uJ"
- Толығырық
- Категория: Алатау ақпараты
- 217 рет қаралды
https://www.youtube.com/embed/EnM7eGWeVFs?si=5zSlZKZAVY5e4zh5"
Қазір елімізде алаяқтардың арбауына түсіп жатқандар көп.Соның бірі, ауған соғысының ардагері марқұм Александр Сербин. Оған алаяқтар4 млн теңге көлемінде несие алдырған. Қарызға батып уайымға түскен ол,ақыры қайғыдан қан жұтып,мерт болды. Айта кетейік, БҚО-да 500-ге жуық факті тіркелген. Ауыз ашып қалғандардың деншілігі - қарттар.
Зымыраған заман уақытында әлеуметтік желіні әсте пайдаланып, жарнама арқылы аңқау халықты аңқитып отырғандар жетерлік. Солардың бірі ұялы байланыс операторлары. Жастардың жылымсыған сөзіне тез ілінетін қарапайым халық, заңсыз әрекеттің схемасын білмегендіктен көп жағдайда сан соғып қалуда. Жыл басынан бері облыс аумағы бойынша 26 қылмыстық іс тіркелген. Бірақ, бұл өткен жылға қарағанда 16 пайызға төмендеген.
ДАРХАН ҚҰРМАТОВ ОРАЛ ҚАЛАЛЫҚ ПОЛИЦИЯ БАСҚАРМАСЫ БАСТЫҒЫНЫҢ ОРЫНБАСАРЫ
Әккілердің қоңырауынан қолы қалтырап, ауруы асқынып, мерт болған ауған соғысының ардагері Александр Сербиннің ажалы да осы жағдайдан болған. Ардагердің атынан алаяқтың жолмен 3 бірдей банктен 4 млн теңгеге несие рәсімделген.
РАХИМБЕРЛІ ӘБДІКӘРІМОВ ҚР ЧЕРНОБЫЛЬ ЖӘНЕ ЖЕРГІЛІКТІ СОҒЫС-ҚАҚТЫҒЫСТАРҒА ҚАТЫСУШЫ АРДАГЕРЛЕР ОДАҒЫНЫҢ ПРЕЗИДЕНТІ:
"Александр Сербин өте белсенді азамат болатын. Адамдарға сенім артатын. Өмірінің соңғы күндері алаяқтық әрекетті әшкерелеумен өтті. Бірақ мардымды жауап, айтарлықтай қолдау жасалған жоқ. Қазіргі күні замандасымыздың атында миллиондаған қарыз тұр. Қандай әрекет жасарымызды білмейміз? Бұл жерде банк қызметкерлерінің де кінәсі бар деп ойлаймыз. Егде жастағы адам өз аяғымен бөлімшеге келмесе, өздігінен қалай жасайды? Алаяқтар міндетті түрде жазалануы тиіс".
Құлағдар болған ардагерлер жылдам іске көшіп, тиісті орындарға шағымданып, алдын ала қамдануда. "Киберпол" киберқылмыспен күрес тобы осы жөнінде істі қозғауда жұмыс жасауда. Мамандар тұрғындарға алақтардың қолдағыны алып, ауыздағы жұлып кетпес үшін сенімсіз номерлерден шалынған қоңырауларға жауап бермеуді, сөйлесу барысында шектен тыс сұрақтар болса дереу әңгімелесуді тоқтату керектігін ескертеді.
- Толығырық
- Категория: Алатау ақпараты
- 233 рет қаралды
https://www.youtube.com/embed/-qRyBH86udQ?si=Xsorg8ZY55wUSeWR"
Air Astana әуе компаниясының акциясы сатылымға шығарылады. Бүгін Үкіметте осы мәселе кеңінен талқыланды. Өтініштерді қабылдау бүгіннен басталды 8 ақпанға дейін жалғасады. Бұл туралы Премьер-Министрдің баспасөз хатшысы Динара Алимова айтты.
ДИНАРА АЛИМОВА ҚР ПРЕМЬЕР-МИНИСТРІНІҢ БАСПАСӨЗ ХАТШЫСЫ:
«IPO Жекешелендірудің 2021-2025 жылдарға арналған кешенді жоспарын жүзеге асыру аясында биыл өтуі тиіс екені атап өтілді. Бүгінде «Самұрық-Қазына» АҚ мен Air Astana компаниясы халықаралық кеңесшілермен бірге үлкен дайындық жұмыстарын жүргізді. Жиында қаралған өзекті мәселе – биыл 29 қаңтар мен 8 ақпан аралығында жоспарланған өтініштерді қабылдау процесін бастау үшін компанияның бір қарапайым акциясы мен бір ғаламдық депозитарлық қолхатының баға диапазонын анықтау».
- Толығырық
- Категория: Алатау ақпараты
- 414 рет қаралды
https://www.youtube.com/embed/c2X69TSHSA4?si=cO5cNGGpAwWE0f20"
Балалықтың балғын бейнесі сомдалған "Менің атым - Қожа" фильмін көрмеген қазақ жоқ шығар. Тарихта аты қалған туындының авторы, қазақ әдебиетінің классигі Бердібек Ыдырысұлы Соқпақбаевқа 100 жыл! Қайталанбас тұлғаға арналған шараға назар аударсақ.
Ұлт әдебиетін әлемдік деңгейге көтерген қаламгерлеріміздің бірі және бірегейі Бердібек Ыдырысұлы Соқпақбаеавтың туғанына 100 жыл! Қаламгердің тамаша туындылары әлі де жас буынның кәдесіне жарап, рухын жанып, өмірге деген құлшынысын арттырып, әділдік үшін күресуге үндеп келе жатыр.
МӘЛІК ОТАРБАЕВ ҚАЗАҚСТАН РЕСПУБЛИКАСЫ ПРЕЗИДЕНТІНІҢ КЕҢЕСШІСІ
Шараның негізгі мақсаты – қазақтың сөз өнеріне өзгеше өрнек, ғажайып сыр-сипат алып келген классик қаламгердің шығармашылығына жаңаша көзқараспен қарап, Бердібек Соқпақбаевтың ұлттық мәдениеті мен әдебиетіне сіңірген ұшан-теңіз еңбегін кеңінен насихаттау.
ЖАНАРБЕК ӘШІМЖАН ҚР ПАРЛАМЕНТ МӘЖІЛІСІНІҢ ДЕПУТАТЫ, АҚЫН: «Қаншама буынды тәрбиеледі, қаншама ұрпақ осы Соқпақбаев шығармасымен өсті. Кейін, тәуелсіздікте әрине түрлі әдбиетке байланысты көзқарастар қалыптасты. Сол кезде, әдебиеттен кішкене алыстаған жас ұрпақ Соқпақбаев шығармаларынан бейхабар болғаны ақиқат. Сондықтан бүгінгі жүз жылдық тойдың бастауы, жаңа буынның көзқарасына, оларға таныстыруға, жаңа бір әдебиеттің жаңа деңгейге көтерілген көрінісі деп бағалаймыз».
Бердібек Ыдырысұлының «Балалық шаққа саяхат», «Менің атым Қожа», «Өлгендер қайтып келмейді» сынды өміршең шығармалары бірнеше буын ұрпақты тәрбиеледі.
САМАЛ СОҚПАҚБАЕВА Б.СОҚПАҚБАЕВТЫҢ ҚЫЗЫ, ЖАЗУШЫЛАР ОДАҒЫНЫҢ МҮШЕСІ: «Амандық болса, бәріміз дұрыстап, күшімізді салып, алдымызда тұрған мақсаттарды жеткізуге, орындауға тырысамыз». «Жоспарлар өте көп. Біраз мектептерге атын беру, көшелерді атымен атау, кітаптарды шығару, толық жинағын шығару».
Қазақ руханиятына өшпес мұра қалдырған жерлесімізді әлем мойындап, мерейтойы ЮНЕСКО көлемінде тойланбақ. Бұл ең алдымен жазушыға деген, тұтастай алғанда елімізге деген үлкен құрмет.
- Толығырық
- Категория: Алатау ақпараты
- 220 рет қаралды
https://www.youtube.com/embed/0iptWTLzV2M?si=CQsOSCEcFiUSXqc7"
Тағы басқа мақалалар...
95 ішінен 187 беті
Alatau News, Copyright 2023, All Rights Reserved.