https://www.youtube.com/embed/-QD1ZwCfurI?si=Un1PUP6jhlmDlhPn" 

Санитарлық-эпидемиологиялық бақылау департаменті БҚО халқына мәлімдеме жасады. Олардың сөзінше қарашаның енді құдықтағы суды емес, бөтелкедегі суды ішкені абзал болмақ. Себебі, ауру жұғуы мүмкін. 

НҰРЛЫБЕК МҰСТАЕВ БҚО САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Бұл аурудың атауы - гепатит А. Бұл су арқылы келетін дерттің түрі. Сол себепті сарапшы мамандар су басқан елдімекендердегі халыққа жер астынан шығып жатқан суды тұтынбауды, бүлінген тамақтарды жемеуді, қолды міндетті түрде сабындап жууға кеңес береді.

НҰРЛЫБЕК МҰСТАЕВ БҚО САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Статистикаға сүйенсек, өңірде вирустың 7 жағдайы тіркелген. Дерттің негізгі белгілері: дене температурасының жоғарылауы, жүрек айнуы құсу, тамақ ауруы, бөртпелер. Осы белгілерді бойынан сезген әр жан міндетті түрде дәрігердің көмегіне жүгінуі тиіс.

https://www.youtube.com/embed/lkTftgW1hfk?si=zsh6lOKdnljcGQiN" 

Нүкенова Бишімбаевтың қандай адам екенін құрбысына ашық жазған
Елордада әйелін ұрып өлтірді деген күдікпен сотқа тартылған экс-министр Қуандық Бишімбаевтың ісі жалғасуда. Бұл жолы сот залына Салтанат Нүкенованың құрбысы шақырылды. Онда мемлекеттік айыптаушы Айжан Аймағанова смс-хабарламаларды оқып берді. Куәгер ретінде шақырылған Аида Ахмединаның телефонындағы жазбалар адам шошырлық. Онда Салтанат Нүкенова күйеуінің күндіз-түні бақылауына алғанын, ұрып-соғатынын ашық жазған. 

АЙЖАН АЙМАҒАНОВА, ПРОКУРОР: «19 сәуір, түнгі сағат 02-00-дегі жазба. Маған адвокат керек. Ол менің заттарымды берер емес. Маған әкеммен бе, әлде ағаммен бе келіп бәрін алып кету керек. Мен саған сенемін. Кез келген жағдайға дайын жүруім тиіс. Мен шаршадым. Ол менің әр қадамымды бақылауында ұстап отыр. Айтқанына қарсы шықсам бірден ашуланып, ұрыс шығарады. Алматыда болғанда ол менің шашымды жұлып, айғай шығарды. Маниак сияқты сезімін білдіреді. Бұл махаббат емес қой.» 

Куәгердің телефонында жазбалар қатары мұнымен бітпейді. Сонымен қатар Салтанаттың құрбысына Бишімбаевтан құтылғысы, яғни, кеткісі келетіні қайта-қайта айтылған. Тіпті ол өзін тыр жалаңаш видеоға сақтық үшін түсіріп алғанын да жазады. 
Сот барысында, сондай-ақ, Нүкенованың көмекшісі Анар Тасова да куәгер ретінде шақырылды. Ол да сот залында Салтанаттың денесінен көгерген іздерді байқағанын айтып берді. 

https://www.youtube.com/embed/ik1mPbqLMpM?si=aJ2j08EQwdPxb0lC" 

Бірінші вице-премьер Роман Скляр Солтүстік Қазақстан облысының ауалдарын аралап жүр. Бүгінде Тайынша және Қызылжар аудандарында төтенше жағдай. Мұнда 103 үйді су басып, 678 адам құтқарылған болатын. Оның 100-ден астамы балалар. Айтпақшы, Қазгидромет елімізде су тасқынының екінші кезеңі болуы мүмкін деп болжайды. Өйткені, алдағы үш күнде 10,15 градусқа дейін күн жылынады. Солтүстік пен шығыста су тасқыны қаупі бар. 

https://www.youtube.com/embed/jShl0RJkt-s?si=zURE3a441FDj5Ipf" 

 
Су тасқыны салдарынан малы қырылған азаматтарға өтемақы қалай төленеді?  Өтінішті қайда жіберу керек? Алдын-ала ақпарат бойынша республикада өлген мал 8,1 мың басты құрайды. Тағы елдің бірқатар өңіріне қауіп төніп тұр. Еріктілер де, құтқарушылар мен әскерилер де аймақтарда, тәулік бойы үздіксіз қызмет етіп жатыр.  

Еліміздің шығысы мен оңтүстігінде нақты айтқанда Жамбыл облысында және Семейде жағдай ерекше бақылауға алынды. Себебі, алда күн күрт жылынып, аталған өңірлерде тасқын болу қаупі бар. Елдің барлық өңірінде еріктілер зардап шегушілерге көмек қолын созуда. Бір Астананың өзінен өңірлерге 550 тонна гуманитарлық көмек жіберілді. Елорда да 30 волонтерлік ұйым онда 600-ден астам ерікті жұмыс істеп жатыр.

ЭЛЬВИРА ЕСМҰХАНОВА АСТАНА ҚАЛАСЫ ЕРІКТІЛЕР ФРОНТ-ОФИСІНІҢ БАСШЫСЫ: «Қазіргі таңда Астанадан зардап шеккен өңірлерге 550 тонна гуманитарлық көмек жөнелтілді. Көмек кәсіпкерлердің, мемлекеттік органдардың, қауымдастықтардың, еріктілердің, қайырымды жандардың, азаматтардың арқасында көрсетіліп жатыр. Өңірлерге азық-түлік, жылытқыштар, қайықтар, генераторлар, күректер, 400 мың қап, балалардың киімдері, гигиеналық заттар, шатырлар, төсек-орын жабдықтары, резеңке киімдер жіберілді». 

Бүгін Қарағандылық төтеншеліктер Ақмола облысына көмекке келді.Себебі,  Жібек Жолы кентінің бірқатар аудандарын су басу қаупі бар. Жас ұландықтар да осы аймақта. Әскерилер де бар күштерін салуда. 

РУСЛАН ЖАНГУЛИН ҚО ҚМ РЕСМИ ӨКІЛІ: «Әуе көлігімен 39 адам тасымалданса, 4 тоннадан астам жүк жеткізіліп, 6 мыңнан аса қапшыққа құм толтырылып, төселді. Солтүстік Қазақстан облысы аумақтық қорғаныс бригадасының жауынгерлері Петропавл қаласы маңындағы Заречный ауылының аймағына Есіл өзенінің бөгетін нығайту үшін 1 050 қапшық құм дайындады. Төтенше жағдайлар департаменттері мен Полиция қызметкерлерімен бірге олар Заречный тұрғындарын эвакуациялауға қатысты. Солтүстік Қазақстан облысы Бескөл ауылында Астанадан келген 68665 әскери бөлімінің әскери қызметшілері ауылдың айналасын нығайту үшін 8000 қап құм толтырды. Екінші топ «ҚазАвтоЖол» Ұлттық компаниясы» АҚ мамандарымен бірлесіп Петропавл қаласының маңындағы айналма жолды нығайту жұмыстарын жалғастырып жатыр».

Ауыл шаруашылығы министрлігі бүгін ресми мәлімдеме жасады. Мал шығынына қатысты өтемақыны өтініш беру арқылы алуға болады деді. Жедел деректер бойынша өлген мал 8,1 мың басты құрайды. 

ОЛЖАС ТІЛЕБАЛДИН ҚР АШМ РЕСМИ ӨКІЛІ: «Су тасқыны салдарынан өлген ауыл шаруашылығы жануарларын иелері малдары туралы мәліметтерді көрсете отырып жергілікті комиссияға өтініш беруі керек. Ауыл шаруашылығы жануарларына меншік құқығы комиссиялардың актілерімен расталады. Меншік иелеріне өтемақы мөлшері ұлттық статистика бюросы жариялаған жануарлардың түрлері, жынысы мен жас шамасы бойынша нарықтық құны туралы мәліметтер негізінде айқындалады».

Әсіресе, теміржолшылардың көмегі көп тиюде. Жолды су шайған аймақтарда осы теміржол адамдарды құтқаруда да азық-түлік жеткізуде де жалғыз көлік құралы болып тұр. Жолшылар магистарльдық жолды кезекшілікпен тәулік бойы өздері күзетуде. 

https://www.youtube.com/embed/90RvdXHDr08?si=DE9r9mait8YeP9eX" 

Отыз күн ораза тұтып,иманы кәмілденген иісі мұсылман қауымы үшін қасиетті Ораза айт мерекесі басталды. Үш күн тойланатын ұлық мерекемен Президентіміз барша мұсылман қауымын құттықтады. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Қадірлі отандастар! Баршаңызды Ораза айт мейрамымен құттықтаймын! Бұл – мұсылман қауымының ерекше ықыласпен қарсы алатын ұлық мерекесі. Қасиетті Рамазан айында жұрт адамгершілік құндылықтарға баса мән береді, рухани тазаруға ұмтылады. Мұқтаж жандарға қол ұшын созып, айналасына қайырымдылық көрсетеді. Отыз күн оразадағы сабыр мен қанағатқа негізделген игі амалдың бәрі Айт мерекесінің шынайы болмысын айшықтай түседі. Ата дініміз адамзатты татулық пен тыныштыққа, қамқорлық пен мейірімділікке, жанашырлық пен жасампаздыққа үндейді. Адал еңбек етіп, адал табыс табуға шақырады. Мұның барлығы, түптеп келгенде, бүкіл еліміздің ырысты ынтымағын арттыруға ықпал етеді. Халқымыздың салт-дәстүрі Ислам дінінің, Рамазан айының және Айт мейрамының ұлағатымен ұштасып жатыр. Бұл сабақтастық берекелі бірлігімізді нығайтып, әділетті қоғам құру жолында маңызды рөл атқарады.Еліміз аман, жұртымыз тыныш болсын! Әр шаңыраққа бақ-береке және толағай табыс тілеймін! Айт қабыл болсын, ағайын!».

https://www.youtube.com/embed/ESDj_4HHbAA?si=-mTbjUpNOJB6laB2" 

https://www.youtube.com/embed/DGf9gPHMc8g?si=Ko8d08mTzYwo-p40" 

Сырдария өзеніндегі су деңгейі тұрақты. Сала мамандарының айтуынша, Батыс Қазақстанға қарағанда су тасқынына қауіп жоқ дейді.Бүгінде су жағдайына жауапты мамандар күнделікті бақылау жасап отыр. Биыл облыс ауағында ауа райының жылы болуы себебінен 1 наурыздан 20 наурыз дейін Сырдария өзені мұздан толық тазарды. Қазіргі таңда Қызылорда облысы аумағында су тасқынынан қауіп жоқ, ахуал тұрақты. Бүгінгі күні егістікке су алу науқанының жақындауына байланысты филиал тарапынан жерге дән себілгенге дейін шабындық жайылымдықтарды суландыру жұмыстары қарқынды жүргізіліп жатыр.

ҚАЙРАТБЕК СӘРСЕНБАЕВ АРАЛ-СЫРДАРИЯ БАССЕЙІНДІК ИНСПЕКЦИЯСЫНЫҢ БАСШЫСЫ: «Қазіргі таңда Шардара су қоймасы мен Көксарай су реттегішінің жұмыс кестесі бақылауға алынды. Жергілікті атқарушы органдар мен су шаруашылық ұйымдары бірлесіп, Сырдария өзеніндегі су деңгейіне күнделікті мониторинг жұмыстарын жүргізуде.Бізде батыс қазақстанға қарағанда тасқын суға қауіп жоқ».

https://www.youtube.com/embed/HUKdvP6BqZU?si=fhRbIcO6bRfjiJEZ" 

Бүгіннен бастап ауа-райын болжаушы мамандар күшейтілген жұмыс режиміне көшті. Өйткені, алда барлық өңірде күн күрт жылып, су тасқыны қаупі жоғары. Қазгидрометтің өңірлердегі синоптик және гидролог қызметкерлері 24/7 кесте бойынша тұрақты негізде жұмыс істейтін болады. Айта кетейік, Атырау, Ақтөбе, Қостанай, Батыс Қазақстан, Солтүстік Қазақстан, Ақмола, Шығыс Қазақстан облыстары және Абай облысында су тасқыны қаупі бар деп болжануда.

Мұндағы су объектілерін бақылау жылдам режимге ауыстырылды. Ал, бүгін республика бойынша 9 гидрологиялық дауыл туралы ескерту жарияланды. 

https://www.youtube.com/embed/DVEdgsIbMms?si=-7kMag0Ds-0XxqcZ" 

Алапат жалын. Бүгін түнде Астанада резеңке бұйымдарды сақтайын қойма өртке оранды. Қызыл жалын 1000 шаршы метрге жайылған. Бұл нысанда тек резеңкеден жасалған заттар болғандықтан, төтеншеліктерге өртті сөндіру қиынға соқты. Себебі, ондай заттар әдетте жоғары температурада және тез жанады. Сондықтан, жеке құрамнан 61 өрт сөндіруші және 15-ке жуық техника жоғары дәрежелі шақыру бойынша оқиға орнында жұмыс істеді. 

НАЗАРӘЛІ СЕЛИМОВ АСТАНА ҚАЛАСЫ ТЖД ӨРТ СӨНДІРУ ҚЫЗМЕТІНІҢ БАСТЫҒЫ: «8 сәуір жедел басқару орталығына 22,51 минутта өрт туралы хабарлама келіп түсті. Жалпы көлемі 1200 шаршы метр. Барлық бөлімшелер үшінші жоғарғы шақыру бойынша көтеріліп, өртке жұмылдырылды. Зардап шекккендер жоқ. Түнгі 1 сағат 34 минутта өрт оқшауланды».

https://www.youtube.com/embed/RUa1IVXZG_g?si=JOf4uiaqrvz9Gj0n" 

Алматы әуежайының маңындағы балалар алаңында «тамағы тілінген» ер адамның мәйіті табылды. Күдікті ізі суымай ұсталды. Алдын ала болжам бойынша, қылмыс алкогольдік ішімдікті бірге ішу негізінде жасалған.

САЛТАНАТ ӘЗІРБЕК АЛМАТЫ ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ: «Күдікті ізі суымай ұсталды. Кісі өлтіру фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды. Алдын ала болжам бойынша, қылмыс алкогольдік ішімдіктерді бірге ішу негізінде жасалған. Екі ер адам ішімдік ішкен. Басқа жағдайлар анықталуда».

https://www.youtube.com/embed/q-J9qOM_hMk?si=sFRgPP0avZhpCLt9" 

Қоғамды дүрліктірген экс-министр Қуандық Бишімбаевтың кезекті соты жалғасып жатыр. Бүгінгі сот отырысы қылмыс болған БАУ мейрамханасының қызметшісіне сұрақ жауап алудан басталды.Куәгердің сөзінше,сол күні Бишімбаев мейрамханадағы вип кабинаның астаң-кестеңін шығарған және ол әдеттегіден қарағанда қатты ашулы болыпты. Ресторан қызметшілері мұндай жанжалға бірнеше мәрте куә болған.  Сондай-ақ,  Сот-медициналық сарапшы Тахир Халимназаров Салтанат Нүкенованың алған жарақаттарын манекен арқылы сызба бейнелерімен баяндап берді. Көп жылдық еңбек өтілі мен тәжірибесі бар сарапшының айтуынша, марқұмның бет сүйегі мен бас сүйегіне 12-13 соққы жасалып, соның бәрі жиналып, өлімге әкеліп соққан.

Сондай-ақ марқұмның мойынында қылқындыру белгілері байқалған. Сарапшының қорытындысында бас миының жарақатын (зақымдануын) көрсететін сот - медициналық диагнозы қойылды. Бұл жарақаттар мидың зақымдалуына әкеледі. Мұның бәрі бірге ауыр зиян келтіру ретінде  өлімге әкеп соғатын тікелей себеп болып табылады", - деді сарапшы.

https://www.youtube.com/embed/PNk34cHme1E?si=xpZFEfF8pz9QpPj0" 

Су тасқынына қарсы шараларды Премьер-Министр жіті бақылауына алған. Өзі өңірлерді аралап, дайындықты көзбен көріп жүр. Бірінші орынбасары Роман Скляр да бірге. Жер-жердегі жедел штабтар тәулік бойы жұмысты тоқтатпайды. Бүгін Үкімет басшысының тапсырмасымен Солтүстік өңірге Қорғаныс министрлігінің қосымша 300 әскери қызметшісі келіп қосылды. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Жұмысқа жеке құрам мен Ұлттық ұлан жұмылдырылды. Полк те күшейтіледі. Қорғаныс министрлігі қосылды, сондықтан күш жеткілікті болуы керек. Қазір күш біріктіруіміз керек. Алдағы 2-3 күнде ауыр зардаптардың алдын алу үшін көп жұмыс істеу керек. Ең алдымен адамдар зардап шекпеуі маңызды». 

Теріскейдегі Петропавл қаласына қауіп төніп тұр. Сергеевка су қоймасы арнасынан асуы мүмкін. Салдарынан 3 аудан мен қаланы су басуы мүмкін деген болжам жасалды. Өңірге Түркістан, Павлодар, Қарағанды облыстарынан құтқарушылар мен еріктілер көмекке келген. Ал, Павлодарда болса жағдай тұрақталды. Бұл аймақта қарғын су салдарынан 38 баспана бүлінген еді. Алғашқы 24 үйдің қожайыны мемлекеттік өтемақыны алды деді өңір басшысы.