https://www.youtube.com/embed/1Nvlrpk4GMo?si=FAGctWGQxMCTM9Qd" 

Жапония үкіметінің мәліметі бойынша соңғы жылдары туу көрсеткіші төмендеп кеткен. Жергілікті билік ұрпақ санының азаюына қатты алаңдап отырған жайы бар.

Жапонияда демографиялық құлдырау байқалады.Бұған соңғы жылдардағы статистикалық мәліметтер дәлел болып отыр.

ЙОШИМАСА ХАЯШИ МИНИСТРЛЕР КАБИНЕТІНІҢ БАС ХАТШЫСЫ: "Туудың төмендеуі біз үшін дағдарыс. Алдағы алты жылда трендті әлі де қалпына келтіруге болады. Ал 30-шы жылдары жастар санының тез қысқаруы басталады. Менің ойымша, қазір шұғыл шаралар қабылдаудың уақыты келді".

Премьер-Министр Фумио Кисида бұл тенденцияны ел алдында тұрған ең ауыр дағдарыс деп атады. Ол отбасы институтына ерекше мән беру,кезек күттірмейтін мәселе екендігін алға тартып отыр.

ЖАПОНИЯ ТҰРҒЫНЫ: "Ата-әжелер үшін бала күтіміне көмектесу қиындай түсуде. Менің ойымша, әлеуметтік орта әйелдердің көп балалы болуына және жұмысын жалғастыруына жол бермейді".

ЖАПОНИЯ ТҰРҒЫНЫ: "Егер біз саясатты өзгертпесек және шетелден жұмысшыларды қарсы алатын жүйе жасамасақ, онда біз мәселені шеше алмаймыз".

Әлеуметтанушылардың бағалауы бойынша, Жапония халқы 2070 жылға қарай шамамен 30% - ға азаяды. Бұл ретте он тұрғынының әрбір төртеуі 65 және одан жоғары жаста болмақ.

https://www.youtube.com/embed/B9EQIb0Dpd8?si=9H6jINwCl9nMdR2p" 

Бүгін Мемлекет басшысы Қасым-Жомарт Тоқаев Сыбайлас жемқорлыққа қарсы іс-қимыл агенттігінің төрағасы Асхат Жұмағалиды қабылдады.Асхат Жұмағали сыбайлас жемқорлыққа қарсы қызметтің былтыр атқарған жұмысының нәтижесі жөнінде есеп берді. Оның айтуынша, өткен жылы жемқорлыққа қатысты 1692 қылмыс тіркеліп, 1324 адам әшкереленген. Оның 161-і түрлі деңгейдегі басшылар. 1221 іс сотқа жіберілген.

2022 жылдан бері мемлекетке және квазимемлекеттік сектор субъектілеріне 2,2 млрд АҚШ долларынан астам көлемінде мүліктік активтер мен қаражат қайтарылған.  Қасым-Жомарт Тоқаев сыбайлас жемқорлыққа қарсы іс-қимылды және алдын алу шараларын күшейтуге бағытталған жүйелі жұмыстарды жалғастыру жөнінде бірқатар нақты тапсырма берді. 

https://www.youtube.com/embed/XDX_XaXN_c0?si=h7gg03ha92I46HlA" 

Үкімет отандық өндірісті дамытуға құлықты. Осы мақсатта «Бәйтерек» холдингі сатыпалым ережелерін қысқа мерзімде қайта қарауы қажет. Осылай деген үкімет басшысы  Олжас Бектенов мемлекеттік қолдауға ие болған кәсіпорындар елішілік құндылықты  арттырып отыруы керек деді. Яғни, жаңа жұмыс орындарын ашып, қызметкерлеріне бәсекеге қабілетті жалақы төлеп, еңбек өнімділігін өсіруге міндетті.

Айта кетейік, биыл холдингтің еншілес ұйымдары экономиканың шикізаттық емес салаларының кәсіпорындарына жалпы сомасы 2,8 трлн теңге көлемінде қолдау көрсеткен, бұл алдыңғы жылмен салыстырғанда 45%-ға артық. Квазимемлекеттік сектор субъектілеріне жатпайтын 71 мыңнан астам компания мен ұйымға 2,5 трлн теңге көлемінде қаражат бөлінген.2023 жылы Ауыл шаруашылық өнімдері кешені саласын қаржыландырудың жалпы көлемі 665,2 млрд теңгені құрапты. Бұндай қолдау шараларының арқасында елімізде 6 мыңнан астам жаңа жұмыс орны құрылып, 3,8 трлн теңгенің өнімі шығарылған.

https://www.youtube.com/embed/pQlEN2vj8xg?si=3QzdpveWIDeUmDlx" 

Ертеңнен бастап Астана, Алматы, Шымкент және тағы 12 облыстың тұрғындары сағат тілін бір сағат артқа жылжытып, біртұтас уақыт белдеуіне көшеді. Бұған тұрғындар қаншалықты дайын және ғалымдардың пікірі қандай?Келесі тақырыпқа назар аударсақ.

Сағат тілі бір сағатқа кейінге шегеріледі дегенді естіген жұрт екі жақты пікірде. Бірі жақтаса, екіншісі кері пікір білдіруде.

"Уақыттың ауысуы туралы айтар болсам, ыңғайлы деп ойлаймын. Себебі, уақыт бір сағат артқа шегінгендіктен адамдар жұмыстан ерте шығады, қолайлы, өз шаруаларына үлгереді деп ойлаймын. Дәрігерлерде айтып жатыр ғой, уақыт артқа шегінсе ұйқы көбейеді, денсаулыққа жақсы деп. Мүмкін, соның да бір пайдасы тиер".

"Жеке өз басыма ешқандай өзгеріс болмайды. Потому что, біз әлі сабақтамыз, оқудамыз. Тек 1 сағат ертерек тұру қажеттігі болмаса"

"Менің жеке ойым ыңғайсыз халыққа деп ойлаймын. Кімге керегі бар артқа жылжытудың? Не үшін қажет? Сол жағын түсінбедім не үшін өзгертіп жатқанын".

Қазір елімізде екі уақыт белдеуі (UTC+5 және UTC+6) бар. Атырау, Батыс Қазақстан, Маңғыстау, Ақтөбе және Қызылорда облыстары 4-сағаттық белдеумен есептеліп жүрсе, Астана, Алматы, Шымкент қалалары және қалған облыстар 5-сағаттық белдеуімен санап жүр.  Осыған байланысты ғалымдар халықты дүрлікпеуге шақырады. Себебі, адам өмірінің үштен бірі ұйқымен өтеді. Яғни, бұл өзгеріс еліміздің көптеген аймақтары үшін пайдалы және ыңғайлы. Мамандардың сөзінше табиғи уақыт белдеуіне оралу денсаулық пен адам өміріне жақсы әсер етеді.

ӘМІР ҚУАТ ҒАЛЫМ-БИОТЕХНОЛОГ
"Қазіргі таңда UTC+6-ға тұрып жатқандықтан, нағыз тал түс сағат 13:00 ығысып тұр. 12:56-12:58-ге. Бірақ, біздің өзіміздің табиғи уақытымыз UTC+5 болғандықтан, негізгі тал түс сағат 12:00 келуі тиіс. Сонда біз,  UTC+5 көшкен кезде, нағызғы түс 11:56-11:58 шамамен осы уақытқа келетін болады. Демек, біздің ағзамыздағы циркаттық ритмдер сол күн сәулесінің, күн ырғағына синхронды түрде жүретініне әкеліп соғады. Ол адамның ағзасындағы барлық процесстердің дұрыс жүруіне әсер етеді".

Сондай-ақ, көпшілікті алаңдатқан сауалдардың бірі - ерте уақытта алынып қойған билеттер. Жолаушылардың сауалдарына арнайы мамандар да жауап берді. 

ТІЛЕК ӘБДІРАҚЫМОВ "AIR ASTANA" АҚ КОРПОРАТИВТІК КОММУНИКАЦИЯЛАР ЖӨНІНДЕГІ МЕНЕДЖЕР:
"Эйр Астана компаниясысы Қазақстанның біріңғай уақыт белдеуіне көшуіне байланысты рейстер кестесін өзгертті. Олар 5 қалаға қатысты: Алматы, Астана, Шымкент, Өскемен және Қостанай қалаларына осы рейстер уақыты өзгереді. Осы туралы жолаушылар СМС хабарламалар және электронды пошталарына хаттар алады. Ал сәуір мен қазан айы аралығындағы рейстер автоматты түрде наурызда өзгертіледі және осы туралы да жолаушыларға хабардар етіледі".

САРА САХЫНБЕК «ЖОЛАУШЫЛАР ТАСЫМАЛЫ» АҚ БАСПАСӨЗ ҚЫЗМЕТІНІҢ ӨКІЛІ:
"Наурыз айында пойыздар жаңа кесте бойынша жүреді. Бұл билеттерде де ескерілген. Ең бастысы, жолаушылар өздерінің сағаттарын бірыңғай уақыт белдеуіне сәйкес ауыстыруы керек".

Мамандар жолаушыларға сапарларын алдын-ала жоспарлауға, сондай-ақ билетте көрсетілген жөнелту және келу уақытын мұқият қарауға кеңес береді. 

https://www.youtube.com/embed/l56v8yW0gYY?si=2nZcVq6Xz1cvetsf" 

БҚО да жол жөндеу жұмысы бойынша өткен жылдың қорытынды статистикасы көңіл көншітпейді. 180-ге жуық мердігерге ескерту жасалса, оның 90-ы қатаң бақылауда. Айта кетсек, биыл облыста 500 шақырымнан астам жолды жөндеу жоспарланған.

«Жол активтерінің ұлттық сапа орталығы» республикалық мемлекеттік кәсіпорнының орталық аппарат мамандары әр өңірде оқу-семинарларын өткізуде. Мұнайлы өңірде болған мониторингтік топтың жұмысы Батыс Қазақстан облысында жалғасты.

СЕРІК АРОН «ЖОЛ АКТИВТЕРІНІҢ ҰЛТТЫҚ САПА ОРТАЛЫҒЫ» РМК ОРТАЛЫҚ АППАРАТТЫҢ ӨНДІРІСТІК ТЕХНИКАЛЫҚ БӨЛІМІНІҢ БАСШЫСЫ

Жол құрылысы жұмыстары таяу арада басталмақ. Бұл аралықта жобаны іске асыру кезінде орталықтың зертханасында құрылыс материалдарына талдау жасалады. Мердігерлер жыл сайынғы бақылау шарасына салғырт қарайтын көрінеді.   

АБЫЛАЙХАН АЛШИНБАЕВ «ЖОЛ АКТИВТЕРІ ҰЛТТЫҚ САПА ОРТАЛЫҒЫ» РМК БҚО ФИЛИАЛЫНЫҢ ДИРЕКТОРЫ: «Өткен жылдың қорытындысы бойынша статистика көңіл көншітпейді. 180-ге жуық мердігерге ескерту жасалса, оның 90-ы мамандар бақылауында. Облыс әкімі де мердігерлердің қызметін назарда ұстап отыр. Маусымдық жұмыстар таяуда басталады. Біздің мекеме құзырындағы қызметтерді білесіз. Тапсырыс беруші, құрылыс мекемелерімен байланыса отырып, тасымалданған құрылыс материалдарын зерттеп, талапқа сай келетіні жөнінде қорытынды береміз».

Бүгінде материалдың 40 пайызы тасымалданыпты. Биыл аймақта аудандық және облыстық маңызы бар 502 шақырым жолды жөндеу жоспарланған. Бұл жұмыстарға қазынадан 100 млрд теңгеден астам қаржы бөлініп отыр. 
  
БАУЫРЖАН АЙТМАҒАНБЕТОВ БҚО ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БАСҚАРМАСЫНЫҢ БАСШЫСЫ

Сала мамандарының айтуынша, биыл аудандық және облыстық маңызы бар 500 шақырым жол жөндеуден өтеді. Егер жоспар орындалса облыс жолдарының сапасы 52 пайыздан 58 пайызға көтерілуі мүмкін.

https://www.youtube.com/embed/2FdcW6shWvM?si=BISf6OhOawvMXCoq" 

Қарт Каспий  күннен күнге тартылып жатыр. Ақтаулық мамандардың сөзінше бұның соңы экожүйенің нашарлауына әкелуі мүмкін. Бұндай жағдай 47 жыл бұрын орын алған деседі.

Жалпы жағалау 2300 шақырымды құрайды. Оның 1400 шақырымы Маңғыстауға тиесілі. Теңіз жағалауынан өзгеріс көргендердің бірі Нұркен Тәжібай.

НҰРКЕН ТӘЖІБАЙ БЛОГЕР: «Соңғы 3 жылда Каспийді дронмен әр қырынан түсіріп жүрмін. Сартас, Кендірлі, Темір баба тұсынан кадрларға ілген сәттерімде болды. Осы жерді көргенде көңілім құлазып қалды. Былтыр бұл аумақта қайықтар жүзіп, адамдар шомылушы еді. Бұл үлкен апат. Каспийдің арнасы толу үшін барлық шараларды қарастыру керек деп ойлаймын».

Бұл жағдай тұрғындарды да алаңсыз қалдырмады. Олар үкіметтен үміт күтуде.

“2018 жылы осы жерге дейін келетін. Жыл сайын тартылып, азайып келеді. 00*24-Ақтаудың байлығы- Каспий. Шара қолдану керек Үкіметтен. Жылдан жылға азайып барады. Зерттеу керек. Аралдың күйін кешпесіне кім кепіл?”

“Осы қалада 66-шы жылдан бері тұрамын Каспийдің азайып, кейін қайта болған кезі болды. Мына түрі қорқынышты. Су жағалаудан көп алшақтап кетті. Туризмді дамытамыз десек, туристердің қамыс басқан қуаңшылыққа емес, теңізге қызығатынын ойлауымыз керек”.

Зерттеулерге қарасақ, Каспий теңізінің қазақстан секторының акваториясы соңғы 15 жылда 7 пайызға азайған. Бұл жағдай кеме қатынасына да қауіп төндіріп тұр. Себебі, судың азаюы, жауын-шашын сиреуі, су тұтынудың күрт өсуі және күннің ысуы ылғалдың буға айналуынан дейді мамандар. Дей тұрғанмен мәселенің 2 шешімі бар. Біріншісі – Каспий мен Азов теңізін қосатын Еуразия каналын салу. Екіншісі – Иран Президенті ұсынған Каспийдің оңтүстігінен Парсы шығанағына дейін канал қазу.

ОРЫНБАСАР ТОҚЖАНОВ ТӘУЕЛСІЗ ЭКОЛОГ:«Мұндай жағдайда, Қазақстан Түркіменстан сияқты 5 мемлекет үшін бірден Еуропаға Атлант мұхитына шығады, былай Үнді мұхитына шығып кете алады. Теріскейге Волға өзені арқылы Ақ теңізге, Мурманскіге шығып кете алады. Шығынды жоба. Қалай болғанда да, осы жоба жүзеге аспайынша Каспий теңізін қалпына келтіру мүмкін емес».

Соңғы 150 жылда су деңгейі 5 рет түсіп-көтерілген. Биылғы деңгей ең төмені дейді ғалымдар.

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ: «Біздің тарапымыздан Каспий теңізін, ондағы проблемаларды талдау үшін институт құру жұмыстары атқарылуда. +3*03- Құрылған 3 департамент: халықаралық қарым-қатынас департаменті, білім және инновация мен су саясаты департаменті Каспий теңізі прблемасын шешу үшін тығыз байланыста жұмыс істеуі керек».

Каспий теңізі 5 мемлекетке ортақ болғандықтан,оны зерттеу шаралары айтулы елдердің келісім жобалары арқылы жүзеге асатын болады.

https://www.youtube.com/embed/Ywp5_EfKX4I?si=ZIgU6naIrZ6bV_Mm" 

https://www.youtube.com/embed/gIWDUxdFyb4?si=ZGiodfRbAVBRUiJl" 

Бүгін – қазақ халық поэзиясының әйгілі тұлғасы, өлең сөздің дүлдүлі, жырау, жыршы Жамбыл Жабаевтың дүниеге келген күні. Ұлы ақынның даталы мерекесіне орай,жылдағы дәстүр бойынша Алматы облысына қарасты Жамбыл ауданында мерекелік іс шара ұйымдастырылды.

Жыр алыбы Жамбылдың туған күніне орай, Алматы облысы әкімінің орынбасары бастаған азаматтар ақынның жатқан жеріне келіп, оның рухына тағзым етуден бастады.Сондай-ақ басына барып құрын бағыштап,тәу етті. Жамбылдың ұлылығы оның тек ақындық шеберлігімен ғана емес, сонымен бірге, халық поэзиясының бұтақ жайған жаңа бір бәйтерегі болуымен, басқаша айтқанда, халық ақындарының жасампаздық рухтағы жаңа ұлы көшін бастаған даралығымен де өлшенеді. Оның сөздері ұранға айналып, халық поэзиясының атасы атанды.  

НҰРЛАН ӘБДІРАХЫМ АЛМАТЫ ОБЛЫСЫ ӘКІМІНІҢ БІРІНШІ ОРЫНБАСАРЫ

Жамбылдың шығармашылық өмірі 19-ғасырдың 70-жылдарынан басталған. Бұл қазақ халқы үшін өте ауыр кезең еді. Ал, ақындық айтысқа 17-18 жасында араласып, көптеген өлең-жырларын, «Көрұғлы», «Өтеген» сияқты дастандарын да сол тұстарда жырлай бастаған. Ақынның шабытпен дүниеге келген шығармалары әлемнің ондаған тіліне аударылып, дүние жүзіне тараған. Көзінің тірісінде-ақ КСРО Мемлекеттік сыйлығының лауреаты атағын алып, өзінің де, халқының да даңқын дүйім дүниеге паш етті. 

Жамбыл ауданында тағы бір ерекше шара орын алды.Қаракәстек ауылының тұрғындары көптен күткен шағын спорт кешені ашылды. Ауылдың қарадомалақтарын салауатты өмір салтына бейімдеуге арналған нысанның құрылысына 700 млн теңгеден астам қаржы жұмсалған. Мұнда жастар спорттың бірнеше түрімен шұғылданбақ. Білікті мамандар тартылған. Облыстық дене шынықтыру және спорт басқармасы мамандарының айтуынша өңірге қарасты өзге де шалғай елдімекендерден осындай спорт кешендерін салу қарқынды түрде қолға алынбақ.

ЕРБОЛАТ САРАБЕКҰЛЫ АЛМАТЫ ОБЛЫСТЫҚ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БАСШЫСЫ

https://www.youtube.com/embed/BrWrBmnfaBQ?si=DK0qxPjPjmy_D-wN" 

Қызылорда облысы Сырдария ауданы Бесарық ауылындағы құс фабрикасының жеке ғимаратында өрт оқиғасы орын алды. Қызыл жалын түнгі сағат 04.37-де тұтанып, құс фабрикасының 288 шаршы метр аумағын шарпыған. Өкінішке орай  4000 бөдене тірідей тілсіз жаудың құрбаны болды.Қазіргі таңда өрттің шығу себебі анықталуда.Жағымсыз жағдай таңғы сағат 06:12-де сөндірілді. Төтеншеліктердің хабарлауынша, өртті сөндіруге жеке құрамның 7 адамы мен 2 бірлік техникасы жұмылдырылған.

НҰРХАН МЕДЕУОВ  ҚЫЗЫЛОРДА ОБЛЫСЫ №4 ӨРТ СӨНДІРУ БӨЛІМІНІҢ БАСШЫСЫ

https://www.youtube.com/embed/FFXycPZJP08?si=6kz7hW5zOppj3VzV" 

2022 жылы Малиде исламшыл топ ұрлап кеткен қарт ерлі-зайыптылар мен олардың ұлдары табылды. Олар Римдегі Чампино әуежайына ұшақпен жеткізілді.

Рокко мен Джованни Лангоне және Мария Доната Кайвано тұтқынға түспес бұрын Малидің оңтүстігіндегі Кутиала қаласындағы діни қауымдастықта тұрған. Оларды «Әл-Каида» содырларымен байланысы бар жиһадшылар ұстап, ұрлап кеткен. Италия үкіметі олардың босатылуын Италия барлау қызметі мен Сыртқы істер министрлігі қамтамасыз еткенін айтты. Олар тайпа өкілдерімен және Мали барлауымен жұмыс істеді. Тұтқынға алынған кезде ерлі-зайыптылар 70-те, ал ұлы 50 жасқа таяп қалған.Олардың Италияда қалған екінші ұлы отбасын босатуға көмектескені үшін үкіметке алғыс айтты.

ДАНИЭЛЬ ЛАНГОНЕ ҰРЛАНҒАН ОТБАСЫНЫҢ МҮШЕСІ: «Мен Италия үкіметі мен дағдарыс бөлімшесіне көмектескені үшін шын жүректен алғыс айтқым келеді. Оларды аман-есен көретініме бір күн де күмәнданбадым десем де болады. Менің басымнан өткен оқиғаны ешкімнің басына бермесін».

Мали бірнеше жылдар бойы бүкіл аймақты тұрақсыздандырған исламшыл бүлікшілерді тоқтату үшін күресіп келеді. Сонымен бірге содырлар елді Батыс Африканың басқа елдеріне шабуыл жасау үшін бекініс ретінде пайдаланып жатыр.

https://www.youtube.com/embed/LKL8ZEtKVtI?si=-qAmDDybXci0TKZd" 

Еуропалық парламент Страсбург сессиясында табиғатты қалпына келтіру туралы заңға дауыс берді. Заңнама Еуро Одақ құрлықтары мен теңіздерінің бестен бір бөлігін табиғи күйге қайтаруды көздейді.

Еуропарламент табиғатты қалпына келтіру туралы даулы заңды мақұлдады. Дауыс беру Еуропадағы фермерлердің бірнеше аптаға созылған шеруінен кейін өтті. Шаруалардың наразылығының бір себебі – қатаң экологиялық талаптар.Табиғат туралы заң жобасын социалистер мен жасылдар белсенді түрде алға тартты. Қарсы депутаттар оны қабылдамауға тырысты. Еуроодақ парламентіндегі ең ірі әрі жетекші саяси күш – Еуропа халықтық партиясы да бұған қарсы болды. Дегенмен жаңа заңға 329 депутат дауыс берді. 275-і қарсы, 24-і қалыс қалды.

СЕСАР ЛУЭНА ДЕПУТАТ: «Менің ойымша, бұл тарихи прогресс. Еуропалық Одаққа тек табиғатты сақтаудан тыс қоршаған ортаны қорғау саясаты қажет. Демек, бұл алға ұмтылу дегенді білдіреді».

Жаңа заң Еуропалық Одақтағы бұзылған экожүйелерді қалпына келтіруге бағытталған. Еуропарламент табиғи аумақтардың 80 пайызы қазірдің өзінде деградацияға ұшырағанын мәлімдеді. Жаңа заңға сәйкес, ЕО елдері 2030 жылға қарай осындай зардап шеккен аймақтардың үштен бірін, соның ішінде ормандарды, шабындықтарды, өзендерді, көлдерді және сулы-батпақты жерлерді қалпына келтіруі керек. Ал 2050 жылға қарай барлық бұзылған экожүйелерді табиғи күйіне қайтару көзделген.Заң ауыл шаруашылығы мақсатындағы жерлерге де қатысты болмақ. Яғни, бұрынғы экожүйені қалпына келтіру үшін жерді шаруалардан мемлекет меншігіне де қайтаруы мүмкін. Дегенмен, заңға қарсы тарап бұл ЕО үшін азық-түлік өндірісіне әсер етеді деп есептейді. Жаңа заңды әлі Еуропалық кеңес қабылдауы керек.Тек содан кейін ол күшіне енеді.

https://www.youtube.com/embed/yspblnV4ApE?si=HCBx7bVgfgHeUNZq"

«Сирек кездесетін ауруға шалдыққан балалар Қазақстан Халқы қорынан дәрі-дәрмек ала алмайды. Бұған кім кінәлі және не істеу қажет?». Бүгін Алматыда аталмыш мәселеге арналған басқосу орын алды. Келесі тақырыпқа назар аударсақ.

Мемлекеттің сирек кездесетін ауруға шалдыққан науқастарға деген көзқарасы – еліміздің денсаулық сақтау саласының көрсеткіші болып табылады. Статистикаға сүйенсек, жер шарындағы әрбір оныншы адам сирек кездесетін індетке шалдыққан. Ал Қазақстанда айтулы дерттің құрбандары көбінесе балалар. Дей тұрғанмен тиісті дәрі-дәрмексіз қалып отырған жағдайы бар. «Қазақстан халқы» қоры мен облыстық білім басқармалары жауапкершілікті бір-біріне сыруы, өмір мен өлімнің ортасында тұрған балалардың тағдырына балта шапқанмен тең. Балжігіт Торыбаев сырқат баланың күтімін жасап отырған әкенің бірі. Айтуынша ұлының еміне қажетті дәріні дер кезінде алып беруге оның қалтасы көтермейді.

БАЛЖІГІТ ТОРЫБАЕВ СИРЕК КЕЗДЕСЕТІН АУРУҒА ШАЛДЫҚҚАН БАЛАЛАРДЫҢ ӘКЕСІ:
«Осыған дейін мысалға отыруға қиналған екі балам, қазірдің өзінде үлкен қызым жүре алатын жағдайға жетті. Ал, үлкен ұлым өздігінен 5 минут ғана отыратын балам қазір 2-3 сағат өздігінен отырып, жазу жаза алатын болды. Қызымның биге талпынысы бар. Бұның барлығы дәрінің көмегінің арқасында болып келген. Бірақ енді орталықтандырылған сатып алу жүйесін жоятын болсақ, онда бүкіл осыған дейін жеткен жетістігіміздің барлығы 0 болады деген сөз». 

Нина Григорянда сирек ауруға шалдыққан 2 баласының болашағын ойлап шырылдауда.  Балаларының тыныс алу мүшелеріне арнайы маскалар қажет. Бірақ, ондай аппараттар 2-6 млн теңгенің көлемін құрайды.  

НИНА ГРИГОРЯН СИРЕК КЕЗДЕСЕТІН АУРУҒА ШАЛДЫҚҚАН БАЛАЛАРДЫҢ АНАСЫ:
«Қазақстан халқына» қоры пайда болған кезде пациенттер қажетті құрал-жабдықтармен қамтамасыз етіледі деп үміттене бастадық. Өйткені бұл қордың бастапқы міндеті - ағза аурулары. Бірақ, өкінішке орай, біздің пациенттер жүгіне бастағанда, барлығына бірдей 
қазіргі уақытта қордың қатысуымен құрылғыларды сатып алуға қайырымдылық көмек көрсету бағдарламасы нивелді жөтел, электр сорғыштар, маскалар, шығын материалдары, сөмкелер және тағы басқалар бекітілмеген, сондықтан фонд бағдарламасын бақылап отырыңыздар деп жауап берді. Әзірге ешқандай ашық бағдарлама әзірленбенді. Денсаулық сақтау министрлігі де, Қазақстан қоры да көмек бермеді». 

Сирек кездесетін ауруға душар болған балалар осылайша Денсаулық сақтау министрлігімен   аты дардай болған «Қазақстан халқына» қорынан  тиісті көмек ала алмай әлек. Ал ата-аналар болса, енді кімнен көмек сұрарларын білмейді.

СӘБИЛЯ ШҮГЕЛОВА «ӨМІРГЕ СЕН» ҚОҒАМДЫҚ ҚОРЫНЫҢ НЕГІЗІН ҚАЛАУШЫ ЖӘНЕ ДИРЕКТОРЫ:
«Дәрі-дәрмек сатып алуға оның тіркелген немесе тіркелмегеніне қарай мемлекеттік бюджеттен қаржы бөлінеді. Яғни, егер Денсаулық сақтау министрлігінің бұйрығында тіркелген болса, онда соның бюджеті арқылы беріледі. Бізде омыртқа бұлшықетінің дистрофиясы үшін арнайы дәрілер бар және соған арналған препараттар республикалық орталық есебінен беріледі. Елімізде бейбіт тұрғындарды дәрі-дәрмекпен қамтамасыз ететін жалғыз аймақ – Алматы. Қалған аймақтар «Қазақстан халқына» қорына өтініштер береді және солар препаратпен қамтамасыз етеді». 

САИДА ТАУКЕЛЕВА «ЕУРАЗИЯ ЕМДЕЛУШІ ҰЙЫМЫНЫҢ ОДАҒЫ» ҚБ ТӨРАҒАСЫ:
«Президентіміз айтқандай,  бірінші мақсатта –  емделушілерді қамтамасыз етуіміз керек. Қазақстанда қандай да бір білім беру қорын ашудың орнына осы орталық ашылды. Шын мәнінде балалардың бұл дәрі-дәрмектерсіз жағдай өте қиын әрі өте қауіпті. Бұл мукалтинмен емдеуге болатын жөтел емес. Бұл тұрақты динамикалық емдеуді қажет ететін ең қиын ауру түрі, сондықтан мен бүкіл қоғамды, барлық мемлекеттік органдарды және жалпы пациенттердің мәселелеріне алаңдайтындардың барлығын осы жағдайға мұқият назар аударуын және әлі де бірлескен күш-жігер арқылы қормен жұмыс істеуін сұраймын».