https://www.youtube.com/embed/BeuT1wZ0NPw?si=IaLTA3O2217ejAUq" 

Ақжол секілді батыр балалар кезкелген ортадан шығады.Ол үшін жастарға патриоттық тұрғыдан дұрыс тәлім-тәртие берілуі керек. Бүгінде мектеп оқушыларына ұлтжандылық құндылықты дәріптеу жұмыстары кешенді түрде жүргізіліп жатыр.Мәселен "Алматы мектебі" жобасы аясында ауқымды жобалар жүзеге асуда. Айтулы бағдарлама барысында ұстаздардың біліктілігін арттыруға ерекше көңіл бөлінуде. "Оқу - тәрбие процесін жетілдіру жұмыстары қарқын ала бастады. Бүгін шаһарда жобалау - зерттеу қызметін пайдалану" мектебінің тәжірибесін жинақтау бойынша қалалық семинар ұйымдастырылды. Басқосуға қатысушылар педагогтардың тартымды тәрбие, сабақтан тыс уақытты тиімді пайдалану тәжірибесін жинақтауға ден қойылуда.

ЛӘЗЗАТ ИБРАЕВА АЛМАТЫ ҚАЛАЛЫҚ №56 ГИМНАЗИЯ ДИРЕКТОРЫНЫҢ ОРЫНБАСАРЫ

«Алматы мектебі» жобасын жүзеге асыру аясында ауқымды жұмыстар атқарылып жатыр.Бұл жерде педагогтардың шығармашылық белсенділігі жатыр.Бүгінгі семинарға қатысушылар жаңа бағытқа бет алып,алға қойған мақсаттарын айқындап алды деуге болады».

ШӘМШІНҰР БАКИЕВА АЛМАТЫ ҚАЛАЛЫҚ №125 МЕКТЕПТІҢ ДИРЕКТОРЫ:

«Біздің білім шаңырағы «жасыл мектеп» жобасының белсенді қатысушысы деп айтсақ болады.Экологиялық жоба аясында түрлі байқауларға қатысып жатырмыз.Жастар қарапайым қоқыс тастаудық қыр-сырын,оның экологияға зиянды тұстарын жақсы біледі. Табиғат басты қазына сондықтан оны аялауды,қастерлеуді жанжақты насихаттауымыз керек.

https://www.youtube.com/embed/fNBzLNn2RTg?si=n-xN2Y4QOmX2AygZ"

Оқу-ағарту министрлігінің «Бір тұтас тәрбие» бағдарламасы аясында ауқымды шаралар орын алып жатыр. Айтулы шараның негізгі мақсаты оқуда озат, айналасына құрметті шәкірттерді тәрбиелеу. Алматы қаласындағы № 154 жалпы білім беретін мектеп қабырғасындағы танымал актермен кездесу,соның куәсі деуге болады.Көптеген телесериялдардан бой көрсетіп жүрген өнер иесі Бейнұр Баймұхамбетов пен ата-ана мен баланың арасындағы қарым-қатынас мәселесіне байланысты өзекті тақырыптар талқыланды.

МАҚПАЛ МҰСАБЕКОВА АЛМАТЫ ҚАЛАЛЫҚ №154 ЖББМ ДИРЕКТОРЫНЫҢ ТӘРБИЕ ІСІ ЖӨНІНДЕГІ ОРЫНБАСАРЫ

Бейнұр Баймұхамбетов жастармен кездесу шарасына өзінің ұлын да ерте келген. Әкенің ізін қуған баласы да «Бозторғай», «Жылы ұя» секілді телесериялдармен танымал. Шара аясында ұстаздар мен оқушылар қонақтарға өздерін қызықтырған сауалдарын қойды.Сонымен қатар кино әлемінің қызығы мен шыжығын сұрап жатты.

БЕЙНҰР БАЙМҰХАМБЕТОВ АКТЕР

https://www.youtube.com/embed/we-48_8z8pM?si=yketVZmj8nlQYqGO" 

Аты шулы «АрселлорМиталл Теміртау» компаниясының басшылығы ауысады. Ал, кәсіпорында тұралап қалған мәселенің оң шешілуін үкімет өзі басты назарда ұстайды. Бірінші кезекті, өндірісті жаңарту, қауіпсіздік шараларын арттыру, онда жұмыс істейтін еңбеккерлердің айлықтарын көтеру жоспарда тұр. Бұл туралы бүгін Сенатта азаматтық қорғау жүйесін жетілдіру мәселелері бойынша өткен парламенттік тыңдауда төтенше жағдайлар министрі Сырым Шәріпханов айтты.

Апаттан көз ашпаған кәсіпорынның жаңа инвесторы бүгін белгілі болды. Жұмысқа кетіп оралмаған кеншілердің қазасы күллі қазақты есеңгіреткен еді. Енді бұл шахтаға қазақстандық кәсіпкер Андрей Лаврентьев қаржы құяды. Осылайша «АрселлорМиталл Теміртаудағы» тұралап қалған бар мәселе кезең-кезеңімен шешіледі деп жоспарланып отыр. Зауыт толық трансформацияланады.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ:

«АрселорМиттал Теміртау» шахталарында екі апат болды. Біріншісі өрт, екіншісі, жарылыс. Бұл бағытта біздің өндірістік қауіпсіздік комитеті инспекциясының деңгейінің төмен екеніне көзіміз жетіп отыр. Ол проблеманы біз талай көтердік. 1990 жылдары инспекторлар саны 1600 адам болса, қазір 380 адам. Бұл бір. Екіншіден, олардың деңгейі өте төмен. Статусы төмен. Инспекцияға келетін адамдар саны 380 болса, вакансиялары 40-қа жуық. Айлықтары төмен. Бұл үлкен мәселе. Оны кешенді түрде шешу керек. Трансформация ретінде қарастырған абзал. Қазір бізге үкімет тапсырма беріп отыр. Біз қазір өзіміздің тұжырымдаманы әзірлейміз. Соған осы мәселенің бәрі енгізіледі».

Одан бөлек, бүгін Сенат қабырғасында өрт сөндірушілердің мардымсыз жалақысы мен ескірген техниканың жайы сөз болды. Министр, азаматтық қорғау органдары қызметкерлерінің жұмыстары олардың денсаулықтары мен өмірлеріне қауіпті, психологиялық, физикалық тұрғыдан да ауыр. Оның үстіне олар тәулік бойы жауынгерлік әзірлікте болады дегенді тілге тиек етіп, қызметкерлерге қосымша үстемақы төлеу мәселесін көтерді.

СЫРЫМ ШӘРІПХАНОВ ҚР ТӨТЕНШЕ ЖАҒДАЙЛАР МИНИСТРІ: «Соңғы орын алған ірі апаттар, кәсіби авариялық-құтқару қызметтерінің төмен деңгейіндегі жай күін, жабдықтау тапшылығын, жеке құраммен қамтылмауын, қауіпті өндірістің қауіпсіздік ережелерін сақталмауын, жоюға берген ұсынымдарды елемеуі, құтқарушылардың еңбекақысының төмен болуын және әлеуметтік қамтамасыз етудің жүйелі проблемалары бар екенін көрсетті».

Сенат төрағасы Мәулен Әшімбаев, «Азаматтарымыздың алаңсыз және қауіпсіз өмір сүруі үшін тиісті жағдай жасау –біздің міндет» - дейді.

МӘУЛЕН ӘШІМБАЕВ ҚР ПАРЛАМЕНТІ СЕНАТЫНЫҢ ТӨРАҒАСЫ:

«Табиғи және техногендік апаттардың салдары қашанда ауыр болады. Сол себепті азаматтық қорғауды күшейту, осы саладағы қауіптердің алдын алу - мемлекеттік органдардың ең маңызды мақсаттарының бірі. Өкінішке қарай, соңғы жылдары елімізде көптеген табиғи және техногендік сипаттағы апат болды. Оның салдарынан мыңдаған адам зардап шекті. Қаза тапқандар да бар екені жасырын емес. Бұл алаңдатарлық жағдай. Өрт қауіпсіздігін қамтамасыз ету мәселесі аса маңызды екенін атап өтті. Өйткені соңғы жылдардың өзінде осы бағытта көптеген төтенше оқиға болды».

Азаматтық қорғау туралы заңға қатысты айтылған бұл өзгерістер мен толықтырулардың нақты қашан енетіні әзірге белгісіз.

https://www.youtube.com/embed/CF1-Zjf-tDQ?si=zLHgeGLTbyFwr02k" 

Бүгін Мемлекет басшысы Қасым-Жомарт Тоқаев Астана қаласының әкімі Жеңіс Қасымбекті қабылдады.Бас қаланың әкімі негізгі экономикалық көрсеткіштер бойынша оң динамика бар екені жөнінде мәлімет берілді. Биылғы 10 айдың ішінде бір триллион теңгеден астам инвестиция тартылған. Жыл соңына дейін жалпы сомасы 87,7 миллиард теңге болатын 25 инвестициялық жобаны, соның ішінде өңдеу өнеркәсібі саласында 14, білім және медицинаға қатысты 7, логистика бағытында 4 жобаны іске қосу жоспарланып отыр. Бұл бастамалар 1,4 мың жұмыс орнын ашуға мүмкіндік береді.

ЖЕҢІС ҚАСЫМБЕК АСТАНА ҚАЛАСЫНЫҢ ӘКІМІ

https://www.youtube.com/embed/PmRAA6DZPrc?si=GHQCUVtznccIuuSP" 

25 жылға сотталған Перудың бұрынғы президенті Альберто Фухимори еліне оралды. Оған 2017 жылы сол кезде мемлекет басшысы болған Педро Пабло Кучинский рақымшылық жасаған болатын.

Алайда бұрынғы президент он айдан аз уақыт бойы бостандықта болды. Сот рақымшылықтың күшін жойып, экс-президент түрмеге қайта оралды. 2022 жылдың наурыз айында Перудың Конституциялық соты денсаулығына ауыр дерттен зардап шеккен елдің бұрынғы басшысын босату туралы шешім қабылдады. Бұл шешімге бірнеше рет шағым жасалғанымен, бірақ осы аптада сот рақымшылық туралы шешімді күшінде қалдырды.

Фухимори жапон мигранттарының отбасынан шыққан. Ол 1990 жылдан 2000 жылға дейін Перу президенті қызметін атқарды. 2009 жылы ол 25 адамды өлтірген «өлім жасақтарын» құрды деп сотталған болатын.

90-жылдардың басында Фухимори елдегі коммунистік радикалды қозғалыстарға қатаң қарсылық көрсетті. Бұл маошылдық және марксистік Тупак Амару революциялық қозғалысын тудырды. Екі ұйым да Перу үкіметіне қарсы қарулы күрес жүргізді. Президент Фухимори радикалды әрекеттерді тоқтатып, елдегі жағдайды тұрақтандыруға қол жеткізді.Қазір экс-мемлекет басшысы қызының үйіне келді.

КЕЙКО ФУХИМОРИ БҰРЫНҒЫ ПРЕЗИДЕНТТІҢ ҚЫЗЫ: «Біз бәріміз жаңа процесті бастаймыз деп үміттенеміз. Біздің жүрегімізде өшпенділік пен зұлымдыққа орын жоқ. Біздің басымыздан өткен және қазір сезінген барлық нәрсе үшін тек алғыс айтам.Мен бұрынғы президент Кучинскийге кешірім жасағаны үшін, сондай-ақ қысым мен қорлауға ерлікпен төтеп берген барлық адамдар мен мемлекеттік қызметкерлеріне алғыс айтамын».

КЕНХИ ФУХИМОРИ ЭКС- ПРЕЗИДЕНТТІҢ ҰЛЫ: «Мен осы уақыт ішінде әкем әділетсіз түрмеде отырғанда бізге шын жүректен көңіл бөліп, оның денсаулығына алаңдаған барлық адамдарға алғыс айтқым келеді».

Альберто Фухимори - Перудағы бірінші азиялық президент және Жапон императорлық үйіне кірмейтін әлемдегі жалғыз жапон.

https://www.youtube.com/embed/uB2qLA_U-OA?si=zC28qfUDenEJiSFj" 

NASA қызметкерлері мен Халықаралық Ғарыш Станциясының экипаж мүшелері Халықаралық ғарыш станциясының 25 жылдығын атап өтті.

Осыған орай Джонсон ғарыш орталығы мен станция экипажы арасында тікелей байланыс орнады. NASA әкімшісінің орынбасары Боб Кабана ХҒС іске қосылғаннан бергі негізгі жетістіктерін, соның ішінде 3000 ғылыми зерттеулерін атап өтті.

ДЖОЭЛЬ МОНТАЛЬБАНО NASA ӨКІЛІ: «Жерде тұрып үйрету мүмкін емес нәрселерді орбитаға шыққаннан кейін өз бетінше үйренуге мүмкіндік туды»

ХҒС экипажының командирі Андреас Могенсен өз тәжірибесімен бөлісті.

АНДРЕАС МОГЕНСЕН ХҒС ЭКИПАЖЫНЫҢ КОМАНДИРІ: «Салмақсыздық - бұл ерекше нәрсе. Өкінішке орай, оған дайындалудың жолы жоқ. Біз мұны ұшу кезінде сезіне аламыз, бұл жерде нөлдік гравитацияда өмір сүру және жұмыс істеу қызықты ғана емес, сонымен қатар өте қиын».

Моргенсен Жер орбитасында зертхананы пайдалануға көп елдер мен жеке компаниялар қатысады деп үміттенетінін айтты.ХҒС бортинженері Лорал О'Хара да алған әсерімен бөлісті.

ЛОРАЛ О'ХАРА БОРТИНЖЕНЕР: «Дүние жүзіндегі адамдардан құралған командалар біздің тамақ пен киім-кешектен бастап, борттағы ғылыми зерттеулерге дейін осы миссиялардың барлық аспектілерін зерттеп жатыр. Олар ғарыш станциясын да басқарады. Сенсеңіз де, сенбесеңіз де: біз бортта болсақ та, біз ғарыш станциясын басқармаймыз. Оны Хьюстондағы, Ресейдегі және басқа жерлердегі миссияларды басқару орталықтарындағы бақылаушылар топтары басқарады».

1998 жылы 20 қарашада Ресей ғарышты игерудің жаңа дәуірін ашты. Ресейдің «Протон» зымыран тасығышы Қазақстандағы Байқоңыр ғарыш айлағынан ұшырылып, ХҒС-ның Заря деп аталатын бірінші модулін орбитаға шығарды.
Модульдер ғарышта 1998 жылы 7 желтоқсанда құрастырылды. ХҒС АҚШ, Ресей, Еуропа, Жапония және Канада секілді алпауыттардың басын біріктірді. Халықаралық ғарыш станциясы да планетадағы адам жасаған ең қымбат зертханаға айналды.

https://www.youtube.com/embed/gkPXMCEcFio?si=k39UOhgWRSHfTJgb"

Жетісу облысында қызылша ауруы өршіп тұр. Мамандар эпидемиологиялық ахуал тұрақсыздығына алаңдаулы. Жыл басынан бері 556 жағдай тіркелген. Оның 381- і зертханалық сараптамада расталған. Сонымен қатар, жіті респираторлық вирустық инфекциясы да белең алып тұр. Бұл туралы сала мамандары баспасөз брифингінде айтты.

Қызылша тез жұғатын жіті жұқпалы вирустық ауру. Нақты белгілері: науқастың қызуы көтеріліп, ауыз қуысы мен тыныс жолдары шырышты қабықтары қабынады және терісі қызара бөртеді. Індетті жұқтырғандардың басым бөлігі 5 жасқа дейінгі балалар. Айта кету керек аурудың өршуіне басты себептің бірі - кейбір ата-аналар. Олар бір жастан алты жасқа дейінгі балаларына вакцина алудан бас тартады. Салдарынан науқастанған бала вирусты ауыр қабылдайды.

АСХАТ ЧАРАПИЕВ ЖЕТІСУ ОБЛЫСТЫҚ САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІНІҢ БАСШЫСЫ «Қазір сіздер және балалар ауырмай жүрсе, ол бізде бұрыннан келе жатқан топтық иммунитеттің барлығының арқасында кейбір адамдар ауырмайды. Бірақ ол жылдан жылға азайып жатыр. Сондықтан біз топтық иммунитетті қалыптастыру үшін халықтың 95 пайызын қамтуымыз қажет».

Бүгінде қауіпті індет облыстың барлық аумағында тіркелген. Сондықтан, қызылшаға қарсы иммундау шаралары қарқынды жүріп жатыр. Елімізде 2007 жылдан бері дүниежүзілік денсаулық сақтау ұйымы мақұлдаған Үндістанның вакцинасын қолданады. Әзірге, аймақта 10 мыңнан аса адамға вакцина салынды.

БІРЖАН ОСПАНОВ ЖЕТІСУ ОБЛЫСТЫҚ ЖҰҚПАЛЫ АУРУЛАР АУРУХАНАСЫНЫҢ БАС ДӘРІГЕРІ «Арнайы вакцина егу арқылы көптеген жұқпалы арудың алдын алдық. Мәселен, сібір жарасы, туберкулез сынды бірқатар індетті жеңдік. Вакциналар бізге ауру тізбегін тоқтатуға мүмкіндік береді. Қазір клиникада 41 науқас қызылшамен жатыр, оның 80 пайызы 5 жасқа толмаған балалар. Яғни бұған дейін ауруға қарсы екпе алмағандар». Мамандар тұрғындарды екпені уақытылы салдыруға шақырады. Сонымен қатар, жеке гигиенаны сақтап, адамдар көп жиналатын жерлеріне аз бару керектігін айтады.

https://www.youtube.com/embed/Tqjg3eKduRY?si=jX2nhlZPUo_tueJj" 

Әл-Фараби атындағы Қазақ ұлттық университетінде Қытай университеттерінің көрмесі өтті. Шараны ҚазҰУ мен ҚХР стипендиялық кеңесі және Алматы қаласындағы ҚХР бас консулдығы ұйымдастырды.

Көрмеде Қытайдың 45-ке жуық ең үздік университеті академиялық қызметі туралы ақпарат беріп, ғылыми жетістіктерімен бөлісті. Сондай-ақ білім алушы жастарға халықаралық бағдарламалар арқылы оқуға түсу мүмкіндіктерін таныстырып, қабылдау ережелерін түсіндірді.Жиында Жансейіт Түймебаев сөз сөйлеп, Қытай университеттері көрмесінің ҚазҰУ-да өтуі Қазақстанның білім, ғылым саласындағы елеулі оқиға екенін атап өтті.«Қазіргі таңда ҚазҰУ Қытайдың 51 жоғары оқу орнымен серіктестік орнатып, тығыз жұмыс істеуде. Мемлекет басшысы Қасым-Жомарт Тоқаевтың Қытайға ресми сапары аясында оқу ордасында Солтүстік-батыс политехникалық университетінің филиалын ашу жөнінде келісімге қол жеткізілді. Ағымдағы жылдың қазан айында аталған филиал ашылып, жұмысын бастады.

Шара барысында Қытай ЖОО-ның соңғы онжылдықтағы жетістіктерін таныстырылды. Қытайлық ЖОО қызметкерлері өз ойларымен бөлісті.

ZHANG JIAJIA ШАНХАЙ ХАЛЫҚАРАЛЫҚ БИЗНЕС ЖӘНЕ ЭКОНОМИКА УНИВЕРСИТЕТІНІҢ ХАЛЫҚАРАЛЫҚ ЫНТЫМАҚТАСТЫҚ ДЕПАРТАМЕНТІНІІҢ ҚЫЗМЕТКЕРІ: «Қазақстанға тұңғыш келіп отырмын. Көрме өте жоғары деңгейде өтіп жатыр. Біздің университетімізде Қазақстаннан келген студенттер білім алады. Және олардың білімділігі,адамгершілігі мен мәдени деңгейлеріне өте таң қаламыз. Олар қоғамға әрдайым жақсылық сыйлап дамуды көздейді. Осы көрмеге келу арқылы Қазақ елінің өсу мен дамуын көріп отырмыз. Қазақстан мен Қытайдың ЖОО арасындағы достығының нығаюын қалаймыз».

WANG XUEYUAN HARBIN ПОЛИТЕХНИКАЛЫҚ УНИВЕРСИТЕТІНІҢ ХАЛЫҚАРАЛЫҚ ҚАТЫНАСТАР ДЕПАРТАМЕНТІНІҢ СТУДЕНТТЕРДІ ХАЛЫҚАРАЛЫҚ АЛМАСТЫРУ БӨЛІМІНІҢ ЖЕТЕКШІСІ: «Сәлеметсіздер ме. Қазақстандағы бірқатар оқу орындарымен соның ішінде ҚазҰУ мен біздің университет арасында тығыз қарым қатынас бар. Бұл жолғы көрмеге өзіміздің университетімізді таныстыратын буклеттер,жарнамалар кішкентай кітапшалар алып келдік. Қазақстан маған өте ұнады. Өте жайлы сезілді. Студенттердің.ұстаздардың жарқын түрлерін көріп мен тамаша әсер алдым».

Жиын соңында қатысушылар көрмені аралап, Қытай мен Қазақстан делегациясы шағын құрамда келіссөз жүргізді. Тараптар серіктестікті нығайтуға, білім мен ғылым саласындағы байланыстарды тереңдетуге баса мән бере отырып, екі ел университеттері арасындағы қарым-қатынастың қазіргі жай-күйі мен даму перспективасын жан-жақты талқылады.

https://www.youtube.com/embed/K6_HKq5dxIo?si=6aMQwGyd887oXVu4" 

«Жас сарбазға – 5 жыл». 2019 жылы құрылған бұл ұйымның бүгінде қатары артқан. Нақтырақ айтқанда, географиясы кеңейіп, 280 мың тәрбиеленушіге жетті. Олардың ішінде күні кеше Алматыдағы автобус апатында қанша адамның өмірін құтқарған, мектеп оқушысы Ақжол Геройда бар. Айта кетейік, Қазақстанның барлық аймағындағы мектептерде «Жас сарбаз» клубы жұмыс істейді. Мақсат: отансүйгіш, патриот жас тәрбиелеу. Бұл Қорғаныс министрлігінің жобасы.

АҚЖОЛ ГЕРОЙ ЖАС БАТЫР: «Мен өз ісімді ерлік емес, адамдық борышым деп санаймын. Бірнеше адамның тағдыры қыл үстінде тұрғанда бар ойым автобусты тоқтату болды. Менің орынымда басқа біреу болса да, солай істер еді. Мен тек өз борышымды өтедім. Құрметті, Қорғаныс министрлігі менің еңбегімді елегендеріңіз үшін алғыс айтамын. Осы саланы таңдап, еліме қызмет етемін. Құрметті жас сарбаздар өз елінің патриоттары болыңдар. Бүгінгі жас сарбаздар күнімен құттықтаймын».

https://www.youtube.com/embed/0N1otAIm0oM?si=05qvikYJWJO5qZhr" 

Ақтау қаласындағы бұрынғы жатақхана, қазіргі оңалту орталығында тұрып жатқан тұрғындар шағым айтуда. Олардың сөзінше, орталықтың басшылық құрамы жиналыс жасап, 31-ші желтоқсанға дейін бөлмені босатасыңдар деп ауызша ескертіпті-мыс. Қақаған қыста қуып шықса қайда барамыз деп алаңдағын жалғызбасты аналар мен көпбалалалы отбасылар жергілікті биліктен мәселені шешіп беруін сұрайды. Аталмыш мекеменің басшысы біз ешкімді қумаймыз, тек 4-ші қабаттағы тұрғындарға 5-ші қабатқа көшіңіздер деген ескерту жасадық дейді.

Бұл орталық бұрын жатақхана еді. Кейін мемлекет меншігіне өтіп, оңалту орталық болды. Махаббат Ізбасарова осы бес қабатты нысан жатақхана болып тұрған кезде бөлме алған. Көшіп келгеніне 1 жыл болыпты. Үй кезегіне тіркелгелі жатқан ол, жаңа баспананың кілтін алғанға дейін осы жерде тұруға мәжбүр. Қазір құжаттың жырымен жүр. Орталықтың ай сайынғы коммуналдық төлемдерін кешіктірмей өтеп жүрмін, - дейді ол. Бала-шағасымен қанғып қалмаудың қамын жасап жүрген жалғызбасты ана, орталықтан қуып шығама деп алаңдайды. Себебі жақында осындағы тұрғындармен жиналыс өтіп, бөлмені босатасыздар деген ауызша ескерту айтылыпты.

МАХАББАТ ІЗБАСАРОВА – ЖАЛҒЫЗБАСТЫ АНА «Мен өзім қатыстым сол жиналысқа. Сол кезде Ғалия деген юрист айтты. Біз желтоқсанда сіздерді шығарамыз деді. Соған дайын болыңдар деді. Сол кезде мен сұрақ қойдым. Шығаратын кезде ескертесіздер ме дегенімде, приказға қол қойылсын, біз ескерту береміз деді. Қарайған халық ол жалған нәрсені айтпайды ғой. Енді бұлар өздерінің әрекетін жоққа шығарып отыр ғой, жақсы оны өздері біледі. Бірақ бүгінгі жағдайға тағыда хабарсызбын. Еш жерде ештеңе жоқ, бүгін сағат 2 де естідім. 4-ші этаждан 5-ке көшесіңдер деді.

Махаббат Ізбасарова секілді басқада тұрғындар осындай уәждерін айтты. Олар төрттен бесінші қабатқа көшкілері келмейтіндерін мәлімдеді. Себебі ол жердің тазалығы сын көтермейді. Бөлмелердің есіктері қирап, су ағарлары дұрыс жұмыс жасамайтынға ұқсайды. Көшіргілері келсе басқа жатақханадан орын берсін деген талап қойды.

ГҮЛАЙЫМ САРИЕВА – ЖАЛҒЫЗБАСТЫ АНА «4-ші этаждан 5-ке көшіріп жатырғо. Ал мен 5-ке көшпеймін. Онда ешқандай жағдай қарастырылмаған. Ол жерде балкондарда есіктердің бәрі сынық. Қыстың уақыты, балдар қайта-қайта ауырып қалып жатыр. Екі күн жылу болмаса, үш күн ыстық су болмады. Алдында тіпті бір аптада ыстық су болған жоқ. Отоплениеде болған жоқ. Менің талабым мен өзім басқа жатақхана сұраймын».

Бұл нысан қазір 1-ші және 2-ші топтағы мүмкіндігі шектеулі жандар үшін оңалту орталығы болғанымен, бұрын жатақхана уақытында қалып қойған 200 ге жуық тұрғын әлі тұрып жатыр. Олардың коммуналдық берешегі 10 млн теңгеге жуықтады дейді мекеме басшысы. Ал жатақхананы босату жайында ешқандай әнгіме айтылмады деп отыр. Тек 4-ші қабаттан 5-ші қабатқа көшіру туралы ескерту ауызша айтылғанын растады.

АЙБАРША ОРДАБАЕВА- «ОҢАЛТУ ОРТАЛЫҒЫ» КММ БАСШЫСЫ: «Егер жатақханадан шығатын жағдай болған кезде біз уведомление беріп, кәдімгідей алдын ала ескертіледі. Біздің тарапымыздан ондай мәселе болған жоқ. 4-ші этажда тұрғындардың көбі босатылғандықтан, көп бөлме бос тұрғандықтан, біз бір этажға біріңғай қылып тұрғындарды орналастырайық деп 5-ші этаждағы бірнеше комната бос болғандықтан, 5-ші этажға көшуге тұрғындарға айттық».

Алаңдайтын еш негіз жоқ, жатақханадан ешкім қуылмайды. Ал бір қабаттан екінші қабатқа көшу мәселесі ол рет-ретімен шешілетін болады. Тұрғындармен келісіліп реттелен шарауа деді орталық басшысы. Коммуналдық төлемге келетін болсақ заң аясында тұрғындар қарыздарын өтеуі міндетті, - дейді Айбарша Ордабаева.

https://www.youtube.com/embed/suMlAjFug1g?si=x0dDJvRmY8nEJuhy" 

https://www.youtube.com/embed/sJ8-r34QK3I?si=Z4dnpSx5sBtOYExg" 

Бүгін Алматыда Ш.Уәлиханов атындағы Тарих және этнология институты қабырғасында ХІ Ақай Нүсіпбеков оқулары аясында «Кеңестік кезеңдегі Қазақстан: тарихы, жеке тұлғалары,өзекті мәселелері» атты республикалық ғылыми-парктикалық конференция өтті. Жыл сайын дәстүрге айналған іс-шара жайлы толығырақ тарқатсақ.

ЗИЯБЕК ҚАБЫЛДИНОВ Ш.УӘЛИХАНОВ АТЫНДАҒЫ ТАРИХ ЖӘНЕ ЭТНОЛОГИЯ ИНСТИТУТЫНЫҢ ДИРЕКТОРЫ

Шараға белгілі тарихшы ғалымдар,жоғары оқу орындарының профессор-оқытушылар құрамы сонымен қатар А.Нүсіпбековтың шәкірттері мен туыстары қатысып,ғалымның қоғамдық -саяси және ғылыми мұрасына,оның отандық тарих ғылымының қалыптасуындағы ұйымдастырушылық рөлі мен қосқан үлесі жайлы құнды дүниелер айтылды.

ҚАЙДАР АЛДАЖҰМАНОВ Ш.УӘЛИХАНОВ АТЫНДАҒЫ ТАРИХ ЖӘНЕ ЭТНОЛОГИЯ ИНСТИТУТЫНЫҢ ХХ ҒАСЫРДАҒЫ ҚАЗАҚСТАН ТАРИХЫ БӨЛІМІНІҢ БАС ҒЫЛЫМИ ҚЫЗМЕТКЕРІ,ТАРИХ ҒЫЛЫМДАРЫНЫҢ КАНДИДАТЫ,ПРОФЕССОР

Кеңестік кезеңдегі Қазақстан тарихын зерттеудің методологиялық ұстанымдары,тарих ғылымының қалыптасу мен даму ерекшеліктері,кеңестік модернизация жағдайындағы қазақ ауылдары,Алаш қозғалысына қатысқан зиялыларға қарсы ұйымдастырылған саяси репрессиялар,Кеңестік Қазақстандағы ғылым және мәдениет сынды мәселелер талқыланып жас ғалымдардың кәсіби біліктілігін арттыру мақсатында Нүсіпбеков оқуларын жыл сайын өткізуге, магистранттар мен докторанттарға ғылыми мұрасын зерттеу бағытын тақырып ретінде ұсынылу сынды бірқатар қарар қабылданды.

МӘКЕН НҮСІПБЕКОВА АКАДЕМИК АҚАЙ НҮСІПБЕКОВТЫҢ ҚЫЗЫ

Айта кетейік, шара аясында арнайы Ақай Нүсіпбеков жайлы түсірілген «Ғибратты ғұмыр» атты деректі фильмнен үзінді көрсетілді.Айтулы фильмнің толық нұсқасы арнамыздан 16 желтоқсан күні тұсауы кесіліп көрермендеріне жол тартпақ.