https://www.youtube.com/embed/m5kzTyyVmBA?si=8g6Ii9tfAhWYwBzL" 

Семейде биыл жөнделуі тиіс аулалардың тек 10 пайызға ғана дайын. Былтыр құжат жүзінде аяқталып, бірақ әлі салынбаған он шақты ойын алаңдары анықталған. Бұл туралы Сыбайлас жемқорлыққа қарсы іс-қимыл агенттігінің мамандары мәлімдеді. Айта кетейік биыл қаладағы 70 ауламен саябақтарды аббатандыру үшін қазынадан 2,4 млрд теңге бөлінген.

Көлік  тұрағына айналған мына алаң құжат бойынша былтыр салынып бітіп, тиісті мекеменің қабылдауынан өткен. Көріп тұрғандарыңыздай шаңы шығып жатыр. Түсірілім тобын байқаған жергілікті тұрғындар бірден базыналарын айтып, шағымдарын жеткізді.

РИНАТ МАМЫҚАНОВ ҚАЛА ТҰРҒЫНЫ: «Қағазбен бәрін жазып, бәрін істеген,бәзбіреулер акт-ға қол қойған.Ал бірақ жоқ! Енді оны мемлекетте қарау керек қой».

Балаларға арналған ойын алаңы мен асфальт төселуі тиіс бұл аулада ешқандай жұмыс жүргізілмеген. Мұндай арыздар тиісті мекемелерге бірнеше көшенің тұрғындарынан келіп түскен.

АҚНҰР ҚАЙРАТҚЫЗЫ “ПРЕЗИДЕНТТІҢ СЫБАЙЛАС ЖЕМҚОРЛЫҚҚА ҚАРСЫ САЯСАТЫНА ЖӘРДЕМДЕСУ ОРТАЛЫҒЫ “ АБАЙ ОБЛЫСЫ БОЙЫНША БАСШЫСЫНЫҢ ОРЫНБАСАРЫ: «ЖКХ бізге жауап беріп отыр барлығы қабылданған, қазір толықтай қабылданып алынған, барлық жағдай жасалды дейді. Бірақ көріп тұрғаныңыздай қазір 2023 жыл ешқандай жұмыс жасалмаған».

Қала билігі мәселені көріп, біліп отыр. Тиісті мекемеге жаңа басшы жақында ғана тағайындалған. Сондықтан арызданушыларға ол жаңадан келгенмін деп қысқа жауап қайырған.

ЕРНАЗ МҰҚАТАЕВ СЕМЕЙ ҚАЛАСЫ ТҮКШ БАСШЫСЫ: «Былтырғы жыл бойынша бізде мердігер «Алтын жаңбыр» дейтін организация болды. Солар мысалы үшін бүгінгі таңда тергеу жұмыстары жүргізіліп жатыр. 10-12 аула бойынша дефектовкалар жасалды. Шығындар саналды. Қазір материалдар сотқа дайындалып жатыр».

Ал мына аула бір айдан кейін толық жөнделіп тапсырылуы тиіс. Сыбайлас жемқорлыққа қарсы іс-қимыл агенттігі  тексеріс жүргізіп,  жұмыстарынан өрескел қателіктер тапқан.

МАДИЯР  БАЙТАБАНОВ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АБАЙ ОБЛЫСЫ БОЙЫНША ДЕПАРТАМЕНТІНІҢ АҒА ОФИЦЕРІ: «Мән жайды анықтау кезінде сегіз нысан бойынша 350 млн теңге қаражат бөлінгені анықталды. Оның жаңағы бөлінген қаражаттың 40 пайызы игерілгенмен нақты атқарылған жұмыс он пайыз шамасында ғана болған. Бұдан бөлек осы аталған сомаға жасалынған келісім шарт әу баста заңсыз болғаны белгілі болды.Үкімет қаулысының бекітілген тізбеге сәйкес шектеу 50 млн сомасы болғанымен,бұл жерде қаражат 7 есеге асып кеткен».

Қалалық әкімдіктегілер биылға жоспарланған 70 ауланың 62-сі толығымен аяқталатынын алға тартты. Ал қалған сегізі кесте бойынша 15 қазанға тапсырылады деп сендірді.

https://www.youtube.com/embed/RVrqAyTChHg?si=pd1YjfdavKDk038F" 

Қазақстан Президенті Қасым-Жомарт Тоқаев Берлинде Германия экономикасы Шығыс комитетінің ұйымдастыруымен өткен екі ел іскер топтарының дөңгелек үстеліне қатысты. Мемлекет басшысы өз сөзінде геосаяси дүрбелеңге қарамастан, былтыр екіжақты тауар айналымы 25 пайызға өсіп, 2,8 миллиард долларға жеткенін атап өтті. Оның айтуынша, Германия бизнесі Қазақстанға 6 миллиард долларға жуық инвестиция салған. Бұл инвестицияның 90 пайызға жуығы шикізаттық емес секторға тиесілі. Жалпы елімізде Германия капиталының үлесі бар мыңнан астам компания жұмыс істейді.

Қасым-Жомарт Тоқаев Германияның табандылық, нақтылық және жауапкершілік қағидаттарына негізделген бизнес жүргізу тәсілін жоғары бағалады. Сондай-ақ «Қазақстанда неміс сапасына сай жасалған» формула бойынша өнім шығаратын өндіріс орындарын ашуға мүдделі екенін айтты. Мемлекет басшысы өзара ынтымақтастықтың бірқатар перспективті бағытын атап өтті. Президенттің айтуынша, Қазақстан, ең алдымен, Германия және Еуропа өнеркәсібіне қажетті табиғи ресурстар мен маңызды шикізат саласында сенімді серіктес болуға дайын.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «2040 жылға қарай маңызды материалдар мен сирек кездесетін металдарға әлемдік сұраныс төрт есе артады деген болжам бар. Дүниежүзілік банктің бағалауынша, Қазақстанда құны 46 триллион доллардан асатын бес мыңнан аса барлау жасалмаған кен орны бар. Сондықтан мен Канцлер Олаф Шольцке бірлескен шикізатты игеру жобаларын жүзеге асыру үшін Консорциум құруды ұсындым. Бұл бастама үкіметаралық серіктестік туралы қолданыстағы келісімдермен қатар, ынтымақтастығымызды жаңа деңгейге көтеруге мүмкіндік береді. Мен Германияның жеке инвесторларын осы Консорциумға қосылуға шақырамын».

Президент жаңартылатын энергия көздері саласындағы ынтымақтастықты тағы бір перспективті бағыт ретінде атап өтті. Қасым-Жомарт Тоқаев «жасыл» сутегінің әлемдегі жетекші өндірушісі болу үшін елімізде барлық алғышарт бар екеніне тоқталды. Қазіргі уақытта Германия мен Швецияның бірлескен Svevind Group компаниясымен «жасыл» сутегін өндіру жөнінде сомасы 50 миллиард доллар болатын келісім жасалды. Бұл – әлемдегі ең ірі жобалардың бірі. Алдағы уақытта «жасыл» сутегі өндірісі «жасыл» болат, алюминий және басқа да металдарды өндіруге жол ашуы мүмкін. Президент Германияның технологиялық шешімдерін Қазақстанның табиғи және адами ресурстарымен ұштастыру жоғары нәтижелерге жеткізетініне сенім білдірді. Бұдан бөлек Қасым-Жомарт Тоқаев ауыл шаруашылығы саласындағы ынтымақтастықты ілгерілету үшін мол мүмкіндік бар екенін жеткізді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Қазақстан өңірдің азық-түлік хабына айналуды жоспарлап отыр. Осы мақсатта өнім өндіру, сақтау және тарату жұмыстарын ұштастыратын сауда-логистикалық байланыстардың өңіраралық жүйесі құрылады. Қазақстанның ауыл шаруашылығын орнықты дамытуға әртүрлі салада, соның ішінде биотехнологияға және тыңайтқыштар өндіруге, спутник арқылы зондтауға және жасанды интеллектіге, ауыл шаруашылығы техникасын шығаруға, ирригацияға, сондай-ақ тамақ өнеркәсібіне, генетика мен жаңартылатын энергия көздеріне маманданған Германияның көптеген компаниясы тартылуы мүмкін».

Қасым-Жомарт Тоқаев Германия бизнесмендерін Қазақстан экономикасын әртараптандыруға, жаңа өндіріс орындарын ашуға және озық неміс технологияларын енгізуге бағытталған жобаларды жүзеге асыруға белсенді қатысуға шақырды.Айта кетейік  Германия экономикасының Шығыс комитеті – Германия Федеративтік Республикасының Орталық, Шығыс және Оңтүстік-Шығыс Еуропа, Оңтүстік Кавказ және Орталық Азиядағы 29 елге арналған аймақтық бастамасы. Шығыс комитетіне Германия экономикасының алты жетекші одағы қолдау көрсетеді және оған 400-ге жуық компания мүше.

https://www.youtube.com/embed/tlyVOnTNeL8?si=x9um1OIvhjbP5vhH" 

Мемлекет басшысы  Қасым-Жомарт Тоқаев Германияға жасаған іс сапары аясында  бірінші Berlin Global Dialogue форумына қатысты. Президент «Көшбасшылар диалогы» сессиясында Қазақстанның жаһандық экономикалық процестердегі рөлі туралы өз көзқарасын айтты. Президенттің пікірінше, жаһандық экономикалық өзекті проблемаларды шешуге ықпал ететін жаңа әмбебап құндылықтар қажет. Әйтпесе, адамзат дүниежүзілік сауданың бұрын-соңды болмаған бөлшектенуіне тап болады. Бұл әлемдік жалпы ішкі өнім 7 пайызға құлдырауына әкеп соқтыруы мүмкін. Қасым-Жомарт Тоқаев сөзінің басым бөлігін еліміздің халықаралық экономикалық байланыстарды тұрақтандыру ісіндегі рөліне арнады.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Еуразиядағы екінші ірі мұнай қорына ие Қазақстан әлемдік нарықтарға энергетикалық ресурстардың ірі жеткізушісі саналады. Біздің мұнай экспортының 70 пайызы Еуропа Одағына шығарылатынын ескере отырып, экспорттық әлеуетімізді кеңейтуге және жаһандық энергетикалық дағдарысты жеңілдетуге үлес қосуға дайынбыз».

Сондай-ақ Қасым-Жомарт Тоқаев  форум қатысушыларына ұлттық экономиканы дамытудың перспективалары туралы мәлімет берді.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Былтыр Қазақстан экспорты 40 пайызға жуық өсті. Біздің ЖІӨ-нің едәуір бөлігі әлі де энергетика секторына тиесілі болғанымен, экономиканы әртараптандыруға күш саламыз. Автомобиль құрастыру, фармацевтика, металл өңдеу және машина жасау салаларындағы өсімді қамтамасыз ете отырып, Қазақстан бизнес жасауға ерекше қолайлы орта қалыптастыру арқылы шетелден кең көлемде инвестиция тартуды жалғастырып отыр».

Мемлекет басшысының Германияға жасаған іс сапарының маңызды бөлігі Олаф Шольц пен бірлесіп БАҚ өкілдері үшін өткізген брифинг деуге болады.Қазақстан Президенті мен Германияның Федералдық канцлері жоғары деңгейде өткен келіссөздерден кейін бұқаралық ақпарат құралдары үшін бірлескен мәлімдеме жасады. Мемлекет басшысы Берлинге сапармен келуге арнайы шақырып, қонақжайлық көрсеткені үшін Олаф Шольцке ризашылығын білдірді. Президент жүргізілген келіссөздер қазақ-герман қатынастарын одан әрі нығайтуға екі тараптың ниетті екенін тағы да растағанын атап өтті. Президент мұнай-газ химиясы, металлургия, көлік және логистика секілді перспективті салаларда бірлескен жобаларды жүзеге асыру мәселелері жан-жақты қарастырылғанын айтты.Қасым-Жомарт Тоқаев Қазақстан тарапының жетекші еуропалық компаниялармен қол жеткізген уағдаластықтарын жоғары бағалады.Мемлекет басшысы өз сөзінде екі елдің өзара ықпалдастығын кеңейтетін жаңа мүмкіндіктерге де тоқталды.  Федералдық канцлер Олаф Шольц өз сөзінде Қазақстан Германияның Орталық Азиядағы жетекші сауда-экономикалық серіктесі екенін атап өтті. Сондай-ақ энергетика, орнықты даму, цифрландыру және климаттың өзгеруіне қарсы күрес салаларындағы ынтымақтастықты кеңейтудің маңызды екенін айтты.Бұдан бөлек, Канцлер Германия мен Еуропа Одағы Президент Қасым-Жомарт Тоқаевтың бастамасымен Қазақстанда жүзеге асырылып жатқан реформаларды толық қолдайтынын мәлімдеді.Қазақстан мен Германия басшылары бұқаралық ақпарат құралдары өкілдерінің сұрақтарына жауап берді.Атап айтқанда, Мемлекет басшысына Қазақстанның Ресеймен қарым-қатынасы жөнінде, Украина төңірегіндегі қақтығыстарға қатысты сұрақтар қойылды.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Шын мәнінде, Қазақстан мен Ресейдің арасын әлемдегі ең ұзын құрлықтық шекара бөліп жатыр. Елдеріміз арасында сауда, гуманитарлық байланыстар бойынша дәстүрлі ынтымақтастық орнаған. 2013 жылы екі ел Одақтастық қарым-қатынас туралы шартқа қол қойды. Украинадағы қақтығысқа келер болсақ, Қазақстан әскери іс-қимылдардың тез арада тоқтатылуын және БҰҰ Жарғысы негізінде бейбіт келіссөз жүргізілуін жақтайды. Мен бүгін құрметті Канцлер мырзаға жағдайдың шын мәнінде өте күрделі екенін айттым. Ресей де, Украина да келіссөз жүргізуге дайын екенін растайды. Алайда келіссөздің қандай алаңда жүргізілетіні әзірше белгісіз. Сондықтан парасатты, салмақты, салиқалы дипломатияның кезеңі туады деп ойлаймын. Олар бірін-бірі айыптауды доғарып, екі жаққа да тиімді келіссөздің жолын табуы керек. Қазақстан Украина қақтығысын шешудің қандай да бір жолдарын ұсынып жатқан өзге елдер мен мемлекеттер тобының күш-жігерін қолдайды. Біз өз тарапымыздан барлық қажетті шараны қабылдаймыз».

https://www.youtube.com/embed/0M0q7oDYdsg?si=Nheb_BaRbu16CQpj"

https://www.youtube.com/embed/GmIhZMl1qss?si=VpLqLDzF5Qpb1nPo" 

Еліміздің Президенті Қасым-Жомарт Тоқаевтың Германия Федеративтік Республикасына ресми сапары басталды. Сапар барысында Мемлекет басшысы Федералдық Канцлер Олаф Шольцпен және Федералдық Президент Франк-Вальтер Штайнмайермен келіссөз жүргізеді.

Сонымен қатар Президент Орталық Азия және Германия мемлекеттері басшыларының кездесуіне қатысады деп жоспарланып отыр. Бұдан бөлек, Мемлекет басшысы халықаралық Berlin Global Dialogue форумында сөз сөйлейді және Германияның іскерлік қоғамдастығы өкілдерімен бірқатар кездесулер өткізбек.

https://www.youtube.com/embed/iEKqyxqpQu4?si=XlKuWbXq_NhJ4paB"

Елімізде сүт өнімдері екі есеге қымбаттауы мүмкін. Ал, сүт сатып ақша тауып отырған ауыл тұрғындарының 70 пайызы тұрақты табысынан айырылып қалу алдында тұр. Себебі, 2025 жылы 1 қаңтарда күшіне енетін Еуразиялық одақтың талабы тым қатал. Осылай деген сенат депутаттары бұл мәселені шешу үшін ауыл тұрғындарына жеңілдетілген несие беріп, әр аймақта сервистік-сатып алу орталықтарын құру қажет дейді. Әйтпесе, екі жылдан кейін сүт өндірісі толықтай тоқырауға ұшырамақ.

ЗӘКІРЖАН КҮЗИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: «Өкінішке орай, шикі сүтті оны өңдеу кәсіпорындарына Техникалық регламентке сәйкес жеткізудің мүмкіндігі жоқ. Шикізат тапшылығына байланысты қайта өңдеу кәсіпорындарының өндіріс қуаты 40%-ға дейін азаяды. Сүт зауыттарының 90%-ы жұмысын тоқтатуға мәжбүр болады. Оның талаптары күшіне енгеннен кейін, бүгінде сүт сатудан табыс табатын ауыл тұрғындарының 70%-ы тұрақты табыс көзінен айырылады. Сондықтан, кәсіпкерлер мен ауыл тұрғындарын қолдау керек».

Одан бөлек, бүгін Сенаттың жалпы отырысында депутаттар шетелдегі этникалық қазақтарды қолдау, сапалы ем алу үшін медициналық мекемелерді уақытылы қаржыландыру, Түркістан облысын газдандыру мен Шымкент қаласын дамыту туралы ұсыныс-пікірлерін айтты. Ол айтылғандардың қаншалықты жүзеге асатынын уақыт көрсетеді. 

https://www.youtube.com/embed/0Hkcn7uqXP4?si=46foOS9f86BA__Vd" 

Мексиканың Тапачула қаласында мигранттар автобусқа отыру үшін кезекте тұр. Олар АҚШ-та босқын мәртебесін алуға өтініш бере алатын елдің басқа аймақтарына тасымалдана бастады.

Мексика үкіметі адамдардың оңтүстік шекарасынан солтүстікке қарай қозғалысын жеңілдетуге тырысуда. Соңғы күндері мұнда Орталық және Оңтүстік Америкадан тым көп мигранттар жиналды. 8 мыңнан астам адамды тасымалдауға 189 автобус пен 73 фургон пайдаланылды.

БАРБАРА ЧИРИНО ВЕНЕСУЭЛАЛЫҚ МИГРАНТ: «Бізге АҚШ шекарасы болып табылатын межелі жерге еркін кіруге рұқсат беру керек, сонда біз оны кесіп өте аламыз. Сонымен қатар, автобустарды да жіберуі керек. Бұл балалар тұра алмайтын орта. Мұнда ауру балалар мен жүкті әйелдер бар».

ХОСЕ ТАВАРЕС ВЕНЕСУЭЛАДАН КЕЛГЕН МИГРАНТ: «Бізге межелі жерге жету үшін көбірек автобустар қажет. Мен оларға біздің қажеттілігімізге қолдау көрсеткендері үшін ризамын».

Ал Мексиканың солтүстік шекарасында Сьюдад-Хуарес қаласынан Американың Эль Пасо қаласына жетуге тырысқан Рио Браво өзенінен өткен мигранттар кері қайтарылуда. Америкалық шекарашылар қазір ешкімді өткізбей жатыр. Мигранттарға ресми орталықтарға барып, құжаттарын тапсыру керек дейді.

ЭДУАРДО ЭМИЛИО КАРПИО ВЕНЕСУЭЛАДАН КЕЛГЕН МИГРАНТ: «Техас ұлттық гвардиясы бізді өткізгісі келмейді. Олар өзеннің арғы бетінде тұрып қалған сөмкелерді алуға да рұқсат бермейді. Егер шекарадан өтсек, бәрімізді депортациялаймыз деді».

ЛЕЙДИ ДАЗА ВЕНЕСУЭЛАЛЫҚ МИГРАНТ: «Мен жүзе алмаймын. Сондықтан өзеннен өту қиын. Олар бізді өткізеді деп үміттенеміз. Бірақ бізге заңдардың өзгергенін айтты. Басқа ешкімге рұқсат етілмейді».

Соңғы апталарда Мексикаға мигранттардың үлкен саны келді. Бұл жағдай АҚШ-тың оңтүстік шекарасындағы мигранттар дағдарысын шеше алмады деп айыпталған Джо Байден әкімшілігіне қысым жасайды.

https://www.youtube.com/embed/JI30_yCr0pM?si=-rgrEslKT9rN3dY5" 

«Союз МС-23» капсуласы қазақ даласына қалыпты жағдайда қонды. Ол Жерге 68-ші және 69-шы ұзақ мерзімді экспедициялардың қатысушылары - ресейліктер Сергей Прокопьев пен Дмитрий Петелинді, сондай-ақ NASA астронавты Франсиско Рубионы әкелді. Экипаж Халықаралық ғарыш станциясында 371 күн болды.

Бұл Прокопьевтің екінші рейсі. Ол ғарышта барлығы 567 күн ұшып, ғарыш кеңістігіне 8 рет шығып, 55 сағатын өткізген. Петелин алғаш рет ғарышқа ұшты. Бұған дейін ол 6  рет ғарыш кеңістігіне шығып, онда 40 сағатқа жуық уақыт болған.

Рубио да Халықаралық ғарыш станциясына алғаш рет барды. Ол ең ұзақ үздіксіз ғарыштық ұшу бойынша америкалық рекордты жаңартты. Бұған дейінгі жетістік Марк Ванде Хейге тиесілі. Оның ұшуы 355 күнге созылды.

ФРАНСИСКО РУБИО NASA АСТРОНАВТЫ: «Тамаша, барлығы тамаша жұмыс жасады»

Экипаж 6 айға кешігіп оралды. Себебі, оларды жерге жеткізуі тиіс «Союз МС-22» ғарыш кемесіне метеорит құлаған. Нәтижесінде сыртқы жылуды басқару жүйесі қысымсызданды. Ғарышкерлерге «Союз МС-23» ғарыш кемесі жіберілді. Ал экипаж ресейлік Валерий Поляков әлемдік рекордтан алыс. Ол 1994 жылдың қаңтарынан 1995 жылдың наурызына дейін созылған ұшу кезінде «Мир» ғарыш станциясында 437 күн болды.

https://www.youtube.com/embed/SIDhRGSb2Lc?si=3HHrD6GwSvHHgP1L"

2048 жылға дейін Алматы мен Қонаев қалаларының ортасында жалпы ауданы 30 мың гектар болатын «G4 City» арнайы интеграцияланған қала салынады. Онда білім беру, медицина, өнеркәсіптік және логистикалық хабтар бой көтереді.

Бүгін Үкімет басшысы Әлихан Смайыловтың төрағалығымен осы жобаны іске асыруға қатысты жиын өтті. Жүргізіліп жатқан жұмыстар туралы Ұлттық экономика министрі Әлібек Қуантыров пен Алматы облысының әкімі Марат Сұлтанғазиев баяндама жасады.

Талқылау қорытындысы бойынша Премьер-Министр уәкілетті мемлекеттік органға бірқатар тапсырма берді. Енді жауаптылар бұл міндетті жіті қадағалауға алып,уақытында орындаулары керек.  

https://www.youtube.com/embed/IPqKST7JFn4?si=X6XOcS6ud2OU910X" 

Бүгінгі таңда қан айналымы жүйесі ауруларымен сырқаттанушылық деңгейі бірнеше есе өсуіне байланысты елімізде жыл сайын 40 мыңға жуық адам қайтыс болады. Алматыда бұл көрсеткіш жыл басынан бері 8000-нан асты, бұл өткен жылмен салыстырғанда 9,4% - ға жоғары.Мұндай статистиканы Өңірлік коммуникациялар қызметінің брифингінде Алматы қалалық кардиологиялық орталығы директорының медициналық жұмыс жөніндегі орынбасары Әлия Әбенова келтірді.

ӘЛИЯ ӘБЕНОВА АЛМАТЫ ҚАЛАЛЫҚ КАРДИОЛОГИЯЛЫҚ ОРТАЛЫҒЫ ДИРЕКТОРЫНЫҢ МЕДИЦИНАЛЫҚ ЖҰМЫС ЖӨНІНДЕГІ ОРЫНБАСАРЫ: «Жүрек және қан тамырлары аурулары Қазақстан халқының, оның ішінде Алматы қаласында да өлім-жітім себептері бойынша басым болып тұр. Мәселен, 2023 жылдың 6 айында Алматыда қан айналымы жүйесі аурулары бойынша сырқаттанушылық көрсеткіші 8443 адамды құрады, бұл 2022 жылдың сәйкес кезеңімен салыстырғанда 9,4% - ға жоғары. Бұл динамика пациенттердегі жүрек-қан тамырлары патологиясының медициналық профилактикалық тексерулер кезінде немесе медициналық мекемелерге жүгінген кезде жиі анықталатындығына байланысты. Ағымдағы жылдың 6 айының қорытындысы бойынша ересек тұрғындардың белгілі бір топтарының скринингі аясында алғаш рет жүрек-қан тамырлары ауруларының 6114 жағдайы анықталды».

Елімізде «2022-2023 жылдарға арналған қан айналымы жүйесінің аурулары кезінде медициналық көмек көрсетуді жетілдіру жөніндегі жол картасы»  жұмыс істейді.Қан айналымы жүйесінің ауруларын анықтауға арналған cкрининг 40-70 жас аралығындағы емханада тіркелген жері бойынша жүргізіледі. 6 айдың қорытындысы бойынша Алматыда мақсатты топтың 68% - ы скринингпен қамтылған.
 

ӘЛИЯ ӘБЕНОВА АЛМАТЫ ҚАЛАЛЫҚ КАРДИОЛОГИЯЛЫҚ ОРТАЛЫҒЫ ДИРЕКТОРЫНЫҢ МЕДИЦИНАЛЫҚ ЖҰМЫС ЖӨНІНДЕГІ ОРЫНБАСАРЫ: «Соңғы уақытта біз жүрек-қан тамырлары ауруларының жастар арасында да  көбейіп келе жатқанын байқадық. Басқаша айтқанда, ауру жасарып келеді. Бұған себеп жүрек қан тамыр ауруын жасқа байланысты және өркениет ауруы  дейтінбіз. Әсіресе ер адамдардың арасында өте жиі таралғанын байқаймыз.»

Бұл ретте алматылықтар арасында жүрек-қан тамырлары ауруларынан ең көп таралғаны - артериялық гипертония. Онымен барлық жүрек-қан тамырлары ауруларының шамамен 50%-ы байланысты.Артериялық гипертонияны жеке ауру ретінде де, жүректің ишемиялық ауруы, миокард инфарктісі және инсульттің дамуына әкелетін жеке қауіп факторы ретінде де қарастыруға болады.Айта кету керек, қалада жедел коронарлық синдромы бар науқастарды қабылдайтын 6 шұғыл катетеризация зертханасы ашылды. Сарапшы тұрғындарға салауатты өмір салты жүрек ауруының алдын алудың негізі екенін еске салды. Жүрек ауруының алдын алу үшін келесі кеңестер ұсынылады:
Тамақтануды қадағалау

Үнемі спортпен шұғылдану

Ұйқыны қандыру

Жаман әдеттерден бас тарту

Стресстен аулақ болу.

https://www.youtube.com/embed/SOLKyS6-1AU?si=cZSS0zk0tul8_kP_" 

Отандық кәсіпкерлерге мемлекеттен қолдау керек. Әйтпесе, шет елдік импорттаушылардың мұңын мұңдап, жырын жырлайтындар, қазақстандық бизнестің дамуына кедергі келтіріп отыр. Қазақтар да ауыл шаруашылық техникасын жасай алады. Тек қолдау жетіспейді дейді Мәжіліс депутаты Жигули Дайрабаев.

ЖИГУЛИ ДАЙРАБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:

«Біздің өз металымыз жеткілікті. Қазақстанда ауыл шаруашылығы техникасына арналған жоғарғы технологиялық жабдықты талап етпейтін қарапайым, қосалқы бөлшектерді өндіруге болады. Алайда өндіріс үшін шикізатты Ресей Федерациясынан сатып аламыз. Көрші елдің экономикасына жұмыс істеп жатырмыз. Бұл ретте кейбір біздің үзеңгілес әріптестеріміз шетелдік ауыл шаруашылығы техникасын импорттаушылардың жырын жырлап, мүдделерін қорғап жүр. Бұл тірліктері Мемлекет басшысының отандық өндірушіні қолдау саясатына қайшы келіп, саясатты іске асыруға кедергі келтіруде».

Статистикаға сүйенсек, еліміз бойынша тракторлардың тозуы 80 пайыз, комбайнның тозуы 72 пайызды құрайды. Жалпы алғанда бүкіл парктың орташа тозу деңгейі 76 пайыз. Яғни, әбден ескірген. Сондықтан, депутаттар техниканы жаңартпай еңбек өнімділігін арттыру мүмкін емес деді. Ол үшін Үкімет жеңілдетілген лизингке бөлінетін қаржыны ұлғайту керек деп санайды.

https://www.youtube.com/embed/RtPSgAHEc1I?si=8kDVPVd-AZTLTWbk"

Шаруалардың тілеуі биліктің ынтасына дәл келір отыр. Қазанның 5 де Ақсу қант зауыты қайтадан іске қосылады. Осыған орай алып кәсіпорын аумағына 21 мың тонна тәтті түбір түсіріліпті. Қант өндірісін дамыту - Президент талабы. Ендігісі - зауытты шикізатпен қамтамасыз ететін ауыл шаруашылығы еңбеккерлеріне байланысты. Бүгін Жетісу облысының әкімі Бейбіт Исабаев Ақсу ауданына барды. Халықпен кездесіп, жеке және жалпыға ортақ мәселелерін тыңдады.  

Ақсу өңіріне іс сапармен барған Жетісу облысының әкімі алдымен жергілікті тұрғындардың бір қатарын жеке қабылады.Азаматтардың дені мемлекеттік тұрғын үй қорынан баспана сұрап келгендер. Солардың бірі Жансүгіров ауылының тұрғыны Берлібек Аманбаев 83 жастағы ақсақал, Қазақстан жазушылар одағының мүшесі екендігін алға тартып, пәтер алуда жеңілдік сұрады.     

БЕРЛІБЕК АМАНБАЕВ АУЫЛ ТҰРҒЫНЫ

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Қазіргі күні ауданда 872 адам үй кезегінде тұр. Облыс әкімі үй кезек ретімен қаралып, заң жүзінде алатындарын ескертті. Бұдан кейін Бейбіт Исабаев Аксу ауданының халқымен  жалпы кездесу өткізді.  Жергілікті жұрт аймақ басшысын жақсы көңіл күймен қарсы алды. Бейбіт Өксікбайұлы ақпан айында Ақсулықтармен жүздескен еді. Сол уақытта 11 мәселе көтеріліп, облыс әкіміне  тікелей жолданған. Нәтижесінде оның 4еуі толық шешіліп, 7-еуі қаралып жатыр. Жансүгіров ауылының шығыс бөлігіндегі 4 көшеге жарық шамдары орнатылды. Тарас елдімекенінің ішкі жолдарына жөндеу жұмыстары жүріп жатыр. Жаңалық ауылының орта мектебінде ағымдық жөндеу өтті.Қапал ауылында көкпар спортын дамыту үшін 1 штат бірлігі бөлініп, білікті бапкер алынды. 

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Сонымен қатар Жансүгіров – Ақсу бағытындағы тасжолдың Көкөзек ауылына дейінгі  бөлігіне орташа жөндеу жұмыстарын жүргізу үшін техникалық құжаттама әзірленді. Суықсай -Қызылжар ауылын байланыстыратын тас жолды қапына келтіру де жоспарда бар. Бейбіт Исабаев ауданның бүгінгі жағдайында тілге тиек етті. Аграрлы өңір болып саналатын облыста ауыл шаруашылығы дақылдарының егіс алқабы 519 мың гектар оның 62.3 мың гектары Ақсуға тиесілі.  Қазір бидай арпадан  44 мың тонна өнім алынды. Картоп пен көкөніс бақша дақылдары да толығымен жиналды.  Сонымен қатар 33 мың тәтті түбір жиналып, Ақсу қант зауытына өткізіледі.

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Халықтың жерге деген мұқтаждығын өтеу жұмыстары жалғасуда. Мәселен, өткен жылы 220 мыңға жуық гектар жер пайдаланылмағаны анықталды. Мемлекет меншігіне 95.8 мыңы қайтарылып, 35 мыңнан аса гектары айналымға енгізілді. Ирригациялық желілер мен құрылыстарды салу бағытында ауданда 2ірі жоба іске асырылуда. Ауданда өзекті мәселелердің бірі - халықты қолжетімді тұрғын үймен қамтамасыз ету. Қазан қараша айларында Жансүгіров ауылындағы

50 пәтерлік және 10 жалдамалы тұрғын үйлер пайдалануға берілетін болады. Сонымен қатар республикалық бюджет есебінен тағы 30 үй сатып алу жоспарда бар.Халықты сапалы ауыз сумен қамтамасыз ету жұмыстары тұрақты бақылауда. Ақсу ауданында 49 елді мекеннің 42 сі орталықтандырылған сумен қамтасыз етілген. Жол мәселесіде бірте- бірте шешіліп келеді.   

БЕЙБІТ ИСАБАЕВ ЖЕТІСУ ОБЛЫСЫНЫҢ ӘКІМІ

Облыс басшысымен Ақсу ауданының тұрғындары арасындағы жиын ашық және өзара сенім деңгейінде жалғасты. Жергілікті халық көкейіндегі сұрақтарын еш бүкпестен қойып, тұшымды жауаптарын алды. Көтерілген мәселелердің басым бөлігі ауыларалық жолдар мен жарықтандыру жағдайы. 

Ақсулықтарды да қинайтын басты мәселе - қызылшаға қажет техника жетіспеушілігі. Зауыт жанынан ұсақ шаруашылықтарға ортақ техника паркі ашылса деген тілектері бар. Сонымен қатар жайылымдық жерлердің тарлығы айтылды.      

Әкім келетінін естіп кездесуге арнайы  келгендер көп. Көкейлеріндегі сұрақтарын жолдағандардың қарасы басым. Әкімдік назарына алса, нәтиже шығарса деген тілек бар. Бейбіт Исабаев болса мәселелерінің  шешімін табатындарын айтып, жауаптыларға нұсқау тапсырмалар берді. Облыс деңгейінде қаралуы тиіс тұстарды түртіп алды. Қай-қайсысының да шешілуі өз бақылауында болатынын алға тартты.