https://www.youtube.com/embed/Sw9k30wqgBk?si=hNTAa63bFlgGusfe" 

БҚО төтенше жағдай облыстық және аудандық маңызы бар автожолдардың 70-тен астам учаскесіне зардабын тигізген. Жолдарды қалпына келтіру жұмыстары қарқынды жүруде.

БҚО 58 автомобиль жолының 36 учаскесін су басқан. Олардың ішінде 2 республикалық маңызы бар жолдың 5 учаскесі су құрсауында қалды.

БАУЫРЖАН АЙТМАҒАМБЕТОВ БҚО ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БАСҚАРМАСЫНЫҢ БАСШЫСЫ
 
Жөндеу жұмыстары жоспар бойынша 1 мамырда аяқталуы тиіс. Облыста 1 466 су өткізгіш құбыр орналасқан.

БАУЫРЖАН АЙТМАҒАМБЕТОВ БҚО ЖОЛАУШЫЛАР КӨЛІГІ ЖӘНЕ АВТОМОБИЛЬ ЖОЛДАРЫ БАСҚАРМАСЫНЫҢ БАСШЫСЫ

https://www.youtube.com/embed/COdPHzRx7uE?si=2Kix3oSfo26KaGtJ" 

Жалған полицей. Ия, мұндай да болады. Шымкентте полиция атын жамылып, үш алаяқ қала тұрғындарын қорқытып, ірі көлемде халықтан ақша бопсалаған. Күдіктілердің бірінен полиция қызметкерінің жалған қызметтік куәлігі тәркіленді. Ал екінші күдікті алаяқтық үшін бұрын сотталған болып шықты. Бұл туралы Ішкі Істер министрінің ресми өкілі Шыңғыс Алекешев хабарлайды. 

ШЫҢҒЫС АЛЕКЕШЕВ ҚР ІІМ РЕСМИ ӨКІЛІ: «Мұндай әрекеттер өз міндеттерін адал атқаратын ішкі істер органдары қызметкерлерінің беделіне нұқсан келтіреді. Сондықтан оларға қатаң түрде тосқауыл қойылатын болады. Күдіктілердің барлығы ұсталып, уақытша ұстау изоляторына қамалды. Бопсалау, тонау және билік өкілі атағын өз бетінше иемденіп алу фактілері бойынша қылмыстық іс қозғалды. Қазір олардың осыған ұқсас басқа қылмыстарға қатысы бар-жоғы тексеріліп жатыр. Қаскөйлер 10 жылға дейін бас бостандығынан айырылуы мүмкін».

https://www.youtube.com/embed/4WpGQXVagiY?si=hXYdlxKBSgB9yhuc" 

СҚО көпбейінді ауруханасына жаңа технологиялар әкелінді. Енді нерохирургиялық ем жүргізу кезінде дәрігерлерге ота жасау анағұрлым жеңіл болмақ. Астанадағы Ұлттық нейрохирургия орталығында оқудан өткен солтүстікқазақстандық дәрігерлер жаңадан әкелінген технологиямен екі науқасқа ота жасап көрген. Барлығы сәтті өткен. Сондай ақ, статистика бойынша бас мидың аневризмасы әлемде адамдарың шамамен 5%-ында кездеседі, бірақ бұл патологияда өлім деңгейі жоғары. Бұл ауру көбіне  инсульттің  дамуына әкеледі. 2024 жылдың 3 айында  7 науқас өңірден тыс жерде  емделген.

РУСЛАН КРЕМНЕВ СҚО КӨПБЕЙІНДІ АУРУХАНАНЫҢ НЕЙРОХИРУРГИЯ БӨЛІМШЕСІНІҢ МЕҢГЕРУШІСІ 
«Біз   мидың күрделі аневризмасына ота жасауды меңгердік. Енді науқастарды өзімізде емдейтін боламыз. Бұған дейін науқастар Астана қаласында ем алған болса, енді  бұл емді өз бөлімшемізде  жүргізетін боламыз». 

https://www.youtube.com/embed/134tQDAAklI?si=8JmTwUD1yiOZcbI0" 

https://www.youtube.com/embed/m0cm6cggZW8?si=j4cc-_XMe2eMnDKN" 

Жүргізуші куәлігін алу және көлікті тіркеу бойынша құжатқа 53 түзету енгізілді. Назар салыңыз! Енді бұдан былай рөлге отырамын десеңіз, автомектепте оқуыңыз міндетті. Себебі, соңғы жылдары жүргізуші куәлігін жаңадан алғандар ережені бұзып, жол-көлік апатына көп түседі. Одан бөлек, енді басқа аймаққа көшсеңіз, жоғары сұранысқа ие нөміріңізді өзіңізде қалдыра аласыз. Сонымен қатар дәл осындай нөмірлерді жақын туыстарыңызға, яғни ата-анаңызға, бауырларыңызға, балаларыңыз немесе жұбайыңызға қайта рәсімдей аласыз. Бұл туралы ішкі істер министрінің ресми өкілі Шыңғыс Алекешев айтты. 

ШЫҢҒЫС АЛЕКЕШЕВ ҚР ІІМ РЕСМИ ӨКІЛІ: «Мемлекеттік қызметтерді алу кезінде алаяқтық әрекеттерді болдырмау мақсатында автокөліктерді сату-сатып алу келісімін нотариалды куәландыру бойынша талап қайтарылды. Дәл осы мақсатта көлікті бастапқы тіркеу немесе кузовты ауыстыру, қайта жабдықтау немесе оның түсін ауыстыру барысында міндетті түрде криминалистер тарапынан көліктің тексерілуі енгізілді».

https://www.youtube.com/embed/yHY6b9yKWiE?si=dsi94xQOQvN3CVs9" 

«Ешкім қолдаусыз қалмайды!». Осылай деген СҚО әкімі Ғауез Нұрмұхамбетов олимпиада резервінің мамандандырылған мектеп-интернат-колледжінің жатақханасында жатқан тасқын судан зардап шеккен қарашамен кездескен кезінде уәде берді. Әкімнің сөзінше зардап шеккендерге бірреттік төлем жасау үшін 900 млн теңге бөлінген.

Тұрғындар орналастырылған нысан 244 адамға арналған. Қазіргі уақытта 228 жерлесіміз сол жерде күн көруде.

Жатақханада тұрғындарға қажеттінің бәрі бар. Іші жылы.Халық өз ризашылығын білдіруде. Тұрғындардың өз қажеттіліктерін алуы үшін жақында тағы 150 АЕК бөлінбек. 

https://www.youtube.com/embed/3HBOBxuvshc?si=NXlsQEAH9VKpAEJz" 

Қазақ  кәсіби сурет өнерінің тау тұлғасы, аса дарынды дарабоз суретші – Әбілхан Қастеевтің туғанына биыл 120 жыл. Осы мерейтойға орай Алматы облысы,Еңбекшіқазақ ауданы,Нұра ауылында бейнелеу өнерінен «Құнды мұра» атты көрме-байқау ұйымдастырылды. Шара жайлы толығырақ тарқатсақ. 

Қазақ көркемсурет өнерінің қоржынына үш мыңнан астам түрлі жанрдағы картиналар қалдырған ұлы суретшінің мерейтойының құметіне ұйымдастырылған бүгінгі шара аудандағы білім ордалары мен қатар балабақшалардағы суретші ұстаздардың басын қосты.Байқаудың басты мақсаты бейнелеу өнерінде ұлттық өнерімізді дәріптеп, білім беру саласында да үлесін тигізбек.  

ЫСҚАҚ САЛМАНОВ АЛМАТЫ ОБЛЫСЫ ЕҢБЕКШІҚАЗАҚ АУДАНЫ НҰРА АУЫЛЫ О.ЖАНДОСОВ АТЫНДАҒЫ ОРТА МЕКТЕПТІҢ ДИРЕКТОРЫ

Байқау түріндегі көрмені ұйымдастыруға аудандық білім бөлімі мен кәсіподақ комитеті мұрындық болған.

АРАЙЛЫМ ТӨЛЕУБЕКОВА АЛМАТЫ ОБЛЫСЫ ЕҢБЕКШІҚАЗАҚ АУДАНЫ БОЙЫНША БІЛІМ БӨЛІМІНІІҢ БАСШЫСЫ 

Көрмені  әдебиет әлемінде  қалам тартып жүрген жазушыларда тамашалады. Таланттардың тамыры ауылда екенінің куәсі болдым деп ағынан жарылды қаламгер ағаларымыз. 

СҮЛЕЙМЕН МӘМЕТ ЖАЗУШЫ

Көрмеге қойылған әр туынды да ұлттық рухымыз көрініс тапқан.Дарынды жастарға қолдау көрсетіліп,өз деңгейінде дәріптелсе деген ой түйіп қайттық шарадан.  

https://www.youtube.com/embed/iVt4L7WH7wU?si=WrbuYWRyD-RNtaG9" 

БҚО да су басқан аймақтардан 4935 мал басы аман құтқарылды.Өкінішке орай  341 бас ірі қара, 63 жылқы,1741 қой шығын болған. Бүгінгі таңда өлекселер өртеліп, толығымен жойылған. 

Тасқыннан аман қалған төрт түлікті қауіпсіз жерге көшіру қарқынды жүргізілуде. Ыңғайлы деген мына жерге жұмыртұяқ пен аша тұяқтылардың біраз басы жеткізілген. 

СЕРІК НҰРМАҒАНБЕТОВ БҚО ВЕТЕРИНАРИЯ БАСҚАРМАСЫНЫҢ БАСШЫСЫ «Қазіргі уақытта біздер “Шамшырақ” АӨК аумағында тұрмыз. Бұл жерде Куриный, Борлы тау, Коминтерн және 1, 2, 3-ші саяжайлардағы тұрғындардың малы орналасқан. Осы жер қауіпсіз деп белгіленген болатын. Су тасқынының алдында осы орынға 64 бас ірі-қара, 46 бас қой және 10 бастың үстінде жылқы жеткізілді. Қазіргі таңда тағы да мал басы әкелініп  жатыр. Әрине, кері алып кетіп жатырғандар да бар». 

Аман қалған төрт түліктің  біраз басын қауіп қайтқан соң мал иелері қайта алып кеткен. Мұндағы қалған малдарға жем-шөп беріліп, уақытылы суарылады. 

ЕРТАРҒЫН ЛЕКЕНОВ ҚАЛА ТҰРҒЫНЫ «Осында 9 бас алып келдім. Жүр әзірге таңертең, кешке келіп жайлап кетеміз. Саумаймын, барлығы емеді. Бұзаулары өзімен бірге». 

Жағдай орын алғалы өңірдегі 8 мал моласын су шәйған. Сырым ауданы Жымпиты ауылдық округінің Өлеңті ауылында сібір жарасына арналған 3 көміндіні су басқан. “Орал обаға қарсы күрес станциясының” көмегімен ол жердің топырағы сынамаға алынып, зерттеуге жіберілген.

ЕРЛАН ИЩАНОВ ВЕТЕРИНАРИЯЛЫҚ СТАНЦИЯНЫҢ ДИРЕКТОРЫ «Төтенше жағдай басталғалы бері осының басына 95 бас ірі қара, 10 бас жылқы, 47 бас ұсақ мал келді. Төлдердің бәрін сырғалап жатырмыз. Диагностикалық зерттеу жергізіп жатырмыз бруцеллез ауруына қарсы. Сосын вакцинациялар жүріп жатыр. Сібір жарасына ортасына интервалдарын салып содан кейін аусул ауруына қарсы іс-шаралар атқарылуда». 

Өлген барлық төрт түлік толық өртеліп, орны дезинфекцияланған. Қазіргі таңда ветеринар мамандар эпизоотияға қарсы іс-шаралар атқарып жатыр. 

https://www.youtube.com/embed/sWBm9l9VjiM?si=aDYwM3mgQgPviqN9" 

“Таза Қазақстан” республикалық акциясы аясында, қарт Каспийдың жағалауында жатқан 50 тоннаға жуық құрғақ қамыс енді тиімді жүзеге аспақ. Оның екі пайдасы бар. Бірі – өртті алдын алса, екінші жағынан қураған қамыс биогумус пен жабын жасауға қолданылады. Қалған тұрмыстық қалдықтар полигонға жіберіледі.

Тазалық акциясына 20 мыңға жуық адам мен 400 ден аса арнайы техника жұмылдырылды. Аздаған күннің ішінде 500 тонна қоқыс жиналған. Ал, ақтаулық еріктілер қаладан 36 көлік қураған қамыс шөбін сыртқа шығарған. 

ӘСЕЛ БАЛМАНОВА МАҢҒЫСТАУ ОБЛЫСТЫҚ ТАБИҒИ РЕСУРСТАР ЖӘНЕ ТАБИҒАТТЫ ПАЙДАЛАНУДЫ РЕТТЕУ БАСҚАРМАСЫНЫҢ БАСШЫСЫ:  «Бүгінгі таңда теңіз жағалауында демалып, жаңа жасыл желектердің өсіп бой алуына өзіндік септігін тигізеді. Сол себептен халық осы соңғы өткен сенбілікке 111 организация қатысты және қала тұрғындары өздері ерікті болып келді. Соның өзі қуантарлық жағдай расымен де». 

Салтанат Бралина - қызыл құрт арқылы тыңайтқыш өнімін шығарумен айналысады. Ол қураған қамысты калифорниялық құрттарға азық ретінде пайдалануда. Олар жердің құрамын биогумуспен байытып, құнарлы қара топыраққа айналдырады. Нәтижесінде арнайы тыңайтқыш жасалынады.

САЛТАНАТ БРАЛИНА  КӘСІПКЕР: «Қамыстың үлкен пайдасы бурттардың ішінде сосын бөлек ағаштарды немесе басқа өсімдіктерді өсірсеңіз, дренаж арқылы жұмыс жасайды. Пайдасы өте көп. Себебі ылғалдығын сақтайды. Жердің ылғалдығын сақтайды».

Қызыл құрттардың өндіріп шығарған тыңайтқыштары базардың сауда әрі сұраныс көзі болып тұр. Себебі, Маңғыстауда егіншілер тыңайтқышқа өте мұқтаж. 

https://www.youtube.com/embed/X1qgiHroLsY?si=NkMtqxFaRubll7hO" 

Бүгін Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысы орын алды. Естеріңізге сала кетейік, Президент еліміздің бірқатар өңірінде су тасқыны салдарынан қалыптасқан күрделі жағдайды ескере отырып, биылғы сессияны онлайн-форматта өткізу туралы шешім қабылдаған болатын.

Шара барасында Қасым-Жомарт Тоқаев елімізде орын алып отырған жәйсіз жағдайға тоқталды. Осынау ел басына күн туған уақытта ауыз-біршіліктің маңызды екендігін тілге тиек етті. Сонымен қатар бұрын жоспарланған халықаралық іс-шараларды қысқарту туралы нақты тапсырма бергенін сөз етті.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Биыл Астана халықаралық форумын өткізбейтін болдық. Әрине, бұл – елімізге қажет, өте маңызды жиын. Дегенмен оны кейінге қалдыра тұруға болады. Ал кезек күттірмейтін кездесулер мен іс-шаралардың жөні бөлек. Бұл ел игілігі үшін керек.Ассамблея сессиясы жыл сайын Бірлік күні қарсаңында өтеді. Ал биылғы басқосу мемлекетіміз үшін күрделі кезеңге тұспа-тұс келді. Шын мәнінде, бұл сессияны дәл осы кезде өткізудің мәні зор. Бірлік пен ынтымақ – ешқашан ескірмейтін құндылықтар. Бұған осы күндерде көзіміз жетті деуге болады.Халқымыз өте ауыр сынаққа тап болды. Қазақстан аумағының жартысын тасқын су басып қалды. Еліміздің мызғымас бірлігі осы қиын күндерде айқын көрінді.Құтқарушылар, волонтерлер, мемлекеттік қызметшілер, сарбаздар, тәртіп сақшылары, қоғам белсенділері, бизнес өкілдері және жастар – бәрі бірге жүр. Ортақ істен ешкім шет қалған жоқ. Бүкіл аймақта қоғамның барлық өкілдері бір кісідей жұмылды. Отандастарымыз зардап шеккен жандарға жаппай қол ұшын созды. Бір-біріне шынайы жанашыр болды. Мен қарғын сумен күресуге зор үлес қосқан нағыз отаншыл азаматтарға шексіз ризамын».

Елімізде бұрын соңды болмаған су тасқыны орын алып отыр. Қарапайым халық ел болып жұмылып, сын сағатты бастан өткеруде.Құтқарушылар күндіз-түні жұмыс істеп жүр. Ұлттық ұлан, Ішкі істер министрлігі, Қарулы Күштер, Ұлттық қауіпсіздік комитеті, Мемлекеттік күзет қызметінің жеке құрамы да белсене атсалысып жатыр деді Президент.

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ: «Менің тапсырмаммен мемлекеттік материалдық резервті пайдалануға рұқсат берілді. Республикалық және облыстық жедел штабтар жұмыс істеп жатыр. Қоғам белсенділері және волонтерлер гуманитарлық көмек жинауды қолға алды. Халқымыздың ынтымағы мен жоғары азаматтық жауапкершілігі осы кезде айқын көрінді. Бірқатар аймақтар инфрақұрылымды және бүлінген үйлерді қалпына келтіруге кірісіп кетті. Бұл шаруаға ірі бизнес өкілдері қосылды. Қоғам белсенділері де зор үлес қосуда. Еліміздегі компаниялар, жеке кәсіпкерлер түрлі көмек қорларына қомақты қаржы аударды. Қаражат күн сайын түсіп жатыр, көмек қоры ұлғаяды деп сенемін. Кәсіпкерлерге зор алғыс айтамын. Болашақта да халқымыздың игілігі үшін бірге жұмыс істейміз деп сенемін».

Жұртқа жан-жақты көмек беру үшін дереу Ассамблеяның республикалық және аймақтық штабтары құрылды. «Жүректен жүрекке» деген ауқымды акция жүргізіліп жатыр. Апат аймақтарына 1500 тоннадан астам азық-түлік және ең қажетті тауарлар жолданды. Оның жалпы сомасы шамамен 770 миллион теңге болған. Қазақстан Республикасы Президентінің Жарлығымен халықтар арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн бірқатар отандастарымыз марапатталды. 

https://www.youtube.com/embed/rBPUP0dTLQM?si=qyGnIsbblrZ2On9r" 

https://www.youtube.com/embed/fxF4LOxkY7U?si=Pgl4aJ0JjphUja5I" 

Бүгін жас педагогтердің қатысуымен «Өз жұлдызыңды жақ» атты аудандық байқау өтті. Онда ұстаздар мәртебесін және шығармашылық әлеуетін арттыру мақсатында бақ сынады. 

АРУЖАН ҚАНАТҚЫЗЫ АЛМАТЫ ҚАЛАСЫ ТҮРКСІБ АУДАНДЫҚ БІЛІМ БӨЛІМІНІҢ ӘДІСКЕРІ: «Байқауымызға 19 мектеп, оның ішінде 22 жас маман қатысып жатыр. Жалпы мақсаты – жас мамандардың әлеуметтік дәрежесін, педагогтердің беделін арттыру. Аауданымыздан жас талантты анықтау». 

Байқау 4 кезеңнен тұрды. Әр турдан өту кезінде білімді қатысушылар өздерінің дарынын, шығармашылық әлеуетін көрсетіп, инновациялық идеяларын ортаға тастап, тың ақпараттарымен бөлісті. 

САЛТАНАТ ҚАЙРАТҚЫЗЫ АЛМАТЫ ҚАЛАЛЫҚ №203 ЖББ МЕКТЕПТІҢ  МҰҒАЛІМІ: «Бұл жалпы қалалық байқау болғандықтан, қазір бізде аудандық тур өтіп жатыр. Осы аудандық турдан өткен жас маман қалалыққа өтіп, сонда біздің ауданның намысын қорғайтын болады».