https://www.youtube.com/embed/tnkkdra2Xps?si=Ypftk22TI4Mh5-Sv" 

Солтүстік Қазақстан облысында  су тасқыны салдарынан Былғары зауыты  кентінде  234 үй су астында қалды. Қазіргі уақытта олардың 77-сі әлі де апатты аймақта тұр. Қалған үйлерде қайта қалпына келтіру жұмыстары басталып кеткен. Мұндағы жөндеу жұмыстарына  Жамбыл, Шал ақын және Есіл ауданынан келген 15 бригада жауапкершілік пен жұмыс жасауда.

Былғары зауыты кентінде қазіргі уақытта барлығы 180 үйге техникалық бақылау  жүргізілген. Оның ішінде 86 үй апатты деп танылды. 64 баспананың мүлкі арнайы комиссиямен бағаланған. Ықшам аудандағы 85 үйді қайта қалпына келтіруге Жамбыл ауданының бригадасы жауапты. 

РУСЛАН АЮПОВ СҚО ЖАМБЫЛ АУДАНЫ ӘКІМІНІҢ ОРЫНБАСАРЫ:
«Әр бригада жеті адамнан құрылған. Өзімізбен бірге барлық қажетті құрал-жабдықтар мен 8 техникамызды алып келдік. Қазіргі уақытта 6 үйдің жөндеу жұмысына кірістік. Үйлерді судан кептіріп жатырмыз. Кейін баспаналарды қайта қалпына келтіру жұмыстарына кірісеміз»

Аталмыш аймақтағы 23 үй қайта қалпына келтірліп жатыр. Аудандардан келген  мехбригадалар тек үйлерді жөндеумен ғана емес, ықшам ауданды қоқыстан тазарту жұмыстарымен де айналысады. Былғары кентіндегі Ирина Юркованың үйі толықтай су астында қалған.Техникалық бақылау  жүргізіліп, жөндеу жұмыстарына 5,5 млн теңге бөлініпті. 

ИРИНА ЮРКОВА, ПЕТРОПАВЛ ТҰРҒЫНЫ «Біз бұл үйде 17 жыл тұрдық.Өзіміз салып едік. 2017 жылы тек біздің бақшамызды ғана су басты. Биыл үйіміз толық су астында қалды. Қазір Жамбыл ауданыаын келген мамандар барлық заттарымызды сыртқа шығарып, үйімізді кептіріп жатыр. Барлық жөндеу жұмыстары біздің қадағалауымызбен жүргізілуде. Жолдасымның денсаулығы нашар. Ал ұлым күні бойы жұмыста. Жұмысшыларға үлкен рахмет. Барлық жұмысты істеп беріп жатыр».

Ойқала ықшам ауданында және Былғары кентінде 26 үй мен 7 пәтерге жөндеу жұмыстары жүргізіліп жатыр.Ықшам аудандар мен ауылдарда жөндеу-қалпына келтіру жұмыстарын жүргізу үшін 800-ден астам жұмысшы мен 400 техника жұмылдырылған.

https://www.youtube.com/embed/hMRbD6tys-8?si=eBo68TlQLBMcKhAL" 

Халықаралық Отбасы күніне орай Алматыдағы. «Бақытты отбасы» орталығының ұжымы   «Отбасым – бақыт мекенім» атты арнайы шара өткізген болатын.
 
ЭЛЬМИРА МОЛДАБЕКОВА АЛМАТЫ ҚАЛАСЫ «БАҚЫТТЫ ОТБАСЫ» ОРТАЛЫҒЫНЫҢ КОРДИНАТОРЫ: «Отбасы — қоғам бірлігі. Әрбір бақытты отбасы — мемлекетіміздің гүлденіп жатқандығының айқын бейнесі. Біздің орталықтың басты мақсаты да осы. Әр отбасының бақытты болуы және көпбалалы аналардың қоғамға енуі».

Отбасы мен оның маңыздылығына бағытталған жиынға білікті мамандар мен кеңесшілер қатысып, тың ақпараттармен бөлісті. Дөңгелек үстелде ананың қоғамдағы, отбасындағы рөлі мен маңыздылығына қатысты тың тақырыптар көтерілді.

ЛЯЗЗАТ АЛИМХАНҚЫЗЫ «FREEDOM FINANCE LIFE» КОМПАНИЯСЫНЫҢ ӨКІЛІ

https://www.youtube.com/embed/tTLeJOvjPJU?si=1YKmwCiXLhMVaIhB" 

Мопед жүргізушілерінің назарына! Егер, сіз осы шағын қозғалтқышты көлік құралын тізгіндесеңіз, енді заң қатаяды. Көлемі 50 текше сантиметрден төмен мопедтер автокөлік құралына жатқызылады. Олар тіркеуден өтіп, мемлекеттік нөмірді алуы қажет. Бүгін Мәжіліс «жол жүрісі туралы» заңды қабылдады. Одан бөлек, отырыста депутаттар жастарға 5 пайызбен үй беру мәселесін де көтерді. 

Жол жүрісі туралы ереже өзгереді. Енді бұдан былай жүргізуші куәлігін арнайы автомектепте оқымасаңыз ала алмайсыз. Оның өзінде кез келген кәсіпкер өз бетінше автомектеп аша алмайды. Арнайы білім беру ұйымдары ғана оқытатын болады және жүргізу емтиханына өз бетінше  дайындалуға да тыйым салынады. Бір сөзбен айтқанда, талап күшейді. Ал, жүргізуші куәлігі жоқ, жол ережесін бұзғандар болса 7 жылға дейін құжат ала алмайды. Сондай-ақ, мопед тізгіндейтіндерге де талап қатайды.  

ЕКАТЕРИНА СМЫШЛЯЕВА ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Жүргізушілердің А,Б, С санаттағылар А1 санаты автоматты түрде беріледі. Оларға «қозғалтқышы бар» велосипед ұғымы беріледі. Жаяу жүргіншілер жолағымен және тротуарларда жүруге тиым салынады. Техникалық байқаудан өткізу күшейтіледі. Жұмыс беру тәртібіне енгізіледі».

Жастарға арналған тиімді тұрғын-үй бағдарламасының жоғын депутаттар сынады. Салдарынан олар шет ел асады. Оның үстіне үй бағасы жыл өткен сайын қымбаттап, ал айлық өзгеріссіз қалуда дейді. Сондықтан, Мәжіліс депутаты Дәулет Мұқаев жастарға 5 пайызбен ипотека беруді ұсынды. 

ДӘУЛЕТ МҰҚАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Шындыққа тура қарасақ, баспанаға қаржы жинаудан, қымбатшылық қыспаққа алып күнкөріс мәселелі алдыңғы орынға шықты. Бұл бір. Екіншіден, елде жастарға арналған тиімді мемлекеттік бағдарлама жоқ. Елде тиімді бағдарламаның жоқтығынан жастар баспана алу үшін шетел асып жұмыс істеуге мәжбүр. Келмей қалып қойып жатқаны қаншама. Бұл елімізде дарынды, талантты жастардың азаюына алып келіп жатыр. Жастардың тиімді баспана алуына жағдай жасау және кемі 10%-дық бастапқы жарнамен өздері тұрып жатқан баспанасын сатып алуға мүмкіндік беру мәселелесін қарастыруды қайта сұраймын. Пайыздық мөлшерлемесі де 5%-дан аспауы тиіс. Немесе жалдамалы пәтерде тұру мерзімін ұзарту керек».

Ал, енді бір топ депутат ақша үшін ардан аттайтындарды сынады.Балалардың жазғы лагерьін бизнеске айналдырып, пайда таппақ болған кәсіпкерерді қатал жазаға тарту керек дейді. Демалып, жаңа оқу жылына күш жинап келуі керек балалар сапаға сай келмейтін жерде уақытын өткізіп, бұзылып келеді.Осылай деген Елнұр Бейсенбаев бұл мәселеге үкіметтің араласуын сұрайды. 

ЕЛНҰР БЕЙСЕНБАЕВ ҚР ПАРЛАМЕНТІ МӘЖІЛІСІНІҢ ДЕПУТАТЫ:
«Балалар лагерьі мүлдем жетіспеді. Барларының өзі 10 пайызды ғана қамтиды. Оның ішінде де сапалысы аз. Пандемиядан кейін 30 пайыз нарықтан кетті. Балалардың жазғы демалысын қамутдағы статистика көкейге қонбайды. Жергілікті әкімдер мектеп жанындағыны лагерь дейді. Ол жөнсіз. Ол тек 5-6 сағат уақыт өткізетін орын. Оның үстіне лагерьлердің басым көпшілігі Кеңес кезінде салынған, әбден тозығы жеткен. Сондықтан, заманауй киіз үйлер, кемпинг, шатырлар енгізуді тәжірбиеге енгізу қажет».

Бұл аталғандардың қаншалықты жүзеге асатыны ол уақыттың еншісінде. 

https://www.youtube.com/embed/5EvNm9TDd5k?si=zBO5nyV7lR3pwSko" 

https://www.youtube.com/embed/G7mYYoijbRw?si=ug8jtrp4dUBeTIZ9" 

Алматы облысының прокуратурасы түзеу мекемелерінде заңсыздықтарды анықтады. Сотталғандар, ұялы телефондарды пайдалану арқылы онлайн сатып-алуды, кредиттерді рәсімдеп және букмекерлік кеңселер мен онлайн-казино арқылы құмар ойындарға қатысқан.Түрмедегі ақша айналымы 3 млрд теңгеден асқан. №10-шы мекеменің сотталғандары, мобильді құрылғыларды қолдана отырып, рұқсат етілген және тыйым салынған заттарды мекеме ішінде сатқан.  

АИДА ИМАНАЛИЕВА АЛМАТЫ ОБЛЫСТЫҚ ПРОКУРАТУРАНЫҢ АҒА ПРОКУРОРЫ «Іле аудандық сотының үкімімен осы мекеменің үш қызметкеріне түрлі жазалау шарасы қабылданды. Бұдан басқа, облыс прокуратурасы ҚК-нің 361-бабы 2-1-бөлігі бойынша №12 және №57 мекемелердің қызметкерлеріне қатысты сотқа дейінгі тергеп-тексеруді бастады, №57 мекеме бастығына қатысты қамауда ұстау түріндегі бұлтартпау шарасы қолданылды». 

https://www.youtube.com/embed/71Z2PnmnM_o?si=LdNHios34LBf1gHn" 

Бүгін Алматыда  «Сауда байланыстары: Жаһандық көпір» атты 13-ші Орталық Азия сауда форумы өз жұмысын бастады.  Оған Азия, Еуропа, Таяу Шығыс, Ұлыбритания, АҚШ елдерінің 300-ден астам бизнес басшылары қатысып  жатыр.

Форумның мақсаты -  Орталық Азия елдері арасындағы сауданы дамыту, одан әрі ілгерлету. Былтыр Қазақстан  мен Орталық Азия елдері арасындағы сауда айналым 7,7 млрд долларға жетті. Алдағы жылдары бұл соманы екі есеге арттыру көзделген.

ҚАЙРАТ ТӨРЕБАЕВ ҚР САУДА ЖӘНЕ ИНТЕГРАЦИЯ ВИЦЕ-МИНИСТРІ: «2023 жылы Қазақстанның саудасы Орта Азия мемлекеттерімен 7,7 млрд.доллорын құрады. Енді осы 5-10 жылдың шамасында біз осы сауданы 2 есе өсіруге мақсат қойып отырмыз. Мысалы: Өзбекстанмен 10 млрд доллорға тауар айналым жеткізу, Қырғыстанмен 3 млрд долларға, Тәжікстанмен 2 млрд долларға және т.б мемлекеттермен де осы Орта Азиядағы сауданы дамыту мақсатын қойып отырмыз».

Орталық Азия елдері теңізге шыға алмайтындықтан, аймақішілік сауда үлкен рөл атқарады. Сауда – кез келген елдің экономикалық дамуының негізгі факторларының бірі.  Сондықтан форумға қатысушылар қағазсыз сауданы, жұмсақ және дәстүрлі инфрақұрылымды, электронды коммерция  сияқты бірқатар мәселені көтерді.  Форум аясында Орталық Азия мемлекеттерінің көрмесі ұйымдастырылды. Онда тамақ, жеңіл өнеркәсіп, бау - бақша дақылдары қойылды.

ТАТЬЯНА БАК  «САН-БИ АЛТАЙ» КОМПАНИЯСЫНЫҢ КОММЕРЦИЯЛЫҚ ДИРЕКТОРЫ: «Біз Шығыс Қазақстандағы омарта шаруашылығының өнімдерін шығаратын отандық өндіруші компаниямыз. Қазақстан нарығында жүргенімізге 13 жыл болды. Сондай-ақ  біздің өнім  Қытай мен Біріккен Араб Әмірліктерінде жоғары сұранысқа ие.  Балдың алуан түрі бар. Жылына  40-50 тонна бал өндіреміз».

Айта кетейік, Орталық Азия елдері соңғы екі онжылдықта айтарлықтай ілгерілеушілікке қол жеткізді. Өткен 20 жыл ішінде өңірдің жалпы ішкі өнімі  орташа есеппен 6,2 пайызға артып, 347 млрд АҚШ долларына жетті.

https://www.youtube.com/embed/e0NaEMJ_trE?si=W5Rd5S2vYPQbtegB" 

Ал, Атырауда су тасқынының салдарын жою үшін жұмыстар қауырт жүргізіліп жатыр. Тасқын кезінде де тұрғындарды газбен қамтамасыз ету бір минутқа да тоқтамаған. Қазіргі уақытта облыс көлемінде қауіпті аймақта орналасқан  63 газ тарату жәшіктері арнайы бөгетпен қоршалды. Оған 6600 текше метр топырақ төселіп, 25 мыңға жуық қапшық орнатылды. Бұл жұмыстарға 11 бірлік техника  және мекемеден 108 қызметкер жұмылдырылды деп хабарлайды жауапты мамандар. 

ҚҰРМАНБЕК ӨМІРЗАҚОВ «ҚазТрансГазАймақ» АТЫРАУ ӨНДІРІСТІК ФИЛИАЛЫНЫҢ ӨКІЛІ: «Қазіргі уақытта арнайы жасақталған бригадалар қауіпті аймақта орналасқан газ тарату жәшіктеріне бақылау жасауда. Атырауда ТЖ кезінде облыс бойынша газ беру жұмысы тоқтамады. Су деңгейі қауіпті деңгейден асқан кезеңде де газ беру қызметі жұмысын тоқтатпайды».  

https://www.youtube.com/embed/uW3lt_3QAms?si=vovxy3eKofpa6tVY" 

Кәмелетке толмағандармен жасалатын қылмыс саны өткен жылмен салыстырғанда биылғы көрсеткіш бірнеше пайызға өскен. Қылмыстың санын азайту мақсатында Қызылорда облыстық полиция департаменті мен білім басқармасы ауқымды жиын өткізді.

Жасөспірімдер арасындағы және оларға қарсы жасалған қылмыстар қазіргі таңда өзекті мәселелердің бірі болып отыр. Ата-аналардың баламен байланысының аздығы, оларды өз бетінше қалдырып, бос уақытын қадағаламауы, отбасындағы қолайсыз жағдайлар қылмыс жасау себептері болып отыр.  

ІЛИЯС ЖҰМАҒҰЛОВ  ҚЫЗЫЛОРДА ОБЛЫСЫ ПОЛИЦИЯ ДЕПАРТАМЕНТІ БАСТЫҒЫНЫҢ ОРЫНБАСАРЫ 

Мемлекет басшысының тапсырмасына сәйкес кәмелетке толмағандардың құқығын қорғау бойынша да тиісті жұмыстар атқарылуда.Оқушылар мен студенттердің құқықтық сауаттылықтарын арттыру мақсатында білім беру ұйымдарында  түсіндірме жұмыстары жүргізілді.

АСҚАРБЕК ЕСЖАНОВ ҚЫЗЫЛОРДА ОБЛЫСТЫҚ БІЛІМ БАСҚАРМАСЫНЫҢ БАСШЫСЫ

Сонымен қатар, «Жасөспірім», «Балалар түнгі қалада» жедел-профилактикалық шаралары,  ұдайы жүргізілуде. Іс-шаралар нәтижесінде 2992 құқық бұзушылық анықталып,қаңғыбастық пен кезбелікке салынған 128 жасөспірім бейімдеу орталығына орналастырылса, 640 жасөспірімге әкімшілік хаттама толтырылды. Оқу жылының аяқталуына орай өткізілетін жас түлектердің беймезгіл уақытта жүрмеуі, кортежге шықпауы, отырыстар жасамауы, белгіленбеген жерлерге суға түспеулері бойынша ата-аналар жиналыстарында хаттамалау арқылы түсіндірме жұмыстарын жүргізуді тапсырды.

https://www.youtube.com/embed/fbqiqfaVHkI?si=tyc6WvLElVZFVbKj" 

Оралдағы саяжай тұрғындары арнайы комиссияның тұрғын үймен қамту талаптарына көңілдері толмай қалалық әкімдік алдына жиналды. Ашынған халық "Баспана барлығына теңдей берілсін",-дейді.

Саяжай тұрғындарының талабы «Үйлерін су басқан тұрғындардың барлығына бөліп жармай баспана берілсін»! Бұрынғы шаңырақтары тұруға жарамсыз күйде. Баспананың ішін құрт-құмырсқа, жылан мен бақа жайлаған. 

ТАТЬЯНА ЖЫЛТЫХАЕВА САЯЖАЙ ТҰРҒЫНЫ

АЛМАЖАЙ СҮНДЕТҚАЛИЕВА САЯЖАЙ ТҰРҒЫНЫ

Бұл жерде көпбалалы отбасылармен қоса мүмкіндігі шектеулі балалар тәрбиелеп отырған жанұялар басым. Қашан бізге көңіл бөлінеді деген көпбалалы ана Жайнагүл Махражанова екі бірдей мүмкіндігі шектеулі бала тәрбиелеп отырған отбасы санатымен берілуі керек тұрғын үйді де ала алмай жүрген көрінеді. 

ЖАЙНАГҮЛ МАХРАЖАНОВА САЯЖАЙ ТҰРҒЫНЫ

Тұрғындар эвакуациялық пункттер, жалдамалы пәтерде, туыстарының үйінде тұрып жатқанын жеткізді. Әбден қиындық көрдік, мәселеміз шешілмейінше, әкімдік алдына шығуды тоқтатпаймыз",-дейді наразы тұрғындар. 

https://www.youtube.com/embed/LoiktzARk8s?si=VKtv4aWaqv6slqsF" 

Су тасқынынан зардап шеккен тұрғындарға мүмкіндігінше тезірек қалыпты өмірге оралуларына жағдай жасаймыз. Бүгін үкімет үйінде өткен отырыста Премьер-Министр Олжас Бектенов осылай деді. Сондай-ақ, Үкімет басшысы барлық жауапты министрлер мен жергілікті атқарушы билікке өтемақы төлеуді тездетіп аяқтауды тапсырды. Одан бөлек, бүгін министрлер кабинеті елдегі туризмді дамыту мәселесін де талқылады. Бұл салада да жағдай мәз емес. Туристер саны жыл санап артқанымен, баяғыша сервис, сапа, жол, сын көтермейді.  

Су тасқыны қаупі әлі де сейілген жоқ. Әсересе, елдің батысында жағдай мәз емес. Индербор және Махамбет елді-мекендерін ерекше бақылауға алу қажет деді Олжас Бектенов. Өңірлерде тасқын кесірінен жол бұзылып, облыс және аудан орталығынан байланыссыз қалып, көлік жете алмай отырған елді-мекендер әлі де бар. 

ҚАНАТ БОЗЫМБАЕВ ҚР ПРЕМЬЕР-МИНИСТРДІҢ ОРЫНБАСАРЫ: «Еліміздің 8 өңірінде жергілікті ауқымдағы төтенше жағдай режимі сақталып отыр. Екі елді мекен (Ақтөбе облысы) әлі де көлік қатынасынсыз. Олар азық-түлікпен және дәрі-дәрмектермен қамтамасыз етілген. Тиісті қызметтер жергілікті жерлерде жедел дезинфекциялық іс-шаралар жүргізіп жатыр».

ОЛЖАС БЕКТЕНОВ ҚР ПРЕМЬЕР-МИНИСТРІ: «Ақтөбе облысында 2 елді мекенде әлі күнге дейін көлік қатынасы жоқ. Онда азық-түлік пен дәрі-дәрмектердің болуын мұқият бақылауға алу керек. Электр жарығынсыз отырған ауылдар да бар. Жөндеу жұмыстарын тездету керек.Сондай-ақ су тасқыны жағдайы тұрақталған өңірлерде әкімдіктер бағалау және жобалау жұмыстарын күшейтуге тиіс. Келтірілген залалды өтеу, оның ішінде үйлер мен инфрақұрылымды қалпына келтіру жөніндегі барлық шаралар белгіленген мерзімде іске асырылуы қажет. Біз зардап шеккен тұрғындардың мүмкіндігінше тезірек қалыпты өмірге қайта оралуын қамтамасыз етуіміз керек».

Су тасқынынан бүлінген үйлер шығыны келесі аптада белгілі болады. Елімізде 13 мыңға жуық үйді су басқан. Ал, бірреттік төленетін төлемді 20600 отбасы алған. Оларға 100 айлық есептік көрсеткіш яғни 369 мың 200 теңге көлемінде ақша төленген. Одан бөлек, бүгін министрлер кабинеті елдегі туризм мәселесін көтерді. Бұл салаға айтылар сын да мін де көп. Қызмет көрсету сапасы мен демалыс аймағына апаратын шұрық тесік жол және тек ақшаны көксеген таксишілер туралы айтылды. Сондықтан, үкімет башысы жауаптыларға осы проблемаларды реттеуді тапсырды. 

ОЛЖАС БЕКТЕНОВ ҚР ПРЕМЬЕР-МИНИСТРІ:« Дәл осындай көзқарас еліміздің туристік имиджіне нұқсан келтіреді. Әуежайдан шыққан шетелдік турист бірден ақшаға құныққан такси жүргізушілеріне кезігеді. Олардың ойлағаны қонақты баратын жеріне қауіпсіз жеткізу емес, барынша қомақты ақша алып қалу. Вокзалдар мен әуежайларда өркениетті көлік түрімен қамтамасыз ету туралы әкімдіктерге қанша рет тапсырылды, бірақ әлі күнге дейін нәтиже жоқ. Біз мұндай тәсілдерді өзгертпейінше, сыртқы туризм кеңінен танымал болып қала береді. Бұл ретте, Қазақстанның табиғаты мен әсем жерлері елімізде экологиялық, мәдени, зиярат ету және емдік-сауықтыру туризмін дамытуға зор мүмкіндік береді».

Айтпақшы, биыл елімізде жаз ыстық болады деп болжанады. Әсіресе, Батыс пен Шығыста аптап ыстық ұзақ сақталуы мүмкін. Яки, құрғақшылық пен өрт болу қаупі жоғары. Сондықтан, Олжас Бектенов мұндай аймақтарға қосымша бақылау бекеттерін қоюды тапсырды.  

https://www.youtube.com/embed/VwH7WfPQRm4?si=IvbstJKSRPp1UcEd" 

Бүгін Мемлекет басшысы Қасым-Жомарт Тоқаев  Ішкі істер министрі Ержан Сәденовті қабылдады. Қасым-Жомарт Тоқаевқа еліміздегі криминогендік ахуал туралы мәлімет берілді. Ұсынылған ақпаратқа сәйкес жыл басынан бері қылмыс деңгейі төмендеген. Ұрлық, тонау, қарақшылық, бұзақылық, сондай-ақ тұрмыстық зорлық-зомбылық, мас күйінде және көшелерде жасалатын құқық бұзушылықтардың саны айтарлықтай азайған. 

ЕРЖАН СӘДЕНОВ ҚР ІШКІ ІСТЕР МИНИСТРІ

https://www.youtube.com/embed/kVRtqNCVo5A?si=FJGqYILI-J5AO76D"