ЖАҢАЛЫҚТАР

Бакуде Халықаралық Түркі академиясы мен Түрік тілі қоғамы бірлесіп ұйымдастырған Түркі әлемі ортақ әліпбиі комиссиясының үшінші отырысы нәтижелі өтті, деп хабарлайды Алатау телеарнасы Aikyn.kz-ке сілтеме жасап. 

Бұл маңызды жиынға түбі бір бауырлас елдерден Түркі мемлекеттері ұйымы тарапынан құрылған ортақ әліпби комиссиясының мүшелері қатысқан. 

Жиынның негізгі мақсаты – екі жылдық бірлескен жұмыс нәтижесінде жинақталған білім мен тәжірибені пайдалана отырып, түркі тілдеріне ортақ әліпби үлгісін әзірлеу болды.

Жиын барысында ғалымдар алғаш рет 1991 жылы ұсынылған латын қарпі негізіндегі «Ортақ түркі әліпбиі» жобасын жан-жақты қарастырды. Комиссия мүшелері аталған жобаны жетілдіре түсуді көздейтін көптеген ұсынысқа қатысты егжей-тегжейлі талқылаулар жүргізіп, қажетті қорытындылар жасады.

Осы қажырлы жұмыстың нәтижесінде 34 әріптен тұратын ортақ түркі әліпбиі туралы ұсыныс бойынша келісімге қол жеткізілді. Әр әріп түркі тілдерінде кездесетін әртүрлі фонетикалық дыбысты білдіреді.

Бұл басқосудың осылайша, табысты аяқталуын тарихи сәт ретінде бағалауға болады. Ортақ түркі әліпбиінің дамуы түркі халықтарының тілдік мұраларын сақтай отырып, өзара түсіністік пен ынтымақтастықты нығайта түсуге ықпал етеді. 

Бүгін - Қазақ киносының туған күні. Осыдан 87 жыл бұрын ең алғашқы қазақ дыбыстық фильмі “Амангелді” фильмі түсірілген еді, деп хабарлайды Алатау телеарнасы ҚазАқпаратқа сілтеме жасап. 

Агенттік мәліметіне сүйенсек, ең алғашқы қазақ фильмінің киносценариін қазақ драматургі Ғабит Мүсірепов пен жазушы Всеволод Иванов бірігіп жазған. «Амангелді» көркем фильмі қазақ киносының тарихынан сүбелі орын алады. 

Ақиқатында сценарий жазуға Бейімбет Майлин де атсалысқан еді. Сол жылдардағы кеңес үкіметінің солақай саясатының кесірінен Алаш арысының есімі титрден алынып тасталған. Қоюшы режиссеры - Мойсей Левин, операторы - Хечо Назарьянц.

Фильмге қазақтың ұлы актерлері түсті. Басты рөлді, яғни Амангелді бейнесін театр актеры Елубай Өмірзақов сомдаса, одан бөлек Серке Қожамқұлов, Қалибек Қуанышбаев, Қапан Бадыров, Қанабек Байсейітов, Құрманбек Жандарбеков, Шара Жиенқұлова, Рахметулла Салменов сияқты әртістер фильмге қатысады.

Ал Алматы киностудиясы Қазақ КСР Халық комиссарлары кеңесінің қаулысымен 1941 жылдың 12 қыркүйек күні құрылған. Ол 1960 жылы атауы «Қазақфильм» киностудиясы деп өзгертіліп, 1984 жылы оған қазақ кинематографиясының кемеңгер қайраткері Шәкен Аймановтың есімі берілді. 

2005 жылы Қазақстан кинематографистері одағының басшысы болған Бауыржан Нөгербеков 12 қыркүйекті «Қазақ киносының күні» деп атауды ұсынды. Соған сәйкес, 12 қыркүйек – Қазақ киносының күні ретінде аталып келеді.

Елімізде ең төменгі жеткіліктілік шегінен асқан зейнетақы жинағын алу жағдайы әлі де жалғасып жатыр. Бірақ қарқын былтырғыдай емес көрінеді, деп хабарлайды Алатау телеарнасы. 

Үкімет отырысынан кейінгі брифингте Еңбек және халықты әлеуметтік қорғау министрі Светлана Жақыпова осы жылдың екінші жартыжылдығында да ел азаматтары зейнетақы қорындағы ең төменгі жеткіліктілік шегінен асқан қаражатын алып жатқанына тоқталды. 

“Бұл ретте стоматологиялық ем алу немесе баспана жағдайын жақсарту бөлігінде тыйым салуға қатысты ешқандай реформа көзделіп отырған жоқ”, — деді Светлана Жақыпова.

Айта кетейік, Ұлттық банк төрағасы Тимур Сүлейменов зейнетақы жүйесіне қатысты жұмыс тобында БЖЗҚ-дан зейнетақы жинағын мерзімінен бұрын алу талаптарын күшейтуді пысықтап жатқанын айтқан болатын. Әсіресе, медициналық қызметке, стоматологияға қаражат керек деген желеумен мәліметтерді бұрмалаудың түрлі жағдайы кездесіп жатқанын, бірақ қаражатты басқа мақсаттарға алғанын мысалға келтірген. Мұндай іс-қимылдарға жол бермес үшін талаптарды күшейту керек деп дабыл қаққан болатын. Бірақ министр әзірге ешқандай өзгеріс болмайтынына тоқталды.

Елімізде ойын бизнесі мен лотореяларды реттеу комитеті құрылды. Ведомства туризм және спорт министрлігінің құрамынан жұмыс істейді, деп хабарлайды Алатау телеарнасы. 

Осылайша министрлікте мынадай комитеттер құрылымданып отыр: 

• Спорт және дене шынықтыру істері комитеті;
• Туризм индустриясы комитеті;
• Ойын бизнесі және лотереяларды реттеу комитеті.

Үкіметтің 4 қыркүйектегі Туризм және спорт министрлігінің кейбір мәселелері туралы қаулысы бекітілді. Құжатқа сәйкес, Туризм индустриясы комитеті оның құрамынан Туризм және спорт министрлігінің Ойын бизнесі және лотереяларды реттеу комитетін бөлу арқылы қайта құрылды.

https://youtube.com/shorts/Ydq0TJubGCg?si=0EnSvDheEoMcstPy

Қазақстан құрамасы UEFA Ұлттар лигасындағы алғашқы ойынын Норвегияға қарсы өткізді. Алматыдағы Орталық стадионда өткен кездесу тең нәтижемен аяқталды, деп хабарлайды Алатау телеарнасы. 

Қазақстан құрамасының бас бапкері Станислав Черчесов алғашқы минуттан шетелдік клубтарда ойнап жүрген Нұралы Әліп, Бактиер Зайнутдинов, Рамазан Оразов, Абат Айымбетов сынды футболшыларды негізгі құрамда алаңға шығарды. Құрама үздіктері Бауыржан Исламхан, Айбол Әбікен, Абзал Бейсебеков және жарақатына байланысты Максим Самородов қосалқы құрамда қалды. 

Ал, Норвегия сапында әлем футболының жарық жұлдыздары Эрлинг Холанд («Манчестер Сити», Англия) пен Мартин Эдегор («Арсенал», Англия) алғашқы минуттан ойынға араласты. 

Қос құрама 0:0 есебіне қанағат білдіріп, тең тарқасты.

Енді ел құрамасы 9 қыркүйекте сырт алаңда Словениямен шеберлік байқасады. Жалпы ел құрамасы В лигасы үшінші тобында Норвегия, Словения және Аустрия құрамаларымен сынға түседі.

https://www.youtube.com/embed/5Ia1cdYQ92I?si=bI3E-bZYiFCXMfge" 

Ұлттық құрама қызу дайындықта.

Футболдан 2024/25 жылғы УЕФА Ұлттар лигасында Қазақстан құрамасы алғашқы ойынын өз алаңында Норвегия ға қарсы өткізеді.

Ойын 6-шы қыркүйек, кешкі сағат 19:00 -де Алматыдағы орталық стадионда өтеді