https://www.youtube.com/embed/ugB-JSJxXKQ?si=2m2Pqj1bX0eyxpPl" 

Ақмола облыстық прокуратурасы Степногорск мемлекеттік органының қызметкерлеріне негізсіз сыйақы төлеудің дерегін анықтады. Белгілі бір заңнамаға сәйкес шығын түрлері бойынша мемлекеттік мекемеде артық қаржының жоқтығына қарамастан осындай заңсыздыққа барған. Соңғы екі жылда қызметкерлерге негізсіз түрде сыйақы беріліп келген. Жалпы сома 13 миллион 400 мың теңге.

МАДИНА САҒЫМБАЕВА СТЕПНОГОРСК ҚАЛАЛЫҚ ПРОКУРАТУРАСЫНЫҢ ПРОКУРОРЫ: «Мысалы, тек үш айдың ішінде мекеме 6 миллион теңгеден астам 6 қызметкерге негізсіз сыйлық берді. Әр қызметкердің сыйлықақыларының мөлшері 1 миллион теңгеден асты. Аталған фактілер бойынша қала прокуратурасы мемлекеттік мекеменің атына қадағалау актісін енгізді. Қазіргі уақытта мемлекеттік бюджетке ақша қаражатын қайтару бойынша жұмыс жүргізілуде»

https://www.youtube.com/embed/rBEA1pVbuic?si=OvN8rSxWNz6vZzld" 

Ақтаудың «Өзенмұнайгаз» компаниясында құбыр жарылып, мұнай аралас су біраз аумаққа төгілген. Онымен қоса,  №4 мұнай дайындау және өндірістік қызмет көрсету басқармасының құрамына кіретін теңіз су құбырына да кері әсерін тигізіп отыр.
Мекеме қызметкерлері «жайылған су құрамында экология мен адам денсаулығына қауіп төндірер элемент жоқ» деп сендірді. Дегенмен де істің мән-жайы қазір анықталуда. Экологтар сараптама жұмыстарын жүргізіп, сұйықтықтың қанша мөлшерде жайылғанын және топыраққа сіңген мөлшерін анықтау үстінде.

АРМАТ ЖҮСІПҚАЛИЕВ МАҢҒЫСТАУ ОБЛЫСЫ ЭКОЛОГИЯ ДЕПАРТАМЕНТІНІҢ БАСТЫҒЫ: «Ластанған жерлердің көлемі өлшеніп, хаттама толтырылды. Қазір жұмыс жалғасуда. Департамент тарапынан жоспардан тыс тексеріс тағайындалатын болады. Тексеріс қорытындысы жұмыстар аяқталған соң жарияланатын болады».

https://www.youtube.com/embed/kAuJ8UsYvH4?si=vxEVufuCcsMQgS5A" 

Алматыда таңғы сағат төрт шамасында басталған жаңбыр әлі жауып тұр. Кей жерлерде жаяу жүргіншілер жолы мен көшелерді су басты. Коммуналдық қызметтер тәулік бойы жұмыс істеп жатыр.

Мегаполисте таңертеңнен басталған жаңбыр толастар емес. Синоптиктердің болжауынша, жауын 17 сәуірге дейін жауады. Қалаға 28 мм көлемінде жаңбыр жауды. Әлеуметтік желіде алматылықтар таңғы уақытта түсірілген фото және видеолармен бөлісіп жатыр.Кадрлардан жол бойында судың жиналып қалғанын көруге болады. Сондай-ақ қаланың көптеген көшелері, соның ішінде Саин, Момышұлы көшелері мен Райымбек даңғылы су астында қалды. Сонымен қатар, жер асты өткелдеріне су толтырып, тұрғындарға қосымша қиындықтар туғызды.Төтенше жағдайлар департаментінің мәліметінше, бүгін 12 аумаққа су жиналған. Оның алтауы жеке тұрғын үй. Оған себеп  арық желілерінің бітелуі. Алматы қаласының Коммуналдық инфрақұрылымды дамыту басқармасынан атап өткендей, күндізгі ауысымға 425 бірлік арнайы техника және 802 жұмысшы жұмылдырылды. 2,3 мың қап құм дайындалды. Аудан әкімдіктерінде жұмысты бақылау үшін тәулік бойы кезекшілік ұйымдастырылды.Қала арқылы Ақсай, Қарғалы, Үлкен және Кіші Алматы өзендері ағады. Жауын-шашынға байланысты өзендерде су деңгейі көтерілді. ТЖД мен «Қазселденқорғау» мекемесінің мамандары өзендерден қауіп жоқ екенін айтып сендірді. 

https://www.youtube.com/embed/oq-Ax-2Y1-Y?si=Ynr23LittxdaOiSw" 

БҚО-да су тасқыны жағдайы әлі де күрделі. Төтеншеліктер тәулік бойы кезекшілікте. Өзендерге жақын орналасқан елдімекендер мен саяжай тұрғындары эвакуацияланып жатыр. Су тасқынынан мүлкі бүлінген халыққа мемлекет залал өтеу шараларын қолға алды. Бүгінгі таңда 600-ден астам азаматқа 126 млн теңгеден астам бір жолғы материалдық көмек көрсетілген. Айта кетсек, материалдық көмек алу үшін эвакуациялық пункттерді паналау міндетті емес. 

ЕРНАТ МАХСОТОВ БҚО ПРОКУРОРЫНЫҢ АҒА КӨМЕКШІСІ

https://www.youtube.com/embed/ETdWL0WSUxU?si=tsM67DCORWD7xTi3" 

Ресейден көлемді су көлемі келуі мүмкін. Батыс, Шығыс және Солтүстік өңірде ахуал күрделі. 20-нан кейін аталған өңірлерде су тасқыны қауіп төндіруі ықтимал. Қазірден бастап халық эвакуацияланып жатыр. 

Шығыс Қазақстанның 7 ауданына су басу қаупі төніп тұр. Бұл аудандарда мобильді топтар тәулік бойы мониторинг жүргізуді бастады. Бөгендер салып, қапшықтар төселіп жатыр. Солтүстікте де жағдай мәз емес. Есіл өзені арнасынан асып кетті. 

ЕВГЕНИЙ ЖУРАВЛЕВ  СҚО ТЖД  БАСПАСӨЗ ХАТШЫСЫ: «Облысымыздағы жағдай әлі де күрделі. Сергеев су қоймасы 149% толып, су бөгет шыңынан 2 метр 61 см асты. Есіл өзенінде су деңгейі жоғарылап жатыр, осы орайда өзен жағасының маңында орналасқан Қызылжар ауданының елді мекендері мен Петропавл қаласында үйлерді су басу деректері тіркелді. Жағдайды бақылауда ұстап отырмыз, дегенмен ахуал күрделі».

Батыста да жағдай мәз емес. 20 сәуірде Ресейден көлемді су келуі мүмкін деп болжанады. Аталған өңірге барлығы 6478 адам, 1574 техника жұмылдырылды. Халық  үрейленіп отыр. Себебі, Оралда Жайық өзенініндегі су деңгейі күн санап көтеріліп жатыр. Тұрғындар шұғыл эвакуацияға дайындалуда.

ЕРХАН ТАТКЕН БҚО ӘКІМІНІҢ БАСПАСӨЗ ҚЫЗМЕТІНІҢ БАСШЫСЫ: «Өңірдегі жағдай әлі де күрделі. Мамандардың бүгін таңмен берген мәліметіне сәйкес, Ресейдің Орынбор облысынан бастау алған көлемді су өңірімізге 20 сәуір күндері келеді деп болжанып отыр. Таңертеңгі ақпарат бойынша, Жайық өзеніндегі судың деңгейі 776 см. Яғни кешегі мөлшермен салыстырғанда 8 см-ге артқан. Осыған байланысты, Жайық өзеніне жақын орналасқан облысымыздың Ақжайық, Бөрлі, Бәйтерек, Теректі аудандары мен Орал қаласындағы қауіпті аймақтардан тұрғындар эвакуацияланып жатыр. Су тасқыны басталғалы бері барлығы 13 614 адам эвакуацияланды, оның ішінде 5653-і балалар.».

Зардап шеккен өңірлерге қосымша 500 арнайы техника жолға шықты. Одан бөлек, еріктілер әр өңірден гуманитарлық көмек жіберіп жатыр. Астаналықтар бүгін Ақмолаға 12 тонна гуманитарлық көмек жіберді. Қазақстандықтар, біртіндеп үйлеріне оралып жатыр. 

ЕРАСЫЛ САЙПАШ ҚР ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ: «Осы сағатта 13 543 адам өз үйлеріне оралды. 7 014 адам, оның ішінде 3 144 бала эвакуациялау пункттеріне орналасқан. Су тасқыны басталғалы бері барлығы 113 693 адам, оның ішінде 39 922 бала құтқарылып, эвакуацияланды. 107 613 ауыл шаруашылық жануарлары қауіпсіз жерге айдалды. 3 570 тұрғын үй мен 2 195 аула аумағынан судың бағыты бұрылды».

Айтпақшы, су тасқынынан зардап шеккен азаматтар көмек алуға өтінішті смартфон арқылы бере алады. Ол үшін жеке тұлғаның сауалына ЭЦҚ қолы қажет.  

https://www.youtube.com/embed/ms7q24oNtUw?si=z9Nh-AtKAMYAgqo5" 

Оқу орнын бітіріп,дипломын қолына алған кезкелген студенттің арманы мамандығы бойынша жұмысқа тұру. Бүгінде мемлекет тарапынан жастардың жағдайын жасауға барлық мүмкіндіктер қарастырылуда.Алматы қалалық әкімдігінің қолдауымен кәсіптік техникалық саланы тәмамдаған студенттерді жұмысқа орналастыру қызу қолға алынып жатыр.Соның бірі арнайы ұйымдастырылған «Бос жұмыс орындары жәрмеңкесі» Айтулы шараға 60-тан астам жұмыс беруші мекемелер қатысып, бос жұмыс орындарын ұсынды. 

БАУЫРЖАН ЕНКЕНОВ АКМК ДИРЕКТОРЫНЫҢ ОРЫНБАСАРЫ

Келешек мамандардың кәсіби икемділігін арттырып, жұмысқа орналасуына жағдай жасауды қарастыратын шара, соңғы курс студенттері үшін тиімді. Олар еңбек нарығындағы жағдаймен танысып, жас мамандарды әлеуметтік қолдау шаралары жайында толыққанды ақпаратқа көз жеткізе алады.

ҚАЖЫКЕЛДІ АМАНГЕЛДІҰЛЫ СТУДЕНТ

https://www.youtube.com/embed/KSM_uu8fAwY?si=hlTViuGV9VkSsmFw" 

Қазақстанда ескірген 6 мың тонндан астам пестицид бар. Бұл  туралы Алматыда өтіп жатқан Орталық Азия елдерінде жасыл ауыл шаруашылығын дамыту үшін ластанған ауылшаруашылық топырағының био- және фиторемедиациялық технологиялары бойынша халықаралық конференция барысында ҚР Экология және табиғи ресурстар министрлігінің өкілі мәлім етті.

Орталық Азия елдеріндегі ауыл шаруашылығы жерлерінің ластану проблемаларын шешуге арналған халықаралық конференцияға әртүрлі елдердің сарапшылары, БҰҰ азық-түлік және ауыл шаруашылығы ұйымының халықаралық кеңесшілері, ғылыми-зерттеу институттарының ғалымдары, тиісті мемлекеттік органдардың және азаматтық қоғамдастықтың өкілдері қатысты. Мамандар аймақтағы ауылшаруашылық топырақтарын қалпына келтіру шешімдерін ілгерілететін Орталық Азия елдерінің жұмыс тобын құру, био-фиторемедиация және экологиялыны одан әрі дамыту бойынша бірқатар мәселені көтерді. Шара барысында ҚР Экология және табиғи ресурстар министрлігінің қалдықтарды басқару департаментінің өндірістік қалдықтар басқармасының бастығы Әсел Қасенова ескірген пестицидтер туралы айтты.

ӘСЕЛ ҚАСЕНОВА ҚР ЭКОЛОГИЯ ЖӘНЕ ТАБИҒИ РЕСУРСТАР МИНИСТРЛІГІНІҢ ҚАЛДЫҚТАРДЫ БАСҚАРУ ДЕПАРТАМЕНТІНІҢ ӨНДІРІСТІК ҚАЛДЫҚТАР БАСҚАРМАСЫНЫҢ БАСТЫҒЫ: « Біз елде ескірген пестицидтерге ұлттық түгендеу жүргізілді. Соның нәтижиесінде Қазақстанда ескірген 6 мың тонндан астам пестицид бар екені анықталды. Бұл пестицидтердің қай өңірге тиесілі туралы қажетті аналитикалық есеп дайындалып жатыр. Сондай-ақ оның сапасы зертханаларда тексерілетін болады».

Айтуынша, анықталған ескірген пестицидтер жойылады. Сонымен қатар, топырақтағы зиянды қалдықтарды шығаруда назардан тыс қалмайды. Бұл жұмыстарға қаражат министрлік немесе жергілікті әкімдік бюджетінен бөлінеді. Сарапшылардың пікірінше, Орталық Азия елдерінде көптеген ауылшаруашылық аймақтарының топырағы тұрақты органикалық ластаушы заттармен және пестицидтермен ластанған, бұл экологиялық және экономикалық қауіптерді тудырады.

ӘСЕЛ РАХЫМҚЫЗЫ ҚР ЭКОЛОГИЯ ЖӘНЕ ТАБИҒИ РЕСУРСТАР МИНИСТРЛІГІНІҢ ҚАЛДЫҚТАРДЫ БАСҚАРУ ДЕПАРТАМЕНТІНІҢ БАС САРАПШЫСЫ: «Қазір қолданатын пестицидтер бойынша, тәжірбиелер қойылды. Үш бағыт бойынша». 

https://www.youtube.com/embed/HVRElvckbH4?si=dNKnpKcFg7KTuB8j" 

Қызылорда да 18 мектептің асханасынан олқылықтар анықталды. Олардың бірінде тазалық жұмыстары дұрыс сақталмаса, енді бірінде құнарсыз тамақтарды оқушыларға ұсынған. Осы сынды шикіліктердің барлығы қалалық мәслихаттың әлеуметтік сала және қоғамдық қауіпсіздік мәселелері жөніндегі тұрақты комиссиясында көтерілді.

Халық қалаулылары сала мамандарымен бірге «Бәйтерек» тұрғын ауданында орналасқан №287 мектептің тамақтандыруды ұйымдастыру мәселесін тексерді. Білім ордасында оқушыларға берілетін тағамның аса майлы болуы және берілетін еттің мөлшерден аздығы, сондай-ақ 320 баланы ыстық тамақпен қамтып отырған аспазшылардың санитарлық талаптарды ұстанбауы маслихат депутаттарын үнсіз қалдырмады. 

Кейін комиссия мүшелері қалалық мәслихатта мамандармен, ата-аналар және мектеп басшыларымен күн тәртібіндегі мәселелерді талқылады. Сондай-ақ, облыстық бала құқықтары жөніндегі уәкіл № 179 мектеп    мерзімі өтіп кеткен өнімдер мен тыйым салынған өнімдерді пайдаланғанын, №15 мектеп–гимназияның кәсіпкері «аспазшы» дипломы жоқ маманға балаларға ас дайындауға жол бергенін мәлімдеді.

ЖАПЫРАҚ ҰЗАҚБАЕВА ҚЫЗЫЛОРДА ОБЛЫСТЫҚ БАЛА ҚҰҚЫҚТАРЫ ЖӨНІНДЕГІ УӘКІЛ: «Ыдыстардың маркировкасы №280,138,10 мектептерде жасалмаған.№179 мектептің кәсіпкері сертификатта көрсетілген жарамдық мерзімі өтіп кеткен өнімдерді және тыйым салынған тұшпара,шұжық, қатпарлы қамыр өнімдерін пайдаланған.Сертификаттің мерзімі өтіп кеткен өнімдерді пайдалану №4 мектеп лицейінде орын алған. Ал №10 мектеп кәсіпкері тамақ рационы нормаға сәйкес емес «Компот» мүкәмәсімен ыдысқа тамақтың қалдықтарын жинаған, яғни компоттың ыдысына қалдық, қалдық ыдысына компот қайнатқан».

Жалпы қалада 55 мектеп асханасы бар. 34 252 оқушы тегін тамақпен қамтамасыз етілген. Статистикаға сүйенсек, 45 мектеп асханалары тексеруден өткен. Тексеру барысында анықталған олқыылықтарды жою жөнінде тапсырмалар берілген. Әрбір мектеп асхана қызметкерлерімен тағамнан уланудың алдын алу, жеке бас гигиенасын сақтау бойынша түсіндірме жұмыстары жүргізілу қажет.

ГҮЛМИРА СЫЗДЫҚОВА ҚЫЗЫЛОРДА ҚАЛАЛЫҚ САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ БАСҚАРМАСЫНЫҢ БАСШЫСЫ: «Көптеген мектептерде санитарлық талаптар сақталмаған. Тағамның қоспалары еденде жату деректері де тіркелген.Сонымен қатар аспасызшылар сыртқа киетін киіммен тамақ әзірлеп гигеналық талаптарды сақтамаған».

Сондай-ақ, кәмелет жасқа толмаған ата-анасының қадағалауынсыз, қарауынсыз, қаңғыбастыққа салынып жүрген, әртүрлі құқық бұзушылық фактілері үшін 1499 әкімшілік хаттама рәсімделген. Ойын-сауық орталықтарында және тұрғын үйден тыс жерде жүрген 856 жасөспірімнің ата-анасы әкімшілік жауапкершілікке тартылған. Балаларды тәрбиелеу және білім беру жөніндегі міндеттерін орындамаған 63 ата-анаға 20 айлық есептік көрсеткіште айыппұл салынған.

ЛЯЗЗАТ АХМЕТОВА ҚПБ ЮВЕНАЛДЫ ПОЛИЦИЯ БӨЛІМІ БАСТЫҒЫНЫҢ ОРЫНБАСАРЫ: «Біріңғай деректер базасына 22 ата-ана, 28 жасөспірім есепке алынды.Кәмелетке толмағанның түнгі уақытта ойын сауық мекемелерінде болуына жол берген 76 кәсіпкерге хаттама толтырылған.Өз міндеттерін орындамаған 2 ата –ана сот құзырымен құқығынан айырылса, 3 ата ана құқығынан шектелген».

Жиынның басты ерекшелігі - ата-аналардың толық қатысып, ақпараттарды өздері естуінде. Отырыс барысында №3 ІТ мектеп-лицейі ата-аналар комитетінің төрайымы, көп балалы отбасы Айкүміс  Қосанова баяндама жасап, барлық ата-аналарды бала тәрбиесіне мұқият болуға шақырды.

https://www.youtube.com/embed/_G_Ck8CvK6w?si=krWvfX3AiBjw4Qg3" 

Петропавл – Жезқазған республикалық тас жолының Петропавлға кіреберісін су басты. Соның салдарынан жеңіл көліктердің қатынасы тоқтатылды. Су тереңдігі - 75 см-ге жуық. Енді Бескөл ауылы мен Петропавл қаласының тұрғындары вахтовка көлігімен келесі бетке тасымалданып жатыр.

Кешелі бері тұрғындар Бескөлден Петропавлға Камаз Вахтовка көлігімен тасымалдануда. Облыс аумағындағы 60-тай жолды су шайып кеткен. Оның ішінде 4 жол республикалық маңызы бар жолдар. Қазір ол жерлерде қарқынды түрде кезекшілік жұмыстары атқарылуда.

ШЫҢҒЫС МАХМЕТОВ СҚО ӨРТ СӨНДІРУ КЕЗЕКШІ ҚЫЗМЕТІНІҢ ЖЕДЕЛ КЕЗЕКШІСІ: «Петропавл-Жезқазған тас жолының үстінен судың өтуіне байланысты Петропавл қаласының оңтүстік бекетінде судың тұрғанына байланысты СҚО төтенше жағдайлар департаменті күштері құралдарымен адамдардың қатынау жұмыстары жүргізіліп жатыр. Бірінші кезекте ол медециналық техника және науқас адамдар екінші ретте аудан тұрғындары мысалы кім жұмыс істейді. Петропавлдан Бескөл ауылына Бескөл ауылынан Петропавлға қатынау жұмыстары жүргізіліп жатыр».

14 сәуір күні Бескөл мен Петропавл ортасына 2 мыңнан астам арнайы көлік жіберіліп, 3 мыңға жуық адам арғы бетке өткізілді.

АСАН ЕШКЕНОВ СҚО БЕСКӨЛ АУЫЛЫНЫҢ ТҰРҒЫНЫ: «Бескөл ауылында тұрамын. Осы көлікпен келіп кетіп жүрмін. Енді кішкене қиындау. Бірақ бәріне де төземіз басқа амал жоқ. Бір Алла күш берсе. Сабырлық қой бастысы».

Мамандар халық қамы үшін бар күштерін салып, тәулік бойы штаттық режимде жұмыс істеп жатыр. Жалпы есеппен 5270 адам және 906 техника жұмылдырылған. Төтенше жағдай орнағалы бері 10 мыңнан астам адам қауіпсіз аймаққа көшірілді. 2000-нан астам үй су құрсауында қалды. 

https://www.youtube.com/embed/yIS08YIS3TU?si=qoxy_MW2Gw5viIE6" 

Бүгін Мемлекет басшысы Қасым-Жомарт Тоқаев Солтүстік Қазақстан облысының су басқан аумағын тікұшақпен аралап көргеннен кейін қарғын су салдарынан эвакуацияланған аудандардың халқымен кездесті. Тұрғындармен әңгімелесу барысында Қасым-Жомарт Тоқаев шығындарды өтеу үшін мемлекет барлық тиісті шараны қабылдайтынын айтты. Қазіргі уақытта су тасқынынан зардап шеккен барлық тұрғынға бірреттік көмек беріліп жатыр және комиссия мүлік шығындарын есептегеннен кейін өтемақы төленеді. Тұрғын үйі жарамсыз азаматтарға жаңа баспана салынады және барлық қажетті инфрақұрылыммен қамтамасыз етіледі. Сонымен қатар зардап шеккен тұрғындардың несиелері мен займдарын төлеу мерзімі шегеріледі. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ

Сондай-ақ Мемлекет басшысы еліміздің бірқатар өңіріндегі су тасқынына байланысты қалыптасқан күрделі жағдайды ескере отырып, бюджет қаржысын үнемдеу мақсатында Үкіметке, орталық мемлекеттік және жергілікті атқарушы органдарға имидждік және басқа да ірі іс-шараларды өткізбеу жөнінде тапсырма бергенін тілге тиек етті.

https://www.youtube.com/embed/clecRGloHXY?si=gYzewAl9_yYJFj4Q" 

https://www.youtube.com/embed/PpgVFoGry1U?si=pPrm4EmEJ_wYoPq-"

Саяжай аумағында тұратын тұрғындар мемлекеттік қолдаусыз қала ма? Оралда бір топ азамат осы мәселеге алаңдаулы. Эвакуациялық орталық пен туыстарының үйін паналаған саяжай халқы 1 апта болды шарасыз отыр. Тұрғындардың мұң-мұқтажы алдағы сюжетте.

Баспанасыз қалам ба деп алаңдаған тұрғынның бірі Марат Айтқалиев. Ол отбасымен 4 сәуір күні «Тополек» саяжайынан Мичурин мектебіне эвакуацияланған. Екі бөлмелі баспанасын тасқын су шайып кеткендіктен, амалсыз уақытша орталықты паналауға мәжбүр. Спорт залдың аядай бөлмесінде 5 адам тұрып жатыр.Отанасы Мичурин ауылдық округінің әкімдігі уақытша баспана бергенін айтады. Алайда, бөлме іші сыз тартқандықтан, эвакуациялық пунтке қайта оралыпты. Оларды дәл қазіргі уақытта баспана мәселесі алаңдатуда. Өйткені жеке шаңырағы саяжай аумағында орналасқандықтан, бұл статус жаңа баспана беру немесе қайта салу жұмысына кедергі келтіруі мүмкін. 

МАРАТ АЙТҚАЛИЕВ, МИЧУРИН АУЫЛДЫҚ ОКРУГІНІҢ ТҰРҒЫНЫ

Гүлвира Сүндетқалиева да баспана мәселесімен бетпе-бет келіп отыр. Бес баласымен туысының үйінде бас сауғалаған көпбалалы ана әкімдікке өтініш қалдырыпты. Әлі бір реттік өтемақы алмаған.

ГҮЛВИРА СҮНДЕТҚАЛИЕВА, МИЧУРИН АУЫЛДЫҚ ОКРУГІНІҢ ТҰРҒЫНЫ

Әкімдіктің айтуынша, Марат Айтқалиев пен Гүлвира Сүндетқалиеваның мәселесін арнайы комиссия шешеді. Оған дейін облысқа жеткен гуманитарлық көмек есебінен бұл отбасыларды қолдауды жалғастырамыз»,- дейді Зейнолла Қалиев.   

ЗЕЙНОЛЛА ҚАЛИЕВ, МИЧУРИН АУЫЛДЫҚ ОКРУГІ ӘКІМІНІҢ ОРЫНБАСАРЫ

Марат Айтқалиев пен Гүлвира Сүндетқалиеваның өтініштері тасқыннан зардап шеккендер тізіміне алынған. «Арнайы комиссия ауыл-ауылды аралап жүр» деп нақтылады әкім орынбасары. Ол жұмыс тобының Мичуринге келер уақыты, тұрғындармен жүздесу күні белгісіз. Ал баспанасыз қалған отбасы су басқан тұрғын-жайын суретке түсіріп, бейнежазбаларын сақтап қойған.