https://www.youtube.com/embed/ESDj_4HHbAA?si=-mTbjUpNOJB6laB2" 

https://www.youtube.com/embed/DGf9gPHMc8g?si=Ko8d08mTzYwo-p40" 

Сырдария өзеніндегі су деңгейі тұрақты. Сала мамандарының айтуынша, Батыс Қазақстанға қарағанда су тасқынына қауіп жоқ дейді.Бүгінде су жағдайына жауапты мамандар күнделікті бақылау жасап отыр. Биыл облыс ауағында ауа райының жылы болуы себебінен 1 наурыздан 20 наурыз дейін Сырдария өзені мұздан толық тазарды. Қазіргі таңда Қызылорда облысы аумағында су тасқынынан қауіп жоқ, ахуал тұрақты. Бүгінгі күні егістікке су алу науқанының жақындауына байланысты филиал тарапынан жерге дән себілгенге дейін шабындық жайылымдықтарды суландыру жұмыстары қарқынды жүргізіліп жатыр.

ҚАЙРАТБЕК СӘРСЕНБАЕВ АРАЛ-СЫРДАРИЯ БАССЕЙІНДІК ИНСПЕКЦИЯСЫНЫҢ БАСШЫСЫ: «Қазіргі таңда Шардара су қоймасы мен Көксарай су реттегішінің жұмыс кестесі бақылауға алынды. Жергілікті атқарушы органдар мен су шаруашылық ұйымдары бірлесіп, Сырдария өзеніндегі су деңгейіне күнделікті мониторинг жұмыстарын жүргізуде.Бізде батыс қазақстанға қарағанда тасқын суға қауіп жоқ».

https://www.youtube.com/embed/HUKdvP6BqZU?si=fhRbIcO6bRfjiJEZ" 

Бүгіннен бастап ауа-райын болжаушы мамандар күшейтілген жұмыс режиміне көшті. Өйткені, алда барлық өңірде күн күрт жылып, су тасқыны қаупі жоғары. Қазгидрометтің өңірлердегі синоптик және гидролог қызметкерлері 24/7 кесте бойынша тұрақты негізде жұмыс істейтін болады. Айта кетейік, Атырау, Ақтөбе, Қостанай, Батыс Қазақстан, Солтүстік Қазақстан, Ақмола, Шығыс Қазақстан облыстары және Абай облысында су тасқыны қаупі бар деп болжануда.

Мұндағы су объектілерін бақылау жылдам режимге ауыстырылды. Ал, бүгін республика бойынша 9 гидрологиялық дауыл туралы ескерту жарияланды. 

https://www.youtube.com/embed/DVEdgsIbMms?si=-7kMag0Ds-0XxqcZ" 

Алапат жалын. Бүгін түнде Астанада резеңке бұйымдарды сақтайын қойма өртке оранды. Қызыл жалын 1000 шаршы метрге жайылған. Бұл нысанда тек резеңкеден жасалған заттар болғандықтан, төтеншеліктерге өртті сөндіру қиынға соқты. Себебі, ондай заттар әдетте жоғары температурада және тез жанады. Сондықтан, жеке құрамнан 61 өрт сөндіруші және 15-ке жуық техника жоғары дәрежелі шақыру бойынша оқиға орнында жұмыс істеді. 

НАЗАРӘЛІ СЕЛИМОВ АСТАНА ҚАЛАСЫ ТЖД ӨРТ СӨНДІРУ ҚЫЗМЕТІНІҢ БАСТЫҒЫ: «8 сәуір жедел басқару орталығына 22,51 минутта өрт туралы хабарлама келіп түсті. Жалпы көлемі 1200 шаршы метр. Барлық бөлімшелер үшінші жоғарғы шақыру бойынша көтеріліп, өртке жұмылдырылды. Зардап шекккендер жоқ. Түнгі 1 сағат 34 минутта өрт оқшауланды».

https://www.youtube.com/embed/RUa1IVXZG_g?si=JOf4uiaqrvz9Gj0n" 

Алматы әуежайының маңындағы балалар алаңында «тамағы тілінген» ер адамның мәйіті табылды. Күдікті ізі суымай ұсталды. Алдын ала болжам бойынша, қылмыс алкогольдік ішімдікті бірге ішу негізінде жасалған.

САЛТАНАТ ӘЗІРБЕК АЛМАТЫ ҚАЛАЛЫҚ ПОЛИЦИЯ ДЕПАРТАМЕНТІНІҢ РЕСМИ ӨКІЛІ: «Күдікті ізі суымай ұсталды. Кісі өлтіру фактісі бойынша қылмыстық іс қозғалды. Күдікті ұсталып, уақытша ұстау изоляторына қамалды. Алдын ала болжам бойынша, қылмыс алкогольдік ішімдіктерді бірге ішу негізінде жасалған. Екі ер адам ішімдік ішкен. Басқа жағдайлар анықталуда».

https://www.youtube.com/embed/q-J9qOM_hMk?si=sFRgPP0avZhpCLt9" 

Қоғамды дүрліктірген экс-министр Қуандық Бишімбаевтың кезекті соты жалғасып жатыр. Бүгінгі сот отырысы қылмыс болған БАУ мейрамханасының қызметшісіне сұрақ жауап алудан басталды.Куәгердің сөзінше,сол күні Бишімбаев мейрамханадағы вип кабинаның астаң-кестеңін шығарған және ол әдеттегіден қарағанда қатты ашулы болыпты. Ресторан қызметшілері мұндай жанжалға бірнеше мәрте куә болған.  Сондай-ақ,  Сот-медициналық сарапшы Тахир Халимназаров Салтанат Нүкенованың алған жарақаттарын манекен арқылы сызба бейнелерімен баяндап берді. Көп жылдық еңбек өтілі мен тәжірибесі бар сарапшының айтуынша, марқұмның бет сүйегі мен бас сүйегіне 12-13 соққы жасалып, соның бәрі жиналып, өлімге әкеліп соққан.

Сондай-ақ марқұмның мойынында қылқындыру белгілері байқалған. Сарапшының қорытындысында бас миының жарақатын (зақымдануын) көрсететін сот - медициналық диагнозы қойылды. Бұл жарақаттар мидың зақымдалуына әкеледі. Мұның бәрі бірге ауыр зиян келтіру ретінде  өлімге әкеп соғатын тікелей себеп болып табылады", - деді сарапшы.

https://www.youtube.com/embed/PNk34cHme1E?si=xpZFEfF8pz9QpPj0" 

Су тасқынына қарсы шараларды Премьер-Министр жіті бақылауына алған. Өзі өңірлерді аралап, дайындықты көзбен көріп жүр. Бірінші орынбасары Роман Скляр да бірге. Жер-жердегі жедел штабтар тәулік бойы жұмысты тоқтатпайды. Бүгін Үкімет басшысының тапсырмасымен Солтүстік өңірге Қорғаныс министрлігінің қосымша 300 әскери қызметшісі келіп қосылды. 

ОЛЖАС БЕКТЕНОВ ҚР ПРЕМЬЕР-МИНИСТРІ: «Жұмысқа жеке құрам мен Ұлттық ұлан жұмылдырылды. Полк те күшейтіледі. Қорғаныс министрлігі қосылды, сондықтан күш жеткілікті болуы керек. Қазір күш біріктіруіміз керек. Алдағы 2-3 күнде ауыр зардаптардың алдын алу үшін көп жұмыс істеу керек. Ең алдымен адамдар зардап шекпеуі маңызды». 

Теріскейдегі Петропавл қаласына қауіп төніп тұр. Сергеевка су қоймасы арнасынан асуы мүмкін. Салдарынан 3 аудан мен қаланы су басуы мүмкін деген болжам жасалды. Өңірге Түркістан, Павлодар, Қарағанды облыстарынан құтқарушылар мен еріктілер көмекке келген. Ал, Павлодарда болса жағдай тұрақталды. Бұл аймақта қарғын су салдарынан 38 баспана бүлінген еді. Алғашқы 24 үйдің қожайыны мемлекеттік өтемақыны алды деді өңір басшысы. 

https://www.youtube.com/embed/5Zy7gMUdCOs?si=qMVfczfYfia-YxV1" 

https://www.youtube.com/embed/mbbYeLBIWVc?si=Jdu6Hmu1hUyXZN7A" 

Алматы облысы Қарасай ауданына қарасты Кемертоған ауылында балалар мен жасөспірімдер үшін тегін үйірмелер ашылды.Шағын жастар кешенінің ақысын жерілікті бюджет өтейді. Осындай кеңшілік болған соң, өтініш берген ата-аналардың қарасы көбейіп жатыр. Орталыққа білікті мамандар тартылған,олар қолөнер,спорт секілді салаларға жастардың жігерін жанитын болады.

ЕРБОЛ НҰРМАНҰЛЫ КӘСІПКЕР

Жастарды телефон тәрбиелеген заманда олардың бос уақыттарын тиімді пайдалану маңызды. Осыған дейін балаларын даладан қалаға тасып жүрген ата-аналар, енді еш жерге сабылмайтын болады.

ҚАЛЕН МҰСАЕВ АУЫЛДЫҚ АҚСАҚАЛДАР АЛҚАСЫНЫҢ ТӨРАҒАСЫ

https://www.youtube.com/embed/W_IjGPrdLP0?si=q2P8i0c6CjkUpxK6" 

«Жүректен жүрекке» арнайы жобасы аясында алматылық этномәдени бірлестіктердің өкілдері 3 күн ішінде қабылдау пунктіне 25 тонна  гуманитарлық көмек жинады. Бұл жүктердің ішінде азық-түлік, киім-кешек, төсек-орын жабдықтары мен күнделікті тұрмысқа қажетті заттар бар. 

Ұйғыр этномәдени орталығының өкілі, волонтер,3 топтағы мүгедек Шухрат Мұсратұлы денсаулығына қарамастан әріптестерінің басын қосып 1 тонна азық- түлік жинады.

ШУХРАТ БАГУДИНОВ ВОЛОНТЕР: «Жүректен жүрекке деген акцияны естіп, ауылдастарымызды жинап, азық-түлік, киім-кешек әкелдік».

3 күнде Алматы қаласы Қазақстан халқы Ассамблеясы штабының қабылдау пунктіне 25 тонна гуманитарлық көмек жиналды. Оған еріктілер,  этномәдени бірлестіктердің мүшелері мен жанашыр азаматтар атсалысты.

ДОЛКУНТАЙ АБДУЛХАЛИЛ ҚАЗАҚСТАН ҰЙҒЫРЛАРЫ РЕСПУБЛИКАЛЫҚ ЭТНОМӘДЕНИ ОРТАЛЫҒЫНЫҢ ТӨРАҒАСЫ:«130 ұлт өкілдері бар. Бәріміз бір жағадан бас, бір жеңнен қол шағарып, жинап жатырмыз. Мұнда құрлыс материалдары, тамақ бәрі бар»

Гуманитарлық көмек тиелген 2 жүк көлігі су басақан аймақтарға бүгін түнде жолға шығады. 

https://www.youtube.com/embed/CaCavbdDrH8?si=TcXaEMoyYP0ewUD-" 

Сәндік-қолданбалы өнер мен музыкалық аспап жасау мамандығына оқытатын Алматы қаласында киелі шаңырақ бар. Іргесі  1956 жылы қаланған, оқу орны қабырғасындағы халық аспаптары мамандығы профессор Болат Сарыбаев пен Бейсенғали Оразбекұлының есімімен тікелей байланысты.Келесі тақырыпқа назар аударсақ.

Қоғамға қажетті салаларға мамандарды даярлап келе жатқан оқу орнының білім саласында алар орны ерекше. Олай дейтін себебіміз студенттерді ұлттық өнерге баулып, оларды бабалар кәсібіне баулыйды. Қазақ халық музыкалық аспап жасау шеберханасына Болат Сарыбаев пен Оразғазы Бейсенбекұлының аттары берілуі тегін емес.Өйткені олар, қазақтың ұлттық құндылықтарына орасан зор еңбек сіңірген тұлғалар.

КАМАЛ ӘМІРҒАЛИҰЛЫ  АЛМАТЫ ҚАЛАЛЫҚ БІЛІМ БАСҚАРМАСЫНА ҚАРАСТЫ АДИК ДИРЕКТОРЫ

Бостандық ауданының жастары жас скилс,жас шебер байқауына қатысқан болатын.Ұлттық өнер тартысында жүзден жүйрік шыққандары марапатталды. Сондай-ақ айтулы білім шаңырағына тегін оқуға жолдама берілген.

АЙГҮЛ ҚАСЫМБЕК АЛМАТЫ ҚАЛАСЫ БОСТАНДЫҚ АУДАНЫ БІЛІМ БӨЛІМІНІҢ БАСШЫСЫ

Өндірістік оқыту шебері Салтанат Қадырова бүгінде халықтық кәсіпшілік бағытындағы мамандар даярлайтын бірден-бір колледждің түлектері республикада жоғары сұранысқа ие екендігін айтады. Кез келген кәсіпорында өндірістік тәжірибеден өткен студент өз қалауынша сол кәсіпорында ары қарай жұмысын жалғастыра алады. 

САЛТАНАТ ҚАДЫРОВА ӨНДІРІСТІК ОҚЫТУ ШЕБЕРІ

Қолынан өнері тамған студенттер қолөнер шеберлері конкурстарының жеңімпазы. Ал өндіріс барысында жасалған музыкалық аспаптар колледж оркестрі, сондай-ақ көрме залының көркіне айналған. Талапты да, талантты балалар үш курста үш топта білім алады. 

САЛТАНАТ ҚАДЫРОВА ӨНДІРІСТІК ОҚЫТУ ШЕБЕРІ

https://www.youtube.com/embed/rzj711udynI?si=a_wjU1SLN3oA-wG6" 

Астанаға қауіп жоқ. Қазіргі таңда  Елорданың  су реттегішінде 144 млн су көлемі бар. Ал, бұл су реттегіштің жобалық қуаты 450 млн кубты құрайды. Сондықтан, халыққа алаңдауға еш негіз жоқ. Астана маңындағы ауылдарға қатысты қауіп ол Есілден емес, Нұра өзенінен дейді Су ресурстары және ирригация вице-министрі Нұрлан Алдамжаров. 

НҰРЛАН АЛДАМЖАРОВ ҚР СУ РЕСУРСТАРЫ ЖӘНЕ ИРРИГАЦИЯ ВИЦЕ-МИНИСТРІ: «Бүгінгі таңда төмен қарай 30 метр секунд ағызып жатырмыз. Тасып жатқан суды 4 кубқа дейін көбейтуді жоспарлап отырмыз. Тасу қаупі жоқ. Әкімдік тиісті жұмыстар атқаруда. Талапкерге тек Есіл емес, Нұра өзені бойынша 1400 куб секундына жүруде. Сол әсерін тигізуде. Ақмола облыстық әкімдігі мен төтенше жағдай министрлігі тарапынан тиісті жұмыстар атқарылуда».