https://www.youtube.com/embed/i0PxjA6__60?si=WbhQ_zgU8f00rgae" 

Ресейден келетін судың көлемі БҚО сәуірдің 10-ы мен 13-ші күндеріне қарай көтерілуі мүмкін. Сол себепті, Оралдағылар Жайық өзенінің ойпаң тұстарына биік бөгеттер жасауда. 

НҰРТІЛЕУ ШАЙДЫҒАЛИЕВ ОРАЛ ҚАЛАЛЫҚ ТҰРҒЫН ҮЙ КОММУНАЛДЫҚ ШАРУАШЫЛЫҒЫ БӨЛІМІНІҢ СЕКТОР МЕҢГЕРУШІСІ: «Қаланы су басу қаупі төніп тұр.Ең төменгі нүктелер Курни ауданы, юнатов станциясы»

Курини ауданының осы аумағында үш мыңға жуық халық мекендейді. Халықтың қауіпсіздігі үшін 20 шақты құрылыс компаниясының 200 арнайы техникасы барлық шараларды жасауда. Ал, Жайықтың жағдайы жайлы болмай тұр. Жергілікті тұрғындардың сөзінше бұндай оқиға соңғы рет 2011 жылы болған. Бойларын үрей билеген қара халық, күнде өзен жағасын бақылаумен отыр.

ТҰРҒЫН: «Қорқынышты. Қатты ағыс мына бөгетті жарып кете ме деген ой да келеді. Бірақ барынша жұмыс жүргізіліп жатыр екен. Оңай болмай тұр. Буынып-түйініп дайын отырмыз».

Осында орналасқан 55 бау-бақша серіктестігінде 10 мың адам өмір сүруде. «Азаматтық қорғаныс туралы» заңға сәйкес сейсенбіден бастап саяжайлардағы жарық пен көгілдір отын ажыратылатындықтан,  әкімдіктегілер тұрғындарға тезірек қауіпсіз жерге көшуге үндеу айтуда. 

https://www.youtube.com/embed/jKskz8j10_A?si=W1RmpMX_LpIybxzs" 

Су тасқынына қатысты еліміздің 8 өңірінде жергілікті ауқымдағы төтенше жағдай жарияланды. Өңірлерде ахуал әлі де оңалар емес. Топан су басқан аймқатрдан 97 мыңнан астам адам құтқарылған. Оның 32 мыңнан астамы бала. 

Бүгін Жабай өзеніндегі су деңгейі көтеріліп, Солтүстік Қазақсан облысы Атбасар ауданында төтенше жағдай жарияланды. Аталған өңірде шұғыл штаб өз жұмысын бастады. Эвакуциялау пункттері ашылып, онда құтқарылған адамдарға ыстық тамақ пен сусын беріліп жатыр. Жергілікті билік халықты сабырға шақырады. Жалпы республика бойынша қазіргі уақытта уақытша орналастыру пункттерінде 7 мыңнан астам адам орналасытырлған. Оның 4 мыңға жуығы бала. 

ЕРАСЫЛ САЙПАШ ҚР ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ:«ТЖМ және жергілікті атқарушы органдардың күштерімен 8,8 млн астам текше метр еріген қар суы сорылды. Авариялық-құтқару жұмыстарына 27 мыңнан астам адам және 3 мыңға жуық бірлік техника мен 15 әуе кемесі жұмылдырылды. Еліміздің 8 өңірінде Ақтөбе, Қостанай, Батыс Қазақстан, Ұлытау, Ақмола, Қарағанды, Атырау және Солтүстік Қазақстан облыстарында жергілікті ауқымдағы ТЖ әрекет етеді».

Атырауда да жағдай мәз емес. Зардап шеккендердің барлығына дерлік көмек көрсетіледі дейді жергілікті билік. Бұл өңірде тұратын осал топтағы азаматтарға екінші тоқсанға тағайындалатын әлеуметтік көмек автоматты түрде беріледі. Қайтарымсыз гранттар мен жеңілдетілген несиелер беру кейінге қалдырылады. Атырауда еріктілер кезекшілікпен жұмыс істеп, зардап шеккендерге көмектесіп жатыр. 

АҚБӨБЕК ТӘТТІБЕКҚЫЗЫ АТЫРАУ ОБЛЫСЫ ЕРІКТІЛЕР ФРОНТ ОФИСІНІҢ БАСШЫСЫ:  «Қазіргі таңда әр бағыттағы волонтерлер кезекшілік қызметпен бөлініп жұмыс жасап жатыр. Сондай-ақ өңірдегі кәсіпкерлердің қолдауымен түскі ас, көмек қажет жерге жөнелту үшін арнайы автобустар бөлінді. Атырау облысында ТЖ табиғи сипатта жарияланғаннан бастап 10000-ға жуық волонтер қызмет етуде және басқа да облыстың волонтерлерінің қолдауымен облысқа гуманитарлық көмекпен қатар волонтерлер де өз көмектерін көрсетуге келуде».

Қостанайда болса ахуал сәл тұрақталғандай. Су тасқынынан зардап шеккен халық ақырындап үйлеріне оралып жатыр. Торғайдағы барлық эвакуциялық пункт жабылды. Ондағы 600 адам үйлеріне қайтты. Біржолғы төлем төлеу басталды деді облыс әкімі. Ал, шығыста жағдай ерекше бақылауға алынған. Тасқын қаупі күтіледі. Себебі, қазгидромет алдағы үш күнде күн жылынып, жаңбыр жауады деп болжайды. 

АЛИНА ИСМАҒҰЛОВА «ҚАЗГИДРОМЕТ» РМК БАСПАСӨЗ ХАТШЫСЫ: «Осыған байланысты түнде жауын-шашын (жаңбыр, қар), күндіз жаңбыр жауады деп күтілуде, 11-12 сәуірде елдің шығысы мен оңтүстік-шығысында қатты жауын-шашын (жаңбыр, қар) болды. Республика бойынша түнгі және таңертеңгі сағаттарда тұман, күндіз батыста, оңтүстік аймақтарда найзағай, орталықта, шығыста және оңтүстік-шығыста екпінді жел соғады деп күтілуде».  

Су тасқыны үкіметтің жіті бақылауында. Билік жауапты мамандарға ауыз судың сапасын қатаң тексеруді тапсырған. Осы мақсатта Солтүстік Қазақстан облысында арнайы зертхана екі сағат сайын ауыз судың сапасын тексеріп отыр. 

https://www.youtube.com/embed/Jrw3gPd1ICQ?si=VE8Pk9nz-Q8qDd4U" 

https://www.youtube.com/embed/0VkIarAQ8RY?si=aB0ZGh6Rq_3FojbQ"

Халықты алдап, заңсыз автонесие рәсімдегендер ұсталды. Алаяқтар  кепілде тұрған көліктерді иелерінің және екінші деңгейлі банктердің келісімінсіз жақын шетелдерге сатып жіберіп отырған. Осы адамдардың қылмыстық әрекеттерінен зардап шеккен болсаңыз немесе осы іске қатысы бар қандай да мәлімет білсеңіз полицияға хабарласыңыз!

ҚАЙРАТ АРТЫҚОВ АСТАНА ҚАЛАЛЫҚ ПД ТЕРГЕУ БАСҚАРМАСЫ БАСТЫҒЫНЫҢ ОРЫНБАСАРЫ: «Жедел іздестіру іс-шаралары барысында елордалық полиция алаяқтыққа қатысы бар үш күдіктіні анықтады. Олардың кесірінен 115 азамат жапа шеккен. Келтірілген залал көлемі шамамен 1,6 млрд теңгені құрады».  

https://www.youtube.com/embed/IPhnetkFQ_0?si=aOrGj2t9V5NhwDr_" 

Маңғыстаулық оқушы, Нұрасыл Игілікұлы көпке үлгі болар әрекет жасады. Ол қобдишаға жинап жүрген бар ақшасын Құлсарыдағы су тасқынынан зардап шеккендерге берді. Жүрегі мейірімге толы Нұрасыл тасқын су басқан қаланы әлеуметтік желіден көріп, көмек қолын созуға асыққанын айтады. Осылайша, жеткіншек Ақшұқыр ауылында жиналып жатқан гуманитарлық көмекке өз үлесін қосыпты. 10 жастағы бала жиған-терген 3 мың теңгені апарып табыстаған. Төртінші сыныптың оқушысы анасы күн сайын берген қаражатты бір ай бойы жұмсамай жинап жүрген. Қаршадай баланың әрекетіне сүйсінген азаматтар оны видеоға түсіріп, желіге жүктеп жатыр. 

НҰРАСЫЛ ИГІЛІКҰЛЫ — ОҚУШЫ: «Менің мамам сабаққа тиын береді. Тамақ алып же, самса алып же деп. Сосын мен оларды копилнигіме салып жинай бердім. Атыраудағы қиын жағдайды естіп көмектескім келді. Ақшұқырда көмектесіп жатқанын естідім. Сосын мен копилнигімдегі тиындарымды алып, апарып бердім».
 

https://www.youtube.com/embed/MxNi3UhSe_M?si=kh0YqyGLgx52JKgv" 

Қызылорда қаласында 50-ден аса тұрғын үй апаттық деп танылған, олардың басым көбі Тасбөгет кентінде орналасқан. Жергілікті биліктің үстіміздегі жылға жоспарлары бойынша осы санаттағы азаматтарға 100- ден аса пәтер салмақ. 
 
Тасбөгет кентіндегі Есенов көшесі бойындағы үш қабатты үй 2019 жылы тұруға жарамсыз деп танылған. Жыл өткен сайын жағдайы құрып бара жатқан 24 пәтерлік үйді басқа бүгінде барар жері жоқ 8 отбасы паналауда. Қалған тұрғындар бас амандығын ойлап туған туыстарын сағалап кеткен.

АПАТТЫҚ ҮЙДІҢ ТҰРҒЫНЫ:  «Мына жердегі үйді мердігерлер бұзып алып кеткеннен кейін орнын тегістеп кеткен жоқ. Қазір оның ішінде мусор, оның ішінде итте, мысық та өліп жатыр. Ертең күн жылынса сасиды мына араның барлығы. Балалардың ойнайтын жері жоқ, айналаның бәрі мусор. Жаңбыр дауған кезде айналаның барлығы балшық». 

АПАТТЫҚ ҮЙДІҢ ТҰРҒЫНЫ: «Үй бермей ма бізді мынандай жерде отырғызып қойғанша. Я үйімізде жылу жоқ, от жағамыз. Қыстай тоқ пеш қосып шықтым. Кеше екі айға қалада тұрып келдім пәтер жалдап. Өзім безработный адаммын. Жесірмін, көмек қайда мысал үшін. Неге қарамайды, не қарап отыр жоғарыдағылар». 

Былтырғы жылы осындай жағдайдағы 40 отбасыға жаңа пәтердің кілті табысталған. Биылғы жылы да тұрғындарды қуанышты хабармен сүйіншілейміз дейді мамандар. 
 
ГҮЛЬМИРА ПАЗЫЛОВА ҚЫЗЫЛОРДА ҚАЛАЛЫҚ ТҰРҒЫН ҮЙ ИНСПЕКЦИЯСЫ БӨЛІМІНІҢ СЕКТОР МЕҢГЕРУШІСІ: «Қазіргі таңда қала бойынша 51 көп қабаттық тұрғын үй апаттық деп танылған. 51 үйдің ішінде 651 азамат кезекке тіркелді. 2019 жылға дейінгі тұрғындар бұл санат бойынша үйлерін алып болды. Бұл кезектілік 2019 жылдан басталып тұр. Жобалап 100-ге жуық азамат пәтер алады деп жоспарланып тұр бүгінгі күнге». 

2021 жылдан бері жалғыз тұрғын үй апаттық деп танылған. Күні бүгінге дейін 193 отбасыға жаңа пәтер кілттері табысталып, тұрғын үй кезегінен шығарылған.

https://www.youtube.com/embed/JopFFFy-DEo?si=YQgxQD6n-pOqPX0_" 

Алматы облысы, Кеген ауданы әкімінің орынбасары Медет Исаев  республикалық маңызы бар Көкпек-Кеген-Түп автокөлік жолының 53-68 км аралығындағы жүргізіліп жатқан жөндеу жұмыстарының сапасын тексеріп, мердігер компанияның өкіліне қатаң ескерту жасап, автокөлік жолының сапасын арттыру бойынша бірқатар тапсырма берді.

https://www.youtube.com/embed/-QD1ZwCfurI?si=Un1PUP6jhlmDlhPn" 

Санитарлық-эпидемиологиялық бақылау департаменті БҚО халқына мәлімдеме жасады. Олардың сөзінше қарашаның енді құдықтағы суды емес, бөтелкедегі суды ішкені абзал болмақ. Себебі, ауру жұғуы мүмкін. 

НҰРЛЫБЕК МҰСТАЕВ БҚО САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Бұл аурудың атауы - гепатит А. Бұл су арқылы келетін дерттің түрі. Сол себепті сарапшы мамандар су басқан елдімекендердегі халыққа жер астынан шығып жатқан суды тұтынбауды, бүлінген тамақтарды жемеуді, қолды міндетті түрде сабындап жууға кеңес береді.

НҰРЛЫБЕК МҰСТАЕВ БҚО САНИТАРЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Статистикаға сүйенсек, өңірде вирустың 7 жағдайы тіркелген. Дерттің негізгі белгілері: дене температурасының жоғарылауы, жүрек айнуы құсу, тамақ ауруы, бөртпелер. Осы белгілерді бойынан сезген әр жан міндетті түрде дәрігердің көмегіне жүгінуі тиіс.

https://www.youtube.com/embed/lkTftgW1hfk?si=zsh6lOKdnljcGQiN" 

Нүкенова Бишімбаевтың қандай адам екенін құрбысына ашық жазған
Елордада әйелін ұрып өлтірді деген күдікпен сотқа тартылған экс-министр Қуандық Бишімбаевтың ісі жалғасуда. Бұл жолы сот залына Салтанат Нүкенованың құрбысы шақырылды. Онда мемлекеттік айыптаушы Айжан Аймағанова смс-хабарламаларды оқып берді. Куәгер ретінде шақырылған Аида Ахмединаның телефонындағы жазбалар адам шошырлық. Онда Салтанат Нүкенова күйеуінің күндіз-түні бақылауына алғанын, ұрып-соғатынын ашық жазған. 

АЙЖАН АЙМАҒАНОВА, ПРОКУРОР: «19 сәуір, түнгі сағат 02-00-дегі жазба. Маған адвокат керек. Ол менің заттарымды берер емес. Маған әкеммен бе, әлде ағаммен бе келіп бәрін алып кету керек. Мен саған сенемін. Кез келген жағдайға дайын жүруім тиіс. Мен шаршадым. Ол менің әр қадамымды бақылауында ұстап отыр. Айтқанына қарсы шықсам бірден ашуланып, ұрыс шығарады. Алматыда болғанда ол менің шашымды жұлып, айғай шығарды. Маниак сияқты сезімін білдіреді. Бұл махаббат емес қой.» 

Куәгердің телефонында жазбалар қатары мұнымен бітпейді. Сонымен қатар Салтанаттың құрбысына Бишімбаевтан құтылғысы, яғни, кеткісі келетіні қайта-қайта айтылған. Тіпті ол өзін тыр жалаңаш видеоға сақтық үшін түсіріп алғанын да жазады. 
Сот барысында, сондай-ақ, Нүкенованың көмекшісі Анар Тасова да куәгер ретінде шақырылды. Ол да сот залында Салтанаттың денесінен көгерген іздерді байқағанын айтып берді. 

https://www.youtube.com/embed/ik1mPbqLMpM?si=aJ2j08EQwdPxb0lC" 

Бірінші вице-премьер Роман Скляр Солтүстік Қазақстан облысының ауалдарын аралап жүр. Бүгінде Тайынша және Қызылжар аудандарында төтенше жағдай. Мұнда 103 үйді су басып, 678 адам құтқарылған болатын. Оның 100-ден астамы балалар. Айтпақшы, Қазгидромет елімізде су тасқынының екінші кезеңі болуы мүмкін деп болжайды. Өйткені, алдағы үш күнде 10,15 градусқа дейін күн жылынады. Солтүстік пен шығыста су тасқыны қаупі бар. 

https://www.youtube.com/embed/jShl0RJkt-s?si=zURE3a441FDj5Ipf" 

 
Су тасқыны салдарынан малы қырылған азаматтарға өтемақы қалай төленеді?  Өтінішті қайда жіберу керек? Алдын-ала ақпарат бойынша республикада өлген мал 8,1 мың басты құрайды. Тағы елдің бірқатар өңіріне қауіп төніп тұр. Еріктілер де, құтқарушылар мен әскерилер де аймақтарда, тәулік бойы үздіксіз қызмет етіп жатыр.  

Еліміздің шығысы мен оңтүстігінде нақты айтқанда Жамбыл облысында және Семейде жағдай ерекше бақылауға алынды. Себебі, алда күн күрт жылынып, аталған өңірлерде тасқын болу қаупі бар. Елдің барлық өңірінде еріктілер зардап шегушілерге көмек қолын созуда. Бір Астананың өзінен өңірлерге 550 тонна гуманитарлық көмек жіберілді. Елорда да 30 волонтерлік ұйым онда 600-ден астам ерікті жұмыс істеп жатыр.

ЭЛЬВИРА ЕСМҰХАНОВА АСТАНА ҚАЛАСЫ ЕРІКТІЛЕР ФРОНТ-ОФИСІНІҢ БАСШЫСЫ: «Қазіргі таңда Астанадан зардап шеккен өңірлерге 550 тонна гуманитарлық көмек жөнелтілді. Көмек кәсіпкерлердің, мемлекеттік органдардың, қауымдастықтардың, еріктілердің, қайырымды жандардың, азаматтардың арқасында көрсетіліп жатыр. Өңірлерге азық-түлік, жылытқыштар, қайықтар, генераторлар, күректер, 400 мың қап, балалардың киімдері, гигиеналық заттар, шатырлар, төсек-орын жабдықтары, резеңке киімдер жіберілді». 

Бүгін Қарағандылық төтеншеліктер Ақмола облысына көмекке келді.Себебі,  Жібек Жолы кентінің бірқатар аудандарын су басу қаупі бар. Жас ұландықтар да осы аймақта. Әскерилер де бар күштерін салуда. 

РУСЛАН ЖАНГУЛИН ҚО ҚМ РЕСМИ ӨКІЛІ: «Әуе көлігімен 39 адам тасымалданса, 4 тоннадан астам жүк жеткізіліп, 6 мыңнан аса қапшыққа құм толтырылып, төселді. Солтүстік Қазақстан облысы аумақтық қорғаныс бригадасының жауынгерлері Петропавл қаласы маңындағы Заречный ауылының аймағына Есіл өзенінің бөгетін нығайту үшін 1 050 қапшық құм дайындады. Төтенше жағдайлар департаменттері мен Полиция қызметкерлерімен бірге олар Заречный тұрғындарын эвакуациялауға қатысты. Солтүстік Қазақстан облысы Бескөл ауылында Астанадан келген 68665 әскери бөлімінің әскери қызметшілері ауылдың айналасын нығайту үшін 8000 қап құм толтырды. Екінші топ «ҚазАвтоЖол» Ұлттық компаниясы» АҚ мамандарымен бірлесіп Петропавл қаласының маңындағы айналма жолды нығайту жұмыстарын жалғастырып жатыр».

Ауыл шаруашылығы министрлігі бүгін ресми мәлімдеме жасады. Мал шығынына қатысты өтемақыны өтініш беру арқылы алуға болады деді. Жедел деректер бойынша өлген мал 8,1 мың басты құрайды. 

ОЛЖАС ТІЛЕБАЛДИН ҚР АШМ РЕСМИ ӨКІЛІ: «Су тасқыны салдарынан өлген ауыл шаруашылығы жануарларын иелері малдары туралы мәліметтерді көрсете отырып жергілікті комиссияға өтініш беруі керек. Ауыл шаруашылығы жануарларына меншік құқығы комиссиялардың актілерімен расталады. Меншік иелеріне өтемақы мөлшері ұлттық статистика бюросы жариялаған жануарлардың түрлері, жынысы мен жас шамасы бойынша нарықтық құны туралы мәліметтер негізінде айқындалады».

Әсіресе, теміржолшылардың көмегі көп тиюде. Жолды су шайған аймақтарда осы теміржол адамдарды құтқаруда да азық-түлік жеткізуде де жалғыз көлік құралы болып тұр. Жолшылар магистарльдық жолды кезекшілікпен тәулік бойы өздері күзетуде. 

https://www.youtube.com/embed/90RvdXHDr08?si=DE9r9mait8YeP9eX" 

Отыз күн ораза тұтып,иманы кәмілденген иісі мұсылман қауымы үшін қасиетті Ораза айт мерекесі басталды. Үш күн тойланатын ұлық мерекемен Президентіміз барша мұсылман қауымын құттықтады. 

ҚАСЫМ-ЖОМАРТ ТОҚАЕВ ҚАЗАҚСТАН РЕСПУБЛИКАСЫНЫҢ ПРЕЗИДЕНТІ «Қадірлі отандастар! Баршаңызды Ораза айт мейрамымен құттықтаймын! Бұл – мұсылман қауымының ерекше ықыласпен қарсы алатын ұлық мерекесі. Қасиетті Рамазан айында жұрт адамгершілік құндылықтарға баса мән береді, рухани тазаруға ұмтылады. Мұқтаж жандарға қол ұшын созып, айналасына қайырымдылық көрсетеді. Отыз күн оразадағы сабыр мен қанағатқа негізделген игі амалдың бәрі Айт мерекесінің шынайы болмысын айшықтай түседі. Ата дініміз адамзатты татулық пен тыныштыққа, қамқорлық пен мейірімділікке, жанашырлық пен жасампаздыққа үндейді. Адал еңбек етіп, адал табыс табуға шақырады. Мұның барлығы, түптеп келгенде, бүкіл еліміздің ырысты ынтымағын арттыруға ықпал етеді. Халқымыздың салт-дәстүрі Ислам дінінің, Рамазан айының және Айт мейрамының ұлағатымен ұштасып жатыр. Бұл сабақтастық берекелі бірлігімізді нығайтып, әділетті қоғам құру жолында маңызды рөл атқарады.Еліміз аман, жұртымыз тыныш болсын! Әр шаңыраққа бақ-береке және толағай табыс тілеймін! Айт қабыл болсын, ағайын!».