https://www.youtube.com/embed/bD_jPvzZKIQ?si=9b3y3_MQO2GYbqmM" 

Ұлытау облысында жол жөндеуге деп берілген ақша жетпей қалған. Нәтижесінде, республикалық маңызы бар бірнеше жол аяқсыз қалды. Әсіресе, Қызылорда-Жезқазған арасы. Қызылорда жағы жұмысты толық аяқтаған, ал Жезқазған бөлігінде болса, жұмыс тоқтады. Арқалық пен Ұлытаудың арасыда мәз емес. 200 шақырым жол мүлдем жоқ. Сондықтан, өңір әкімдігі Үкіметтен қолдау сұраған. «Азия Даму» банкінен қарыз берілсе, аталған жол құрылыстары келесі жылы басталады. Бұл туралы бүгін орталық коммникациялар қызметінде өткен брифингте облыс әкімі Берік Әбдіғалиұлы айтты. Сондай-ақ әкім өңірдегі діни ахуалды тілге тиек етті. Айтуынша, облыста радикалдық ошақтар жоқ. Сириядан келгендермен қызу жұмыс жүруде.

БЕРІК ӘБДІҒАЛИҰЛЫ ҰЛЫТАУ ОБЛЫСЫНЫҢ ӘКІМІ: «Ағарту жұмыстарын жүргізу. Біреулердің ықпалына түсіп қалған отбасылар бар, әйелдері бар, балалары бар тек ағарту жұмысы. Ахуал тұрақты деуге болады. Неге олай басталып кеткені жөнінде себебін айта алмаймын. Арнайы органдардың бақылау жұмыстарын жүргізіп жатыр. Бізге беріп отырған ақпараты бойынша ахуал тұрақты. Тұрғындарымыз ресми дін жолында деп айтуға болады. Өз ұстанымында жүрсе де қоғамның тәртібін қабылдап, заң бұзып жатқан жоқ».

https://www.youtube.com/embed/12XZuDkTPb0?si=AEC6FrXHIudbGO5s"

"ТЖД Алматы қаласы мен Алматы облысының тұрғындарына 2023 жылғы 21 мен 23 қараша аралығында Алматы облысының таулы аймақтарында қар көшкіні жүру қаупі барын ескертті. «Төтенше жағдайлар департаменті азаматтарды, туристерді және демалушыларды қар көшкінінің ықтималдығына байланысты қар басқан беткейлерге шықпауға, сондай-ақ таулы аймақтарда барлық қауіпсіздік шаралары мен тәртіпті сақтауға шақырады.Алматы облысының аумағында қар көшкіні жүруі мүмкін 55 аумақ бар, олар Еңбекшіқазақ, Талғар және Қарасай аудандарында Іле-Алатау тау жотасының оңтүстік беткейінде орналасқан», - делінген ведомствоның Telegram-каналындағы хабарламасында.

Бұған дейін синоптиктер 21-23 қарашада Қазақстанда ауа райы қандай болатыны туралы болжам жасаған болатын. Алдағы үш күнде елдің басым бөлігі белсенді циклонның құрсауында болады. Жаңбыр және қар түрінде жауын-шашын болады, 22 қарашада батыста, солтүстік-батыста, 22-23 қарашада оңтүстікте, оңтүстік-шығыста қатты жауын-шашын, қар күтіледі.

Республика бойынша желдің жылдамдығы секундына 15-28 метрге жетеді, солтүстік бөлігінде бұрқасын, көктайғақ болады."

https://www.youtube.com/embed/a9uQQEQ4ra0?si=GkMaHT_qdGgKhESm" 

Қуыршақ театры балалардың рухани-мәдени өмірінің алғашқы баспалдағы. Тылсымын ішіне бүккен сала, көрерменін әдемі декарация, түрлі-түсті қуыршақтарымен баурап алады. Петропавлдағы облыстық қуыршақ театрының режиссері қойылымда қолданатын қуыршақтарды өзі жасайды екен. Бірнеше саланы жетік меңгерген маман жайында,келесі тақырыпқа кезек берсек.

ГРИГОРИЙ ЛАЙКО  СҚО ҚУЫРШАҚ ТЕАТРЫНЫҢ БАС РЕЖИССЕРІ: «Қуыршақ театрына деген қызығушылық бала кезімде пайда болды. Бұрын теледидардан «Қуыршақ театры әлемі» деген бағдарламаны көрсететін. Сол кезде шабыттанып, бірнеше қуыршақты жасап шықтым. Мектеп кезінде математика, физикаға жақын болып, сол бағытта еңбек етемін деп ойладым. Дегенмен өмірдің өзі мені қазіргі театр өнеріне алып келді. Мәскеуге оқуға түсіп, театр әртісі және режиссері мамандықтарын алып шықтым. Негізі қуыршақтардың ішкі мехнизімі қатты қызықтырады. Қазір қуыршақтардан бөлек, декарацияны да жасаймын. Тапсырыс беріп, сатып алғысы келетіндер де табылады».

Институттың төртінші курсында оқып жүрген студент, танымал қуыршақ шеберімен танысады. Бұл таныстық небір жаңа туындының жарық көруіне себепші болған. Марионетка, шағын кейіпкерді бейнелейтін планшетті, адам бойымен бірдей таяқ, бес саусақты қолғап қуыршақтар. Қай-қайсысын болса да, шебер нақышына келтіріп жасап жүр. 300-ден астам туындының авторы. Шебердің  айтуынша әр қуыршақты жасаудың өзіндік техникасы бар. Соған қарай бір қуыршақты жасауға бір аптадан бірнеше айға дейін уақыт кетеді екен.

ГРИГОРИЙ ЛАЙКО  СҚО ҚУЫРШАҚ ТЕАТРЫНЫҢ БАС РЕЖИССЕРІ:
«Бұл шағын кейіпкерді бейнелейтін планшетті қуыршақ. Ағаштан жасалған. Қуыршақтың қол-аяғы, буындары қимылдауы үшін пружина өткізіледі. Іздесеңіз дүкендерден де осындай пластмасс қуыршақтар бар. Дегенмен ағаштан жасалғаны берік, қимылы да жеңіл болады. Жібі, қандай-да бір бөлігі ескірсе ауыстыру да оңай».

Кейіпкеріміз тек қуыршақ шебері емес. Театр әртісі, режиссер. Жұмыс барысында барлық фактор ескеріледі. Дәл осы себептен, әр әртістің қуыршағы ерекше болып шығады.

https://www.youtube.com/embed/_jHqifzWkGc?si=YqLnUE6RQFC489on" 

«Рахат» кондитерлік фабрикасының кәмпиттері біздің елімізде ғана емес, алыс-жақын шетелде де танымал. Әсіресе, Ресей, Өзбекстан, Германия, Моңғолия және Қытайда сұраныс жоғары. Жаңа жыл қарсаңында қандай тәттілер әзірленіп жатыр? Біздің түсіру тобымыз біліп қайтты.

Өңірлік коммуникациялар қызметі бұқаралық ақпарат өкілдеріне «ЛОТТЕ Рахат» фабрикасына экскурсия ұйымдастырды. Баспасөз туры барысында журналистерге жаңа жылдық сыйлық жинақтары қалай жиналатынын көрсетті. Айтпақшы, фабрикада мерекеге дайындық қыркүйекте басталып, желтоқсанның ортасында аяқталады.

МАРИНА КРЕСТЬЯНСКАЯ «ЛОТТЕ РАХАТ» ФАБРИКАСЫНЫҢ  ӨНДІРІС ЖӨНІНДЕГІ ДИРЕКТОРЫ « Жаңа жылға арналған тәттілердің ассортименті жыл сайын өзгеріп отырады, жаңа жылдық жиынтықтар наурыз айынан бастап бекітіледі. Ең көбі жаңа жылдық жиынтықтардың 64 түрі болды, биыл 36- ы түрі таңдап алынды.Бұл әртүрлі салмақтағы калькуляциялардың жаңа жылдық жиынтығы».

Сонымен қатар фабриканың корпоративтік қайырымдылық қоры бар. Қор жыл сайын балалар үйлеріне және мұқтаж жандарға сыйлықтар жасайды. Биыл 6000-ға жуық жиынтықпен қамтамасыз ету жоспарлануда. «Рахат» кондитерлік фабрикасының кәмпиттері біздің елімізде ғана емес, алыс-жақын шетелде де танымал. Ресей, Өзбекстан, Германия, Моңғолия және Қытайда сұраныс жоғары. Ал, кәмпитке арналған шикізатқа келер болсақ, әртүрлі елдерден әкелінеді. Негізгі ингредиент-шоколад өндіруге арналған какао бұршақтары Ганадан жеткізіледі.

МАРИНА КРЕСТЬЯНСКАЯ «ЛОТТЕ РАХАТ» ФАБРИКАСЫНЫҢ  ӨНДІРІС ЖӨНІНДЕГІ ДИРЕКТОРЫ «Бізде какао бұршақтарын бастапқы өңдеуден өтеді, яғни біз ешқандай шоколад массаларын, глазурь дегендерді сатып алмаймыз, бәрін өз өндірісімізде, таза какао майында өндіреміз».

Фабриканың тәуліктік өндірісі орта есеппен 150-180 тоннаны құрайды. Жұмысшылар үш ауысымда жұмыс істейді.

https://www.youtube.com/embed/0TbP2sIuRtk?si=1-oeb5u2HeLjbRiX" 

Кениялық Беттің биыл  тағы да еккен жүгерілері ойдағыдай щықпады.  Бірақ оған ол ренжімейді. Алқаптың  жартысына арнайы зат  себілген. Ал бұл пайдаға кепілдік береді.

БЕТ ВАНДЖИРУ – ФЕРМЕР: "Жүгері өсіру маған айтарлықтай шығын әкеледі, егер құрғақшылық - егін болмаса, жаңбыр құйса, жинайтын ештеңе жоқ. Бірақ кене отырғалы бері жақсы пайда табамын. Қатты жаңбыр жауады ма, әлде құрғақшылық тұрса да, мен бәрібір егін жинаймын ".

Тек Бет қана емес, басқа да көптеген кениялық егіншілер енді кенегүл өсіруді жөн көреді. Себебі егуі оңай.  Бұл өсімдіктің тұқымын италиялық Eni мұнай-газ компаниясы сатып алған. Олар биоотын өндірісі үшін қажет. Бастама мақта өндірушілер үшін де ұтымды нұсқаға айналды. Әдетте оларға барлық өнімді сату қиын.

ПИТЕР КИНГУ -  MAKUENI GINNERIES КОМПАНИЯСЫНЫҢ МЕНЕДЖЕРІ:
"Бізде мақта тұқымының басым бөлігі босқа кететіндей проблема болды. Бірақ шамамен екі жыл бұрын Eni компаниясы келіп, бізбен мақта тұқымын жеткізуге келісімшарт жасасқан болатын ".

Енді кениялық компания барлық өнімді сатып алып отыр.Шаруаларға кротон тұқымдарын жинау да тұрақты табыс әкеледі.

ЛЮСИ ЛАУ БИГЭМ – КРОТОН ТҰҚЫМЫН САТУШЫ: "Бізде мұндай ағаштар мен бұталар көп, енді адамдар олардан пайда көреді. Ал бұрын кротонның ешқандай құндылығы жоқ еді. Ол барлық жерге тұқым шашып, арамшөп ретінде өсуімен танымал ".
 
Тұқымды Кениядағы зауытта өңдейді. Сосын биоотынды Италияға жібереді. Оны автомобильдер мен ұшақтарға жанармай құю үшін пайдаланады. Кенияда екі жыл ішінде компания 15 мың тонна экологиялық отын өндірген. Мамандардың айтуынша, биоотын көмірқышқыл газының шығарындыларын 80% -ға дейін төмендетуге көмектеседі. Сарапшылардың айтуынша, оны кең ауқымда енгізу әзірге мүмкін емес. Өсiмдiк негiзiнде экологиялық отын өндiру қымбат.

https://www.youtube.com/embed/V4C9G7vQZTY?si=kZAe1aOrMhg0SGVE"

Бүгінгі студент,келешек маман.Олардың сапалы білім алуы жеке басына емес, мемлекеттің ірге тасын қалауға септігін тигізбек.Алматыда жастардың болашағына арналған "Жастар talks" тақырыбында басқосу ұйымдастырылды. Айтулы шарада Еліміздің әлеуметтік-экономикалық және саяси өміріндегі Жастар саясатының рөлі, студенттердің елдің әлеуметтік және экономикалық тыныс-тіршілігіне қатысуына, сондай-ақ олардың саяси процестерге қосқан үлесі әңгіме өзегіне айналды.Сарапшылардың пікірінше жастар, ғылым мен технологиядан бастап өнер мен әлеуметтік бастамаларға дейінгі әртүрлі салаларды қамтитын инновациялық және шығармашылық жобаларда белсенді болуы керек.

ДАНАТ ЖАНАТАЕВ ҚАЗАҚСТАН САЛАЛЫҚ «ПАРАСАТ» КӘСІПОДАҒЫНЫҢ ТӨРАҒАСЫ

https://www.youtube.com/embed/9-usmGr1LIE?si=-AEe9GQW19AwQJKw" 

Алматы полицейлері құқық бұзушылыққа «мүлдем төзбеушілік» қағидатын нығайту және көшелер мен басқа да қоғамдық орындарда тиісті қоғамдық тәртіпті сақтау мақсатында шаһарда 20 мен 30 қараша аралығында «Қауіпсіз қала» жалпы республикалық жедел-профилактикалық іс-шарасын бастады. Шара аясында бұзақылық, мүліктік залал, ұсақ бұзақылық, жол қозғалысы қауіпсіздігін бұзу әрекеттерін анықтауға және жолын кесуге, сондай-ақ тұрмыстық зорлық-зомбылық, оның ішінде кәмелетке толмағандарға қатысты құқық бұзушылықтарының алдын алуға бағытталған.

Бұл күндері учаскелік полиция инспекторлары елді мекендерде, саябақтарда, алаңдарда, қоғамдық орындарда мақсатты және жергілікті рейдтер жүргізеді.Осыған байланысты Алматы полициясы қала тұрғындары мен қонақтарын кез келген құқық бұзушылыққа,қоршаған ортаға, бөтеннің мүлкіне ұқыптылықпен қарауға және заңды қатаң сақтауға шақырады.

ӘДІЛБЕК ҚОЗЫБЕКОВ АЛМАТЫ ҚАЛАСЫ МЕДЕУ АУДАНДЫҚ ЖЕРГІЛІКТІ ПОЛИЦИЯ ҚЫЗМЕТКЕРІ

https://www.youtube.com/embed/OtL5fo6gRiY?si=AFEOyfLuD6egTUOs" 

Ақтау қалалық білім бөлімінің басшысы ұсталды. ҚР Сыбайлас жемқорлыққа қарсы іс-қимыл агенттігі білім саласында сыбайлас жемқорлық схемасын әшкереледі.
Ол аз қамтылған отбасы балаларын азық-түлікпен қамтамасыз ету бойынша қызмет көрсетушінің жұмысты аяқтағаны туралы актілерге қол қойып, ақшалай қаражат аударғаны және жалпы қамқорлығы үшін пара алды деген күдікке ілінді. Соттың рұқсатымен күдікті қамауда отыр. Қазір тергеу амалдары жүріп жатыр.

АРМАН ТІЛЕУКЕНОВ  ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ РЕСМИ ӨКІЛІ: «Жүргізілген жедел-тергеу іс-шаралардың нәтижелері бойынша Ақтау қаласы бойынша Білім бөлімінің басшысы әшкереленді.Соттың санкциясымен күдікті қамауда. Ол ақша қаражатын аудару және жалпы қамқорлығы үшін пара алу фактісі бойынша тергелуде. Қылмыстық-процестік кодексінің 201-бабына сәйкес өзге ақпарат жария етуге жатпайды.

https://www.youtube.com/embed/UMIKMcI0fGc?si=fEmo6_0_t_jZV7zP" 

Сан-Францискодағы АТЭС саммитінде АҚШ президенті Джо Байден өзінің Си Цзиньпинмен жеке кездесуі екі елдің де пайда табуы мүмкін салалардағы ынтымақтастықты ұстанатынын атап өтті.

ДЖО БАЙДЕН – АҚШ ПРЕЗИДЕНТІ: "Біз алдағы уақытта да дипломатияға деген сенімділікті сақтап қаламыз. Әлемнің ең ірі екі экономикасы арасындағы тұрақты қарым-қатынас - бұл тек осы экономикалар үшін ғана емес, сондай-ақ бүкіл әлемнің қалғаны үшін де жақсы. Тұрақты қарым-қатынас баршаға жақсы".

Бірақ, кейбір салалардағы келісімдерге қарамастан, Вашингтон мен Пекин маңызды мәселелер бойынша пікірлес болудан алшақ.

РОБЕРТ РОСС – БОСТОН КОЛЛЕДЖІНІҢ САЯСАТТАНУ ПРОФЕССОРЫ: 
"Біз әскери диалогты қайта бастауға келістік, бірақ біз әлі кездесу туралы келіскен жоқпыз, сондықтан ол жақында ғана өтуі мүмкін. Бізде кездесу болғанда оның нәтижелі болатынын білмейміз. Фентанил  бойынша ынтымақтасуға келістік, дегенмен, фентанилдің басым бөлігі Мексикадан келіп түседі, тіпті прекурсорлар Қытайдан тыс жерлерде әзірлене бастайды. Сондықтан біз американдық ұлттық мүдделерге жәрдемдесу немесе АҚШ пен Қытай арасындағы шиеленісті жеңілдету тұрғысынан көп нәрсеге қол жеткіземіз деп сенбеймін ".

Байден мен Си сәрсенбі күні АТЭС саммиті алдында кездесті.Түскі ас кезінде Си Цзиньпин америкалық әріптестеріне Қытай Құрама Штаттардың серіктесі және досы болуға дайын екенін,екіжақты ынтымақтастық үшін көптеген мүмкіндіктер бар екенін мәлімдеді. Бірақ Вашингтон мен Бейжің сауда, технология және жаһандық ықпалда жарысып жатқандықтан, терең бәсекелестіктің артында қалуы мүмкін. Осылайша, АҚШ Қытайдан басқа 14 елді сауда келісіміне қосылуға көндіруге тырысты. Алайда осы аптада бұл әрекет сәтсіз аяқталды. Саммит аясында Жапония мен ҚХР басшылары арасында сирек кездесулер өтті.

https://www.youtube.com/embed/cGn_liwWHPI?si=2oqKaqDNPHihW-Iz" 

Алматы жылу электр орталығын газға көшіру жобасының бірінші кезеңі аясында жаңа автоматтандырылған газ тарату станциясы іске қосылды.

Мемлекет Басшысы Қасым-Жомарт Тоқаевтың өңірлерді газдандыру жөніндегі тапсырмасы аясында Алматы қаласының екінші жылу орталығына арналған автоматты газ тарату станциясы құрылысы аяқталды. Қарасай, Іле аудандарында орналасқан жылу электр орталықтарын көгілдір отынға ауыстыру Алматы қаласы сияқты облысымыздың бірнеше елді мекендерінің экологиясын жақсартып, халықтың денсаулығына оң әсер берері сөзсіз.

САНЖАР ЖАРКЕШОВ «QAZAQGAZ» ҰЛТТЫҚ КОМПАНИЯСЫНЫҢ БАСШЫСЫ Осы бірінші кезеңнің шеңберінде 3 нысанды жүзеге асырып, іске қосып отырмыз. Біріншісі – автоматты газ тарату станциясы, Алматы ЖЭО. Яғни, ТЭЦ-2 арналған үлкен нысан. Бұның маңыздылығы осы ТЭЦ-2 жылдан-жылға қуаты және болашақта көбейетін көлемін қамтамасыз ететін нысан. Екінші нысан – Алматы қаласының индустриялық аумағын және де Алматы Батыс жылу кешендік газбен қамтамасыз етуге арналған автоматтық газ тарату станциясы. Оны біз 2016 жылы негізі әкімдік салған еді, бірақ сол беттен бері қосылмаған. ҰК қолға алып, жөндеу жұмыстарын жасап, бүгін іске қосып отыр.

Бұл «Қазақстан-Қытай» магистральды газ құбыры мен «Алматы-Байсерке-Талғар» магистральды газ құбыры арасындағы TIP-04 жалғастырғыш газ құбыры Алматы Жылу электр орталығын ғана емес, сонымен бірге Алматы және Алматы облысының тұрғындарын да тұрақты газбен қамтамасыз етуге мүмкіндік береді.

РУСЛАН СҮЙІНДІКОВ АЛМАТЫ «ИНТЕРГАЗ ОРТАЛЫҚ АЗИЯ» ФИЛИАЛЫНЫҢ ДИРЕКТОРЫ Бұның қуаттылығы 1 млн/м3 сағ беретін мүмкіндігі бар. Бұл жерде енді қазіргі заманға сай бүкілі жаңартылған. Осы маусым айында бастадық. Бүгінгі таңда толық жұмыстар бітіп тұр. Сондықтан қысқа мерзімде Самұрық қазынаның тапсырмасы бар, одан кейін ҚазақГаз, ИнтерГАЗ тапсырмаларының аясында осы жобаны іске асырдық.

Автоматтандырылған газ тарату станциясының қуаттылығы -  сағатына 140 мың текше метр. Оның ішінде станцияның екі желісі – Алматы тұрғындарына сағатына 90 мың текше және индустриялық аймаққа сағатына 50 мың текше газ таратады. Аталған жоба – қаладағы және қала маңындағы елді-мекендердегі ауаның ластануын азайту арқылы Алматы тұрғындарының өмір сапасын жақсартуға бағытталады, сондай-ақ энергия тапшылығын жоюға серпін береді.

https://www.youtube.com/embed/BjREwCvZoHQ?si=NCIKS4gz7ZugtgbW" 

Биыл жүгері еккен шаруалардың еңбектері еш кеткені ме? Жинаған өнімімізді қабылдамай отыр деп шаруалар шағымдарын айтты. Олар Талдықорғандағы жүгері қабылдайтын «Халық астық экспо» компаниясының алдында төрт күннен бері тұр екен. Мәселенің мән-жәйін келесі бейнематериалдан көріңіздер.

Тағы да сол дала аруының айналасындағы дау. Жүгеріні  қабылдап алатын компанияның алдында ұзын сонар кезектің тұрғанына төрт күн болыпты. Кем дегенде 50 шаруа қожалығы жиналған. Ең аз дегені  25 тонна жүгері алып келген. Көктемдегі ауа-райының қолайсыздығы, қазан айындағы жауын- жашын шаруаларға кері әсір еткен. Астықты уақытынан кеш орды. Салдарынан дәнде ылғалдық көп. Уақыт өткен сайын артып барады- дейді.  

ЕРЛАН КЕНЖЕНОВ КӘСІПКЕР: «Кейбір жігіттер жүгеріні  19,21 влагамен алып кеп жатыр. Ол қазір көгереді үш күні болады тағы екі тұрса болды көгереді. Оны ертең алмайды, малда жемейді. Мысалы қазір 10 күннен кейін погода бұзылады, халық еріксіз оны шабады 21,23 ылғалдықпен болса да осында алып келіп өткізу үшін». 

«Халық астық экспо» серіктестігі жүгеріні қабылдауын қабылдап-ақ жатыр.  6 мың тонналық екі бөшке толып тұр дейді. Ал дәнді кептіретін пеш , тәулігіне 24 сағат бойы үздіксіз жұмыс істеп тұр. Сағатына 25 тонна дала аруын кептіруге қауқарлы. Тек өнімді алып кетуге «Қазақстан Темір Жолы» рұқсат берсе тез арада барлығының өнімін қабылдап алар едік дейді.

САЯТ МҰХАМЕДӘЛІ «ХАЛЫҚ АСТЫҚ ЭКСПО» ЖШС ДИРЕКТОРЫ: «Бізге 72 вагон керек, негізі вагондар дайын тұр. Бізге сол тек сол, пәлембай тонна шығаруға болады деген рұқсат берсе болды».

Даудың басы тасымалдау кестесінен кешігуінен болып отыр.  Бұған себеп ауа-райының қолайсыздығынан астық кеш орылды. Жағдайдан хабардар болған облыстық ауыл шаруашылық басқарма басшысы да келді. Жиналған жұртқа басу айтып, мәселе тез арада шешілетін жеткізді.

НҰРДӘУЛЕТ КЕНЕНБАЕВ ЖЕТІСУ ОБЛЫСТЫҚ АУЫЛ ШАРУАШЫЛЫҒЫ БАСҚАРМАСЫНЫҢ БАСШЫСЫ:

Басқарма басшысының жауабы жүгерішілердің көңілінен шықты. Нұрлан Кененбаев алдағы уақытта  шаруаларға өнімді өткізу бойынша кесте құруды ұсынды. Сонда ғана мұндай ұзын сонар кезек болмайды дейді.

https://www.youtube.com/embed/hxulScF-M_I?si=P6aL8r18BE0cD-JN" 

Қазақстан суға қатысты мәселелерді мажарлық компаниялармен бірлесе шешпек. Себебі, олар бұл саланы толық автоматтандырған, жаңа озық технологиялар енгізген ел. 20 қарашада Будапештте халықаралық су форумы өтеді. Оған Қазақстан да қатысуға ниетті. Бұл туралы бүгін Су ресурстары және ирригация министрі Нұржан Нұржігітов Мажарстанның Қазақстандағы Төтенше және Өкілетті Елшісі Отто Иван Ронамен кездесуінде айтылды.

НҰРЖАН НҰРЖІГІТОВ ҚР СУ РЕСУРСТАРЫ ЖӘНЕ ИРРИГАЦИЯ МИНИСТРІ «Біздің министрлік алдында атқаруы тиіс жұмыс көп. Жақында Мемлекет басшысы Мажарстан Премьер-Министрі Виктор Орбанды қабылдады. Кездесуде қос мемлекет арасындағы сауда-экономикалық ынтымақтастықты нығайтуға ерекше назар аударылды. Менің ойымша, мажарлық компаниялармен бірлескен жобалар осы бағыттағы нақты қадам болып қана қоймай, отандық су саласына заманауи және тиімді технологияларды енгізуге мүмкіндік береді»