https://www.youtube.com/embed/IuQ1vEUD3NI?si=4vG09vLHk0qfJxwn" 

https://www.youtube.com/embed/DIww1Tpx0rc?si=ZXvMlNAXcB2E3v_Y" 

Әр отбасы жеке мемлекет. Ол мемлекеттің іргетасын қалаушы, басқарушы – отағасы, әке. Отбасының рухани, материалдық жағынан құлдырамай, мықты болуы әкеге байланысты. Алайда, әке болу бар да, әке бола білу бір бөлек әңгіме. Өкініштісі бала тәрбиесіне келгенде көп жағдайда отанасына ысыра салатын әкелер жетерлік. Осындай олқылықтарды болдырмау мақсатында «Біртұтас тәрбие бағдарламасы жүзеге асып келеді.

Әке – ұлы күш пен сабырлықтың иесі іспеттес. Әке баласының физикалық және рухани тұрғыдан мықты болып өсуіне көп мән беру керек. Сондай-ақ ұқыптылық, адалдық, мейірімділік, өзгелерге жақсылық жасау секілді адами қасиеттерді ұзын- сонар әңгіме немесе ақыл айтып емес, әке өзінің іс-әрекетімен көрсетсе бала санасында мәңгі есте қалады.Қоғамда орын алып отыратын олқылықтардың орнын толтыру мақсатында  “Біртұтас тәрбие бағдарламасы” жүзеге асып келеді. Өздеріңіз көріп тұрған «Ұлттық ойын-ұлттың игілігі» тақырыбында өтіп отырған шара,соның куәсі деуге болады.

ӘЛИЯ ЕЛЕМАНОВА АЛМАТЫ ҚАЛАЛЫҚ №207 МЕКТЕП-ЛИЦЕЙІНІҢ ДИРЕКТОРЫ

Отбасылық құндылықтарды сақтау, әкелердің бала тәрбиелеудегі жауапкершілігін арттыру, әке мен бала арасындағы қарым-қатынасты нығайту,кезек күттірмейтін мәселе. Әкелер арасында «Асық ату» турнирі өте тартысты өтті.Шараны көзімен көрген жастар да,қызығушылықтарын білдіріп жатты.

САЛТАНАТ ҚҰСАЙЫНОВА АЛМАТЫ ҚАЛАСЫ НАУРЫЗБАЙ АУДАНДЫҚ БІЛІМ БӨЛІМІНІҢ БАСШЫСЫ

Тамаша ойын өрнектерін көрсеткен әкелерге алғыс айтылып,сый сияпаттар көрсетілді.

https://www.youtube.com/embed/ZmSsAYbjsXs?si=U34do1elMObzSAAo" 

Ауыл – қазақтың күретамыры. Бүтін бір елдің асыраушысы, қайнаған еңбектің, ұлт руханиятының, қазақы тәрбиенің қайнар көзі. Салт-дәстүр, мәдениеттің сарқылмас мол қоры да ауылдарымызда сақталып келеді. Бүгінде өркендеп, дамып келе жатқан ауылдар аз емес. Себебі елімізде ауылды өркендетуге, ауыл тұрғындарының өмір сапасын арттыруға бағытталған жобалар, мемлекеттік бағдарламалар қолға алынып, өзінің оң нәтижесін беруде. Соның бірі Алматы облысы іле ауданына қарасты Күрті ауылдық округі.  

Тарихы тереңнен сыр шертіп, батыр бабалар мен әулие абыздардың ізі қалған килі өлке Күрті  ауданының іргесі 1970 жылдарың басында қалған болатын.Оның өз алдына өлке болып,аяғынан тұруына сол кездері еңбек еткен ел ағалары тер төкті. Бүгінде құт дарыған Ақшидің ажары басқа, халықтың еңсесі тіктелген жүздері жайдары. Күртіден кіндік қаны тамып, сағынышын әнге қоспаған өнерпаздардары да жоқ емес. Тұнып тұрған дарынды өлке десек артық айтқандық емес. Мемлекет және қоғам қайраткері Серік Үмбетов бастаған азаматтар ауылдың халқымен жүздесіп, ауданның өркендету жолындағы табанды еңбектерді еске алысып,сағыныштарын басып қайтты. Ел амандығын тілесіп, негізгі күштің бірлікте екендігін алға тартып жатты.

СЕРІК ҮМБЕТОВ МЕМЛЕКЕТ ЖӘНЕ ҚОҒАМ ҚАЙРАТКЕРІ

Күртінің киелі жері нуы мен суын, халқымен бірлігін жырлаған тамаша мерекелік шара ұйымдастырылды.Концерттік шара «Ауылға сағыныш» деп аталды.Ауылдық ағайындарды «Сүйінбай сазы» Халықтық, фольклорлы-этнографиялық ансамблінің өнерпаздары өнерімен тәнтті етті.

ЫЗҒАРБЕК БЕКТҰРСЫНОВ АЛМАТЫ ОБЛЫСЫНЫҢ ҚҰРМЕТТІ АЗАМАТЫ

Ауылдың түтіні түзу шықса,одан артық бақыт жоқ қазаққа. Дәл осы сипатта дамып келе жатқан Ақши елдімекені. Аға буынның салып берген сара жолынан таймаған аймақтың болашағы бар.Мұнда «Сыдық бекет» шаруа қожалығы бастаған үлкен жұмыс орындары ашылып,елдің игілігіне қызмет жасап отырған жайлары бар.

ТӨЛЕГЕН ОМАРОВ АЛМАТЫ ОБЛЫСЫ ІЛЕ АУДАНЫ КҮРТІ АУЫЛДЫҚ ОКРУГІНІҢ ӘКІМІ
 

https://www.youtube.com/embed/QmmfsIDJF2k?si=fnYpMXpX0vwMZyN4" 

Мектеп асханасынан шу шықты. Ақмола облысы Зеренді ауылында оқушыларға тамақ қалдықтарын беріп келген. Мына видео әлеуметтік желіде бүгін тез тарап, жүз мыңдаған қаралым жинады. Оның астына жазылған пікірлер де көп. Біздің тілшілер Ақмола облыстық білім басқармасына хабарласып мән-жайды анықтаған еді. Олар бұл ақпаратты растады. Видео осыдан екі күн бұрын түсіріліпті. Мектеп асханасы жеке кәсіпкердің бизнесі болғандықтан, бас салып тексеріс жүргізуге мүмкіндік жоқ. Сондықтан, басқармаға хат жазып, жақын арада тексеріс жүргізілетінін хабарлаған. Егер, соның нәтижесінде кәсіпкердің кінәсі анықталса, онда тамақтану қызметін көрсету туралы шарт тоқтатылады. Жауапты тұлға заңда белгіленген тәртіппен жазаланады.  

https://www.youtube.com/embed/uFRk6xEYnfc?si=5mM72Hw_mlocjUPE" 

Студенттердің сапалы білім алуына басты себеп,олардың практикалық тұрғыдан ысылуы. Кезкелген өндіріс орындарын көзімен көріп,қолымен ұстағанын тез қағып алатын жастарға бұл таптырмас құрал жүйесі деуге болады.Тәжірибиелек тәлімі бар студенттерге есік ашық,тек білім алуға талпыныс болса болғаны. 

ТАЛҒАТ ЕСТАЕВ КОМПАНИЯ ӨКІЛІ

Алматы қаласындағы бұл білім шаңырағы көптеген жылдардан бері мыңдаған шәкірттерін түлетіп, сүйген саласының мамандары болып қалыптасуына септігін тигізіп келеді. Бүгінгі жиында жұмыс берушілермен арада орын алған ортақ мәндетті тағы бір мәрте пысықтап алды.Сондай-ақ қала әкімінің қолдауымен шетелге барып білімдерін шыңдап келген ұстаздардың тәжірибиесін жұмыс берушілермен тізе қосып,оқу бағдарламасына енгізу мәселесі сөз болды.

СЕЙІТБЕК СҮЛЕЙМЕНОВ АЛМАТЫ ҚАЛАЛЫҚ ЖКЖТК ДИРЕКТОРЫ

https://www.youtube.com/embed/7OmgSgi5cBI?si=1M5PkSTFL1Jh9IQ5" 

Алматы облысында киокушинкай-кан каратэ спортынан балалар мен жасөспірімдер арасында «БАТЫРБАЛА - 2024» дәстүрлі турнирі жоғары дәрежеде сегізінші мәрте өткізілді. Сондай-ақ, Ұлттық Республикалық киокушинкай-кан каратэ федерация Алматы облысы филиалының Президенті болып қоғам қайраткері,Қарасай аудандық мәслихатының төрағасы– Айнабеков Бауыржан Бақтыбайұлы тағайындалды. Толығырақ алдағы бейнематериалда. 

Республикалық ұлттық киокушинкай-кан каратэ федерациясының президенті Омархан Нұртайұлы өз сөзінде жаңа қызметке тағайындалған Бауыржан Бақтыбайұлына өз сенімін білдіріп, алдағы уақыттарға сәттілік тіледі.

ОМАРХАН ӨКСІКБАЕВ РЕСПУБЛИКАЛЫҚ ҰЛТТЫҚ КИОКУШИНКАЙ-КАН КАРАТЭ ФЕДЕРАЦИЯСЫНЫҢ ПРЕЗИДЕНТІ «Бүгін біз Алматы облысының филиалын ашып және оның басшысын сайладық. Сол жаңа басшысы Бауыржан Бақытбайұлына сәттілік тілегім келеді. Ертеңгісін осы жақтағы игі шаралардың ұлкен бір жетістіктерін көргім келеді».

Осыдан 10 жыл бұрын «Батыр бала» деген атпен аудандық деңгейде өткізілген киокушинкай-кан каратэ спорты қазір Халықаралық деңгейге жетті. Бұл спорт түріне қызығушылық танытып, әртүрлі жарыстарда бақ сынап жүрген спортшылардың саны да күннен күнге өсіп келеді дейді федерация президенті. 

ОМАРХАН ӨКСІКБАЕВ РЕСПУБЛИКАЛЫҚ ҰЛТТЫҚ КИОКУШИНКАЙ-КАН КАРАТЭ ФЕДЕРАЦИЯСЫНЫҢ ПРЕЗИДЕНТІ «Бұл нені білдіреді? Бұл – біздің жастардың, әсіресе, мектеп жасындағы балалардың осы спортқа құлшынысын және спорт арқылы өздерін дамытып, спортпенен өзінің денесін шынықтырып, үлкен өзіне үлгілі өмірді көрсетіп отқанын танытады».
  
Мәртебелі турнирге Қырғызстан, Өзбекстан, Ресей және Тәжікстан сынды мемлекеттерден келген 300-ден астам каратэші  жауынгерлік рух пен кемелдену жолына түсуге ұмтылыстарын көрсетті. 

РАХМАН ҚУАНЫШҰЛЫ АЛМАТЫ ОБЛЫСЫНЫҢ ДЕНЕШЫНЫҚТЫРУ ЖӘНЕ СПОРТ БАСҚАРМА БАСШЫСЫНЫҢ ОРЫНБАСАРЫ «Осы жарысымыздың мақсаты – жастар арасында қоғамда салауатты өмір салтын насихаттау. Жасөспірім балаларды денешынықтыру және спортқа тарту. Бүгінгі жарыстың жоғары деңгейде өтіп жатқанына ат салысып жатқан каратэ киокушинкай-кан федерациясына және жергілікті Қарасай ауданының әкімдігіне алғыс білдіреміз. Осындай жарыстарды көптен ұйымдастыру арқылы біз өзіміздің жас спортшыларымыздың шеберлігін шыңдай түсеміз және олардың болашақта үлкен жетістікке жетуіне үлкен көмегін тигізеді».

Командалық есепте Алматы қаласының өкілдері 1 орынды иеленді. Олардың еншісінде 10 алтын, 4 күміс және 6 қола жүлде бар. 2-ші құрметті орынды Ұлытау өңірінің каратэшілері жеңіп алды. Осы халықаралық чемпионаттың жетекші үш командасын Жетісу өңірінің спорт секцияларының студенттері түйіндеп отыр.
 

https://www.youtube.com/embed/TamG3vsKQ20?si=tVpJEug_4PvqIik1" 

Пәкістан жүздеген студенттерін Қырғызстаннан эвакуациялап жатыр. Оларды арнайы коммерциялық рейстермен үйлеріне қайтарады. Оның себебі зорлық-зомбылықтың өршуі болды.

Кеше Пәкістанға коммерциялық рейспен 130-ға жуық студент оралды. Бүгін үш коммерциялық арнайы рейс ұйымдастырылды. Тағы 540 студент қайта алады, жалпы саны — 670 адам.Қырғыз полициясы жұма күні ел астанасында шетелдік студенттерге, соның ішінде пәкістандықтар тұратын ғимараттарға шабуыл жасаған жүздеген қырғыз жігітті тоқтату үшін күш жұмылдырғанын хабарлады.Қырғызстан денсаулық сақтау министрлігі төрт пәкістандықтың алғашқы медициналық көмек көрсетілгеннен кейін үйлеріне жіберілгенін, тағы біреуі жарақатына байланысты емделіп жатқанын растады. Пәкістан премьер-министрі Шехбаз Шариф болса, өз мәлімдемесінде Қырғызстанда орын алған оқиғаға алаңдаушылық білдіріп, Исламабад Бішкектен кеткісі келетін  кез-келген пәкістандықты қайтарып алатынын хабарлады.

https://www.youtube.com/embed/345YZqnjRkE?si=V73VTzLOd-ls5PF_" 

Петропавл қаласындағы Ойқала ықшам ауданындағы үйлер біртіндеп қалпына келітіріліп жатыр. Қазіргі таңда 4 арнайы бригада жұмыс істеуде. 

Ойқала ықшам ауданында 38 жыл тұрып келген  Лев Любыхтың  баспанасын шатырына дейін су басқан. Айтуынша, комиссияның шешімімен үй сүріледі, себебі баспана жөндеуге жарамсыз. Қазіргі таңда барлық бағалау жұмыстары жүргізіліп болды, енді тұрғын құжаттарды жинастыру үстінде. 

ЛЕВ ЛЮБЫХ ОЙҚАЛА ЫҚШАМ АУДАНЫНЫҢ ТҰРҒЫНЫ: «Бұл үй 1986 жылы салынған. Баспанамды  бұған дейін су баспаған еді.Бірақ  осы жылы су менің үйімнің төбесіне жетті. Барлық есептеу жұмыстары жүргізілді. Жалпы үй жөндеуге жарамсыз. Сол себепті қазір мен барлық керекті құжаттарды жинап жатырмын. Одан кейін жаңа баспана сатып аламын ба, әлде жаңа үй салып береді ме белгілі болады.» 

Уәлиханов ауданынан келген механикалық бригада құрамында 30 қызметкер мен 3 техника бар. Олар  Ойқала ықшам аудынындағы 134 нысанға жауапты. Қазіргі таңда бригада  әр үйден жиһаздар шығарып кептіру,  су сору, қоқыс тазалау сынды жұмыстарды жүргізуде.  

 ТАЛҒАТ САҒИТОВ СҚО УӘЛИХАНОВ АУДАНЫ ӘКІМІНІҢ ОРЫНБАСАРЫ «Ендігі ең басты жұмыс бізде күрделі жөндеу. Бізге берілген обьект бойынша 134 үй олардың барлығы тексерістен өтті»

Бүгінгі таңда өңірде   Ғ. Мүсірепов, Айыртау, Уәлиханов, Тайынша аудандарының және Петропавл қаласының механикалық бригадалары жұмыс істеп жатыр.

https://www.youtube.com/embed/a5R4BGKOCvo?si=gcOlR1Gry8aqtUms" 

Иран Президенті Ибрахим Раиси мен сол елдің сыртқы істер министрі және өзге де билік өкілдері мінген тікұшақ апатқа ұшырап, ондағы адамдардың бәрі қаза тапты. 
Иран тауларында іздеу операциясы аяқталды. Жексенбі күні осы жерде Иран президенті Ибрахим Раиси және Сыртқы істер министрі Хоссейн Амир-Абдоллахян, Шығыс Әзірбайжан губернаторы Малик Рахмат және тағы бірнеше адам мінген тікұшақ апатқа ұшырады.
Вице-президент Мохаммад Мохбер бұл ақпаратты растады. Құлаған тікұшақтың жанған сынықтары таңертең Әзербайжанмен шекарадағы таулы жерде табылды. Апаттың себебі әлі аталған жоқ. 
Енді Иран билігі 50 күн ішінде жаңа президентті сайлауы керек. Бұл да елдің ата заңында көрсетілген. Келесі басшының сайлауын ұйымдастыру вице-президент пен парламент спикеріне және сот билігінің басшысына жүктелген.
Иран Конституциясының 131-бабына сәйкес, президент қайтыс болған жағдайда оның өкілеттігі бірінші орынбасарына өтеді. 2021 жылдан бері бұл қызметті Мохаммад Мохбер атқарып келеді. Раиси сол жылдан бастап елді басқарды. Кейбір сарапшылар оның Иранның рухани көсемі, 85 жастағы аятолла Әли Хаменеидің орнына келеді деп болжаған болатын.
Сыртқы саясат пен Иранның ядролық бағдарламасына қатысты соңғы сөзді айтатын, түпкілікті билікке ие болған Иранның рухани көсемі Аятолла Әли Хаменеи ирандықтарды тыныштандыруға тырысты. Ол мемлекеттік мекемелердің жұмысында ешқандай іркіліс болмайтынын мәлімдеді.

https://www.youtube.com/embed/6ZsxgJMNv3s?si=j-WWcA78XrDazFxY" 

https://www.youtube.com/embed/6v-gHG7Ps2E?si=k9-P9QeyBEbujPOl" 

Бүгін Алматы бизнес колледжінде «Педагогтің кәсібилігі - білім алушының жетістігі» атты ІІ қалалық байқауы өтті. Оған техникалық және кәсіптік білім беру ұйымдарының педагогтары қатысты. Толығырақ алдағы бейнематериалда.

Байқаудың мақсаты – әртүрлі қызмет салаларындағы ең дарынды және кәсіби педагогтарды анықтау. Колледж орынбасарының сөзінше, былтырғы байқауға қарағанда, биыл білікті ұстаздар жақсы белсенділік танытып, озық педагогикалық тәжірибелерін көрсету үшін біраз өтінімдер жіберген.

АЙДАР СЕРІКҰЛЫ АМБК ДИРЕКТОРЫНЫҢ ТӘРБИЕ-ІСІ ЖӨНІНДЕГІ ОРЫНБАСАРЫ

Байқауға  20-дан астам Алматы қаласының техникалық және кәсіптік білім бөлімінің колледж педагогтері бақ сынады. Конкурстың ашықтығын қамтамасыз ету мақсатында жарыс тікелей эфир арқылы да көрсетілді. 

БАҚЫТЖАН ҚҰРМАНБАЙҰЛЫ АЛМАТЫ МЕНЕДЖМЕНТ УНИВЕРСИТЕТІНІҢ ҒЫЛЫМ ЖӨНІНДЕГІ ПРОРЕКТОРЫ 

АЛИШЕР ҒАНИҰЛЫ АҚТК АРНАЙЫ ПӘНДЕР ОҚЫТУШЫСЫ

Техникалық және кәсіптік білім бөлімінің  ұйым қызметкерлерінің педагогикалық қызметіндегі беделі мен өзектілігін арттыру мақсатында өткізілген байқау жоғары деңгейде өткізілді.

https://www.youtube.com/embed/862UiaXQ8xg?si=a9jSErmSa6imSp0M" 

Ақтауда жауын жауса болды тұрғындардан маза кетеді. 17-ші шағын ауданындағы “Мерет” тұрғын үйіндегі халық бұл мәселемен бірнеше жылдан бері алысып келеді. Бірақ нәтиже жоқ. Нөсер салдарынан үйлердің шатыры шыдас бермей, пәтерлер мен дәліздерге су кетіп, көпшілікті әбден мезі болған. 

Жауын салдарынан тұрғын үй шатыры сөгіліп, ылғалға айналған.  Тұрғындар бұл мәселе осымен 4 жылға жалғасып отырғанын айтуда. Үй жоғарғы санатқа жатады. Кешегі табиғаттың тосын мінезіне төтеп бере алмаған баспананың шатырынан аққан су, дәліз бен жедел сатыға өтіп, паркинг пен қоймаларды да тас талқан еткен. 

МАРАТ НҰРБЕКОВ, ТҰРҒЫН «Жаңбыр жауған соң жылда су кетеді. Подвал, паркинг, төбеден су ағады. Лифт ажыратылды. Үлкен кісілерге жоғары қабаттағы қиын. Суағар жөндеп берсе. Алдыңғы жаңбырда өзіміз жүрдік, бітедік. Шахтаны кептіруді тұрғындар өзіміз істедік».

ТАЛАНТ ҚАРЖАУБАЕВА, ТҰРҒЫН «Қарайған затымыз суға кетіп шіріп жатыр. Ол жаққа доступ жоқ. Кілттеп тастаған. Жауыннан кейін паркинг пен қойманың есігін ашып кептірмей ме?»

Ылғал тоқ жүйесіне жетпеген. Әйтпесе соңы қайғылы жағдайға ұласып кетуі әбден мүмкін еді, - дейді мұңын шаққан жұрт. Көпшілік мүлік иелері кооперативінің жұмысына көңілдері толмайтындарын да айтып қалды. Осы болған жағдайдың барлығына жауапты мекеме кінәлі дейді олар. 

НЕСІБЕЛІ НҰРМАҒАНБЕТОВА, БАСҚАРУШЫ КОМПАНИЯНЫҢ ӨКІЛІ «Маған түскен ақша ЖЭК ақшасы ғана. Ал күрделі жөндеуге ақша жетпейді. Өте үлкен қаражат керек. Ең бірінші проблема АТФ. Соны жөндеп тапсырса, кейбір насостар істемейді. Бір үйде үш резервуар болса, екеуі істен шыққан. Асты тесілген. Соны жөндеп тапсырса, қабылдап алуға дайынбыз. Төбені жөндеп, ауыз су насосын жөндесін».

Қазір мұндағы мүлік иелері бірлестігі мен мердігер компания өзара соттасып жатыр. Ал тұрғындар, өздері қаражат жинап, ақауларды жою үшін сан мәрте жұмысшыларды жалдап, әрекет еткен. Сот шешімі шықпаса аталмыш үйдегі мәселе осылай жалғаса бермек.