https://www.youtube.com/embed/nocKk-gn7kc?si=zEnBtMJ_QRGjTFak"

Қазіргі уақытта Петропавл қаласында тасқын судан зардап шеккендер үшін жалпы 12 пункт жұмыс істеп тұр. ҚР Премьер-Министрінің бірінші орынбасары Роман Скляр мен облыс әкімі Ғауез Нұрмұхамбетов эвакуациялық пункттерді аралап, тұрғындардың хал ахуалымен танысты. 

Атқамінерлер алдымен  қаладағы нөмірі 4-ші орта мектебіне аяқ тіреді.  Бұл жерді паналап отырған  Заречный, Тепличный мен былғары зауыты,  Ойқала ықшам ауданынан келген  44 адам  барлық қажетті заттармен қамтамасыз етіліп, құқықтық кеңестер де тегін түрде көрсетіледі. 
 
«1178 мы приняли. Из них в том числе по отсрочке кредитов. Банки работают с нами дают разъяснения  надо давать разъяснения. Люди в такой ситуации, надо помогать, разъяснения давать».

Баспаналарынан айырылып күйі қашқан қарашаның қабырғаларына бататыны  саяжай тұрғындарына шығын өтеледі ме деген сұрақ. 

ҒАУЕЗ НҰРМҰХАМБЕТОВ  СОЛТҮСТІК ҚАЗАҚСТАН ОБЛЫСЫНЫҢ ӘКІМІ: «Ешкім назардан тыс қалмайды. Осы бір жолғы берілетін 100 АЕК көрсеткіш саяжай тұрғындары үшін берілетін болады. Егер сіздердің басқа тұратын жерлеріңіз жоқ болса міндетті түрде ол мәселені де шешемыз. Премьер-министрдің бізге берген тапсырмасы бар. Бүгін де осы сұраққа қатысты жиын өтті. Ал құжаттарға келетін болсақ, барлығын қайта жасап,  рәсімдеулеріңіз керек болады». 

Нөмірі 43-ші  орта мектепте орналасқан эвакуациялау пункте қазір  31 адам бар. Олардың төртеуі кішкентай балалар. Тұрғындармен кездесу барысында   зардап шеккендерге көмек көрсетілетіні айтылды. Арнайы комиссия құрылып,  шығындарды есептейді. Ал егер баспананы қайта қалпына келтіру мүмкін болмаса, жаңасы беріледі.
 
«Документы забрать успела- вы в частном секторе живете?- да, барак на 4 хозяина. Сосед заходил, говорит по пояс - поголовье, ничего не держали? - нет, ничего не держали… Я работаю».

Петропавл қаласының гуманитарлық-техникалық колледжінің жатақханасына да  39 адам орналастырылған. Олардың алтауы бала. 

РОМАН СКЛЯР  ҚР ПРЕМЬЕР-МИНИСТРІНІҢ БІРІНШІ ОРЫНБАСАРЫ  «Алдымен тұрғындарға пәтерлер ұсынамыз. Жаңадан салынып жатқан пәтерлер бар. Жақсы жиһаздалған үйлерді қарастырып көруге болады. Ал жер үйлерді Солнечный кентінен саламыз. Кәдімгі 80 шаршы метрлік баспаналар болады. Бірақ ол үшін 4-5  ай күтуге тура келеді». 

Өңір  басшысының айтуынша, су тасқынынан зардап шеккендерге біржолғы төлемге 403 миллион теңге бөлінген.

https://www.youtube.com/embed/VAUHKfXe2uY?si=EAZhLfCEF0ASyA1z" 

Су тасқыны халықты әбден әбігерге салды. Соңғы ақпарат бойынша республикалық маңызы бар 12 автожолда жол жабық. Ақтөбе, Ақмола, Солтүстік Қазақстан мен Қостанай облыстарында қатынас қиындады. Ақтөбе мен Оралда жағдай мүлдем мәз емес. Саяжайлардан адамдар эвакуацияланып, әскерилер мен еріктілер және төтеншеліктер тәулік бойы жұмыс істеуде. 

Батыс Қазақстанда ахуал күрделі. Түнімен саяжайдағы адамдарды құтқару жұмыстары жүрді. Олар қауіпсіз жерлерге орнастырылды. Мұнда көмекке Астана, Қызылорда және Түркістаннан қосымша құтқарушылар тартылған. 

ЕРАСЫЛ САЙПАШ ҚР ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ: «Жүргізілген іс-шаралар нәтижесінде 18651 адам өз үйлеріне оралды. Жедел шаралардың арқасында ТЖ аймақтарынан тұрғындар мен жануарларды эвакуациялау алдын ала жүргізілді. Су тасқыны басталғалы бері барлығы 117 694 адам, оның ішінде 43 931 бала құтқарылып, эвакуацияланды. 113 852 ауыл шаруашылық жануары қауіпсіз жерге айдалды. 6887 адам, оның ішінде 3166 бала эвакуациялау пункттерінде. 4216 тұрғын үй мен 2 698 аула аумағынан судың бағыты бұрылды».

ӘСЕТ АЙТЖАНОВ АҚТӨБЕ ОБЛЫСЫ ТЖД МЕМЛЕКЕТТІК ӨРТ БАҚЫЛАУ БӨЛІМІНІҢ БАС МАМАНЫ: «Ақтөбе облысы бойынша 7 елді мекенде табиғи төтенше жағдай сақталуда. Одан бөлек, Ырғыз ауданы бойынша 5 елді мекенде: Мамыр, Нұра, Құйлыс, Жайсанбай, Белшер кенттерінде су басу қаупі бар. Қазіргі уақытта Мамыр ауылында егу іс-шараларын өткізу кезінде ұзындығы 3 км, ені 4,5 м және биіктігі 2,5 м бөгет, Жайсанбай ауылында ұзындығы 3 км, ені 5 м және биіктігі 2,7 м бөгет салынды».

Теріскейде де жағдай мәз емес. Су үйдің шатырымен бірдей деңгейге көтерілген. Арнайы техниканың көмегімен, мотопомпа арқылы сорылып жатыр. Өңірге өзге аймақтардан 470 тонна гуманитарлық көмек жеткен. 

ҚАНАТ ДҮЗЕЛБАЕВ СҚО ӘКІМІНІҢ ОРЫНБАСАРЫ: «Қызылжар ауданы мен Петропавл қаласында жағдай күрделі. Қызылжар ауданының елді мекендеріне және облыс орталығының Ойқала Тері зауыты, Заречный, Косогор шағын аудандарының бір бөлігін су басты. Бүгінде 2639 үй су астында қалып отыр. Облыс бойынша барлығы 14 388 адам эвакуацияланды. Эвакопункттерде 1073 адам орналастырылған, олардың барлығы күніне үш рет тамақтандырумен, қажетті заттармен қамтамасыз етілген. Сонымен қатар, қазіргі уақытта Ақмола облысынан екінші толқынның келуіне байланысты су деңгейінің қайта көтерілуі орын алуда, Сергеев су қоймасына аққан су 21 см-ге артып, 278 см құрады».

Айтпақшы, тасқыннан зардап шеккен азаматтардың тек үйі бойынша емес, көлігі бойынша да компенсация төленеді. Бұл туралы Мәжіліс Қаржы министрінің орынбасары Ержан Біржанов айтқан болатын. Әр жағдай жеке қаралады. Барлық мүлік есепке алынады деді ол. Жағдай тікелей Президент пен Үкіметтің өз назарында. 

https://www.youtube.com/embed/AYERyCl-AwE?si=y5sZCuy2-_f6G9uY" 

Сенаторлар су тасқынынан зардап шеккен өңірдегі түлектер тағдырына алаңдаулы.1 сәуірден бастап бірқатар аймақтағы оқушылар қашықтықтан білім алуда. Мұндай табиғи апат кезінде балалардың да көңілі алаңдаулы. Сондықтан жастарға қамқорлық қажет дейді. ЖОО – дарының ректорлары ахуалды ескеріп, қосымша атаулы грант бөлсе деген ұыныстарын айтты. 

ҒАЛИАСҚАР САРЫБАЕВ ҚР ПАРЛАМЕНТІ СЕНАТЫНЫҢ ДЕПУТАТЫ: «Бүгінгі күні оқудың бітуіне бар болғаны 38 күн қалды. Ал, төтенше жағдайдағы аймақта қанша бала оқуды бітіретіні әлі анықталмаған. Су басқан аймақтарада ұлттық біріңғай текст өткізу пункттері де задап шеккен болуы мүмкін. Ол да әлі қарастырылмаған. Тестілеудің екінші кезеңі басында олардың қызметін қайта қалпына келтіру жөнінде шаралар қабылдау қажет болады. Екі бейінді министрлік қалыптасқан жағдайды назарға ала отырып, түлектерді ҰБТ-ға дайындауды және оларды ЖОО түсу жағдайын қарастырса». 

Ал, енді бір топ сенатор Үкімет басшысынан жылжымайтын мүлікті оның ішінде қора, ас үй сынды үй алдындағы қосымша салынған нысандарының құжатын рәсімдеп үлгермегендерді де назардан тыс қалдырмауды сұрады. 

ӘСЕМ РАХМЕТОВА ҚР ПАРЛАМЕНТІ СЕНАТЫНЫҢ ДЕПУТАТЫ: «Үйлері құлап немесе су шайып кеткендер үшінматериалдық шығынды дәлелдеу қиындық туғызады. Үйлерін салып, жылжымайтын мүлікті ресми тіркеп үлгермегендер бау-бақшада тұрып жатқандар қазірдің өзінде мемлекеттен берілетін көмектен қағыламыз ба деп алаңдайлы. Сондай-ақ, су басқан елді-мекендердегі үйлерді жалға тұрып жатқатқан мемлекеттен берілетін біржолғы өтемақыға қол жеткізе алмайды. Тағы бір мәселе есепшоттарғы бұғатталған тұрғындарға берілетін біржолғы өтемақы банк тарапынан кредиттік қарызды жабуды ұсталып қалуда. Үйлері суда тұрған өздері эвакуациялық пунктінде тұрған тұрғындар осы мәселенің оң шешімін күтіде».  

https://www.youtube.com/embed/V5JOSKEjNLg?si=iVkXNZ13Ud1aVF1w" 

https://www.youtube.com/embed/trus4wG8GN8?si=J82vVw9pCDwl5pm4" 

Алматы қаласындағы Наурызбай ауданына қарасты №206 мектеп-гимназиясында қалалық «ІТ технологияларын интеграцияланған жаратылыстану бағытындағы сабақтарда пайдалану жолдары» тақырыбында қалалық  семинар өтті. Қаланың сегіз ауданы бойынша барлық білім беру ұйымдарының информатика, математика, физика, химия, биология пәнінің мұғалімдері қатысқан шараның мақсаты  ІТ технология негізінде жеке тұлғаның бойында ғылыми дүниетанымның игерілуін интеграцияланған пәндерді оқытуда жетілдіру тәжірибесімен алмасу.

ФАТИМА АЛИАКБАРОВА АЛМАТЫ ҚАЛАЛЫҚ №206 МЕКТЕП-ГИМНАЗИЯСЫНЫҢ ДИРЕКТОРЫ

Семинар барысында Наурызбай ауданы Білім бөлімі,Қалалық білім берудегі жаңа технологиялардың ғылыми-әдістемелік орталығының әдіскері және ұстаздар ұлттық құндылыққа негізделген оқушылардың жасаған бұйымдарынан көрме тамашалап, интеграцияланған шеберлік сабақтарға қатысты. 

https://www.youtube.com/embed/S8dFWVJQlMU?si=wwqh_sEj9EBRqH_l" 

Ақтау қаласындағы 14-ші шағын ауданда әйел адам өлі күйде табылды. Құрбан болған әйелді ер адамның таңғы уақытта бауыздап кеткені белгілі болды. Қылмыскер  мәйітті өртеп жібермек болған. Алайда полиция қызметкерлері оқиға орнынан сытылып кетпекші болған азаматты лезде құрықтады.Қазір, аталмыш оқиға бойынша қылмыстық іс қозғалды. 

ӘЙГЕРІМ ИБАТУЛЛАЕВА  МАҢҒЫСТАУ ОБЛЫСТЫҚ ПД БАСПАСӨЗ ХАТШЫСЫ: «Кісі өлтіру фактісі бойынша қылмыстық іс қозғалды. Күдікті ұсталды және уақытша ұстау изоляторына қамалды. Тергеу мүддесі үшін өзге ақпарат жария етілмейді».

https://www.youtube.com/embed/BOSJx1mFEJg?si=N8sqEFbopv_ggRMK" 

БҚО 6 білім нысаны мен 3 жоғары оқу орнында эвакуациялық пункт дайындалды. Қосымша тағы 164 эвакуациялық пункт ашуға мүмкіндік бар. Ал, облыстық санитариялық-эпидемиологиялық бақылау департаментінің мамандары қазір инфекциялық аурулар мен ауыз суға толыққанды зерттеу жұмыстарын жүргізіп, тұрақты кезекшілік атқаруда.

ГҮЛДАНА КЕРЕЕВА БҚО САНИТАРИЯЛЫҚ-ЭПИДЕМИОЛОГИЯЛЫҚ БАҚЫЛАУ ДЕПАРТАМЕНТІ БАСШЫСЫНЫҢ ОРЫНБАСАРЫ

Орал мен Жайық жағалауының аудандарын есептегенде жалпы 130 мектеп бар. 15 сәуірден бері оның 103 мектебі қашықтан оқу үрдісіне ауысты.  75 600 оқушы қазір онлайн форматта оқып жатыр. Сондай-ақ, Ақжайық ауданының 33 мектебі дәстүрлі түрде оқытылып жатыр. Облыстық білім басқармасының басшысының сөзінше 80-ге тарта педагогтің аттестациядан өту мерзімі кейінге шегерілді.

АЙГҮЛ МЫҢБАЕВА БҚО БІЛІМ БАСҚАРМАСЫНЫҢ БАСШЫСЫ

Бөрлідегі Ақсай қаласының №8-ші және Теректідегі Подстепный №1 мектебі келесі айда өтетін білім алушылардың оқу жетістіктерінің мониторинг тізіміне кірмейді.

https://www.youtube.com/embed/aILIXyRsPNY?si=7VtDn-Ku40Wtdcu8"

Мүмкіндігі шектеулі жандар да қоғамның белді мүшесі.Оларға жалпыға ортақ жағдай жасау,мемлекетіміз алдындағы маңызды міндеттің бірі. Бүгінде ерекші білімді қажет ететін жастарды кәсіпке үйрету мақсатында инклюзивті білім жүйесі жұмыс жасайды.  «Jas Skills Almaty» өңірлік кәсіби чемпионатына кезек берсек.

Ерекше білім беруді қажет ететін жастардың қабілеті ерекше.Тек дұрыс бағыт-бағдар беру маңызды. Алматы технология және флористика колледжі осы бағытта қызмет жасайды. Қазіргі уақытта Инклюзивті білім беру бөлімінде 195 студент бірнеше кәсіп бойынша білім алып жатыр. Олардың таңдаған саласына ынтасын арттыру мақсатында осындай чемпионаттарды жиі өткізіп тұрады. 

МАРЖАН ЖҰМАНБАЙ АТФК ДИРЕКТОРЫНЫҢ ОРЫНБАСАРЫ

Чемпионат «Тігінші», «Флорист», «Жиһаз» және алғаш рет «Аяқ киім жөндеу» құзіреттіліктері бойынша ұйымдастырылды. Шараға белсенді қатысқан жастар, келешектерін осы оқу орнымен байланыстырғылары келетіндіктерін алға тартты.Оларға тегін оқуға арнайы сертификаттар берілді.

АҚНҰР АРАЙҚЫЗЫ  «Мен құлағы нашар еститін мекемеде білім алып жатырмын. Келешек арманым тігінші болу. Осы жерден дәріс алып,сапалы маман болғым келеді. Қазіргі таңда сүйікті кәсібіңді ашып, жұмыс жасауға мүмкіндік мол,сондықтан танымал дизайнер болу негізгі мақсатым».

ВЛАДИМИР ДЕНИСОВ «Маған бұл жер ұнады.Келешекте етікші болғым келеді. Менің осы салаға қабілетім бар».

https://www.youtube.com/embed/SBQ6ngfYu9Y?si=kv3Qa1lAoMd-XFna" 

Әлеуметтік желілерде қалтқысыз қызмет етіп жатқан әскери қызметшілерге қажетті заттар берілмеген деген сыбыс шықты. Бұл қаншалықты рас ақпарат? Келесі тақырыпқа назар аударсақ. 

Әлеуметтік желіде әскери қызметтегі сарбаздар қызу талқыға түсуде. Желі қолданушылар олар қажетті киім-кешекпен, құрал-жабдықтармен қамтамасыз етілмеген деген сыни пікірлер айтуда. Жауаптылар ақпараттың растығына толық көз жеткізу үшін, сарбаздармен кездесті. 

ҚАЛИОЛЛА САУЫТБЕКОВ СҚО ҚАРУЛЫ КҮШТЕР АРДАГЕРЛЕР КЕҢЕСІНІҢ ТӨРАҒАСЫ: «Бүгін осындай әскери бөлімнен келіп өздерінің міндеттерін атқарып жатқан сарбаздар. Оларды ел, үкімет, президент ұмытпаған соң жалаңа-жалаңаяқ қалды дегені бекер әңгіме деп есептейміз. Соны өз көзімізбен тексеру үшін келдік. Оның барлығы дұрыс емес екен». 

Отан алдындағы борышын абыроймен өтеп жүргендердің бірі - Қарағанды облысының тумасы Мұхтар Қорабаев. Халқына қызмет қылам деп, солтүстік өңірде өзге сарбаздармен бірге сумен күресуде.

МҰХТАР ҚОРАБАЕВ САРБАЗ: "1 апта аралығында осында болдық. Бізді қорғаныс министрлігі барлық керек-жарақпен қамтамасыз етіп жатыр. Және Петропавл қаласының тұрғындары да көмек қолын созуда. Бізде түнгі смена болса қолғабымызды береді. Аяқ киімімізді тексереді, су болмасын деп". 

https://www.youtube.com/embed/c67Tr_A1sjg?si=HC7vuuYoDJPBpJUp"

Көлік жүргізушілеріне қатысты талап күшейеді. Енді куәлігі жоқ жол ережесін бұзғандар 7 жылға дейін құжат ала алмайды. Мопедке қатысты заң да қатаяды. Бұл механикалық көлік толыққанды көлікпен теңеседі. Бүгін мәжіліс осындай заң қабылдады. Айтпақшы, өңірлерден оралған депутаттар отырыста су тасқынын сынап, үкімет басшысына сауал жолдады. 

Жүргізушілерге қатысты заң күшейеді. Талап қатаңдатылса да мас күйінде рөлге отыратындар тыйылмай тұр. Жыл сайын елімізде мас жүргізушілердің кесірінен шамамен 500 дей көлік апаты тіркеледі. Салдарынан 100-ге жуық адам қаза тауып, 600 адам түрлі дене жарақатын алады. Бұдан былай мопед мінгендердің жүргізуші куәлігі болуы міндетті. Оған қоса көлігін тіркеуі қажет болады. Бүгін депутаттар заңға енген осындай өзгерісті мақұлдады. 

ЕКАТЕРИНА СМЫШЯЛЕВА ҚР ПАРЛАМЕНТІ МӘЖІЛІСІНІҢ ДЕПУТАТЫ: «Бүгінгі таңда бұл көліктің ең қолжетімді түрлерінің бірі. Алайда оның санының артуы мопедтердің қатысуымен апаттарға әкеледі. Тек 2023 жылы 750 болды, бұл 2022 жылмен салыстырғанда төрт есе көп».

Депутаттар өңірлерден оралды. Олар су басқан аймақтарда іс-сапарда болып, жағдайды көзбен көріп келгеннен кейін ба, тым ашулы. Мемлекеттік органдардың жұмысын сынады. 

ЕРЛАН САЙЫРОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Ағайын, апат айтып келмейді. Дәл қазір еліміз – ел аман, жұрт тынышта терең әлеуметтік дағдарысқа тап болды. Дайын болмаған кезде келген топан су – Қазақстандағы 30 жыл бойы қалыптасқан даңғазалық, волюнтаризм мен көзбояушылықтың шынайы көрінісі. Бұл факт! Бұл оқыс оқиға еліміздегі жергілікті басқарудағы жүйелі проблемалардың бар екенін айқын көрсеткенін атап өтті. Сондықтан бізге аудандық, ауылдық деңгейдегі мемлекеттік басқарудың басымдықтарын қайта қарау маңызды. Мысалы, облыс, аудан әкімшіліктеріне қосымша құзырет бере отырып, инфрақұрылым, халық шаруашылығын ұтымды реттеу үшін шаруашылық бағыттағы децентрализация қажет. Әрбір әкім өңірдің коммуналдық-шаруашылық мәселелерін реттеу үшін, дербес шешім қабылдау мүмкіндігіне ие болуы тиіс».

Топан су табиғи апат емес, адами фактор деген депутаттар апат болған аймақтардың тұрғындарына уақытша несиелік каникулдарды жан-жақты қарастыруды сұрады. Оған қоса, баспанасынан айырылған азаматтарды оңтайлы орналастыруды жеделдету қажет екенін айтты. 

РИНАТ ЗАЙЫТОВ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Басқа салса баспақшыл,- деп атам қазақ айтқандай біздің елге тағы бір үлкен сынақтың келгенін бәріңіз білесіздер. Бір топ депутаттар бұл хабарды ести сала өңірлерге аттандық. Ондағы мақсатымыз халықтың жағдайын көзбен көріп, арыз-талабын өз аузынан естіп Үкіметке жеткізу еді.Тосыннан келген топан суды қанша жерден табиғи құбылыс десек те, апатқа кінәлі адами салғырттықтар да бар екенін айтты. Дәлелмен айтсақ, Атырау облысы мен Құлсары қаласының маңынан заңсыз салынған су бөгеттері, жергілікті биліктің көктемгі су тасқынына әлсіз әзірленгені, сын сағатта абдыраған жұрттың әрекетін үйлестіре алмауы да осындай салдарға әкеліп соқты. “Бөренеден аттаймыз” деп есеп беріп, сіріңкеге сүріне беретін мемлекеттік органдардың шалағайлығы жауапқа тартпаса, жалғаса береді».

Айтпақшы, бүгін мәжіліс қабылдаған заңда жүргізуші куәлігін алмай тұрып, рөлге отырғандар 7 жылға дейін құжат ала алмайды. Бұған дейін олар әкімшілік жазаны өтеп, емтиханды оңай тапсырып, жүргізуші куәлігін ала беретін-ді. Енді ондай майшелпек болмайды. 

https://www.youtube.com/embed/ndDWjNXxbW8?si=67Xn6tvYoqkQu6oo" 

Ақтөбе, Қостанай, Ақмола, Атырау, Солтүстік Қазақстан облыстарында 5 мыңнан аса тұрғын-үй әлі де су астында. Ахуал тұрақталған жоқ. Су тасқынының екінші толқыны әсіресе, Шығыстағы ағайынға қиын болайын деп тұр. Мұнда жеті ауданға қауіп төнді. 

Бүгін Атырау әкімдігі шұғыл хабарлама жасады. Жайық өзеніндегі су деңгейі 9 см-ге көтерілді. Одан әрі тағы көтерілуі мүмкін. Атырауда қауіп сейілген жоқ. Батыс Қазақстанда психологтар күніне ондаған адамға көмек көрсетіп жатыр. Мамандар тәулік бойы кезекшілікпен жұмыс істеуде. 

ЕРАСЫЛ САЙПАШ ҚР ТЖМ АЗАМАТТЫҚ ҚОРҒАНЫС ЖӘНЕ ӘСКЕРИ БӨЛІМДЕР КОМИТЕТІНІҢ АҒА ОФИЦЕРІ: «3 709 тұрғын үй мен 2 475 аула аумағынан судың бағыты бұрылды. Осы сағатта 16 мың адам өз үйлеріне оралды. 6 950 адам, оның ішінде 3 113 бала эвакуациялау пункттерінде. Жедел шаралардың арқасында ТЖ аймақтарынан тұрғындар мен үй жануарларын эвакуациялау алдын ала жүргізілді».

Ал, Шығыс Қазақстанда жағдай күрделене бастады. Су тасқынының екінші толқыны өңірге оңай соқпасы анық дейді жауапты мамандар. 

АЯУЛЫМ КЕКИЕВА  ШҚО ТЖД ТЖ  АЛДЫН АЛУ БАСҚАРМАСЫНЫҢ АҒА ИНЖЕНЕРІ: «Орта таулы аймақта және таулардың оңтүстік беткейлерінде қар жамылғысының еруіне байланысты облыста су тасқынының екінші толқыны басталды. Қазіргі уақытта облыстың солтүстік, солтүстік-шығыс және шығыс аудандарында, Риддер қаласы мен Алтай, Самар, Марқакөл, Глубокое, Катонқарағай, Күршім, Шемонаиха аудандарында су тасқыны қаупі туындауы мүмкін. Бүгінде қар жамылғысының ауданы облыстың 44%-ын құрайды. Көптеген ауданда қар қоры және ондағы судың мөлшері нормадан 1,5-2 есе жоғары».

Аймақтағы ағайынға құтқарушылар мен әскерилерден бөлек, еріктілер де қызмет көрсетіп жатыр. Волонтерлардың басым көпшілігі жастар. Батыс Қазақстанда 11,900 ерікті жұмыс істеуде, бүгін бұл өңірге жұмыс істеп жатқан техникалар қатарына тағы 37 арнайы техника қосылды. 

НҰРХАН БАҚЫТЖАНОВ «РҚБ «АССАМБЛЕЯ ЖАСТАРЫ» АТЫРАУ ОБЛЫСЫ ӨКІЛДІГІНІҢ ТӨРАҒАСЫ: «Колледж студенттері, қала тұрғындары белсене ат салысып, келе жатқан су тасқынына қарсы жаға бекіту жұмыстарымен айналысып жатыр. Қалада гуманитарлық көмек қабылдау пунктерінде еріктілер жұмыс жасап, таңертеңнен кешке дейін қаламызды аман алып қалу үшін жұмыс жасап жатырмыз». 

Су тасқыны салдарынан бес облыста жол жабылды. Ақтөбе, Ақмола, Атырау, Қостанай, СҚО-дағы республикалық маңызы бар жалпы ұзындығы 411 шақырымды құрайтын 11 автомобиль жолында қозғалысқа шектеу қойылды. Мұнда жолды қалпына келтіру үшін  356 бірлік техника мен 438 адам жұмыс істеп жатыр. 
 

https://www.youtube.com/embed/P8YQPE01edA?si=JftvHzDFfNSGtMpW"