https://www.youtube.com/embed/saU4T5QkmgA?si=_fP4unK2oGaL2l0H" 

Арзанның суы татымас. Ақтауда 200-ден астам тұрғын «төменгі бағамен телефон аламын» деп сан соғып қалған. Жұрт әлеуметтік желіде аудиториясы көп белсенділер арқылы берілген  «жарнамаға» сеніп, ақша аударған.Күдіктінің үстінен бірнеше жәбірленуші арыз түсірген, қазіргі таңда ол, үй қамаққа алынды. Алаяқтың арбауына ілінгендер 140 млн теңге көлемінде залал келтірген күдіктінің қылмысы дәлелденсе,10 жылға дейін бас бостандығынан айырылуы әбден мүмкін. Мамандардың айтуынша, Маңғыстау облысында соңғы 5 айда алаяқтық қылмыс саны 10 пайызға көбейген. 

ДАНИЯР ТӨЛЕГЕНОВ - МАҢҒЫСТАУ ОБЛЫСЫ ПРОКУРАТУРАСЫНЫҢ БАСҚАРМА БАСШЫСЫ

https://www.youtube.com/embed/vgXjmp2A4wE?si=tTMGPptmOuy_QMcL" 

Қаңтар оқиғасын ұйымдастырды деген күдікпен ұсталған, бұрынғы Ұлттық қауіпсіздік қызметінің басшысы Кәрім Мәсімовке рақымшылық жасала ма? Бүгін қос палатаның отырысынан соң журналистер осы сауалдың жауабын депутаттардан сұраған еді. Мәжіліс депутаты Ермұрат Бәпи, егер ол оқиғаның қалай болғанын халық алдына шығып, толық мәлімдесе, «Қанды Қаңтардың» басында кімдер тұрағынын ашып айтса, ол мүмкін деген жеке ойымен бөлісті. 

ЕРМҰРАТ БӘПИ ҚР ПАРЛАМЕНТІ МӘЖІЛІСІНІҢ ДЕПУТАТЫ: «Біріншіден, менің ойымша, мұны жан-жақты қарау керек. Ол қоғам алдында, билік алдында, сот органдарында осы қаңтардағы оқиғаның бүкіл тізбегін баяндауға ниет білдірсе, онда оған мейірімділік танытуға болатын шығар. Мәсімовтің бір өзі жалғыз ұйымдастырған жоқ деп ойлаймын. Сондықтан, егер ол мұны қоғамға мәлімдесе, Қауіпсіздік кеңесінің сол кездегі төрағасы Нұрсұлтан Назарбаевтың бұйрығын орындауға мәжбүр болса, оған жұмсақтық танытуға болады». 

Сондай-ақ Дикий Арманның ісін тергеу неге созылып кетті, алғашқы сот отырысы қашан өтеді деген сауалға жауап берген Жоғарғы соттың қылмыстық істер жөніндегі сот алқасының төрағасы бұл істе жасырын тергеу әрекеттері, жедел іздестіру шаралары мен жауап алу, адвокат, прокурорлардың сөз сөйлеуі ұзаққа созылуда дейді. Нақты үкім қашан шығатыны белгісіз.  

https://www.youtube.com/embed/cSlY1EuQ3GE?si=0G73Bg_isQfas1UC"

Алдағы демалыстан бастап әйелдер мен балалардың құқығын қорғайтын жаңа заң күшіне енеді. Бұл заң қоғамда резонанс тудырды, Парламенттің екі палатасы екі оқылымда қарап, 15 сәуірде Мемелекет басшысы өзі қол қойған болатын.Жаңа құжатқа сәйкес әйелдер мен балалардың намысына тиіп, қорлағандар енді қатаң жазаға тартылады.Тіпті өмір бойы бас бостандықтарынан айырылады. Сондай-ақ бұл заңда тек жұбайынан жәбір көрген әйелдер ғана емес, барлық нәзік жандылар мен барлық балалардың құқығы тең қорғалады. Мейлі ол жақын туыстары, бұрынғы некедегі жары тіпті болмаса көшедегі бейтаныс адам не болмаса телефон арқылы қорқытқандар болса да, жәбірленуші арызданса, осы жаңа құжаттың аясында қаралады. Ал, онда жаза қатал. 

АҚМАРАЛ СЕРІКБАЕВА ҚР ІІМ ӘКІМШІЛІК ПОЛИЦИЯ КОМИТЕТІНІҢ ЕРЕКШЕ ТАПСЫРМАЛАР ЖӨНІНДЕГІ АҒА ИНСПЕКТОРЫ: «Денсаулыққа ауыр зиян келтіру, орташа ауырлықтағы зиян келтірудің жазаларынан бостандықтан шектеу жазасын алып тастадық, алдағы уақытта олар тек қана бас бостандығынан айырылатын болады. Ұрып-соғу мен денсаулыққа жеңіл зиян келтіру заңмен қылмыстық жауапкершілікке аусытырылатын болады. Тағы да қылмыстық кодекске бұрын болмаған жаңа жауапкершілік енгізілді, 16 жасқа толмаған жасаөспірімге қатысты жыныстық қол сұғушылық жасаған тұлғалар қылмыстық жауапкершілікке тартылады». 

ШЫҢҒЫС АХИМОВ АСТАНА ҚАЛАСЫ ПД ПАТРУЛЬДІК ПОЛИЦИЯ ПОЛКІНІҢ ИНСПЕКТОРЫ: «Әйелдердің өзі агрессия көрсетіп жатады. Бағынбаушылық білдіріп жатады. Қызмектерлердің талаптарын орындамай. Ер адамдар да, қыз-келіншектер де, жасөспірімдерді хабарласып жатады. Жәбірленуші тарапынан да қоңырау шалуы мүмкін. Немесе көршілер шу болған соң хабарласуы мүмкін». 

Айтпақшы, жаңа заң бойынша енді тұрмыстық зорлық-зомбылықтың құрбандары полицияға арызданып, іс қозғалғаннан кейін оларға жұмыс орынынан бір ай уақыт бойына демалыс беріледі. Ол уақыт аралығында психолгпен бірге әлеуметтік қызметкер жәбірленушінің социумға қайта ілесіп кетуі үшін жұмыс жасайтын болады. 
 

https://www.youtube.com/embed/Hexg2rkcao0?si=UigJ10j-M4XVR-O6" 

Сапалы, әділетті сот қызметін дамыту. Бүгін Парламент палаталарының бірлескен отырысында осы мәселе көтерілді. Енді судья болу үшін талап күшейеді. Жаңа заңға сәйкес ол тіптен қиындайды. Себебі, адам тағдырының төршесі болу оңай қызмет емес. 

Сотта судья болу үшін, үміткер 30 жасқа толған, жоғары білім мен 5 жылдық жұмыс өтілінің болуы керек. Әкімшілік, сыбайлас жемқорлық және басқа да теріс қылықтары болмаған, заңды бұзбағандар ғана бұл қызметке жақындай алады. Арнайы емтихан тапсырып, білімдерін дәледегеннен кейін ғана жұмысқа алынады. Талап қатал болғандықтан ба, судья қызметіне маман тапшы. 

ДЕНИС ШИПП ЖОҒАРҒЫ СОТ КЕҢЕСІНІҢ ТӨРАҒАСЫ: «Бүгінгі таңда еліміз бойынша судьялар үшін 350-ден аса бос жұмыс орны бар. Біздің ойымызша, заңға енгізілген түзетулер бос судья қызметінің орнына маман тартуға мүмкіндік береді. Мәселен Шығыс Қазақстан облысы Тарбағатай аудандық сотында судьяның орны 3 жылдан бері бос тұр. Онда барып, жұмыс істегісі келетін азаматтар жоқ».

Жаңа заңдағы өзгерістерді үш бағыт бойынша бөліп қарауға болады. Біріншісі- сот жюриінің жұмысын жетілдіруге қатысты. Екінші бағыты сот төрелігінің сапасы жөніндегі Комиссияның ұйымдастырылуы мен қызметінің тәртібін өзгертуді қамтиды. Түзетулердің үшінші бағыты судьялардың тәуелсіздігін қамтамасыз ету тұрғысынан олардың құқықтары мен әлеуметтік кепілдіктерін күшейтуге арналған.

НҰРЛАН БЕКНАЗАРОВ ҚР ПАРЛАМЕНТІ СЕНАТЫНЫҢ ДЕПУТАТЫ: «Ұсынылып отырған норма аясында, жоғары тұрған сот тарапынан төменгі тұрған соттың істі қарауы барысында заңдылықтың өрескел бұзылу фактісі анықталған жағдайда, облыстық немесе Жоғарғы Соттың Төрағасы тиісті пленарлық отырыста судьяны тәртіптік жауапкершілікке тарту немесе тартпау туралы мәселені талқылау жөнінде Сот жюриіне ұсыныстар береді. Пленарлық отырыстың қандай да болса шешіміне қарамастан, заңдылықтың өрескел бұзылу фактілері бойынша барлық материалдар тексеру үшін Сот жюриіне жіберілетін болады. Қазіргі таңда тәртіптік іс жүргізуді қозғау туралы шешімдерді Жоғарғы Соттың және облыстық соттардың пленарлық отырыстары қабылдайды».

Айтпақшы, қоғам назарын аударған аты шулы экс-министрдің сот отырысынан кейін судья Айжан Күлбаева әлі де арнайы күзетпен қамтамасыз етілген. Себебі, бұл сот процесінен кейін оның өміріне қауіп төндірушілер қатары азаймай тұр.Ал, егер мына жаңа заң қабылданса, ондай мәселе туындамайтынына сенаторлар сенімді. 

https://www.youtube.com/embed/LH4Plb2TWcI?si=A7i2-E9k0z69gprM" 

https://www.youtube.com/embed/84aK8BurWDU?si=lGvCFuXIy2cvSdqE"

Жол мұраты жету деген аталы сөз бар халқымызда. Бүгінгі күні сол мұраты мұңға айналған Алматы облысы,Іле ауданына қарасты Қоянқұс ауылының тұрғындары «қалтамыздан қаржы шығарып жасаған жалғыз жолымызды жапты,аспанмен ұшамыз ба деп дау көтеріп арнамызға хабарласқан болатын. 

Айдың күннің аманында аралда қалғандай күн кешкен қарашаның айтуларынша көшені бір түннің ішінде жауып тастаған. Аяқ асты мұндайды күтпеген халық әбігер күйге түскен. 

Мәселені көтеріп жиналған бүгінгі тұрғындар арасынан  құрылыс өкілдері де,әкімдік тарапынан да төбе көрсеткендер болмады.Осыны алға тартқан халық енді кімге барып базынамызды айтамыз деп ашынды.

ЕЛДОС СҮЛЕЙМЕНОВ ҚОҒАМ БЕЛСЕНДІСІ

ЗАРИНА МАДИЕВА ТҰРҒЫН: «Біз осындай мәселеге тап болып отырмыз. Бұл жер жекеменшікке сатылған болып шықты. Мәселемізді естісін деп баспасөзге жүгініп отырмыз».

Тұрғындардың көтерген мәселесімен Жетісу ауданы әкімдігіне бардық. Аудандық атқа мінерлер айтулы мәселенің шешімін былай деп түсіндірді.

НҰРДӘУЛЕТ ҚАЛДАРОВ АЛМАТЫ ҚАЛАСЫ ЖЕТІСУ АУДАНЫ ӘКІМДІГІНІҢ КОММУНАЛДЫҚ ШАРУАШЫЛЫҚ  БӨЛІМІНІҢ БАСШЫСЫ

https://www.youtube.com/embed/769fkQdqmBU?si=T75EGqoyLYe9oqUq" 

Енді метроның жол жүру ақысын тек ақшалай немесе картамен емес, биометрия бойынша, яғни өзіңіздің фейс айдиіңізбен төлей алатын болдыңыз. Face Pay инновациялық жүйесі арқылы жолаушылар смартфон немесе төлем картасын пайдаланбай, жол ақысын бет-әлпет арқылы төлей алады. Ол үшін «Face Pay төлемі» деп аталатын турникетіне барып, камераға қарасаңыз болғаны. Жол ақысы Halyk қосымшасындағы «Төлемдер» бөліміне тіркелген банк картасынан алынады.

ЖҰМАБЕК МАМУТОВ ХАЛЫҚ БАНК БАСҚАРМА ТӨРАҒАСЫНЫҢ ОРЫНБАСАРЫ: «Біз өзіміздің әкімдіктің, серіктестеріміздің көмегінің арқасында осы тәжірибені Қазақстанда жүзеге асыра алғанымызға қуаныштымыз. Технологиялық жүйе біздің қаланы цифрландыруға арналған үлкен бағдарламаның бір бөлігі болып табылады».

Қазір бұл турникеттер Абай және Б.Момышұлы атындағы метро бекеттеріне қойылған. Екі бекеттен сәтті тексерістен өткесін жүйе барлық метро бекетінде іске қосылады.Жол ақысын төлеудің бұл ыңғайлы әрі қауіпсіз әдісі жасанды интеллектке негізделіп жасалған және Ресей, Беларусь секілді ірі мемлекеттерде қолданыс тапқан. 

БАУЫРЖАН ҚҰМАРҒАЗИН ҚАЛАЛЫҚ ҰТҚЫРЛЫҚ БАСҚАРМАСЫ БАСШЫСЫНЫҢ ОРЫНБАСАРЫ «Өздеріңіз білетіндей, метро қаладағы қоғамдық көліктердің ең ыңғайлы және жылдам түрлерінің бірі болып табылады. Алматы қаласының тұрғындары оны лайықты бағалайды деп ойлаймын. Статистикамызда биыл метро жолаушылар ағынының жыл сайын артып келе жатқанын көрсетіп отыр. Біз қазірдің өзінде 100 мыңнан астам адамды қабылдадық. Күнделікті жолаушылар ағыны өткен жылы енгізілген жаңа станцияларға байланысты артып келеді».

https://www.youtube.com/embed/B0KQN0TEEZ4?si=e78FyEck5-Vk6uco"

Қалайда бір баспанаға қол жеткізсем деп жүргендер үшін жағымды жаңалық. Енді үй алу кезегінде тұрған азаматтар 5 пайызбен ипотека ала алады. Бұл туралы бүгін Сенаттың жалпы отырысында Өнеркәсіп және құрылыс министрі Қанат Шарлапаев айтты. Халықтың одан өзге санаты қалай баспаналы болады? Тұрғын үй нарығындағы соңғы жаңалықтарға назар аударсақ.

Баспана қашан да өзекті мәселе. Үй болмаған соң, күй қайдан болсын. Оның үстіне  жыл санап құрылысқа қажетті заттар қымбаттап барады. Баға жеткізер емес. Қысқасы, халыққа тұрғын-үй алу қиындай түсті. Осылай деген Сенат депутаттары  жауапты министрліктен алдағы жоспарды сұрады.

БАУЫРЖАН ҚАНИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: "Тұрғын үй сатып алу халықтың едәуір бөлігі үшін, әсіресе жастар мен аз қамтылған топтар үшін қол жетімді емес. Бүгінгі таңда кезекте 651 мың халық тұрса, ол 2012 жылмен салыстырғанда 8 есе өсіп отыр. Әлеуметтік тұрғын үй құрылысын қаржыландыру көлемі халықтың қажеттіліктерін қанағаттандыру үшін жеткіліксіз. Осы орайда менде бірқатар сұрақтар бар. Халықты тұрғын үймен қамтамасыз ету проблемаларын шешу үшін Өнеркәсіп және құрылыс министрлігінде қандай кешенді шаралар қабылдануда? Іске асырылған тұрғын үй бағдарламалары бойынша талдау бар ма, оның ішінде қандай проблемалар айтылды, табылды? Тұрғын үй саясатын жетілдіру бойынша қандай ұсыныстар айта аласыз?".

Жауапты министрдің айтқаны: биыл жыл соңына дейін елімізде 18 млн шаршы метр тұрғын үй пайдалануға беріледі деп жоспарланып отыр. Осы 5 айда оның 5.7 млн шаршы метрі тапсырылған. Айтуынша, жалпы құрылыс биыл былтырғыдан қарағанда 8 пайызға артыпты.

ҚАНАТ ШАРЛАПАЕВ ҚР ӨНЕРКӘСІП ЖӘНЕ ҚҰРЫЛЫС МИНИСТРІ: "Халықтың осал топтарын баспанамен қамтамасыз етуге 337 млрд теңге бөлінген. Ол қаражатқа 22 пәтер сатып алуға мүмкіндік бар. Кредиттік пәтерге 109 млрд теңге бөлінген. Кезекте тұрғандарды тұрғын үймен қамтамасыз ету үшін 5 пайызбен несие беріледі. Ол мақсатта 7 мың ипотека береміз."

Депутаттар, егер, аталған мемлекеттік бағдарламалар қағазда жазылғандай әдемі іске асса, халықтың бір бөлігі болсын, баспаналы болып, әр үйде қоныс тойы тойланады деген үмітте. Ал, енді бір топ сенатор болса, ауыл шаруашылық саласына деп берілетін субсидияның тиімді игерілгенін қатаң бақылауға алу керек. Әйтпесе, тиісті арзан пайыздағы көмек шын шаруаға жетпейді. Қызығын өзгелер көреді. Салдарынан  мемлекеттің бюджеті айтарлықтай зор шығынға ұшырайды дейді.

ӘЛІБЕК НӘТИЕВ ҚР ПАРЛАМЕНТІ СЕНАТЫНЫҢ ДЕПУТАТЫ: "Субсидиялауға байланысты ереже жиі және ұдайы өзгеріп отырады, мынау несие алушыларға қарсы міндеттемелер қою жөнінде бірнеше рет айтылса да Ауыл шаруашылығы министрлігі бұл мәселеге енді ғана көңіл бөліп жатыр. Осыған байланысты менің сұрақтарым: жалпы Ауыл шаруашылығы министрлігінің ауыл шаруашылығы кешенін субсидиялау саясаты болашақта өзгертін болады ма? Жалпы осы енді бірнеше салаға субсидия бөлінеді, бірнеше триллион ақша, миллиардтаған. Соны бөлу қандай нәтижеге, параметрлерге байланысты бөлінеді? Үшінші, осы бөлінген бюджет қаражатын игерудегі соңғы тиімділігі қандай жағдайда деп ойлайсыз?"

АЗАТ СҰЛТАНОВ ҚР АУЫЛ ШАРУАШЫЛЫҒЫ МИНИСТРІНІҢ МІНДЕТІН АТҚАРУШЫ:
"Фермерлер субсидияға тұрақтылықты сұрайды. Қазір сыбайлас жемқорлықтың тәуекелдерін азайту, оны төмендету тиімділігін арттыруға байланысты жұмыстар жүргізілуде. Арнайы методика зерттеудің тиімділігі бар екенін көрсетті".

Одан бөлек депутаттар ауылдық жерлерде денсаулық сақтау саласын жаңғыртуға деп бөлінген қаржының тиімсіз пайдаланып жатқанына мысал келтіріп, бақылауға алу керектігін айтты. Айтпақшы, жоғарғы аудиторлық палатаның төрағасы Әлихан Смайылов тек Қазақстан темір жолы емес барлық ұлттық компаниялар алдағы уақытта қатаң аудиторлық тексерістен өтетінін айтты.Осылайша мемлекеттің әр тиынын бақылау күшейтіледі.

https://www.youtube.com/embed/aSF6_Vwhamc?si=Q7sYtcFUp494UJ1w" 

https://www.youtube.com/embed/OliHGsj4Rz4?si=OG66qrkx0DK5Scxf" 

Су сұраған Ақтау қаласының 19-шы шағын аудан тұрғындары көлік қозғалысын тежеді. Оған басты себеп – 3-4 күн бойына ауыз судың жоқтығы. Тіршілік көзінің жоқтығы тіршілік жасаумызды қиындатып барады деп шырылдауда қараша.

Бұл жағдай 19-шы шағын аудан тұрғындарымен қатар 16,17,27 және 28-ші шағын ауданындағы халықты да алаңдатып отыр. 

ГАУХАР БАШИЕВА ТҰРҒЫН: «Ең болмаса, халыққа жаны ашитын болса неге әкімшілік келіп водовозбен су әкеліп бермейді? Біздікі 5-ші этаж. Үш жыл болдыма әлі сол. Жазда сумен бізде проблема болады». 

АЙБЕК ЖҰМАҒАЛИЕВ ТҰРҒЫН: «Жаз басталғалы осы проблемағо бізде, Ақтаудың, теңіздің іргесінде тұрып су жоқ деген. Өзім 5-ші этажда тұрамын. “Ұлы сөзде ұят жоқ”, шіріп кетуге айналдық. Алдыңғы жылы да осы, жыл сайын осы проблема». 

Дау тудырған тақырыпқа қатысты қала әкімінің қатысуымен брифинг өтті. Әкімнің сөзінше мәселенің басты түйіні - МАЭК кәсіпорнының үлгеріс уақытында. 

ҰЛЫҚБЕК ТІНӘЛИЕВ АҚТАУ ҚАЛАСЫНЫҢ ӘКІМІ: «Түнімен жинаған суды, күні бойы пайдаланамыз. Сондықтан ол дайын тұрған су емес. Біз аяп тұрған жоқпыз. Дайын су болса қажетті давлениені беріп, жіберетін едік. Бірақ оны дайындау процесі бар. Техникалық тілмен айтқан дестилят жасайды, овыпаривание жасайды. Соның барлығына уақыт кетеді».

Брифинг соңы «даудың түйіні бір аптаға жуық уақытта шешіледі» деген уәдемен аяқталды. Сондай-ақ, жеке инвестор есебінен салынған қуаттылығы тәулігіне 4000 текше метрді құрайтын су тұшыту қондырғысы іске қосылса, су жоқ деген дау туындамайды дейді басшылық. 

https://www.youtube.com/embed/4S7SO-irIw8?si=pnD4fTnOPLx7n2lQ" 

Алматы облысында жан түршігерлік апаттан бір отбасының төрт мүшесі қайтыс болды.  Көлік жүргізушісі мен екі жолаушы оқиға орнынан Шелек ауылындағы ауруханаға дереу жеткізілді. Полицияның мәліметінше, ішінде жеті адам болған Toyota Hiace шағын автобусы жолдан аударылып кеткен. Оқиға бойынша қылмыстық іс қозғалып, сараптамалар жүргізілді.  

ЕЛЖАН ЧУПЕКОВ АЛМАТЫ ОБЛЫСЫ ПД БАСТЫҒЫНЫҢ ОРЫНБАСАРЫ  «Алматы-Шелек-Қорғас тас жолында, 105 шақырымда микроавтобус Тойота жүргізуші рульіне ие бола алмай жолдан аударылып кетті. 4 адам орында қаза тапты. 3 адам ауруханаға жеткізілді»

https://www.youtube.com/embed/tyCjGa-9tfs?si=nuavT59BkhyqvZrT" 

Кез келген өркениетті қоғам үшін сыбайлас жемқорлықпен күрес – ең өзекті мәселенің бірі. Жең ұшынан жалғасқан жемқорлық – заман ағысымен бірге өсіп-өркендеп, мол қаражат және қоғамдық бәсекелестік пайда болған жерлерге тамырын жайып, бүгінге дейін жойылмай отырған кеселдің бірі. Бұл дерт дамушы елдердегідей біздің жас мемлекетімізге де орасан зор нұқсан келтіруде.

Жемқорлыққа қарсы іс-қимыл мәселесі әрдайым Мемлекет басшысының қатаң бақылауында. Ағымдағы жылдың қазіргі кезеңдегі жағдайы бойынша Департаментпен 47 қылмыс, оның 30-ы сыбайлас жемқорлық фактілері бойынша,біреуі білім беру саласындағы жүйелі сыбайлас жемқорлық фактісі, 6-ы пара алу, 8-і пара беру және 2-і парақорлыққа делдал болу фактісі аясында тіркелген.Агенттік мамандарының дерегі бойынша мемлекет қаражатын тиімсіз жұмсау, заңсыз жолмен қалтаға басу білім саласында да жиілеп кеткен.Қазір қатаң бақылау шаралары қолға алынып жатыр.

ДАРЫН ЕСЕТҰЛЫ ҚР СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІНІҢ АЛМАТЫ ОБЛЫСЫ БОЙЫНША ДЕПАРТАМЕНТІНІҢ ПРЕВЕНЦИЯ БАСҚАРМАСЫ БАСШЫСЫНЫҢ ОРЫНБАСАРЫ

Алматы облысы бойынша Сыбайлас жемқорлыққа қарсы іс-қимыл агенттігі білім саласында бір қатар былықтың бетін ашқан болатын.Оған қатысы бар күдікті тұлғалар,тергелу үстінде. Жемқорлыққа қарсы арнайы жиын өткізген агенттік қызметкерлері бір қатар ескерту шараларын қаперге алды. Оның соңы,орны толмас өкінішке айналарын тілге тиек етті.

АЙНАГҮЛ ҮШКЕМПІРОВА АЛМАТЫ ОБЛЫСЫ ТАЛҒАР АУДАНЫ БОЙЫНША БІЛІМ БӨЛІМІНІҢ БАСШЫСЫ

Білім саласында мемлекет қаражатын талан-таражға салып,үптеп кету фактілері әсіресе есепшілер тарапынан тыйылмай отыр. Оны қаншама істі болып жатқан күдіктілерге қарап танып-білуге болады. Жемқорлыққа қарсы Агенттік мамандары тағы да ескерту шараларын тілге тиек етті. Жемқорлықсыз қоғам қалыптастыруға шақырды.